Kyzylorda-news.kz. Биыл Қызылорда қаласындағы ЗК-169/5 мекемесінде жазасын өтеп жүрген 62 сотталушы диплом алды.
Оның 23-і ағаш ұстасы, 22-і тігінші, 17-і газэлектрдәнекерлеуші кәсібін меңгерген. Үлгірімі жақсыларға ай сайын 28 мың 323 теңге көлемінде шәкіртақы төленді.
Мамандықтары бойынша диплом алған азаматтар жаза мерзімін өтегенше түзету мекемесіне жұмысқа орналасып, қылмыспен келтірген шығындарды өтеуге мүмкіндіктері бар. Осы түзету мекемесінде жеті жылда газэлектрдәнекерлеуші, тігінші, ағаш ұстасы мамандықтары бойынша 300-ден астам жазасын өтеуші диплом алған.

Қызылордада жазасын өтеуші 62 азамат диплом алды

<a href="https://kyzylorda-news.kz/">Kyzylorda-news.kz.</a> Қызылорда облысында жаңа оқу жылында 36 сотталған азамат орта білім алуда.
Жазасын өтеп жатқандар бұрын түрлі себептермен 11 жылдық мектепті аяқтамағандар.
Түзеу мекемесінің ішкі күн тәртібіне сәйкестендіріп, сотталғандардың сабақ кестесі, оқу жоспары құрылған. Қазіргі уақытта карантиндік шектеулерге байланысты кейс технологиясына сәйкес оқытушылар сотталғандарға қашықтықтан білім беруде. Мәтіндік, аудиовизуалдық оқу-әдістемелік материалдарды оқушыларға оқу жоспарындағы пәндер бойынша электрондық тасымалдауыш беріледі.

Қызылордада 36 сотталған азамат орта білім алуда

Kyzylorda-news.kz. Қызылорда қаласының әкімі Нұрлыбек Нәлібаев мұғалімдер күні&nbsp; мерекесіне&nbsp; орай ұстаздарды қабылдады.
Шарада шаһар басшысы шәкірттердің бойына білім мен тәрбие нәрін сіңіріп, жарқын болашаққа жетелеген ұстаздар қауымын және сала ардагерлерін мерекелерімен құттықтап, қала бойынша білім саласының жетістіктеріне кеңінен тоқталды.
Өз құттықтауында қала әкімі ұстаз әрбір баланың бойына адамгершілік, ізгілік, кішіпейілділік, қарапайымдылық, отансүйгіштік қасиеттерін сіңіріп, тұлғалық шыңдалуына ықпал жасайтын жан дүниесінің бағбаны&nbsp; екенін айта келе, ұлы қызметті ұлықтап, қиын да қастерлі салаға еніп, ұрпаққа сапалы білім мен саналы тәлім-тәрбие беруді мұратқа айналдырған ұлағатты еңбек иелерінің игі қызметіне&nbsp; табыс тіледі.
Мәртебелі мамандық иелерінің мерейін үстем еткен басқосуда білім саласының ардагері, облыстық мәслихат депутаты Райкүл Байназароваға Қызылорда қаласының «Құрметті азаматы» атағы табысталды. Одан әрі шаһар басшысы саналы ғұмырын ұрпақ тәрбиесіне арнаған сала мамандары үшін ең биік марапат саналатын “Алтынсарин” және&nbsp;“ҚР білім беру ісінің үздігі” төсбелгілерін 2 мұғалімге табыстаса, 3 ұстаз Қызылорда облысы әкімінің алғыс хатына ие болды. Сонымен бірге 13 педагог қала әкімінің алғыс хатымен марапатталып, 10 мұғалім қала әкімінің сыйлығы ноутбук&nbsp; иегері атанды.
Өз ісіне деген адалдығын нақты іспен, нәтижелі жұмыспен дәлелдеп, жаңалықты жатсынбай қабылдайтын ұстаздар еңбегі қай уақытта да ескерусіз қалмайды. Мәселен биыл облыс тарихында алғаш рет балабақшаның музыка жетекшісі Қазақстан Республикасы Білім және ғылым министрінің “Үздік педогог” атағын иеленіп, 2 млн 778 мың теңге сыйақымен марапатталды. Өңір тарихындағы тұңғыш «миллионер тәрбиеші» атағы қаладағы «Алтын ұя» мемлекеттік балабақшасының тәрбиешісіне бұйырды.
2019-2020 оқу жылының қорытындысы бойынша шығармашылығымен айқындалған 20 педагог-қызметкерге «Үздік мұғалім» номинациясы бойынша қала әкімінің сыйақысы беріліп, (әрқайсысы 150 000 теңге) марапат биігінен көрінген болатын. Жаңа оқу жылының басында ұстаздардың негізгі алқалы жиыны – Тамыз кеңесінде 10 мұғалімге 150 мың теңгенің сертификаттары табысталды.&nbsp;&nbsp;&nbsp;&nbsp;&nbsp;&nbsp;&nbsp;
Айта кетейік, қаладағы 55 мектепте ағымдағы оқу жылында 7 мыңға жуық мұғалім дәріс берсе, оның ішінде 426 жоғарғы санатты, 641 ұстаз бірінші, 662 мұғалім екінші санатты педагогтар. Мемлекеттік&nbsp;27 балабақшада 865 педагог жұмыс істесе, 2 мыңнан аса маман 203 жеке балабақшада бала тәрбиесімен айналысуда. Ал 32 педагог шағын орталықтарда жұмыс істейді.

