<a href="https://kyzylorda-news.kz/">Kyzylorda-news.kz</a> Кеше облыс әкімі Нұрлыбек Нәлібаевтың қатысуымен Тәуелсіздік күніне орай Шиелі ауданының "Тартоғай" және "Алмалы" ауылдарында дәрігерлік амбулатория ашылды.Салтанатты жиындарға облыстық мәслихат төрағасы Мұрат Тілеуімбетов, зиялы қауым өкілдері, жауапты сала басшылары мен ауыл тұрғындары қатысты.Аймақ басшысы жұртшылықты мерекемен құттықтап, жаңа нысандардың ел игілігіне қызмет ететініне сенім білдірді.<blockquote>«Баршаңызды еліміз үшін айтулы мереке - Тәуелсіздік күнімен құттықтаймын!Ұлтымыздың қасиетті де қастерлі мерекесі күні "Тартоғай", "Алмалы" ауылдарында «Ауылдық денсаулық сақтауды жаңғырту» ұлттық жобасы аясында салынған жаңа дәрігерлік амбулаторияны ел игілігіне табыстауға жиналдық. Президентіміздің, Үкіметтің ерекше қолдауының арқасында аймағымыз байыпты бастамалар мен жасампаз жобалардың ордасына айналуда. Өткен11 айдың қорытындысына қарасақ, өңіріміз барлық негізгі макроэкономикалық көрсеткіштер бойынша республикада алдыңғы қатарда. Облыс бюджеті 750 млрд. теңгеден асты. Осыдан екі жарым жыл бұрын аймақ бюджеті 364 млрд. теңге болатын. Өсім 206 пайызды құрады.Дені сау ұрпақ – Әділетті Қазақстанның келешегі. Ұлт саулығын нығайтып, ауыл халқына сапалы медициналық қызмет көрсету - мемлекеттің басты міндеттерінің бірі. Жаңа ғимарат баршаңызға құтты болғай! Еліміз еңселі, тірлігіміз берекелі, Тәуелсіздігіміз мәңгі болсын!», – деді Н.Нәлібаев.</blockquote>Рәсімде облыстық ардагерлер кеңесінің төрағасы Серік Дүйсенбаев, Қазақстан Республикасының еңбек сіңірген қайраткері Қорғанбек Қайруллаев бата беріп, еңбек ардагерлері, дәрігерлік амбулаторияларды салған құрылысшылар облыс әкімінің Алғыс хатымен марапатталды.Биыл облыстың денсаулық сақтау саласының бюджеті 146 млрд. 200 млн. теңгеге жетті.Ұлттық жобамен барлық ауданда 27 медициналық нысан салынуы жоспарланып, өткен жылы 15 жаңа дәрігерлік амбулатория, 1 медициналық бекет пайдалануға берілді. Биыл 9 дәрігерлік амбулатория, 2 фельдшерлік- акушерлік бекет іске қосылады. Оның ішінде, Шиелі ауданында 3 дәрігерлік амбулатория Досбол би, Бала би, "Бұланбай бауы" ауылдарында салынды. Қалған 11 нысанның құрылысы аяқталуда. Бүгін "Тартоғай", "Алмалы" ауылдарында жаңа дәрігерлік амбулаториялар ашылса, "Ортақшыл", Тәжібаев, "Бестам" елді мекендеріндегі медициналық нысандар жақын күндері ел игілігіне табысталады.<img src="https://knadmin.beoblood.kz/uploads/Shieli_audanyny_eki_auylynda_d_rigerlik_ambulatoriya_ashyldy_1_852174b2b8.jpg" alt="Шиелі ауданының екі ауылында дәрігерлік амбулатория ашылды 1.jpg"><img src="https://knadmin.beoblood.kz/uploads/Shieli_audanyny_eki_auylynda_d_rigerlik_ambulatoriya_ashyldy_2_cd8c9e1c89.jpg" alt="Шиелі ауданының екі ауылында дәрігерлік амбулатория ашылды 2.jpg"><img src="https://knadmin.beoblood.kz/uploads/Shieli_audanyny_eki_auylynda_d_rigerlik_ambulatoriya_ashyldy_3_7eaefe9888.jpg" alt="Шиелі ауданының екі ауылында дәрігерлік амбулатория ашылды 3.jpg"><img src="https://knadmin.beoblood.kz/uploads/Shieli_audanyny_eki_auylynda_d_rigerlik_ambulatoriya_ashyldy_947ded1d3c.jpg" alt="Шиелі ауданының екі ауылында дәрігерлік амбулатория ашылды.jpg">Фото: Қызылорда облысы әкімінің баспасөз қызметі

Шиелі ауданының екі ауылында дәрігерлік амбулатория ашылды

<a href="https://kyzylorda-news.kz/">Kyzylorda-news.kz</a> Еліміздегі айшықты мерекелердің бірі – Тәуелсіздік күні аймағымызда 44 сәби дүниеге келді.Тәулік ішінде дүниеге келгендердің 24-i қыз бала болса, 20-сы ұл бала. Оның ішінде бiреуi – егiз нәрестелер.Қазіргі таңда барлық сәбилер мен аналарының жағдайлары дәрігерлердің жіті бақылауында.Мереке күні дүниеге келген балалардың болашақта еліміздің мақтанышына айналар ұл-қыздары болып өсулеріне тілектеспіз!

