<a href="https://kyzylorda-news.kz/">Kyzylorda-news.kz.</a> ҚР Ішкі істер министрі Ерлан Тұрғымбаевтың тапсырмасы бойынша түзеу мекемелерінде жазасын өтеп жатқандар бір реттік және бірнеше реттік қолданыстағы бетперде тігуді бастаған болатын.
Қызылорда қаласындағы ЗК-169/5 мекемесінің аумағындағы «Еңбек-Қызылорда» РМК тігін цехында арнайы кәсіби білімі бар сотталғандар көп реттік бетперде тігумен айналысуда. Бүгінгі күнге барлығы 14250 дана бетперделер тігілді.
Еліміздің Ішкі істер министрі ҚАЖК-нің және «Еңбек» РМК-ның басшылығына бетперде тігіп жатқан сотталғандарға жалақы төлеуден басқа, оларды ақшалай сыйақымен көтермелеуді тапсырған болатын.
Министрдің осы тапсырмасына сәйкес, ҚР ІІМ ҚАЖ комитеті ҚАЖ мекемелерінің «Еңбек» шаруашылық жүргізу құқығындағы РМК-нің 01.04.2020 жылғы №9-АХД бұйрығы бойынша, ЗК-169/5 мекемесінің тігін цехында бетперде тігіп жатқан сотталғандарға сыйақы төленді.
<blockquote>
 «Бүгінде әлем жұртшылығын алаңдатып отырған коронавирус дерті Қазақстанға да жетті. Осы қысылтаяң шақта темір торда отырсақ та еліміздің, халқымыздың амандығын тілеп, қолымыздан келгенше бетперде тігіп жатырмыз. Қиын сәтте қол ұшын созып, көмектесу азаматтық парызым деп білемін. Еңбегімізге қарай жалақымыздан бөлек сыйақы беріп жатқан, Ішкі істер министрлігіне алғысымыз шексіз», – дейді жазасын өтеуші А.есімді азамат бізбен әңгімесінде.
</blockquote>
<img src="https://kyzylorda-news.kz/wp-content/uploads/2020/04/img-20200403-wa0005-1.jpg" alt="" />
<img src="https://kyzylorda-news.kz/wp-content/uploads/2020/04/20200320_152236-scaled.jpg" alt="" />

Қызылордада  бетперде тіккен сотталғандарға ақшалай сыйақы төленді

<a href="https://kyzylorda-news.kz/">Kyzylorda-news.kz.</a> Мемлекет басшысының Төтенше жағдай режиміне байланысты мәлімдемесін толық тыңдап шықтым. Бұл үндеу елімізге енген індеттке қарсы елді бірлік пен сабырлылыққа шақыру болса, екінші жағы бүкіл әлемді жайлап келе жатқан жаппай дағдарысқа қарсы күресудің амал шараларын жария етіп отыр.
Мәлімдемемен танысқан азаматтардың жүрегіне болашаққа деген сенім ұялап, жағымды жаңалықтарға қуандық. Жасыратыны жоқ, «Коронавирус пандемиясы» жайлаған әлемді көріп, ондағы қасіреттер мен ажал құшқандармен хабардар болып, бізде қалай болар екен деп уайымдап оытрған бүкіл қазақ еліне бұл мәлімдеме мемлекет атынан жасалынған зор сенім мен кепілдік деп санаймын.
Мысалға Президенттің үндеуінде 9-10 мәселе атап көрсетілсе, солардың ішінде басты тақырыптары мыналар деген болар едім.
Біріншіден, халықтың әлеуметтік осал топтарына зейнетақы, мемлекеттік жәрдемақы және атаулы әлеуметтік көмектің 10 пайызға индексациялануы оған бөлінген қомақты қаржысы.
Екіншіден, халыққа едәуір жеңілдік жасап, МӘМС жүйесіне сақтандырылмағандарға 1 шілдеге дейін бұрынғы қалпында қызмет алуларына берілген кепілдік.
Үшіншіден, кәсіпкерлер мен шағын орта бизнесті қолдау, шаруа қожалықтарға басымдық берілуі құптарлық жағдай. Сол үшін бюджеттен 70 млрд. теңге көктемгі егіске өзге бағдарламадан 100 млрд. теңге бөлінуі халықтың қол жетпейтін осы кезеңдегі арман мақсаты деуге болады.
Төртіншіден, салықтың түрлеріне жасалынып жатқан жеңілдіктері, сондай-ақ, қазіргі таңдағы уақытша жұмыссыз қалған азаматтарды, өзін өзі жұмыспен қамтып жүргендерді қолдауға, яғни, 3 млн адамға ең төменгі орташа жалақы 42500 теңгеден төленетіндігі.
Бесіншіден, соңғы айтатын мәселе нағыз көктем мезгілінде шаруаларға ең қажетті жанар-жағар майдың нарықтық бағадан 15 пайызға төмендетіп, 390 мың тонна жанар майды 165 теңгеден халыққа жеңілдікпен сатылуы дұрыс қабылданған шешім деп есептейміз.
Қадірлі жерлестер! Президентіміз Қасым-Жомарт Кемелұлының жаппай індетке қарсы және әлемдік дағдарыстан шығу жолдарын қарастырып жасаған мәлімдемесін бүкіл сырбойылықтар, оның ішінде, жаңақорғандықтар болып қолдайтындығымызды жеткіземін.
Ақылбек ЖӘНІБЕКОВ,
«Nur Otan» партиясының мүшесі,
Жаңақорған аудандық қоғамдық кеңесінің төрағасы

