<a href="https://kyzylorda-news.kz/">Kyzylorda-news.kz</a> &nbsp;Конституция және Білім күні қарсаңында облыс әкімі Нұрлыбек Нәлібаев Жаңақорған ауданына жұмыс сапарымен барып, аудан орталығындағы 400 орындық мектептің ашылу рәсімінде тұрғындарды құттықтады. Жаңа мектептің жанында 200 орындық жатақханасы бар.Аймақ басшысы өскелең ұрпақтың жайлы мектептерде білім алуы, қосымша білім беру ұйымдарында қабілетін шыңдауы үшін атқарылатын жұмыстарды атап өтті. Мемлекет басшысының тапсырмасымен жас ұрпақтың игілігі жолындағы шаруаларға баса мән берілетініне тоқталды.«Мемлекет басшысы Қасым-Жомарт Кемелұлы «Орта білімнің сапасы – табысты ұлт болудың тағы бір маңызды шарты. Әрбір оқушының білім алып, жан-жақты дамуы үшін қолайлы жағдай жасалуға тиіс», – деп атап өтті.<blockquote>&nbsp;– Биылғы оқу жылы облыс түлектері үшін жемісті әрі нәтижелі болды. Өңіріміз соңғы төрт жылда Ұлттық бірыңғай тестілеудің орташа балл көрсеткішімен республикадағы алғашқы үштікке енген еді. Биыл жиырма өңірдің ішінде бірінші орыннан көрінді. Мемлекеттік грант конкурсына қатысқандардың 76 пайызы, яғни 4 752 оқушы еліміздің жоғары оқу орындарына түсті. Бұдан бөлек, тұрмысы төмен отбасы балалары үшін аймаққа қажет мамандықтарға облыс әкімінің 100 гранты бөлінді. Алдағы уақытта да дарынды балаларымызды, талантты жастарымызды қолдау шаралары жалғасын табады», – деді аймақ басшысы.</blockquote>Салтанатты рәсімде Қазақстанның Құрметті құрылысшысы Самұрат Имандосов жаңа білім ошағының ашылуымен құттықтап, қоғам қайраткері Әбдіғаппар Әмірғалиев бата берді.Іс-шара соңында қонақтар жаңа ғимаратты аралап көрді.Айта кетейік, биыл Сыр өңірінде білім саласына бөлінген қаржы 262 млрд. 100 млн. теңгеге жетіп, облыс бюджетінің 35,8 пайызын құрады. Президент бастамасымен қолға алынған «Жайлы мектеп» ұлттық жобасы аясында өңірде 21 мектеп салу жоспарланған. Оның 10-ның құрылысы биыл аяқталса, 11 мектеп келер жылы пайдалануға беріледі.«Білімді қолдау қоры» есебінен Қызылорда қаласында дарынды балаларға арналған физика-математика мектеп-интернатының құрылысы жүргізілуде. Өткен аптада Шығармашылық-инновациялық орталығының іргетасы қаланды. Арал ауданы Тоқабай ауылындағы апатты, Ақшатау ауылындағы бастауыш мектептің жаңа ғимараттары жеке инвесторлардың демеушілігімен бой көтеруде. Облыстық бюджет есебінен 8 мектеп ғимараты күрделі жөндеуден өтті.Өңірде жеке білім беру ұйымдарының желісі артып келеді. Биылдың өзінде олардың саны 7-ге көбейеді, осылайша, жаңа оқу жылында жеке мектептер саны 40-қа жетеді. Соның бірі – бүгінгі зияткерлік мектеп-интернат. Білім ошағы заманауи талаптарға сай қажетті құрал-жабдықтармен толық жарақтандырылған. Қазір 400-ден астам оқушы қабылданды, оның 64-і мектеп табалдырығын алғаш аттайды.Ашылу рәсімінен кейін аймақ басшысы тұрғындармен кездесіп, ауданның әлеуметтік-экономикалық дамуындағы бастамаларды, қолға алынған жобаларды, алдағы атқарылатын жұмыс жайын талқылады.<img src="https://knadmin.beoblood.kz/uploads/2_99912ec0fe.jpg" alt="2.jpg"><img src="https://knadmin.beoblood.kz/uploads/3_11c6203eb1.jpg" alt="3.jpg"><img src="https://knadmin.beoblood.kz/uploads/4_8faefaa183.jpg" alt="4.jpg"><img src="https://knadmin.beoblood.kz/uploads/5_d895549866.jpg" alt="5.jpg"><img src="https://knadmin.beoblood.kz/uploads/6_778563e951.jpg" alt="6.jpg"><img src="https://knadmin.beoblood.kz/uploads/7_9b0228abbc.jpg" alt="7.jpg">Фото:&nbsp;Қызылорда облысы әкімінің баспасөз қызметі