Қызылорда қаласының әкімі ұстаздарды қабылдады

Kyzylorda-news.kz. Педагог қызметкерлерінің кәсіби мерекесіне орай Қызылорда қаласындағы Назарбаев Зияткерлік мектебінің бір топ ұстаздары марапат биігінен көрінді.
Өскелең ұрпаққа сапалы тәрбие мен бағалы білім беруде өлшеусіз еңбегі мен кәсіби біліктілігі үшін мектептің 20 мұғалімі директордың Алғыс хатына ие болды. Салтанатты шарада білім ордасының басшысы Бахыт Жұматай жыл үздіктерін құттықтап, ұстаз мамандарының бала тәрбиесіндегі маңыздылығын атап өтті.
<blockquote>
 “Ұлылар «мұғалімдер адамның жанын сауықтырады» деп бекер айтпаған. Ұстаз алдына келген шәкірттің бойындағы рухани ауруларды көзбен анықтап, оны емдей алу керек. Оқушылардың көңіл-күйін сезе білу, қажеттіліктерін түсіне алу өте қиын. Осындай маңызды да жауапты істеріңізде шығармалық табыстар тілеймін. Жасап жатқан еңбегіңіздің жемісін көре беріңіздер,- деді Бахыт Әмірханұлы.
</blockquote>

Қызылордада НЗМ ұстаздарына құрмет көрсетілді

Kyzylorda-news.kz. Қызылорда қаласындағы ЗК-169/5 мекемесінің қызметкерлері ұстаздарды ұлықтады.
«Ұстаздар күні» мерекесіне орай, Қызылорда облысы бойынша ҚАЖ департаменті ЗК-169/5 мекемесінің қызметкерлері мекемеде жазасын өтеп жатқан сотталғандарға білім беретін кешкі мектептің оқытушыларын мерекемен құттықтады.
<blockquote>
 «Сіздер сан түрлі себептермен өмір сынағына ұшырап, жазасын өтеп жатқан сотталғандарға білім беріп қана қоймай, тәлімі мен тәрбиесін түзетуде, қажырлылыққа, ізгілік пен адамгершілікке баулып, қоғамнан аластатпай, керісінше табандылықпен еңбек етіп, алдарына биік мақсаттар қоюды үйретудесіздер. Қоғам мен адамзат алдындағы осындай өлшеусіз еңбектеріңізді ескере отырып, Сіздердің өскелең ұрпақ тәрбиелеудегі өрелі жұмыстар және мемлекеттің гүлденуі жолындағы абыройлы істеріңізге алғыс білдіреміз»,- деді ЗК-169/5 мекемесі бастығының орынбасары әділет майоры Ж.Есмаханов.
</blockquote>
Айта кетерлік жайт, қазіргі таңда мекемеде жазасын өтеуші 33 сотталған кешкі мектепте оқуда.

