<a href="https://kyzylorda-news.kz/">Kyzylorda-news.kz</a>.&nbsp;Қазақстанда 9,11,12 сыныптар оқу жылының ІІІ тоқсанынан бастап аралас оқу форматына көшеді.
<blockquote>
 “Білім және ғылым министрлігінің ұсынысы бойынша, сондай-ақ қоғамның пікірін ескере отырып, оқу жылының III тоқсанынан бастап бітіруші сыныптар үшін (9,11,12 сыныптар) санитарлық-эпидемиологиялық талаптарды сақтай отырып, аралас оқыту қарастырылады”, – делінген хабарламада.
</blockquote>
Осыған орай, оқушылар пәндердің 70 пайызын – дәстүрлі форматта, 30 пайызын – қашықтан оқитын болады.
Сонымен қатар оқу жылының III тоқсанынан бастап мектеп оқушыларының біліміндегі олқылықтардың орнын толтыру мақсатында сабақтан тыс уақытта 5 адамнан аспайтын топтарда жеке консультация ұйымдастырылады.
Ал колледждер мен жоғары оқу орындарының бірінші курс студенттері II семестрден бастап аралас оқыту форматына көшеді.
Премьер-министр әкімдерге қоғамдық орындарды, мектептер мен балабақшаларды сапалы санитарлық өңдеу, сондай-ақ егу пункттерін вакцинациялауға дайындауды тапсырды.

Оқушылар үшінші тоқсанда қалай оқиды?

<a href="https://kyzylorda-news.kz/">Kyzylorda-news.kz</a>. Қазақстанда 2020 жылғы 25 желтоқсаннан бастап 2021 жылғы 5 қаңтарға дейін шектеу шаралары күшейтіледі.
Білім беру сапасын қамтамасыз ету мақсатында, Білім және ғылым министрлігінің ұсынысы бойынша, сондай-ақ қоғамның пікірін ескере отырып, келесі шешімдер қабылданды:
– оқу жылының III тоқсанынан бастап бітіруші сыныптар үшін (9,11,12 сыныптар) санитарлық-эпидемиологиялық талаптарды сақтай отырып, аралас оқыту (пәндердің 70%-ын – дәстүрлі форматта, 30%-ын – қашықтан) қарастырылсын;
– оқу жылының III тоқсанынан бастап мектеп оқушыларының біліміндегі олқылықтардың орнын толтыру мақсатында сабақтан тыс уақытта 5 адамнан аспайтын топтарда жеке консультация ұйымдастырылсын;
– II семестрден бастап колледждер мен жоғары оқу орындарының бірінші курс студенттерін аралас оқыту қайта басталсын.
Үкімет басшысы әкімдерге өңірдегі эпидемиологиялық жағдайға байланысты жағдайды тұрақтандыру мақсатында қажетті шектеу шараларын қабылдауды тапсырды.

Жоғары оқу орындарының бірінші курс студенттері дәстүрлі түрде білім алатын болды

