<a href="https://kyzylorda-news.kz/">Kyzylorda-news.kz.</a> Қазіргідей күрделі кезде әрбір азамат біздің назарымызда болады. Бұл туралы ҚР Президенті Қасым-Жомарт Тоқаев өзінің мәлімдемесінде атап өтті.
<blockquote>
 «Әлеуметтік және экономикалық тұрақтылықты қамтамасыз етіп, халықтың табысын сақтау үшін де арнайы шаралар қабылданып жатыр. Тағы да қайталап айтамын: қазіргідей күрделі кезде әрбір азамат біздің назарымызда болады. Мемлекет ешкімді қиындықта қалдырмайды. Мен төтенше жағдай кезеңінде азаматтарымызға қолдау көрсетуге арналған шаралардың екі топтамасын жария еттім», – деді Қасым-Жомарт Тоқаев.
</blockquote>
Мемлекет басшысының атап өтуінше, бұл шаралар барынша жүзеге асырылуда. Қоғам тарапынан айтылған орынды сын-пікірлер де бар.
<blockquote>
 «Оны ескереміз. Бүгінгі күні 4 миллион 250 мың азаматқа қаржылай көмек көрсетілді. 570 мыңнан астам адамға азық-түлік таратылды. Жалпы, 1,1 миллионнан астам адамды азық-түлікпен қамтамасыз етуді жоспарлап отырмыз. Елбасының бастамасымен құрылған «Біргеміз» қорынан қаржы бөлінді. «Nur Otan» партиясы белсенді жұмыс атқаруда»,- деді ҚР Президенті.
</blockquote>

Президент: Мемлекет ешкімді қиындықта қалдырмайды

<a href="https://kyzylorda-news.kz/">Kyzylorda-news.kz.</a> Қазақстан індеттің шарықтау шегінен өткен жоқ. Бұл туралы ҚР Президенті Қасым-Жомарт Тоқаев өзінің <a href="https://kyzylorda-news.kz/kogam/memleket-basshysy-qasym-zhomart-toqaevtyng-maelimdemesi-2-58837/">мәлімдемесінде</a> айтты.
<blockquote>
 «Қол жеткізген нәтижемен шектелуге болмайды. Қалыптасқан ахуал әлі де күрделі. Коронавирус бүкіл әлемді жайлап келеді. Вирус жұқтырғандардың саны 3 миллионға жуықтады. Бұл көрсеткіш өсіп бара жатыр. Пандемияның екінші кезеңі басталып кетуі де ықтимал. Қазақстан індеттің шарықтау шегінен өткен жоқ. Ахуалдың бақылаудан шығып кету қаупі бар», – деді Қасым-Жомарт Тоқаев.
</blockquote>
Мемлекет басшысының атап өтуінше, өкінішке қарай, кейбір аймақтарда, әсіресе, Алматыда вирус жұқтырған дәрігерлер және медицина қызметкерлері өте көп.
<blockquote>
 «Сондықтан, солардың қауіпсіздігін қамтамасыз ету үшін шұғыл шаралар қабылдануда. Мәселенің анық-қанығын зерттеп, бұған жол берген басшылардың жауапкершілігін қарау керек. Мұндай жағдайларға жол бермеу қажет. Қауіпсіздік шараларын қатаң сақтаған жөн. Онсыз болмайды. Олай етпесек, індеттің жаңа ошақтары пайда болуы мүмкін»,- деді ҚР Президенті.
</blockquote>