Қызылордада ҚАЖ қызметкерлері ұстаздарды құттықтады

<a href="https://kyzylorda-news.kz/">Kyzylorda-news.kz.</a> Ұстаз – шәкіртінің бойына білім нәрімен қатар ақыл-парасат пен көркем мінез сіңіруші жан. Сол себепті ұстаз есімі – қашанда ұлағатты. Ал осы ұлағат алып бәйтерек секілді жайқалған әулетте ұрпақтан ұрпаққа сабақтасып жатса оның орны тіпті ерек.
Бұл отбасының перзенттерінің барлығы педагогтық жолды таңдады. Сейіт қожа әулетінің ақылшысы болған Жағыпаров Дәулет пен Ханшайым үш ұл, жеті қыз тәрбиелеп өсірген. Олардың үш ұлы мен келіндері де қазір педагогика саласында қызмет атқарады. Жеті қызы да педагогикалық білім алып, алды 40-50 жыл бойы ұстаздық етті. Айта кетерлігі, бүгінде сол жарасымды үрдісті немерелері жалғастырып келеді.
Халқымыздың «Тәрбие тал бесіктен басталады» деген тәмсілі осындайдан басталса керек-ті.
Бүгінге дейін 30 жылдан астам саналы ғұмырын ұрпақ тәрбиесіне арнаған Жанатбек Дәулетұлы Жағыпаров Жезқазған педагогикалық институтын бітіріп, 1987 жылы туған жеріне келді. Жоғары оқу орнын жаңа бітірген жас Сырдария ауданы Ақжарма ауылында орналасқан Абай атындағы № 130 орта мектепте еңбек жолын бастады.
Педагогикалық еңбек жолын еңбек пәнінің мұғалімі болып бастаған ол көп ұзамай-ақ өзінің біліктілігі мен білімділігін көрсете білді. 1990 жылы мектеп директордың оқу ісі жөніндегі орынбасары қызметіне тағайындалды. Ал 1993 жылдан бастап оған мектеп директоры қызметіне атқаруға сенім артылды. Сол уақыттан бастап мектептің өсіп-өркендеуіне сүбелі үлес қосты.
Еселі еңбегі елеусіз қалған жоқ. Аудан әкімінің алғыс хатымен, аудандық білім бөлімінің Құрмет грамоталарымен марапатталды. 2006 жылы «Үздік грант иегері» атанып, 2019 жылы ҚР Білім министрінің Алғыс хатына, басқа да жоғары марапаттарына ие болды. Бүгінде көптеген жылдар бойы педагогикалық тәжірибесін сарқа пайдалануды мақсат тұтқан, бала психологиясын терең меңгерген Жанатбек аталған білім ошағында педагог-психолог қызметін атқарып келеді. 
Ұстаз қашан да өзгенің бақытын аялап, шәкіртін өмірге баулушы екені белгілі. Шәкіртіне өмірлік азық боларлық пайдалы білім береді. Жас ұрпақтың бойына ізгілік нәрін егеді. Жақсы мен жаманды айыра білуге үйретеді. Адамгершілік қасиеттерді сіңіреді. 
Жанатбек Дәулетұлының құдай қосқан қосағы Сәуле Жағыпарова да ұстаздық мамандықтың ұлағатты қасиетін бойына сіңірген жан. Педагогикалық мамандық алған ол туған жерге қызмет жасауға келді. Жас ұстаздар отбасы еңбек жолын бірге қол ұстасып Абай атындағы № 130 орта мектептен бастады. Ол кісі орыс тілі мен әдебиеті пәнінің мұғалімі, білікті ұстаз. Жастайынан қазақ әдебиетімен қатар орыс әдебиетінен нәр алып, екі тілді де шебер игерген. 
Үлгілі отбасы үш ұл тәрбиелеп өсірді. Үлкені Жандос Алматыдағы М. Тынышпаев атындағы Қазақ көлік және коммуникациялар академиясының, Елдос Қорқыт ата атындағы Қызылорда мемлекеттік университетінің, кенже ұлы Сейітхан Алматы технологиялық университетінің түлектері. Үшеуі де орта мектепте тиянақты білім алуының арқасында грант иегерлері атанып, оқу орнын жақсы аяқтады. Бүгінде өз мамандығының білікті иелері атанып жүр. Ұстаздықтың қыр-сырын шебер игерген Сәуле апай Гүлназ, Перизат, Рахима есімді келіндеріне қазақтың салт- сіңіріп келеді. 
«Ұстазы жақсының ұстамы жақсы» дегендей Жанатбек пен Сәуле ұстаздар тәрбиелеген шәкірттер жыл сайын түрлі облыстық, республикалық олимпиадалардың жеңімпаздары атанып келеді. Солардың бірі – Б.Ахмедияров бүгінде өзі түлеп ұшқан мектептің директоры. Ал Ж.Орынбаев, А.Жақанова осы білім шаңырағында мектеп директорының орынбасары қызметін абыроймен атқарып келеді. 
Ұстаздар мерекесінің қарсаңында саналы ғұмырын ұрпақ тәрбиелеуге арнаған мұғалімдерді, Жанатбек ағай мен Сәуле апайдай ұлағатты ұстаздарды төл мерекелерімен құттықтаймыз. Ұрпақ тәрбиесі жолындағы, қоғам мен адамзат алдындағы өлшеусіз еңбектеріңіз әрдайым жоғары бағаланады. Сіздерге өскелең ұрпақ тәрбиелеудегі өрелі жұмыстар және мемлекеттің гүлденуі жолындағы абыройлы істеріңізге толымды табыс тілейміз. Себебі ертеңгі мемлекеттің болмысы — ұстаздың бүгінгі тәлімінде