 Жаңақорған ауданында 400 орындық мектеп-интернат ашылды

<a href="https://kyzylorda-news.kz/">Kyzylorda-news.kz</a> &nbsp;Жаңа оқу жылы қарсаңында облыс полицейлері күшейтілген режимде жұмыс істемек.&nbsp;Жаңа оқу жылының алғашқы күнінен бастап күнделікті мектеп алдындағы жол өткелдерінде балалар травматизмінің алдын-алу мақсатында таңертең, түскі және кешкі уақытта ювеналды және патрульдік полиция инспекторлары қызмет атқаратын болады.&nbsp;Сондай-ақ, республика көлемінде өтіп жатқан «Назар аударыңыз – балалар!» атты іс-шарасы аясында облыстағы 335 мектептің аумағында жол қозғалысын реттеудің техникалық құралдарына, жол белгілері мен жол үсті таңбаларына тексеру жұмыстары жүргізілген. Бұл туралы Өңірлік коммуникациялар қызметінің ақпарат алаңында Қызылорда облысы Полиция департаменті Жергілікті полиция басқармасының бастығы, полиция полковнигі Ердаулет Жаукеев айтты.<blockquote>– Мемлекет басшысы өз жолдауында «Біз жас ұрпақтың қауіпсіз әрі алаңсыз өмір сүруін қамтамасыз етуге тиіспіз» деп айтып, тиісті шаралар қабылдау үшін барлық мүдделі органдарға қажетті тапсырма берген еді. Балалардың қауіпсіздігі әрқашан басты назарымызда. Осы оқу жылының басталуымен оған екі есе ерекше назар аударпылатын болады. Қазіргі таңда жергілікті атқарушы органдармен бірлесіп балалардың қауіпсіздігі бағытында тиісті шаралар қабылдануда. Осыған орай, полиция қызметі күшейтілген кестеге көшіріліп, 1 қыркүйек «Білім күні» барлық оқу ұйымдарында қауіпсіздікті қамтамасыз етуге 594 қызметкер мен 139 автокөлік жұмылдырылатын болады. Сонымен қатар, кәмелетке толмағандардың қатысуымен жасалатын жол-көлік оқиғаларының алдын алу үшін тұрақты түрде «Абайлаңыз, балалар!», «Абайлаңыз, жаяу жүргінші!», «Балалар, жолда абай болыңдар!», «Мектепке жол» секілді профилактикалық шаралар қабылдануда. Сонымен қатар, айта кететін тағы бір мәселе, қазіргі заман ағымына сәйкес, балаларымыз электросамокаттар мен гидроскутерлерге қызығушылық танытуда. Осыған орай олардың қауіпсіздігін қамтамасыз ету мақсатында Мемлекет басшысымен жол жүрісі туралы заңнамаға өзгерістер енгізіліп, 2023 жылдың 30 тамызында күшіне енді. Қабылданған Заңға сәйкес, электросамокаттар веложолдарда, жолдың жүріс бөлігінің оң жақ шетінде, оның ішінде маршруттық көліктерге арналған жолақтың бойымен бір қатарда 25 км жылдамдықпен қозғала алады және жүргізушілері 18 жастан жоғары, кез келген санаттағы жүргізуші куәлігі бар, шлемде болуы қажет. Электросамокатпен жолаушылар мен жүктерді тасымалдағаны үшін және жол жүрісіне қатысушыларға қойылатын өзге де талаптарды бұзғаны үшін ҚР Әкімшілік кодекстің 593 (шлемсіз басқару, жүк және жолаушы тасымалдау) және 620-бабымен&nbsp;(жүргізуші куәлігі жоқ) әкімшілік жауапкершілік қарастырылады. Біздің басты мақсатымыз – адамның өмірі мен денсаулығын сақтап, қауіпсіздігін қамтамасыз ету. Осы ретте жүргізушілердің назарына жылдамдықты межеден асырмай, жол ережелерін сақтап жүруге, жаяу жүргіншілер жол жағдайын ескеріп, тек белгіленген орыннан өту қажеттігін түсіндіреміз, – деді Ердаулет Баянбайұлы.</blockquote>Фото: Қызылорда облысының Өңірлік коммуникациялар қызметі

