<a href="https://kyzylorda-news.kz/">Kyzylorda-news.kz</a>. ҚР денсаулық сақтау вице-министрі Ләззат Ақтаева COVID-19 жұқтырған медицина мамандарына төлемақы қалай тағайындалатынын түсіндірді, деп хабарлайды <a href="https://lenta.inform.kz/kz/covid-19-zhuktyrgan-medicina-mamandaryna-tolemaky-kalay-beriledi_a3638628">ҚазАқпарат</a>.
<blockquote>
 «Коронавирус инфекциясын жұқтырған медициналық мамандарға төлемақы тағайындау бойынша Денсаулық сақтау министрлігі мен Еңбек және халықты әлеуметтік қорғау министрлігі бірлескен бұйрық шығарды. Онда коронавируспен күреске тікелей қатысқан мамандарға төлемақы беру алгоритмі жазылған. Басты негіздеме – маманның ауру жұқтыру фактісін хабарлау», – деді вице-министр Орталық коммуникациялар қызметінде өткен брифингіде.
</blockquote>
Хабарлаудан кейін инфекциялық ауру ошағын анықтау үшін эпидемиологиялық тексеру жүргізіледі.
<blockquote>
 «Тексеру нәтижесі арнайы комиссияға жіберіледі. Бұл комиссия құрамына еңбек инспекциясы өкілдері, жұмыс беруші өкілі, санитарлық-эпидемиологиялық ұйым өкілдері және қызметкердің немесе кәсіподақ ұйымының өкілдері кіреді. Аталған бұйрық күшіне енді және жақын арада жұмысын бастайды», – деді Л. Ақтаева.
</blockquote>
Вице-министрдің айтуынша, қазіргі уақытта Қазақстанның 13 өңірінде 370 медициналық қызметкер COVID-19&nbsp;жұқтырған.&nbsp;Олардың 28 пайызы – дәрігерлер, 48 пайызы – медбикелер және 23 пайызы – кіші медициналық қызметкерлер.

COVID-19 жұқтырған медицина мамандарына төлемақы қалай беріледі?

<a href="https://kyzylorda-news.kz/">Kyzylorda-news.kz</a>. Қазақстан коронавирус инфекциясын жұқтырудың шарықтау шегіне жеттік. Бұл туралы ҚР Денсаулық сақтау вице-министрі Ләззат Ақтаева мәлімдеді, деп хабарлайды <a href="https://lenta.inform.kz/kz/koronavirus-indeti-kazakstanda-sharyktau-shegine-zhetti-kr-dsm_a3638598">ҚазАқпарат</a>.
<blockquote>
 «Біз коронавирус инфекциясын жұқтырудың шарықтау шегіне жеттік. Яғни, қазір елімізде 100 мың адамға 7 науқастан келеді. Осыған байланысты, карантиннен бөлек, елді мекендерде жұмысын тоқтатпаған, инфекция жұқтыру қаупі жоғары адамдарға ауқымды тексеру басталды. Бұл тестілеу 10 сәуірден 20 сәуірге дейін белсенді түрде жүргізіледі», – деді вице-министр Орталық коммуникациялар қызметінде өткен брифингте.
</blockquote>
Оның айтуынша, аурудың таралуына байланысты, медициналық қызметкерлер эпидемияға қарсы күшейтілген режимге ауысты.
<blockquote>
 «Әрбір пациентті ықтимал науқас деп қараған жөн, сондықтан медициналық қызметкерлер қорғаныс бұйымдарын қолдануы міндетті. Одан бөлек, провизорлық стационарға да жұқпалы аурулар ауруханасының талаптары қойылады: міндетті түрде бейнебақылау, желдету жүйесі болуы керек, палаталарды толтыру циклы сақталғаны жөн. Әрбір ауысым екінші ауысымнан оқшаулануы қажет. Ең бастысы – медициналық ұйым басшылары қызметкерлерді қорғаныс құралдарымен қамтамасыз етуге міндетті», – деді Л. Ақтаева.
</blockquote>