Ұлағатты ұстаздар әулеті

Kyzylorda-news.kz. ҚР Президенті Қасым-Жомарт Тоқаев ұстаздарды кәсіби мерекелерімен құттықтады.
<blockquote>
 «Ұстаздарды кәсіби мерекелерімен құттықтаймын! Олардың ағартушылық қызметі және жас буынды тәрбиелеу жолындағы тынымсыз еңбегі әрдайым жоғары бағаланады. Күрделі кезеңге қарамастан мемлекет мұғалімдерге қолдау көрсете береді», – деді Мемлекет twitter парақшасында.
</blockquote>

Күрделі кезеңге қарамастан мемлекет мұғалімдерге қолдау көрсете береді &#8211; Президент

<a href="https://kyzylorda-news.kz/">Kyzylorda-news.kz.</a> Бүгін мұғалімдердің кәсіби мерекесіне орай аудан әкімдігінің мәжіліс залында «Ұстаз деген – жарық күні ғаламның» атты салтанатты шара өткізілді.
Аудан ұстаздарының басын қосқан мерекелік шара шымылдығы аймақ басшысы Гүлшара Әбдіқалықованың мерекелік лебізімен түрілді. Бейнеконференциялық байланыс арқылы барша өңір ұстаздарын құттықтаған облыс әкімі ұстаздар қауымының қастерлі қызметтеріне сәттілік, еңбектеріне табыс тіледі.
<blockquote>
 «Мектеп қабырғасынан әлдеқашан алыстап кетсе де, бойында жылуы бар әрбір парасатты азамат әліп үйретіп, білім теңізіне жетелеген ұстаздарын ешқашан ұмытпайды. Себебі, Сіздер – жастардың болашағын айқындайсыздар, бүгін еккен дәндеріңіз ертеңгі жеңісті – жемісті күннің кепілі. Осы қадір – қасиетімен Ұстаз болашақ азаматтарды ғана емес, бүкіл болашақ қоғамды қалыптастырып келеді» – дей келе аудан әкімі Мұхтар Оразбаев аудандағы білім саласында қол жеткізілген жетістіктерді тілге тиек етіп, ұстаздар қауымының елеулі еңбегіне тоқталып өтті.
</blockquote>
Салтанатты шара барысында аудан басшысы білім беру саласына еңбегі сіңген, кәсіби шеберлігімен дараланған ұлағатты ұстаздарға облыс және аудан әкімінің алғысын табыстап, мұғалімдерді ынталандыру мақсатында ұйымдастырылған байқау жеңімпаздарын марапаттады.
Аудан әкімінің сыйақысына арналған байқауда №220 орта мектебі «Үздік білім ордасы» номинациясын, №13 мектептің мұғалімі Жібек Досжанова «Үздік тәлімгер ұстаз» номинациясын және №73 мектеп мұғалімі Болатбек Сайлыбаев «Үздік жас маман» номинациясын жеңіп алды. Жеңімпаз ұстаздарға қаржылай және бағалы сыйлықтар табысталды.
Атап өткен жөн, ауданда қазіргі күні жас ұрпақты білім нәрімен жетілдіру жолында 2425 мұғалім еңбек етуде. Олардың бірі облыстық, республикалық деңгейдегі кәсіби сайыстардан жүлделі орындардан көрінсе, енді бірінің шәкірттері түрлі байқау-жоба жарыстарынан жоғары көрсеткішке жетіп отыр. Қазіргі санитарлық-эпидемиологиялық ахуалға қарамастан ұстаздарымыз шәкірттеріне кенен ғылым мен кемел білім беру бағытында инновациялық технологияларды ендіріп, үнемі кәсіби шеберліктерін дәлелдеп келеді.
<img src="https://kyzylorda-news.kz/wp-content/uploads/2020/10/120726739_2785466321781736_926435711958647113_o.jpg" alt="" />
<img src="https://kyzylorda-news.kz/wp-content/uploads/2020/10/120562854_2785466351781733_5786577239523193693_o.jpg" alt="" />
<img src="https://kyzylorda-news.kz/wp-content/uploads/2020/10/120615948_2785466271781741_7878172479063643486_o.jpg" alt="" />