Ақылбек Жәнібеков: «Президент мәлімдемесі – келешекке деген кепілдік»

<a href="https://kyzylorda-news.kz/">Kyzylorda-news.kz</a>. Денсаулық сақтау министрі Елжан Біртанов Қазақстанда коронавирус жұқтырған, бірақ ол туралы өзі де білмейтін адамдар бар деп болжайды, деп хабарлайды&nbsp;<a href="https://kaz.zakon.kz/5014950-aza-standa-z-n-koronavirus-eken-n-b.html">zakon.kz.</a>
Оның айтуынша, елімізде осындай ықтимал жағдай бар.
<blockquote>
 «Бұл тек Қазақстанда ғана емес, бүкіл әлемде бар құбылыс. Біз әлемнің жетекші басылымдарының жарияланымдарын оқыдық, олар бұл маңызды мәселе екенін атап өтті. Қазақстанда жаңа вирус түрін жұқтырғандардың 85%-да ауру белгілері байқалған да жоқ. Біз оларды қауіпті елдерден келгеннен кейін, сол адамдармен байланыста болғандықтан карантинге жауып, сол кезде коронавирусты анықтадық. Бұл теориялық және іс жүзінде вирустың тасымалдаушылары ел арасында барын, онда да ауру белгілері білінбеген, сау секілді жүрген адамдардың бар екенін көрсетеді. Оларда ауру белгі бермейді. Бұкіл глобальды қауіптің мәнісі де осында. Мұндай адамдар үшін үкімет не істеу керектігін шешеді. Шынында да, тіпті дамыған елдерде коронавирус диагнозы қойылған және ауруы жеңіл жүргендерді ауруханаға жатқызбай, үйде карантинде қалдырған. Тактика болжау тұрғысынан өзгермейді. Сондықтан да біз эпидемиологиялық шараларды жүргізіп жатырмыз», – деді министр.
</blockquote>

