<a href="https://kyzylorda-news.kz/">Kyzylorda-news.kz</a> &nbsp;Бүгін облыс әкімі Нұрлыбек Нәлібаевтың қатысуымен Жалағаш ауданының «Қаракеткен» ауылында «Ауылдық денсаулық сақтауды жаңғырту» ұлттық жобасымен салынған дәрігерлік амбулатория ашылды. Рәсімге облыстағы құқық қорғау органдарының басшылары, медицина саласының ардагерлері, қоғам қайраткерлері мен ауыл тұрғындары қатысты.Аймақ басшысы жиналған қауымды құттықтап, өңірдің әлеуметтік-экономикалық дамуындағы, құрылыс денсаулық сақтау салаларындағы жаңашылдықтарға тоқталды.<blockquote>«Мемлекет басшысының төрағалығыменөткен Үкіметтің кеңейтілген отырысында өңірдің әлеуметтік-экономикалық даму қорытындыларын баяндадым. Президентіміз Қасым-Жомарт Кемелұлы облыста атқарылған жұмыстарға оң бағасын берді. Алдымызда әлі жүзеге асыратын жобаларымыз көп. Осы бағытта жұмысымызды жалғастыратын боламыз.Аймақтың денсаулық сақтау саласының бюджеті 129 млрд. 448 млн. теңгеге жетті. «Ауылда денсаулық сақтауды жаңғырту» ұлттық жобасы аясында барлық ауданда 28 медициналық нысан салынды. Жалағаш ауданының Есет батыр, Мырзабай ахун ауылдарындағы екі дәрігерлік амбулатория 2023 жылы ашылып, қазір ел игілігіне қызмет етуде.Бүгін ел игілігіне табысталатын жаңа ғимаратта бастапқы медициналық көмек көрсету сапасын жақсарта түсуге жол ашылсын! Дәрігерлеріміз елге адал қызмет етіп, халық алғысына бөлене берсін! Егемен еліміздің еңсесі биік, Тәуелсіздігіміз баянды болғай!» – деді Нұрлыбек Машбекұлы.</blockquote>Жиында медицина саласының ардагері,Қызылорда облысының Құрметті азаматы, «Құрмет» және «Парасат» ордендерінің иегері Тұрғанбай Маханов батасын берді. Ауданның әлеуметтік-экономикалық дамуы жолында қажырлы еңбек еткен ардагерлер мен аурухананы салған құрылысшыларға марапаттар тапсырылды.Айта кетейік, өткен жылы Қызылордада жаңа «Қан орталығы» ашылып, бүгінде ел игілігіне қызмет етуде. Жаңақорған ауданы «Төменарық» ауылында, Арал ауданы «Сексеуіл» кентінде ауылдық ауруханалар қолданысқа берілді. Ана мен бала өмірін қорғау мақсатында көпбейінді облыстық аурухана базасында жаңа МРТ аппараты іске қосылып, 70 орындық перинаталдық бөлім ашылды.Облыс орталығында емханасы мен онкологиялық бөлімшесі бар 300 орындық көпбейінді аурухананың құрылысы жүруде. Бұдан бөлек, ұлттық жоба аясында 4 көпбейінді аудандық орталық аурухана жанынан қосымша құрылыс салынады.Өткен жылы 8 медициналық нысанға күрделі жөндеу жұмыстары жүргізілді. Биыл 6 нысанның жылу жүйесі газға ауыстырылады. Медициналық құрал-жабдықтармен қамтылудеңгейі 87,1 пайызға жетті. Соңғы 2 жылда облыстың барлық елді мекеніндегі денсаулық сақтау мекемелеріне 245 жаңа санитарлық автокөлік табысталса, оның 11-і Жалағаш ауданына берілді. Осылайша, ауылдарды санитарлық автокөлікпен қамту мәселесі толық шешілді.Мемлекет басшысының бастамасымен құрылған «Қазақстан халқына» қоры өңірдің денсаулық сақтау саласын дамытуға 4 млрд. теңгеден астам қаржы бағыттады. Бұл қаржыға Арал, Жаңақорған аудандары мен Қызылорда қаласында «Қамқорлық» оңалту орталықтары ашылды. Скрининг жүргізуге арналған жылжымалы медициналық кешен алынып, ауыл тұрғындарын тексеруден өткізуде.<img src="https://knadmin.beoblood.kz/uploads/araketken_auylynda_d_rigerlik_ambulatoriya_pajdalanu_a_berildi_4_38ac86c86a.jpg" alt="«Қаракеткен» ауылында дәрігерлік амбулатория пайдалануға берілді 4.jpg"><img src="https://knadmin.beoblood.kz/uploads/araketken_auylynda_d_rigerlik_ambulatoriya_pajdalanu_a_berildi_2_834e80eed5.jpg" alt="«Қаракеткен» ауылында дәрігерлік амбулатория пайдалануға берілді 2.jpg"><img src="https://knadmin.beoblood.kz/uploads/araketken_auylynda_d_rigerlik_ambulatoriya_pajdalanu_a_berildi_1_6f1394944a.jpg" alt="«Қаракеткен» ауылында дәрігерлік амбулатория пайдалануға берілді 1.jpg">Фото: Қызылорда облысы әкімінің баспасөз қызметі

