<a href="https://kyzylorda-news.kz/">Kyzylorda-news.kz</a>&nbsp; Дәрігер мамандығы қоғамдағы маңызы жоғары мамандықтардың бірі саналады. Алдына ем іздеп келген әр науқастың дертіне дауа болып, ауруынан айығуына сеп болатын дәрігерлерге құрмет қашанда жоғары. Медицина саласының білікті маманы, өз ісінің үздігі болған сонджай жанның бірі – №5 қалалық емханасының травмотолог-ортопед дәрігері Өтегенов Мирамбек Дастанұлы.Білікті дәрігер Мирамбек Дастанұлы 1967 жылы Қызылорда қаласында дүниеге келген. Жастайынан дәрігер болуыды мақсат еткен кейіпкеріміз мектеп бітірген соң 1994 жылы Қарағанды мемлекеттік медицина институтының «Емдеу ісі» мамандығы бойынша білімін жетілдіреді. Мұнан кейін 1994-1996 жылдар аралығында «травмотолог және ортопед» мамандығы бойыншы «Ординатура» дәрежесін бітірген.Ол алғашқы еңбек жолын 2000-2007 жылдары өзі білім алған Қарағанды қаласындағы көпбейінді клиникалық ауруханасында бастайды. Өзіне жүктелген жұмысты жауапкершілікпен атқарып, ел алғысына бөленген дәрігер кейін туған жерде еңбек етуді көздейді. Осылайша, 2007-2011 жылдары Қызылорда қаласындағы ТОО «Intertich» жеке клиникалық емханада дәрігер қызметін атқарады. Білікті дәрігер бұжан кейінгі еңбек&nbsp;жолын 2011-2012 жылдары ТОО «Групп Азия Сервис» мекемесінде дәрігер, 2012 жылдан бастап №5 қалалық емханасына травмотолог-ортопед дәрігері болып жалғастырады.Бүгінде білікті әрі тәжірибелі ақ халатты абзал жан емханада травмотолог -ортопед болып жұмыс жасайды.Ұзақ жылдар бойы медицина саласында абыройлы қызмет етіп келе жатқан дәрігердің бойынан жұмысына деген адалдық пен жауапкершіліктен бөлек, мейірімділік, ізгілік, жігерлілік, жанашырлық сынды асыл қасиеттерді көруге болады. Жас мамандарға білгенін үйретуден жалықпай, көпжылдық тәжірибесімен үнемі бөлісіп отыратын дәрігер отбасында аяулы жарымен бірге төрт ұл,бір қыз, 3 немере тәрбиелеп отырған ардақты әке.Кейіпкеріміз қызмет жолындағы осындай қасиеттері мен еңбегі еленіп ҚР денсаулық сақтау ісінің үздігі атанған.А.Әлім

Қызылорда: Денсаулық саласының үздігі болған дәрігер

<a href="https://kyzylorda-news.kz/">Kyzylorda-news.kz</a>&nbsp; Қызылордадағы №6 қалалық емхананың фтизиопедиатр дәрігері Сейталиева Жанат Әбсәтқызы мамандығын мақтаныш санаған, ісіне адал білікті маман. Оның өзі ісіне деген адалдығы, ақ халатты абзал жан деген атқа кір келтірмей, науқастардың сүйікті дәрігеріне айналған. Бүгінде ол емхананың мақтанышы.Кейіпкеріміз Жанат Әбсатқызы 1969 жылдың 13 мамырында Қызылорда облысы, Арал ауданында дүниеге келген. Ол 1992 жылы Ақтөбе қаласындағы мемлекеттік институтын «Педиатрия» мамандығы бойынша бітірген. 1992-1993 жылдары Қызылорда облыстық ауруханасында «Педиатрия» мамандығы бойынша интернатурадан өтеді. Осыдан соң оның медицина саласындағы кәсіби жолы басталады. Ол алғашқы еңбек жолын 1993 жылы Қызылорда қалалық №5 емханасында аймақтық педиатр, бөлім меңгерушісі қызметінен бастайды. Аиталған емханада 2003 жылға дейін абыройлы еңбек етіп, 2003-2005 жылдар аралығында Қызылорда облыстық балалар ауруханасының зертханашы дәрігері, 2005-2009 жылдар аралығында қалалық және облыстық туберкулезге қарсы диспансерлерде фтизиопедиатр, 2009-2019 жылдар аралығында қалалық туберкулезге қарсы күрес диспансерінде фтизиопедиатр дәрігер, 2019 жылдан бүгінгі күнге дейін №6 емхананың фтизиопедиатр дәрігері қызметін абыроймен атқарып келеді.Кейіпкеріміз өзінің жұмысында жоғары біліктілігі мен жауапкершілігін көрсетіп, әрқашан өз білімін жетілдіріп отырады. Бүгінде ооның медицина саласында 40 жылдық еңбек өтілі бар. Бұл оның үлкен тәжірибесі мен кәсіби шеберлігінің көрсеткіші болса керек.Жанат Сейталиева тек қана жоғары дәрежелі маман ғана емес, сонымен қатар ұжымдық және қоғамдық іс-шараларға белсенді қатысушы. Ол өз жұмысына тиянақты, жанашыр және шынайы түрде қарайды. Оның емделушілермен қарым-қатынасы, олардың денсаулығына деген жанашырлығы әріптестері мен емделушілер арасында құрметке бөлеп келеді. Ол №6 емхананың ұжымында өзін тек жақсы жағынан көрсетіп, халықтың денсаулығын жақсартуға үлкен үлес қосып келеді.А.Әлім

Қызылорда: Өз ісін сүйген дәрігер

<a href="https://kyzylorda-news.kz/">Kyzylorda-news.kz</a> &nbsp;Жастар арасында дәрігер мамандағына қызығушылық қашанда басым болып келеді. Мектеп қабырғасында жүргеннен медицина маманы болуға ұмтылатын ауыл балаларына үлгі атанған Лайла Жүкекова – Шаған елді мекенінің келені. Өзі Жалағаш ауданында 1983 жылы дүниеге келгенмен, арада бірнеше жыл өткеннен кейін Тереңөзек кентіне отбасымен бірге қоныс аударған.Жалпы, Лайла Нажматқызы аудан орталығындағы білімнің қарашаңырағы – №35 Иса Тоқтыбаев атындағы мектеп-лицейде білім алған. Сонымен қатар Ақтөбе қаласындағы М.Оспанов атындағы Батыс Қазақстан мемлекеттік университетінде дәрігер мамандығын меңгерген. Оқу бітіргеннен кейін ол – №2 қалалық емханада қызмет еткен. Кейінгі жылдары Сырдария аудандық ауруханасында, Шаған ауылындағы ауруханада «Жедел жәрдем» дәрігері, күндізгі бөлім меңгерушісі қызметтерін атқарса, бүгінде ауылдық ауруханада жалпы тәжірибелік дәрігер болып жұмыс жасайды.Сала маманының жолдасы Айбек Шарипов №37 мектеп-лицейде мұғалім болып қызмет атқарады. Сала маманы берекелі шаңырақта 4 перзентке тәлім беріп, ерінің бабын табуда.<blockquote>– Шаған ауылында 5000-ға жуық халық бар. Біз қашанда ауыл халқына медициналық көмек көрсету үшін жауапкершілік танытамыз. Әрине, әрбір адамның денсаулық жағдайын саралап, алғашқы көмек көрсетуде асқан жауапкершілік танытамыз, – дейді сала маманы.</blockquote>

