<a href="https://kyzylorda-news.kz/">Kyzylorda-news.kz.</a>Себебі оларды қашықтан оқыту өте қиын. Оның үстіне ауылдық жердегі мектептерде ондай мүмкіндік жоқ. Сондықтан Білім министрлігі елдегі жағдайды саралай отырып, жаңа оқуы жылына дайындықты бірнеше бағыт бойынша ұйымдастыру керек. Парламент Сенатының депутаты Мұрат Бақтиярұлы осында пікірде, деп хабарлайды <a href="https://24.kz/kz/zha-aly-tar/bilim-zh-ne-ylym/item/408477-bastauysh-synyp-o-ushylary-mektepte-bilim-aluy-kerek-senat-deputaty">«Хабар 24»</a>.
<blockquote>
 “Бастауышта фундаменті қаламаса, ол уақыттарын жоғалтып алады. Бұл уақытта берілген сабақ мектептегідей болмайды. Сондықтан бұл бағытта министрлік екі-үш вариант алдын ала дайындалу керке. Індет басылған жағдайда қандай вариант, інедет басылмаған жағдайда қандай вариант, індет бір қалыпты тұрған жағдайда қандай вариант. Өкінішке қарай көптеген өңірде, оның ішінде менің өзім депутат болып сайланған Қызылорда өңірлерінде көптеген ауылдық жерде интернет желісінің мүкіндіктері келмейді. Өйткені ол желілер кешегі 2000 жылдары, 90 жылдары салынған ескі желілер. Мектептегі компьютерлер ескі. Көптеген ата ананың компьютермен оқытуға мүмкіндігі жоқ. Алғашқы шыққан компьютерлер тұрған мектептер бар. Сондықтан интернетпен жан-жақты оқытамыз деген меніңше өз дәрежесінде болмайды. Біз адами капиталды қалыптастыруда бұл жағдайда ұтылып қаламыз”,- дейді депутат.
</blockquote>

Мұрат Бақтиярұлы:  Бастауыш сынып оқушылары мектепте білім алуы керек

<a href="https://kyzylorda-news.kz/">Kyzylorda-news.kz</a>.Биыл жаңа оқу жылынан бастап талапкерлерден оқуға құжаттар қабылдау E-GOV және оқу орындарының «CollegeSmart Nation», «Platonus», «Е-колледж» электронды платформалары арқылы өткізіледі. Бұл туралы Өңірлік коммуникациялар қызметінің ақпараттық алаңында облыстық білім басқармасының басшысы Ақзира Қасымова мәлімдеді
«Қазіргі таңда оқуға қабылдаудың ерекшелігі мемлекеттік білім беру тапсырысы бойынша техникалық және кәсіптік, орта білімнен кейінгі білім беру бағдарламалары бойынша оқуға түсушілер үшін білім алушылар құрамына қабылдау конкурсы білім туралы құжатқа сәйкес орташа конкурстық бал бойынша өткізілетін болады. Сондай-ақ, мамандықтар бойынша құжат қабылдау мерзімдері, орта буын 25 тамыз, жұмысшы 27 тамызға дейін. Ал шығармашылық мамандықтар 20 маусым мен 20 шілде аралығында жүзеге асырылады», – деді Ақзира Бақтыбайқызы
Педагогикалық, медициналық мамандықтарға, арнайы немесе шығармашылық дайындықты талап ететін (21-28 шілде аралығында) мамандықтарға түсуші тұлғалар шығармашылық емтихан ақпараттық-коммуникациялық технологияларды немесе мамандық бойынша талапкердің портфолиосын (қағаз немесе электрондық түрде) қолдану арқылы тапсырады.
Емтиханды онлайн режимінде тапсыру мүмкіндігі болмаған жағдайда, талапкерлер білім беру ұйымына шығармашылық тапсырманы орындаумен бейне жазба жібереді.

