<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қызылордада кәмелетке толмағандардың істері және олардың құқығын қорғау жөніндегі облыстық комиссияның кезекті отырысы өтті. Оған Қызылорда облысы прокурорының бірінші орынбасары Талғат Әлібаев және Құқықтық статистика және арнайы есепке алу жөніндегі комитетінің Қызылорда облысы бойынша басқарма басшысының орынбасары Сәкен Ыдырыс қатысты.
Комиссия отырысында «Кәмелетке толмағандардың жыныстық қол сұғылмаушылығына қарсы жасалған қылмыстардың алдын алу бағытындағы&nbsp; профилактикалық шаралар», «Суицидтік мінез-құлқы бар «тәуекел тобындағы» балалар мен жасөспірімдерге көмек көрсету кезінде білім беру және денсаулық сақтау ұйымдары мамандарының өзара іс-қимыл алгоритмінің іске асырылуы», Кәмелетке толмаған балалар мен жасөспірімдердің мәдениет және өнер мекемелеріне қолжетімділігі туралы», «Кәмелетке толмағандардың істері және олардың құқықтарын қорғау жөніндегі аудандық комиссиялардың&nbsp; есебі», «Қызылорда облысының полиция департаментінің &nbsp;ұсыныстары» сынды мәселелері қаралды.
Аймақтағы кәмелетке толмағандармен жасалған қылмыстар мен оларға қарсы жасалған қылмыстардың орны алу себептері, қазіргі ахуал, атқаруға тиісті ұсыныстар бойынша&nbsp; облыс прокурорының бірінші орынбасары&nbsp;Талғат Әлібаев талдау жасады.
Құқықтық статистика және арнайы есепке алу жөніндегі комитетінің Қызылорда облысы бойынша басқармасының бөлім басшысы Е. Жукашев&nbsp;&nbsp; кәмелетке толмағандардың жыныстық тиіспеушілікке қарсы қылмыс жасағаны үшін қылмыстық жауапкершілікке тартылған есептегі адамдар туралы мәліметтерді жариялау және оны жариялаудан алудың тәртібі бойынша жан-жақты ақпарат берді.
Сондай-ақ,&nbsp; суицид мәселесі бойынша Қызылорда облысының денсаулық сақтау басқармасының басшысы Сәбит Пазилов, мәдениет және өнер мекемелерінің білім беру ұйымдарымен байланысы туралы&nbsp; Қызылорда облысының мәдениет, архивтер және құжаттама басқармасы басшысының орынбасары Нұршат Наурызбаева хабарлама жасады.
Жиында Қызылорда қаласы, Қармақшы, Жалағаш аудандары әкімдері орынбасарларының есептері тыңдалды.&nbsp; Комиссия шешімімен бірқатар тапсырмалар берілді.

Қызылордада кәмелетке толмағандардың істері жөніндегі облыстық комиссияның отырысы өтті