<a href="https://kyzylorda-news.kz/">Kyzylorda-news.kz</a>.&nbsp;Қызылордалық оқушылар Дәулет Райымбек пен Гүлдана Сәбитова ерекше электрокардиограф ойлап тапты. Бұл құрылғы арқылы жүрек ақауларын дер кезінде анықтап, асқынулардың алдын алуға болады екен.&nbsp;
Жалпы Қазақстанда 2 милиондай адамның жүрегінің мүкістігі бар екен. Олардың көбісі өз диагнозын өте кеш анықтаған. Осындай мәселені шешу үшін қызылордалық оқушылар жаңа құрылғы ойлап тапты. Бұл жаңа технология арқылы үй жағдайында жүрек ақауларын анықтауға болады.
Дәулет құрбысы Гүлданамен бірге жүрек соғысын зерттеп қана қоймай, болжамды диагнозы мен емдеу жолдарын бірден ұсынатын әмбебап құрылғы жасау үшін 1 жылдай ізденіпті. Кардиолог дәрігерлермен кеңесіп, электрокардиограф мамандарынан ақыл-кеңес сұраған.
<blockquote>
 “ЭКГ аппараты негізінен қиын аппарат деді басында бізге. Бірақ біз осы жолдарын түсіндіре отырып, қандай снимок шығарамыз, олардың графиктері қалай шығады, осы онлайн нұсқалары бар екенін түсіндірдік. Осыдан кейін біздің бір вариантымызды көрді. Міне жүрек жиілігі 60, міне мынадай график шықты деп көрсеткен кезде ол дұрыс деді”, – дейді оқушы Дәулет Райымбек.
 “Қан қысымы немесе дене қызуы секілді жүрек соғу жиілігін де сәт сайын бақылап тұрудың артықтығы жоқ. Ең бастысы, диагнозды дер кезінде анықтап, асқынулардың алдын алуға болады. Тың технология жасауға білек түре кіріскендегі түпкі ойымыз осы талаптарға жауап беретін аппарат құрастыру болды. “Егер де бұны үй жағдайында қолданатын болсақ, біріншіден өте тиімді, қымбат емес, үйдегі градусник секілді сіз үйге қосымша қойып қоя аласыз. Егер ауытқулар болса, ауытқудың мөлшерін есептеп және соған сәйкес сіздерге ұсыныс көрсетеді. Және сол ұсынысты ала отырып, сіз емханаға баруыңызға болады, дәрігермен кеңесуіңізге болады, соған сәйкес әрі қарай қадамдарыңызды жасай берсеңіз болады”, – ғылыми жетекші Ербол Қайнарбаев.
</blockquote>
Осылайша өнертапқыш өрендер тың ойларын іс жүзінде сынақтан өткізе бастады. Келесі жылы өтетін республикалық олимпиадаға дейін олар бұл құрылғыны одан әрі жетілдіре түспек. Яғни жүректі әлсірететін 30 түрлі ауру түрін дер кезінде анықтайтындай дәрежеге жеткізуді көздеп отыр.
<a href="https://24.kz/kz/zha-aly-tar/o-am/item/443408-yzylordaly-o-ushylar-zh-rek-auruyn-any-ta-ysh-ral-ojlap-tapty?fbclid=IwAR1rsbQvfJgSP29aSWOyE7PQ4NKqb6Ru0qhuICRhlMqHjsBQ-3JyBGD7l6s">Хабар 24</a>

Қызылордалық оқушылар жүрек ауруын анықтағыш құрылғы ойлап тапты

&nbsp;<a href="https://kyzylorda-news.kz/">Kyzylorda-news.kz</a>. Жемқорлықты жоймаған университеттер тиісті бағыт бойынша лицензиясынан қағылуы мүмкін. Бұл туралы бүгін ҚР Білім және ғылым министрі Асхат Аймағамбетов айтты, деп хабарлайды <a href="https://lenta.inform.kz/kz/zhemkorlykty-zhoymagan-universitetter-licenziyasynan-kagyluy-mumkin_a3730433">ҚазАқпарат</a>.
<blockquote>
 «Адал білім» аудиті өткізіліп жатыр. Осы аудитті келесі жылдың ақпан айының соңына дейін аяқтау қажет. Одан кейін тиісті жоспар бекітетін боламыз. Бұл өте маңызды мәселе. Екіншіден, жоғары оқу орнында жемқорлық фактілеріне жол бермеу қажет. Бұл мәселені түбегейлі жоюға болады. Біраз университет оны бүгін жойды деп айта аламыз. Жалпы, осы мәселеден мүлдем аулақ жүрген кейбір университет бар. Демек, университеттің басшысы қаласа, мұндай проблеманы жоюға болады деген сөз. Яғни, бұл сол оқу орнында қабылданған саясатқа байланысты. Егер кейбір университет бұл мәселені жойса, басқа университеттердің қолынан бұл әлі келмей отырса, онда «неге?» деген сауал пайда болады», – деді Асхат Аймағамбетов министрліктің аппарат жиналысында.
</blockquote>
Министр жемқорлық фактілері анықталған университеттерге қатысты ұсыныс болғанын атап өтті.
<blockquote>
 «Тиісті бағыт бойынша ең алдымен лицензияны тоқтату, одан кейін тағы да қайталанған жағдайда лицензияны қайтару бойынша норманы зерттеу керек. Егер заң жүзінде орындалатын және зерттеу нәтижесінде дұрыс шешім болса, біз мұндай норманы қабылдауға дайынбыз. Өйткені, жоғары оқу орындарындағы жемқорлықты жою керектігі айтылғанына біраз уақыт болды. Бірақ, проблема бар, оны түбегейлі шешуіміз керек. Тиісті бағыттағы лицензиясынан айыру керек болса, онда мұндай шешімді де қабылдауға дайынбыз», – деді ол.
</blockquote>