Тәуелсіздік күні 44 сәби дүниеге келді

<a href="https://kyzylorda-news.kz/">Kyzylorda-news.kz</a> &nbsp;Кеше облыс әкімі Нұрлыбек Нәлібаевтың қатысуымен Тәуелсіздік күніне орай Жаңақорған ауданының "Төменарық" ауылында дәрігерлік амбулаториясымен қоса 15 төсек-орынға арналған ауылдық аурухананың ашылу рәсімі өтті.&nbsp;Салтанатты жиынға облыстық мәслихат төрағасы Мұрат Тілеуімбетов, зиялы қауым өкілдері, жауапты сала басшылары мен ауыл тұрғындары қатысты. Аймақ басшысы жиналған жұртшылықты Тәуелсіздік мерекесімен құттықтады.<blockquote>«Егемен ел болу – бізге тағдыр сыйлаған ұлы бақыт әрі үлкен жауапкершілік. Ұлтымыздың қасиетті де қастерлі мерекесі – Тәуелсіздік күнінде "Төменарық" ауылында дәрігерлік амбулаториясымен қоса 15 төсек-орынға арналған жаңа ауылдық аурухананы ел игілігіне табыстаудамыз. Облысымыздың бюджеті екі жарым жылда 206 пайызға ұлғайып, 750 млрд. теңгеден асты.&nbsp;Бұл ауқымды қаражат аймақтағы ең өзекті деген мәселелерді шешуге, тұрғындардың өмір сүру сапасын арттыруға, ауқымды инфрақұрылымдық жобаларды жүзеге асыруға жұмсалуда.Президентіміз Қасым-Жомарт Кемелұлы денсаулық сақтау саласы айрықша маңызға ие екенін айтып, медицина мамандарының мәртебесі мен беделі жоғары болуы үшін барлық жағдайды жасауды тапсырды."Ауылдық денсаулық сақтауды жаңғырту" ұлттық жобасы аясында өңіріміздің барлық ауданында 27 медициналық нысан салынуы жоспарланып, өткен жылы 16-сы іске қосылды. Оның ішінде, 1 дәрігерлік амбулатория Жаңақорғанның "Қаратөбе" ауылында ашылды. Қалған 11 нысанның құрылысы аяқталуда. Жақын күндері "Бесарық", Әбдіғаппар ауылдарында жаңа дәрігерлік амбулаториялар пайдалануға беріледі. Іске қосылған жаңа нысан азаматтардың өмір сүру сапасын жақсартуға жол ашсын! Ақ халатты абзал жандар - дәрігерлеріміз елге адал қызмет етіп, науқастың дертіне дауа тауып, халық алғысына бөлене берсін!», - деді Нұрлыбек Нәлібаев.</blockquote>Жиында облыстық ардагерлер кеңесінің төрағасы Серік Дүйсенбаев батасын беріп, еңбек ардагерлері мен құрылысшылар облыс әкімінің Алғыс хатымен марапатталды.Айта кетейік, «Ауыл ел - бесігі» бағдарламасы шеңберінде Қызылорда қаласында 1 медициналық бекет, 1 дәрігерлік амбулатория салынды. Жылына 10 мың адамға қызмет көрсететін "Қан орталығы" ашылып, жұмысын бастады.Жыл басында ана мен бала өмірін қорғау мақсатында көпбейінді облыстық аурухана базасында жаңа МРТ аппараты іске қосылып, 70 орындық перинаталдық бөлім ашылды.Облыс орталығында емханасы және онкологиялық бөлімшесі бар 300 орындық көпбейінді аурухана, Арал ауданы Сексеуіл кентінде 40 төсек-орынға арналған ауылдық аурухана құрылысы жүргізілуде. Нысан жақын күндері пайдалануға беріледі. Биыл &nbsp;Жаңақорған ауданында «Қамқорлық» оңалту орталығы іске қосылса, жақын арада осындай орталық Арал ауданында да ашылады. Бұдан бөлек, ұлттық жоба аясында 4 көпбейінді аудандық орталық аурухана жанынан қосымша құрылыс салу жоспарланған. Сондай-ақ, 8 медициналық нысан күрделі жөндеуден өтіп, 6 нысанның жылу жүйесі газға ауыстырылады. Медициналық құрал-жабдықтар сатып алынып, жабдықталу деңгейі 87,1 пайызға көтерілді.&nbsp;2022 жылы халықтың сұранысына сәйкес 45 жедел жәрдем көлігі алынып, облыстық медициналық жедел жәрдем стансасы 100 пайыз қамтамасыз етілді. &nbsp;Соңғы 2 жылда денсаулық сақтау мекемелеріне 225 жаңа санитарлық автокөлік беріліп, елді мекендердің сұранысы толық қамтамасыз етілді. «Қазақстан халқына» қоғамдық қорының өңірге бағыттаған қаржысына облыстық балалар ауруханасы базасында «Қамқорлық» орталығы ашылып, қажетті дәрі-дәрмек алынды. Облыстық онкология орталығына 1 млрд. 100 млн. теңгенің скрининг жүргізуге арналған жылжымалы медициналық кешені берілді. Мұндай кешен республика бойынша 3 облыста ғана бар. &nbsp;<img src="https://knadmin.beoblood.kz/uploads/T_menary_auylynda_d_rigerlik_ambulatoriyasy_bar_auruhana_zh_mysyn_bastady_3_90a1457c60.jpg" alt="Төменарық ауылында дәрігерлік амбулаториясы бар аурухана жұмысын бастады 3.jpg"><img src="https://knadmin.beoblood.kz/uploads/T_menary_auylynda_d_rigerlik_ambulatoriyasy_bar_auruhana_zh_mysyn_bastady_a090f1445d.jpg" alt="Төменарық ауылында дәрігерлік амбулаториясы бар аурухана жұмысын бастады.jpg"><img src="https://knadmin.beoblood.kz/uploads/T_menary_auylynda_d_rigerlik_ambulatoriyasy_bar_auruhana_zh_mysyn_bastady2_54c5ba7e9c.jpg" alt="Төменарық ауылында дәрігерлік амбулаториясы бар аурухана жұмысын бастады2.jpg">Фото: Қызылорда облысы әкімінің баспасөз қызметі