Қазақстанда өзінің коронавирус екенін білмейтін адамдар болуы мүмкін

<a href="https://kyzylorda-news.kz/">Kyzylorda-news.kz.</a> Қызылорда қаласының бірқатар кәсіпкерлері қала шекараларында орнатылған блок-бекеттерде тұрған әскери, медициналық, полиция және басқа да қызметкерлерді түскі аспен қамтамасыз етіп, игі істің бастамашысы болуда.
Қаладағы мейрамхана иелерінің бұл ісі көңіл қуантады.
Дегенмен, бұл блок-бекеттерде қызмет көрсетуші азаматтар қала әкімдігі тарапынан 5 мезгіл тамақпен толық қамтамасыз етілген.
Сондықтан, қала кәсіпкерлерінен, барша волонтерлерлік ұйымдардан осы бағыттағы кез келген көмек түрін қаладағы әлеуметтік аз қамтылған отбасыларға, карантинге оқшауланған үйлердің тұрғындарына көрсетуді ұсынады.
<img src="https://kyzylorda-news.kz/wp-content/uploads/2020/04/img-20200403-wa0008.jpg" alt="" />
<img src="https://kyzylorda-news.kz/wp-content/uploads/2020/04/img-20200403-wa0007.jpg" alt="" />

Қызылордада кәсіпкерлер блок-бекеттегі қызметкерлерді ыстық тамақпен қамтамасыз етуде (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысында төтенше жағдай кезінде коммуналдық қызметтердің төмендетілген тарифтері қолданысқа енгізілді, деп хабарлайды Табиғи монополияларды реттеу комитеті.
ҚР Президентінің коронавирус жағдайы және дағдарысқа қарсы шаралар жөніндегі кеңесте берген тапсырмасын орындау үшін, Қызылорда облысында коммуналдық қызмет көрсететін табиғи монополиялар субъектілері төтенше жағдай кезеңінде тұрғындардың қаржылық жүктемесін төмендету мақсатында, сондай-ақ қоғамда тұрақтылықты қамтамасыз ету маңыздылығын ескере отырып, 2020 жылдың 1 сәуірінен бастап, өз бастамалармен төмендегі қызметтер бойынша тарифтерді төмендету туралы шешім қабылдады:
«Қызылорда су жүйесі» МКК – сумен жабдықтау қызметіне тарифі – 1 текше метрге ҚҚС-мен 45,61 теңгеден 40,80 теңгеге дейін немесе 10,5% -ға төмендетілді; су бұру қызметіне тарифі – 1 текше метрге ҚҚС-мен 48,82 теңгеден 43,0 теңгеге дейін немесе 11,9% -ға төмендетілді;
«Қызылордажылуэлектрорталығы» МКК: – жылумен жабдықтау қызметіне тұрғындарға тариф есептеу құралдары бар жеке тұлғаларға 1 Гкалға ҚҚС-мен 1989,21 теңгеден 1790,29 теңгеге дейін төмендеді; есептеу құралдары жоқтарға 1 шаршы метрге жылуға төлем ақы ҚҚС-мен 96,76 теңгеден 87,08 теңгеге дейін немесе 10% -ға төмендетілді; «Теміржолсу-Қызылорда» ЖШСсумен жабдықтау қызметіне тұрғындар үшін орташа босату тарифі – 1 текше метрге ҚҚС-мен 53,37 теңгеден 48,52 теңгеге дейін немесе 9,1% -ға төмендетілді.
Сонымен қатар, 3 энергиямен жабдықтаушы ұйымның электр қуатын берудің орташа бағасы тұрғындар үшін 1 кВт/сағатқа ҚҚС-мен 9,1% төмендеді, оның ішінде:
– «Энергосервис» ЖШС ҚҚС-мен 15,90 теңгеден 14,46 теңгеге дейін;
– «Шиелі Жарығы» ЖШС ҚҚС-мен 17,49 теңгеден 15,90 теңгеге дейін;
-«Дәулетэнерго» ЖШС ҚҚС-мен 18,26 теңгеден 16,60 теңгеге дейін.
Сәйкесінше, тұрғындар үшін тұтыну көлемі бойынша сараланған тарифтер 9,1% төмендетілді.