Колледжге түлектерді 25 тамыздан бастап қабылдайды

<a href="https://kyzylorda-news.kz/">Kyzylorda-news.kz.</a> Қызылорда облысында мектепке қабылдау басталды. 
1-сыныпқа қабылдау жұмыстары тамыздың біріне дейін жалғасады. Бүгінге дейін тұрғындардан 10 мыңнан аса өтініш келіп түскен. Бұл туралы Өңірлік коммуникациялар қызметінің ақпарат алаңында өткен брифингте облыстық білім басқармасының басшысы Ақзира Қасымова мәлімдеді.
<blockquote>
 «1 сыныпқа қабылдау барысында 5 құжат талап етіледі. Атап айтсақ: ата-ананың немесе заңды өкілдерінен өтініші, баланың туу туралы куәлігінің көшірмесі, «Бала денсаулығы паспорты» 026/у-3 есеп нысаны, №063/у нысаны бойынша денсаулық жағдайы туралы анықтама, 3х4 көлеміндегі фото-екі дана. Осы орайда, азаматтардың қауіпсіздігін қамтамасыз ету мақсатында және денсаулық жағдайы туралы медициналық анықтамаларды алуда туындаған қиындықтарға байланысты медициналық құжаттарды уақытша тапсырмауға рұқсат етілді. Медициналық анықтамаларды оқу жылы басталғанға дейін мүмкіндік болған кезде тапсыруға болады», – деді Ақзира Бақтыбайқызы
</blockquote>
Қазіргі таңда 1-сыныпқа мектепке қабылдауға тіркелген балалар саны 10178 құрап отыр. Оның ішінде e-gov порталы арқылы – 1107, қолма-қол қағаз түрінде – 9071 бала тіркеліп отыр. Бұл жұмыстар тамызға дейін жалғасатындықтан күн сайын ақпарат жаңарып отырады.
Білім беру ұйымдарына құжаттарды қабылдау онлайн режимінде «Электрондық үкімет» <a href="https://egov.kz/cms/kk">Egov.kz</a> порталы арқылы және қағаз түрінде қолма-қол жүзеге асырылады.

Қызылорда: Бірінші сыныпқа қабылдау басталды

<a href="https://kyzylorda-news.kz/">Kyzylorda-news.kz.</a> Білім және ғылым министрлігі бірінші сыныпқа, колледждер мен университеттерге түсу үшін құжаттарды қабылдау мерзімдерін жариялады.
Департаменттің баспасөз қызметі хабарлағандай, білім беру ұйымдарына құжаттарды қабылдау онлайн режимінде «Электрондық үкімет» Egov.kz порталы арқылы жүзеге асырылады.
<blockquote>
 «Медициналық анықтамаларды алуда қиындықтар болғандықтан, құжаттарды тапсырған кезде ол анықтамаларды&nbsp;уақытша тапсырмауға рұқсат етіледі. Медициналық анықтамалар оқу жылы басталғанға дейін өткізіледі», – деді ҚР білім министрлігі.
</blockquote>
1 маусымнан 1 тамызға дейін бірінші сыныпқа құжаттар қабылданады. Өтініш бір жұмыс күнінде қаралады. Құжаттарды қабылдау 3-тен 1-ге дейінгі қағидаттар бойынша жүзеге асырылады. Яғни, бірінші кезекте өтініштерді осы мектептің жанында тұратын ықшамаудан тұрғындары береді.
Колледждерге 20 маусымнан 25 тамызға дейін құжаттар қабылданады. Қабылдау емтихандары алынып тасталды, конкурс міндетті және мамандандырылған пәндердің жалпы баллына сәйкес өткізіледі.
Педагогикалық, медициналық және шығармашылық мамандықтар үшін арнайы конкурстар ұйымдастырылады. 13-20 шілде аралығында мемлекеттік білім гранттары конкурсына құжаттар қабылданады.