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Білім және ғылым министрі Асхат Аймағамбетов кітапханашылардың мәртебесін арттыру, еңбекақысын көтеру мәселесі қарастырылып жатқанын мәлімдеді.
Министрдің айтуынша, кітапханашылар педагогикалық кадрлар санатына енуі мүмкін.
<blockquote>
 “Кітапханашылардың мәртебесін арттыру, олардың еңбекақысын көтеру және жұмысының жаңа талаптарға сай болуын қайта қарастырып жатырмыз. Оларды педагогикалық кадрлар санатына енгізу бойынша бастама көтердік”, – деп жазды министр&nbsp;<a href="https://www.facebook.com/askhat.aimagambetov/posts/10217428996013090">Facebook</a>&nbsp;парақшасында.
</blockquote>
Сонымен қатар Аймағамбетов кітапхана ісіне қатысты да пікір білдірді. Айтуынша, кітапхана заманға сай жабдықталып, бала үшін ыңғайлы әрі қызықты болуы керек. Оқушы онда кітап оқумен қатар нетворкинг немесе шығармашылық даму дағдыларын игеруі қажет.
<blockquote>
 “Бүгінгі таңда көптеген мектеп кітапханаларының жұмыс форматы ешқандай сын көтермейді”, – деді министр.
</blockquote>
Сондай-ақ, жастардың ақпаратты цифрлық технологиялар арқылы пайдаланатынын ескеріп, алдағы уақытта кітапханаларды цифрландыру жоспары бар екенін жеткізді.
<blockquote>
 “Көркем әдебиеттің электронды нұсқаларын интернет және мобильді қосымшалар арқылы қолжетімді ету қажет. Мұндай жобалар қазірдің өзінде бар. Олардың авторларымен бірігіп жұмыс істемекпіз. Сондай-ақ, біз геймификация элементтерін қолдануды жоспарлап отырмыз”, – деді Аймағамбетов.
</blockquote>
Айтуынша, бұл міндеттерді шешу тек мектептердің ғана емес, сонымен қатар ата-аналардың да уақытын және күш-жігерін талап етеді. Сондықтан бұл жұмысты олар қолдайды деп үміттенемін, деп толықтырды ол.
Бүгінде білім және ғылым саласына қарасты 7 096 кітапхана жұмыс істейді. Мектептерде – 6 461, колледждерде – 579, жоғары оқу орындарында – 56, сондай-ақ республикалық ғылыми-педагогикалық кітапхана бар. Білім беру ұйымдарындағы жалпы кітап қоры – 267 325 289.
Сондай-ақ, көркем әдебиеттің балалар үшін қолжетімді болуы үшін министрлік арнайы жоба әзірлеген. Жоба аясында білім беру ұйымдарына қарасты кітапханалардың материалдық-техникалық және ақпараттық базасын жақсарту, балаларға арналған көркем әдебиетті жыл сайын сатып алу бойынша шаралар қабылданады.

Кітапханашылар педагогикалық кадрлар санатына енуі мүмкін

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;«Мақал айтып, өлеңмен өрнектеген…» дәл осы тақырыпта Қызылорда қаласындағы Назарбаев Зияткерлік мектебінде «Ұлы дала ақындары» және «Менің өмірімде қолданылатын мақал-мәтелдер» жобаларының кіріктірілуімен мұғалім-оқушы-ата-ана үштігінің арасында сайыс өткізілді.
<blockquote>
 «Мақсатымыз жас ұрпақты есті сөзбен тәрбиелеу, ұлттық құндылықтарымызды сақтап, рухани байыту болды. Сонымен қатар, мектеп қауымдастығының ынтымақтастығын арттырып, қос жобаны кіріктіріп өткізуді ұйғарған болатынбыз», – деді шараны ұйымдастырушылардың бірі, педагог-куратор Дина Аширбаева.
</blockquote>
Отбасылық шарада 7-сынып оқушылары өздерінің ата-аналары және мұғалімімен топ құрып, сайыстың 4 кезеңі бойынша бақ сынасты. «Сәлем – сөздің анасы» атты бөлімде қатысушылар мақал-мәтелдерді қосып өздерін таныстырса, «Кіл жүйрікте кім жүйрік?»&nbsp; кезеңінде мақалды жалғастыру тәсілімен тест орындап, білімдерін көрсетті.
«Есті өлең және екі ауыз сөз» деп аталатын жарыс бөлігі Ж.Молдағалиевтің өлеңдеріне арналып, мұнда да топтар ақын шығармаларын талдай білді. Соңында «Мақал сөздің жүйесі мен киесі» тақырыбында оқушылар сөз саптап, өмірлерінде қолданатын сөз өнерінің ерекшелігі жайында пікір білдірді.
Қызылорда қаласы Педагогикалық шеберлік орталығының әдіскері Жанат Райымкулова, мектеп баспасөз хатшысы Елена Рыбина және педагог-ұйымдастырушы-куратор Гүлзат Шынтасова топтардың өнерлерін жіті бақылап, сөз додасында әділ қазылық жасады. Нәтижесінде, І орынды 7Е сыныбы оқушысы&nbsp; Жайна Жұмабек, анасы Гүлжанар Сыздықова және кураторы Бағдат Әбілов жеңіп алса, ІІ орынды 7В сынып оқушысы Сәфиа Әбибулла, ата-анасы Жеңіс Маткаримов және ағылшын тілі пән мұғалімі Зауре Ермаханова иеленді. ІІІ орын тең түскен екі топ 7D сыныбынан белсене қатысқан Аруай Ибайдулла, анасы Айгүл Абажанова, мұғалімі Мира Дөненхожаеваға және 7А сыныбынан Бақыт Айбын, анасы Маржан Тулегенова, мұғалімі Перизат Дәрібайға берілді. Қалған қатысушылар «Мақалшы топ» пен «Зияткер топ» номинацияларын өзара бөлісті.
Teams платформасының тікелей эфирінде өткізілген доданы 500-ге жуық көрермен тамашалады.