"Төменарық" ауылында дәрігерлік амбулаториясы бар аурухана жұмысын бастады

<a href="https://kyzylorda-news.kz/">Kyzylorda-news.kz</a> Премьер-министрдің орынбасары Тамара Дүйсенова, облыс әкімі Нұрлыбек Нәлібаев облыстық көпбейінді ауруханада медицина қызметкерлерімен кездесті. Жиынға салалық министрліктің өкілдері, өңірдегі денсаулық сақтау саласының қызметкерлері қатысты.Аймақ басшысы Нұрлыбек Нәлібаев мәжілісті жүргізіп, тұрғындарға медициналық қызмет көрсету сапасын арттыру мәселесіне тоқталды.<blockquote>«Мемлекет басшысы Қасым-Жомарт Кемелұлы 2022 жылы Қазақстан Республикасы Президенті лауазымына кіріскеннен кейін ең бірінші «Ауылдық аумақтарды дамытудың 2023-2027 жылдарға арналған тұжырымдамасы туралы» Жарлыққа қол қойды. Елімізде «Ауылда денсаулық сақтауды жаңғырту» ұлттық жобасы, «Ауыл – ел бесігі» мемлекеттік бағдарламасы сәтті жүзеге асырылуда. Биыл облыстың медицина саласына 146 млрд. 200 млн. теңге қаржы бөлініп, ауқымды жұмыстар атқарылуда. Өткен 11 айдың қорытындысымен негізгі көрсеткіштерде оң динамика қалыптасты. «Ауылда денсаулық сақтауды жаңғырту» ұлттық жобасымен 27 медициналық нысан салу жоспарланып, өткен жылы 15 дәрігерлік амбулатория, 1 медициналық бекет ел игілігіне табысталды. Қалған 11 нысанның құрылысы жақын күндері аяқталып, іске қосылады»,- деді Н.Нәлібаев.</blockquote>Мәжілісте Тамара Дүйсенова денсаулық сақтау саласындағы ауқымды жобаларға тоқталып, қатысушылардың ұсыныс-пікірлерін тыңдады. Сонымен қатар, Денсаулық сақтау вице-министрі Тимур Сұлтанғазиев, "Әлеуметтік- медициналық сақтандыру қорының" басқарма төрағасы Әбілқайыр Сқақов, облыстық денсаулық сақтау басқармасының басшысы Олжас Искаков сөз алып, атқарылған жұмыстар мен алдағы міндеттер туралы баяндады.Айта кету керек, өңірімізде 4 млрд. 500 млн. теңгеге төрт көпбейінді аудандық орталық аурухана жанынан қосымша құрылыс салу жоспарланған. Шиелі ауданында 30 төсектік инфекциялық бөлімше, Шиелі көпбейінді ауруханасының қосымша құрылысы басталды. Қалған қосымша құрылыстар келесі жылы бой көтереді.Облыс орталығында 36 млрд. 400 млн. теңгеге емханасы және онкологиялық бөлімшесі бар 300 орындық көпбейінді аурухананың құрылысы жүруде. Арал ауданы Сексеуіл кентінде 40 төсек-орынға, Жаңақорған ауданы Төменарық ауылында дәрігерлік амбулаториямен қоса 15 төсек-орынға арналған ауылдық аурухана құрылысы аяқталды. Жаңа нысандар жақын күндері ел игілігіне табысталады.Ана мен бала өмірін қорғау басты назарда. Жыл басында көпбейінді облыстық аурухана базасында жаңа МРТ аппараты іске қосылып, перинаталдық бөлім ашылды. Жаңақорған ауданында «Қамқорлық» оңалту орталығы пайдалануға берілді. Жақын күндері осындай орталық Арал ауданында ашылатын болады.Соңғы 2 жылда денсаулық сақтау мекемелеріне 225 санитарлық автокөлік табысталды.<img src="https://knadmin.beoblood.kz/uploads/Tamara_Dujsenova_vstretilas_s_kyzylordinskimi_vrachami_1_86fe8a204d.jpg" alt="Тамара Дуйсенова встретилась с кызылординскими врачами 1.jpg"><img src="https://knadmin.beoblood.kz/uploads/Tamara_Dujsenova_vstretilas_s_kyzylordinskimi_vrachami_f7ac30259d.jpg" alt="Тамара Дуйсенова встретилась с кызылординскими врачами.jpg">Фото: Қызылорда облысы әкімінің баспасөз қызметі