Арал ауданының әкімі ұстаздарға құрмет көрсетті

<a href="https://kyzylorda-news.kz/">Kyzylorda-news.kz.</a> Биыл «Үздік педагог-2020» байқауына 143 мұғалім қатысып, олардың ішінде 64 педагог жеңімпаз атанды, деп хабарлайды <a href="https://lenta.inform.kz/kz/uzdik-pedagog-atangan-mugalimder-belgili-boldy_a3701608">ҚазАқпарат</a>.
Жеңімпаздардың бір тобын бүгін ҚР Білім және ғылым министрі Асхат Аймағамбетов марапаттап, 2 778 000 теңге (1000 АЕК) көлемінде сыйақымен мен&nbsp;<a href="https://www.inform.kz/kz/ashat-ai-magambetov-1-2-zhyldyn-ishinde-ustazdardyn-zhalakysy-eki-ese-artatyn-bolady_a3701581">төсбелгілерді табыстады.</a>
<blockquote>
 «Адамның адамшылығы жақсы ұстаздан« деп ұлы Абай айтқандай, ең басты маман ол – ұстаз. Өйткені, ұстаз барлық маманды тәрбиелейді, бәріне білім береді. Бүгінде мемлекетімізде ұстаздардың мәртбесін көтеру, оларғатиісті жағдай жасау үшін үлкен іс-шаралар басталып, жүзеге асырылуда. Өздеріңіз білесіздер, Елбасы Нұрсұлтан Назарбаевтың салиқалы, сарабдал саясатының аясында елімізде білім саласын дамытуға зор көңіл бөлініп, ауыз толтырып айтарлық жетістіктерге қол жеткіздік. Қазіргі уақытта ел Президенті Қасым-Жомарт Тоқаев білім саласына ерекше назар аударып, жуырдағы Жолдауында да осы мәселеге үлкен көңіл бөлді» – деді министр.
</blockquote>
«Үздік педагог – 2020» жеңімпазы атанған ұстаздар:
Зәуреш Батырова музыка пәнінің мұғалімі;
Люция Подолько бастауыш сынып мұғалімі;
Еркегүл Сүлеймен бастауыш сынып мұғалімі;
Салтанат Хусаинова орыс тілі мен әдебиеті пәнінің мұғалімі;
Балия Джулаева қазақ тілі мен әдебиеті пәнінің мұғалімі;
Санзира Қалбек қазақ тілі мен әдебиеті пәнінің мұғалімі;
Еркін Тобылбаев тарих пәнінің мұғалімі;
Жайнагүл Әділова қазақ тілі мен әдебиеті пәнінің мұғалімі;
Индира Байғожина қазақ тілі мен әдебиеті пәнінің мұғалімі;
Мұрат Буланов математика пәнінің мұғалімі;
Людмила Герман бастауыш сынып мұғалімі;
Айнұр Қабдуллина арнайы пәндер мұғалімі;
Арнұр Қазыбеков физика пәнінің мұғалімі;
Қанат Елубаев тарих және құқықтану пәнінің мұғалімі;
Наталья Мельникова бастауыш сынып мұғалімі;
Жанар Сағатбекова математика пәнінің мұғалімі;
Марал Ниығметжанова қазақ тілі пәнінің мұғалімі;
Жандос Досыбаев физика пәнінің мұғалімі;
Жанар Жанғасиева тарих пәнінің мұғалімі;
Нағима Каймалакова орыс тілі мен әдебиеті пәнінің мұғалімі;
Қанатбек Мұраталиев арнайы пән мұғалімі;
Мирболат Құспанов қосымша білім беру педагогі;
Гүлдана Нұғманова тарих және құқық пәндерінің мұғалімі;
Бану Түсіпханова қазақ тілі мен әдебиеті пәнінің мұғалімі;
Мейрамгүл Табынбекова тарих пәнінің мұғалімі;
Карина Нұғыманова химия пәні мұғалімі;
Елена Якимчук биология және химия пәндерінің мұғалімі;
Ләззат Ерденова арнайы пәндер және ағылшын тілі пәнінің оқытушысы;
Қанат Жұмағұлов алғашқы әскери және технологиялық даярлықты ұйымдастырушы-оқытушы;
Зина Бердібекова ән-әуез жетекшісі;
Қуат Байназаров география пәнінің мұғалім;
Майра Ізтұрғанова музыка пәнінің мұғалімі;
Қарлығаш Сүлейменова физика пәнінің мұғалімі;
Жамила Карабасова арнайы пән оқытушысы;
Батис Мұратова арнайы пән оқытушысы;
Анар Алдекенова тарих және география пәндерінің мұғалімі;
Серік Төлегенов география пәнінің мұғалімі;
Гүлмира Хамитова биология пәнінің мұғалімі;
Ольга Юсупова физика пәнінің оқытушысы;
Гүлнар Арықпаева француз тілі пәнінің мұғалімі;
Айсұлу Баязитова физика және математика пәндерінің мұғалімі;
Ерлан Бөкенов тарих пәнінің мұғалімі;
Алексей Чернов өндірістік оқыту шебері;
Самат Мамбетов математика пәнінің мұғалімі;
Алтынай Молдадосова тарих пәнінің мұғалімі;
Диларам Анарбаева арнайы пән оқытушысы;
Нұрдәулет Құдабаев ағылшын пәнінің мұғалімі;
Сандуғаш Парманова математика пәнінің мұғалімі;
Светалана Муравьева арнайы пәндер оқытушысы;
Салтанат Бисенғалиева арнайы пәндер оқытушысы;
Дана Байділдинова қазақ тілі мен әдебиеті пәнінің мұғалімі;
Мират Оспанов физика пәнінің мұғалімі;
Гүлжанат Райсханова химия пәнінің мұғалімі;
Гүлбану Махамбетова қазақ тілі мен әдебиеті пәнінің мұғалімі;
Динаш Оспан қазақ тілі мен әдебиеті пәнінің мұғалімі;
Жазира Жұматаева тарих және құқықтану пәндерінің мұғалімі;
Айгүл Ишанғалиева ағылшын тілі пәнінің мұғалімі;
Күлшат Сейсенбаева бастауыш сынып мұғалімі;
Елнар Ахметов арнайы пән оқытушысы;
Жанат Байсүйеуева математика пәнінің мұғалімі;
Сауле Шинасылова математика пәнінің мұғалімі;
Гүлзира Анартаева орыс тілі және орыс әдебиеті пәнінің мұғалімі;
Гүлдана Дауленбаева бастауыш сынып мұғалімі;
Жадыра Шәбден химия пәнінің оқытушысы.