NIS Kyzylorda: «Үштік одақ» кіріктірілген тәрбие жобаларында бас қосты

<a href="https://kyzylorda-news.kz/">Kyzylorda-news.kz</a>. Бүгін Қызылорда облысында ІІ оқу тоқсаны басталды.
Республикалық бас санитарлық дәрігердің 2020 жылғы 2 қараша №62 қаулысына сәйкес бала саны 300-ден аспайтын мектептерде дәстүрлі түрде оқу процесі жүргізіледі. Қызылорда облысында мұндай мектептердің саны 121-ді құрап отыр. Яғни, 19 мыңнан аса бала барлық санитарлық нормаларды сақтай отырып, мектептерде оқиды.
Ата-аналардың өтініші негізінде 1-5 сынып оқушылары үшін 2733 кезекші топ ашылып, 39483 оқушы дәстүрлі форматта білім алады.
Ал, 6-11 сыныптың оқушылары үшін ІІ оқу тоқсаны қашықтан оқыту форматында жалғасады. Оқушылар «Білім ленд» оқу платформасы арқылы ұстаздармен кері байланысады.
Қашықтан оқитын оқушылар үшін электронды техникалар толық алынды. Үкімет резерві қорынан бөлінген қаржыға 22800 электронды құрылғылар жеткізілді. Құрылғысы жоқ 39 мың балаға бірінші кезекте компьютерлер таратылды.

Қызылордада 19 мыңнан астам бала мектепке барып оқиды

Kyzylorda-news.kz. Биылғы жаңа оқу жылының алғашқы тоқсанында Сырдария ауданы бойынша 17 мектептің 15-інде 1-4 сыныптар аралығында кезекші сыныптар ұйымдастырылса, қалған сыныптың оқушылары қашықтан оқытылды. Ал аз комплектілі екі білім ошағында, атап айтқанда, Іңкәрдария мен Жетікөл ауылындағы орта мектепте барлық сыныпта дәстүрлі сабақ өткізілді.
Карантин жағдайындағы оқу жылының екінші тоқсаны 16 қарашадан басталады. Тиісінше, аз комплектілі Іңкәрдария, Жетікөл, А.Тоқмағамбетов, Қалжан ахун ауылындағы орта мектепте дәстүрлі сабақ жүргізіледі. Қалған 13 мектепте кезекші сыныптар ұйымдастырылады. Ал 6-11 сыныптар карантиндік шектеу талаптарына сәйкес онлайн оқитын болады. Осы ретте, оқушыларды планшет, ноутбук және компьютермен қамтамасыз ету мәселесі басты назарда.
Оқушылардың қашықтан білім алуына жағдай жасау үшін жаңа оқу жылында аудандық бюджет есебінен 157 планшет алынып, таратылған. Мектептер балансындағы 1074 компьютер мен ноутбук білім ізденушілерге уақытша пайдалануға берілсе, барлық білім беру ұйымдары бойынша елді мекендердегі кәсіпкерлердің демеушілігі есебінен 52 электронды құрылғы үлестірілген.
Облыстық білім басқармасы тарапынан «Dara Bilim» қоғамдық қоры арқылы үйден оқитын 13 мүмкіндігі шектеулі оқушыларға ноутбук берілді.
Ал республикалық бюджеттен 255 планшет тұрмысы төмен, көпбалалы отбасы балаларына таратылса, қазіргі таңда 197 компьютер мен 762 ноутбук аудандық білім бөліміне келді. Арнайы сарапшылар ақаулығы жоқтығын тексеріп бергеннен кейін электронды құрылғылар аудан оқушыларына таратылатын болады.

