<a href="https://kyzylorda-news.kz/">Kyzylorda-news.kz.</a> Жаңа оқу жылы шалғайда орналасқан шағын жинақты ауылды мектептерді қоспағанда, өңірдің барлық мектептерінде қашықтан оқыту форматында басталады. Бірақ, ата-аналардың өтініші негізінде 1-4 сынып оқушылары үшін «кезекші сыныптар» ашылатын болады. Оқушылардың саны 10-15 тен аспауы тиіс және санитарлық талаптарды сақтау керек. Бұл туралы Өңірлік коммуникациялар қызметінің ақпарат алаңында өткен брифингте облыстық білім басқармасының басшысы Ақзира Қасымова мәлімдеді.
<img src="https://kyzylorda-news.kz/wp-content/uploads/2020/07/fb_img_1595643473294.jpg" alt="" />
<blockquote>
 «Биыл аймақтың 243 мектебінде оқушылар сабақты қашықтан оқиды. Қашықтан оқытуды ұйымдастыруда оқушылардың электронды құрылғылармен, интернетпен қамтылуы бағытында анализ жүргізілді. Оқушылардың қажеттілігіне қарай компьютер, планшеттер берілетін болады. Бірінші кезекте әлеуметтік жағынан аз қамтамасыз етілген отбасылар, көпбалалы отбасының балаларына беріледі. Бұл ретте басқарма тарапынан мектеп балансындағы компьютерлерді уақытша береді. Сонымен бірге, демеушілер есебінен планшеттер алып беру жұмыстары жүргізілуде. Бұған қоса, облыста 20 259 педагог жұмыс жасайды. Оның ішінде компьютері жоқ мұғалімдер саны анықталуда. Облыстық мұғалімдер кәсіподағының демеушілігімен 300 мұғалімге электронды құрылғылар беріледі»,-деді Ақзира Бақтыбайқызы.
</blockquote>
Сонымен қатар, 18 мың педагог қашықтан оқытуға байланысты 17-22 тамыз аралығында арнайы онлайн курстан өтеді.

Ақзира Қасымова: Жаңа оқу жылында өзгешеліктер бар

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының әкімі Гүлшара Әбдіқалықова &nbsp;облыстық білім басқармасының басшысы Ақзира Қасымованы қабылдады.
<img src="https://kyzylorda-news.kz/wp-content/uploads/2020/07/bilim1-1.jpg" alt="" />
Қабылдауда өңір басшысына жаңа оқу жылын қашықтан оқытуды ұйымдастыру, білім беру ұйымдарын оқулықтармен қамту және білім нысандарына жүргізіліп жатқан жөндеу жұмыстарының барысы баяндалды.
Жаңа оқу жылында өңірдегі 243 мектеп қашықтан, ал қалған шалғай орналасқан және шағын жинақты 50 мектеп санитарлық талаптарды сақтай отырып дәстүрлі түрде оқытылатын болады.
«Жұмыспен қамту Жол картасы» шеңберінде республикалық бюджеттен 8 млрд.теңге бөлініп, аталған қаржыға облыстағы 52 білім нысаны жөндеуден өтуде.
Сонымен қатар қабылдауда балалар қауіпсіздігін қамтамасыз ету бойынша мектеп әжетханаларын ғимарат ішіне көшіру, білім беру ұйымдарын бейнебақылаумен қамту бойынша жұмыстар сөз болды.
Облыстағы 293 мектептің 69 пайызында, яғни 202 білім ошағында әжетхана ғимарат ішінде орналасқан. Қазіргі уақытта қалған 91 мектепте әжетхананы ішке көшіру жұмыстары жүргізілуде. Бұл жұмыстар жаңа оқу жылына дейін толық аяқталады деп жоспарлануда.
Қабылдау соңында өңір басшысы жаңа оқу жылының дайындық жұмыстарын сапалы жүргізуді тапсырды.