Үкімет басшысының орынбасары Қызылордалық дәрігерлермен кездесті

<a href="https://kyzylorda-news.kz/">Kyzylorda-news.kz</a> Арал көп бейінді&nbsp;орталық аудандық ауруханасының дәрігерлері түйенің&nbsp;астында&nbsp;қалған&nbsp;төрт жасар қызды құтқарды.Тамилла әкесімен балабақшадан қайтып келе жатқанда,&nbsp;желіп бара жатқан түйеге тап болады. Жануар сүрініп, оларға&nbsp;бар салмағымен құлайды. Салдарынан бала бас-ми жарақатын алған. Ер адам зардап шеккен жоқ. Кішкентай&nbsp;пациент шұғыл түрде&nbsp;аудандық ауруханаға жеткізілді.<blockquote>«Түйе бар салмағымен қызымның үстіне құлаған. Құдай сақтап, аман қалды. Тамилла ауыр жағдайда болды. Қазір денсаулық жағдайы тұрақтанды. Дәрігерлерге дер кезінде медициналық көмек көрсеткені үшін алғыс айтамын», – дейді анасы Нағима Жұмағалиева.</blockquote>Диагностикалық тексеру кезінде баланың бас сүйегінде&nbsp;шытынау анықталған.<blockquote>«Бала ес-түссіз күйде&nbsp;ауруханаға жеткізілді, құлағынан қан&nbsp;кеткен. КТ арқылы&nbsp;тексеру жүргізілді. Бассүйегінің&nbsp;самай&nbsp;бөлігінде&nbsp;шытынау&nbsp;анықталды. Мида&nbsp;қан&nbsp;ұюы белгілері жоқ. Облыстық балалар ауруханасының нейрохирургтарымен кеңестік. Консервативтіем ұсынылды, науқас бақылауда», -деді Арал аудандық көп бейінді орталық ауруханасының бөлімше меңгерушісі ТұрғанбекЕрсеитов.</blockquote>Бала тиісті емін алып, үйіне шығарылды, деп хабарлады дәрігерлер. Әлеуметтік медициналық сақтандыру қорының облыстық филиалында атап өткендей, 18 жасқа дейінгі балалар жеңілдігі бар санатқа жатады, олар үшін МӘМС аударымдарын мемлекет жасайды. Сондықтан медициналық көмек балаларға толық көлемде қолжетімді.2024 жылы ТМККК және МӘМС шеңберінде Арал көп бейінді орталық аудандық ауруханасына Әлеуметтік медициналық сақтандыру қорынан 7,5 млрд. теңге қаражат бөлінді.<img src="https://knadmin.beoblood.kz/uploads/aral_paczient_2_1_e42ead72e7.png" alt="арал пациент 2 (1).png"><img src="https://knadmin.beoblood.kz/uploads/aral_vrach_0107a82bd8.png" alt="арал врач.png">Фото:freepik.com

Қызылорда облысында 4 жастағы қыз түйенің астында қала жаздады

<a href="https://kyzylorda-news.kz/">Kyzylorda-news.kz</a> 2024 жылдың сәуір айында Қызылорда медициналық жоғары колледжі Латвия мемлекетіндегі Рига медициналық колледжімен Евроодақ деңгейіндегі меморандумға қол қойған болатын. Меморандум аясында ағымдағы жылдың 2-шi желтоқсанында облыстық денсаулық сақтау басқармасының басшысы Олжас Искаков, көпбейінді облыстық аурухананың бас дәрігері &nbsp;Жасұлан Баймаханов және Қызылорда медициналық жоғары колледжінiң директоры Жанар Қалмақова &nbsp;Латвия елінде өткен халықаралық конференцияға қатысты.Конференцияда колледж директоры Жанар Амангелдіқызы Словакия, Молдавия, Болгария т.б. елдердің медицина мамандары алдында баяндама жасады. Сондай-ақ, іс-сапар барысында аймақтың бас дәрігері Олжас Ермекұлы бастаған конференцияға қатысушылар медициналық білім мен тәжірибе алмасу мақсатында Латвияның емдеу мекемелерінде болып, одан әрі Латвия Денсаулық сақтау министрлігінің өкілдерімен кездестi. Кездесуде бiлiм беру саласындағы медицина қызметкерлерінің одан әрі ынтымақтастығын талқылаумен катар, өзге де маңызды жоспарларға келiсiм жасалды.&nbsp;Меморандум аясында оқу жылының ІІ-шi жартыжылдығында медицина колледжінің білім алушылары академиялық ұтқырлық мақсатында Рига медициналық колледжінде оқуларын жалғастырмақ.2024 жылдың сәуір айында Қызылорда медициналық жоғары колледжі Латвия мемлекетіндегі Рига медициналық колледжімен Евроодақ деңгейіндегі меморандумға қол қойған болатын. Меморандум аясында ағымдағы жылдың 2-шi желтоқсанында облыстық денсаулық сақтау басқармасының басшысы Искаков Олжас Ермекұлы, көпбейінді облыстық аурухананың бас дәрігері Баймаханов Жасұлан Болатбекұлы және Қызылорда медициналық жоғары колледжінiң директоры Қалмақова Жанар Амангелдіқызы Латвия елінде өткен халықаралық конференцияға қатысты.Конференцияда колледж директоры Жанар Амангелдіқызы Словакия, Молдавия, Болгария т.б. елдердің медицина мамандары алдында баяндама жасады.Сондай-ақ, іс-сапар барысында аймақтың бас дәрігері Олжас Ермекұлы бастаған конференцияға қатысушылар медициналық білім мен тәжірибе алмасу мақсатында Латвияның емдеу мекемелерінде болып, одан әрі Латвия Денсаулық сақтау министрлігінің өкілдерімен кездестi. Кездесуде бiлiм беру саласындағы медицина қызметкерлерінің одан әрі ынтымақтастығын талқылаумен катар, өзге де маңызды жоспарларға келiсiм жасалды.Меморандум аясында оқу жылының ІІ-шi жартыжылдығында медицина колледжінің білім алушылары академиялық ұтқырлық мақсатында Рига медициналық колледжінде оқуларын жалғастырмақ.<img src="https://knadmin.beoblood.kz/uploads/LATVI_Ya_MEMLEKETI_Zh_A_A_M_MKINDIKTERGE_Zh_OL_A_Sh_TY_92df4316c3.jpg" alt="ЛАТВИЯ МЕМЛЕКЕТІ ЖАҢА МҮМКІНДІКТЕРГЕ ЖОЛ АШТЫ.jpg">