Ауыл медицинасына жан бітірген дәрігер

<a href="https://kyzylorda-news.kz/">Kyzylorda-news.kz</a> &nbsp;Медицина саласында біліммен қатар, тәжірибе мен ұйымдастырушылық қабілет – маңызды рөл ойнайды. Соңғы 2 жылда емханаға қарасты «Жалпы тәжірибелік» бөлімге жетекшілік етіп келе жатқан Ақтоты Жақсылықова жемісті жұмыс жасауда. Аядай ғана бөлімшеде 7 аймаққа бөлінген 70 маман халыққа қалтқысыз қызмет етеді. Қашанда халық денсаулығын жақсартуға күш салатын бөлімде жұмыс әрқашан қауырт.«Жалпы тәжірибелік» бөлімнің меңгерушісі Ақтоты Мейрамбекқызы Шаған ауылының тумасы. Тәжірибелі маман ауылдағы білім ошағында ұстаздардан тәлім алып, кейіннен С.Асфендияров атындағы Қазақ Ұлттық медицина университетінде «Педиатр» мамандығын алып шыққан. Ақ халатты абзал жан ең алғаш Ақжарма ауылында жалпы тәжірибелік дәрігер бойынша еңбек жолын бастайды. Сонымен қатар аудандық емханада психиатр-дәрігер, «Жалпы практика» бөлімшесінің меңгерушісі қызметін атқарады.<blockquote>– Осыдан 11 жыл бұрын Шаған ауылындағы ауруханаға жалпы тәжірибелік дәрігер ретінде ауысып, елді мекен тұрғындарына медициналық көмек көрсете білдім. Ал 2022 жылы аудандық емханаға қызметке келіп, «Жалпы тәжірибелік» бөлімнің қызметіне жауапты атанудамын. Күнделікті дәрігерге қаралуға келген тұрғындардың мәселесін шешуге барын саламыз. Әрине, халықты тегін дәрі-дәрмекпен қамтамасыз етіп, диагнозы бойынша мамандарылған дәрігерлерге жолдама береміз, – деді білікті маман.</blockquote>Біздің кейіпкеріміз медицина саласында қыжырлы еңбек ете жүріп, жолдасы Еркін Сәтпаевпен бірге 3 ұл тәрбиелеуде.