Оқу жылы қарсаңында қауіпсіздікті қамтамасыз етуге 594 қызметкер жұмылдырылады

<a href="https://kyzylorda-news.kz/">Kyzylorda-news.kz</a>&nbsp; Бүгін “ҚХП” Қызылорда облыстық филиалының &nbsp;өкілдері мен Қызылорда қалалық білім бөлімінің әдіскері Ақерке Мұратбаева Қызылорда қаласына қарасты Қызылжарма ауылдық округіндегі Сақтапберген Әлжіков атындағы N144 орта мектебінің директоры Жұмагүл &nbsp;Әбдіманапқызымен кездесіп, &nbsp;мектептің жаңа оқу жылына дайындығына партиялық бақылау жүргізді.Аталған білім ордасы “100 аурухана 100 мектеп” бағдарламасы аясында 2009 жылы 1200 орындық болып ашылған. &nbsp;Жалпы мектеп 11 блоктан тұрады. Алайда баланың көптігінен бүгінде мектепте 2897 оқушы&nbsp;оқиды. Ал оның 270 оқушысы 1-сыныпқа қабылданса, 119 түлек 11-сыныпты бітіреді.Бүгінде мектепте қауіпсіздік мәселесі толықтай шешілген. Айта кету керек, кадр тапшылығы жоқ. Соңғы үлгіде жабықталған білім ордасы жаңа оқу жылына оқушыларды қабылдауға толықтай дайын.<img src="https://knadmin.beoblood.kz/uploads/3_1b09e022e4.jpg" alt="3.jpg">

Жаңа оқу жылына дайындық пысықталды

<a href="https://kyzylorda-news.kz/">Kyzylorda-news.kz</a>&nbsp; Бала денсаулығын, оның дене және ақыл-ой дамуын анықтайтын бағыттардың бірі өскелең ұрпақты сапалы тамақтандыруды ұйымдастыру болып табылады. Дұрыс ұйымдастырылған тамақтандыру оқушылардың денсаулығын сақтауға көмектесетіні сөзсіз. Балалардың сапалы білім алуы мен қауіпсіздігі партияның Сайлауалды бағдарламасында көрініс тапқан. Осы бағытта бүгін «AMANAT» партиясы жанындағы Партиялық бақылау Комитетінің отырысы өтіп, онда орталық және жергілікті атқарушы органдарда қызмет жасайтын партия мүшелерінің мектеп асханаларында ыстық тамақты ұйымдастыру бағытында атқарған жұмыстары талқыланды.Отырысқа өңірден бейнебайланыс режимінде партияның облыстық филиалының төрағасы Алмасбек Есмаханов, облыс әкімінің орынбасары Шахмардан Байманов,партияның облыстық филиалы жанындағы Партиялық бақылау комиссиясының төрағасы Нұркен Бақытбекұлы, облыстық білім басқармасы басшысының орынбасары Бағдат Бердаулетов және партияның облыстық филиалының партиялық бақылау инспекторы Базара Танбаева қатысты.Жиында Жамбыл, Алматы, Қызылорда, Қарағанды, Павлодар, Шығыс Қазақстан және Ақмола облыстары әкімдерінің орынбасарлары есеп берді.Жоспарлы түрде оқушыларды ыстық тамақпен қамтамасыз ету бойынша өңірде ауқымды жұмыстар жасалып жатыр. Оқушыларды ыстық тамақпен қамтуға жергілікті бюджеттен 9 млрд тг қаржы бөлінген. Мектеп-интернаттарды қоспағанда облыстағы 297 мектептің 290-да ыстық тамақ, 7-інде буфеттік құрғақ тамақ ұйымдастырылған.<blockquote>«Биыл бірінші жартыжылдықта 87 331 бала, оның ішінде әлеуметтік осал топқа жататын 35 067 бала, бастауыш сыныптардағы 52 264 бала 100 пайыз тегін тамақпен қамтылған. Білім беру ұйымдарында ас мәзірінің нормалары ҚР Үкіметінің №320 қаулысының №15 қосымшасына сәйкес жас ерекшілігіне қарай ұйымдастырылып отыр. Бір реттік тамақтану құны орта есеппен 580 теңгені құрайды.Азық-түліктің нарықтық бағасының өсуіне орай тамақтануға бөлінетін қаржы жыл сайын 10-12% көтеріліп отыр»,- деді өңірде атқарылған жұмыстарды баяндаған облыс әкімінің орынбасары Шахмардан Байманов.</blockquote><img src="https://knadmin.beoblood.kz/uploads/457150182_920258136806490_5896824560384449348_n_d886679a11.jpg" alt="457150182_920258136806490_5896824560384449348_n.jpg">Буфеттік құрғақ тамақ ұйымдастырылған жеті мектептің 4 –і Арал, 3-і Шиелі аудандарына тиесілі. Бұл мәселенің алдын алу бағытында нақты жұмыстар қолға алынған.<blockquote>«Арал, Шиелі аудандары бойынша 7 мектеп ғимараты асхана ашуға талапқа сай келмеуіне байланысты бұл білім ордаларында тегін буфеттік тамақ ұйымдастырылған.Бұл мектептерде 289 бала білім алса, олардың 223-і тегін буфеттік тамақпен қамтылып отыр. Қазіргі таңда, Арал ауданындағы Ақшатау және Тоқабай елді мекендеріндегі мектептердің құрылысы демеушілермен жүргізіліп жатыр. Шиелі ауданы, Жансейіт елді мекеніндегі №133 негізгі мектептің жаңа ғимараты жақын күндері пайдалануға беріледі деп жоспраланып отыр. Жаңа мектепте 40 орындық асхана қарастырылған. Келесі жылдан бастап мұндағы 51 бала ыстық тамақпен қамтылады. 2021-2025 жылдар аралығында өңірде 236 мектептің асханасына жабдықтау жұмыстарын жүзеге асыру көзделсе, биыл 47 мектептің асханасы жабдықталды», - деді облыс әкімінің орынбасары Шахмардан Байманов.</blockquote>Атап өтейік, мектеп асханасындағы тамақтандырудың сапасына бақылау жасау мәселесі де назардан тыс қалмаған. Бұл үшін Оқу-ағарту министрлігінің бұйрығымен ведомствоаралық сараптамалық тобы бекітіліп, әр мектепте бракераждық комиссия құрылған. Биыл сараптамалық топпен 112 білім беру ұйымында бақылау жүргізіліп, кемшіліктер мен занбұзушылықтарды болдырмау үшін тиісті шаралар қабылданған. Бұл бағыттағы жұмыстарға өңірлерде Партиялық бақылау комиссияларымен жалғасын табатын болады.Фото: ozgepikir.kz