Қызылордада жаңа оқу жылына дайындық жұмыстары жүргізілуде

<a href="https://kyzylorda-news.kz/">Kyzylorda-news.kz.</a> Білім және ғылым министрі Асхат Аймағамбетов қашықтан оқуға байланысты мұғалімдердің жалақысы қысқармайтынын, керісінше 2021 жылдың қаңтарынан бастап көтерілетінін айтты, – деп хабарлайды&nbsp;<a href="https://kaz.tengrinews.kz/">Tengrinews.kz</a>.
<blockquote>
 «Мұғалімдерге көп салмақ түсті. Кей жерлерде керісінше салмақ азайды деген пікірлер айтылады, бірақ жұмыстары еселеніп кеткен. Жақында мұғалімдерді ақысыз демалысқа жібереді деген пікір болды, біз бұл бойынша жедел әрекет еттік, біздің ойымызша, педагог тамызда да бұған дейін қанша алды, сонша алуы керек», – деді Аймағамбетов Tengrinews.kz-тің Instagram желісіндегі тікелей эфирде.&nbsp;
</blockquote>
Министр мұғалімдердің жалақысын азайту үшін қашықтан оқуды сылтау еткісі келгендер болғанын айтты.&nbsp;
<blockquote>
 «Мен онымен келіспеймін. Біз қашықтан оқу мұғалімнің жалақысына әсер етпеуі керек деген шешім шығардық. Биыл Мемлекет басшысының тапсырмасы бойынша педагогтердің жалақысы көтерілді. Қыркүйектен бастап «Педагог мәртебесі» заңына сәйкес қосымша үстемақы болады, ол да мұғалімдер үшін айтарлықтай көмек. Енді қаңтардан бастап әріптестеріміздің жалақысы 25 пайызға өседі», – деді министр.
</blockquote>

Мектеп мұғалімдерінің жалақысы көтеріледі

<a href="https://kyzylorda-news.kz/">Kyzylorda-news.kz.</a> Келесі оқу жылында бірінші сынып оқушылары «Сауат ашу» пәнінің орнына «Әліппе» мен «Ана тілін» оқиды. Бұл туралы ҚР Білім және ғылым министрі Асхат Аймағамбетов Facebook-тегі парақшасында жариялады.
<blockquote>
 «Жақында Мемлекеттік жалпыға міндетті стандартқа өзгерістер енгізіліп, Әділет министрлігінде тіркеуден өтті. Ондағы маңызды жаңалықтардың бірі – келесі оқу жылында бірінші сынып оқушылары «Сауат ашу» пәнінің орнына «Әліппе» мен «Ана тілін» оқитын болады. Бірінші сынып оқушылары оқу жылының бастапқы екі тоқсанында «Әліппенің» бағдарламасын оқыса, қалған екі тоқсанда «Ана тілі» пәнін оқиды. Сәйкесінше, орыс тілінде немесе басқа тілдерде білім алатын сыныптарда «Букварь» мен «Обучение грамоте» пәндері жүргізіледі», – деді Асхат Аймағамбетов.
</blockquote>
Оның айтуынша, «Әліппе» Ахмет Байтұрсынұлының әдістемесі негізінде дайындалады. Министр қазір оқулықтарды әзірлеу бойынша үлкен жұмыс жүргізіліп жатқанын атап өтті.
<blockquote>
 «Бірыңғай бағдарлама жасаумен айналысатын жұмыс тобын құрдық. Оның құрамында мықты тіл мамандары, әдіскерлер, бастауыш сынып мұғалімдері мен бұған дейін оқытылған «Әліппе» оқулықтарының авторлары бар. Орынбасарым Шолпан Каринова осы жұмыс тобының алғашқы отырысын өткізіп те үлгерді. Бағдарламалар мен оқулықтар дайын болғаннан кейін оларды пилоттық мектептерде сынақтан өткіземіз деп жоспарлап отырмыз. Кейін басқа мектептерге жіберілетін болады. Бұл мәселе менің жіті бақылауымда», – деді ол.
</blockquote>