Сырдариялық оқушылар электронды құрылғымен қамтылды

<a href="https://kyzylorda-news.kz/">Kyzylorda-news.kz</a>. Қызылорда облысында жұмысшы мамандарды даярлау үшін жыл сайын жаңа кәсіптік мамандықтар ашылуда. Еңбек нарығын зерттеу арқылы ең қажетті деген жұмысшы кәсіп иелерін оқытуда колледждерге мемлекеттік лицензия берілуде. Мәселен, соңғы 3 жылда 26 жаңа мамандыққа мемлекеттік тапсырыс берілген. Бұл колледжерге 111 жаңа біліктілік береді.
Биыл аймақтағы колледжерде 7 жаңа кәсіптік мамандық ашылған. Атап айтқанда «Логистика», «Автомобиль көлігіне техникалық қызмет көрсету, жөндеу және пайдалану», «Маркетинг», «Төтенше жағдайда қорғау», «Дизайн», «Мектепке дейінгі тәрбие және оқыту», «Көркем еңбек пәнінің мұғалімі» мамандықтарына сұраныс артқандықтан, оқытылуда.
Білім басқармасы басшысы Ақзира Қасымованың айтуынша, 2021 жылға қарай бірнеше жаңа мамандық ашылмақ. Мәселен, алдағы жылы «Ет және ет өнімдерін өндіру», «Сүт және сүт өнімдерін өндіру», «Жылы жай шаруашылығын ұйымдастыру», «Элеватор, ұн тарту, жарма және құрама жем өндірісі», «Робототехника және кірістірілетін жүйелер», «Сән, интерьер дизайны және өнеркәсіптік дизайны» сынды жаңа мамандықтар оқытылмақ.
Айта кетейік, Сыр елінде 30 колледж бар. Оның 17-і мемлекеттік, 13-і жеке колледж. Бүгінгі күні барлық колледждерде 19685 студент білім алуда.

Қызылордада жұмысшы мамандарды даярлау үшін жыл сайын жаңа кәсіптік мамандықтар ашылуда

Kyzylorda-news.kz. Сыр өңіріндегі Назарбаев Зияткерлік мектебінің 12-сынып оқушылары халықаралық IELTS емтиханының қорытындысы бойынша биыл тағы да жақсы нәтижеге қол жеткізді. Мектептің орташа ұпайы 6,4 балды құрады. Тілдік сынаққа қатысқан 95 оқушының екеуі 8,0 бал жинаса, 7 бітіруші жас 7,5 және 20 түлек – 7,0 ұпай алды. Биыл емтиханда 6,0-6,5 аралығында жинағандар саны 50 пайыздан асты.
Томирис Жумағалиева мен оның сыныптасы Дамира Ақтай ағылшын тіліндегі оқылым дағдысы бойынша ең максималды 9.0 ұпай иеленді. Олар шет тілін меңгеруде мектептегі білім беру бағдарламасының тиімділігі мен ұстаздардың оқыту ерекшелігінің үлкен септігі болғанын айтады.
<blockquote>
 «Кез келген тілді меңгеруде оны тәжірибе жүзінде пайдалана білу маңызды. Дайындық барысында ұстаздардың берген білімімен қатар, шет тіліндегі фильмдерді көру, достарыммен тілдесулер көмектесті», – деп бөлісті Томирис.
</blockquote>
Дамира үшін ағылшын тілінде сауатты жазу, сөйлеу және оқу Зияткерлік мектепке оқуға түскенде басты мақсатына айналған.
<blockquote>
 «Көп уақытымды практикалық тесттерге арнадым. Айналада өзім үшін ағылшын тілі ортасын қалыптастырдым. Күзден бастап ғаламтордағы қосымша ресурстармен дайындалдым. Бірақ бұл көрсеткішті әлі де арттырғым келеді», – дейді Дамира.
</blockquote>
Бағалау жүйесі бойынша өте жақсы дәрежені көрсетіп, мүмкіндіктерін дәлелдеген мектеп мақтаныштары үшін тіл білімдері Қазақстанның және әлемнің үздік университеттеріне оқуға түсіп, кәсіби маман атануда үлкен көмек берері сөзсіз.
Жалпы IELTS – ағылшын тілінің халықаралық жүйесі бойынша тіл білу деңгейін анықтайтын күрделі әрі қиын емтихан. Назарбаев Зияткерлік мектептің түлектері үшін бұл сынақ міндетті болып саналады және оның қорытындысы мектеп бітіру туралы аттестаттарына жазылады.