Қызылордада оқушыларды ыстық тамақпен қамтамасыз ету барысы қалай?

Фото: kaz.inform.kz<a href="https://kyzylorda-news.kz/">Kyzylorda-news.kz</a> Алматыда IQ BBQ ғылыми-музыкалық фестивалі өтті. Ауқымды іс-шараның қонағы болған ҚР ұшқыш-ғарышкері, ҚР Халық Қаһарманы Айдын Айымбетов келесі қазақ ғарышкері қашан шығуы мүмкін екенін айтты. Бұл туралы Kazinform жазды.&nbsp;Оның сөзінше, бүгінгі күні қазақстандық ғылыми институттар ғарыштың ғылыми-зерттеу бағдарламасын дайындап жатыр.&nbsp;<blockquote>- Қазіргі уақытта ғылыми-зерттеу бағдарламасы дайындалып жатыр. Онсыз ғарышкерді жай ғана ғарышқа жіберудің мәні болмайды. Осы ғылыми бағдарлама дайын болған кезде келесі ғарышкердің аты аталады. Үміткерлерді табу қиын болмайды деп ойлаймын. Өйткені қазіргі жастар мықты. Біздің кезде көбі салауатты өмір салтын ұстана бермесе, бүгінгі жастар спортқа жақын және ғылым-білімге ұмтылады, - деді ол.&nbsp;</blockquote>Сондай-ақ Айдын Айымбетов Қазақстан бейбіт мақсатта ғарышты зерттеуге көбірек көңіл бөлуі керек екенін атап өтті.&nbsp;<blockquote>- Ғарышқа бірнәрсе жібергенде «оның не қажеті болды, одан да ақшаны бәріне бөліп берейік» деген әңгімелер болады. Оны таратқанда әрі кетсе 10 мың теңгеден бөлінер, адамдар оны бір күнде ішіп-жеп қояды. Ай бағдарламасын алайық, онда ешқашан атмосфера болған жоқ. Бірақ сол жерде жиналған материалдар әлемнің пайда болуының құпиясын ашуы мүмкін. Ғарыштағы астероидтар тас күйінде ғана емес, темірден не алтынннан құралған болуы мүмкін. Міне, осындай нәрселерді зерттеуіміз керек. Ал егер «оны қайтеміз, ақшаны таратып берейік» деп жүре берсек, онда дамыған елдердің артынан ғана жүреміз, - деді ғарышкер.&nbsp;</blockquote>Айта кеткен жөн, Айдын Айымбетов 2015 жылғы 2-қыркүйекте ғарышқа ұшып, онда 10 күн болды. Осылайша ол үшінші қазақ ғарышкері атанды. &nbsp;