Жаңа оқу жылында балалар «Әліппе» мен «Ана тілін» оқиды

<a href="https://kyzylorda-news.kz/">Kyzylorda-news.kz.</a> Нұр-Сұлтан қаласы білім басқармасының басшысы Шолпан Қадырова жаңа оқу жылында оқушылар үшін “кезекші сыныптар” қалай жұмыс істейтінін түсіндірді, деп хабарлайды <a href="https://sputniknews.kz/society/20200720/14519106/mektep-kezekshi-synyptar.html">Sputnik Қазақстан.</a> 
Ол 1 қыркүйекте елордалық мектептер мен колледждерде сабақ қашықтан оқыту форматында басталатынын атап өтті. 
Ал бастауыш сынып оқушылары үшін “кезекші сыныптар” ашылмақ.
<blockquote>
 “Бастауыш сынып оқушыларының ата-аналарының өтініші негізінде санитарлық талаптарды сақтай отырып, “кезекші сыныптар” ашылады. Оқу бірнеше ауысыммен жүзеге асады. Сыныптар кіші топтарға бөлінеді. Ол топтарда оқушы саны 10-15 баладан аспайды. Сабақтар бір кабинетте өткізіліп, үзіліс әр түрлі уақытта болады”, – деді Қадырова онлайн брифингте.
</blockquote>
Сонымен қатар, сабақтардың бір бөлігі қашықтықтан жүргізіледі. 
Айтуынша, санитарлық нормаларды сақтау үшін мектептер тепловизорлармен, дезинфекциялау құралдарымен, қорғаныш құралдарымен қамтамасыз етіледі.
Осы орайда басқарма басшысы “кезекші сыныптардың” жұмыс алгоритміне тоқталды:
ата-аналар балаларды “кезекші сыныптарға” әкеледі, бірақ ғимаратқа кірмейді;
мектептің кіреберісіне дезинфекциялық кілемше төселеді;
мектепке кірер кезде баланың дене қызуы өлшенеді;
қолды антисептикпен өңдеу және маска тағу міндетті;
барлық қабатта және әрбір “кезекші сыныпта” санитайзер орнатылады;
сынып желдетіліп, тазартылып отырады;
қызыл сызықпен белгілей отырып, медициналық кабинеттердің жанында оқшаулау бөлмесі ашылады.
Білім басқармасының ақпаратынша, 2020-2021 жаңа оқу жылында елорда мектептеріне 202 мың оқушы барады. Былтыр 182 279 бала болған. 
Бірінші сыныпқа 27 мыңнан астам бүлдіршінді қабылдау жоспарланып отыр. Бүгінге дейін 12 453 өтініш берілді.

Мектептерде &#8220;кезекші сыныптар&#8221; қалай жұмыс істейді?