Бірінші сынып пен оқу орындарына құжат қабылдау мерзімі жарияланды

<a href="https://kyzylorda-news.kz/">Kyzylorda-news.kz.</a> Қызылордада «Кітап құрттары» клубының​ және Қызылорда​ еріктілерінің ұйымдастыруымен «Кітап сыйла» акциясы өтті.
Акцияға Қызылорда облысы Төтенше жағдайлар департаментінің аға офицері аға лейтенант Ғафур Ақмырзаев та өз үлесін қосып, Азаматтық қорғау саласындағы ақпараттық-әдістемелік материалдар жиынтықтарын, жылдар бойы жинаған «Пожарный и спасатель Казахстана» және «Сыр құтқарушысы» журналдарын сыйлады.​Аталған іс-шараның мақсаты -​ Қызылорда қаласы тұрғындары мен еріктілер өз кітаптарын келесі бір тұрғынға ұсына отырып, жиналған кітаптардан өзіне керекті кітаптарды ақысыз түрде ала алуы болды.
Сондай акцияда жиналған журнал мен кітаптар «Кәмелетке толмағандарды бейімдеу орталығына» тапсырылды.
<blockquote>
 “Азаматтық қорғау саласындағы ақпараттық-әдістемелік материалдар жиынтықтарын, жылдар бойы жинаған «Пожарный и спасатель Казахстана» және «Сыр құтқарушысы» журналдарын тұрғындарға сыйлаудағы мақсат – жастар арасында бұқаралық құтқарушы жұмысын жандандыру, өскелең ұрпақты отансүйгіштікке тәрбиелеу, сондай-ақ жасөспірімдерді әскери-патриоттық тәрбиелеуді насихаттау”, – деді Ғафур Әлиұлы.
</blockquote>
<img src="https://kyzylorda-news.kz/wp-content/uploads/2020/07/fullsizerender-05-07-20-01-52-1.jpg" alt="" />

Қызылордада «Кітап сыйла» акциясы​ өтті

**<a href="https://kyzylorda-news.kz/">Kyzylorda-news.kz.</a>Қазақстанда 2021 жылдан бастап «Цифрлық сауат» пәні 1-сыныптан бастап оқытылады, деп хабарлады <a href="https://24.kz/kz/zha-aly-tar/bilim-zh-ne-ylym/item/405945-keler-zhyly-tsifrly-sauat-p-ni-1-synyptan-bastap-o-ytylady">“Хабар 24”.</a> 
**
<blockquote>
 «Орта білім беруде 2013 жылға дейін ақпараттық техологиялар пәні 7-сыныптан басталып, ескірген мазмұннан тұрды. Одан кейін 5-сыныпқа түсірілді. Бірақ осы бағдарламаларда көбіне компьютер пайдалану, кеңселік қосымшаларды игеру сияқты қарапайым дағдылар бердік те, осы бағдарлама жаңартуды талап еткен болатын. Сондықтан енді 2021 жылдан бастап «Цифрлық сауат» пәні 1-сыныптан бастап енеді. Балалар алгоритмді, ақпараттық гигиена мен қауіпсіздікті, Scratch кодтау тілін үйренеді. STEM, 3Д-принтинг, робототехника негіздерін игереді», – деді Асхат Аймағамбетов Үкімет отырысында. 
</blockquote>
Министрдің айтуынша, сонымен қатар IOS, Android операция жүйелерін және Python, С++ сияқты программалау тілдерін үйренеді. 
<blockquote>
 «Ол үшін облыс орталықтарында жаңадан 25 арнаулы IT-лицей ашылды. 447 STEM зертханасы мен 2 мыңға жуық робот техникасы кабинеті ұйымдастырылып отыр», – деді ол.
</blockquote>

Келесі жылы «Цифрлық сауат» пәні 1-сыныптан бастап оқытылады

<a href="https://kyzylorda-news.kz/">Kyzylorda-news.kz.</a>&nbsp; Бүгін Жалағаш кентіндегі З.Жарқынбаев атындағы №202 орта мектеп базасында орналасқан №869 Ұлттық бірыңғай тестілеу орталығында 232 мектеп бітіруші тест тапсыруда.
Биыл Жалағаш ауданы бойынша мектеп бітіруші түлектер саны – 271.
Ауданда тестілеу 26-27 маусым күндеріне өткізу белгіленген.&nbsp; Бүгін 104 түлек өз бақтарын сынап,&nbsp; тестке қатысуда.
Ұлттық бірыңғай тестілеу өткізілетін пункте медициналық-санитарлық нормаларға сәйкес барлық тестіленушілер арақашықтықты сақтап, дезинфекциялаудың 5 кезеңінен өтті.
Барша қатысушыларға сәттілік тілейміз!
<img src="https://kyzylorda-news.kz/wp-content/uploads/2020/06/fb_img_1593141520091-1.jpg" alt="" />