Айдын Айымбетов келесі қазақ ғарышкері қашан ұшатынын айтты  

<a href="https://kyzylorda-news.kz/">Kyzylorda-news.kz</a> &nbsp;&nbsp;Белгілі педагог-ұстаз Аятжан Ахметжанұлы мұғалімдердің біліктілігі туралы әңгіме қозғады. Оның айтуынша, қазақтың классик жазушыларын оқымай, мектептерде сабақ беретін мұғалімдер бар. Тіпті олардың кейібірі әдебиеттен сабақ береді екен, деп хабарлады өзінің <a href="https://www.facebook.com/photo/?fbid=7442453399189596&amp;set=a.376445099123830&amp;locale=ru_RU">фейсбук</a> парақшасында.&nbsp;Талай жылдан бері білім беру саласында қызмет етіп жүрген Аятжан Ахметжанұлының сөзінше, мұғалімдік қызметке тұру үшін тест тапсыратындардың көбі екінші кезеңге өтпей қалады. Арасында тіпті, менеджер қыздарға «Ондай заңды қайдан алдыңдар?» деп шу шығарып кететіндер де бар.<blockquote>"Ең қиын түйін білікті кадр… QAZBILIM жобалары өмірге келгелі 10 жыл. 10 жыл кадрды бүкіл өңірде өзім қабылдап келемін. Соңғы үш жыл білім беру орталығынан ұлттық мектептер желісіне айналғасын, биыл әдістемелік орталық қосып жатқасын жылына 100-ге жуық жаңа кадр қосылады ұжымға. Биылғы оқу жылында 8 қаладағы қызметкер саны 500-ден асады. Қазір біздің QAZBILIM ұлттық лицейлерінің жалақысы басқа мектептерден жақсы, еңбек демалысы, сауықтыру төлемі мемлекеттік мектептен де жоғары төленетінін көргесін, бізге жұмысқа тұрғысы келетін мамандар қатары артты. Тіпті кей өңірде пәтерге де көмектесіп жатамыз.</blockquote><blockquote>Бізде мұғалім қабылдау барысы екі турдан тұрады. Бірінші тур пәндік тест. Мұғалім өз пәнінен ҰБТ сұрақтарынан құралған 90-120 балл арасындағы тестілеуден өтеді. Тәртіп солай. Себебі, бізге жұмысқа тұрудың басты шарты өз пәнін жетік білу. Енді дәл осы кезеңде хабарласқан адамның бір бөлігі тест тапсырасыз десең келмей қалады. Екінші бөлігі неге тапсырамын, ондай заңды қайдан алдыңдар деп шу шығарып, менеджер қыздарға ұрыс шығарып кетеді. Осы екі топтан басқа адамдар тест тапсырады.Бірінші турдан өту балы тестілеуден 50% дан жоғары алу. Яғни 120 балдан 61 ден асу, 90 баллдан 46 дан жоғары алу. Енді тестке келген адамдардың өз пәнінен алынған осы тесттен 50% ала алмайтындар тестке қатысушылардың жартысынан көбі. Тіпті солардың біразының түйіндемесін көрсең 10 жылдан артық сабақ берген. Мен аң-таңмын. Бірақ, нәтижеңіз неге төмен десеңіз ашуланады. Сол үшін екінші кезеңге өтпедіңіз деп ақырын қоштасамыз. Ашуланады. Сол адамдардың алдындағы балаларға жаным ашиды. Кей өңірде тестен шектік балл алатын маман таппай қор боламыз.Екінші тур. 8 қаладағы ұстаздарды да өзім сұқбаттан өткіземін. Өз пәнінен тестен өткен ұстаздардың ізденісі қалай, баланы, мектепті шынайы жақсы көре ме, өзін дамыта ала ма деп әр түрлі бағытта сұрақ қоямын. Кейде шымшыма сұрақты да қоямын. Себебі, психологиялық тұрғыда сынау үшін. Әр түрлі оқиғаға тап боласың.Мен үшін ең ауыр жұмыс осы маман табу, мұғалім қабылдау. Себебі елді жұмыссыздық емес, біліксіздік жайлап кеткен, өкінішке қарай. Басқа пәнді сосын айтармын. Ең алдымен биыл бізге конкурсқа ең көп қатысқан пән қазақ тілі мен әдебиеті пәні мұғалімі болды. Сол сұқбаттар жайлы көңіл құлазытқан, көп қайталанған екі үш жайтты айтайын. Биыл кемінде 200-ден аса қазақ тілі мен әдебиеті пәні мұғалімімен сұқбат құрдым.Тұрақты қойылатын сұрақтарымның бірі:– Соңғы рет қашан, қандай кітап оқыдыңыз? (Оқыған кітаптары туралы әңгімелесем.)Өкінішке қарай, мүлде кітап оқымайтындар көп. Қандай кітап оқып жүрсіз дегенде “Екінші болма”, “Өмірге шексіз ғашық”, “Жүрек тыныштығы”, “Еркем, өмірің болсын көркем”атайтындар көп. Жүрегің ауырады.– Қазақ классиктерінен кімдердің қандай шығармасын оқыдыңыз? (Оқыдым деген авторлардан, шығармалардан сұрақ қоямын.)Өкінішке қарай, Бердібекті, Әбішті, Мағауин мен Қабдешті оқымайды. Бірақ, қазақ тілі мен әдебиеттен сабақ береді.Ал Рахымжан Отарбаев, Бексұлтан Нұржекеев секілді авторды сұрасаң ол кім дейтіндер де көп. Өкінішті.– Балаларға қалай кітап оқыта аламыз?Бұл сұраққа алдыңғы сұрақтардан кейін көсілгісі келетіндер көп. Өзі кітап оқымайтын адам біреуді былай қызықтырар едім дегені өтіріктеу көрінеді.Өкінішке қарай, PISA емтиханы қорытындысында қатысқан 80 елден оқу сауаттылығы бойынша 62 орында тұрғанымызды сондайда ойланып кетесің…Тіпті, оқулықта берілген шығармаларды мұғалім тек оқулықтағы үзіндісін ғана оқығанын білгенде балаларға жаның ауырады. “Атау кере” шығармасының басты идеясы не деген сұрағыма алқаштың өмірі туралы шығарма деген жауапты естігенде күйіп, күйініп кеткен кезімде болды…Білім сапасы мұғалім сапасынан биік болмайды. Бұл – аксиома», - деп жазды ол әлеуметтік желідегі парақшасында.</blockquote>Фото: https://www.facebook.com/aiatjan