«Қаракеткен» ауылында дәрігерлік амбулатория пайдалануға берілді

<a href="https://kyzylorda-news.kz/">Kyzylorda-news.kz</a> Міндетті әлеуметтік медициналық сақтандыру (МӘМС) жүйесіне артық төленген жарналарды қайтаруға азаматтардың құқығы бар. Бұл туралы Денсаулық сақтау министрі Ақмарал Әлназарова Мәжілісте өткен Үкімет сағатында мәлімдеді, деп хабарлайды <a href="https://baq.kz/mams-ke-artyq-tolengen-aqshany-qaytaryp-aluga-bolady-200006366/">BAQ.KZ </a>тілшісі.Мәжіліс депутаты Ерлан Саиров министрден екі немесе үш жерде жұмыс істейтін адамдардың МӘМС жарна төлеу тәртібі туралы сұраған еді.<blockquote>Егер азамат бірнеше жерде жұмыс істесе, жарна барлық жұмысынан төленеді. Бірақ ол бір жыл ішінде емханаға мүлде жүгінбесе, ақшасы пайдаланылмай қалады. Бұл әділетсіз. Әрбір азаматқа өз жарналарын бақылау, басқару және қандай медициналық қызметтерді пайдалана алатынын білу құқы берілуі керек. Бұл қаражатты қажет болған жағдайда өз ақшасы ретінде пайдалануға мүмкіндік берілуі қажет, - деді депутат.</blockquote>Денсаулық министрі Ақмарал Әлназарованың айтуынша, сақтандырылған азаматтар қайткен күнде де медициналық қызметті тегін алуға құқылы. Алайда бірнеше жерде жұмыс істейтін адамдардың барлық жұмысынан жарна төленгенімен, оның көлемі белгіленген шектен аспауы тиіс.<blockquote>Егер бірнеше жерде жұмыс істейтін азаматтардың жалпы жарнасы 850 мың теңгеден (10 еселенген ең төменгі жалақы мөлшері) асып кетсе, олар артық төленген соманы қайтарып ала алады. Ол үшін МӘМС-тің жергілікті филиалына өтініш беру жеткілікті, - ведомство басшысы.</blockquote>Бұл шара азаматтардың жарна төлеу әділдігін қамтамасыз етуге және артық төлемдерді бақылауға мүмкіндік береді.Бұған дейін МӘМС жарналарын адамдардың өздері басқару керектігі туралы айтылды. Әлеуметтік медициналық сақтандыру қоры Денсаулық сақтау министрлігінің банкіне айналып кетті деген пікір де айтылды. Мәжіліс депутаты Нартай Аралбайұлы МӘМС жүйесін уақытша тоқтата тұруды ұсынды. Ал Мәжіліс депутаты Асхат Аймағамбетов міндетті әлеуметтік медициналық сақтандыру (МӘМС) жүйесін тоқтату туралы ұсынысты популизм деп санайды.Фото: Нұрболат Нұржаубай

МӘМС-ке артық төленген ақшаны қайтарып алуға болады

<a href="https://kyzylorda-news.kz/">Kyzylorda-news.kz</a> Премьер-министр Олжас Бектенов Үкіметтің кеңейтілген отырысында Дос Сарбасов бастаған қазақстандық ғалымдар ойлап тапқан онкологияға қарсы препарат жыл соңына дейін тіркеуден өтетінін мәлім <a href="https://kaz.inform.kz/news/kazakstandik-galimdardin-onkologiyaga-karsi-dars-biil-trkeuden-oted-152097/">етті.</a><blockquote>- Бір топ қазақстандық ғалым онкологиялық ауруларды емдеуге арналған препарат жасап шығарды. Қазіргі таңда клиникалық сынақтардың екінші фазасы жүріп жатыр. Оны аяқтау және препаратты тіркеу осы жылдың соңына жоспарланған, - деді Олжас Бектенов.</blockquote>Айта кетейік елордада Президент Қасым-Жомарт Тоқаевтың төрағалығымен Үкіметтің кеңейтілген отырысы өтіп жатыр.Онда еліміздің 2024 жылғы әлеуметтік-экономикалық дамуы қорытындыланып, алдағы кезеңге арналған негізгі міндеттер айқындалады.&nbsp;Фото: Нұрболат Нұржаубай

