<a href="https://kyzylorda-news.kz/">Kyzylorda-news.kz</a>.&nbsp; Биыл 1 қаңтардан бастап барлық ұстаздардың жалақысы 25 пайызға көбейді. Тек мектеп мұғалімдері ғана емес, балабақша педагогтері, қосымша білім беру, колледждер мен жоғары оқу орындары мамандарының да еңбекақылары өсті.
<blockquote>
 “Қазіргі кезде, есептеу бойынша мұғалімдердің орташа айлық жалақысы белгіленді. Толық оқу жүктемесі бар, педагог-шебер санатындағы ұстаз бұрын 279 мың теңге алса, қосымша үстемемен 373 мың теңге алады. Ал, педагог-сарапшы санатындағы мұғалім 234 мың алса, қазір 312 мың теңге мөлшерінде еңбекақы алады. Педагог-модератор санатындағы ұстаздың орташа жалақысы 204 мың теңге болса, қазір 272 мың теңгеге жетті. Ал, категориясы жоқ, жас ұстаздардың орташа жалақысы 213 мың теңге көлемінде белгіленді”, – деді облыстық білім басқармасының басшысы Ақзира Қасымова.
</blockquote>
Қаңтардың 11-інде үшінші оқу тоқсаны басталады. 9,11 сынып оқушылары санитиралық-эпидемилогиялық сақтай отырып аралас форматта, яғни дәстүрлі түрде мектепке барып оқитын болады. 1-5 сыныптар үшін кезекші топтар жұмыс істейді. Ал, бала саны 300-ден аспай мектептерде оқу дәстүрлі форматта ұйымдастырылады. Облыста 9-сыныпта 13252 оқушы, 11-сыныпта 7004 оқушы оқитын болады. Бұл сыныптарда балалар негізгі пәндерді, яғни қорытынды емтихан мен ұлттық бірыңғай тестілеу кезіндегі міндетті компонентті пәндер бойынша білім алады. Пәндердің 70 пайызы – дәстүрлі форматта, 30 пайызы қашықтан оқытылатын болады.
Сондай-ақ, колледждерде де өзгерістер бар. Жалпы 30 колледжде 19795 студент білім алады. Оның 5434-ң бірінші курс студенті. Ведомоствоаралық комиссия шешімімен 1 курс студенттері дәстүрлі түрде оқиды.

Қызылорда: Мұғалімдердің айлығы 25 пайызға өсті

<a href="https://kyzylorda-news.kz/">Kyzylorda-news.kz</a>. Президенттің ұстаз мәртебесін көтеруге арналған тапсырмасына сәйкес мұғалімдердің жалақысы тағы да артты. Яғни 1 қаңтардан бастап барлық ұстаздардың жалақысы 25 пайызға көбейді. Бұл жолы тек мектеп мұғалімдері ғана емес, балабақша педагогтерінің, қосымша білім беру, колледждер мен жоғары оқу орындары мамандарының да еңбекақылары көбейіп жатыр.
Сондай-ақ, біліктілік санатына қарай еңбекақының 30-дан 50 пайызға дейінгі көлемін қосымша ала алады. Ал, пәнді ағылшын тілінде жүргізгені үшін, дәптер тексергені үшін, сынып жетекшілігі үшін, тәлімгерлік жасағаны үшін қосымша ақы төленеді. Мұнан бөлек, өткен жылдан бастап магистрлік дәрежесі бар мұғалімдерге 27 мың теңге көлемінде қосымша төлем беріле бастады.
Қызылорда облысында өткен 2020 жылы барлық ұстаздардың 55 пайызының еңбекақысы артқан. Оның ішінде магистрлік дәрежесі үшін қосымша ақы алған ұстаздар да бар.
Айта кету керек, Сыр елінде 30 мыңнан аса педагог қызмет етеді. Балабақшада 5912 педагог, мектепте 22222 педагог, колледждерде 2176 педагог жұмыс істейді.