Тоқаев: Қазақстан індеттің шарықтау шегінен әлі өткен жоқ

<a href="https://kyzylorda-news.kz/">Kyzylorda-news.kz.</a> Еліміздің бірқатар өңірінде вирустың таралу қаупі әлі де сейілмей отыр. Бұл туралы ҚР Президенті Қасым-Жомарт Тоқаевтың <a href="https://kyzylorda-news.kz/kogam/memleket-basshysy-qasym-zhomart-toqaevtyng-maelimdemesi-2-58837/">мәлімдемесінде</a> айтылды.
<blockquote>
 «Баршаңызға белгілі, Қазақстан халқы 16 наурыздан бастап төтенше жағдай режиміне көшті. Әрине, бұл кезең жұртшылыққа оңай тимегені анық. Кейбір азаматтар жұмысын жоғалтып, табыссыз қалды. Ойға алған жоспарларын өзгертуге мәжбүр болғандар да бар. Адами тұрғыдан мен мұны түсінемін. Қауіпті вирус Қазақстанда кең жайылып кетпеуі үшін осындай күрделі, бірақ аса қажет шешім қабылдадым. Соның арқасында індет жаппай таралған жоқ»,- деді Мемлекет басшысы.
</blockquote>
Президенттің атап өтуінше, Дүниежүзілік денсаулық сақтау ұйымы да, халықаралық сарапшылар да Қазақстанның іс-қимылын оң бағалап отыр.
<blockquote>
 «Елімізде қатаң карантин шаралары енгізіліп, қоғамдық көліктің жұмысы тоқтатылды. Мекемелер мен кәсіпорындардың басым бөлігі қашықтан жұмыс істеу режиміне көшті. Көшелер, тұрғын үйлер дезинфекцияланып, науқастарға дәрігерлік көмек көрсетілуде. Әрине, барлық облыстағы жағдай бірдей емес. Кейбір аймақтарда індет шарықтау шегінен өткен сияқты. Бірақ бірқатар өңірде вирустың таралу қаупі әлі де сейілмей отыр. Біз ондағы нақты санитарлық ахуалға қарай әрекет жасаймыз. Басты міндет – азаматтарымыздың денсаулығын сақтап, өмірін қорғап қалу», – деді Қасым-Жомарт Тоқаев.
</blockquote>

Президент: Бірқатар өңірде вирустың таралу қаупі әлі де сейілмей отыр

<a href="https://kyzylorda-news.kz/">Kyzylorda-news.kz.</a> Адам көп жиналатын басқа да орындар әзірге жабық болады. Бұл туралы ҚР Президенті Қасым-Жомарт Тоқаев&nbsp;<a href="https://kyzylorda-news.kz/kogam/memleket-basshysy-qasym-zhomart-toqaevtyng-maelimdemesi-2-58837/">мәлімдемесінде</a>&nbsp;айтты.
<blockquote>
 «Карантин режимін біртіндеп жеңілдету дегеніміз өзіміз үйренген күнделікті тіршілікке қайта оралу емес екенін ұғынғанымыз жөн. Ойын-сауық және сауда орталықтары, кинотеатрлар, ресторандар, саябақтар мен адам көп жиналатын басқа да орындар әзірге жабық болады. Жоғары оқу орындары, колледждер, мектептер қашықтан оқытуды жалғастыра береді. Ел тұрғындарын бұл шараларға түсіністікпен қарауға шақырамын», – деді Мемлекет басшысы.
</blockquote>

Мемлекет басшысы: Мектептер қашықтан оқытуды жалғастыра береді

<a href="https://kyzylorda-news.kz/">Kyzylorda-news.kz.</a> Мемлекеттік комиссия әкімдіктермен бірлесіп, аулаларды және ойын алаңдарын ашу мәселесін ойластыруға тиіс. Бұл туралы ҚР Президенті Қасым-Жомарт Тоқаевтың&nbsp;<a href="https://kyzylorda-news.kz/kogam/memleket-basshysy-qasym-zhomart-toqaevtyng-maelimdemesi-2-58837/">мәлімдемесінде</a>&nbsp;айтылды.
<blockquote>
 «Оқшаулану кезінде ата-аналарға кішкентай балаларымен төрт қабырғаға қамалып отыру оңай емес. Мемлекеттік комиссия әкімдіктермен бірлесіп, аулаларды және ойын алаңдарын ашу мәселесін ойластыруға тиіс. Әрине, алдымен, барлық санитарлық нормалар мен санитарлық қауіпсіздік талаптары қатаң сақталуы керек», – деді Мемлекет басшысы.
</blockquote>
Сонымен қатар Қасым-Жомарт Тоқаев саяжайда жұмыс істейтіндерге қатысты мәселе қарастырылғанын атап өтті.
<blockquote>
 «Саяжай иелері де қатты алаңдап отыр. Өйткені, қазір көктемнің дәл ортасы, жұртқа қолайлы кезең. Мемлекеттік комиссия бұл мәселені қарастырды, енді оны шешу жолын айтады», – деді Президент.
</blockquote>