Қазақстандық ғалымдардың онкологияға қарсы дәрісі биыл тіркеуден өтеді  

<a href="https://kyzylorda-news.kz/">Kyzylorda-news.kz</a> Қазіргі хирургияда гибридті аз инвазивті емдеу әдістері жиі қолданылады. Отаның бұл түрі облыстық онкологиялық&nbsp;орталықта&nbsp;қолданылады. Осы және басқа да оталар тегін медициналық көмектің кепілдік берілген көлемі (бұдан әрі – ТМККК) аясында&nbsp;қолжетімді.Қармақшы ауданының тұрғыны Ридван Сәбитовтің өңешіндегі қатерлі ісік ерте сатысында анықталды. Облыстық онкологиялық орталықта 60 жастағы науқасқа гибридті аз инвазивті ота жасалды. Бұл лапароскопиялық және эндоскопиялық&nbsp;әдістердің құрамасы. Отаның бұл түрі ауруханада болу уақытын айтарлықтай қысқартады және бұрынғы өмір салтына тезірек оралады.<blockquote>«Отадан үш күнөткен соң аяғыма тұрдым.Қазір емделіп жатырмын. Барлық процедуралар мен тексерулерден тегін өтемін.Дер кезінде скринингтен, медициналық тексеруден өтуге шақырамын. Мен тамақ пен сусындарды жұту қиын болған кезде алаңдадым. Дереу дәрігерлерге бардым, шұғыл ота жасады»,- дейдіРидван Сәбитов.</blockquote>Дәрігерлер атап өткендей, МӘМС жүйесінде сақтандырылмаған азаматтарға да қолжетімді скринингтік тексерулер мен жылжымалы медициналық кешендердің жұмысының арқасында онкологиялық ауруларды анықтау айтарлықтай өсті.Егер 2023 жылы 1300-ге жуық бастапқы онкологиялық науқас тіркелсе, 2024 жылы облыста олардың саны 2 мыңға дейін өсті. Облыс онкологиялық орталықтың диспансерлік есебінде 5 889 адам тұр.<blockquote>«ҚР бөлінісінде облыста кең таралған қатерлі ісіктердің бірі – өңеш қатерлі ісігі. Аймақта бұл диагнозбен 198 адам есепте тұрса, оның ішінде 79 науқастың бес жылдық өмір сүру көрсеткіші бар. Аз инвазивті отаның кезінде біз ісік пен онымен бірге өңештің бір бөлігін алып тастаймыз, содан кейін асқазанды өңештің қалған бөлігіне дейін созамыз. ТМККК аясында емдеу, сәулелік жәнехимиотерапия, дәрі-дәрмекпен қамтамасыз ету тегін», - дедіоблыстық онкологиялық орталық директорыныңорынбасары Айболат Смағұлов.</blockquote>Әлеуметтік медициналық сақтандыру қорыныңҚызылорда облысы бойынша филиалының ақпараты бойынша, 2024 жылыөңір тұрғындарынаТМККК аясында жалпы сомасы 60,8 млрдтеңгеге 1 млн. астам медициналыққызмет көрсетілді.<img src="https://knadmin.beoblood.kz/uploads/onkoczentr_Smagulov_1_08fa04387e.jpg" alt="онкоцентр Смагулов (1).jpg">