Қызылордалық оқушылар IELTS-тан 8,0 ұпай жинады

&nbsp;<a href="https://kyzylorda-news.kz/">Kyzylorda-news.kz</a>. Сенатор Мұрат Бақтиярұлы Байқоңыр қаласының талап-өтініштері бойынша Үкімет басшысы Асқар Маминнің атына депутаттық сауал жолдады, деп хабарлайды <a href="https://lenta.inform.kz/kz/senator-baykonyrdagy-kazakstandyktar-talapka-say-bilim-ala-almay-otyr_a3717819">ҚазАқпарат</a>.
<blockquote>
 «Байқоңыр қаласында қазір 77 мыңнан аса халық тұратын болса, оның 70%-ы қазақстандықтар болып саналады. Байқоңыр халқының ең басты мәселесі – қазақстандық стандартпен білім беретін балабақшалар мен мектептердің тапшылығы болып отыр. 2015 жылы ҚР мен РФ үкіметаралық комиссиясының шешімімен Ресейге қарасты 5 мектеп пен 1 балабақша Қазақстанның қарамағына алынып, балаларға қазақстандық стандартпен қазақ тілінде білім алуға мүмкіндік жасалды. Осы жлы мемлекеттік-жекеменшік әріптестік бойынша қосымша 2 балабақша ашылып, қызмет көрсетуде. Қазақ тілінде тәлім беретін балабақшалардың бүгінгі жағдайы алаңдатып отыр. Бұл балабақшаларда ана тілінде білім беру және толыққанды мектепалды даярлықты өткізуде кемшіліктер бар», – деді Мұрат Бақтиярұлы.
</blockquote>
Депутаттың айтуынша, ата-аналары өз балаларының қазақ мектептерінде білім алуы үшін толыққанды мектепалды даярлықтан өтулері қанағаттандырмай келеді. Сенатор өз сауалында бірнеше деректерді алға тартты. Мысалы, қазақ тілінде білім беретін Байқоңыр қаласындағы 5 мектепте бүгінгі күні 5 236, ал ресейлік 7 мектепте 4049 бала білім алады. Оның 1 508-і, яғни 37%-ы Қазақстан азаматтарының балалары. Байқоңырда қазір Ресей Федерациясына қарасты 7 мектеп бар. Депутат олардың сыйымдылығы толық қамтылмаған дейді. Мұрат Бақтиярұлының айтуынша, қала тұрғындарымен кездесу барысында орыс тілінде оқытатын қазақстандық мектепке сұраныстың жоғары екенін ескере отырып, осы 7 мектептің бірін мемлекет меншігіне өткізуді сұрап отыр екен.⠀
<blockquote>
 «Бұл жағдай, ресейлік мектепте оқитын балалардың мектеп бітіргеннен соң ҰБТ-ға қатысуына және қазақстандық жоғары оқу орындарына түсуіне көп кедергі келтіруде. Себебі емтиханның міндетті пәндері – Қазақстан тарихы, қазақ тілі, қазақ әдебиеті ол мектептерде оқытылмайды», – деді сенатор.
</blockquote>
Одан бөлек, Байқоңырдың орталық аудандарында Ресей Федерациясының меншігіндегі, сыйымдылығы толық пайдаланылмай тұрған 13 балабақша бар. Депутат халықтың бірнеше балабақшаны мемлекеттік юрисдикцияға өткізу талабы орынды деп санайды.
<blockquote>
 «Олар Қазақстан аумағында туып-өскенімен, өз жерінде тұрып, менің Отаным – Россия, менің астанам – Москва деп, Россияның арғы-бергі тарихын, тілі мен әдебиетін оқып, әрине ресейлік патриотизм рухында тәрбиеленеді. Айта өтуіміз керек, біз жерімізді жалға бергенімізбен, сол жерде тұрып жатқан халқымызды жалға берген жоқпыз ғой», – деді Мұрат Бақтиярұлы.
</blockquote>
Сенатор Үкімет басшысынан Байқоңыр қаласы тұрғындарының білім беру саласына қатысты осы түйткілді мәселесін басты назарға алып, оң шешілуіне ықпал етуін сұрады.