Жемқорлықты жоймаған университеттер лицензиясынан қағылуы мүмкін

<a href="https://kyzylorda-news.kz/">Kyzylorda-news.kz</a>. Қызылорда қаласының әкімі Нұрлыбек Нәлібаев Тұңғыш Президент қорының ұйымдастыруымен&nbsp; өткен «Мың бала» Ұлттық Зияткерлік олимпиадасының жеңімпаздарын қабылдап, озат оқушыларды жеңісімен құттықтады.
Шарада шаһар басшысы жастардың сапалы білім алуы, ғылыммен айналысуы бүгінгі күннің басты талабы екеніне тоқталып, зияткер балғындарға болашағымыз баянды болуы үшін білімдерін одан әрі шыңдап, ел үшін қызмет ететіндігіне зор сенім білдіретіндігін жетікізді.
Ұлттық олимпиадада үздік шыққан оқушының бірі Ақниет Қуаныш. Ақниет бұған дейін Қызылөзек ауылдық округіндегі № 39 орта мектепте білім алған. Білім бәйгесіндегі жеңісі арқылы биылдан бастап қаладағы дарынды балаларға арналған №4 Дарын мектебінде білімін шыңдауға мүмкіндік алды. Жиында өз қуанышымен бөліскен олимпиада жеңімпазы мұндай жетістікке жетуіне себепкер болған өз ұстаздарына алғысын білдірді.
Айта кетейік, Республикалық «Мың бала» Ұлттық Зияткерлік олимпиадасына еліміздегі 5-6 сынып оқитын&nbsp; барлық оқушы қатысып, бақ сынады. Аталған білім бәйгесінде Қызылорда қаласына қарасты ауылдық елді-мекендерде орналасқан 13 мектептің білім алушылары да сынға түсті. Оқушылар олимпиадасының ақтық кезеңіне қызылордалық 31 оқушы жолдама алып, оның ішінде 7-і білімімен дараланып, жеңімпаз атанды. Жеңімпаздардың үшеуі Елбасы медалімен марапатталып, жетеуі де қаламыздағы Білім иновация лицейі, Н.Назарбаев зияткерлік мектебі, дарынды балаларға арналған №4 Дарын мектебіне конкурсыз жолдама алды. Қазіргі таңда екі оқушы өз білімдерін аталған білім ұяларында шыңдап жатса, қалған бес оқушы мұндай мүмкіндікке 6 сыныпты аяқтаған соң ие болмақ.
&nbsp;Жиын соңында қала әкімі Нұрлыбек Нәлібаев қаламызда білім мен ғылымды жандандыруда жасалынып жатқан жұмыстарға тоқталып, жылда қаламызда жаңа білім ошақтары пайдалануға беріліп, мектептердің материалдық-техникалық базасын нығайтуда үлкен жұмыстар жүзеге асырылып жатқанын, мұның барлығы жас ұрпақтың саналы тәрбие мен сапалы білім алуына бағытталған келелі істер екенін атап өтіп, білім додасында дараланып, жеңімпаз атанған 7 оқушыға ноутбук беріп, дипломдар табыстады.
<img src="https://kyzylorda-news.kz/wp-content/uploads/2020/12/01-2-scaled.jpg" alt="" />
<img src="https://kyzylorda-news.kz/wp-content/uploads/2020/12/02-3-scaled.jpg" alt="" />
<img src="https://kyzylorda-news.kz/wp-content/uploads/2020/12/03-1-scaled.jpg" alt="" />