Онкологиялық науқастарға ТМККК аясында аз инвазивті операциялар жасалады

<a href="https://kyzylorda-news.kz/">Kyzylorda-news.kz</a> Міндетті әлеуметтік медициналық сақтандырудың қазіргі моделі медицинаны халыққа қолжетімсіз етіп, шығынды көбейтіп, қаражаттың тиімсіз жұмсалуына әкеліп отыр. Бұл пікірді Мәжіліс депутаты Асхат Аймағамбетов айтып, жүйенің кемшіліктерін сынға алды, деп хабарлады &nbsp;<a href="https://kaz.inform.kz/news/br-adamnin-82-ts-emdelgen-deputat-mams-kemshlkter-turali-efa978/">Қазақпарат </a>ақпараттық агенттігі.<blockquote>− МӘМС бойынша 5 айлық баланың тісі қанқұрттан емделген. Бес айында тісі шықпаған баланы қалай емдеуге болады? Басқа бір адамның 82 тісі емделген, соған қаражат төлесін деп қорға есеп берілген. Сосын бір күнде бір адамға бір аурухана 32 қызмет көрсеттік деп есеп толтырған. МӘМС қаржыландыру жүйесінің өзі артық қызмет көрсету мен «қосып жазуға» итермелейді. Себебі қаражат әр емделген жағдайға емес, әр қызметке төленеді, – дейді Асхат Аймағамбетов.</blockquote>Оның айтуынша, жүйеде нормативтер мен цифрландыру жоқ, ал клиникалық хаттамалар мен стандарттар анық емес.<blockquote>− Тағы бір дәлел, бұрын остеохондрозды рентгенсіз де анықтайтын. Кейін рентген қолданыла басталды. Жарайды, дұрыс. Ал енді қазір остеохондрозды анықтау үшін бір науқасқа рентген, одан кейін КТ, сосын МРТ және басқа да қосымша тексерулер тағайындалады. Бұның бәрі ақша табудың «заңды» жолы. Себебі айтпаса да түсінікті. Неғұрлым көп қызмет көрсетілсе, клиника соғұрлым көп пайда табады. «Осындай бейберекетсіздік біреуге тиімді болып отыр ма?» деген ойда қаласың, – дейді Мәжіліс депутаты.</blockquote>Бүгін Мәжіліс төрағасының орынбасары Дания Еспаева Үкімет сағатында адамдардың медициналық қызметтердің көрсетілуіне қанағаттану деңгейі төмендегенін, МӘМС-ке қатысты берілген нақты ұсыныстар орындалмай отырғанын айтқан еді.Өз баяндамасында Денсаулық сақтау министрі Қазақстанда өлім азайғанын, өмір сүру ұзақтығы артып, саланы қаржыландыру көлемі артқанын айтуда.Сондай-ақ, Ақмарал Әлназарова медициналық сақтандыруға қатысты жаңа заңнамада қандай өзгерістер болатынын айтып берді.Фото: Мәжілістің баспасөз қызметі

Бір адамның 82 тісі «емделген» – депутат МӘМС кемшіліктері туралы

<a href="https://kyzylorda-news.kz/">Kyzylorda-news.kz</a> Әлеуметтік желіде Қызылорда облыстық перинаталдық орталығында босанғаннан кейін ауыр жағдайда түскен әйелге 12 донордан қан құйғаны туралы ақпарат тарады. Әйелге қан құйылған бір айдан кейін оған АИТВ диагнозы қойылған. Оқиға тіркеліп, денсаулық сақтау министрлігіне жолданғаны айтылды. Алайда ауруды жұқтырған адамға мүлдем шара қолданбаған. Дәрігерлер тергеу жүргізудің орнына, медициналық БАҚ-қа жария етпеу туралы ескерту жасалған. Ең сорақысы, науқасқа ақша ұсынылған деген дерек бар. Бұл туралы <a href="https://stan.kz/kizilorda-oblisinda-naukaska-kan-kyyu-kezinde-vich-infe-412930/">Stan.kz</a> ақпарат агенттігі хабарлайды.&nbsp;Қызылорда облысының санитариялық-эпидемиологиялық бақылау департаментінің бақылау басқармасына былтыр 11 желтоқсанда сағат 09.50-де В.20 диагнозы бойынша жедел хабарлама түсті. Алғашқы эпидемиологиялық зерттеу жұмыстарының нәтижесіне сәйкес жаңа босанған әйелге қан құйылған. Себебі әйел босану кезінде көп қан жоғалтып, 12 донордан қан алуға мәжбүр болған. Алайда 1 айдан соң қан реципиенті ретінде АИТВ-ға (Адамның иммунтапшылық вирусы инфекциясы) 14 қарашада 110.2 коды бойынша мамандар қан сынамасы алған.Мәліметтерге сенсек, ИФА, Genscreen HIV және ИХЛА Архитек әдістерімен тексеріліп, нәтижесінде "күмәнді" нәтиже берген. Қызылорда облыстық АИТВ инфекциясының алдын алу орталығының мәліметінше, науқас былтыр 22 қыркүйекте сағат 17:55-те жедел жәрдеммен облыстық перинаталдық орталыққа жүктіліктің 40-аптасында жеткізілген.<blockquote>"2024 жылдың 23 қыркүйегінде сағат 02:25 табиғи жолмен ұл бала босанған. 23 қыркүйекте сағат 04:25-06:00 аралығында жатырдан қан кетуіне байланысты лапаротомия әдісімен бірінші ота жасалған. 23 қыркүйекте 17:00-19:05 аралығында қайтадан жатырдан қан кетуіне байланысты екінші ота жасалған (жуырда жасалған лапаротомия орнында қайта лапаротомия жүргізіліп, оның барысында жатыр экстирпациясы жасалды). 23 қыркүйек пен 16 қазан аралығында облыстық перинаталдық орталықта емін алып, 16 қазан күні үйіне шығарылған", – делінген жазбада.</blockquote>Денсаулық сақтау министрі Ақмарал Әлназарова бұл іске қатысты ведомство тексеру жүргіліп жатқанын мәлімдеді.<blockquote>"Әрине, бұл жағдайда денсаулық сақтау министрлігі тиісті тексерулер жүргізіп жатыр. Сондықтан қазір ешкімнің жауапкершілікке тартылмағаны туралы айту мүмкін емес. Тергеу нәтижелері бойынша тиісті шаралар қабылданады", – деді Ақмарал Әлназарова.</blockquote>Сонымен қатар қызылордалық полиция қылмыстық іс қозғап тергеу жүргізіп жатыр.<blockquote>"Аталған факті бойынша медицина қызметкерінің өз кәсіби міндеттерін тиісінше орындамау белгілері бойынша қылмыстық іс тіркелді. Тергеу жүргізілуде, оның нәтижесі бойынша заңда белгіленген тәртіпте процессуалдық шешім қабылданады", – делінген полиция департаментінің хабарламасында.</blockquote>Фото: Нұрболат Нұржаубай