Қызылорда облысында коммуналдық қызметтің тарифтері төмендетілді

<a href="https://kyzylorda-news.kz/">Kyzylorda-news.kz.</a> Тұрғындардың қауіпсіздігін қамтамасыз ету, жұқпалы індеттің алдын алу мақсатында Қазалы ауданында 2.04.2020 жылғы сағат 00-00-ден бастап 15.04.2020 жылғы сағат 7:00-ге дейін карантиндік режим енгізілді.
Қазалы ауданының бас санитарлық дәрігерінің 1.04.2020 жылғы №4 қаулысымен ауданға көліктің барлық түрлерінің келуіне және шығуына тыйым салынады.
Өзге аудандарда коронавирус инфекциясының таралуына байланысты, бұл індеттің әрі қарай таралуының алдын алу мақсатында қарқынды шаралар қабылдануда:
– Коронавирустың таралуының қазіргі жағдайын ескере отырып, азық-түлік тауарларын, дәрілік заттарды, медициналық бұйымдарды және басқа да тұрғындардың өмір сүруіне қажетті тауарлар мен қызмет түрлерін, өндірістік және ауыл шаруашылығы кәсіпорындарының үздіксіз жұмыс жасауын қамтамасыз етуді қоспағанда аудан аумағына автокөліктерге кіруге және шығуға тыйым салынады.
– Жүк және жолаушылар тасымалдауды есепке алмағанда соңғы станциясы Қазалы стансасы болып табылатын жолаушыларға Қазалы стансасынан түсуге тыйым салынады;
– Діни үйлердің, балабақшалардың, базарлардың (жануарларды өткізу орындары (мал базарлары), автомобиль және т.б.), сауда үйлерінің, азық-түлік емес сауда орталықтарына қызмет көрсететін кәсіпкерлік құрылымдардың барлық түрлерінің, оның ішінде жеке тұрған азық-түлік емес дүкендердің, автосалондардың, автоқосалқы бөлшектер сату салондарының, гүл павильондарының, химиялық тазартулардың, кір жуу орындарының, фотоательдердің, фотосалондардың, оптикалардың, ломбардтардың, жылжымайтын мүлік жөніндегі мекемелердің, техникалық қызмет көрсету станцияларының, сауналардың, фитнес-клубтардың, тренажер залдарының, спорт кешендерінің, бассейндердің, сұлулық салондарының, құрылыс, жиһаз базарлары мен тауарлар сататын дүкендердің, шаштараздардың, спа-орталықтардың, логистикалық орталықтардың, қонақ үй кешендерін, аяқ киім жөндеу мен басқа барлық жөндеу шеберханаларының, студиялардың, барбершоптардың, компьютерлік және интернет клубтар, букмекерлік және лото, мото конторалар, бильярд клубтары, үй-жайлардағы балалар ойын алаңдары, тәуліктік пәтерлер мен үйлерді, көрмелерді және басқа да осындай қызмет көрсету саласындағы объектілерді жалға алу қызметтері тоқтатылады.
– Азық-түлік гипермаркеттерінің, оптомаркеталарының, супермаркеттердің, минимаркеттердің, дүкендердің, азық-түлік сөрелерінің, бірінші кезекте қажетті тауарлар саудасының жұмысына күшейтілген санитарлық-дезинфекциялық режиммен сағат 8:00-22:00-ге дейін, ал азық-түлік базарларында сағат 10:00-18:00-ге дейін жұмыс істеуге рұқсат етіледі. Осы шектеу шараларын сақтай отырып, «клиенттерге дейін жеткізу» қағидаты бойынша жұмыс істейді.
– Дәріханалардың жұмысы санитарлық-дезинфекциялық күшейтілген режиммен рұқсат етіледі;
– Мейрамханалардың, дәмханалардың, кафелердің, шайхана-асханалардың және басқа да қоғамдық тамақтану объектілерінің жұмысын “Клиенттерге дейін жеткізу” қағидаты бойынша сағат 10-00-ден 20-00-ге дейін күшейтілген санитарлық-дезинфекциялық режиммен жұмыс істейді.
Ауданның бас санитарлық дәрігерінің қаулысында бұдан өзге де бірқатар қауіпсіздік шаралары бар. Біз тек аудан тұрғындары үшін маңыздыларын көрсеттік. Бір айта кетер жайт, ауданның бас санитарлық дәрігерінің 31.03.2020 жылғы №3 қаулысы өз күшін жояды.