Үздік педагог атанған мұғалімдер белгілі болды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова ұстаздар күні мерекесіне арналған «Ұстазым – ұлағатты өнегем» атты арнайы жиынға қатысып, үздік ұстаздарды марапаттады.
Салтанатты шарада аймақ басшысы педагогтарға мемлекеттік қолдау шараларының қарқынды жүргізіліп жатқанын, ұстаздардың білім беру саласында табысты жетістіктерін атап өтіп, кәсіби мерекемен құттықтайды.
<blockquote>
 “Бұл мереке шын мәнінде барша халыққа ортақ. Өйткені, кез келген мамандық, кез келген лауазым иесі ұстаздан білім, тәрбие алады. Жаңа дәуір талабына сай озық тұрған мұғалім ғана шәкірт алдында беделі биік болары сөзсіз. Елімізде «Педагог мәртебесі туралы» Заң қабылданды, білім мен ғылымды дамытудың 2020-2025 жылдарға арналған бағдарламасы бекітілді. Нәтижесінде, биылдан бастап педагог және оларға теңестірілген қызметкерлердің еңбекақысы өсуде. Бұл – аймақ педагогтарына мемлекет тарапынан көрсетілген үлкен қолдау”,-деді облыс әкімі.
</blockquote>
2021 жылдың қаңтарынан мұғалімдердің еңбекақысын 25 пайызға көбейтіледі. Осы бағытта алдағы үш жылда 1,2 триллион теңге бөлінетін болады. Биылғы жылдың өзінде бұл мақсатта републикалық бюджеттен облысқа 27,4 млрд теңге қаржы бөлінді.
Облыс әкімі салтанатты жиында еңбегімен танылып, құрметке бөленген бірқатар ұстаздарды ең жоғары марапат – Ы.Алтынсарин атындағы төсбелгі мен «Білім беру ісінің құрметті қызметкері» төсбелгісін табыстады. Құрметке ие болғандар қатарында Қ.Мұхамеджанов атындағы №1 мектеп-гимназия мұғалімі Клара Есмағанбетова, Қазанғап атындағы Қызылорда музыкалық жоғары колледжінің оқытушысы Әсия Борақұлова мен Қазалы ауданы, №225 орта мектебінің мұғалімі Роза Сексенбаева бар.
Сондай-ақ, үлгілі ұстаздарды Құрмет грамотасымен марапаттады. Ал, білім беру саласына үлес қосқан 30 ұстазға ноутбук табыс етті. 
Шарада онлайн режимінде бейне конференц байланыс арқылы аудандардан үздік педагогтар қатысып, мерекелік лебіздерін білдірді.
Айта кетейік, биыл алғаш рет Сыр елінде тәуелсіздік күні қарсаңында білім саласына үлес қосқан педагогтарға ерекше төсбелгі табысталады. Сонымен бірге 10 ұстазға 300 айлық есептік көрсеткіш мөлшерінде, яғни әр ұстазға 833 мың теңге қаржылай сыйақы беріледі. Ұстаздарды қолдау шаралары қарқынды жүргізіледі.
<img src="https://kyzylorda-news.kz/wp-content/uploads/2020/10/120656281_2781468065289578_2412845531755190247_o.jpg" alt="" />
<img src="https://kyzylorda-news.kz/wp-content/uploads/2020/10/120554473_2781465798623138_7753111016983211464_o.jpg" alt="" />
<img src="https://kyzylorda-news.kz/wp-content/uploads/2020/10/120705409_2781463635290021_7510650112359207296_o.jpg" alt="" />