Латвия мемлекеті жаңа мүмкіндіктерге жол ашты

<a href="https://kyzylorda-news.kz/">Kyzylorda-news.kz</a> Жаңа туған нәрестенің орталық жүйке жүйесінің зақымдануы – бұл жүктілік кезінде немесе босану барысында болған әртүрлі факторлардың әсерінен туындайтын патологиялық жағдай. Ол нәрестенің миының немесе жұлынның құрылымы мен қызметінің бұзылуына алып келуі мүмкін. Мұндай зақымдану нәрестеде қозғалыс, сенсорлық немесе когнитивтік функциялардың бұзылуын тудырады.&nbsp;Нәрестедегі орталық жүйке жүйесінің зақымдануы ана денсаулығымен тікелей байланысты. Оған анасының жүктілік кезінде жұқпалы аурулармен ауыруы, жүктіліктің ауыр өтуі немесе токсикоз, оттегі жетіспеушілігі, босану кезіндегі жарақаттар, генетикалық факторлар, темекі шегуі, алкогольге тәуелділік, есірткі қолдануы сынды жайттар әсер етеді. Бала дамуындағы ақау барын ата-анасы нәрестедегі қалыпты рефлекстердің төмендеуі немесе жоқ болуы, бұлшық ет тонусының бұзылуы, тремор немесе тырыспа, қозғалыстың бұзылуы, дамудың кешігуі сынды әрекеттерден байқауына болады. Егер сәбиіңізден осындай кемшіліктерді байқасаңыз дереу дәрігердің көмегін жүгінген жөн.&nbsp;Мамандар сәбиге толық тексеру жасау үшін ультрадыбыстық зерттеу, магнитті-резонанстық томография, нейросонография сияқты заманауи әдістерді қолданады. Патологияның ауырлығына байланысты емдеу тәсілін таңдайды. Сонымен бірге дәрі-дәрмек терапиясы, физиотерапия, массаж, ерте дамытушы жаттығулар сынды ем шара жүргізеді. Орталық жүйке жүйесінің зақымдану ерте кезеңде анықталып, дұрыс диагноз қойылса баланың денсаулығын жақсартуға болады. Әсіресе, дәрігердің кешенді ем-дом жүргізуі баланың сауығып кетуіне үлкен септігін тигізеді.&nbsp;&nbsp;Шынар Ахметова,&nbsp;Жанна Қалдыбаева,Қызылорда облыстық перинаталдық орталығының неонатолог-дәрігеріфото. tolqyn.kz

Жаңа туған баладағы орталық жүйке жүйесінің зақымдануы

<a href="https://kyzylorda-news.kz/">Kyzylorda-news.kz</a> Ақтөбеде аулаға жүгіріп шығып, ойын алаңына қарай беттеген 3 жасар қыз көлік астына түсіп қалды. Рөлде болған адам ішімдік <a href="https://kaz.inform.kz/news/zhagdayi-auir-aktobede-3-zhasar-kizdi-kolk-basip-kett-14e943/">ішпеген</a>.Оқиға Ақтөбе қаласы Есет батыр тұрғын алабында болды. Облыстық ПД баспасөз қызметінің хабарлауынша, 29 жастағы жүргізуші ішімдік ішпеген.<blockquote>– 1 желтоқсан күні сағат 15:20–да Toyota көлігінің жүргізушісі 2021 жылы туған қыз баланы қағып кетті. Қазіргі кезде бала ауруханада. Осы оқиғаға байланысты Қылмыстық кодекстің 345-бабы бойынша іс қозғалды, тергеу жүріп жатыр, – деді Ақтөбе облыстық ПД баспасөз қызметі.</blockquote>Фото: Виктор Федюнин/Kazinform

«Жағдайы ауыр». Ақтөбеде 3 жасар қызды көлік басып кетті 

<a href="https://kyzylorda-news.kz/">Kyzylorda-news.kz</a> ЖИТС – жүре пайда болған иммун тапшылығы вирусы. Бұл толық таусылған адам ағзасында кездесетін және бір-біріне қабаттасатын ауыр аурулардан қорғай алмайтын АИТВ инфекциясының дамуының соңғы сатысы. ЖИТС кезеңінде дененің әртүрлі мүшелері мен жүйелерінің қайтымсыз және өмірге сәйкес келмейтін зақымдануы орын алады. &nbsp;1 желтоқсан – Дүниежүзілік ЖИТС-ке қарсы күрес күні. Осыған орай бүгін Өңірлік коммуникациялар қызметінің ақпарат алаңында облыстық АИТВ инфекциясының алдын алу орталығы бас дәрігерінің орынбасары Шолпан Утегенова аурудың алдын алу жолдары туралы айтты.<blockquote>– Синдром – белгілі бір аурулардың жиынтығы. ЖИТС АИТВ – инфекциясын жұқтырған адамдарда дамиды және осы аурудың соңғы кезеңі болып табылады. Ол адам денесінің әр жерін, ең бастысы – иммундық жүйесін жаулап алады. АИТВ жұқтырған және ЖИТС-пен ауырған бірдей емес. АИТВ жұқтырған сәттен ЖИТС даму ұзақтығы 7 жылдан 15 жылға, одан да көп уақытқа созылуы мүмкін. Жалпы, АИТВ-инфекциясы 3 жолмен жұғады. Біздің облыс бұл аурумен тіркелгендер саны бойынша республикада ең төменгі орында тұр. Негізі СПИД дерті жасы, жынысы, әлеуметтік жағдайына қарамайтын ауру түрі. АИТВ инфекциясын жұқтырған азаматтардың құқықтары ҚР-ның заңнамаларымен толық қорғалған. Жаңадан анықталған &nbsp; АИТВ-жұқтырғандарға бірінші психолог дәрігер кеңесі беріледі. АИТВ-статусы айтылып, есепке алынады және тексерулер жүргізіледі. Ал, АИТВ-инфекциясының 4 клиникалық стадиясы бар. І клиникалық сатысы – симптомсыз саты деп аталады. Бұл кезеңде бір немесе бірнеше лимфа түйіндері ұлғаюы мүмкін. ІІ клиникалық сатысы кезінде дене салмағы 10 пайызға дейін түссе, ІІІ сатысында 1 айдан ұзақ уақыт диарея мен қызба пайда болып, үдемелі кандидозды стоматит, тілдің шашты лейкоплакиясы, өкпе туберкулезі жиі кездеседі. Сондай-ақ, ІV кезеңде терең иммунды жетіспеушілік жағдайы туындап, оппортунисті инфекциялар, ісіктер, кахексия, деменция пайда болады. АИТВ-инфекциясының алдын алу үшін егетін вакцина болмағандықтан, халық арасында санитарлық ағарту тұрақты түрде жұмыстарын жүргізу, яғни түрлі семинарлар, дөңгелек үстел, тренингтер мен кездесу кештері, &nbsp;акциялар&nbsp;өткізіліп тұрады,- деді Шолпан Жеңісбекқызы.</blockquote>