Карантин: Аулаларды және ойын алаңдарын ашу мәселесі пысықталады

<a href="https://kyzylorda-news.kz/">Kyzylorda-news.kz.</a> Үкімет 1 мамырдан бастап елорда мен Алматы арасындағы рейстерді ашатын болды. Бұл туралы ҚР Президенті Қасым-Жомарт Тоқаевтың&nbsp;<a href="https://kyzylorda-news.kz/kogam/memleket-basshysy-qasym-zhomart-toqaevtyng-maelimdemesi-2-58837/">мәлімдемесінде</a>&nbsp;айтты.
<blockquote>
 «Елімізде жолаушыларға арналған барлық әуе тасымалы тоқтады. Бұл дер кезінде қабылданған дұрыс шешім болды. Дегенмен, салыстырмалы түрде жағдайдың тұрақтанғанын ескеріп, Үкімет 1 мамырдан бастап елорда мен Алматы арасындағы рейстерді ашатын болды. Мұндай шара азаматтармен қатар індетпен күресіп жүрген көптеген мамандардың жұмысы үшін қажет», – деді Президент.
</blockquote>
Осы орайда Мәмлекет басшысы барлық қауіпсіздік шараларын мұқият ойластырып, авиациялық және санитарлық қызметтердің өзара іс-қимыл тәртібін әзірлеу маңызды екенін қадап айтты.

1 мамырдан бастап елорда мен Алматы арасындағы рейстер ашылады

<a href="https://kyzylorda-news.kz/">Kyzylorda-news.kz.</a> Қазақстан карантин режимін жеңілдетуге дайын. Бұл туралы ҚР Президенті Қасым-Жомарт Тоқаевтың&nbsp;<a href="https://kyzylorda-news.kz/kogam/memleket-basshysy-qasym-zhomart-toqaevtyng-maelimdemesi-2-58837/">мәлімдемесінде</a>&nbsp;айтылды.
ҚР Президенті Төтенше жағдай режимін қамтамасыз ету жөніндегі Мемлекеттік комиссия карантин талаптарын жеңілдетуге дайын екендігін айтты.
<blockquote>
 «Алдымен, вирустың таралуын қатаң бақылауда ұстап отырған облыстар мен қалалардан бастауға болады. Мемлекеттік комиссияға елорданың үлгісімен еліміздің барлық аймағында өз жұмыстарына кірісетін мекемелердің тізімін жасау тапсырылды. Бірінші кезекте өнеркәсіп кәсіпорындары, құрылыс, жол құрылысы және көлік компаниялары, банктер және халыққа қызмет көрсету орталықтары жұмысқа кірісуі керек», – деді Мемлекет басшысы.
</blockquote>
Қасым-Жомарт Тоқаев бірақ барлық санитарлық нормаларды сақтап, жұмыс орындарында үнемі дезинфекция жүргізіп тұру қажеттігін, күнделікті өмірде әлеуметтік ара қашықтықты ұстанған жөн екендігін баса атап өтеді.
<blockquote>
 «Кәсіпорын басшыларына және жергілікті атқару органдарына жеке жауапкершілік жүктеледі. Бұл орайда барлық деңгейдегі әкімдіктердің рөлі айтарлықтай артады», – деді ҚР Президенті.
</blockquote>

Қазақстан карантин режимін жеңілдетуге дайын

<a href="https://kyzylorda-news.kz/">Kyzylorda-news.kz.</a>&nbsp;Елімізде төтенше жағдай мерзімі 11 мамырға дейін ұзартылады. Бұл туралы Мемлекет басшысы Қасым-Жомарт Тоқаев өзінің <a href="https://kyzylorda-news.kz/kogam/memleket-basshysy-qasym-zhomart-toqaevtyng-maelimdemesi-2-58837/">мәлімдемесінде</a> айтты.
<blockquote>
 “Еліміздегі қазіргі ахуалға байланысты және Мемлекеттік комиссияның ұсыныстарын негізге алып, мен&nbsp;Төтенше жағдай режимін биылғы 11 мамырға дейін ұзарту туралы Жарлық шығару жөнінде шешім қабылдадым. Бұл – біз бастан өткеріп жатқан күрделі кезеңнің талабы. Заңға сәйкес&nbsp;11 мамырда Төтенше жағдай режимі аяқталады“, – деді ҚР Президенті өзінің мәлімдесінде.
</blockquote>

