<a href="https://kyzylorda-news.kz/">Kyzylorda-news.kz.</a> Америкалық дәрігерлер коронавирустың алты жаңа белгісін тапты, деп хабарлайды&nbsp;<a href="https://stan.kz/">Stan.kz</a>.&nbsp;
Бастапқыда Ауруларды бақылау орталықтарында (CDC) COVID-19 белгілерінің үшеуі ғана көрсетілген: тыныс алу қиындауы, жөтел және безгек.&nbsp;Одан кейін дәрігерлер Ұлыбританияда коронавирустан көз жұмған 20 000-нан астам науқастың&nbsp;симптомдарын зерттеген.
Анықталғандай, коронавирустың жиі кездесетін симптомдарының ішінде&nbsp;қалтырау, дірілдеу, бұлшықет ауруы, бас ауруы, тамақтың ауруы, сондай-ақ дәм мен иіс жоғалту бар. Бұл ретте Иранда коронавирус жұқтырған 76 науқас кенеттен&nbsp;иіс сезімін жоғалтқанын айтқан.
Британдық ринологиялық қоғамның президенті, профессор Клэр Хопкинс&nbsp;дәмі мен иіс сезімінің жоғалуы коронавирустың ең дұрыс ерте белгілері деп мәлімдеді.
«Олар жөтелге немесе безгекке қарағанда кең таралған», – деді сарапшы.

Ғалымдар коронавирустың алты жаңа белгісін анықтады

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекция жұқтырған тағы 4 науқас тіркелді.
28 сәуір 15:30-дағы&nbsp;мәлімет бойынша қауіпті індетке шалдыққан 4 науқастың барлығы – Қызылорда қаласынан.
Айта кетейік, осымен облыс бойынша коронавирустық инфекция жұқтырған науқастардың жалпы саны 186 адамға жетті.

Қызылорда облысында қауіпті індет жұқтырғандар саны 186 болды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 182 адамға жетті. Соңғы тәулікте анықталған 3 жағдайдың мән-жайы туралы бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте баяндады.
<blockquote>
 «Қазіргі таңда Қызылорда облысында коронавирустық инфекцияны жұқтырған 182 жағдай тіркелді. Соңғы тәулікте жаңадан 3 жағдай анықталды. Оның екеуі – Қызылорда қаласынан, біреуі – Қазалы ауданынан. Бұл науқастардың барлығы алдында анықталған науқастармен жақын қарым-қатынаста болып, карантиндік бақылауда болғандар. Қазалы ауданының тұрғыны Атырау облысында вахталық әдіспен жұмыс жасап келген. Сондай-ақ, соңғы тәулікте 11 науқас жазылып, отбасыларына оралды», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 182 науқаспен байланыста болғандардың жалпы саны – 2830.&nbsp;Оның ішінде, жақын қарым-қатынаста болғандар саны – 1495, потенциалды байланыста болғандар – 1335 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 72, правизорлық стационарда – 54, карантиндік стационарда – 452 адам бақылауда.
Бүгін Қызылорда облысында коронавирустық инфекцияның алғашқы жағдайы тіркелгеніне тура 1 ай болды. Брифингте басқарма басшысы осы 1 айдың ішіндегі ахуалға тоқталды.
Оның айтуынша, аймақтағы қауіпті індетті жұқтырған науқастардың жасы – 0 мен 87 жас аралығында. Күні бүгінге дейін облыста 93 ер адам, 89 әйел адам осы індетке шалдыққан.
<blockquote>
 «Қазіргі таңда өңірдегі 1 науқастың жағдайы ауыр. 10 науқастың жағдайы орташа ауырлықта. Ал, 171 науқастың жағдайы қанағаттанарлық деңгейде. Бүгінге дейін осы инфекцияны жұқтырған 182 науқастың 16 – студент, 18 – мектеп оқушылары, 22 – зейнеткер, 44 – жұмыс жасайтындар, 49 – жұмыссыз тұрғындар, 26 – медицина қызметкерлері, 7 – балалар. 26 медицина қызметкерлерінің 4-еуі – дәрігер, 14 – медбикелер», – деді ол.
</blockquote>
Сондай-ақ, бүгінге дейін правизорлық стационарда – 284, карантиндік стационарда – 1551 науқас ем қабылдаған. Облыста барлығы 245 – правизорлық, 920 – карантиндік төсек-орын дайындалған. Қазіргі таңда оның 50%-ы – бос тұрған көрінеді.
<blockquote>
 «Ұлттық сараптама орталығының облыстағы филиалында 3 сараптамалық ПТР, 1 жылжымалы ПТР аппараты жұмыс жасауда. Осы аппараттар арқылы тәулігіне 500 сынама тест жасауға мүмкіндік бар. Бір айдың ішінде облыста барлығы 9527 сынама тест жасалған», – деді Ж. Әбілқасымұлы.
</blockquote>
Айта кетейік, бүгін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/densawlyq/qyzylorda-oblysynda-qawipti-indet-zhuqtyrghandar-sany-182-boldy-58915/">182 адамға жеткенін</a>&nbsp;хабарлаған болатынбыз.