Қызылордада ауыр босанған әйелге қан құю кезінде "ВИЧ" инфекциясы жұққан

<a href="https://kyzylorda-news.kz/">Kyzylorda-news.kz</a>&nbsp;Байқоңыр қаласының көпбейінді ауруханасына облыс әкімі Нұрлыбек Машбекұлының тапсырмасына сәйкес 405 млн теңгенiң компьютерлік томография аппараты алынды. Жаңа жабдық халыққа сапалы медициналық көмек көрсету жұмысын жандандыра түспек.Қазақстан Республикасы Президентінің «Байқоңыр» кешеніндегі арнаулы өкілі, облыс әкімінің орынбасары Қайрат Нұртай, облыстық денсаулық сақтау басқармасының басшысы Олжас Искаков және Байқоңыр қаласы әкімшілігінің басшысы Константин Бусыгин Байқоңыр қаласының көпбейінді ауруханасындағы компьютерлік томография аппараты кабинетiнiң ашылуына қатысып, ұжымға тілектестік білдірді.Аурухананың бас дәрігерi Сұлтан Кенжебаев пациенттерге сапалы медициналық қызмет көрсету деңгейін жоғарылатудағы жұмыстарды, алдағы жоспарларды атап өтті.Айта кету керек, өткен жылы аурухананың материалдық- техникалық базасын нығайту мақсатында 300,0 млн.теңгеге 1 сандық-маммографиялық жүйе, 1 стационарлық-цифрлық рентгендік флюорография, 10 науқас мониторы, 1ЛОР комбайн, 10 дефибрилятор, 1 анестезиялық тыныс алу аппараты, 2 функционалды керуерт сатып алынды. Оған қоса құны 98,0 млн.теңге болатын 5 санитарлық автокөлікпен қамтамасыз етілді.Жаңадан іске қосылған аппараттар ауруды ерте анықтау, емдеу ісіне тың серпін беріп, қызмет сапасын жақсартады.<img src="https://knadmin.beoblood.kz/uploads/Kompyuterlik_tomografiya_6166f04fad.jpg" alt="Компьютерлік томография.jpg">Фото: Қызылорда облысы әкімінің баспасөз қызметі

Байқоңырдағы көпбейінді аурухана жаңа жабдықпен толықты

<a href="https://kyzylorda-news.kz/">Kyzylorda-news.kz</a>&nbsp;Аймақ басшысы Нұрлыбек Машбекұлының тапсырмасына сәйкес облыс әкімінің бірінші орынбасары Данияр Жаналинов облыстық перинаталдық орталыққа барып, ана мен бала күтiмiндегі, медициналық қызмет көрсетудегі жетістіктерді, жаңадан алынған аппараттарды көрді.Орталықтың бас дәрігерi Олег Ким жұмыс тиімділігін арттыру бағытындағы бастамаларды атап өтті.Айта кету керек, өткен жылы орталықтың материалдық- техникалық базасын нығайтуда 283 млн.теңгеге 1 УДЗ аппараты, 2 өкпені жасанды желдету, 1 анестезиялық-тыныс алу аппараты, 3 операциялық шам, медициналық техникалар және "Voluson E10" эксперт класты медициналық- ультрадыбыстық зерттеу аппараты алынған. Сондай-ақ, мекемеге 49,0 млн.теңгенің 2 санитарлық автокөлігі берілді.Тағы бiр айта кетерлiгi, облыс әкімдігінің қолдауымен өткен жылы облыстық перинаталдық орталық мамандары Мәскеу және Стамбул қалаларында тағылымдамадан өтті.«Неонатальды хирургия» және «Госпитальды фармация» бөлімдері ашылып, «Бір күндік клиника» пилоттық жобасы іске қосылды.Орталықтағы жаңашылдықтармен танысқан Данияр Еренғалиұлы ана мен бала денсаулығын жақсарту бағытындағы жұмыстарға сәттiлiк тiледi.Жаңадан іске қосылған аппараттар мен қолға алынған бастамалар пациенттердің медициналық қызметке қолжетімділігін айтарлықтай жақсартатын болады.Фото: Қызылорда облысының әкімдігі