ҚР ДСМ: Коронавирус індеті Қазақстанда шарықтау шегіне жетті

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 131 адамға жетті. Бүгін соңғы тәулікте жаңадан анықталған 7 жағдайдың мән-жайын облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте айтып берді.
<blockquote>
 «Қазіргі таңда Қызылорда облысында коронавирустық инфекцияны жұқтырған 131 жағдай тіркелді. Соңғы тәулікте жаңадан 7 жағдай анықталды. Оның біреуі – Қазалы ауданынан. Ол пойызда жолсерік болып еңбек еткен. Қалған алтауы – Қызылорда қаласынан. Осы Қызылорда қаласында тіркелгендермен байланыста болғандар анықталуда. Қауіпті індет жұқтырғандардың барлығы жұқпалы аурулар ауруханасына ауыстырылып, тиісті емдерін қабылдауды бастады», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 131 науқаспен байланыста болғандардың жалпы саны – 1751.&nbsp;Оның ішінде, жақын қарым-қатынаста болғандар саны – 1009, потенциалды байланыста болғандар – 742 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 128, правизорлық стационарда – 27, карантиндік стационарда – 445 адам бақылауда.
Басқарма басшысы атап өткендей, 1 (Б) елдерінен 17 адам келген. Қазіргі таңда оның төртеуі – стационарда, 13 – үй жағдайындағы карантинде бақылауда.
Брифингте Жақсылық Әбілқасымұлы атап өткендей, карантиндік шектеу шараларына тұрғындардың әлі де салғырт қарап отырғаны өңірде бұл індетке шалдыққандардың көбеюіне әкеліп соғып отыр.
<blockquote>
 “Жаңадан тіркелген науқастарға келсек, Қызылорда қаласынан тіркелген науқастар 30 наурыз күні қалада кішігірім іс-шараға қатысқан. Бұл біздің тұрғындардың жауапкершілігінің әлі де төмен екендігін дәлелдеп отыр. Қазіргі жағдай қоғамның коронавирус індетінен бұрын салғырттықтың, бойкүйездіктің, тәртіпке бағынбаудың індетімен ауырғандығын көрсетіп отыр. “Менің отбасыма қатысы жоқ”, “мені айналып өтеді” деген көзқарастан әлі арыла алмай отырмыз. Жалпы, 13 наурыздан бастап облыста шектеу шаралы, ал, 16 наурыздан бастап жиын-той, басқа да іс-шараларға қатаң тыйым салынғанына қарамастан 30-шы наурызда қаланың өзінде осындай шара өткізілген”, – деді ол.
</blockquote>

COVID-19: Қызылордалық тұрғындар індетті басқосудан жұқтырған

<a href="https://kyzylorda-news.kz/">Kyzylorda-news.kz.</a> Шиелі ауданының әкімі Қамбарбек Мүбараковтың ұйымдастыруымен күндіз-түні еңбек етіп жүрген медицина қызметкерлерін қолдау мақсатында 40 медицина қызметкерінің отбасына азық-түлікпен көмек көрсетілді.
Сонымен қатар, медицина қызметкерлерінен бөлек, Төңкеріс ауылдық округі бойынша 20 отбасыға және Балаби елді мекенінен 15 отбасына, аудан орталығы бойынша көмекке мұқтаж 40 отбасына қайырымдылық жасалды.
Бұл шараларды ұйымдастыруда белсенділік танытқан аудан әкімі Қамбарбек Амангелдіұлына, аудан тұрғыны Бегімтай Сатаев, «Нұр Отан» партиясы Шиелі аудандық филиалы төрағасының бірінші орынбасары Патыма Махамбет, ауданның ерікті жастарына халық алғыстарын білдіруде.
Бұл жасалып жатқан қайырымдылық шараларына Шиелі ауданының Құрметті азаматтары мен облыстық мәслихат депутаттары, атап айтқанда, белгілі кәсіпкер Рабибі Нұржанова, облыстық мәслихат депутаты Тілеуберген Шаутай, «Шиелі-Жарығы» ЖШС-нің директоры Қалмырза Қасымов және жеке кәсіпкер, «Құрмет» орденінің иегері Берік Қыдырбаев, ардагер, қоғамдық Кеңес мүшесі Тілеубек Бабасов, сондай-ақ аудандағы 71 жеке балабақша ұжымдары қаржылай көмек көрсетті.
Жиналған қаржыға «Байқоңыр ӘКК» АҚ еншілес кәсіпорны «Алтын Қамба АӨК» ЖШС қолжетімді бағада азық-түлік ұсынып, 20 тонна ауыл шаруашылығы өнімдері алынды.

Шиеліде 40 медицина қызметкерінің отбасына көмек көрсетілді

<a href="https://kyzylorda-news.kz/">Kyzylorda-news.kz.</a> Қытай ғалымдары коронавирус инфекциясының қандай арақашықтықта тарайтынын анықтады, деп хабарлайды&nbsp;<a href="https://kaz.tengrinews.kz/">Tengrinews.kz</a>.
Зерттеу қорытындысы Emerging Infecious Diseases журналында жарияланған.
Баяндама бойынша, коронавирус ауада 4 метр арақашықтықта орнын ауыстыруы мүмкін. Бірақ ғалымдар «індеттің аэрозоль бөлшегі адамға коронавирус жұқтыруы мүмкін бе?» деген сұраққа жауап таппаған.
Қазіргі таңда әлем елдері қауіпті індеттен сақтану үшін 1,5-2 метр арақашықтықты сақтайды.&nbsp;
Сондай-ақ ғалымдар медицина қызметкерлері аяқ киімінің табаны да коронавирус тасымалдаушысы екенін анықтаған.&nbsp;
Сонымен қатар, олар COVID-19 вирусы компьютердің тінтуірінде, ауруханадағы қоқыс жәшігінде, төсектің шетінде болатынын анықтапты.