Нұрлыбек Нәлібаев білім бәйгесінің жеңімпаздарын марапаттады

<a href="https://kyzylorda-news.kz/">Kyzylorda-news.kz</a>.&nbsp;Қазалының 15 оқушысы Қазақстан Республикасының Тұңғыш Президенті – Елбасы Қорының «Ел үміті» жобасы негізінде өткізілген «Мың бала» ұлттық олимпиадасының жеңімпазы атанып, ауданның абыройын асқақтатты.
Республикалық білім сайысында жеңімпаз атанған шәкірттерді аудан әкімінің орынбасары Ғалымжан Еркебай құттықтады. Ауданның үздік оқушылары Қазақстан Республикасының Тұңғыш Президенті – Елбасы Қорының атынан бағалы сыйлықтар (ноутбук) табыстады.
Айта кетейік, Ұлттық олимпиада нәтижесімен жеңіске жеткен ауданның оқушысы, оның ішінде №170 орта мектепте білім алған Ерасыл Дарханұлы қазіргі таңда республикалық физика-математика мектебінің оқушысы атанып, облыс әкімі Гүлшара Әбдіхалықованың қабылдауына қатысты.
<img src="https://kyzylorda-news.kz/wp-content/uploads/2020/12/0.jpg" alt="" />
<img src="https://kyzylorda-news.kz/wp-content/uploads/2020/12/3-1.jpg" alt="" />
<img src="https://kyzylorda-news.kz/wp-content/uploads/2020/12/7.jpg" alt="" />
<img src="https://kyzylorda-news.kz/wp-content/uploads/2020/12/1-2.jpg" alt="" />

Қазалының 15 оқушысы &#8220;Мың бала&#8221; ұлттық олимпиадасының жеңімпазы атанды

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова Тәуелсіздік мерекесі қарсаңында ҚР Тұңғыш Президенті қорының ұйымдастыруымен өткен «Ел үміті» және «Мың бала» жобаларының жеңімпаздарын қабылдады. Жиында аймақ басшысы терең білім алу қай кезеңде де өзекті екенін айтып, зияткер, көшбасшы балаларға сәттілік тілеп, айрықша сенім білдірді.
<blockquote>
 “Біз үшін жастармен жүздесіп, пікір алмасатын әрбір кездесудің маңызы ерекше. Ал бүгінгі кездесудің мәні тіптен бөлек деуге болады. Біз әлемнің жаңа талаптары мен сұраныстарына лайықты жауап беруіміз керек. Ол үшін Сіздер, Тәуелсіз еліміздің жаңа буын жастары, білімді әрі талапты болуларыңыз керек. Ата-бабаларымыз ғылым-білімнің тек оқу арқылы табылатынын өсиет етті. Сондықтан, егемен еліміздің жаңа, азат ойлы буыны ретінде Сіздердің алдарыңызда Тәуелсіздікті көздің қарашығындай сақтап, Отанымыз үшін пайдалы білім алу міндеті тұр”,-деді облыс әкімі.
</blockquote>
«Ел үміті» жобасына облыстан 430 талапкер қатысқан. Нәтижесінде 62 қатысушы қола медальге болды. Ал, «Мың бала» Ұлттық зияткерлік олимпиадасында ауыл мектептерінен барлығы 18 мыңнан астам оқушы бақ сынады. Оның 75-і жеңімпаз атанды. Үздік жастардың 23-і дарынды балаларға арналған мектептерге конкурстан тыс қабылданып, Елбасы Академиясы жанындағы «Бірге оқу» онлайн мектебінде пәндік дайындықтан өтуде.
Жиында «Ел үміті» және «Қамқорлық» бастамаларына арналған бейнеролик көрсетіліп, дарынды жастардың пікірі тыңдалды. Байқау жеңімпазы Санжар Асфендияров атындағы медицина университетінің 3-курс студенті Нұрай Әбжан аймақ басшысына арнайы алғысын білдіріп, «Елбасы медалі» сыйлығын иелену бақыты бұйырғанын мақтанышпен жеткізді.
Қабылдау соңында облыс әкімі Гүлшара Әбдіқалықова білім бәйгесінде оза шауып, үздіктердің қатарынан көрінген 10 оқушыға Елбасы медалін табыс етті. Сондай-ақ, «Мың бала» олимпидасының жүлдегерлеріне ноутбук беріп, ілтипат танытты. Ерекше айту керек, үздіктердің қатарынан көрінген қызылордалық №101 мектеп оқушысы Елдос Төлепберген Елбасы қолынан медаль иеленді.
<img src="https://kyzylorda-news.kz/wp-content/uploads/2020/12/131398242_2972200666216316_7016850079266603382_o.jpg" alt="" />
<img src="https://kyzylorda-news.kz/wp-content/uploads/2020/12/131442571_2972201342882915_8399201306137061287_o.jpg" alt="" />