Kyzylorda-news.kz. Білім және ғылым министрі Асхат Аймағамбетов аудандық білім бөлімдері, облыстық, қалалық білім басқармалары басшыларын тағайындау және жұмыстан босату ережелерін өзгерту керектігін мәлім етті.
<blockquote>
 «Министрлік пен білім басқармалары арасындағы өзара байланыста да бірқатар мәселелер бар екені жасырын емес. Бұл да – әкімшілік және ұйымдастырушылық бағыныстылықтың болмауының әсері. Білім және ғылым министрлігі тарапынан басқармалар қызметін әдістемелік үйлестіру жөніндегі «Білім туралы» Заңда көрсетілген құзырет – бұл мәселелерді шешуге мүмкіндік бермейтіні анық. Бұл ретте қолданыстағы ұйымдастырушылық және қаржы жүйесі бойынша министрліктің 20 мыңға жуық ұйымды тиімді басқаруы әзірше мүмкін емес екенін түсінуіміз керек», – деп жазды министр&nbsp;<a href="https://web.facebook.com/askhat.aimagambetov/posts/10216713721931685">Facebook</a>&nbsp;парақшасында.
</blockquote>
Министрдің хабарлауынша, бұл жағдай жан басына қаржыландыруды кезең-кезеңмен енгізіп, бухгалтерия, сатып алу және тағы басқа жұмысты цифрландырғаннан, білім беру ұйымдары жанындағы корпоративтік басқару органдарын кіріктіріп, басқа да шараларды қолданғаннан кейін ғана өзгереді.
<blockquote>
 «Әзірге бізге білім бөлімдерін облыстық басқармаларға беруді дұрыс ұйымдастыру, тиімді конфигурация мен олардың өзара іс-қимыл жүйесін ретке келтіру қажет. Біз облыстық басқармалар мен қалалық, аудандық білім бөлімдерінің басшыларын тағайындау барысында Білім және ғылым министрлігімен келісу бойынша нормаларды енгізуге бастама жасадық. Сондай-ақ лауазымды тұлғаларға қойылатын біліктілік талаптарын да қалыптастырамыз. Білім бөлімдері мен басқармаларының басшысы қызметіне білім саласында тәжірибесі бар және құзыреті жеткілікті адамдар тағайындалатындай етуіміз керек. Соңғы жылдары бұл лауазымдарға білім саласына қатысы жоқ адамдарды тағайындау фактілері жиі кездесті, оған жол бермеуіміз керек», – деді ол.
</blockquote>
Асхат Аймағамбетов өз жазбасында аудандық білім бөлімдері мен қалалық білім басқармалары басшыларын тағайындау және жұмыстан босату мәселелерінің БҒМ-мен келісілуі жөніндегі нормасы туралы сөз қозғады. Атап айтқанда бірыңғай біліктілік талаптарын қалыптастыру және қалалық білім басқармалары мен аудандық білім бөлімдерінің басшылығына тәжірибелі мамандарды тарту, директорларды тағайындау жүйесін өзгерту, оларды аттестаттау және ротациялау институтын енгізу, дербестендірілген және жан басына шаққандағы қаржыландыру жүйесіне ауыстыру, басқару жүйесін өзгерту және білім беру бөлімдерін мектептер мен балабақшаларымен қоса облыстық деңгейге беру жұмыстары жүргізілмек. Осылайша, жалпы жүйенің тиімділігін арттыруға болады

Асхат Аймағамбетов: &#8220;Білім беру саласын басқару жүйесі өзгереді&#8221;

<a href="https://kyzylorda-news.kz/">Kyzylorda-news.kz.</a> Таяуда Білім және ғылым министрі Асхат Аймағамбетов жаңа оқу жылында қашықтан оқытуға байланысты университеттерде оқу құнын төмендету туралы шешімді ЖОО өздері қабылдайтынын айтты, деп хабарлайды <a href="https://aikyn.kz/biylghy-zhoo-nyng-oqw-aqysy-qansha/">AIQYN.</a>
<blockquote>
 «Қашықтан оқыту арзанырақ болуы керек деген пікір айтылып жүр. Себебі көпшілік шығындар азайып, арзанға түседі деп есептейді. Біріншіден, оқу ғимаратының шығындары бар. Екіншіден, барлық мұғалімдердің жалақысы сақталады. Сонымен қатар университеттер қашықтықтан оқыту форматына ауысқандықтан, жаңа байланыс арналарын кеңейту қажет. Бұл қымбатқа түседі, − дейді А.Аймағамбетов.
</blockquote>
Осы ретте, жаңа оқу жылында еліміздегі таңдаулы жоғары оқу орындарында оқу ақысы қанша екенін сұрап көрген болатынбыз.
2020 −2021 оқу жылындағы ЖОО-ның 1 жылда төлейтін оқу ақысы
<img src="https://aikyn.kz/wp-content/uploads/2020/07/keste.jpg" alt="" />
Кесте: Жұмабек Айқынұлы
Оқу ақысы жоғары мамандықтарға юриспруденция, кеден ісі, қаржы, есеп және аудит, экономика, халықаралық қатынастар, халықаралық құқық, әлемдік экономика, ақпараттық жүйелер және есептеу техникасы мен бағдарламалық қамтамасыз ету, стоматология мамандықтары еніп отыр.
Оқу ақысы салыстырмалы түрде педагогикалық мамандықтарда төмен екені анықталып отыр.

Биылғы ЖОО-ның оқу ақысы қанша?