Қазалы ауданы карантинге жабылды

<a href="https://kyzylorda-news.kz/">Kyzylorda-news.kz.</a> Қызылордада екі аптаға дейін такси қызметіне, облыс орталығы мен станцияларына тоқтайтын жолаушы тасымалдаушы пойыздардың жүрісіне тыйым салынды. Облыстың бас мемлекеттік санитариялық дәрігерінің 30 наурыздағы №4 қаулысына караниндік режимдегі өзгерістер мен толықтырулар енгізілді.&nbsp;
<blockquote>
 «Одан бөлек, дүкен, дәріхана, монша, көлік жуу орындарының жұмыс уақытына шектеу қойылды. Бұл шаралар өңірде коронавирустық инфекцияны одан әрі өршітпеу, аурудың алдын алу мақсатында қолға алынып отыр», – деп хабарлады облыстық тауарлар мен көрсетілетін қызметтердің сапасы мен қауіпсіздігін бақылау департаментінің баспасөз хатшысы Айман Жанахаева.
</blockquote>
Төменде қаулының толық нұсқасын назарларыңызға ұсынамыз:
Қызылорда облысы тұрғындары арасында COVID-19 коронавирустық инфекциясының таралуының алдын алу мақсатында 
ҚАУЛЫ ЕТЕМІН: 
Қызылорда облысында коронавирустық инфекциясының (бұдан әрі – КВИ) эпидемиологиялық ахуалы күрделенуіне байланысты инфекцияны шоғырландыру және таралуына жол бермеу мақсатында Қызылорда облысы аумағында 00:00 сағат 03.04.2020 жылдан бастап 07:00 сағат 17.04.2020 жылға дейін карантиндік режимде шектеу шаралары жариялансын.
Қазақстан Республикасы Президентінің «Қазақстан Республикасында төтенше жағдайды енгізу туралы» Жарлығына сәйкес «Облыс тұрғындары арасында қауіпсіздік шараларын қамтамасыз ету туралы» Қызылорда облысының Бас мемлекеттік санитариялық дәрігерінің 2020 жылғы 30 наурыздағы №4 қаулысына келесі толықтырулар мен өзгертулерді енгізуді:
1-тармақтың 1.1. тармақшасына мынадай редакцияда жазылсын:
1.1. 03.04.2020 жылдың 00:00 сағаттан бастап, азық-түлік тауарларын, дәрілік заттарды, медициналық заттарды және басқа да тұрғындардың өмір сүруіне қажетті тауарлар мен қызмет түрлерін, өндірістік және ауылшаруашылығы кәсіпорындарының &nbsp;үздіксіз жұмыс жасауын қамтамасыз етуді қоспағанда, Қызылорда облысы аумағында автокөліктерге 14 тәулікке &nbsp;кіруге және шығуға, &nbsp;тыйым салуды;
1-тармақтың 1.2., 1.3., 1.4. тармақшаларының орнына мынадай редакцияда өзгертуді:
1.2. Үкіметтік, жүктік, транзиттік рейстер мен Қызылорда облысының әкімімен келісілген рейстерді қоспағанда, барлық рейстер:
– &nbsp; 04.04.2020 жылдың жергілікті уақыт сағат 08:00-ден &nbsp;бастап &nbsp;транзиттік және соңғы станциясы Қызылорда қаласы және Қызылорда облысының станциялары болып табылатын жолаушылар тасымалына арналған барлық теміржол байланыстарына тыйым салуды.
