<a href="https://kyzylorda-news.kz/">Kyzylorda-news.kz</a>. Еліміздегі кейбір жоғары оқу орындары студенттердің жаппай үндеуінен кейін оларға жеңілдік жасалатын болды. Интернеттің жоқтығынан онлайн қосыла алмаған жастар мемлекеттік емтиханды асықпай тапсыра беруіне&nbsp; болады, деп хабарлады&nbsp;<a href="https://www.ktk.kz/kz/news/video/2020/04/23/146174/">КТК.</a>
<blockquote>
 «Егер де ол бала интернет жүйесіне байланысты немесе техникаға байланысты емтиханын уақтылы тапсыра алмаса, оны біз келесі жылға ауыстыруға мүмкіндігіміз бар немесе жазғы сессияны ұйымдастырамыз. Егер де жазғы семестрден де әрі қарай жалғасып кетіп жатса, онда біз оны қыркүйек айына, қазан айына қалдырып, барлық жағдайды жасаймыз», – дейді Қазақ ұлттық қыздар педагогикалық университетінің ректоры Гауһар Алдамбергенова.
</blockquote>
Айта кетейік, Қазақ ұлттық университетінің студенттері емтиханды кейінге қалдыруда сұрап, әлеуметтік желіде арнайы үндеу жасаған болатын. Өйткені бәрінің бірдей сапалы интернетке қосылып, сабақ өтуге шамасы жоқ. Ал шәкірттерінің жағына алғашқылардың бірі боп Қазақ ұлттық қыздар педагогикалық университеті шықты. Ауылдағы жастардың жағдайын ескерген жоғары оқу орны мемлекеттік емтиханды кейінге қалдырыпты.
Дегенмен, бұл бітірушілер биыл дипломсыз қалады деген сөз емес. Карантин созылған жағдайда, олардан емтихан телефон арқылы қабылданады. Оқу ақысын дер кезінде төлеп үлгермеген жастар да алаңдамаса болады. Себебі, карантиннен кейін асықпай төлеуге мүмкіндік берілді.
Студенттердің айма-ай алып отырған стипендиясы да үзілмейді деп сендірді университет ректоры.
Ал Алматы менеджмент университеті онлайн емтихандарды мүлде тоқтатып тастаған.
Қорытынды бағаны студенттің ортақ балынан шығарады. Ал дипломдық жұмыстарды жазға қалдырды.

Төтенше жағдай: Студенттерге қандай жеңілдік жасалатыны белгілі болды

<a href="https://kyzylorda-news.kz/">Kyzylorda-news.kz</a>. Осы&nbsp;жылы түлектер ұлттық бірыңғай тестілеуді (ҰБТ) 11 сыныптың төртінші тоқсандағы бағдарламалардың&nbsp;сұрақтарынсыз тапсырады, деп хабаралйды «<a href="https://1tv.kz/kz/">Евразия</a>» арнасы.
Бұл туралы Ұлттық тестілеу орталығының директоры Дидар Смағұлов мәлімдеді.
Оқушылардың&nbsp;ата-аналары балалары қашықтан оқытудың салдарынан ҰБТ-ға жақсы дайындала алмайды деп алаңдайды.&nbsp;
Ал тестілеу орталығында қашықтан оқыту оқушыларға кедергі келтірмейді деп сендірді.
<blockquote>
 «Оқушыларға төртінші тоқсаннан сұрақтар болмайды. Яғни 5 сыныптан 11 сыныптың үшінші тоқсанына дейін.&nbsp;&nbsp;ҰБТ-ны өткізу бұрынғы форматта қалады, алайда біз қосымша санитарлық шектеу шараларын енгізетін боламыз», – деді Дидар Смағұлов.
</blockquote>
Ол тестке қатысушылардың арасында қашықтық ұлғаятынын айтты. Сонымен қатар, барлық оқушылардың температурасы&nbsp;жергілікті жерлерде тексеріледі.
Еске&nbsp;сала кетейік, коронавирус індетіне байланысты төртінші тоқсанда қазақстандық оқушылар қашықтықтан білім алып жатыр. Биыл олар үшін бітіру емтихандары тоқтатылды.
Білім және ғылым министрлігінде ҰБТ-ны әдеттегідей маусым айының соңында өткізуді жоспарлап отыр. Алайда ведомствода коронавирус жағдайы нашарлауы мүмкін болған жағдайда Б жоспарына жүгінуге тура келетінін&nbsp;жоққа шығармайды.