Мұрат Бақтиярұлы: Байқоңырдағы қазақстандықтар талапқа сай білім ала алмай отыр

<a href="https://kyzylorda-news.kz/">Kyzylorda-news.kz</a>.Әр бала мектеп бітіргенде қазақ тілінде сөйлейтіндей жағдай жасауымыз керек Бұл туралы бүгін Қазақстан халқы Ассамблеясы кеңесінің отырысында ҚР Тұңғыш Президенті – Елбасы, ҚХА төрағасы Нұрсұлтан Назарбаев айтты, деп хабарлайды ҚазАқпарат .
<blockquote>
 «Елімізде 5 644 ұйым балаларды мемлекеттік тілде оқытады. Шамамен 3,8 мың қазақ мектебі жұмыс істеп тұр. Бұған қоса, орыс тілі мемлекеттік ұйымдар мен жергілікті өзін-өзі басқару органдарында қазақ тілімен қатар қолданылатын тіл болып қала береді. Конституцияда солай жазылған. «Рухани жаңғыру» бағдарламасы аясында қазақ әдебиетінің шығармалары БҰҰ-ға мүше елдердің 6 тіліне аударылды. Біз мұны алғаш рет қазақ әдебиеті мен мәдениеті бүкіл әлемде танымал болуы үшін жасадық. Ғылымның жетекші салаларындағы алдыңғы қатарлы еңбектерді қазақ тіліне аудардық. Бұл жұмыс жалғасып та жатыр. Біздің жоғары оқу орындарымыз физика, химия және өзге де ғылымдар бойынша ағылшын тіліндегі оқулықтар жайында алғаш рет білді. Қазақ поэзиясы антологиясының тұсаукесері әлемдік мәдениет астаналарында өткізілді», – деді ҚР Тұңғыш Президенті.
</blockquote>
Елбасы бейбітшілік, келісім және бірлік мемлекеттік саясаттың басты басымдығы болғанын және солай болып та қала беретіндігін баса айтты.
<blockquote>
 «Сондықтан да дәл осы құндылықтардың арқасында біз дамып, елімізді байытамыз, адамдарымыз үшін жақсы өмірге жағдай жасаймыз. Бұл этносаралық қозғалыс саласындағы түбегейлі ұстаным және ол өзгермейді. Ассамблея барлық этностарды біздің ортақ қазақстандық құндылықтарымыздың төңірегіне топтастыру үшін жұмыс істеуі керек. Қазақ тілінің біріктіруші факторға айналуына, еліміздің халқының бірлігін мұнан ары да нығайтуға әлеуеті бар. Ол этносаралық қарым-қатынас тіліне айналуы үшін кеңең-кезеңімен аясын кеңейтіп, оны оқитын адамдардың санын арттыру қажет», – деді Нұрсұлтан Назарбаев.
</blockquote>
ҚР Тұңғыш Президентінің дерегінше, елімізде қазақ тіліне тегін оқытатын 90 орталық жұмыс істеп тұр.
<blockquote>
 «Жұмсартып айтқанда, олардың тиімділігіне қатысты әділ сауалдар туындайды. Сондықтан Мәдениет және спорт, Білім және ғылым министрліктері мемлекеттік тілді меңгеру жүйесінің тиімділігін барынша арттыруы керек. Біз әрбір бала мектеп бітіргеннен кейін қазақ тілін меңгеріп, оқи, жаза және сөйлей алатындай жағдай жасауымыз керек. Бұл оларға мемлекеттік қызметтің барлық саласында, экономикада және басқа да қызметте жұмыс істеуіне мүмкіндік береді», – деді Елбасы.
</blockquote>

Әр бала мектеп бітіргенде қазақ тілінде сөйлейтіндей жағдай жасауымыз керек  &#8211; Елбасы