Ғалымдар коронавирус қай жерлерде «жасырынып» қалатынын анықтады

<a href="https://kyzylorda-news.kz/">Kyzylorda-news.kz</a>. Қызылорда облысында СОVID-19 вирусын жұқтырған&nbsp; 9 медицина қызметкерінің тіркелгендігі мәлім болды. Оның 8-і орта буын, 1-і кіші буын қызметкері. Бұл туралы Өңірлік коммуникациялар қызметінің ақпараттық алаңында Қызылорда облысының Бас мемлекеттік санитариялық дәрігері&nbsp; Әлия Әбдіқайымова хабарлады.
<blockquote>
 «Анықталған 3 қызметкер кәсіби тұрғыда жұқтырса, қалғандары науқастармен қарым-қатынаста болған. Сондай-ақ, медицина қызметкерлері қаншалықты қорғаныш талаптарын сақтағанымен, жұқтыру жағдайларының орын алғандығын жасыра алмаймыз»,- деді Әлия Мүтәліпқызы.
</blockquote>
<img src="https://kyzylorda-news.kz/wp-content/uploads/2020/04/9-dariger-kaz-ishine-1.jpeg" alt="" />

COVID-19: Қызылорда облысында 9 медицина қызметкері індет жұқтырған

<a href="https://kyzylorda-news.kz/">Kyzylorda-news.kz</a>. Қызылорда облыстық жұқпалы аурулар ауруханасы қызметкерлері COVID-19 вирусымен тіркелген тағы да 2 науқасты емдеп шығарды.
Бұл 2 науқас та – қауіптілігі жағынан 1 (Б) елдерінен келген азаматтар.
Оларды тексеру барысында, коронавирус анықталып, емдік хаттамаларға сәйкес ем жүргізілген.
Бүгін, 2020 жылдың 15 сәуірінде 2 науқастан екі рет қайталама зертханалық талдамалары алынып, теріс мәнді және жалпы жағдайының қанағаттанарлық болуына байланысты, үй жағдайына шығарылды.
Олар алдағы кезеңде 14 күн аймақтық емхананың бақылауында болады.
Айта кетейік, қазіргі таңда Қызылорда облысында COVID-19 вирусымен тіркелгендер саны – <a href="https://kyzylorda-news.kz/covid-19-news/covid-19-qyzylordada-nawqastar-sany-taghy-2-adamgha-koebejdi-56568/">126</a>, жазылып шыққандар саны – 4.

Коронавирус: Қызылордада тағы 2 науқас жазылып шықты

<a href="https://kyzylorda-news.kz/">Kyzylorda-news.kz.</a>&nbsp;Бүгін 12:30-дағы мәлімет бойынша облысымызда коронавирустық инфекцияны жұқтырған 2 науқас – Қызылорда қаласынан.
<blockquote>
 “Соңғы тіркелген 2 науқас – Қызылорда қаласының тұрғындары”, – деп мәлімдеді облыстық Денсаулық сақтау басқармасының басшысы Ж. Абдусаметов біздің ақпарат агенттігіне.
</blockquote>

Коронавирус: соңғы науқастар – Қызылорда қаласынан

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 126 адамға жетті, деп хабарлайды&nbsp;<a href="https://www.coronavirus2020.kz/kz/kazakstandagy-koronavirus-boyynsha-15-sauirdin-12-30-uakytyndagy-epidemiologiyalyk-zhagday_a3638301">www.coronavirus2020.kz.</a>
15 сәуір сағат 12:30-дағы&nbsp;мәлімет бойынша елімізде коронавирус індетін жұқтырған тағы 8 адам тiркелген.
Атап айтқанда, науқастар саны Қарағанды облысында – 1 адам, Нұр-Сұлтан қаласында – 3 адам, Ақтөбе облысында – 1 адам, Ақмола облысында – 1 адам, Қызылорда облысында – 2 адамға көбейген. ⠀

COVID-19: Қызылордада науқастар саны тағы 2 адамға көбейді

<a href="https://kyzylorda-news.kz/">Kyzylorda-news.kz</a>. <a href="https://www.coronavirus2020.kz/kz/kyzylordalykta-koronavirus-ekinshi-marte-alyngan-synamada-anyktaldy_a3638249">coronavirus2020.kz</a> Қызылорда облысындағы соңғы тәулікте жаңадан жаңадан тіркелген КВИ жағдайы бойынша ақпараттарды жариялады.
<blockquote>
 «Қызылорда облысындағы екі науқас Сырдария ауданының тұрғындары. Олар коронавирустық инфекциямен ауырған адаммен қарым-қатынаста болуына байланысты карантиндік стационарға жатқызылған. Екінші мәрте алынған сынамада ғана КВИ оң нәтиже көрсетті», – делінген аталған хабарламада.
</blockquote>