Қызылорда облысының әкімі кәсіби мерекеде үздік ұстаздарды марапаттады

<a href="https://kyzylorda-news.kz/date/2020/10/02/">Kyzylorda-news.kz.</a> Бүгін Білім және ғылым министрі Асхат Аймағамбетов «Үздік педагог-2020» байқауының жеңімпаздарын марапаттады, деп хабарлайды <a href="https://lenta.inform.kz/kz/ashat-ai-magambetov-1-2-zhyldyn-ishinde-ustazdardyn-zhalakysy-eki-ese-artatyn-bolady_a3701581">ҚазАқпарат.</a>
<blockquote>
 «Сіздерді төл мерекелеріңізбен құттықтаймын! «Адамның адамшылығы жақсы ұстаздан» деп ұлы Абай айтқандай, ең басты маман ол – ұстаз. Өйткені, ұстаз барлық маманды тәрбиелейді, бәріне білім береді. Бүгінде мемлекетімізде ұстаздардың мәртбесін көтеру, оларғатиісті жағдай жасау үшін үлкен іс-шаралар басталып, жүзеге асырылуда. Өздеріңіз білесіздер, Елбасы Нұрсұлтан Назарбаевтың салиқалы, сарабдал саясатының аясында елімізде білім саласын дамытуға зор көңіл бөлініп, ауыз толтырып айтарлық жетістіктерге қол жеткіздік. Қазіргі уақытта ел Президенті Қасым-Жомарт Тоқаев білім саласына ерекше назар аударып, жуырдағы Жолдауында да осы мәселеге үлкен көңіл бөлді», – деді министр шара барысында.
</blockquote>
Оның айтуынша, биыл 1 қаңтардан бастап мұғалімдердің жалақысы 25 пайызға артты. Жалпы 1-2 жылдың ішінде ұстаздардың жалақысы 2 есе артатын болады.
<blockquote>
 «Бүгін ұстаздарымыз үшін тиісті жағдай жасауымыз керек. Ол үшін кешенді жұмыс жүргізіліп жатыр. Педагогтардың мәртебесі туралы арнайы Заң қабылданды. Сол Заңның аясында 70-тен астам бұйрық пен қаулы қабылданып, қолданысқа енгізілді. Өте үлкен проблемалар болды. Оны білеміз. Қағазбастылық проблема болғаны белгілі. Бұған қоса,мұғалім мамандығын таңдайтын жақсы түлектер аз еді. Мұғалімдердің қызметіне тән емес жұмыстарға тарту проблемасы да болды. Осы мәселелерді шешу үшін ел Президентінің тапсырмасы аясында кешенді жұмыстар іске асырылды», – деді ол.
</blockquote>
Асхат Аймағамбетовтің атап өтуінше, Ұлттық бірыңғай тестілеудің нәтижесінде биыл «Алтын белгі» алған түлектердің ішінде мұғалім мамандығын таңдағандар 2 есе өсті. 1 қыркүйектен бастап педагог мамандығы бойынша білім алып жүрген студенттердің шәкіртақысы 26 мыңнан 42 мыңге дейін артты.
Шара барысында Білім және ғылым министрі Асхат Аймағамбетов «Үздік педагог-2020» байқауының жеңімпаздарына 2 778 000 теңге (1000 АЕК) көлемінде сыйақымен мен төсбелгілерді табыстады.