"Ана мен бала" орталығының жұмысымен танысты

<a href="https://kyzylorda-news.kz/">Kyzylorda-news.kz</a> Уақтылы емдеу – денсаулықты нығайтудың кепілі. Сондықтан күндізгі стационарлар жағдайында медициналық көмек көрсетуге ерекше көңіл бөлінеді. Бұл медициналық қызмет тегін медициналық көмектің кепілдік берілген көлемі (ТМККК) аясында қолжетімді.«ALEXEY SULTAN-AKHMET»&nbsp;емханасына 40 мыңға жуық қызылордалық тіркелген. Олардың қатарында Жетпісбай&nbsp;Ұрқашбаевта&nbsp;бар. Ақсақал жүрек ауруы бойынша есепте тұр. &nbsp;80 жасқа толу қарсаңындкүндізгі стационарда емделуде. Ардагер қарттарға&nbsp;қамқорлық жасағаны және тегін медициналық қызметтерді алу мүмкіндігі үшін алғысын&nbsp;білдіреді.<blockquote>«Осы емханаға тіркелгендіктен, отбасымызбен медициналық қызметтерді аламыз. Диспансерлік есепте тұрғандықтан, дәрі-дәрмектерді аламын. Жылына 1 реткүндізгі стационарда емделемін. Мұнда да екпелер, дәрі-дәрмектер, физиотерапиятегін қарастырылған», - дейді Жетпісбай Ұрқашбаев.</blockquote>Ақсақал зейнеткер, сондықтан мемлекет есебінен МӘМС үшін жарна&nbsp;төленетін жеңіл­дік­ке ие 15 санат қатарына кіреді.Дәрігерлердің айтуынша, күндізгі стационарда ТМККК аясында әлеуметтік маңызы бар, сондай-ақ динамикалық бақылауға жататын созылмалы аурулары бар пациенттерді емдеу қолжетімді.<blockquote>«Динамикалық бақылау – созылмалы аурулармен есепте тұрған &nbsp;науқастардың денсаулық жағдайын жүйелі түрде бақылау. Әлеуметтік маңызды ауруларға туберкулез, гепатит, қатерлі ісіктер, қант диабеті және басқалар жатады. Жоспар бойынша күндізгі стационарда емдеу үшін пациентте учаскелік дәрігердің жолдамасы, зертханалық, аспаптық зерттеулердің нәтижелері, бейінді мамандардың кеңесі болуы тиіс. Сондықтан МӘМС жүйесінде сақтандырылған болу маңызды»,- деп атап өтті бөлімшенің терапевт Гүлназ Әбдікәрімова.</blockquote>Әлеуметтік медициналық сақтандыру қорының Қызылорда облысы бойынша филиалының ақпараты бойынша 2025 жылы жоспарланған бюджет 112,03 млрд теңгені құрады, оның ішінде ТМККК –57,78 млрд теңге (51,58%),МӘМС –54,25 млрд теңге (48,42%).<img src="https://knadmin.beoblood.kz/uploads/ASA_dnev_stacz_415d5a9c12.jpg" alt="АСА днев стац.jpg">

МӘМС: Күндізгі стационардан қандай жағдайда ем алуға болады?