Жауапты жұмыста ыждағаттылық танытқан маман

<a href="https://kyzylorda-news.kz/">Kyzylorda-news.kz</a> Ел дамуы динамикасы жергілікті халықтың өсімі мен көрсеткіштері көріністерімен өлшенеді. Денсаулық сақтаудың тиімді жүйесі адами капиталды дамытудың негізгі құрамдас бөлігі болып табылады. Қазақстан халқының санының, азаматтардың өмір сүру ұзақтығының ұзаруы медициналық-демографиялық ахуалдың жақсарумен байланысты. Денсаулық сақтау саласындағы кластерлік әдісті қолданудың перспективаларын арттырып, жаңашылдыққа бой ұрған іргелі ұжым Қазалы аудандық көп бейінді орталық ауруханасы.Жаңарған инфрақұрылым, жаңғырған жүйеБұған дейін тек облыс орталықтарында ғана болған санаулы емдеу мекемесінің аудан орталығынан бой көтеруі денсаулық саласына бөлінген оң көзқарас, ел әлеуетінің көрінісі. Ауданның 54932 адамына жауапты орында Қазалыдан өзге көршілес Байқоңыр қаласы, Арал, Қармақшы ауданы тұрғындарына қызмет көрсетіледі. Озық үлгідегі медициналық-диагностикалық құрал-жабдықтар, керек-жарақтармен қамтылған орында 161 жоғары білдімді дәрігер, 770 орта буын қызметкерлер еңбек етеді. Олардың қатарындағы Денсаулық сақтау саласының үздігі Көбек Наршабай, Бақытгүл Әлішева, Ғалымбек Баймаханов, Серік Айбасов, «Денсаулық сақтау саласына қоқан үлесі үшін төсбелгісінің иегері Раушан Қауовалар бар. Сондай-ақ өзі жоғары санатты дәрігерлер :акушер-гинеколог Айгүл Медетбаева, интервенционды кардиолог, жүрек ақауларына ота жасаудан облыс көлеміндегі санаулы дәрігердің бірі Кенесары Баспаев, кардиолог Ләззат Жұбанова, невропатолог Гүлмария Дәрменова, Жаңыл Барақбаева, реаниамтолог Асылбек Жиенбаев, акушер-гинеколог Сәуле Құтекеевалар тәжірибесі толысқан мамандар.Ауруханада анестезиология және реанимация,&nbsp;терапия,&nbsp;хирургия,&nbsp;гинекология,&nbsp;ақылы емдеу,&nbsp;кардиология,&nbsp;перзентхана,&nbsp;оңалту,&nbsp;балалар бөлімдері бар. 238 төсекті орын тәулігіне 250 тексерілуші қабылдауға қауқарлы. Ауруханаға қарасты емхана терепевт, педиатор, тар сала мамандары:&nbsp;кардиолог,&nbsp;невропотолог,&nbsp;окулист,&nbsp;лор,&nbsp;маммолог,&nbsp;эндикринолог,&nbsp;проктолог,&nbsp;уролог,&nbsp;фтизиатр,&nbsp;стоматолог,&nbsp;балалар невропотологы,&nbsp;нарколог,&nbsp;психиатр,&nbsp;рентгенолог,&nbsp;гинеколог мамандармен қамтылған.Инфрақұрылым игілігін көрген аудан тұрғындары қосымша жаңа аудандық емхана, 17 дәрігерлік амбулатория, 5 фельдшерлі-акушерлік пункт, 14 фельдшерлік бекет мекемелер игілігін көруде.Шалғайдағылар да шет қалмайды. Өткен жылы «Қазақстан халқы» қорынан жылжымалы медициалық кешенге қол жеткізген. Құрамында ренткен, УДЗ, көз, құлақ қуысы, қан қысымын өлшейтін аппараттар бар мамандар кесте бойынша аралап, алыстағы ағайынның ахуалын аңдайды.Осы жылы денсаулық сақтау басқармасының бастамасымен облыстық онкологиялық орталықтан келген әмбебап медициналық кешеннің де көмегі көп болған. Құрамында жапондық жаңа құрылғы компьютерлік тамограф, ультра дыбыстық тексеру аппараттары онкологиялық қатерлі ісікті ерте сатысында анықтау.Барлық баланы профилактикалық медициналық тексеруден өткізу жұмыстары жүйелі жүргізілуде. Аудандағы барлық 37 мектеп медициналық кабинеттермен жабдықталған.Қазір омырау обыры жасарып келеді. Бұл бағытта маммолог маман жасаған тұжырымдама мен оқылымды облыстық мамандар да оқып, науқастың жағдайын жақсаруға бірлесе әрекет жасайды.Егу жұмыстары басқа аудандарға қарғанда жақсы деңгейде.Медицинада тәулік бойынша емдеуден, күндізгі стационармен қамту қамтамасыз етілген.Былтыр Бозкөл, Кәукей, Абай елді мекендерде жаңа дәрігерлік амбулаториялар халық қажеттілігіне ұсынылған.Бірыңғай ұлттық денсаулық сақтау жүйесін енгізу арқылы бұрын тек үлкен қалаларда жасалатын күрделі операцияларды жасауға қол жеткізген. Ангиограф аппараты 2017 жылы республика бойынша аудандар ішінде алғашқы болып алып, жүрек-қан тамырлары жағдайын анықтап, ота жасау жолға қойылған.Материалдық-техникалық жабдықтармен бірге көлікпен қамтамасыз ету мәселелерін шешу көптен маңыздылығ тудырса, биыл 20 жаңа көлік алу жоспарланған.Жүйелі жұмыс толық құрам арқылы жүзе асады. Емдеу орындарында мамандар тапшылығы жоқ.Бүгінде ел бойынша денсаулық сақтау саласын одан әрі жаңғырту, медициналық қызмет пен дәрі-дәрмектердің сапасын жақсарту және олардың халыққа қол жетімді болуын қамтамасыз ету, сондай-ақ, жүйені цифрландыруға ерекше маңыз беріліп отыр.Тегін дәрі-дәрмек қамтамасыз етуде қиындық жоқ.Кез-келген жағдайда науқастың жағдайын жақсартуға телемедицина және қашықтан мониторинг жасау сынды сандық технологиялар мүмкіндігін пайдалану жолға қойылған.Қағазбастылықтан арылған мамандар санды жүйеде жүйелілікке жол ашып, уақыт үнемдеуге мүмкіндік тудырғанын айтуда.Алғашқы медициналық көмек көрсету қашан да маңызды. Қызмет түрі азаматтардың тұрғылықты жеріне қарамастан, бәріне қолжетімді.Жеделдікке жол ашқанЕмханадағы заманауи офтальмолог жарықшақ шамы көз жанары жағдайын терең тексеруге мүмкіндік берген. Сыртқы тексеру кезінде көз бөліктеріне биомикроскопиялық зерттеулер жүргізіп, күшті оптикалық үлкейту арқылы тірі тіндерін тексереді. Жарық шамды тексеру әсіресе контактілі линзаларды үнемі қолданатын адамдар үшін маңызды.Жүрек-қантамыр аурулары Қазақстандағы өлім-жітім себептерінің көшін бастап келеді. Міндетті әлеуметтік медициналық сақтандыру жүйесінде осы аурулардың алдын алу мен емдеуге көп көңіл бөлінеді. Құнды оталарды Қазалы көпсалалы орталық аудандық ауруханасының мамандары қазір ауданда жасайды. Жаңа ангиограф аппараты кез келген тамырдың үш өлшемді көрінісін көрсета алады. Бұл инсульттің алдың алуда маңызды. Қан тамырларын жақыннан көріп, аяқ тамырларының ақауын анықтайды.Мұндағы рентген-эндоваскулярлық бөлімшесінде ай сайын 50-60 ота жасалады. Өткен жылы 523 отаға жүгінгендердің 315-і аудандық азаматтар болса, өзгелері Арал, Қармақшы, Байқоңыр, Қызылорда Төретам, Астана, Ақтөбеден келген. 2024 жылы 281 ота өткен. Емделушілер қатарында Тараз, Ақтөбе, Астаналықтар да бар.Дәрігерлер алда жамбастың варикозды кеңеюіне, аденома және жатыр миомасына оталарды енгізуді жоспарлауда.Аурухананың терапия бөлімі құрамындағы нейроинсульт бөлімшесі 2022 жылы ашылған. Тұрғындар арасында көптеп кездесетін жүрек қан тамыры ауруларын анықтап, алдын алу мақсатында 20 орынға лайықтап ашылған бөлімшеде невропотолог дәрігер Гүлмария Дәрменова түрлі ем-шаралар жүргізеді. Церебральды ангиограф аппаратымен жасалған ота қызметіне жүгінетіндер көбін білдік. Коронография әдісімен аяқ шабы арқылы арнайы дәрілік сұйықтық жіберіліп, бас тамырларын бақылайтын мүмкіндік барын білдік.Ауру ахуалын ерте анықтап, жоғары технологиялық оталар жасауға мүмкіндік беретін ангиографтың арқасында инфаркт, инсульттің алғашқы белгілерінен айыққандар алғысына бөленген рентгенэндоваскулярлық бөлімшесінен көршілес аудандар тұрғындары үзілмейді.<blockquote>– Байқоңыр қаласының тұрғынымын. 2019 жылдан бері жаңа аппаратпен ота жасалғанын естідім. Бұрын Астанаға сабылатынбыз. Қазір келгелі жақсымын, – дейді Омар Әлімбай.</blockquote>Осы жылы аурухана базасында 70 орындық перинаталдық бөлім ашылып, бағасы 646 миллион теңге тұратын МРТ аппараты іске қосылған.Аурухана құрылымындағы жаңа құрылғының бірі ауыз қуысының ақаулары мен тіс ауруларының салдарын тексеретін рентгендік сандық панорамалық аппараты. Оңтүстік Кореяның «Vatech» компаниясының өнімі тіс түбіріндегі асқыну мен салқын тию әсерінен пайда болған ісіну, тістің өзге де ақауларын анық, нақты көрсете алады. Құрылғыға түсіру қызметі ешқандай жас ерекшелігі мен денсаулық жағдайын таңдамайды. Медициналық-санитарлық көмекті модернизациялау мен дамыту мен медициналық оңалту жұмыстарын жандандыруға үнемі көңіл бөлінетін емдеу орны алдағы уақытта да жаңа жабдықтармен қамтылмақ.Орталық аурухананың кардиология бөлімінің меңгерушісі Ләззат Жұбанованың айтуынша, қолданыстағы міндетті әлеуметтік медициналық сақтандыру жүйесі арқылы мүмкіндіктерге мол жол ашылған.<blockquote>– Есептеп қарасаңыз, коронарографияның құны бір науқасқа 500 мың теңге. Ал стентирование салған болса 2 миллион теңге кетеді. Егер науқас порталмен бір күннің ішінде 20-ға дейін науқас түссе, олардың 6-7-сі стенттеуден өтеді. Оларды өздері төлесе, қолжетімсіз. МӘМС мүмкіндіктерін пайдалану тиімді, – дейді ол.</blockquote>2023 жылы скринингтік бақылаудан 12204 адам өтсе, олардан 1026 ауру белгілері табылған. 2024 жылдың 5 айында 8842 жергілікті жан тегін тексеру мүмкіндігін пайдаланған. Жыл ішінде 972 науқас анықталып, сауықтырылған.<blockquote>«Біздің алдымызда тіркелген емделушілерге білікті және мамандандырылған медициналық жәрдем көрсету, аурухананың материалдық-техникалық базасын нығайту, қызметтің тиімді жүйесін арттыру&nbsp;арқылы тіркелген тұлғалардың денсаулығын жақсарту міндеті тұр», – дейді аурухананың бас дәрігері Бақытгүл Әлішева.</blockquote>Денсаулық –әлеуметтік игіліктің жиынтығы.&nbsp;Ұлт саулығы – мемлекеттің басты байлығы пікірін ұстаным еткен ұжым алдағы уақытта да аурды анықтау, олардың алу қағидаттарын одан әрі ілгерілету, медициналық-санитарлық алғашқы көмекті дамыту жөніндегі бірлескен ұсынымдарды дамытуға күш жұмылдырмақ.<img src="https://knadmin.beoblood.kz/uploads/70d0c0cd_b0ef_43a1_ae91_768ef9bd806a_56a01bc477.jpg" alt="70d0c0cd-b0ef-43a1-ae91-768ef9bd806a.jpg"><img src="https://knadmin.beoblood.kz/uploads/46528d4c_2157_4b1c_949a_982e7a49a84d_8f383c0855.jpg" alt="46528d4c-2157-4b1c-949a-982e7a49a84d.jpg">Алтын ҚОСБАРМАҚОВА,Фото: Арайлым ЖҮСІПОВА