Биыл ҰБТ-ның қалай өтетіні белгілі болды

Kyzylorda-news.kz. «Болашақ» стипендиясына үміткерлерді іріктеу қағидалары өзгертіліп, бағдарламаның өзі модернизацияланды.
Қазақстан Республикасы Білім және ғылым министрлігінің «Халықаралық бағдарламалар орталығы» АҚ бағдарламаның іске асырылуына жүргізілген мониторинг нәтижелері, сондай-ақ сыбайлас жемқорлық тәуекелдерін талдау бойынша Қазақстан Республикасы Президентінің «Болашақ» халықаралық стипендиясын тағайындау қағидаларына едәуір өзгерістер әзірледі. ҚР Білім және ғылым министрлігінің нормативтік-құқықтық актілеріне бірқатар өзгерістер енгізілді. Олар ең алдымен ашықтықты арттыруға, барлық үміткерлер үшін тең мүмкіндіктер жасауға, іріктеудің объективтілігін күшейтуге, сондай-ақ бюрократиялық кедергілер мен бұрынғы мәселелерді шешуге бағытталған:
Басым мамандықтардың жаңа тізбесі
Стипендия алуға болатын басым мамандықтар тізбесі еңбек нарығы қажеттіліктерінің орта мерзімді болжамын ескере отырып қалыптастырылады. Оны жұмыспен қамту мәселелері жөніндегі уәкілетті орган әлеуметтік-экономикалық даму перспективалары мен талдау негізінде жасайтын болады. Бұл Қазақстан Республикасының кәсіпорындары мен ұйымдарына қажет жоғары білікті кадрларды даярлауға көмектеседі.
Халықаралық стипендияға үміткерлерге арналған квоталық санаттар қысқартылды
Стипендияға үміткерлердің барлығына мүмкіндік бірдей. Үміткерлердің барлық жеңілдік квота санаттары алынып тасталады. Барлық үміткерлер шетелдік жоғары оқу орындарына өз бетінше түсулері тиіс. Сондай-ақ жаңа қағидаларда ауылдық жерден шыққан үміткерлерді қоспағанда, бұрын ұсынылған алдын ала тілдік дайындық курстары алып тасталды.
Халықаралық стипендияға үміткерлерге қойылатын мемлекеттік және шет тілдерін білу талаптарын арттыру
Жаңа қағидалар бойынша іріктеу турлары шеңберінде тілдерді білу деңгейін тексеру алып тасталған. Үміткерлер өзбетінше тест тапсырулары және құжаттарды тапсыру кезінде мемлекеттік (KazTEST В1) және шет тілінен (кемінде IELTS 6.5) сертификат ұсынулары тиіс.
Халықаралық стипендия тағайындауға арналған барлық үміткерлер үшін конкурстық іріктеу турларының санын қысқарту
Конкурстық іріктеу кезіндегі 6 турдың орнына барлығы 3 тур болады.
Уәждемелік және ұсыныс хаттарын бағалау, сондай-ақ мемлекеттік және шет тілдерін білу деңгейін анықтау бойынша іріктеу турлары қысқарады. Іріктеу турларында зияткерлік және эмоционалдық IQ деңгейін анықтауға арналған кешенді тестілеу, Тәуелсіз сараптамалық комиссия мүшелерімен жеке әңгімелесу және Шетелде кадрлар даярлау жөніндегі республикалық комиссияның үміткерлерді қарастыруы қамтылады.
Тәуелсіз сараптамалық комиссияның жұмысы
Тәуелсіз сараптамалық комиссияның (ТСК) құрамына қойылатын талап күшейтіледі, енді комиссия құрамындағы 3 адамның орнына кемінде 5 адам шешім қабылдайды. Үміткерлерді іріктеудің бүкіл процесі және барлық комиссия отырыстары онлайн таратылады. Өз жұмысының барысында комиссияның қоя алатын барлық сұрақтары, оның ішінде қосымша сұрақтары да нақты регламенттеледі.
Құжаттарды қабылдау мен конкурстық іріктеу рәсімін автоматтандыру
Электрондық үкіметтің веб-порталында үміткердің жеке кабинеті арқылы үміткерлердің құжаттарын қабылдау процесі толықтай автоматтандырылды. Қазіргі таңда адами фактордың қатысуын азайту мақсатында конкурстық іріктеу кезеңдерінің автоматтандырылуын қамтамасыз ету жұмыстары жүргізілуде. Атап айтқанда, бүкіл іріктеу процесі Президенттік кадрлық резервке іріктеу үлгісі бойынша цифрлық платформаны пайдалану арқылы жүргізіледі. Орталық сонымен бірге қадамдық нұсқаулықтар әзірлейді және регламенттеуші құжаттарға сәйкес конкурстық іріктеуге қатысатын қызметкерлердің жауапкершілігін күшейтеді.
Әкімдеушіні сапалы қайта жүктеу
2019 жылғы қыркүйектен бастап бағдарлама әкімшісінің жұмысында өзгерістер болып жатыр:
Орталықтың Директорлар кеңесі 4 тәуелсіз директорды қосу арқылы күшейтілді, бейіндік бөлімшелерге кәсіби кадрлар қабылданды, оның ішінде «Болашақ» бағдарламасының түлектері бар, шетелдегі өкілдіктер саны қысқартылды. Баспасөз хатшысы және әдеп жөніндегі уәкіл лауазымдары енгізілді, 2 кеңесші мен Орталықтың 1 вице-президенті лауазымдары қысқартылды, сондай-ақ Орталықтың штаты қысқарды. Комплаенс-офицер лауазымы енгізілді, жұмысының мақсаты – мүдделер шиеленісін реттеу, сондай-ақ Қазақстан Республикасының қолданыстағы заңнамасын бұзуға байланысты ықтимал тәуекелдердің, оның ішінде сыбайлас жемқорлықтың алдын алу. Конкурстың барлық кезеңдерінің барынша ашық өтуіне қол жеткізу және объективті шешім қабылдау мақсатында бос лауазым орындарына жаңа қызметкерлерді қабылдауды цифрландыру бойынша жұмыс жүргізілуде.
<blockquote>
 – Біз енгізіп жатқан өзгерістер, ең алдымен «Болашақ» стипендиясын тағайындаудың ашықтығын арттыруға бағытталған. Біз осы күнге дейін болған барлық ықтимал сыбайлас жемқорлық тәуекелдерін жойдық. Біз, еліміздегі тек үздіктердің үздігі ғана халықаралық президенттік стипендия бойынша білім алса екен дейміз, – деп хабарлады «Халықаралық бағдарламалар орталығы» АҚ президенті Айнұр Кәрібозова.
</blockquote>
Жаңа Қағидалар ҚР Үкіметінің Қаулысымен бекітілгеннен кейін «Халықаралық бағдарламалар орталығы» АҚ www.bolashak.gov.kz ресми сайтында жарияланады.