1 желтоқсан – Дүниежүзілік  ЖИТС-ке қарсы күрес күні

<a href="https://kyzylorda-news.kz/">Kyzylorda-news.kz</a>&nbsp; Кәсіптік білім берудің бастапқы сатысы – колледждер. Қызылорда облысында олардың саны - 16. Zoom конференциясы барысында орта білім беру ұйымдарының педагогтары мен студенттерімен міндетті әлеуметтік медициналық сақтандыру жүйесінің өзекті мәселелері талқыланды.Әлеуметтік медициналық сақтандыру қорының облыстық филиалының бөлім басшысы Ғалымжан Салықовтың айтуынша, облыс халқының 83 пайызға жуығы МӘМС жүйесінде сақтандырылған. Олардың қатарында күндізгі бөлімде оқитын студенттер бар. Студенттер мемлекет тарапынан сақтандырылатын 15 жеңілдікті санатқа кіреді.Сондай-ақ, спикер егер студент МӘМС-те сақтандырылмаған болса, оқу орнының деканатына хабарласып, мәліметтерді Ұлттық білім беру деректер базасына енгізуді талап ету керектігін атап өтті.Конференция соңында спикер сұрақтарға жауап берді.

Колледж студенттері МӘМС жүйесінде сақтандырылған

<a href="https://kyzylorda-news.kz/">Kyzylorda-news.kz</a> &nbsp;Қазақстанда дәріханаларға үлкен көмек беретін NS Pharm тегін мобильді қосымшасы әзірленді. Бұл қосымша таңбаланатын тауармен жұмыс істеуді жеңілдетеді әрі тіпті шалғай ауыл-аймақтардағы шағын дәріханалар&nbsp;үшін де <a href="https://stan.kz/endi-kazakstandik-darihanalarga-dari-darmekterdi-tanbal-409950/">қолжетімді</a>. Фармацевтикалық бизнеске арналған бұл заманауи цифрлық шешім барлық заңнамалық талаптарға сай келеді. Жабдық шығындарды азайтып, күрделі IT әдістерді қолдау қажеттігін жояды.<blockquote>«Енді телефон арқылы таңбаланған дәрі-дәрмектермен оңай жұмыс істей аламын. Телефоным Android, оған Ismet және NS Pharm қосымшаларын жүктеп алдым. Құжаттарды екі қосымшада да қабылдаймын. Күрделі ештеңесі жоқ. Енді таңбаланған дәрі-дәрмектермен жұмыс істеу үшін дербес компьютер қажет емес», – деп бөлісті Қызылорда облысы Арал ауданы Сексеуіл ауылының фармацевті және дәріхана меңгерушісі Динара Төлегенова.</blockquote>Мобильді қосымша (Play Market, <a href="https://apps.apple.com/kz/app/ns-pharm/id6480511633">App Store</a>) енді компанияны толық тіркеуді, соның ішінде офертаға қол қою мүмкіндігін қолдайды. Қосымшаның кейінгі жаңартылған түріне пайдаланушы телефон арқылы тіркеле алады. Сондай-ақ, сервисте есепке алу ыңғайлы болуы үшін тауарды айналымнан шығару туралы құжат жасауға болады.<blockquote>«Біз интернеті жоқ, тек смартфон қолжетімді ауылдық округтердегі және шалғай елді мекендердегі дәріханалар үшін арнайы NS Pharm мобильді қосымшасын әзірлеп енгіздік. Оның көмегімен фармацевт тауарды қабылдап, құжаттарға тікелей жеке кабинетте қол қоя алады», – деп түсіндірді Тауарларды таңбалау мен қадағалаудың бірыңғай операторы жобасының жетекшісі Анар Карибаева.</blockquote>Тағы бір айта кететін маңызды жайт, қосымшада тауардың сәйкестігі мен таңбалау кодын тексеру мүмкіндігі бар. Кодты сканерлеу арқылы оның алынған немесе алынбаған өнім екенін бірден білуге болады. Бұл әсіресе дәрілік заттардың есебін жүргізу дәлдігі үшін өте маңызды.<blockquote>«Мобильді қосымша үнемі жетіліп отырады. Енді дәріханада компьютер болмаса да, тауарды қабылдауға және таңбаны тексеруге мүмкіндік бар. Бұл жұмысты жеңілдетеді және процесті қолжетімді етеді», – деп нақтылады Карибаева.</blockquote>NS Pharm қосымшасы қазақстандық дәріханаларға тауарларды таңбалау мен қадағалау талаптарына оңай бейімделуге мүмкіндік береді. Тіркеуден бастап дәрі-дәрмектермен қосымша арқылы жұмыс істеудің барлық процесін мына жердегі<a href="https://www.youtube.com/@markriovkakz/videos"> видеолардан</a> көріп үйренуге болады. Шифрлау саласындағы соңғы әзірлемелердің арқасында компаниялар мен пайдаланушылардың барлық дербес деректері қорғалады.Еске сала кетейік, Қазақстанда дәрі-дәрмектерді таңбалау жүйесі енгізілген сәттен бастап төрт айда 66,2 миллион препараттың қаптамасына таңбалау кодтары жазылды. Оның ішінде 39,3 миллион қаптама импорттық препараттардың, 29,4 миллион отандық өндірістің үлесіне тиесілі. Қазір айналымда 28,5 миллион түрлі дәрі-дәрмек бар.Фото: pixabay.com