Жалағашта ұлттық бірыңғай тест сынағы басталды

<a href="https://kyzylorda-news.kz/">Kyzylorda-news.kz.</a> ҚР Білім және ғылым министрлігі ҰБТ-ның төртінші күнін қорытындылады.
<blockquote>
 «ҰБТ-ның төртінші күні 77 тестілеу пунктінде 12 581 адам қатысады деп жоспарланды. Оның 96%-ы тест тапсырды. Ережені 136 адам бұзған, бұл көрсеткіш – үшінші лектің қорытындысымен салыстырғанда әлдеқайда төмен. Тоғыз түлектің қызуы көтерілді, олар ҰБТ-ны басқа күні тапсыра алады», – деп хабарлады министрліктің баспасөз қызметі.
</blockquote>
Сонымен бірге, емтиханды өткізу процесін бақылаудың нашар болуына байланысты білім саласындағы сапаны қамтамасыз ету бойынша аумақтық департаменттер мен Арнайы бақылау тобы өкілдерінің ұсынысымен екі аймақтағы мемлекеттік комиссия құрамынан 20 адам шығарылды.
<blockquote>
 «Мемлекеттік комиссиялардың жаңа мүшелері ретінде қоғам қайраткерлері, облыстың белсенді мұғалімдері, БАҚ және үкіметтік емес ұйымдардың өкілдері бекітілді. Сондай-ақ тестілеу өткізу пунктеріндегі бақылауды күшейту мақсатында ҰБТ өткізуде сын-қатер мүмкін өңірлерге Ұлттық тестілеу орталығының өкілдері жіберіледі», – дейді министрлік.
</blockquote>
Түркістан облысында орналасқан екі пунктіде (Шәуілдір ауылы, Жетісай қаласы) және Шығыс Қазақстан облысындағы екі пунктіде (Аягөз қаласы, Ақсуат ауылы) ұялы байланыс сигналдарын тежеуіштердің істен шығуына және бейнетрансляцияның өшуіне байланысты емтихандар басқа күнге ауыстырылды.
ҚР БҒМ Ұлттық тестілеу орталығы директорының орынбасары Наужан Дидарбекованың мәлімдеуінше, бұл пунктерде талапкерлер 27 маусым (Аягөз қ., Ақсуат а., Шәуілдір а.) және 2 шілде күндері (Жетісай қ.) тестілеуді тапсыру мүмкіндігіне ие болады және білім беру гранттарын тағайындау конкурсына қатыса алады.
Естеріңізге салайық, биыл мектеп бітірушілер мемлекеттік емтихандарды тапсырудан босатылды, талапкерлерге калькулятор пайдалануға рұқсат берілді, сондай-ақ тестілеу уақыты ұзартылды.

ҰБТ: Бейнетрансляция өшіп қалған аудитория түлектері тестілеуді қайта тапсырады

<a href="https://kyzylorda-news.kz/">Kyzylorda-news.kz</a>&nbsp; Бүгін Арал қаласындағы №262 мектеп-гимназиясында&nbsp; күшейтілген санитариялық-дезинфекциялық режиммен, бекітілген тәртіпте мектеп бітіруші түлектердің алғашқы легі Ұлттық бірыңғай тестілеуден өтуде.
Әлемдік пандемияға байланысты аудандағы ҰБТ тапсыратын&nbsp; 570 түлек 23,24,25 маусым күндері он бір жыл бойы алған білімдерін таразыға салатын болады.
Ұлттық біріңғай тестілеу өтіп жатқан мектеп ғимаратында 10 аудитория&nbsp; жабдықталған. Қатысушылар арасында әлеуметтік ара-қашықтық, алдын ала орындарының белгіленуі, маскалық режим талапқа сәйкес сақталған.
Тестілеудің өту барысын бақылау мақсатында барлық аудиторияларға және залға арнайы бейнебақылау камералары орнатылып,&nbsp; ата-аналар үшін онлайн трансляция жүргізілуде.
Айта кетейік, биылғы оқу жылында жалпы ауданымыз бойынша 784 түлек мектеп бітірді. Олардың қатарында 63 түлек “Алтын белгі” иегері, 11 түлек “Үздік аттестат” иегері атанды.
<img src="https://kyzylorda-news.kz/wp-content/uploads/2020/06/fb_img_1592889120145-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592889123518-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592889127198-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592889130564-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592889135123.jpg" alt="" />