«Болашақ» стипендиясына үміткерлерді іріктеу тәртібі өзгерді

<a href="https://kyzylorda-news.kz/">Kyzylorda-news.kz.</a> Қазақстанда биыл мектеп оқушылары дәстүрлі түрде 25 мамырда жазғы демалысқа шығады.
ҚР Білім және ғылым министрлігінің баспасөз қызметінің хабарлауынша, 4-8 мамыр аралығында мектеп оқушылары БЖБ (бөлім бойынша жиынтық бағалау), ал 18-22 мамыр аралығында – ТЖБ (тоқсандық жиынтық бағалау) өтеді.
25 мамырдан бастап студенттер жазғы демалысқа шығады.
Естеріңізге сала кетейік, коронавирустық пандемияға байланысты қазақстандық студенттер төртінші тоқсанды&nbsp;қашықтан оқиды.
Соңғы тоқсанда оқушылар&nbsp;БЖБ&nbsp;және ТЖБ жұмыстарын бір тоқтанда&nbsp;бір-бірден тапсырады.
Қорытынды аттестациялық&nbsp;<a href="https://kyzylorda-news.kz/bilim/biyl-tuelekterding-qorytyndy-attestattaw-emtihandary-oetkizilmejdi-55786/">емтихандар&nbsp;өткізілмейді</a>, қорытынды жылдық бағалар аттестатқа қойылады.
Ұлттық бірыңғай тестілеуді өткізу уақыты өзгеріссіз қалады.

Қазақстандық оқушылар жазғы демалысқа қай уақытта шығады?