Облыс әкімі «Ел үміті» және «Мың бала» жобаларының жеңімпаздарын марапаттады

<a href="https://kyzylorda-news.kz/">Kyzylorda-news.kz</a>.Облыс әкімі Гүлшара Әбдіқалықова Тәуелсіздік мерекесі қарсаңында жаңадан ашылған «Зерде» интеллектуалды мектебінің ашылу салтанатына қатысты. Аймақ басшысы соңғы жылдары жекеменшік мектептердің құрылысы бойынша инвесторлармен қарқынды жұмыс жүргізіліп жатқанын атап өтіп, жаңа білім ошағына баратын білім алушыларды құттықтап, ақжолтай тілегін жеткізді.
<blockquote>
 “Қазіргі таңда өңірімізде мемлекет пен жеке бизнес секторының арасында тығыз байланыс орнағаны белгілі. Осы орайда, жекеменшік мектептердің құрылысы бойынша инвесторлармен жұмыс белсенді жүргізілуде. 2019 жылы 1300 орындық 3 мектеп ашылды, биыл 300 және 500 орындық тағы 2 мектеп салынуда.Міне, 500 орындық «Зерде» интеллектуалды мектебін пайдалануға бергелі отырмыз. Осы жаңа мектеп ғимаратынан заманауи білімді меңгерген талапты да талантты тұлғалар, Тәуелсіз еліміздің дамуына аянбай үлес қосып, Сыр елін әлемге танытар зияткер ұрпақ білім алып шығады деп сенемін”, -деді облыс әкімі Гүлшара Әбдіқалықова.
</blockquote>
Аймақ басшысы Гүлшара Әбдіқалықова мемлекет және қоғам қайраткері Бекмырза Еламановпен бірге жаңа мектептің лентасын қиды. Мұнан кейін, мектеп фойесінде оқушылармен кездесіп, оқу ошағының материалдық-техникалық базасымен танысты. Мектептің құрылтайшысы Сейтқали Алшынбаев заманауи бағытта салынған интеллектуалдық мектептің ерекшеліктерін баяндады.
Мектептің мердігер мекемесі «Нұр-Ай» жауапкершілігі шектеулі серіктестігі. 500 орындық білім ошағының жоба құны 1 млрд. 250 млн.теңгені құрайды. Жаңа ғимараттың аумағы 8 000 шаршы метр, жалпы алаңы 1600 гектарды құрайды. Оқу ордасында 120 қызметкер жұмыспен қамтылатын болады. Интеллектуалды мектеп 3 қабаттан тұрады. Бірінші қабатта оқушылар үшін спортзал, би залы, асхана мен оқу кабинеттері орналасса, екінші қабатта балалар демалыс алаңы және теннис залы салынған. Ал, үшінші қабат заманауи үлгідегі акт зал, компьютер сыныпқа арналған.
Бүгінде аймақтағы 120 мектеп дәстүрлі режимде жұмыс жасаса, 180 мектеп қашықтан оқыту форматында білім беруде. 40 мыңға жуық бала оқитын 2 мыңнан астам кезекші топ ашылған. Тұрмысы төмен отбасылардың балаларына мектеп теңгеріміндегі 14 мыңнан астам компьютер беріліп, бюджет қаражаты мен демеушілер есебінен 27 мыңға жуық компьютерлік техника сатып алынған.
Ерекше айту керек, Сыр елінде апатты мектептерді жою бағытындағы жұмыстар шешілуде. Жыл басында 140 орындық бір мектептің құрылысы аяқталып, тағы бір мектептің құрылысы жалғасуда. Ал, келесі жылы үшінші мектептің құрылысы басталады.Еске сала кетейік, Қызылорда өңірінде 293 мемлекеттік мектеп болса, жеке мектептер саны 8-ге жетті.
<img src="https://kyzylorda-news.kz/wp-content/uploads/2020/12/131639727_2971688069600909_6867768590154779518_o.jpg" alt="" />
<img src="https://kyzylorda-news.kz/wp-content/uploads/2020/12/131263595_2971688806267502_8034157824221311116_o.jpg" alt="" />
<img src="https://kyzylorda-news.kz/wp-content/uploads/2020/12/131211263_2971688456267537_5678923512635500074_o.jpg" alt="" />