Аралдық  түлектердің алғашқы легі ұбт тапсыруда

<a href="https://kyzylorda-news.kz/">Kyzylorda-news.kz.</a> Бүгін Қызылорда облысында Ұлттық бірыңғай тестілеу басталды. Білім сынағының бірінші күні Шиелі ауданында ұйымдастырылды. Тестілеу пунктіне 174 оқушы қатысты. Оның 1-уі өз еркімен бас тартты. Сынаққа кірген 2 оқушыдан тыйым салынған заттарды қолданғаны үшін БҒМ өкілдерінің&nbsp; шешімімен аудиториядан шығарылды.
Білім сынағы карантин жағдайында ұйымдастырылғандықтан, түлектер бетпердемен қатысып, ара-қашықтықты сақтады. Алғашқы күнде ең жоғарғы 130 ұпайды №41 мектеп мектептің оқушысы Диас Қиянбекұлы еншіледі. 27 оқушы 100-ден аса ұпайды жинады.
Түлектер жауапкершілікті және арнайы талапты қатаң сақтады. 4 сағатқа созылған тестілеуде негізсіз әрекеттер орын алмады.
Айта кетейік, Ұлттық тестілеу кезеңінде оқушыларға калькулятор пайдалануға берілді.
<img src="https://kyzylorda-news.kz/wp-content/uploads/2020/06/fb_img_1592876630708-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592876633607-1.jpg" alt="" />

ҰБТ: Қызылордада жоғарғы балды аудан түлегі жинады

<a href="https://kyzylorda-news.kz/">Kyzylorda-news.kz.</a> Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментінің ұйымдастыруымен Қызылорда облысының білім саласында сапаны қамтамасыз ету департаментінің басшысы Ғалия Даулетова, Қызылорда облыстық білім басқармасының басшысы Ақзира Қасымова және департамент басшысының бірінші орынбасары Бақытжан Ниязов «ҰБТ кезеңінде сыбайлас жемқорлықтың алдын алу» бойынша ANTIKOR.LIVE жобасы аясында «Facebook» әлеуметтік желісінде тікелей эфир арқылы облыс тұрғындарымен кездесу өткізді.
Кездесу барысында тестілеудің ашықтығы мен объективтілігін қамтамасыз ету үшін Білім және ғылым министрлігінің бұйрығымен еліміздің барлық аймақтарында жұмыс тобы құрылды. Оның құрамына арнайы мониторинг топ, «Адалдық алаңы» жобалық кеңсесінің өкілдері және Агенттік қызметкерлері кіретіндігі атап өтілді.
Бұл топтың негізгі мақсаты тестілеудің «тазалығын» бақылау болып табылады. Қандай да бір сәйкессіздіктер немесе тестілеуді адалсыз тапсыру жағдайлары анықталғанда, олар бұл туралы жауапты тұлғаларға хабарлауға міндетті.
Қазір Агенттік әлеуметтік желілерде, WhatApp мессенджерлеріндегі ата-аналар топтарына мониторинг ұйымдастыруда. Оның нәтижесімен Ұлттық бірынғай тестілеуден оң нәтижеге қол жеткізуге жәрдем көрсету бойынша белгісіз азаматтар анықталуда.
Осыған байланысты Агенттік оқушыларды тек өз білімдеріне ғана сүйене отырып, тест тапсыруға шақырады, ал ата-аналарды тестілеу қорытындысы бойынша оң баға алу мақсатында пара бергені үшін қылмыстық жауапкершілік және бас бостандығынан айыру көзделгенін ескертеді.
Егер азаматтар осындай жағдайға тап болса, сыбайлас жемқорлыққа қарсы 1424 Call-орталыққа&nbsp; қоңырау шалу қажет.
Жалпы, Агенттік Білім және ғылым министрлігімен бірлесіп парасаттылық пен академиялық адалдық идеологиясын ілгерілету бойынша белсенді жұмыс жүргізуде.
<img src="https://kyzylorda-news.kz/wp-content/uploads/2020/06/bilim-1-1.jpg" alt="" />