<a href="https://kyzylorda-news.kz/">Kyzylorda-news.kz.</a> 2019 жылы 27 желтоқсанда Қазақстан Республикасы Үкіметінің «Қазақстан Республикасында білім беруді және ғылымды дамытудың 2020-2025 жылдарға арналған мемлекеттік бағдарламасын бекіту туралы» № 988 Қаулысы қабылданды. Бұл бағдарламаның мақсаты қазақстандық білім мен ғылымның жаһандық бәсекеге қабілеттілігін арттыру және жалпыадамзаттық құндылықтар негізінде тұлғаны тәрбиелеу және оқыту, сонымен қатар елдің әлеуметтік-экономикалық дамуына ғылымның үлесін арттыру екендігі нақты көрсетілген. Оның міндеттерінің біріне педагог кәсібінің жоғары мәртебесін қамтамасыз ету, педагогикалық білім беруді жаңғырту секілді өзекті мәселе кірді.
Осы орайда ата кету керек, бұған дейінгі қабылданған бағдарламалар аясында жоғары оқу орындарының академиялық және басқару дербестігін кеңейту туралы заң қабылдан болатын. Оның нәтижесінде Қазақстанда білім алғысы келетін шетелдік студенттер саны артып, қазіргі таңда 22 мыңдай шетелдік Қазақстан жоғары оқу орындарында білім алып жатыр. Әлемнің үздік университеттерінің QS халықаралық рейтингіндегі қазақстандық ЖОО саны 10-ға дейін өсті. Times Higher Education рейтингіне алғаш рет екі қазақстандық жоғары оқу орны кірді. Олардың бірі әл-Фараби атындағы ҚазҰУ болып табылады. Мұндай жетістіктер жоспарлы түрде ғана іске асатындығы белгілі. Сол себепті осы университетке бой түзеп кез келген жоғары оқу орны аталған білім беру бағдарламасы аясында өзінің стратегиялық даму жоспарын бекітіп алып, өзінің көштен қалмай елмен бірге өсіп-өркендей беруіне бағыт-бағдарын белгілеуі тиіс. Әрине, бұл жерде ең алдымен педагог мәртебесін көтеру басым бағытқа ие болғаны абзал. Әсіресе шетелдік студенттермен жұмыс істейтін жоғары оқу орындарына мемлекет тарапынан оңынан қолдау көрсетілгендігі жөн сияқты.
Айта кету керек, қоғамда соңғы жылдары педагог мәртебесінің түсіп кеткендігі жасырын емес. Оған ауқымды педагогикалық жүктеме, қоғамдық жұмыстардың көптігі, жергілікті билік тарапынан берілетін тапсырмалар, т.б. жайттар кері әсерін тигізіп жатқандығын мамандар мен сарапшылар айтып та жүр. Сондай-ақ, кейбір оқулықтар сапасы да сынға алынып жатады. Алайда мұндай кедергілерді жоюға болады. Ол үшін ең алдымен оқулықты сол саланың маманы, сол пән бойынша ғылыми-зерттеу және педагогикалық жұмыстар жүргізіп жүрген кәсіби мамандар жазуы тиіс. Мәселен, «Тарих» оқулығына сол мәдени-тарихи кезеңді зерттеген маман автор болып тартылғаны абзал.
Кейбір жерлерде педагог кадрларға деген қажеттіліктің сақталып отырғандығы да белгілі жайт. Бұл үшін қай сала бойынша мамандар тапшы, соған мемлекеттік оқу гранттары санын ұлғайтқан абзал. Сонымен қатар, келешекте зейнеткерлікке шығатын мұғалімдер тобын да алдын-ала болжап, олардың арасында туындауы мүмкін кадр тапшылығын болдырмау үшін әрекет еткен жөн. Яғни, алдын-ала болжам жасап, тапшылыққа ұшырауы ықтимал мамандардың санын қадалап отыруымыз керек.
Жалпы алғанда, педагог мәртебесін көтеруге қоғам болып ат салысқан дұрыс болады. Оған ата-ана, қоғамдық бірлестіктер, зияткерлік орталықтар, т.б. ұйымдар көмектесуі керек және де бұл мәселеге бүкіл ел болып жұмыла кіріскен артық етпейді. Бұқаралық ақпарат құралдары да педагог мәртебесін көтеруге мейлінше араласып отырса, бала тәрбиесіндегі білім беру ісі одан сайын оңтайлана түсетіндігі сөзсіз.
Гүлмира САБДЕНОВА,
тарих ғылымдарының кандидаты,
әл-Фараби атындағы ҚазҰУ доценті