Енді қазақстандық дәріханаларға дәрі-дәрмектерді таңбалау үшін компьютер қажет емес

<a href="https://kyzylorda-news.kz/">Kyzylorda-news.kz</a> Қазіргі таңда жан бағудың қамымен жанталасып жүрген біздің толқынның арасында өскелең ұрпақтың денсаулығын ойлап жүрген жан бар ма екен?! Бала – біздің болашағымыз дейміз. Ал сол балдырғанның саулығына аса мән беріп қарап жүрміз бе? Бүгінде балалар арасындағы көздің көру қабілетінің төмендеуі күрделі мәселенің бірі болып отыр. Дәрігерлердің айтуына қарағанда, балалар арасында ең көп кездесетін дерт – анемия. Екінші орында – көз аурулары.&nbsp;Көз – адамның көру мүшесінің ең нәзік әрі өте күрделі, жанды жері. Тәндегі өзге сырқаттың да жанардың кемуіне жанама әсерлері көп. Әсіресе, сусамыр және жүйке аурулары. Сондай-ақ мектеп жасындағы балалар ішінде ішкі без аураларымен ауыратын балалардың саны жыл өткен сайын белең алуда. Бұл да өзекті мәселе. Тіпті тілі шықпаған балалардың өзі таң атқаннан кешке дейін теледидар, ұялы телефон қарайды. Бесіктен белі шықпай жатып, планшет, компьютер, ұялы телефонға әуес балалардың көз ауруы қаупі күшейетіндігін ешкім ескере қоймайды. Мұны да ата-ана елеусіз қалдырмаса екен. Осы тақырып аясында аудандағы біраз ата-анамен тілдесіп көрген едік, 100 пайызы бұның дұрыс емес екенін жеткізді. – Расымен, күйбең тіршіліктің әсерінен кейде балаларымызға уақыт таппаймыз. Бірақ, соңғы кездері баламның денсаулығына аса мән беріп қарайтын болдым. Кейде ойлап қарайсың, бұрынғының балалары қолы-аяққа тұрмайтын қағілез еді. Қазіргілердің қолына ұялы телефонды беріп қойсаң болды, өзімен-өзі алданып отырады. Тіпті, жылауын қойса екен деп біз де оған телефонды ұстатқызып қоямыз. Алайда, ол балаға психологиялық тұрғыдан қатты әсер етеді екен, – деді көпбалалы ана Әсем. Шынында, халық жасанды тамаққа жақын болып кетті. Дастарқанда дәмді ет тұрса да, кішкентай балалар ет жей бермейді. Ал сапасы күмәнді жасанды тамақтар табиғи астың құнарын ауыстыра алмайды. Одан қалды фаст-фуд, бургер, пицца бар. Білікті дәрігерлердің айтуынша, тамақтану дұрыс болмаған соң, ішек дұрыс жұмыс істемейді. Осыдан барып, әлжуаз балалар шыға келеді. Қазақстан офтальмологтарының мәліметінше, мектеп оқушыларының 70-80 пайызының көзі дұрыс көрмейді. Себебі неде? Балалар арасында миопия яғни, алыстан көрмеушілік жылдан-жылға артып отыр. Статистикаға қарағанда елде әрбір 5-ші бала алыстан көрмейді. Офтальмологтар мұның себебін көзге шектен тыс салмақ түсірумен байланыстырып отыр. Олардың айтуынша, балалардың көз жанарын сақтау үшін гаджеттерді қолдануды шектеу керек. Ал әлемде қалай? Өркениеті дамыған, техникаға мығым, жаһандағы жаңалықтың денін ойлап тауып жатқан Корея елінде де бүлдіршіндер көз ауруына шалдыға бастапты. Мұның барлығы сол техникадан келген зауал. Есесіне, бұл мәселені қалай шешу керек екенін білетін корей ағайын елінің ертеңі үшін басым техникадан арылтып, балаларды жаппай кітап оқуға көшіріп жатқан көрінеді. Біріншіден, кітап – тасқа басылған ұшан-теңіз білім болса, екіншіден көз жаттығады, көру қабілеті артады. Әрине, ғылыми есепке салып, бағамдайтын корейлер 6-7 жас аралығындағы балаларына небары 10 минут компьютермен айналысуға рұқсат береді. 8-9-дан асқандарының өзі тәулігіне 15 минут қана. Тіпті мектеп оқушылары да айталық, 8-9 сыныптағы жеткіншектер тәулігіне 20-25 минут қана айналысады.&nbsp;Ел болашағын ойлау деген осы болса керек.