Қызылордада білім саласының басшылары облыс тұрғындарымен онлайн кездесті

<a href="https://kyzylorda-news.kz/">Kyzylorda-news.kz.</a> Ұлттық тестілеу орталығы ҰБТ-ның бірінші күні ең жоғары балл жинаған талапкерді атады, деп хабарлайды&nbsp;<a href="https://sputniknews.kz/?_ga=2.119003657.1636367278.1592801705-1066086402.1572145755">Sputnik Қазақстан</a>.
Орталық директорының орынбасары Наужан Дидарбекованың айтуынша, кеше ең жоғары балл жинаған талапкер – Түркістан облысының Ордабасы ауданындағы Теспе орта мектебінің түлегі. Есімі – Абзал Әбдіманап.&nbsp;&nbsp;
<blockquote>
 «Ол 138 балл жинап шықты. Қазір жаңа норма енгізілген. Оған сәйкес, барлық ҰБТ процесі видеоға түсіріледі, кейіннен бейнежазбаға талдау жасалады. Әрине, біз Абзалдың да бейнежазбасын толық қарап шығатын боламыз», – деді Дидарбекова.
</blockquote>
Айта кетейік, 21 маусымда республика бойынша ұлттық бірыңғай тестілеу басталған болатын. Оған 6 186 талапкер қатысты. Оның 4 222-сі шекті балл жинаса, 1 964 талапкер шекті ұпайды жинай алмады. Ал 39 адам 130 балдан жоғары алды. Бұдан бөлек, тәртіп бұзған 164 талапкер анықталды.
<blockquote>
 «Жалпы, ұлттық бірыңғай тестілеудің соңғы нәтижелері тамыз айында нақты болады. Өйткені жаңа норма бойынша ұлттық тестілеу орталығы 25 тамызға дейін арнайы бағдарламаның көмегімен барлық бейнежазбаға талдау жүргізетін болады. Егер тест тапсырушының тыйым салынған заттарды пайдаланғаны анықталса, онда оның нәтижесі жойылады, сәйкесінше гранттың да нәтижесі жойылуы мүмкін», – деп атап көрсетті Дидарбекова.
</blockquote>

Қазақстан және Қызылорда облысының жаңалықтары: Білім

Мұрат Бақтиярұлы: Бастауыш сынып оқушылары мектепте білім алуы керек

Колледжге түлектерді 25 тамыздан бастап қабылдайды

Қызылорда: Бірінші сыныпқа қабылдау басталды

Бірінші сынып пен оқу орындарына құжат қабылдау мерзімі жарияланды

Қызылордада «Кітап сыйла» акциясы өтті

Келесі жылы «Цифрлық сауат» пәні 1-сыныптан бастап оқытылады

Жалағашта ұлттық бірыңғай тест сынағы басталды

ҰБТ: Бейнетрансляция өшіп қалған аудитория түлектері тестілеуді қайта тапсырады

Аралдық түлектердің алғашқы легі ұбт тапсыруда

ҰБТ: Қызылордада жоғарғы балды аудан түлегі жинады

Қызылордада білім саласының басшылары облыс тұрғындарымен онлайн кездесті

ҰБТ-2020: Алғашқы күнде жоғарғы балды ауыл түлегі жинады

Қазақстан және Қызылорда облысының жаңалықтары: Білім

Мұрат Бақтиярұлы: Бастауыш сынып оқушылары мектепте білім алуы керек

Колледжге түлектерді 25 тамыздан бастап қабылдайды

Қызылорда: Бірінші сыныпқа қабылдау басталды

Бірінші сынып пен оқу орындарына құжат қабылдау мерзімі жарияланды

Қызылордада «Кітап сыйла» акциясы​ өтті

Келесі жылы «Цифрлық сауат» пәні 1-сыныптан бастап оқытылады

Жалағашта ұлттық бірыңғай тест сынағы басталды

ҰБТ: Бейнетрансляция өшіп қалған аудитория түлектері тестілеуді қайта тапсырады

Аралдық түлектердің алғашқы легі ұбт тапсыруда

ҰБТ: Қызылордада жоғарғы балды аудан түлегі жинады

Қызылордада білім саласының басшылары облыс тұрғындарымен онлайн кездесті

ҰБТ-2020: Алғашқы күнде жоғарғы балды ауыл түлегі жинады

Қызылордада «Кітап сыйла» акциясы өтті