Білім беру бағдарламасының басым бағыты – педагог мәртебесін арттыру

Kyzylorda-news.kz. Төтенше жағдайға байланысты білім беру ұйымдары қашықтан оқыту жүйесіне көшірілді. Барлығы 30 колледж 293 мектеп.
Электронды құрылғылар жетіспейтін 6443 отбасына мектеп балансындағы компьютерлер уақытша пайдаланылуға берілді. «Balapan», «Ел арна» телеарналарынан көрсетілетін сабақтармен аймақтағы оқушылардың 54% қамтылған. Жергілікті «Qyzylorda», «Қоғам ТВ» телеарналары арқылы бастауыш сыныптардың сабақтары қайталанып көрсетілуде.
​Қызылорда қаласы мен аудан орталықтары және оған жақын орналасқан елді мекен оқушылары 46% немесе 71 254 оқушы «Kundelik.kz», «BilimLand», «Daryn. Online» платформалары арқылы білім алуды бастады.
​Облыс бойынша интернеті және ұялы байланысы жоқ шалғай 25 елді-мекендегі 2646 оқушы «Balapan» арнасындағы телесабақтарымен дайындалады.
Қашықтан оқыту жүйесі бойынша сұрақтарыңыз болса Call-орталықтарға хабарласып жауап алуға болады.

Қызылордалық 6443 отбасына мектеп балансындағы компьютерлер уақытша пайдалануға берілді

Kyzylorda-news.kz. Жаз айында өткізілетін ҰБТ уақыты әзірге өзгеріссіз. Тестілеу форматында өзгеріс жоқ.
Бұл туралы облыстық білім басқармасы басшысының міндетін атқарушы Бағдат Бердаулетов өңірлік коммуникациялар қызметінің брифингінде мәлімдеді.
<blockquote>
 -Былтырғыдай 5 пән бойынша 120 сұрақтан тұратын тест тапсырып, ең жоғары 140 балл жинауға мүмкіндік болады. ҰБТ-ға қатысу үшін 15 сәуірден 30 мамырға дейін онлайн түрде тіркелу керек, – деді ол.
</blockquote>
Ал дайындық жүргізуге арналған тест сынамалары Ұлттық тестілеу орталығының ресми сайтында қолжетімді. Тегін.

ҰБТ-ға қатысу үшін 15 сәуірден бастап онлайн түрде тіркелу керек

<a href="https://kyzylorda-news.kz/">Kyzylorda-news.kz.</a> ҰБТ кезінде заңсыз әрекет жасаған түлектер жыл бойы тестілеу тапсыру мүмкіндігінен айырылады. Бұл туралы «Birge oqý» жобасының арналары арқылы өткен тікелей эфирде «Ұлттық тестілеу орталығы» РМҚК директорының орынбасары Наужан Дидарбекова мәлім етті, деп хабарлайды <a href="https://lenta.inform.kz/kz/ubt-da-zansyz-areket-zhasagandar-zhyl-boyy-testi-tapsyru-mumkindiginen-ayyrylady_a3636794">ҚазАқпарат</a>.
<blockquote>
 «Биыл Ұлттық бірыңғай тестілеуді өткізу процесіне өзгерістер енгізіліп отыр. Осы орайда заңсыз әрекеттерге талаптар күшейтілді деп айтсақ болады. Мысалы, бізде бұрын тыйым салынған зат аудиториядан табылған жағдайда ғана акт жасалып, оқушы тестілеуден шығарылатын болатын. Ал биылғы ҰБТ-ны өткізу қағидатына тоқталсақ, тестілеуде ғимараттағы металды іздейтін құрылғы аймағына дейін тестіленуші баладан тыйым салынатын зат табылған жағдайда, онда тиісті акт жасалып, түлек тестілеуге жіберілмейді. Бұл тұрғыда биыл ҰБТ тапсыру мүмкіндігінен айырылады», – деп түсіндірді Н. Дидарбекова.
</blockquote>
Сонымен қатар аудиторияда тыйым салынған затпен ұсталған түлектің де тестілеу нәтижесі жойылып, осы жылы ҰБТ тапсыра алмайтын болады.
Бұдан бөлек Н. Дидарбекова кейбір талапкерлер өзінің орнына басқаларды тестілеуге жіберіп жататынын, бұл заңсыз әрекет жасағандарға тиісті жаза қарастырылғанын айтты.
<blockquote>
 «Мұндай жағдай бөгде адамды өзінің орнына кіргізуге талпынған түлекке де қатысты. Енді бұл әрекет үшін аталған адам жыл бойы емтихан тапсыра алмайды», – деді Ұлттық тестілеу орталығының өкілі.
</blockquote>
Маманның пайымынша, мұндай шаралар талапкерлер арасында заңсыз әрекеттердің жолын кеседі.