Маман пікіріСветлана Есболова, офтальмологНегізі 18 жасқа дейінгі балалар арасында нашар көрушілік көп. Тіпті жас бүлдіршіндерде көз ауруы өршіп тұр. Оның себебі балалар ұялы телефон, компьютер, теледидар алдында уақытының көп бөлігін өткізеді. Қараңғыда смартфонға үңіліп, жан-жағына қарамайды. Ал қараңғы уақытта смартфонға қарау зиян. Компьютер мен смартфондарды қолданған кезде арнайы ережені сақтау керек. Оны біздің балалар сақтамайды. Мәселен, компьютер алдында 1-2 сағаттан аса отыруға болмайды. Әр екі сағат сайын 15 минуттан көзді демалдырып, көз жаттығуын жасау қажет. Ал аудандағы жағдай бірқалыпты. Десе де күніне 3-4 баладан ем қабылдауға келеді. Көбінесе өңірде шала туылған балалардың көз түбіндегі қантамырларының жетіспеушігінен балдырғандар ем-домын өткізеді. Ол үшін біз де оларды ай сайын тексерістен өткіземіз. Сіздерге шағын кеңесім болсын: кез келген адам телефон, гаджет, компьютерді қолданған соң міндетті түрде 20 минуттай демалыс беруі керек. Мүмкіндік болса, таза ауаға шығып, 20 минуттай тыныққан дұрыс. Бұл – көз тамырларының босаңсуына мүмкіндік береді. Бұл маманның пікірі. Ал көзілдірікті сенімді серігіне айналдырған жандардың пікірі қандай? Осы тұрғыда адамдардан шағын сауалнама алып көрген едік.Көзілдірікке қанша жасыңыздан бастап тәуелді бола бастадыңыз?Айдос, 16-жас: Мен шамамен 10 жасымнан бастап көзілдірікке тәуелді бола бастадым. Ол кезде көзімнің көру деңгейі аз болды, бірақ уақыт өте келе көзімнің көруі ұлғая түсті.Айтолқын, 20-жас: 10 сыныптан бері көзілдірік тақтым. Көзілдірік кей жағдайларда кедергі жасайды. Ондай кезде жанаспалы линза тағамын.Көздің нашар көруіне генетикалық тұқым қуалаудың қатысы бар деп ойлайсыз ба?Жандос, 17-жас: Көздің нашар көруіне тұқым қуалаудың қатысы бар деп айта алмаймын. Себебі менің ата-анамның да, бауырларымның да көздері 100 пайыз жақсы көреді.Дархан-Жансая, ата-ана: Көздің көрмеуі тұқым қуалайды деп ойлаймыз. Себебі үйдегі барлығымыз көзілдірік тағамыз. Балаларымыз да көзілдірікке әбден үйренген.Көзілдірік тағудың пайдасы немесе зиян бар ма?Қымбат, 21-жас: Көзілдірікті дер кезінде тағу өз басыма мүлдем көмектеспеді. Көзімнің көруі төмендей түсті.Сара, 24-жас:Менің көзілдірік таққаныма 9 жылдай болып қалды. Осы уақыттан бері көзімнің көру деңгейі жоғарыламаса, азайған жоқ. Лазерлық ота туралы ойыңыз?Гүлжайна, 40-жас: Менің қызымның жасы 14-те. Оған 4 жасында миопия деген диагноз қойылған. Дер кезінде ота жасаттық. Қазір нәтиже жақсы.Данияр, 17-жас: Пайдасы тиді. Отаның арқасында линзалар мен көзілдірікті тақпайтын болдым. Иә, бұл біз сауалнама алған адамдардың жауабы.Сондай-ақ бұл жөнінде білікті маман С.Есболовадан сұраған болатынбыз.<blockquote>– Көзілдірік тағу аса қауіпті емес. Линзаға қарағанда көзілдірік тағу пайдалы. Себебі көзлдірік бірте-бірте көзді емдейді, бастысы ыңғайлы және де зияны жоқ. Лазерлық ота жасатсаңыз да, көзілдіріксіз 100 пайыз көре аласыз. Бірақ, күтінбейтін болсаңыз, ол ем-домның зая кеткені. Тақырыпқа тұздық Дәрігерлер көз ауруын асқындырудың салдары – су қараңғылыққа әкелетінін, оған әлемдік озық медицина қауқарсыз екенін ескертеді. Дүниежүзілік денсаулық сақтау ұйымының мәліметінше, әлемде әр минут сайын 1 бала, 5 секунд сайын 1 ересек адам жанарын жоғалтады. Сонымен балалардың дені сау болуы алдымен анасына да байланысты. Сол себептен ана денсаулығын сақтау мәселесі бірінші орынға шығарылуы қажет. Балалар арасында өзгені былай қойғанда неврологиялық аурулармен ауыратын балалар да көбейіп келеді. Оның себебін мамандар алғашқы сатыдан деп есептейді. Яғни, ананың баланы дүниеге әкелуге дайындығының аздығынан. Иә, қалай айтқанда да көзге күтім керек. Олай болса, ертелі-кеш балаңызды алақандай смартфонға үңілдіргенше, бір мезгіл табиғат аясына шығып, өзімізді де, көзімізді де тынықтырған дұрыс болар. Ал егер ушыққан мәселенің уыты қайтпай, көзәйнек киген балалардың қатары күннен-күнге көбейсе, міне сонда ұлт болашағына айықпас кесел болары анық. Барлығын сараптайық, абай болайық!&nbsp;</blockquote>&nbsp;Айнұр ИБРАШФото: turkystan.kz

Қазақстан және Қызылорда облысының жаңалықтары: Денсаулық