Ұлт саулығының ұйытқылары

<a href="https://kyzylorda-news.kz/">Kyzylorda-news.kz</a>&nbsp; Алматы тұрғыны Damumed қосымшасында өзінің есірткіге тәуелділер тізімінде тұрғанын байқап&nbsp;қалған.&nbsp;Бұл туралы&nbsp;<a href="https://stan.kz/almatilik-ayeldi-damumed-te-esirtkige-taueldi-dep-otiri-401587/">Stan.kz&nbsp;</a>ақпарат агенттігі&nbsp;хабарлайды.Мадина перзентханадан шыққанын растайтын құжатты алу&nbsp;үшін Damumed қосымшасын жүктеп алған. Сонда 2019 жылы ол әлеуметтік қызметкерге жүгініп, есірткіге тәуелді болған деп жазған. Қабылдау қағазында науқастың нашақор екені көрсетілген. &nbsp;Онымен психокоррекциялық әңгіме жүргізілді деп жазып беріпті. Бірақ әйел оған бармаған.<blockquote>"Қалай мұндайға баруға болады, сонда қандай да бір есеп беру үшін бе? Мен үшін мұны көру өте ауыр болды, түнімен ұйықтай алмадым. Неге біздің елде адамның құқығы мен деректері қорғалмайтыны алаңдатты.&nbsp;Кез келген медицина қызметкері кіріп, мұны көре алады. Мені тағы бір жерге тіркеп қоймады деп үміттенемін", –&nbsp;деді Мадина.</blockquote>Ол eGov-тан нарколог немесе психиатрда есепте тұрмағаны туралы анықтама сұратып, адвокаттарға жүгінген. Ал №17 қалалық емхана бұл жағдайға сараптама жүргізетінін хабарлады.<blockquote>"Емхананың пациенттерді қолдау қызметі егжей-тегжейлерді анықтау және одан әрі өзара әрекеттесу үшін өтініш берушіге хабарласты. &nbsp;Қазақстан Республикасының "Халық денсаулығы және денсаулық сақтау жүйесі туралы" Кодексінің 273-бабына сәйкес "Медицина қызметкерінің құпиялығы" бойынша барлық ақпарат пен талдау нәтижелері өтініш берушіге жеке беріледі", –&nbsp;деп мәлімдеді аурухана әкімшілігі. &nbsp;</blockquote>Фото: Stan.kz