ҰБТ-да заңсыз әрекет жасағандар жыл бойы тесті тапсыру мүмкіндігінен айырылады

<a href="https://kyzylorda-news.kz/">Kyzylorda-news.kz.</a> Қашықтан оқыту жағдайында мектеп түлектері үшін қорытынды аттестаттау пәндер бойынша жылдық бағалары негізінде жүргізіледі. ҰБТ-ны өткізу мерзімдері өзгеріссіз қалады. ҚР Білім және ғылым министрлігі осындай шешім қабылдады, деп хабарлайды <a href="https://www.inform.kz/kz/biyl-tulekterdin-korytyndy-attestattau-emtihandary-otkizilmeydi-kr-bgm_a3636672">ҚазАқпарат.</a>
Министрліктен мәлім еткендей, Қазақстанда енгізілген төтенше жағдай мен оқушылардың қашықтан оқу түріне ауысуына байланысты БҒМ 9 (10) сынып оқушылары үшін қорытынды аттестаттау емтихандарын, ал 11 (12) сынып оқушылары үшін мемлекеттік қорытынды аттестаттау емтихандарын өткізбеу туралы шешім қабылдады.
<blockquote>
 «Біз сараптай келе осындай шешім қабылдадық. Тиісті өзгертулер министрліктің бұйрықтарына енгізілді. Жекелеген емтихандар өткізілмейтін болады. Бұл оқу жетістіктерін қорытынды бағалаудың барынша әділдігін қамтамасыз етеді», – деп хабарлады министрліктің баспасөз қызметінен.
</blockquote>
Естеріңізге сала кетсек, негізі 9 (10) сынып түлектерінің қорытынды аттестаттауы келесідей өткізілетін:
1) ана тілі бойынша жазбаша емтихан (оқыту тілі бойынша) – эссе түріндегі жазбаша жұмыс, гуманитарлық цикл пәндерін тереңдетіп оқытатын мектеп оқушылары үшін мақала/әңгіме/эссе түріндегі жазбаша жұмыс;
2) математикадан (алгебрадан) жазбаша емтихан;
3) оқыту орыс/өзбек/ұйғыр/тәжік тілінде жүргізілетін сыныптарда қазақ тілі мен әдебиетінен жазбаша емтихан және оқыту қазақ тілінде жүргізілетін сыныптарда орыс тілі мен әдебиеті пәнінен жазбаша емтихан;
4) таңдау пәні бойынша (физика, химия, биология, география, геометрия, Қазақстан тарихы, дүниежүзі тарихы, әдебиет (оқыту тілі бойынша), шет тілі (ағылшын/француз/неміс), информатикадан жазбаша емтихан ретінде.
Ал 11 (12) сынып оқушылары үшін қорытынды аттестаттау келесідей өткізіліп келді:
1) ана тілі мен әдебиеті бойынша жазбаша емтихан (оқыту тілі бойынша) эссе түрінде;
2) орыс/өзбек/ұйғыр/тәжік тілінде оқытатын мектептерде қазақ тілі бойынша тестілеу және қазақ тілінде оқытатын мектептерде орыс тілі бойынша тестілеу;
3) алгебра және талдау негіздері бойынша жазбаша емтихан;
4) Қазақстан тарихы бойынша ауызша;
5) таңдау пәні бойынша тестілеу (физика, химия, биология, география, геометрия, дүниежүзі тарихы, әдебиет (оқыту тілі бойынша), шет тілі (ағылшын/ француз/ неміс), информатикадан тестілеу түрінд.
<blockquote>
 «Қазіргі уақытта Ұлттық бірыңғай тестілеуді өткізу мерзімі өзгеріссіз қалып отыр. Түлектер Ұлттық тестілеу орталығының сайтында орналастырылған сынама тесттерін тегін пайдалана алады. Әр пән бойынша тестілеудің 70 бірегей нұсқасы ұсынылып отыр», – делінген хабарламада.
</blockquote>
Айта кетейік, 2017 жылдан бері ҰБТ нәтижелері ЖОО түсуге және білім гранттарын иеленуге, ал қорытынды аттестаттау емтихандарының нәтижесі аттестат алу үшін қажет.