Президент: Елімізде төтенше жағдай мерзімі 11 мамырда аяқталады

Мемлекет басшысы Қасым-Жомарт Тоқаевтың мәлімдемесі

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықова өзінің <a href="https://www.facebook.com/108364210824733/posts/128120168849137/?d=n">Facebook</a> парақшасында өңір тұрғындарына үндеу жолдады. Онда аймақ басшысы облыста оқшаулау шаралары кезең-кезеңімен жеңілдету жөніндегі жоспар жасалғандығы айтылған.
<blockquote>
 «Сыр өңірінде 95 мың азамат шағын және орта бизнес саласында еңбек етеді. Бұл – экономикалық белсенді халықтың үштен бір бөлігі. Қазір оларда қиын кезең. Коронавирус шеберхана, базар, цех және салондардың жұмысын тоқтатты. Сондықтан кәсіпкерлердің көбін салықтық және несиелік қарызды өтеу мәселесі алаңдатады.
</blockquote>
​Осы ретте, 1 сәуірден 1 қазанға дейін көптеген ШОБ субъектілерінің салық және басқа да төлемдерден босатылғанын атап кету керек. Мұндай жеңілдікке сауда-саттықтың кей түрлері, көлік қызметі, туризм, ТҚС және тағы басқа кәсіп иелері иек арта алады. Қазір салық төлеу 3 ай мерзімге тоқтатылды. Кейін Төтенше жағдай режимін қамтамасыз ету жөніндегі мемлекеттік комиссия карантин жағдайына байланысты нысандар тізімін жасақтайды.
​Бүгінгі күнге дейін Қармақшыдағы жиһаз цехы (Елубаев ЖК), Шиелідегі техникалық қызмет көрсету станциясы (Игілік ЖК) сынды 1600-ден астам ШОБ құрылымы несие төлеу мерзімін кейінге шегеру туралы өтінім берген. 1400 өтінімге банктер тарапынан келісім берілді. Алдағы уақытта бұл жұмыс жалғасатын болады.
<blockquote>
 ​Аймақта карантин режиміне қарамастан, өндірісті тоқтатпай келе жатқан кәсіпорындар бар. Бірқатары бизнесін қайта бейіндеді. Бұған дейін көйлек немесе арнайы киім тіксе, ал қазір бетперде және қорғаныш костюмін де шығарады. Осындай «Dalatex», «Ас-Ка» және «ПромКоммерцКА» сынды 33 фабрика халыққа ең қажетті заттардың тапшылығын жойды. Яғни, бизнес те мемлекетке қолдау көрсетіп келеді.
</blockquote>
​Біз бүгін ертеңгі күнге қарап отырмыз. Ал ертең экономиканы қайта қалпына келтіру міндеті тұр. Таяуда Елбасы Нұрсұлтан Әбішұлы Назарбаевтың төрағалығымен өткен Қауіпсіздік Кеңесінің отырысы осы мәселеге арналды. Қызылорда облысының әкімдігі де дағдарыстан кейінгі жоспарын дайындады. Ал бұл – оқшаулау шараларын кезең-кезеңімен жеңілдету жөніндегі жоспар. Сол арқылы көп ұзамай үйреншікті өмірге қайта оралатын боламыз.
<blockquote>
 Әлемдегі барша медицина қызметкері бізді «Covid-19» вирусынан қорғап жүр. Вирусологтар болса, коронавируске қарсы екпе шығады деп сендіруде және солай болары сөзсіз. Карантин режимінде өмір сүріп жүргенімізге 1 айға жуықтады. Мұндай қатаң тәртіптен халық шаршады. Бірақ, әлі де шыдау керек. Көбі кетіп, азы қалды. Содан кейін экономика да қайта қалпына келеді. Барлығы жақсы болады. Біз біргеміз!», – делінген облыс әкімінің аталған жазбасында.
</blockquote>