Алматылық әйелді Damumed-те "есірткіге тәуелді" деп өтірік тіркеген

<a href="https://kyzylorda-news.kz/">Kyzylorda-news.kz</a> Ел дамуы динамикасы жергілікті халықтың өсімі мен көрсеткіштері көріністерімен өлшенеді. Денсаулық сақтаудың тиімді жүйесі адами капиталды дамытудың негізгі құрамдас бөлігі болып табылады. Қазақстан халқының санының, азаматтардың өмір сүру ұзақтығының ұзаруы медициналық-демографиялық ахуалдың жақсарумен байланысты. Денсаулық сақтау саласындағы кластерлік әдісті қолданудың перспективаларын арттырып, жаңашылдыққа бой ұрған іргелі ұжым Қазалы аудандық көпбейінді орталық ауруханасы.Бұған дейін тек, облыс орталықтарында ғана болған санаулы емдеу мекемесінің аудан орталығынан бой көтеруі денсаулық саласына бөлінген оң көзқарас, ел әлеуетінің көрінісі. Ауданның – 54932 адамына жауапты орында Қазалыдан өзге көршілес Байқоңыр қаласы, Арал, Қармақшы ауданы тұрғындарына қызмет көрсетіледі. Озық үлгідегі медициналық-диагностикалық құрал-жабдықтар, керек-жарақтармен қамтылған орында 161 жоғары білдімді дәрігер, 770 орта буын қызметкерлер еңбек етеді. Олардың қатарындағы – Денсаулық сақтау саласының үздігі Көбек Наршабай, Бақытгүл Әлішева, Ғалымбек Баймаханов, Серік Айбасов, «Денсаулық сақтау саласына қоқан үлесі үшін төсбелгісінің иегері Раушан Қауовалар бар. Сондай-ақ, өзі жоғары санатты дәрігерлер: акушер-гинеколог Айгүл Медетбаева, интервенционды кардиолог, жүрек ақауларына ота жасаудан облыс көлеміндегі санаулы дәрігердің бірі – Кенесары Баспаев, кардиолог Ләззат Жұбанова, невропатолог Гүлмария Дәрменова, Жаңыл Барақбаева, реаниматолог Асылбек Жиенбаев, акушер-гинеколог Сәуле Құтекеевалар тәжірибесі толысқан мамандар.Ауруханада анестезиология және реанимация, терапия, хирургия, гинекология, ақылы емдеу, кардиология, перзентхана, оңалту, балалар бөлімдері бар. 238 төсекті орын тәулігіне – 250 тексерілуші қабылдауға қауқарлы. Ауруханаға қарасты емхана терепевт, педиатор, тар сала мамандары: кардиолог, невропотолог, окулист, лор, маммолог, эндикринолог, проктолог, уролог, фтизиатр, стоматолог, балалар невропотологы, нарколог, психиатр, рентгенолог, гинеколог мамандармен қамтылған.Инфрақұрылым игілігін көрген аудан тұрғындары қосымша жаңа аудандық емхана, 17 дәрігерлік амбулатория, 5 фельдшерлі-акушерлік пункт, 14 фельдшерлік бекет мекемелер игілігін көруде.Шалғайдағылар да шет қалмайды. Өткен жылы «Қазақстан халқы» қорынан жылжымалы медициналық кешенге қол жеткізген. Құрамында рентген, УДЗ, көз, құлақ қуысы, қан қысымын өлшейтін аппараттар бар мамандар кесте бойынша аралап, алыстағы ағайынның ахуалын аңдайды.Осы жылы денсаулық сақтау басқармасының бастамасымен облыстық онкологиялық орталықтан келген әмбебап медициналық кешеннің де көмегі көп болған. Құрамында жапондық жаңа құрылғы компьютерлік тамограф, ультра дыбыстық тексеру аппараттары онкологиялық қатерлі ісікті ерте сатысында анықтау.Барлық баланы профилактикалық медициналық тексеруден өткізу жұмыстары жүйелі жүргізілуде. Аудандағы барлық 37 мектеп медициналық кабинеттермен жабдықталған.Қазір омырау обыры жасарып келеді. Бұл бағытта маммолог маман жасаған тұжырымдама мен оқылымды облыстық мамандар да оқып, науқастың жағдайын жақсаруға бірлесе әрекет жасайды.Егу жұмыстары басқа аудандарға қарғанда жақсы деңгейде.Медицинада тәулік бойынша емдеуден, күндізгі стационармен қамту қамтамасыз етілген.Былтыр Бозкөл, Кәукей, Абай елді мекендерде жаңа дәрігерлік амбулаториялар халық қажеттілігіне ұсынылған.Бірыңғай ұлттық денсаулық сақтау жүйесін енгізу арқылы бұрын тек үлкен қалаларда жасалатын күрделі операцияларды жасауға қол жеткізген. Ангиограф аппараты 2017 жылы республика бойынша аудандар ішінде алғашқы болып алып, жүрек-қан тамырлары жағдайын анықтап, ота жасау жолға қойылған.Материалдық-техникалық жабдықтармен бірге, көлікпен қамтамасыз ету мәселелерін шешу көптеген маңыздылығы тудырса, биыл соны шешуге жиырма жаңа көлік алу жоспарланған.Жүйелі жұмыс толық құрам арқылы жүзе асады. Емдеу орындарында мамандар тапшылығы жоқ.Бүгінде ел бойынша денсаулық сақтау саласын одан әрі жаңғырту, медициналық қызмет пен дәрі-дәрмектердің сапасын жақсарту және олардың халыққа қол жетімді болуын қамтамасыз ету, сондай-ақ, жүйені цифрландыруға ерекше маңыз беріліп отыр.Тегін дәрі-дәрмек қамтамасыз етуде қиындық жоқКез-келген жағдайда науқастың жағдайын жақсартуға телемедицина және қашықтан мониторинг жасау сынды сандық технологиялар мүмкіндігін пайдалану жолға қойылған.Қағазбастылықтан арылған мамандар санды жүйеде жүйелілікке жол ашып, уақыт үнемдеуге мүмкіндік тудырғанын айтуда.Алғашқы медициналық көмек көрсету қашан да маңызды. Қызмет түрі азаматтардың тұрғылықты жеріне қарамастан, бәріне қолжетімді.Аурудың алдын алатын аппараттар өмір сүру деңгейін жақсартадыЕмханадағы заманауи офтальмолог жарықшақ шамы көз жанары жағдайын терең тексеруге мүмкіндік берген. Сыртқы тексеру кезінде көз бөліктеріне биомикроскопиялық зерттеулер жүргізіп, күшті оптикалық үлкейту арқылы тірі тіндерін тексереді. Жарық шамды тексеру әсіресе, контактілі линзаларды үнемі қолданатын адамдар үшін маңызды.Жүрек-қантамыр аурулары Қазақстандағы өлім-жітім себептерінің көшін бастап келеді. Міндетті әлеуметтік медициналық сақтандыру жүйесінде осы аурулардың алдын алу мен емдеуге көп көңіл бөлінеді. Құнды оталарды Қазалы көпсалалы орталық аудандық ауруханасының мамандары қазір ауданда жасайды. Жаңа ангиограф аппараты кез келген тамырдың үш өлшемді көрінісін көрсете алады. Бұл инсульттің алдын алуда маңызды. Қан тамырларын жақыннан көріп, аяқ тамырларының ақауын анықтайды.Мұндағы рентген-эндоваскулярлық бөлімшесінде ай сайын – 50-60 ота жасалады. Өткен жылы – 523 отаға жүгінгендердің – 315-і аудандық азаматтар болса, өзгелері Арал, Қармақшы, Байқоңыр, Қызылорда Төретам, Астана, Ақтөбеден келген. 2024 жылы – 281 ота өткен. Емделушілер қатарында – Тараз, Ақтөбе, Астаналықтар да бар.Дәрігерлер алда жамбастың варикозды кеңеюіне, аденома және жатыр миомасына оталарды енгізуді жоспарлауда.Аурухананың терапия бөлімі құрамындағы нейроинсульт бөлімшесі 2022 жылы ашылған. Тұрғындар арасында көптеп кездесетін жүрек қан тамыры ауруларын анықтап, алдын алу мақсатында жиырма орынға лайықтап, ашылған бөлімшеде невропотолог дәрігер Гүлмария Дәрменова түрлі ем-шаралар жүргізеді. Церебральды ангиограф аппаратымен жасалған ота қызметіне жүгінетіндер көбін білдік. Коронография әдісімен аяқ шабы арқылы арнайы дәрілік сұйықтық жіберіліп, бас тамырларын бақылайтын мүмкіндігі тұрғындардың денсаулығын түзеуге септігін тигізуде.Ауру ахуалын ерте анықтап, жоғары технологиялық оталар жасауға мүмкіндік беретін ангиографтың арқасында инфаркт, инсульттің алғашқы белгілерінен айыққандар алғысына бөленген рентгенэндоваскулярлық бөлімшесінен көршілес аудандар тұрғындары үзілмейді.<blockquote>– Байқоңыр қаласының тұрғынымын. 2019 жылдан бері жаңа аппаратпен ота жасалғанын естідім. Бұрын Астанаға сабылатынбыз. Қазір келгелі жақсымын, – дейді Омар Әлімбай.</blockquote>Осы жылы аурухана базасында жетпіс орындық перинаталдық бөлім ашылып, бағасы – 646 миллион теңге тұратын МРТ аппараты іске қосылған.Аурухана құрылымындағы жаңа құрылғының бірі ауыз қуысының ақаулары мен тіс ауруларының салдарын тексеретін рентгендік сандық панорамалық аппараты. Оңтүстік Кореяның «Vatech» компаниясының өнімі тіс түбіріндегі асқыну мен салқын тию әсерінен пайда болған ісіну, тістің өзге де, ақауларын анық, нақты көрсете алады. Құрылғыға түсіру қызметі ешқандай жас ерекшелігі мен денсаулық жағдайын таңдамайды. Медициналық-санитарлық көмекті модернизациялау мен дамыту мен медициналық оңалту жұмыстарын жандандыруға үнемі көңіл бөлінетін емдеу орны алдағы уақытта да жаңа жабдықтармен қамтылмақ.Қазалы аудандық көпбейінді орталық аурухананың кардиология бөлімінің меңгерушісі Ләззат Жұбанованың айтуынша, қолданыстағы міндетті әлеуметтік медициналық сақтандыру жүйесі арқылы мүмкіндіктерге мол жол ашылған.<blockquote>– Есептеп қарасаңыз, коронарографияның құны бір науқасқа 500 мың теңге. Ал стентирование салған болса 2 миллион теңге кетеді. Егер науқас порталмен бір күннің ішінде жиырмаға дейін науқас түссе, олардың – 6-7-сі стенттеуден өтеді. Оларды өздері төлесе, қолжетімсіз. МӘМС мүмкіндіктерін пайдалану тиімді, – дейді Қазалы аудандық көпбейінді орталық аурухананың кардиология бөлімінің меңгерушісі Ләззат Жұбанова.</blockquote>2023 жылы скринингтік бақылаудан – 12204 адам өтсе, олардан – 1026 ауру белгілері табылған. 2024 жылдың 5 айында – 8842 жергілікті жан тегін тексеру мүмкіндігін пайдаланған. Жыл ішінде – 972 науқас анықталып, сауықтырылған.<blockquote>«Біздің алдымызда тіркелген емделушілерге білікті және мамандандырылған медициналық жәрдем көрсету, аурухананың материалдық-техникалық базасын нығайту, қызметтің тиімді жүйесін арттыру арқылы тіркелген тұлғалардың денсаулығын жақсарту міндеті тұр», – дейді Қазалы аудандық көпбейінді орталық аурухананың бас дәрігері Бақытгүл Әлішева.</blockquote>Денсаулық – әлеуметтік игіліктің жиынтығы. Ұлт саулығы – мемлекеттің басты байлығы пікірін ұстаным еткен ұжым алдағы уақытта да, ауруды анықтау, олардың алу қағидаттарын одан әрі ілгерілету, медициналық-санитарлық алғашқы көмекті дамыту жөніндегі бірлескен ұсынымдарды дамытуға күш жұмылдырмақ.