<a href="https://kyzylorda-news.kz/">Kyzylorda-news.kz</a> Бәсекелестікті қорғау және дамыту агенттігі дәрі-дәрмек құнының өсуіне ықпал ететін аспектілерді анықтады. Бұл туралы <a href="https://stan.kz/kazakstanda-dari-darmek-bagasinin-ne-sebepti-oskeni-bel-412755/">Stan.kz </a>ақпарат агенттігі хабарлайды.<blockquote>"Дәрі-дәрмек бағасының жасанды өсуіне жол бермеу мақсатында агенттік фармацевтикалық нарықта жүйелі жұмыс жүргізіп жатыр. Осылайша, дәрі-дәрмектің көтерме сауда нарығындағы бәсекелестік жағдайын талдау аясында дәрі-дәрмек бағасының айтарлықтай өсуіне ықпал ететін проблемалық аспектілер анықталды", – делінген хабарламада.</blockquote>Бәсекелестікті қорғау және дамыту агенттігі дәрі-дәрмек бағасының негізсіз өсуіне денсаулық сақтау министрлігінің нормативтік құқықтық актілерінің жетілдірілмегені және министрлікке қарасты ұйымдардың жұмысындағы кемшіліктер себеп болып отыр деп есептейді.<blockquote>"Шекті бағаларды белгілеудің қазіргі әдістемесі генерикалық дәрілердің бағасын жасанды түрде көтеруге мүмкіндік береді. Ал әлемде мұндай дәрілердің бағасы 30%-ға немесе одан да арзан. Жұмыстағы кемшіліктер көршілес елдердегі бағалармен үстірт салыстырудан көрінеді. Бұл кемшіліктер "Дәрілік заттар мен медициналық мақсаттағы бұйымдарды сараптау ұлттық орталығында" кездеседі. Олар өтініш берушілердің ұсынған деректеріне ғана сүйенеді. Дәрі-дәрмекпен қамтамасыз етуде ашықтық жоқ. "СК-Фармация" компаниясы өндірушілерден тікелей дәрі сатып алуға жеткілікті көңіл бөлмейді. Мұның бәрі бюджет қаражатының артық жұмсалуына әкеледі", – делінген хабарламада.</blockquote>Агенттіктің мәлімдеуінше, "СК-Фармация" компаниясы баға бәсекелестігіне қызығушылық танытпайды. Себебі оның пайдасы сатып алынған дәрілердің бағасына 5%-7% үстеме қосу арқылы есептеледі. Яғни, дәрі бағасы қаншалықты жоғары болса, дистрибьютордың пайдасы да соғұрлым көп болады.<blockquote>"Аталған тәуекелдердің алдын алу мақсатында ведомство Денсаулық сақтау министрлігіне дәрі-дәрмек бағасының негізсіз өсуіне ықпал ететін себептерді жою бойынша шаралар қабылдау қажеттігі туралы ұсынымдар берді. 2024 жылғы 25 желтоқсанда уәкілетті орган дәрілік заттарға шекті бағалар мен үстемелерді белгілеу қағидаларына өзгерістер енгізді, бұл бағаны реттеу тәсілдерін өзгертті. Жоспар бағаға анықтама беру үшін баламалы ақпарат көздерін енгізуді, генериктердің бағасын бастапқы дәрілік препараттың бағасынан 30%-ға төмендетуді, дәрі-дәрмек құнына қосылатын қосымша шығындарды азайтуды және үстеме бағаларды қайта қарауды қамтиды”, – деп мәлімдеді агенттік.</blockquote>Айта кетейік, елімізде алдағы уақытта дәрі-дәрмек құны 10-25%-ға дейін арзандайтыны айтылған болатын.Фото: ҚР Денсаулық сақтау министрлігі