Биыл түлектердің қорытынды аттестаттау емтихандары өткізілмейді

<a href="https://kyzylorda-news.kz/">Kyzylorda-news.kz.</a> «Nur Otan» партиясы жанындағы «Jas Otan» Жастар қанаты Қызылорда облыстық филиалының ұйымдастыруымен Абай Құнанбайұлының 175 жылдығына орай «Абай салған дара жол» атты жастар арасындағы онлайн интеллектуалды сайысы өтті.
Сайыстың негізгі мақсаты – еліміздегі жарияланған төтенше жағдай мен карантин жағдайында үйде жатқан жастардың уақытын тиімді пайдалану. Ең бастысы – ұлы ақын, ағартушы, жазба қазақ әдебиетінің, қазақ әдеби тілінің негізін қалаушы, философ, композитор, аудармашы, саяси қайраткер Абай Құнанбайұлының өмір жолымен кеңінен таныстыру.
Сайыс алдында облыстық «Jas Otan» Жастар қанатының төрағасы Т.Тілес қатысушы жастарға сәттілік тілеп және мемлекет тарапынан енгізілген ережелерді қатаң сақтауға шақырды.
Онлайн сайысқа тікелей эфир арқылы 80 жуық жас белсене қатысты. Сайыста Абай Құнанбайұлының өмір жолы және туындылары туралы 25 сұрақ қойылды.
Ең көп дұрыс жауап берген 3 жас қаржылай сыйақымен марапатталды.

Қызылордада жастар арасында онлайн интеллектуалды сайысы өтті

<a href="https://kyzylorda-news.kz/">Kyzylorda-news.kz</a>. Бүгін Қызылордадағы Назарбаев Зияткерлік мектептерінің оқушылары үшін қашықтан оқу үдерісі сәтті басталды. Жас зияткерлер онлайн режимінде пәндер бойынша сабақтарға қатысып, төртінші оқу тоқсан бағдарламасын меңгеруде.
Саягүл Өмірбек ұзақ демалыстан кейін сыныптастарымен бірге қайта қауышты. Алайда бұл жолы оқу қашықтан ұйымдастырылып, оқушылар ұстаздарынан онлайн түрде білім алады.
<blockquote>
 «Бұған дейін байқау сабақтары өткізілгендіктен, сабаққа қосылу қиынға соқпады. Бірінші сабақ – орыс тілі болды. Жаңа тақырыпты меңгеруде мұғалім онлайн түрде жеке және топтық тапсырмалар бере отырып сабақты қызықты ұйымдастыра алды», – дейді 7-сынып оқушысы Саягүл.
</blockquote>
Зияткерлік мектеп оқушыларының қашықтан оқуы үшін MicrosoftTeams платформасында арнайы онлайн сыныптары ашылған болатын. Қашықтан оқыту үдерісін тиімді ұйымдастыруда мектеп, оқушы, ата-ана арасында тығыз байланыс орнатылып, түсіндірме жұмыстары жүргізілген-ді.
<blockquote>
 «12-сынып оқушыларына Қазіргі әлемдегі Қазақстан пәнінен 20 минуттан екі сабақ өткіздім. Барлық оқушылар байланысқа шығып, белсенді қатысты. Балалардың дауысы аңық естілді. Ауызша және жазбаша жауап беріп отырды», – дейді тарих пәнінің мұғалімі Айгүл Зейнулла.
</blockquote>
Жаңа форматта оқыту жүйесіне сәйкес оқушылар күнделікті сағат 8.30 дан 12.30-ға дейін негізгі пәндер бойынша сабақтарға қатысса, түстен кейін ұстаздарымен жекелей байланысқа шығып, қосымша білім алуға мүмкіндіктері бар. Сондай-ақ, сабақта пайдаланылған барлық оқу ресурстары мен жүргізілген видеожазылым платформаға еңгізіледі. Күнделікті ұстаздар оқушыларға кері байланыс беріп, оқу бағдарламасын меңгеруде қажетті көмек көрсетеді.
Айта кетейік, облыстағы 293 мектепте де бүгіннен бастап ІV тоқсан сабақтары қашықтан оқытылып жатыр.
<img src="https://kyzylorda-news.kz/wp-content/uploads/2020/04/03-3.jpg" alt="" />
<img src="https://kyzylorda-news.kz/wp-content/uploads/2020/04/02-3.jpg" alt="" />