Қазалы: Тегін дәрі-дәрмекпен қамтамасыз етуде қиындық жоқ

<a href="https://kyzylorda-news.kz/">Kyzylorda-news.kz</a> &nbsp;Премьер-министр Олжас Бектеновтің төрағалығымен өткен Үкімет отырысында Мемлекет басшысының тапсырмасына сәйкес әзірленген «Денсаулық сақтау инфрақұрылымын дамытудың 2024-2030 жылдарға арналған тұжырымдамасы» қаралды. Ұзақ мерзімді тұжырымдамаға жаңа нысандар салу, ескірген ғимараттарды қайта жаңғырту, заманауи медициналық құрылғылармен жабдықтау мәселелері енгізілген.Үкімет отырысынан кейінгі арнайы мәжілісте облыс әкімі Нұрлыбек Нәлібаев денсаулық сақтау саласының инфрақұрылымын жетілдіруде қолға алынған, жоспарланған жұмыстарға тоқталды.<blockquote>«Қазір аймақта тұрғындардың медициналық қызметке қолжетімділігін арттыру, сала инфрақұрылымын жетілдіру кешенді жүргізілуде. Өткен жылы «Ауылдық денсаулық сақтауды жаңғырту» ұлттық жобасы аясында елді мекендерде 15 жаңа дәрігерлік амбулатория, 1 медициналық бекет пайдалануға берілді. Қалған 11 нысанның құрылысы жыл соңына дейін аяқталып, ел игілігіне табысталады. Жақын күндері ұлттық жоба аясында Шиелі ауданында 30 төсектік инфекциялық бөлімше құрылысы басталады. Барлық елді мекендердегі денсаулық сақтау ұйымдарына 200 санитарлық автокөлік алынуда. Осы кезге дейін облыстық Қан орталығының жеке ғимараты болмаған. Медицина қызметкерлері күні қарсаңында сол жағалаудағы жаңа Қан орталығын пайдалануға беріп, медицина ұйымдарына 50 санитарлық автокөлік табыстаймыз», – деді аймақ басшысы.</blockquote>Нұрлыбек Машбекұлы жауапты мекеме басшыларына құрылысы қолға алынған, қайта жаңғыртудан, күрделі жөндеуден өтетін нысандардағы жұмыс сапасы мен мерзімін қатаң бақылауды тапсырды. Нысандар ең алдымен халыққа ыңғайлы, жайлы болуы тиіс. Мұнан бөлек, облыстық денсаулық сақтау басқармасының басшысына жаңадан пайдалануға берілетін мекемелерді заманауи, қажетті құрылғылармен толық қамтамасыз ету тапсырылды.Еске салсақ, «Ауыл – ел бесігі» бағдарламасы шеңберінде Қызылорда қаласының Досан ауылында жаңа медициналық бекет, Баймұрат батыр ауылында жаңа дәрігерлік амбулатория пайдалануға берілді. Көпбейінді облыстық аурухана базасында жаңа МРТ аппараты іске қосылып, 70 орындық перинаталдық бөлім ашылды. Жергілікті бюджет есебінен Жаңақорған ауданының Төменарық ауылында дәрігерлік амбулаториясымен қоса 15 төсектік ауылдық аурухана құрылысы жүргізілуде. Облыс орталығында бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы қарқын алды. Биыл 3 млрд. 800 млн. теңгеге 8 медициналық нысанға күрделі жөндеу жүргізіліп, 5 нысанның жылу жүйесі газға ауыстырылады. Сондай-ақ, өткен жылы облыстың денсаулық сақтау ұйымдарына 513 млн. теңгеге 25 жаңа санитарлық автокөлік берілді.