COVID-19: Қызылордада 1 айда 93 ер, 89 әйел адам қауіпті індетке шалдыққан

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 110 адамға жетті. Індеттен айыққандардың қатарына соңғы қосылған науқастар – Сырдария және Шиелі ауданының тұрғындары.
27 сәуір 17:05-тегі&nbsp;ақпарат бойынша Қызылорда облысында тағы 2 адам қауіпті індеттен жазылып шыққан. Олар – Сырдария және Шиелі аудандарынан.
Осылайша коронавирустық инфекциядан жазылғандар саны өңірде 110 адамға жетіп отыр.
Аталған науқастардан 2 реттен сынама тест алынып, бәрі теріс мәнді нәтиже көрсеткен.
Олар алдағы 14 күнде дәрігерлердің бақылауында болады.

Қызылордада қауіпті дерттен жазылған науқастар саны 110-ға жетті

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Кемелұлы Тоқаев еліміздегі қазіргі ахуалға байланысты және Мемлекеттік комиссияның ұсыныстарын негізге алып, Төтенше жағдай режимін биылғы 11 мамырға дейін ұзарту туралы Жарлық шығару жөнінде шешім қабылдады.
Бұл мәселеге бей-жай қарауға болмайтынын қазіргі қалыптасқан жағдай осыны дәлелдеуде. Осыған байланысты жергілікті жерлерде нақтылы іс шаралар жүзеге асырылуда, бүкіл бұқаралық ақпарат құралдары күнделікті мәліметтерменен қалың жұртшылықты хабардар етуде.
Бүгін Президент мәлімдемесінде “Алдағы мамыр айындағы мерекелерді де үйде атап өтуге тура келеді. Бірақ, Жеңіс күнінде Ұлы Отан соғысы ардагерлерінің бірде-біреуі елеусіз қалмайды. Бәріне лайықты құрмет көрсетіледі”, – деді. Бұл замандастарымыз үшін қуанышты жағдай.
Қауіпті індетке қарсы тұру – тек қана мемлекеттік органдардың жұмысы ғана емес, әрбір Қазақстан азаматының, тірі пенденің төл міндеті болуы тиіс.
Өмір сүрудің аксиомасы өзіңді-өзің сақтандыр, өзгеге жанашырлық сөзіңді жеткіз, атқарылып жатқан жұмыстарға қолдау көрсет. 
Төтенше жағдай кезінде қабылданған шешімдердің әрбір пунктінің орындалуына азаматтық борыштарынды орындаңдар!
Бұл істе ардагерлер қауымдастығының, ардагерлердің атқарар жұмыстары жеткілікті-ақ. Болашақ ұрпағымыздың денсаулықтарының зардап шекпеуіне өмірлік тәжірибелеріңізді айтыңыздар!
Халқымыздың басынан өткізген қиын қыстау кездегі зұлмат замандардан қалай аман-есен шыққанымызды, ұлт болып қалай ұйысқанымызды үнемі нақты мысалдармен жеткізе беріңіздер! Күні кешегі тәуелсіздігіміздің алмағайып кезеңінде болған қиыншылықтарды еске түсіріңіздер.
Халқымыздың санасында сақталған мына сөз «мың өліп, мың тірілген қазақ» деп тегін айтылмаса керек.
Билік басындағы азаматтарға қамқор көңілдеріңізді білдіре отырып, әрбір жасалынып жатқан іс әрекеттеріне қолдау көрсетейік, ардагерлер демекпіз. Біздер, барлық уақытта қиын қыстау шақта халық пен билік біргеміз!
Қазақ елінің болашағы үшін белсенді қызмет жасай берейік, ағайын! 
Көктемнің шуақты күнінің әрбір мезгілін тиімді пайдаланып, үй жайымыздағы ағаш егу, гүл отырғызу, көкөніс егу жұмыстарын шарбақтан шықпай-ақ атқара беруге болады, жастарға үлгі көрсетейік, абзал Ардагерлер!
Серік ДҮЙСЕНБАЕВ,
Қызылорда облыстық ардагерлер кеңесінің төрағасы