Қазақстанда дәрі-дәрмек бағасының өсу себебі анықталды

<a href="https://kyzylorda-news.kz/">Kyzylorda-news.kz</a> Қазақстанда ТМККК, МӘМС шеңберінде ем алатынпациенттерді қамтамасыз ету үшін &nbsp;және дәріханалардың бөлшек сауда желісінде сатылатын препараттардың шекті құнын төмендетуді көздейтін дәрілік заттардың бағасын реттеудің жаңа тетігі жұмыс істейтін болады, деп хабарлады Денсаулық сақтау вице-министрі Ержан Нұрлыбаев Орталық коммуникациялар қызметінің алаңында өткен баспасөз брифингі барысында.Дәрі-дәрмектің шекті құнын төмендету құралдарының бірі бұрын дәрі-дәрмектің құнына енгізілген қосымша шығыстарды алып тастау болады: маркетинг (30%-ға дейін), көлік (15%-ға дейін) және сапаны бағалау шығындары.Үстеме бағалардың регрессивті шкаласын қайта қарау нәтижесінде оларды қолдану шегі айтарлықтай төмендеді: тегін медициналық көмектің кепілдік берілген көлемі (ТМККК) және міндетті әлеуметтік медициналық сақтандыру (МӘМС) шеңберінде олар 20%-ға дейін, көтерме сату үшін – 25%-ға дейін, ал бөлшек сауда үшін - 30%-ға дейін (бұрын 55%-бен салыстырғанда).Реттеу, шекті бағалар мен үстеме бағаларды қалыптастыру қағидаларының жаңа редакциясында генериктерге бағаны бастапқы дәрілік зат бағасынан 30 %-ға төмендету көзделген.Егер бастапқы препарат нарықта болмаған жағдайда, отандық аналогтың шекті құны импортталатын дәрілердің орташа бағасынан аспауға тиіс. Мұндай саясат бәсекелестікті ынталандыруға және барлық тараптар мүдделерінің теңгерімін қамтамасыз ете отырып, отандық өндірушілер үшін жағдайларды жақсартуға мүмкіндік береді.Жүйенің ашықтығын арттыру үшін мемлекеттік ақпараттық порталдармен, атап айтқанда, Мемлекеттік кірістер комитетімен интеграция енгізілетін болады. Бұл шара дәріханалардың кедендік декларациялары мен кассалық чектерінің деректерін мониторингтеу арқылы дәрілік заттардың бағасын тиімді бақылауға мүмкіндік береді.Сонымен қатар, референттік елдердің тізімі қайта қаралды: 16-ның орнына Түркия, Ресей, Польша, Беларусь және басқалары сияқты экономикалық жағынан салыстырмалы 10 мемлекет кіреді. Бұл әлемдік тәжірибені ескере отырып, бағаларды дәлірек және өзекті талдауға мүмкіндік береді.Ержан Нұрлыбаев атап өткендей, халықты дәрі-дәрмекпен қамтамасыз ету саласындағы заңнамалық бастамалардың негізгі міндеті - бұл дәрі-дәрмек бағасының негізсіз өсуін тежеуге, нарықтың ашықтығы мен әділ бәсекелестікті қамтамасыз етуге мүмкіндік беретін баға белгілеудің тиімді тетіктерін қалыптастыру.Вице-министр сондай-ақ фармацевтикалық нарықта дәрілік заттардың қолжетімділігін арттыру мақсатында Денсаулық сақтау министрлігі монополияға қарсы органмен бірлесіп, Жол картасы шеңберінде көтерме және бөлшек саудада өткізу үшін дәрілік заттардың бағасын кезең-кезеңімен реттеу жөніндегі іс-шаралар жүргізіліп жатқанын еске салды. Осылайша, 2023 жылы бәсекелестік ортаға рецептсіз сатылатын дәрілік заттардың 302 атауы, ал 2024 жылы – рецептсіз сатылатын дәрілік заттардың 952 атауы шығарылды.Тегін медициналық көмектің кепілдік берілген көлемі шеңберінде және 2020 жылғы 11 желтоқсандағы № ҚР ДСМ-247/2020 міндетті әлеуметтік медициналық сақтандыру жүйесінде дәрілік заттар мен медициналық бұйымдарға шекті бағаларды және үстеме бағаны реттеу, қалыптастыру қағидаларына тиісті өзгерістер (бұдан әрі – Қағидалар) қазірдің өзінде ҚР Денсаулық сақтау министрінің 25 желтоқсандағы № 110 бұйрығымен бекітілген.Фото: gov.kz

Жаңа реттеу тетігі дәрі-дәрмек бағасын төмендетеді

<a href="https://kyzylorda-news.kz/">Kyzylorda-news.kz</a> Медициналық және фармацевтикалық департаменті дәріхана қызметінің талап-ережелерінің сақталуын бақылайтынын білеміз.Аталған департамент 2024 жылы жеке және заңды тұлғалардың өтініші бойынша 74 тексеру жүргізген. Жүргізілген тексерулер бойынша тиісті шаралар қаралып, жауаптылар жүйелі жұмыс жасауда. Жыл бойы атқарылған жұмыстарды Медициналық және фармацевтикалық бақылау комитетінің Қызылорда облысы бойынша департаменті басшысының міндетін атқарушы Жанерке Жақсылық баяндап берді.<blockquote>– Жалпы Қызылорда облысы бойынша фармацевтикалық қызметті 522 нысан жүзеге асырады. 2024 жылдың 12 айында Департаментке Тиісті дәріханалық практика GPP талаптарына сәйкестігіне инспекция жүргізуге 28 өтініш түсті. Өткізілген 28 инспекцияның ішінде GPP талаптарына сәйкестігіне 26 сертификат берілді. 2024 жылы фармацевтикалық қызмет саласында мемлекеттік қызмет көрсетуге 457 өтініш келіп түсті. 2024 жылдың 12 айында Департаментке азаматтардың «Е-Өтініш» барлық өтініштерін қабылдау мен өңдеудің бірыңғай платформасы арқылы 67 жолданым келіп түсті,- деді Жанерке Алмасқызы.</blockquote><img src="https://knadmin.beoblood.kz/uploads/d_ri_irlik_1fcb2a5b3a.jpg" alt="дәрі өңірлік.jpg">Фото: Нұрболат Нұржаубай

Қазақстан және Қызылорда облысының жаңалықтары: Денсаулық