Аятжан Ахметжанұлы: Әдеби кітап оқымай, мектепте сабақ беретін мұғалімдер бар

Фото: nu.edu.kz/ru<a href="https://kyzylorda-news.kz/">Kyzylorda-news.kz</a> Жоғары білім алу үшін берілетін пайызсыз несие беру бағдарламасы жыл соңына дейін іске қосу жоспарланған. Бұл туралы Stan.kz ақпарат агенттігі хабарлайды.Ғылым және жоғары білім министрлігінің мәліметінше, &nbsp;АҚШ-та ЖОО ақысын төлеу үшін пайызсыз несие беріледі. Қазір екінші деңгейлі банктермен жұмыс істеу механизмін қарастырылып жатыр. Заң жобасы осыдан кейін дайындалады. Бұл еліміздегі жоғары білімнің қолжетімділігін арттыру үшін енгізілгелі отыр. Ол үшін негізгі үш талапты орындау керек.<blockquote>“Сараланған яғни, дифференциалды грант иегері болуы керек. Келесі талап – тұрақты табыс көзі бар, кемінде еңбекке қабілетті азаматына кепілдік берген үміткерге беріледі. Бұл шарт жетім және ата-ана қамқорынсыз қалған балалар санатына жататын қарыз алушыларға қолданылмайды. Үшінші талап – екінші деңгейлі білім беру депозиті, яғни “Ақыл” депозиті болуға тиіс”, – деді ғылым және жоғары білім министрлігі "Қаржы орталығы" АҚ маманы Диана Саметова.</blockquote>

Студенттерге жоғары білім алу үшін он жылға дейін пайызсыз несие берілмек. Қандай талап қойылады?