Серік Дүйсенбаев: Қауіпті індетке қарсы тұру – әрбір Қазақстан азаматының міндеті болуы тиіс

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 108 адамға жетті. Індеттен айыққандардың қатарына соңғы қосылған науқастар – Қазалы, Сырдария және Шиелі ауданының тұрғындары.
27 сәуір 12:50-дегі&nbsp;ақпарат бойынша Қызылорда облысында тағы 9 адам қауіпті індеттен жазылып шыққан. Оның ішінде, Қазалыда – 1, Сырдария – 6, Шиеліде – 2 науқас қауіпті індеттен айыққан.
Осылайша коронавирустық инфекциядан жазылғандар саны өңірде 108 адамға жетіп отыр.
Аталған науқастардан 2 реттен сынама тест алынып, бәрі теріс мәнді нәтиже көрсеткен.
Олар алдағы 14 күнде дәрігерлердің бақылауында болады.

Қызылордада 108 науқас қауіпті індеттен жазылып шықты

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекция жұқтырған тағы 3 науқас тіркелді.
27 сәуір 13:30-дағы&nbsp;мәлімет бойынша қауіпті індетке шалдыққан 3 науқастың екеуі – Қызылорда қаласынан, біреуі – Қазалы ауданынан.
Айта кетейік, осымен облыс бойынша коронавирустық инфекция жұқтырған науқастардың жалпы саны 182 адамға жетті.

Қызылорда облысында қауіпті індет жұқтырғандар саны 182 болды

Елде қалыптасқан жағдайға байланысты Республика басшылығы – Қасым – Жомарт Кемелұлы Тоқаев тарапынан жедел түрде атқарылған жұмыстарға оң бағасын бере отырып, билік пен халық арасындағы тікелей байланыстың орнатылуы көптеген мәселелердің бет-пердесін ашты, нақты жағдайларға байланысты тиісті шешімдер қабылдауды қажет етті.
Боямасыз өмір шындығына қарай батыл қадамдар жасалынуда. Халықтың үніне әрдайым құлақ асу, уақыт талабына сәйкес шұғыл шешім қабылдау, жергілікті мемлекеттік құрылым өкілдері мен тұрғындар ұсыныстарына ден қою, қарапайым халықтың белсенді іс – әрекеттерін қалыптастыруға Президент тарапынан қолдау көрсетілуі көпшілік қауымның көңілінен шығып отырғанын жасыра алмаймыз. Адам денсаулығын сақтаудан артық қазіргі таңда қандай міндет бар.
Төтенше жағдай кезіндегі қойылып отырған талап та осы мақсаттан туындап отыр емес пе. Тұрғындардың әлеуметтік – тұрмыстық жағдайында күйзеліске ұшырау жағдайына жол бермеу мақсатында көп балалы аналарға, мүгедек жандарға, соғыс және тыл ардагерлеріне, карантин кезінде жұмысын тоқтатқан кіші кәсіпкерлерге, тұрмысы төмен жанұяларға бұрын – соңды болмаған көмектердің көрсетілуі, төтенше жағдай кезіндегі мемлекеттік органдардың үйлесімді жұмыс ұйымдастырып, қай кезде де халық пікірімен санасып, ортақ пікірге келе білуі, барлық адамдарға бірдей елімізде заң үстемдігін орнату жолындағы әрбір азаматтың, әрбір мемлекеттік қызметтің ортақ міндеті екенін дәлелдегендей болды.
Айтылған сөзбен, уәденің орындалуы нақты істермен жалғасын тапқанда ғана бірлік ұғымының шынайы бейнесін елестеткендей болары сөзсіз.
Сыр бойының ардагерлер қауымдастығы бір – бірінің ынтымағын, сыйластығын қалыптастыра беру, ата – бабалар дәстүріне сай киелі қазақ жерінің тұтастығын сақтау, тілін ардақтау, оны қастерлеу жолындағы сабақтастығын саналы түрде жалғастыра беру біздердің үлкендік парызымыз, әрі қазіргі қазақ қоғамының сұранысы екені даусыз мәселе. Біз әрқашан Ел президентімен біргеміз! 
Сайлаубай ӘБІШЕВ,
Қызылорда қалалық ардагерлер кеңесінің төрағасы,
“Nur Otan” партиясы қалалық филиалы саяси кеңесінің мүшесі