Гүлшара Әбдіқалықова «Зерде» интеллектуалды мектебінің лентасын қиды

<a href="https://kyzylorda-news.kz/">Kyzylorda-news.kz</a>. Байқоңырдағы ресейлік мектептердің сабақ кестесіне “Қазақ тілі мен әдебиеті” және “Қазақстан тарихын” кіргізу үшін Ресей рұқсатын алу керек, деп хабарлайды&nbsp;<a href="https://newsroom.kz/">Newsroom.</a>
<blockquote>
 “Байқоңырдағы жеті мектепте сабақ бағдарламасы Ресейдің білім беру стандартына сай жүргізіледі. Аталған оқу орындарында қазақстандық оқушылар да білім алуда.
 Олар ертеңін осы елмен байланыстырады. Сондықтан да Қазақстанның тарихымен танысу, мемлекеттік тілді меңгеру, әдеби мұраларын білу оқушылар үшін аса маңызды міндет. “Қазақ тілі” мен “Қазақстан тарихын” осындағы оқу бағдарламасына енгізу үшін Ресейдің Ағарту министрлігінен рұқсат алу қажет”, – деді Асқар Мәмин.
</blockquote>
Оның атап өткеніндей аталған мәселе білім саласындағы әріптестік туралы Үкіметаралық комиссияның күн тәртібіне енген.
<blockquote>
 “Жиын өткен айдың 10-і күні өтті. Алайда бұл мәселені талқылаудың орайы келмеді. Байқоңыр қаласы бойынша Үкіметаралық комиссиясының алдағы отырысында бөлек талқылаймыз деп шештік”, – дейді премьер.
</blockquote>
Оның айтуынша Байқоңырдағы жеті мектептің біреуін Ресей қарамағынан алып Қазақстан меншігіне беру мәселесі де комиссияның алдағы отырысында егжей-тегжейлі талқыланады.
<blockquote>
 “Мәселені шешу жолдарын үнемі іздестіру үстіндеміз. Ел азаматтарын Қазақстанның білім беру стандартына сай оқыту үшін былтыр Байқоңырдағы №275 мектептің жанынан жалпы саны 80 оқушыны қамтитын 1-4 бастауыш сыныптары ашылды. Бұдан бөлек 20-дан аса тәрбиеленушісі бар орыс тілінде білім беретін мектепке дейінгі ұйымдар құрылды.
 Осы жылы Қызылорда облысының әкімдігі дәл осы №275 мектептің жанынан 5-11 сыныпта оқитын қазақстандық оқушыларға арнап сыныптар ашты. Оқыту процессі біздің елдің білім стандартына сай орыс тілінде өтеді”, – деді Мәмин.
</blockquote>
Айта кетсек бұдан бұрын Байқоңырға барған сенатор Мұрат Бақтиярұлы аймақтағы қазақтілді аудиторияның шағымын Үкіметке жеткізген. Сенатор Байқоңырдағы мектептердің бірін Қазақстанның қарамағына беру туралы мәселе көтерген.
<blockquote>
 “Осындағы Қазақстан азаматтары біздің елдің оқу бағдарламасы негізінде білім алуы тиіс. Мектеп қана емес, балабақша мәселесі де күйіп тұр. Баласын қазақ балабақшасына бергісі келетін азаматтардың арыз-талабын ескеру қажет”, – деген еді Мұрат Бақтиярұлы.
</blockquote>
Сенатор өз сауалында бірнеше деректі алға тарқан.
Мысалы, қазақ тілінде білім беретін Байқоңыр қаласындағы 5 мектепте бүгінгі күні 5 236, ал ресейлік 7 мектепте 4049 бала білім алады. Оның 1 508-і, яғни 37%-ы Қазақстан азаматтарының балалары. Байқоңырда қазір Ресей Федерациясына қарасты 7 мектеп бар. Депутат олардың сыйымдылығы толық қамтылмаған дейді.
Мұрат Бақтиярұлының айтуынша, қала тұрғындарымен кездесу барысында орыс тілінде оқытатын қазақстандық мектепке сұраныстың жоғары екенін ескере отырып, осы 7 мектептің бірін мемлекет меншігіне өткізуді сұрап отыр екен.⠀
Одан бөлек, Байқоңырдың орталық аудандарында Ресей Федерациясының меншігіндегі, сыйымдылығы толық пайдаланылмай тұрған 13 балабақша бар. Сенатор халықтың бірнеше балабақшаны Қазақстан юрисдикциясына өткізу талабы орынды деп санайды.
Сенатор сауалына іле-шала жауап берген Мәмин Ресейдің бұған рұқсат беруі мүмкін екенін, Байқоңырдағы ғимараттың бірінен алда-жалда қазақ балабақшасы ашылып қаларын айтқан.
<blockquote>
 “Аймақта қазақтілді 3 балабақша бар. Әзір Ресейге тиесілі №21 орыс балабақшасын Қармақшы ауданының қарамағына беру мәселесін талқылаудамыз. Ресей бұл ғимаратты босатса, 280 орындық қазақ балабақшасы ашылып қалады”, – деген еді Асқар Мәмин.
</blockquote>
Қазіргі таңда Байқоңырда 16 балабақша бар. Оның үшеуі қазақтілді және Қазақстанның оқу стандартына сай тәлім-тәрбие береді.
<blockquote>
 “Бұларда жалпы саны 2885 бала бар. Оның 2425-і Ресейдің, ал 460-сы Қазақстанның оқу бағдарламасы негізінде білім алуда”, – дейді премьер.
</blockquote>