Сыр өңірінде заманауи қан орталығы ел игілігіне табысталмақ

<a href="https://kyzylorda-news.kz/">Kyzylorda-news.kz</a>&nbsp; Ақ халатты абзал жан дегенде өз мамандығына барынша берілген, адамның тәні мен жанын қоса емдейтін білікті дәрігер көз алдыңа келеді. Оның үстіне ол аяулы дәрігер ана деген асыл жандарға қуаныш сыйлап, іңгәлап дүние есігін ашатын нәрестелерді алғаш ыстық алақанымен аялап, ана құшағына ұсынып, ақ жаулықтылардың өміріне жаңалық әкелетін жан болса, ол мамандық иесіне қандай құрмет көрсетсең да жарасымды. Ал біздің бүгінгі кейіпкеріміз Алтынкүл Төлепбергенқызы бүкіл өмірінің шұғылалы сәттерін денсаулық саласының гүлденуіне, ана мен бала саулығына, ұрпақ пен ұлттың көбею жолында тынымсыз еңбек еткен. Білікті дәрігер Қармақшы ауданына қарасты Дауылкөл ауылдық кеңесінде 1951 жылы 5 қазанда дүниеге келген.Әкесі Төлепберген Өмірбаев, анасы Бәтіш Қабылбайқызы Қызылқұм алқабында мал басын көбейтуге атсалысып, мал шаруашылығы саласында ұзақ жылдар бойы абыроймен еңбек еткен. Ата-анасы жемісті еңбектері үшін бірнеше мәрте аудандық кеңес атқару комитетінің мақтау қағаздарымен марапатталған.Осындай өнегелі отбасында дүниеге келген жанның өмір жолына зер салсақ, 1959 жылы Ақжар ауылындағы №28 қазақ орта мектебінің 1-ші сыныбына барып, 1969 жылы Тәйімбет Көмекбаев ауылындағы №185 орта мектепті бітірді. 1 жыл Қуаңдариядағы №186 орта мектепте аға тәлімгер болып жұмыс істейді.Тұлымшағы желбіреген жас қыз онжылдықты бітірісімен бала арманын қанат қылып, өзінің жүрек қалауымен дәрігерлікті таңдаған. Осылайша ол 1970 жылы Ақтөбе қаласындағы медицина институтына түсіп, армандаған мамандығының тереңіне бойлайды. Институт қабырғасында жүріп өзінің жан-жақты белсенділігін көрсетіп, 1976 жылы жоғары оқу орнын ойдағыдай бітіріп, акушер-гинеколог мамандығын алып шығады. Еңбек жолын аудандық емханада дәрігер болып бастап, әйелдер кеңесі, перзентхана, гинекология бөлімдерінің меңгерушісі қызметтерін абыроймен атқарады.<blockquote>–Менің өмір жолымда үнемі жақсылар мен жайсаңдардың жүргеніне шексіз ризамын. Шүкір, жақсы ұстаздар мені еңбек жолымда білмегенімді үйретіп демеді, дәрігерлік мамандықтың құпиясына қанықтырды. Олардың қатарында акушер-гинекологтар Г.Наурызбаева, Б.Қалымбетова, А.Елемесова, А.Төрешбаев, Р.Кәрібаева, Г.Төралиева, хирург Н.Оңайсыновтар бар. Осындай аға буынның үздіксіз тәлім-тәрбиесінің, үздік тәжірибесінің арқасында еңбек жолын аудандық емханада дәрігер болып бастап, әйелдер кеңесі, перзентхана, гинекология бөлімдерінің меңгерушісі қызметтерінде абыройлы еңбек еттім. Бүгінде құрметті еңбек демалысындағы зейнеткермін. Алайда зейнеттемін деп қол қусырып отырмай, өз тәжірибемді жас дәрігерлерге үйретумен келемін, – дейді ол.</blockquote>Иә, осынау өмір тармағында кейбір жандардың пешенесіне осындай жоғары бақ пен биік абырой бұйырады. Бірақ оның бәрі әсте ерен еңбек, жоғары жауапкершілік, өз мамандығына деген құрметпен келеді. Өзі еселі еңбек еткен жылдары ақ халатты мейірімді жан талай нәрестенің кіндік анасы болып, көптің ыстық ықыласы мен батасын алған. Сол аналардың лебізін тыңдау да бір ғанибет!Нұржамал Бектайқызы, Ақжар ауылының әкімі «Алтынкүл дәрігер менің үш баламның кіндік анасы. Ол кісіге алғысым шексіз. Бүгінде 1993 жылы дүниеге келген Нұржан қазір – инженер, 2000 жылғы егіздерім Нұрсұлтан – юрист, Ерсұлтан – экономист. Бұны неге жазып отырмын? Себебі, олардың бойында осы дәрігердей аңқылдаған ақжарқын, жүрегі даладай жанның жылы алақанының, ақжолтай таза пейілінің табы бар деп білемін» десе, дәрігердің шәкірті Әсем Мерекова «Әрбір адамның өзіне тән ғұмыр жолы, тіршілік баяны бар, бірақ еткен еңбек, көрген бейнет, татқан зейнет, алған асу, жеткен биік әркімнің өмірінде әрқилы. Өзінің өнегелі өмір соқпағында сыйластық пен достықтың ұлағатын ұлықтап, үлкенге құрмет, кішіге ізет бола білген жан ол – Алтынкүл Төлепбергенқызы. Менің денсаулық саласындағы ұстазым. Қармақшы ауданының көптеген балаларының кіндік анасы, акушер-гинекологтардың ардақты ұстазы, ақылшы, сыртта жүрсе де акушерлік салаға тілеуші, тілекші. Құлаған жанды жылы сөзімен демей білетін, аналық ақылын айта білетін сондай ақкөңіл, ақжарқын, маған акушер саласының әліппесін үйреткен, қызығушылығымды арттырған, тұлға болуға баулыған ерекше жан. Осынау жылдар ішінде өмірдің талай белесінен табысты өтіп, бүгінде өркен жайған алып бәйтеректей болып, үлкен әулеттің ақылшысы, тілекшісі, алтын діңгегі болып отыр» дейді ол.Иә, «көп тілегі – көл» деген бар ғой. Мұндай алғыс пен батаны қармақшылық аналардың атынан білікті дәрігер, адам жанының арашасысы Алтынкүл Төлепбергенқызы үнемі естіп келеді. Шынында жақсы сөз – жан шырағы, көңіл биігі.Халықтың риясыз көңілінен шыққан ақ батасы қабыл болып, Алтынкүл апамыз бүгінде құрметті еңбек демалысына абыроймен шығып, үлкен әулеттің отанасы, әзиз әжесі болып, жолдасы Ибракім Тасқараев екеуі 4 перзент тәрбиелеп, одан немере сүйіп, ұлағатты ошақтың түтінін түтетіп отыр. Отағасы Ибракім аға болса инженер-гидротехник, эколог, «ҚР Қоршаған ортаны қорғау саласының үздігі», «Қармақшы ауданының Құрметті азаматы».Ел ардақтысы, алтын қолды дәрігер Алтынкүл Төлепбергенқызының медицина саласында ұзақ жылдар еткен еселі еңбегі жоғары бағаланып, ол аудандық, облыстық, республикалық денсаулық сақтау саласының мақтау грамоталарымен, аудан әкімінің алғыс хаттарымен марапатталып, 2011 жылы «Қазақстан Республикасы Денсаулық сақтау саласының үздігі» белгісін өңіріне тақты. Былтыр облыстық перинаталды орталығының 80 жылдығының мерекелік медалін иеленді.Дәрігердің алақанының жылуын сезініп, өмірдің алтын қақпасын ашқан әрбір сәби мен ана өз ісінің шебері, мейірімді жанға өздерінің жүрек түкпіріндегі алғаусыз алғысын жеткізуде. Ал дәрігердің ізгілікке толы жүрегі елі деп еміреніп тұр. Бәлкім дәрігер бақыты деген осы болар.