<a href="https://kyzylorda-news.kz/">Kyzylorda-news.kz.</a> Карантин режімі жағдайында талапкерлерге ыңғайлы болуы үшін БҒМ білім беру грантын тағайындау конкурсына қатысу үшін өтініштерді қабылдау мерзімін ұзартты.
Құжаттар 20 шілдеге дейін емес, 25 шілдеге дейін қабыладанады.
Мемлекеттік білім беру грантын тағайындау конкурсына қатысу үшін талапкер Egov.kz «электронды үкімет» порталы арқылы келесі құжаттарды тапсыру қажет:
өтініш;
білімі туралы құжат;
жеке куәлік көшірмесі.
МЕДИЦИНАЛЫҚ АНЫҚТАМАЛАР УАҚЫТША ТАЛАП ЕТІЛМЕЙДІ.
ҰБТ сертификаты жүйеде автоматты түрде пайда болады, сондықтан оны Egov.kz- ке жүктеудің қажеті жоқ.
ҰБТ сертификаттары электронды форматта берілген болатын!
Конкурс нәтижесі бойынша мемлекеттік гранттың берілгені туралы электронды сертификат ұсынылады. Талапкерлерге қағаз сертификаттарды алу үшін ешқайда барудың қажеті жоқ.
Гранттарды тағайындау форматы өзгерген жоқ, яғни маусым айында өткен ҰБТ қорытындысы бойынша үміткерлер мемлекеттік білім беру грантын тағайындау конкурсына қатысады. Осы жылы гранттар оқу тіліне байланысты болмайды.
Жоғары оқу орындарына талапкерлерді тамыздың 10-25 аралығында оқуға қабылдайтын болады.
Жоғары оқу орындарында білім қашықтан беріледі. Дәстүрлі формат жеке кесте бойынша зертханалық жұмыстар, өндірістік оқыту және кәсіби практика үшін өткізіледі.
<img src="https://kyzylorda-news.kz/wp-content/uploads/2020/07/2020_07_15_5c03e32d0066f64942ecab17a44fcafb_original.320067-768x769.jpeg.jpg" alt="" />

Білім беру грантына тағайындау мерзімі өзгерді

<a href="https://kyzylorda-news.kz/">Kyzylorda-news.kz.</a> Қазақстанда оқушылар 1 қыркүйектен бастап бірінші тоқсандағы сабақты қашықтан оқитын болды, деп хабарлайды <a href="https://24.kz/kz/zha-aly-tar/bilim-zh-ne-ylym/item/409123-aza-standa-o-ushylar-birinshi-to-sandy-ashy-tan-o-ityn-boldy">“Хабар 24”</a>
Үкімет отырысында сөз сөйлеген білім және ғылым министрі Асхат Аймағамбетов басты басымдық балалар мен мұғалімдердің өмірі мен денсаулығы екенін жеткізді.
<blockquote>
 «Осыған қарай мынадай шешімдерді ұсынамын: біріншіден, шалғайда орналасқан шағын жинақты мектептерді қоспағанда 1 қыркүйектен бастап еліміздің барлық мектебіндегі 1-11 сынып оқушылары үшін оқу жылының алғашқы тоқсанын қашықтан оқыту форматында өткізу», – деді ол.
</blockquote>
Өз кезегінде Үкімет басшысы Асқар Мамин Денсаулық сақтау мен Білім және ғылым, Цифрландыру министрліктері бойынша 1 қыркүйектен бастап орта мектептерде бірінші тоқсанды қашықтан оқыту форматында өткізуге дайын болуын қамтамасыз етуді тапсырды.
<blockquote>
 «Қажет болған жағдайда бастауыш сынып оқушылары ата-аналарының жазбаша өтініштері бойынша санитарлық-эпидемиологиялық талаптарды қатаң сақтай отырып, кезекші сыныптардың қызметін қамтамасыз етуді тапсырамын», – деді ол.
</blockquote>