Сайлаубай Әбішев: Кемел саясат ел бірлігін сақтайды

<a href="https://kyzylorda-news.kz/">Kyzylorda-news.kz.</a> Бұған дейін ел арасында Қазақстанда төтенше жағдай режимін 15 мамырға дейін созылады деген сөз желдей есті. Сарапшылардың да болжамы осыған сай болды.
Жалпы қазіргі таңда ел ішіндегі ахуалға орай төтенше жағдай режимін біршама ұзартқаны дұрыс шешім. Мен Президент Қасым-Жомарт Тоқаевтың бұл шешімін жақсы жаңалық ретінде қабылдадым.
Себебі індеттің әлі де қауіпті екені белгілі. «Сақтықта қорлық жоқ» демекші, барлығымыз үйде отырып қорғанғанымыз жөн.
Сонымен қатар, Мемлекет басшысы мектеп оқушыларының сабақ кестесі қашықтықтан жалғасатынын айтты. Расымен де, біз бірінші кезекте балалардың жағдайын, олардың денсаулығына баса назар аударуымыз қажет. Сонда ғана бұл кеселдің алдын алып, оның одан әрі белең алуына тосқауыл бола аламыз.
Егер біз сақтық шараларын қатаң сақтап, төтенше жағдай режимін ұстанатын болсақ, дертті толықтай жеңіп, барлық қиындықты артта қалдыратын боламыз. Сонда ғана бұрынғыдай жайма-шуақ күнге қайта оралып, әлі-ақ жақындарымызбен қауышамыз.
Нұрсәуле МҰСАЕВА,
Қызылорда облыстық Тілдерді дамыту орталығының директоры