<a href="https://kyzylorda-news.kz/">Kyzylorda-news.kz</a> &nbsp;Жыл сайын білімге құмартып, оқуға ынталы жандарға облыс әкімінің арнайы гранты тағайындалып келеді. Сонау 2013 жылдан бері өңірдің әлеуметтік-экономикалық дамуын айқындайтын мамандықтар бойынша облыс әкімінің грантын тұрмысы төмен және көпбалалы отбасылардан шыққан білімге құштар мыңнан аса түлек иеленіп келді.&nbsp;Биыл да білімге бой ұрған жандарға жақсы мүмкіндік туындады. Қанша грант тағайындалды? Қандай мамандықтарға басымдық берілді? Осы сұрақтардың жауабын Өңірлік коммуникациялар қызметінің ақпарат алаңында Облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев баяндап берді.<blockquote>– “Арнайы комиссия шешімдерімен жалпы қосымша бекітілген 47 гранттың 44-і тағайындалды. Атап айтқанда, Қорқыт ата атындағы Қызылорда университетіне бөлінген 36 гранттың 33-і, Қызылорда «Болашақ» университетіне бөлінген 1 гранттың 1-і, Нұр – Мүбарак Египет Ислам мәдениеті университетіне бөлінген гранттың 1-і, Қарағанды медицина университетіне бөлінген &nbsp;2&nbsp;гранттың 2-не, С.Ж. Асфендияров атындағы Қазақ Ұлттық медицина университетіне бөлінген 7 гранттың 7-де тағайындалды. Тағайындалған гранттар бойынша археология және этнология мамандығына – 4грант, әлеуметтік жұмыс – 2, дизайн – 1, журналистика және репортер ісі – 1, экология және табиғатты пайдалану – 10, дәстүрлі музыка өнері – 1, аударма ісі - 6, ақпараттық жүйе – 2, ақпараттық қауіпсіздік жүйелері – 6, көлікті пайдалану және жүк қозғалысымен тасымалдауды ұйымдастыру - 1, исламтану мамандығына – 1, жалпы медицинаға - 9 грант тағайындалды.</blockquote>Әлеуметтік санаттар бойынша грант иегерлерінің:- 22-і көп балалы отбасылардан;- 6-ы ата анасының біреуі мүгедек;- 5-і аз қамтылған отбасынан;- 7-уі асыраушысынан айырылған отбасынан;- 2-уі мүгедектігі бар баланы тәрбиелеуші;- 2-і толық емес отбасынан.Қызылорда қаласы мен аудандар бөлінісінде Арал ауданына бөлінген 3 гранттың 3-і, Қазалыда 1 гранттың 1-і, Қармақшыда 3 гранттың 3-і, Жалағашта 1 гранттың 1- і, Сырдарияда 2 гранттың 2 - і, Шиеліде 8 гранттың 6 - ы, Жаңақорғанда 2гранттың 2-уі, Қызылорда қаласында 27 гранттың 26-ы тағайындалды.Үш мамандық бойынша, оның ішінде Шиелі ауданынан журналистика және аударма ісі бойынша 2 грант, Қызылорда қаласында ақпараттық қауіпсіздік жүйелері мамандығы бойынша 1 грант үміткерлердің өз еркімен бас тартуына байланысты тағайындалды.<blockquote>Қорытындысымен екінші отырыста белгіленген 47 мамандықтың&nbsp;44 игерілді. Барлығы әлеуметтік тұрғыдан халықтың осал топтарынан білім алуға бөлінген 100 гранттың 69-ы арнайы комиссия шешімдерімен облыс әкімі грантымен жоғарғы оқу орнындарында білім алуға қолдау білдірілді”,- деді Ғабит Жұмабекұлы.</blockquote>Фото:&nbsp;Өңірлік Коммуникациялар қызметі

Қызылорда облысы әкімінің грант иегерлері анықталды

<a href="https://kyzylorda-news.kz/">Kyzylorda-news.kz</a> &nbsp; Қызылорда облыстық Қазақстан халқы ассамблеясының бастамасымен жаңа оқу жылы қарсаңында республикалық «Мектепке жол» акциясы өтті. Акция аясында “Қоғамдық келісім” КММ директоры Бақытжан Камалов сөз сөйлеп, жаңа оқу жылында оқушыларға сәттілік пен денсаулық тіледі.«Республикалық «Мектепке жол» акциясы облыстық Қазақстан халқы ассамблеясы «Қоғамдық келісім» мекемесі бірлесіп ұйымдастырылды. Осы киелі Сыр елі мекендеген барша этнос өкілдері бірігіп, осы балаларымызға қолдау көрсеткеліп отырмыз. Біздің жас достарымыз, балаларымыз – біздің кемел болашағымыз. Әсіресе бірінші сынып оқушыларына сәттілік тілегім келеді, сондықтан олар жақсы оқып, ата-аналарын әрдайым қуантады», - Б. Камалов деді.Айта кету керек, қайырымдылық акциясына өңірлік ҚХА мүшелері, ЭМБ басшылары мен өкілдері, еріктілер қолдау білдіріп, өз үлестерін қосты.Жыл сайын дәстүрлі түрде тамылжыған тамыздан бастап, қыркүйек айының соңына дейін жалғасатын науқанға облыстық ассамблея және этномәдени бірлестік өкілдері, волонтерлар бір кісідей жұмыла кірісіп, елдік пен кеңдіктің үлгісін көрсетіп келеді.&nbsp;Ата-аналардың алғысын алып, ризашылығына бөленеді.