Оқушылар бірінші тоқсанда қашықтан оқитын болды

Kyzylorda-news.kz. Білім және ғылым министрі Асхат Аймағамбетов Мемлекет басшысы Қасым-Жомарт Тоқаевтың мектеп бағдарламасына «Балалардың экологиялық білімі» атты жаңа пән енгізу тапсырмасы міндетті түрде орындалатынын мәлім етті.
<blockquote>
 «Президенттің тапсырмасы бар. Бұл тапсырма міндетті түрде орындалады. Әдістемелік көзқарас, жалпыға ортақ мемлекеттік стандарт, бұл міндетті дұрыс орындау, ғылыми амал-әдіс тұрғысынан әріптестеріміз тиісті шешімді әзірлеуде. Яғни оқу жоспары мен оқу бағдарламасының ғылыми негіздемесі болуы керек. Баланың ақпаратты қабылдау жасына байланысты талдау жасалады. Көптеген фактор зерттеледі. Осыған байланысты ғалымдарымыз бен әдіскерлеріміз бұл мәселемен айналысуда», – деді Асхат Аймағамбетов Білім және ғылым министрлігінің онлайн форматтағы тілшілермен кездесуінде.
</blockquote>
Ал осы мән мектеп бағдарламасына биыл енгізіле ме? Бұл сұраққа жауап берген министр ең алдымен жүктелген міндет сапалы іске асырылуы керектігін айтты.
<blockquote>
 «Осынау өте дұрыс идеяны сапалы түрде жүзеге асыру керек. Бұл тұрғыда кез келген педагог тиісті кадр, бағдарлама, оқулықтар керектігін біледі. Сол үшін ең алдымен міндеттің дұрыс орындалатынына баса маңыз береміз», – деді ол.
</blockquote>

Қазақстан мектептеріне жаңа пән енгізіледі

Kyzylorda-news.kz. Қазақстанда мектеп формасы алынып тасталды. Бұл туралы онлайн-брифингте Білім және ғылым министрі Асхат Аймағамбетов мәлім етті.&nbsp;
Оның айтуынша, бірнеше жыл бұрын БҒМ мектеп формасын кию туралы бұйрығы шығарылған. Жақында оған төтенше жағдай, карантин, шектеу іс-шаралары&nbsp;кезінде әрекет ететін арнайы пункт қосылады. Мұндай кезеңдерде балаларға “ұқыпты классикалық іскерлік киімде” сабақтарына баруға рұқсат етіледі.
<blockquote>
 “Егер ата-аналардың қазір мектеп формасын сатып алуға мүмкіндігі болмаса, балаларын классикалық және іскерлік стильде әдеттегі киіммен қамтамасыз ету қажет. Мұндай шешімді біз қабылдадық. Біз бұл шешімді осы жағдайда маңызды деп санаймыз”, – деді Аймағамбетов.
 “Бұл шешімді біз ұсыным ретінде жасамаймыз. Біз мұны білім және ғылым министрінің бұйрығына өзгерістер енгізу, оны әділет органдарында тіркеу арқылы жасаймыз және бұл нормативтік-құқықтық құжат болады. Оны&nbsp;біздің білім беру ұйымдарының басқа да құжаттары секілді&nbsp;басшылыққа алады”, – деп қорытындылады ведомство басшысы.
</blockquote>
Асхат Аймағамбетов жаңа шешім 2020-2021 оқу жылына ғана қабылданғанын атап өтті.
<blockquote>
 “Көптеген ата-аналар экономикалық қиындықтарға тап болып, ал мектеп формасын сатып алу – бұл отбасылық бюджеттен қосымша шығындар. Осы оқу жылында біз дәстүрлі немесе қашықтан оқытуға қарамастан, бұл шешім сақталатын болады. Егер біз қашықтан білім алатын болсақ, содан кейін жылдың ортасында дәстүрлі түрге ауыссақ, онда мұғалімдер баланың мектеп формасымен&nbsp;келуін талап етпейді. Бұл шешім бүкіл оқу жылына жарамды. Бірақ егер біреуде мектеп формасы болса – ағасы мен әпкесінен қалса немесе ата-анасы алдын ала сатып алса, онда оған келуге болады”, – деп толықтырды ол.
</blockquote>