– Белкөл станциясында жолаушы поездарына техникалық қызмет көрсетуге тыйым салуды.
2-тармақтың 2.2., 2.4., 2.5., 2.6. тармақшалары мынадай редакцияда жазылсын:
2.2. Азық-түлік гипермаркеттерінің, оптомаркеттердің, супермаркеттердің, минимаркеттердің, дүкендердің, азық-түлік сөрелерінің, дәріханалардың және бірінші кезекте қажетті тауарлар саудасының жұмысына күшейтілген санитарлық-дезинфекциялық режиммен сағат 09:00-ден 20:00-ге дейін рұқсат етуді;
2.4. Қоғамдық моншалар мен автожуу қызметін тоқтатуды;
2.5. Ішкі қоғамдық көліктің жұмысын күшейтілген санитариялық-дезинфекциялық режиммен және жүргізушілер мен кассирлердің сақтық шараларын қатаң сақталуымен сағат 06:00-ден 20:00-ге дейін жұмыс жасауына рұқсат етуді;
2.6. Қала, ауданаралық автокөліктер мен таксилердің қатынауына, облыс орталығындағы таксилердің жүруіне тыйым салуды;
2-тармақ мынадай мазмұндағы 2.7., 2.8. тармақшаларымен толықтырылсын:
2.7. Қызылорда қаласындағы «Сенім» ЖШС емханасының коронавирус инфекциясымен жақын және потенциалды қарым-қатынаста болған медицина қызметкерлерін соңғы ауру тіркелген уақыттан бастап 14 күнге дейін медициналық бақылауға алынуын және емханада қатаң санитариялық-дезинфекциялық ережелерді, сақтық шараларын сақтай отырып аурумен еш қатынасы болмаған медицина қызметкерлері мен кіші буынды қызметкерлердің шектеулі уақытта 17:00 сағатқа дейін жұмыс жасауын қамтамасыз етуді және емханаға келген пациенттерді бетперделермен қамтамасыз етуді;
2.8. Жаңақорған ауданының Бас мемлекеттік санитариялық дәрігерінің 01.04.2020 жылғы №1 Қаулы талаптарының орындалуын қатаң бақылауға алуды.
7-тармақтың 7.3. тармақшасы мынадай редакцияда жазылсын:
7.3. Қажеттілікке байланысты кәмелетке толмағандар отбасы мүшелерінің ересектерімен бірге және ересектердің тұрғын үйлерінен шығып 3 адамнан артық топтасып жүруіне 21:00 сағаттан кейін жол бермеуді;
8-тармақтың, 8.1., 8.2. тармақшалары мынадай редакцияда жазылсын:
8.1. Жер қойнауын пайдаланушылар кәсіпорындарында вахталық әдіспен &nbsp;жұмыс жасайтын жұмысшылар, кен орындары басшылары Қызылорда қаласына кіріп-шығуға рұқсат құжаттар дайындауды;
8.2. Сәйкестігін негіздеу мақсатында жұмысшылар тізімін блок-бекеттерге жолдауды.
9. Осы Қаулының орындалуын қадағалауды өзімде қалдырамын.
10. Осы Қаулы қол қойылған күннен бастап күшіне енеді.
А.Абдикаимова,
Қызылорда облысының
бас мемлекеттік&nbsp;санитарлық дәрігері.