<a href="https://kyzylorda-news.kz/">Kyzylorda-news.kz</a>.&nbsp;Облыстық білім басқармасының басшысы Ақзира Қасымова&nbsp;оқушыларды ғылымға баулуда Қорқыт ата атындағы Қызылорда университетімен екіжақты меморандум жасалғанын атап өтті. Яғни 54 инновациялық мектепте оқушыларды ғылыми жоба мен олимпиадаларға дайындау үшін жылына 1500 сағат бөлінген.
<blockquote>
 “Негізгі мақсатымыз – оқушыларды мектеп қабырғасынан бастап ғылымға баулу, жол көрсету. Меморандум аясында оқушылардың ғылыми жұмыстарына бірқатар университет ғалымдары жетекшілік етеді. Мәселен, облыс көлемінде бірнеше мектептерде жылыжай ұйымдастырылған. Жылыжайларда оқушыларға биология ғылымдарының кандидаты Рахат Құрманбаев, ауылшаруашылық ғылымдарының кандидаты Самалбек Қосанов жетекшілік етеді. Ал, ауылдық жердегі, Жаңақорған ауданындағы №195 мектеп-гимназияға тарих ғылымдарының докторы Дастан Сәтбай, филология ғылымдарының кандидаттары Айман Айтбаева, Райкүл Диуанова оқушыларды ғылыми жобаға дайындайды”, – дейді басқарма басшысы.
</blockquote>
Айта кетейік, Қызылордадан соңғы 3 жылда республикалық байқауларға 84 оқушы қатысып, 46 оқушы жүлде иеленді. Республикалық ғылыми жоба конкурсына 63 оқушы қатысып, 23 оқушы жеңімпаз атанды.

Ақзира Қасымова: Ғылымға қызығушылық танытқан әрбір оқушыны қолдауға дайынбыз

<a href="https://kyzylorda-news.kz/date/2020/11/10/">Kyzylorda-news.kz.</a> Еліміздің ғылым саласында 22 мыңнан аса маман қызмет атқарады. Ал, өңірдің орта мектептерінде 431 магистр жұмыс істейді. Бұған қоса, облыста 54 инновациялық мектеп бар.
Бүгінде мектептерде пәндерді тереңдете оқыту үшін факультативтер мен қосымша курстарды ұйымдастыруға және ғалымдарды шақырып лекциялар өткізіп, ғылыми жоба мен олимпиадаларға дайындау үшін қаржы бөлінеді. Яғни қосымша сабаққа жылына 1500 сағат беріледі.
<blockquote>
 “Облыста талантты, озат, интеллектуалдық әлеуеті жоғары жастарды қолдау мақсатында түрлі бағыттағы ғылыми зерттеу жұмыстары мен олимпиадалар ұйымдастырылуда. Өткен жылы Оңтүстік Кореяның Дэджон қаласында өтетін «Жас ғалым» халықаралық ғылыми жоба конкурсы, Мәскеу облысы, Королев қаласында өткен «Адам-Жер-Ғарыш» атты қоршаған ортаны қорғау проблемалары бойынша ғылыми-зерттеу жобаларының жалпы ресейлік олимпиадасына біздің оқушылар қатысып, жүлделі орындарға ие болды. Сондай-ақ, соңғы 3 жылда түрлі олимпиадаға 84 оқушы қатысып, 46 оқушы жүлде иеленді. Ал республикалық ғылыми жоба конкурсында 63 оқушы бақ сынап, 23 оқушы жеңімпаз атанды”, – деді облыстық білім басқармасының басшысы Ақзира Қасымова.
</blockquote>
Басты мақсат – білімді оқушыларды мектеп қабырғасынан бастап ғылымға баулу, жол көрсету.