Байқоңыр: «Қазақ тілін» оқыту үшін Ресейден рұқсат алу қажет

<a href="https://kyzylorda-news.kz/">Kyzylorda-news.kz</a>. М.Мәметова атындағы педагогикалық жоғары колледжінде Білім басқармасы мен ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің бірлесуімен “Парасатты отбасы” байқауының жеңімпаздары марапатталды.
Жиынға облыс әкімінің орынбасары Наурызбай Байқадамов, департаментінің басшысы Ардақ Ерсейітов, білім басқармасының басшысы Ақзира Қасымова қатысып, отбасы құндылығының маңыздылығы туралы ой бөлісті.
Байқау отбасындағы парасаттылық құндылықтарын насихаттау, отбасы мүшелерінің арасындағы бауырмалдық, қайырымдылық, достық қарым-қатынасты қалыптастыру, қоғамдағы сыбайлас жемқорлықтың алдын-алуды өскелең ұрпақтың бойына бала кезден қалыптастыру мақсатын көздейді.
«Парасатты отбасы» байқауының ІІІ орын иегері Арал ауданынан Әбдіжалеловтер отбасы иеленсе, ІІ орын Шиелі ауданынан Абдурахмановтар отбасына бұйырды. Ал, І орын Қазалы ауданы, Асқаровтар отбасы лайық деп танылды. Сонымен бірге бірнеше отбасы арнайы номинациялармен марапатталды.
<img src="https://kyzylorda-news.kz/wp-content/uploads/2020/12/130708510_1019717621864776_6114893272882490606_n.jpg" alt="" />

Қызылордада «Парасатты отбасы» конкурсының жеңімпаздары анықталды

<a href="https://kyzylorda-news.kz/">Kyzylorda-news.kz.</a> Биыл жоғары оқу орындарындағы профессорлардың жалақысы көбейді. Осындай қиын жағдайда оқытушыларды қолдау керек. Бұл туралы Орталық коммуникациялар қызметінде өткен онлайн брифингте БҒМ Жоғары және жоғары оқу орнынан кейінгі білім департаменті директорының орынбасары Бану Нарбекова айтты, деп хабарлайды <a href="https://www.inform.kz/kz/biyl-zhogary-oku-ornyndagy-professorlardyn-zhalakysy-kobeydi-banu-narbekova_a3727721">ҚазАқпарат.</a>
<blockquote>
 «Сессия қарашадан бастап желтоқсан айының соңына дейін жүргізіледі. Министрлік тарапынан жүргізілген пысықтау нәтижесі бойынша, біздің жоғары оқу орындары сессия өткізуге дайын. Сондай-ақ, біз антиплагиат жүйесін қолданып отырмыз. Еліміздегі барлық жоғары оқу орны осы жүйені пайдаланады», – дейді БҒМ Жоғары және жоғары оқу орнынан кейінгі білім департаменті директорының орынбасары Бану Нарбекова.
</blockquote>
Оның айтуынша, қашықтан оқытудың дәстүрлі білім беруден ешқандай айырмашылығы жоқ
<blockquote>
 «Біз бағалауға қатысты өзін-өзі бағалау технологиясын енгізіп отырмыз. Бір жағынан студенттердің өзіне сенеміз, екіншіден бұл олардың білім деңгейі, оқу үлгерімін бағалай білуге, оқуға деген құштарлық деңгейін анықтауға көмектеседі. Сондай-ақ, биыл жоғары оқу орындарындағы профессорлардың жалақысы көбейді. Осындай қиын жағдайда оқытушыларды қолдау керек»,- дейді ол.
</blockquote>