Қазақстанда міндетті мектеп формасы алынып тасталды

Kyzylorda-news.kz. Мемлекет басшысы Қасым-Жомарт Тоқаев әкімдіктерді жаңа оқу жылына дайын болуға шақырды.
<blockquote>
 “1 қыркүйекте жаңа оқу жылы басталады. Менде министрліктің бұл жағдайға дайын екендігіне күмән бар. Балалар қалай оқиды? Мектепте немесе қашықтықтан? Жаңа оқу жылына мұғалімдердің дайындығы қандай?”, – деді ол.
</blockquote>
Сонымен қатар, Тоқаев қашықтықтан оқытуға қатысты өз ойын білдірді.
<blockquote>
 “Қашықтан оқыту әдісіне көшу ісі инфрақұрылым мен интернет сапасына қатысты елеулі мәселелердің бар екенін көрсетті. Мұғалімдердің 20 пайыздан астамы үйлерінде толыққанды интернет пен компьютер жоқ болғандықтан, қашықтан тиімді оқыта алмады”, – деді мемлекет басшысы.
</blockquote>
Президент осы мәселеге байланысты үкіметке тапсырма берді.
<blockquote>
 “Үкіметке жыл соңына дейін 250 мыңнан астам тұрғыны бар елді мекендерді сапалы интернетпен қамтамасыз етуді тапсырамын. Бұл халқымыздың 99,3 пайызын қамтиды”, – деді ол.
</blockquote>
Тоқаевтың сөзінше, әкімдіктер жаңа оқу жылына тез арада дайын болуы керек.
<blockquote>
 “Мектептердің балансындағы 400 мыңнан астам компьютердің тек 40 пайызы ғана іске жарады. Бұл – әкімдіктер мен министрліктің жұмысының нәтижесі. Әкімдіктер жаңа оқу жылына дереу дайындалып, мектептер мен жекелеген мұқтаж отбасыларды қажетті техникамен жабдықтауға тиіс”, – деді мемлекет басшысы.
</blockquote>

Қазақстан және Қызылорда облысының жаңалықтары: Білім

Ақзира Қасымова: Жаңа оқу жылында өзгешеліктер бар

Қызылордада жаңа оқу жылына дайындық жұмыстары жүргізілуде

Мектеп мұғалімдерінің жалақысы көтеріледі

Жаңа оқу жылында балалар «Әліппе» мен «Ана тілін» оқиды

Мектептерде “кезекші сыныптар” қалай жұмыс істейді?

Асхат Аймағамбетов: “Білім беру саласын басқару жүйесі өзгереді”

Биылғы ЖОО-ның оқу ақысы қанша?

Білім беру грантына тағайындау мерзімі өзгерді

Оқушылар бірінші тоқсанда қашықтан оқитын болды

Қазақстан мектептеріне жаңа пән енгізіледі

Қазақстанда міндетті мектеп формасы алынып тасталды

Жаңа оқу жылы: Мемлекет басшысы тапсырма берді

Қазақстан және Қызылорда облысының жаңалықтары: Білім

Ақзира Қасымова: Жаңа оқу жылында өзгешеліктер бар

Қызылордада жаңа оқу жылына дайындық жұмыстары жүргізілуде

Мектеп мұғалімдерінің жалақысы көтеріледі

Жаңа оқу жылында балалар «Әліппе» мен «Ана тілін» оқиды

Мектептерде &#8220;кезекші сыныптар&#8221; қалай жұмыс істейді?

Асхат Аймағамбетов: &#8220;Білім беру саласын басқару жүйесі өзгереді&#8221;

Биылғы ЖОО-ның оқу ақысы қанша?

Білім беру грантына тағайындау мерзімі өзгерді

Оқушылар бірінші тоқсанда қашықтан оқитын болды

Қазақстан мектептеріне жаңа пән енгізіледі

Қазақстанда міндетті мектеп формасы алынып тасталды

Жаңа оқу жылы: Мемлекет басшысы тапсырма берді

Мектептерде “кезекші сыныптар” қалай жұмыс істейді?

Асхат Аймағамбетов: “Білім беру саласын басқару жүйесі өзгереді”