COVID-19: Сырдариялық тұрғында коронавирус екінші мәрте алынған сынамада ғана анықталған

<a href="https://kyzylorda-news.kz/">Kyzylorda-news.kz</a>. 2018 жылы Netflix-те эфирге шыққан Оңтүстік Кореяның «My Secret Terrius» телехикаясында&nbsp;коронавирустық пандемияға болжам жасалған.
Сериалдың оныншы түсірілімінде&nbsp;қолдан жасалған ауру туралы айтылады. Бұл CoViD-19 дертіне өте ұқсас. Аурудың басты ерекшелігі – соңы өлімге әкелетіні. Сериалда аурудың террористердің араласуымен болатыны айтылады.&nbsp;Оның үстіне, бұл шынайы өмірге қарағанда әлдеқайда жұқпалы.
53-минуттан басталған бір көріністе дәрігер вирустың тыныс алу жүйесіне әсер ететінін айтады. Тіпті инфекцияның инкубациялық кезеңі де болжалды – екі күннен 14 күнге дейін делінген.
<blockquote>
 «Вирус жұқтырғаннан кейін бес минут ішінде өкпеге зақым келтіреді», – дейді дәрігер.
</blockquote>
Сонымен қатар, дәрігер қазіргі уақытта вирусқа қарсы дәрі-дәрмектер мен вакциналар жоқ деп жауап береді.
Келесі кезекте балаларға вирустың таралмауы үшін қолды қалай жуу керектігі көрсетіледі.
Айта кету керек, CoViD-19 бұл адамзат анықтаған коронавирустардың алғашқысы емес. Осы вирустың басқа түрлері, мысалы, SARC-CoV, 2002 жылы коронавирустың өршуіне себеп болған.

2018 жылы шыққан корейлік сериалда коронавирус жайлы айтылған (видео)

<a href="https://kyzylorda-news.kz/">Kyzylorda-news.kz.</a> 2020-2022 жылдарға арналған республикалық бюджет туралы Заңдарына өзгерістер мен толықтырулар енгізілді. Бұл туралы Өңірлік коммуникациялар қызметінің ақпараттық алаңында Еңбек, әлеуметтік қорғау комитетінің Қызылорда облысы бойынша департаменті басшысы Төреахмет Жолымбетов мәлімдеді.
<blockquote>
 «2020 жылдың 1 сәуірінен бастап зейнетақы төлемдері мен еңбек сіңірген жылдары үшін зейнетақы төлемдерінің мөлшері 5 пайызға артты. Мұнан өзге, жаңадан тағайындалған зейнетақы мөлшерін есептеу 46 айлық есептік көрсеткіш (127 788 теңге) мөлшерінен аспауы керек. Сонымен қатар, мемлекеттік базалық зейнетақы төлемі, әлеуметтік жәрдемақы мөлшері, мүгедек баланы тәрбиелеп отырған ата-ана, бала асырап алушыға, қамқоршыға жәрдемақы, бала кезінен бірінші топтағы мүгедектің күтіміне арналған жәрдемақы ең төменгі күнкөріс деңгейінің жоғарлауына байланысты өсті»,- деді Төреахмет Сайлаубайұлы.
</blockquote>
Өз сөзінде сала басшысы бірінші және екінші тізімдердегі мемлекеттік арнайы жәрдемақы, бала тууына байланысты біржолғы төленетін жәрдемақы, бала бір жасқа толғанға дейінгі төленетін жәрдемақы, көпбалалы отбасыларға, көп балалы аналарға ай сайынғы төленетін жәрдемақылар, арнаулы жәрдемақы, айлық есептік көрсеткіштің жаңа мөлшерін ескере отырып көбейгендігін айтты.
Айта кетейік, облыс бойынша зейнетақы мен жәрдемақы алушылар саны – 247,4 мың адамды құрап отыр.
2020 жылдың 1 сәуірінен бастап:
– айлық есептік көрсеткіш (АЕК) – 2 778 теңге;
– зейнетақының ең төменгі мөлшері – 40 441 теңге;
– ең төменгі күнкөріс деңгейі “ЕТКД) – 32 668 теңге;
-мемлекеттік базалық зейнетақы төлемінің ең төмен мөлшері – 17 641 теңге;
-жалақының ең төмен мөлшері – 42 500 теңгені құрайды.
<img src="https://kyzylorda-news.kz/wp-content/uploads/2020/04/zejnetaky-kaz-ishine-1.jpeg" alt="" />

Қазақстан және Қызылорда облысының жаңалықтары: COVID-19