Гүлшара Әбдіқалықова: Өңірдегі оқшаулау шаралары кезең-кезеңімен жеңілдетіледі

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 179 адамға жетті. Соңғы тәулікте жаңадан жағдай тіркелген жоқ. Бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте облыстағы эпидемиологиялық ахуалды баяндады.
<blockquote>
 «Қазіргі таңда Қызылорда облысында коронавирустық инфекцияны жұқтырған 179 жағдай тіркелді. Соңғы тәулікте жаңадан жағдай тіркелген жоқ. 179 жағдайдың 46-сы – Қызылорда қаласынан, 4-еуі – Арал, 2-уі – Қазалы, 5-уі – Қармақшы, 26-сы – Сырдария, 66-сы – Шиелі, 30-ы – Жаңақорған ауданынан. Бір науқас – Тараз қаласының тұрғыны. Ол алысқа қатынайтын жүк көлігін жүргізуші болып жасаған. Денсаулығы мазалған соң, Қармақшы аудандық ауруханасына көрінген. Сол жерде сынама тест алынып, диагнозы анықталды. Қазіргі таңда Қармақшыда ем алып жатқандықтан, біздің облыстың көрсеткішіне қосылып отыр», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 179 науқаспен байланыста болғандардың жалпы саны – 2658.&nbsp;Оның ішінде, жақын қарым-қатынаста болғандар саны – 1361, потенциалды байланыста болғандар – 1297 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 80, правизорлық стационарда – 53, карантиндік стационарда – 490 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 571 тест сынамасы жасалыпты.
<blockquote>
 «Соңғы тәулікте 571 тест сынамасы жасалды. Оның 421 – теріс мәнді болып шықты. Ал, 147 – әлі тексерілу үстінде. Бүгінде облысымызда 6440 тест сынамасының қоры қалды», – деді ол.
</blockquote>
Сондай-ақ, басқарма басшысы соңғы тәулікте емін аяқтап, отбасыларына оралған науқастар туралы да мәлімдеді.
<blockquote>
 «Соңғы тәулікте 19 науқас емін аяқтап, отбасыларына оралды. Оның ішінде, Шиеліден – 11, Сырдариядан – 5, Жаңақорғаннан – 1, Қызылорда қаласынан – 2 науқас жазылып шықты. Облыс бойынша қауіпті індеттен айыққандардың жалпы саны – 99 адамды құрайды. Осы жазылған науқастардың арасында 9 медицина саласының қызметкері бар. Бүгінде карантин талаптарын сақтаудың арқасында, қарым-қатынас арқылы жұғу көрсеткіші тоқтады», – деді Ж. Әбілқасымұлы.
</blockquote>
Айта кетейік, бүгін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/densawlyq/qyzylorda-oblysynda-qawipti-indet-zhuqtyrghandar-sany-179-adamgha-zhetti-58704/">179 адамға жеткенін</a>&nbsp;хабарлаған болатынбыз.

COVID-19: Қармақшыда анықталған науқас – Тараз қаласының тұрғыны

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаевтың еліміздегі коронавирус індетіне қатысты мәлімдемесі түске дейін жарияланады, деп хабарлайды Мемлекет басшысының баспасөз хатшысы Берік Уәли.
<blockquote>
 «Мемлекет басшысы Қасым-Жомарт Тоқаевтың еліміздегі коронавирус індетіне қатысты мәлімдемесі&nbsp;<a href="http://www.akorda.kz/kz">Akorda.kz</a>&nbsp;сайтына түске дейін жарияланады», деп жазды Берік Уәли&nbsp;<a href="https://www.facebook.com/story.php?story_fbid=2778306792292735&id=100003403233694">Facebook</a>&nbsp;-тегі парақшасында.
</blockquote>
Еске сала кетсек, Президент карантин шараларының жаңа тәсілдері енгізілетінін&nbsp;<a href="https://kyzylorda-news.kz/kogam/qasym-zhomart-toqaev-karantin-sharalarynyng-zhanga-taesilderi-engiziledi-58796/">мәлімдеген</a>&nbsp;еді.
<blockquote>
 «Бүгін еліміздегі коронавирус індетіне байланысты менің мәлімдемем жарияланады. Карантин шараларының жаңа тәсілдері енгізіледі», деп жазды Президент&nbsp;<a href="https://twitter.com/TokayevKZ">Twitter</a>&nbsp;-дегі парақшасында.
</blockquote>

Қазақстан және Қызылорда облысының жаңалықтары: COVID-19