 Қызылордада «Мектепке жол» акциясы өтті

<a href="https://kyzylorda-news.kz/">Kyzylorda-news.kz</a>&nbsp; Желіде маймыл шешегіне байланысты мектеп қашықтан оқытуға көшеді деген ақпарат тарады. Бұған денсаулық сақтау министрлігінің санитарлық-эпидемиологиялық бақылау комитеті түсініктеме берді.&nbsp;Бұл туралы&nbsp;<a href="https://stan.kz/maymil-sheshegine-baylanisti-15-kirkuyekten-bastap-okus-405207/">Stan.kz</a>&nbsp;ақпарат агенттігі хабарлайды.WhatsApp-та таралған ақпаратқа&nbsp;сәйкес, қашықтан оқу 15 қыркүйекте басталады. &nbsp;Санитарлық-эпидемиологиялық бақылау комитеті бұл жалған ақпарат деп түсіндірді. Ал 15 қыркүйектен бастап тұмауға қарсы екпе басталады.<blockquote>"Мессенджерлерде 15 қыркүйектен бастап балалар қашықтан оқытуға жіберіледі және мекемелерде бетперде режимі енгізіледі деген ақпарат шындыққа жанаспайды. Жыл сайын бас мемлекеттік санитарлық дәрігердің қаулысы бекітіледі. Онда эпидемиялық маусымда алдын алу және эпидемияға қарсы іс-шараларды жүзеге асыру көзделген. Қаулыға сәйкес,&nbsp;15 қыркүйектен бастап тұмауға қарсы егу басталады. Маска режимі тек медициналық ұйымдардың қызметкерлеріне ғана енгізіледі", –&nbsp;деді комитет өкілі.</blockquote>Фото: Pexels.com

Қазақстандық оқушылар 15 қыркүйектен бастап қашықтан оқи ма – Министрлік жауап берді

Фото: tobolinfo.kzKyzylorda-news.kz. Оқу жылының басталуына аз уақыт қалды. Қазір ата-ана дүкен, базар аралап балаларын мектепке дайындап жатыр. Оқу құралдарынан бөлек, бір оқушыны киіндіру қанша тұратынын <a href="https://kaz.inform.kz/news/el-onrlernde-mektep-formasi-kanshadan-satilip-zhatir-42c198/">Казинформ</a> жазды.Елімізде мектеп формасының бірыңғай талабы бар. Оқушыларға арналған киім үлгісі классикалық болуы тиіс әрі үштен артық түс қолданбаған жөн.Ұлдарға арналған мектеп формасына – пиджак, кеудеше, шалбар, мерекелік және күнделікті киетін жейде, поло немесе теннис жейдесі кіреді. Шалбар тобықты жауып, кең тұруы керек.Қыздарға арналған мектеп формасына – пиджак, кеудеше, белдемше (юбка), шалбар, классикалық жейде немесе тоқылған жемпір немесе кардиган, поло немесе теннис жейдесі, сарафан кіреді.&nbsp;Мектеп формасына өте үнемдегеннің өзінде 30 мың теңге қажет. Мұның өзі ең қажет деген киімдерді бір данадан алғанда, себебі бала өседі, киім бүлінуі мүмкін немесе нашар сапа ықтимал.Қызылордада бір балаға мектеп формасын киіндіру үшін 30-40 мың теңге жұмсалады. Атап айтсақ, сарафан 8-10 мың теңге, көйлек — 4-20 мың теңге, кеудеше — 11-14 мың теңге, ұлдарға арналған костюм — 15-45 мың теңге, ал шалбар— 6-25 мың теңге аралығында.&nbsp;<figure class="image"><img src="https://knadmin.beoblood.kz/uploads/c9f32c24_5983_4153_9442_aa2afbfcc147_f7468fe214.jpeg" alt="c9f32c24-5983-4153-9442-aa2afbfcc147.jpeg"></figure>Фото: Kazinform

Қызылордада бір оқушыны киіндіру қанша тұрады?

Фото: depositphotos.comKyzylorda-news.kz. Магистратура бойынша гранттары иегерлерінің тізімі жарияланды.Мемлекеттік гранттар Республикалық комиссия отырысының қорытындысы бойынша тағайындалды. Комиссия құрамында министрліктің, мүдделі мемлекеттік органдардың, бiлiм саласы кәсiподақтарының, ҚР Ұлттық кәсiпкерлер палатасы және қоғамдық ұйым өкілдері болды.Білім беру гранттары кешенді тестілеу (КТ) нәтижелері бойынша конкурстық негізде тағайындалды.Магистратура бойынша білім беру гранттарын тағайындау конкурсына ғылыми-педагогикалық бағыт бойынша 75 балдан, бейіндік бағыт бойынша 30 балдан жоғары жинаған оқуға түсушілер қатысты. Жалпы конкурсқа 15 196 адам қатысты.Болашақ магистранттардың ЖЖОКБҰ-на қабылдау 2024 жылғы 28 тамызға дейін (қоса алғанда) жүргізіледі.Мемлекеттік білім гранты иегерлерінің тізімімен ҚР ҒЖБМ және Ұлттық тестілеу орталығының Telegram арналарында танысуға болады.

Қазақстан және Қызылорда облысының жаңалықтары: Білім