Бану Нарбекова: Биыл жоғары оқу орнындағы профессорлардың жалақысы көбейді

<a href="https://kyzylorda-news.kz/">Kyzylorda-news.kz.</a> Қызылорда облысында ұстаздардың кәсіби қызметі мен мәртебесін арттыру бағытында 10 үздік ұстазға ерекше төсбелгі, 10 ұстазға бір реттік қаржылай сыйақы 300 айлық есептік көрсеткіш мөлшерінде берілетін болады.
Төсбелгі білім беру саласына айрықша еңбегі сіңген, республикалық конкурстардың жеңімпазы атанып, озат шәкірттер тәрбиелеген, жетістікке жеткен ұстаз иемдене алады. Білім беру ұйымдарында кемінде 5 жыл педагогикалық өтілі болуы шарт.
<blockquote>
 “Конкурс ашық түрде ұйымдастырылады. Арнайы комиссия құрамы бекітіледі. Комиссия құрамына азаматтық қоғам өкілдері мен журналистер, арнайы мониторингтік топтың мүшелері қатысады. Байқау 3 кезеңнен тұрады. Бірінші – мектеп ішіндегі педагогикалық кеңестің шешімін алады. Екінші кезекте – аудандық немесе қалалық білім бөлімінің комиссиянан өтеді. Үшінші кезең – білім басқармасы арқылы іріктеуге алынады. Яғни қажетті құжаттарды ұсыну қажет. Ең үздік деп танылған ұстаз жыл қорытындысы негізінде облыс әкімінің арнайы қатысуымен өтетін жиында марапатталады”, – деді облыстық білім басқармасының басшысы Ақзира Қасымова.
</blockquote>
<img src="https://kyzylorda-news.kz/wp-content/uploads/2020/12/130739622_1185602358501941_5284958911877219983_o.jpg" alt="" />

Қазақстан және Қызылорда облысының жаңалықтары: Білім

Оқушылар үшінші тоқсанда қалай оқиды?

Жоғары оқу орындарының бірінші курс студенттері дәстүрлі түрде білім алатын болды

Қызылордалық оқушылар жүрек ауруын анықтағыш құрылғы ойлап тапты

Жемқорлықты жоймаған университеттер лицензиясынан қағылуы мүмкін

Нұрлыбек Нәлібаев білім бәйгесінің жеңімпаздарын марапаттады

Қазалының 15 оқушысы “Мың бала” ұлттық олимпиадасының жеңімпазы атанды

Облыс әкімі «Ел үміті» және «Мың бала» жобаларының жеңімпаздарын марапаттады

Гүлшара Әбдіқалықова «Зерде» интеллектуалды мектебінің лентасын қиды

Байқоңыр: «Қазақ тілін» оқыту үшін Ресейден рұқсат алу қажет

Қызылордада «Парасатты отбасы» конкурсының жеңімпаздары анықталды

Бану Нарбекова: Биыл жоғары оқу орнындағы профессорлардың жалақысы көбейді

Қызылордада 10 үздік ұстаз ерекше төсбелгімен марапатталады

Қазақстан және Қызылорда облысының жаңалықтары: Білім

Оқушылар үшінші тоқсанда қалай оқиды?

Жоғары оқу орындарының бірінші курс студенттері дәстүрлі түрде білім алатын болды

Қызылордалық оқушылар жүрек ауруын анықтағыш құрылғы ойлап тапты

Жемқорлықты жоймаған университеттер лицензиясынан қағылуы мүмкін

Нұрлыбек Нәлібаев білім бәйгесінің жеңімпаздарын марапаттады

Қазалының 15 оқушысы &#8220;Мың бала&#8221; ұлттық олимпиадасының жеңімпазы атанды

Облыс әкімі «Ел үміті» және «Мың бала» жобаларының жеңімпаздарын марапаттады

Гүлшара Әбдіқалықова «Зерде» интеллектуалды мектебінің лентасын қиды

Байқоңыр: «Қазақ тілін» оқыту үшін Ресейден рұқсат алу қажет

Қызылордада «Парасатты отбасы» конкурсының жеңімпаздары анықталды

Бану Нарбекова: Биыл жоғары оқу орнындағы профессорлардың жалақысы көбейді

Қызылордада 10 үздік ұстаз ерекше төсбелгімен марапатталады

Қазалының 15 оқушысы “Мың бала” ұлттық олимпиадасының жеңімпазы атанды