Қызылорда: 14 күнге такси, пойыз және бірнеше мекемелердің қызметі тоқтайды

<a href="https://kyzylorda-news.kz/">Kyzylorda-news.kz</a>. Облыс әкімі Гүлшара Әбдіқалықованың төрағалығымен Төтенше жағдайлардың алдын алу және оларды жою жөніндегі облыстық комиссия отырысы өтті.
Отырысқа комиссия мүшелері, құқық қорғау және мүдделі органдардың басшылары қатысып, төтенше жағдай кезеңінде қоғамдық тәртіп пен қауіпсіздікті қамтамасыз ету шараларының мәселелері қаралды.
<blockquote>
 «Мемлекет басшысының Жарлығымен Бас Прокуратураға белгіленген шаралар мен уақытша шектеулерді іске асыру кезінде заңдылықтың сақталуын қамтамасыз ету тапсырылды. Жалпы төтенше жағдай кезеңінде жаппай тәртіп бұзушылықтар орын алған жағдайда құқық қорғау, жергілікті атқарушы органдар заңдылыққа сәйкес шаралар қабылдауы қажет. Отбасылық жиын-тойларға шектеу қойылсын. Сонымен қатар, тұрғындар арасында Ұлттық гвардия мен полиция департаменті қызметкерлері күнделікті қаланы аралап, түсіндіру жұмыстарын ұйымдастыру қажет», – деді облыс әкімі Г.Әбдіқалықова.
</blockquote>
Соңғы уақытта қалыптасқан санитариялық – эпидемиологиялық ахуалға байланысты Қызылорда қаласы мен Жаңақорған кентінде карантин жарияланып, бірқатар шектеу шаралары енгізілді. Ұйымдастырушылық және өзге де шаралардың бірыңғай жүйесін қалыптастыру үшін 10 бағыт бойынша жұмысшы топтар құрылды. Облыс әкімі аппаратының жанынан ақпараттық–талдау тобы құрылды.
Сондай-ақ, отырыста салық төлеуші ретінде тіркелген такси жүргізушілері ғана қызмет көрсете алатыны айтылды.
Айта кету керек, Қызылорда облысы әкімдігінде тәулігіне 24 сағат жұмыс істейтін 400-100 байланыс нөмірінде «Call Center” жұмыс істейді.

Қызылордада төтенше жағдайлардың алдын алу жөніндегі облыстық комиссия отырысы өтті

<a href="https://kyzylorda-news.kz/">Kyzylorda-news.kz.</a> Қазақстан Президенті әскери міндеттілерді арнаулы жиынға шақыру туралы жарлық шығарды.
Әскери міндеттілерді арнаулы жиындарға шақыру туралы
«Қазақстан Республикасының қорғанысы және Қарулы Күштері туралы» 2005 жылғы 7 қаңтардағы Қазақстан Республикасы Заңының 5-бабы 2-тармағының 11) тармақшасына сәйкес ҚАУЛЫ ЕТЕМІН:
1. Қазақстан Республикасы Қарулы Күштерінің аумақтық әскерлерін жасақтау үшін әскери міндеттілер арнаулы жиындарға шақырылсын.
2. Астананың, республикалық маңызы бар қалалардың және облыстардың жергілікті атқарушы органдары:
1) Қазақстан Республикасы Қарулы Күштерінің Бас штабымен келісу бойынша шақырылатын әскери міндеттілердің санын және арнаулы жиындарды өткізу мерзімдерін айқындай отырып, тиісті жергілікті әскери басқару органдары арқылы әскери міндеттілерді арнаулы жиындарға шақыруды жүргізуді ұйымдастырсын және қамтамасыз етсін;
2) осы Жарлықтан туындайтын өзге де шараларды қабылдасын.
3. Осы Жарлық алғашқы ресми жарияланған күнінен бастап қолданысқа енгізіледі.
Қазақстан Республикасының Президенті Қ.Тоқаев
Нұр-Сұлтан, Ақорда, 2020 жылғы 2 сәуір

Қазақстанда әскери міндеттілер арнаулы жиындарға шақырылатын болды

<a href="https://kyzylorda-news.kz/">Kyzylorda-news.kz.</a> Қаржы нарығын реттеу және дамыту агенттігі коллекторлық компанияларға кеткен кредиттер мәселесін түсіндірді, деп хабарлайды&nbsp;<a href="https://sputniknews.kz/economy/20200402/13519990/kollektor-kreditter.html">Sputnik Қазақстан.</a>
Агенттіктің басқарма төрағасының орынбасары Нұрлан Әбдірахмановтың айтуынша, коллекторлық компанияларға берілген кредиттер де кейінге шегеріледі. &nbsp;
<blockquote>
 «Иә, бүгінгі заңнама бойынша коллектор банктің заемдары мен микроқаржыландыру ұйымдарының кредиттерін өндіріп алуға құқылы. Ондайда қарыздың келісімшарты коллекторлық компанияларға беріледі. Алайда ондай кредиттер мерзімін тоқтату және шегеру бұйрығына кіреді. Сондықтан коллекторлар осыны ескеріп, тиісті талаптарды сақтауы қажет», – деді Әбдірахманов бүгінгі онлайн брифингте.
</blockquote>
Оның айтуынша, кредит төлемін кейінге шегеру шарты барлық заемға қатысты. Соның ішіде тұтынушылық, ипотекалық, кепілмен, кепілсіз және тағы басқа кредиттер бар. Ал үш айдан кейін қарыз алған адамдар артық ақша төлемеуі тиіс.
<blockquote>
 «Қазіргі кезде қаржы ұйымдарымен, ең алдымен, банктермен нақты механизмді пысықтап жатырмыз. Негізгі мақсат, біріншіден, тоқтатылған төлемдер артынан келісімшартта көрсетілген төлемдерден аспауы қажет. Сонда адамдар артық ақша төлемейді. Қазір осыны талқылап жатырмыз. Нәтижесін қосымша хабарлаймыз», – деп атап көрсетті Әбдірахманов.
</blockquote>