Ақ халатты абзал жанның адал еңбегі

<a href="https://kyzylorda-news.kz/">Kyzylorda-news.kz</a> Әлемдегі ең ардақты да құрметті мамандықтың бірі – дәрігерлік. Адам ауруы асқынып, дерті дендеп, дауа іздегенде ақ халатты жандарға жүгінері анық. Ал бала ауырғанда шыбын жаныңды шүберекке түйіп, онымен бірге жүрегің сыздайтыны сөзсіз. Ондайда өз ісіне берілген білікті де білімді балалар дәрігері бізге көмекке келеді.Елімізде бала дәрігері деген қастерлі мамандыққа саналы өмірін арнап жүрген ақ халатты абзал жандар аз емес. Солардың бірі - бүлдіршіндерге медициналық көмек көрсетудің сапасын арттыруға барынша үлес қосып жүрген білікті маман Мырзахметова Зульфия Қайырбекқызы.&nbsp;2006 жылы гастроэнтерология бағытында кандидаттық диссертациясын сәтті қорғады. жан жақты маман десек болады. Ол — жоғары санатты педиатр, гастроэнтеролог, токсиколог, аллерголог, иммунолог.&nbsp;Өзінің 30 жылға жуық еңбек жолында талай сәбидің саулығын сақтауға үлес қосып, дертіне дауа тапқан маман, Қызылорда облыстық балалар ауруханасының педиатрия бөлімінің меңгерушісі Зульфия Қайырбекқызының есімі аналар қауымына жақсы таныс.1996 жылы Алматы мемлекеттік медицина институтын да үздіктер қатарында қызыл дипломмен бітірді.Қызылорда облыстық ауруханасының клинико-диагностикалық зертханасында дәрігер-лаборант болып бастады. Одан соң балалар соматикалық бөлімінде педиатр, 1999-2002 жылдар аралығында облыстық медицина орталығында қызмет атқарып, облыстық балалар ауруханасына ауысады. Онда үш жыл еңбек етіп, тәжірибе жинап, экология және балалар бөлімін басқаруға жауапты болып бекітілді. Жауапкершілігі мол педиатрия бөлімін де абыроймен атқарып келеді.Дәрігердің күн-түн демей бала саулығы жолында атқарған еңбегі елеусіз қалған емес. Соның ішінде 2018 жылы ҚР Денсаулық сақтау саласының үздігі атануы ол үшін үлкен стимул болғаны рас.Сырқаттанған әр балаға мейірім төге қарап, ыждағаттылықпен емдеп, қажет кезінде уақытпен санаспай қызмет орнынан табыла білетін Зульфия Қайырбекқызы қарапайым мінезімен, адалдығымен, еңбексүйгіштігімен көптің құрметіне бөленіп келеді.

Балалардың бабын білген дәрігер

<a href="https://kyzylorda-news.kz/">Kyzylorda-news.kz</a> &nbsp;Адам баласы болмысынан бір нәрсеге бейім, икемді келеді.&nbsp;Табиғат жаратылысының кереметтігі де осында болса керек. Жүрек қалауыңмен сүйікті ісіңмен шұғылданып, оны кәдеге жаратып, қоғамға пайдаңды тигізсең одан асқан бақыт та болмас.Менің кейіпкерім Марал Ноғайбекова күнделікті жұмысында қиындықпен бетпе бет кездесіп, оны бір кісідей еңсеріп келе жатқан жан. Қиындық деп отырғанымыз күш пен білекті қажет ететін қара жұмыс емес, өмірге сәби әкелудегі жауапкершілік. Марал Тоқтарқызы – өз мамандығы арқылы ананың перзент сүюіне бірден бір себепкер болып жүрген ақ халатты абзал жан. Адам өмірі арпалысқан сәттің талай мәрте куәсі болған кездің әрбір секундың бес саусағындай біліп, көзінің алдынан өткізетін дәрігер Марал Ноғайбекова – аудандық аурухананың «Гинекология» бөлімшесінің меңгерушісі.Ақ халатты абзал жан Марал Тоқтарқызы армандаған мамандығын меңгеру үшін алдымен медициналық колледжде оқиды. Өзі туып-өскен Талдықорған қаласындағы колледжді бітіргеннен соң, жоғарғы білім алу үшін Қожа Ахмет Яссауи атындағы Халықаралық қазақ-түрік университетінің емдеу ісі факультетіне оқуға түсіп, оны 2007 жылы бітіреді. Осы оқу орнында интернатурадан ойдағыдай өтіп, жалпы тәжірибелі дәрігер мамандығын алады.Болашағын медицинамен байланыстырған жас маман көп балалы отбасында туып-өсті. Оның тоғыз бірдей бауыры бар. Қажымұхан есімді інісімен егіз. Марал көп балалы отбасынан шыққан жалғыз дәрігер. Басқа бауырлары мұғалім, қаржыгер, заңгер, әскери қызметкер мамандығын меңгерген еліміздің азаматтары.2005 жылы Сыр еліне келін болып түскенде Марал әлі студент болатын. Оқуын ойдағыдай аяқтауына оның жаңа отбасы – жұбайы мен ата-енесі көп қамқорлық көрсетті. Әрине, бұл жас отбасы үшін көмектің ең үлкені болғаны рас.Мамандығы арқылы әріптестері арасында сүйіспеншілікке бөленген дәрігер әріптесі Нейла Әбішеваны, облыстық жетекші, жоғарғы санатты акушер-гинеколог Күләш Махантаева мен Алексей Хегайды мақтан етеді. Өз ісіне шын берілген жандардың әрдайым қолдау көрсетіп, тәжірибесімен бөлісуге, кеңес беруге даяр тұратын қасиетін жоғары бағалайды.Бибісара ЖАНӘЛІ

Марал Ноғайбекова:  Ана мен бала денсаулығы – қоғамның баға жетпес байлығы

<a href="https://kyzylorda-news.kz/">Kyzylorda-news.kz</a>&nbsp; Кеше &nbsp;Қызылордада Көпбейінді облыстық ауруханада күрделі екі ота жасалды. Жиырма төрт жастағы азаматшаға 45 жастағы әпкесі донор болды.&nbsp;Реципиенттің диагнозы: терминалды бүйрек жетіспеушілігі. Ол ең алғаш 2018 жылы трансплантация жасатқан. Ол кезде ағасы донор болған. Алайда науқас пандемия кезінде COVID-19 дертіне шалдығып, бүйрек ауруын асқындырып алып, бүгін екінші мәрте жасатты.&nbsp;Отаны Көпбейінді облыстық аурухананың директоры, PhD доктор, трансплатолог Жасұлан Баймаханов, директордың хирургия жөніндегі орынбасары Ербол Серікұлы және А.Н.Сызғанов атындағы Ұлттық ғылыми хирургия орталығының Бүйрек трансплантациясы, урология және нефрология бөлімшесінің білікті мамандары жасады. Білікті мамандар өз тәжірибесімен еліміздің барлық дәрігерлеріне онлайн шеберлік сағаты арқылы бөлісті. Операция сәтті өтті.&nbsp;Қызылорда облысында білікті мамандар артып, күрделі оталар жасалуда. Айта кету керек, бұл аймақта жасалған бесінші бүйрек трансплатациясы.Қазір Қазақстанда донорлық органдарға бес мыңнан астам адам мұқтаж. Қызылорда облысында созылмалы бүйрек жеткіліксіздігі диагнозымен 600-ден астам адам есепте тұр. Оның ішінде гемодиализде - 370 науқас. Созылмалы бүйрек жеткіліксіздігі бар адамдар күн сайын гемодиализ процедурасынан өтуге мәжбүр. Қызылорда бойынша күту тізімінде 191 пациент бар. Сонымен қатар, жыл сайын бұл ауру аймақтың шамамен 100 тұрғынында анықталады.<img src="https://knadmin.beoblood.kz/uploads/f1520a4c_083c_4e4a_b1db_515e599f7185_3e0d2b23aa.jpg" alt="f1520a4c-083c-4e4a-b1db-515e599f7185.jpg">

Қазақстан және Қызылорда облысының жаңалықтары: Денсаулық