Нұрсәуле Мұсаева: Қойылған талаптарды сақтасақ, бұл қиындықтар артта қалады

<a href="https://kyzylorda-news.kz/">Kyzylorda-news.kz.</a> Бұл дағдарыс бірлігі бекем, елін сүйетін отаншыл жұрт екенімізді көрсетті. Бұл туралы ҚР Президенті Қасым-Жомарт Тоқаев өзінің <a href="https://kyzylorda-news.kz/kogam/memleket-basshysy-qasym-zhomart-toqaevtyng-maelimdemesi-2-58837/">мәлімдемесінде</a>&nbsp;айтты.
<blockquote>
 «Індетпен күрестің алдыңғы шебіндегі азаматтарды тағы да ерекше атап өткім келеді. Халықтың қауіпсіздігі үшін жанкештілік танытып жүрген дәрігерлер мен медицина қызметкерлеріне, құқық қорғау органдарының өкілдеріне және әскери қызметшілерге алғыс айтамын. Қауіп-қатерге қарамай мұқтаж жандарға көмек қолын созған волонтерлерге де ризашылық білдіремін. Сондай-ақ, халыққа жедел және шынайы ақпарат таратып жүрген журналистер қауымына алғыс айтамын», – деді Президент.
</blockquote>
Сонымен қатар Мемлекет басшысы дағдарысқа қарсы шараларды жүзеге асыруға атсалысқан мемлекеттік аппараттың қызметкерлері де құрметке лайық екенін атап өтті.
<blockquote>
 «Қазақстан халықаралық қоғамдастықтан еш нәрсені жасырмай, барлық мәліметті ашық жариялап отыр. Сондықтан кейбір азаматтарды бос сөз бен жалған мәліметке жол бермеуге шақырамын. Әрине, мемлекеттік органдардың жұмысында олқылықтар бар, бірақ, мемлекеттік қызметшілердің көпшілігі жұмысын адал атқаруда. Кемшіліктерді біз көріп отырмыз. Одан тиісті сабақ алып, қажетті шараларды қабылдаймыз», – деді Қасым-Жомарт Кемелұлы.
 «Бұл дағдарыс бірлігі бекем, елін сүйетін отаншыл жұрт екенімізді көрсетті. Қашанда осылай ұлт болып ұйыса білсек, барлық мақсатымызға қол жеткіземіз. Оған ешқандай күмән жоқ. Елдің қамы үшін бастаған ісіміз қайырлы болады деп сенемін! Халқымыз «Береке басы – бірлікте» дейді. Жұдырықтай жұмылсақ, кез келген қиындықты жеңеміз! Біз біргеміз!», – деді Президент мәлімдемесінде.
</blockquote>

Тоқаев: Шынайы ақпарат таратып жүрген журналистер қауымына алғыс айтамын

<a href="https://kyzylorda-news.kz/">Kyzylorda-news.kz.</a> Жеңіс күнінде Ұлы Отан соғысы ардагерлерінің бірде-біреуі елеусіз қалмайды. Бұл туралы ҚР Президенті Қасым-Жомарт Тоқаевтың&nbsp;<a href="https://kyzylorda-news.kz/kogam/memleket-basshysy-qasym-zhomart-toqaevtyng-maelimdemesi-2-58837/">мәлімдемесінде</a>&nbsp;айтылды.
<blockquote>
 «Алдағы мамыр айындағы мерекелерді де үйде атап өтуге тура келеді. Бірақ, Жеңіс күнінде Ұлы Отан соғысы ардагерлерінің бірде-біреуі елеусіз қалмайды. Бәріне лайықты құрмет көрсетіледі», – деді Президент.
</blockquote>
Осы орайда Мемлекет басшысы әкімдер соғыс және тыл ардагерлеріне материалдық көмек беретінін атап өтті.

Мемлекет басшысы: Соғыс ардагерлеріне лайықты құрмет көрсетіледі

<a href="https://kyzylorda-news.kz/">Kyzylorda-news.kz.</a> 1,6 миллионнан астам адамға коммуналдық төлем үшін көмек көрсетіледі. Бұл туралы ҚР Президенті Қасым-Жомарт Тоқаев мәлімдемесінде атап өтті.
<blockquote>
 «Сәуір-мамыр айларында 1,6 миллионнан астам адамға коммуналдық төлем үшін көмек көрсетіледі. Азық-түліктің жеткілікті болуына және оның сапасына қатысты ұдайы мониторинг жүргізілуде. Елімізде азық-түлік тапшылығы жоқ»,- деді Қасым-Жомарт Тоқаев.
</blockquote>
Президенттің атап өтуінше, жергілікті билік органдары әлеуметтік маңызы бар тауарлар бағасын бақылауда ұстап отыр.
<blockquote>
 «Біз індетпен күрестің алдыңғы шебінде жүрген дәрігерлерді қаржылай қолдап жатырмыз. Денсаулық сақтау министрлігі және әкімдер басқа да медицина қызметкерлеріне көмек көрсету үшін шаралар қабылдауда. 1,6 миллионнан астам адам, 11,5 мың шағын және орта бизнес өкілі несиелерін кейін төлеуге мүмкіндік алды. Бұл жалпы алғанда 360 миллиардтан астам теңгені қамтиды», – деді Мемлекет басшысы.
</blockquote>

Қазақстан және Қызылорда облысының жаңалықтары: COVID-19