Төтенше жағдай: Коллекторға кеткен кредиттер үш айға шегеріле ме?

<a href="https://kyzylorda-news.kz/">Kyzylorda-news.kz.</a> Ғалымдар коронавирусқа төтеп бере алмайтын үй жануарын атады, деп хабарлайды&nbsp;<a href="https://stan.kz/koronaviruska-totep-bere-almaytin-uy-zhanuari-ataldi-329264/">Stan.kz</a>.
Коронавирус мысықтарға жұғып, тіпті оларды өлтіріп жіберетіні анықталды. Зерттеу қорытындысы&nbsp;bioRxiv порталында жарияланды.&nbsp;
Зерттеушілер адамдармен жиі байланыста болатын үй жануарларына тәжірибе жүргізіпті. Атап айтқанда, иттердің, тауықтар мен үйректердің, шошқа, мысық және т.б. жануарлардың коронавирусқа берікті анықталыпты.&nbsp;
Мысықтар мен күзендердің басқасына&nbsp;SARS-CoV-2 вирусы әсер етпейтіндігі анықталыпты. Күзендер вирусты таратушы болғанымен, олардың ағзаларында инфекция айтарлықтай өзгерістер тудырмаған. Ал мысықтарға бұл вирус өте қауіпті екендігі анықталыпты. Әсіресе, ауруға шалдыққан марғаулардың барлығы өліп кеткен.

Коронавирусқа төтеп бере алмайтын үй жануары аталды

<a href="https://kyzylorda-news.kz/">Kyzylorda-news.kz.</a> Елімізде коронавирустық инфекцияны жұқтырғандар арасында әкімдік қызметкерлері бар екендігі анықталды. Мәселен, Петропавлда жұмыспен қамту және әлеуметтік бағдарламалар бөлімінің 3 қызметкері коронавирус жұқтырған.
Өңірлік Денсаулық сақтау басқармасының мәліметінше, бастапқыда 31 наурызда бөлімнің бір қызметкерінен коронавирус анықталған. Кейін тағы екеуі жұқтырған.
<blockquote>
 «Пневмонияға шалдыққан әйел жұмыспен қамту бөлімінде жұмыс істейді. Оның екі әріптесі 49 және 45 жастағы әйелдер. Олар вирусты жұмыста жұқтырып алды деп болжап отырмыз», – деді СҚО Денсаулық сақтау басқармасының басшысы Тимур Сұлтанғазиев.
</blockquote>
«Пневмонияға шалдыққан әйел жұқпалы аурулар стационарына жатқызылды. Онымен байланыста болған 73 адам да оқшауланды. Барлығынан сараптама алынды», – деді ол.
Сондай-ақ, брифинг барысында жұмыспен қамту бөлімінің оқшауланып, қажетті дезинфекциялық жұмыстар жүргізілгені айтылды.
Айта кетейік, Қазақстан бойынша вирусты 402 адам жұқтырған.

Қазақстан және Қызылорда облысының жаңалықтары: COVID-19

Қызылордада бетперде тіккен сотталғандарға ақшалай сыйақы төленді