Қызылордада 54 инновациялық мектеп жұмыс істейді

Kyzylorda-news.kz. Қазақстанның білім және ғылым вице-министрі Мирас Дәуленов оқушылар үшін екінші тоқсан қандай форматта өтетінін айтты, деп хабарлайды&nbsp;<a href="https://sputnik.kz/">Sputnik Қазақстан.</a>
<blockquote>
 “Екінші тоқсандағы оқыту форматына қатысты шешімді нақты өңірдегі және елдегі санитарлық-эпидемиологиялық ахуалды ескеріп, денсаулық сақтау министрлігі қабылдайды. Білім ұйымдары туралы айтар болсақ, мектеп немесе жоғары оқу орны болсын, біз, жалпы, кез келген форматқа дайынбыз”, – деді ол онлайн брифингте.
</blockquote>
Дәуленов “қызыл” немесе “сары” өңірлерде орналасқан білім беру ұйымдарына қатысты шешімді ведомствоаралық комиссия қабылдайтынын мәлімдеді.
<blockquote>
 “Жағдай күн сайын өзгеріп тұрады. Қазір басқа елдерде не болып жатқанын көріп отырсыз. Мұның бәрі өңірдің ауру ошағына қаншалықты жақын орналасқанын ескере отырып шешіледі және шешім соған байланысты қабылданады. Осыған қатысты шешім жақын арада қабылданып, жұртшылыққа жеткізілетініне сенімдімін”, – деді вице-министр.
</blockquote>
Қазақстандық оқушылар бірінші тоқсанды аяқтап, 5-14 қараша аралығында күзгі демалысқа шықты.
Білім және ғылым министрлігі екінші тоқсанда мектепке барып оқитын оқушылардың саны артатынын хабарлаған еді.
Оқушылар саны 300-ге жетпейтін қала және ауыл мектептерінің жұмысы дәстүрлі форматқа көшіріледі. Сондай-ақ, ата-аналардың өтінішімен 1-ден 5-сыныпқа дейін, халықаралық мектептерде 7-сыныпқа дейін кезекші сыныптарда оқуға рұқсат етілді.

Қазақстан және Қызылорда облысының жаңалықтары: Білім

Қызылордада кәмелетке толмағандардың істері жөніндегі облыстық комиссияның отырысы өтті

Кітапханашылар педагогикалық кадрлар санатына енуі мүмкін

NIS Kyzylorda: «Үштік одақ» кіріктірілген тәрбие жобаларында бас қосты

Қызылордада 19 мыңнан астам бала мектепке барып оқиды

Сырдариялық оқушылар электронды құрылғымен қамтылды

Қызылордада жұмысшы мамандарды даярлау үшін жыл сайын жаңа кәсіптік мамандықтар ашылуда

Қызылордалық оқушылар IELTS-тан 8,0 ұпай жинады

Мұрат Бақтиярұлы: Байқоңырдағы қазақстандықтар талапқа сай білім ала алмай отыр

Әр бала мектеп бітіргенде қазақ тілінде сөйлейтіндей жағдай жасауымыз керек – Елбасы

Ақзира Қасымова: Ғылымға қызығушылық танытқан әрбір оқушыны қолдауға дайынбыз

Қызылордада 54 инновациялық мектеп жұмыс істейді

“Жағдай күн сайын өзгеріп тұрады”. Оқушылар екінші тоқсанда қалай оқиды?

Қазақстан және Қызылорда облысының жаңалықтары: Білім

Қызылордада кәмелетке толмағандардың істері жөніндегі облыстық комиссияның отырысы өтті

Кітапханашылар педагогикалық кадрлар санатына енуі мүмкін

NIS Kyzylorda: «Үштік одақ» кіріктірілген тәрбие жобаларында бас қосты

Қызылордада 19 мыңнан астам бала мектепке барып оқиды

Сырдариялық оқушылар электронды құрылғымен қамтылды

Қызылордада жұмысшы мамандарды даярлау үшін жыл сайын жаңа кәсіптік мамандықтар ашылуда

Қызылордалық оқушылар IELTS-тан 8,0 ұпай жинады

Мұрат Бақтиярұлы: Байқоңырдағы қазақстандықтар талапқа сай білім ала алмай отыр

Әр бала мектеп бітіргенде қазақ тілінде сөйлейтіндей жағдай жасауымыз керек &#8211; Елбасы

Ақзира Қасымова: Ғылымға қызығушылық танытқан әрбір оқушыны қолдауға дайынбыз

Қызылордада 54 инновациялық мектеп жұмыс істейді

&#8220;Жағдай күн сайын өзгеріп тұрады&#8221;. Оқушылар екінші тоқсанда қалай оқиды?

Әр бала мектеп бітіргенде қазақ тілінде сөйлейтіндей жағдай жасауымыз керек – Елбасы

“Жағдай күн сайын өзгеріп тұрады”. Оқушылар екінші тоқсанда қалай оқиды?