Қызылордада қашықтан оқу басталды

<a href="https://kyzylorda-news.kz/">Kyzylorda-news.kz.</a> Ертеңнен бастап қазақстандық оқушылар үшін IV тоқсан қашықтан оқытылады. Осыған орай, 6 сәуірде “BALAPAN” телеарнасында қазақ тілінде және “EL ARNA” телеарнасында орыс тілінде өтетін&nbsp;бейнесабақтар кестесі жарияланды.
Телесабақтар қалай өтеді?
1. Телесабақтар тиісті кестеге сәйкес өткізіледі, сабақ таңғы сағат 9:00-де басталады. Біріншіден, телеарналар арқылы сабақтар бұл «Балапан», «Ел арна» арқылы өткізіледі. Сабақ біреуінде қазақша, екіншісінде орыс тілінде жүргізіледі. Күніне 8 сағаттан эфир белгіленген.
2. Қашықтан оқыту аясында әрбір мұғалімнің шығармашылық қадамы ескеріледі. Бұрындары сабақ 08:00-де басталып, одан кейін 10 минут үзіліс беріліп, қайтадан келесі сабақ болатын. Ал қашықтан оқыту өзгеше жүргізіледі. Мектеп директорлары мұғалімдерден есеп беруді талап етпейді. Мұғалім әр баламен жекелей өткен материалды пысықтайды.
3. Телесабақтың әрқайсы 10 минутқа созылады. Осыдан кейін өткен тақырып бойынша мұғалім қосымша материал ұсынуы керек. Оқу құралына негізделе отырып, оқушылар үшін үй тапсырмасын дайындау қажет. Егер интернетке қосылу мүмкіндігі болса, онда «Bilimland», «Күнделік», «Дарын онлайн» секілді оқыту тұғырнамаларын қосымша пайдалануға кеңес берілген.
4. Кері байланысты электронды журналдар арқылы іске асыруға болады. Алты мыңнан астам мектеп «Күнделік» электронды журналына тіркелген. Сонымен қатар, пайдалануға болатын журналдардың басқа да түрлері бар. Егер олар қолжетімсіз болса, онда қағаз түріндегі дәстүрлі журналды пайдалану мүмкіндігі бар. Мұғалім оқушы қай тапсырмаларды орындағанын белгіліп, баланың жұмысын бағалайды.
<img src="https://kyzylorda-news.kz/wp-content/uploads/2020/04/kashiktan-okytu-1.jpg" alt="" />
<img src="https://kyzylorda-news.kz/wp-content/uploads/2020/04/kashiktan-okytu-2.jpg" alt="" />

Қазақстан және Қызылорда облысының жаңалықтары: Білім

Төтенше жағдай: Студенттерге қандай жеңілдік жасалатыны белгілі болды

Биыл ҰБТ-ның қалай өтетіні белгілі болды

«Болашақ» стипендиясына үміткерлерді іріктеу тәртібі өзгерді

Қазақстандық оқушылар жазғы демалысқа қай уақытта шығады?

Білім беру бағдарламасының басым бағыты – педагог мәртебесін арттыру

Қызылордалық 6443 отбасына мектеп балансындағы компьютерлер уақытша пайдалануға берілді

ҰБТ-ға қатысу үшін 15 сәуірден бастап онлайн түрде тіркелу керек

ҰБТ-да заңсыз әрекет жасағандар жыл бойы тесті тапсыру мүмкіндігінен айырылады

Биыл түлектердің қорытынды аттестаттау емтихандары өткізілмейді

Қызылордада жастар арасында онлайн интеллектуалды сайысы өтті

Қызылордада қашықтан оқу басталды

“BALAPAN” мен “EL ARNA”-да өтетін бейнесабақтар кестесі жарияланды

Қазақстан және Қызылорда облысының жаңалықтары: Білім

Төтенше жағдай: Студенттерге қандай жеңілдік жасалатыны белгілі болды

Биыл ҰБТ-ның қалай өтетіні белгілі болды

«Болашақ» стипендиясына үміткерлерді іріктеу тәртібі өзгерді

Қазақстандық оқушылар жазғы демалысқа қай уақытта шығады?

Білім беру бағдарламасының басым бағыты – педагог мәртебесін арттыру

Қызылордалық 6443 отбасына мектеп балансындағы компьютерлер уақытша пайдалануға берілді

ҰБТ-ға қатысу үшін 15 сәуірден бастап онлайн түрде тіркелу керек

ҰБТ-да заңсыз әрекет жасағандар жыл бойы тесті тапсыру мүмкіндігінен айырылады

Биыл түлектердің қорытынды аттестаттау емтихандары өткізілмейді

Қызылордада жастар арасында онлайн интеллектуалды сайысы өтті

Қызылордада қашықтан оқу басталды

&#8220;BALAPAN&#8221; мен &#8220;EL ARNA&#8221;-да өтетін бейнесабақтар кестесі жарияланды

“BALAPAN” мен “EL ARNA”-да өтетін бейнесабақтар кестесі жарияланды