Асхат Аймағамбетов: 1-2 жылдың ішінде ұстаздардың жалақысы екі есе артатын болады

<a href="https://kyzylorda-news.kz/date/2020/10/02/">Kyzylorda-news.kz.</a> Жыл сайын осы атаулы Халықаралық қарттар мен Ұстаздар күнінде өздерінің тәлімгерлерін, сала ардагерлерін Әлеуметтік медициналық сақтандыру қорының Қызылорда облысы бойынша филиалының ұжымы да құттықтауды қаперден шығармады.&nbsp;
“Кезінде отандық медициналық сақтандыру жүйесін енгізу науқанының бастауында тұрған алдыңғы шептегі кәсіби дәрігерлер Қордың облыстық филиалының 1996-98 жылдардағы алғашқы сарапшылары, КСРО Денсаулық сақтау ісінің үздігі, дәрігер-педиатр Назира Байменова, ҚР Денсаулық сақтау ісінің үздігі, дәрігер-терапевт Асылбек Өсербаев, талантты экономист Айжан Шерипова, өңірдің аса тәжірибелі дәрігер-ұйымдастырушыларының бірі, Қызылорда облысында педиатрия қызметінің қалыптасуының басында тұрған Иван Тажиевтің есімі Қордың облыстық филиалының тарихына алтын әріппен жазылған. Өкінішке орай, Иван Тажиевич ағамыз өмірден озып кеткенмен біз оларды дәйім есімізден шығармаймыз және құрметтеуден танбаймыз” – деп атап өтті Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.
Медициналық сақтандыру қоры филиалының ұжымы осы атаулы халықаралық мереке күні ардагерлерді жылы лебізімен құттықтап, естелік сыйлықтар табыстады, және зор денсаулық, ұзақ ғұмыр және отбасыларына амандық тіледі.
Айта кетейік, тату, ұйымшыл ұжым тәлімгерлік қағидаларын берік ұстана отырып, ондағы аға буын жас мамандардың кәсіби дамуы мен қалыптасуына белсенді ат салысып отырады, және бұл – шығармашылық табыстың бұлжымас алғышарты.
<img src="https://kyzylorda-news.kz/wp-content/uploads/2020/10/den-pozhilyh_tazhievy--scaled.jpg" alt="" />
<img src="https://kyzylorda-news.kz/wp-content/uploads/2020/10/den-pozhilyh_tazhievy-1-1-scaled.jpg" alt="" />
<img src="https://kyzylorda-news.kz/wp-content/uploads/2020/10/den-pozhilyh_-wserbaev--scaled.jpg" alt="" />
<img src="https://kyzylorda-news.kz/wp-content/uploads/2020/10/den-pozhilyh_wserbaev-1-scaled.jpg" alt="" />

Қазақстан және Қызылорда облысының жаңалықтары: Білім

Қызылордада жазасын өтеуші 62 азамат диплом алды

Қызылордада 36 сотталған азамат орта білім алуда

Қызылорда қаласының әкімі ұстаздарды қабылдады

Қызылордада НЗМ ұстаздарына құрмет көрсетілді

Қызылордада ҚАЖ қызметкерлері ұстаздарды құттықтады

Ұлағатты ұстаздар әулеті

Күрделі кезеңге қарамастан мемлекет мұғалімдерге қолдау көрсете береді – Президент

Арал ауданының әкімі ұстаздарға құрмет көрсетті

Үздік педагог атанған мұғалімдер белгілі болды

Қызылорда облысының әкімі кәсіби мерекеде үздік ұстаздарды марапаттады

Асхат Аймағамбетов: 1-2 жылдың ішінде ұстаздардың жалақысы екі есе артатын болады

Медициналық сақтандыру қорының ұжымы ұстаздарды құттықтады

Қазақстан және Қызылорда облысының жаңалықтары: Білім

Қызылордада жазасын өтеуші 62 азамат диплом алды

Қызылордада 36 сотталған азамат орта білім алуда

Қызылорда қаласының әкімі ұстаздарды қабылдады

Қызылордада НЗМ ұстаздарына құрмет көрсетілді

Қызылордада ҚАЖ қызметкерлері ұстаздарды құттықтады

Ұлағатты ұстаздар әулеті

Күрделі кезеңге қарамастан мемлекет мұғалімдерге қолдау көрсете береді &#8211; Президент

Арал ауданының әкімі ұстаздарға құрмет көрсетті

Үздік педагог атанған мұғалімдер белгілі болды

Қызылорда облысының әкімі кәсіби мерекеде үздік ұстаздарды марапаттады

Асхат Аймағамбетов: 1-2 жылдың ішінде ұстаздардың жалақысы екі есе артатын болады

Медициналық сақтандыру қорының ұжымы ұстаздарды құттықтады

Күрделі кезеңге қарамастан мемлекет мұғалімдерге қолдау көрсете береді – Президент