Қызылорда: Былтыр мұғалімдердің 55%-нің жалақысы артты

<a href="https://kyzylorda-news.kz/">Kyzylorda-news.kz.</a> Білім және ғылым министрлігі жоғары оқу орындарының антирейтингін жариялады, деп хабарлайды&nbsp;<a href="https://sputnik.kz/">Sputnik Қазақстан</a>.
Зерттеу жұмыстарын&nbsp;“Атамекен” ұлттық кәсіпкерлер палатасы жүргізді. Рейтингке ІІМ, ҰҚК және қорғаныс министрлігіне бағынышты ЖОО-лардан басқа еліміздің барлық жоғары оқу орындары қатысты.
Ал рейтингті жасау барысында түлектердің жұмысқа орналасу көрсеткіштері, білім беру бағдарламаларының сапасы және білім алушылардың жетістіктері ескерілген.
Зерттеу нәтижелері бойынша 2020 жылы түлектерді жұмысқа орналастырудың орташа крсеткіші өткен жылдар деңгейінде қалып отыр және 71%-ті құрайды.
Жұмыс берушілердің пікірі бойынша 2020 жылдың аутсайдерлері:
<ul>
<li>“Сырдария” университеті;</li>
<li>Шымкент университеті;</li>
<li>Халықаралық гуманитарлық-техникалық университеті;</li>
<li>“Астана” университеті;</li>
<li>Тараз инновациялық-гуманитарлық университеті;</li>
<li>Академик А.Қуатбеков атындағы халықтар достығы университеті;</li>
<li>Шет тілдер және іскерлік карьера университеті;</li>
<li>Қазақ-орыс халықаралық университеті;</li>
<li>Қызылорда қаласының “Болашақ” университеті;</li>
<li>“Ақмешіт” гуманитарлық-техникалық институты.</li>
</ul>
Айта кетейік, “Сырдария” университеті мен Шымкент университеті, Халықаралық гуманитарлық-техникалық университет және “Астана” университеті үшінші жыл қатарынан аутсайдерлер қатарына еніп отыр.

&#8220;Ақмешіт&#8221; институты мен &#8220;Болашақ&#8221; университеті аутсайдерлер қатарында

<a href="https://kyzylorda-news.kz/">Kyzylorda-news.kz.</a> Депутаттар Білім және ғылым министрлігін екі бөлімге бөлуді ұсынады – білім министрлігі және жоғары білім және ғылым министрлігі. &nbsp;
Сенатор Мұрат Бақтиярұлының айтуынша, қазір мемлекеттік орган мұндай жүктемені жеңе алмайды. Өйткені, балабақшалардан бастап университеттерге дейінгі оқушылардың мәселелерін шешу керек. Штаттың&nbsp;санын өзгертпей, жұмыс істеп тұрған министрліктер базасында жаңа министрліктер құру қажет.
Сондай-ақ, депутат ЖОО ректорларын жиі ауыстыру керек деп санайды.
“Елімізде ондаған жылдар бойы ректорлар болып жұмыс істеп келе жатқан адамдар бар. Менің ойымша, бұл нарық дәуірінде дұрыс емес. Бізге ЖОО-ға ректорларды кемінде төрт жылға тағайындайтын, олар екі мерзімнен артық ректор лауазымын атқара алмайтындай қағидатты енгізу қажет”, – деді парламент&nbsp;сенатының депутаты Мұрат Бақтиярұлы.
Еске салыйық, сенатта білім туралы заңға&nbsp;<a href="https://stan.kz/kazakstanda-kashiktan-oku-zan-zhuzinde-bekitildi-341371/">бірнеше түзетулер қабылданды</a>. Қашықтан оқыту ұғымы және оны жүзеге асыру тәртібі пайда болды. Оқулықтарды тексеру күшейтілді. Бизнесті тексеруге қолданыстағы мораторийге қарамастан, енді барлық білім беру мекемелері, оның ішінде даму орталықтары бес жылда бір рет мемлекеттік аттестаттаудан өтуі тиіс.
Сонымен қатар келесі жылдан бастап студенттердің оқу кезіндегі практика мерзімі олардың өндірістік өтіліне қосылатын болады.
<a href="https://stan.kz/kazakstandik-deputattar-bilim-ministrligin-eki-vedomstv-341407/">Stan.kz</a>

Депутаттар Білім және ғылым министрлігін екі бөлімге бөлуді ұсынады

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебі жанындағы&nbsp; «TED-Ed Students Talks» клубы бірінші жартыжылдықты&nbsp; қорытындылады.
Оқу жылының басынан бастап NIS тобы Грузия, Оңтүстік Корея, БАӘ, Вьетнам, Ливан және Үндістан мектептерін біріктірген 5 ауқымды іс-шараға қатысып, өзара тәжірибе алмасты.
«Amygdala» жобасы негізінде Үндістандағы Choithram School мектебі ұйымдастырған “Believing in yourself!” халықаралық вебинарында зияткерлік мектеп оқушылары&nbsp; «Өзіңе деген сенім – денсаулық кепілі» тақырыбында таныстырылым жасады. Балалар жасөспірімдер арасындағы өзіне деген сенімсіздікті жою мәселесін шешуге байланысты идеяларын ұсынып,&nbsp; Оңтүстік Корея, Вьетнам, Ливан және Үндістандағы достарымен ой бөлісті.
Сондай-ақ&nbsp; клуб мүшелері&nbsp; білім беру мен оқытуды аккредиттеу жөніндегі ұлттық кеңесінің психологы және тренері Yogita Chablani баяндамасын тыңдауға мүмкіндік алды. Тыңдаушылар&nbsp; емтихан кезіндегі қорқыныш пен стресті жеңу жолдары туралы ақпараттар алды.
Қазан айында клуб мүшелері 9 «F» сынып оқушыларымен бірге&nbsp; Choithram School мектебінің жоғары сынып оқушыларымен болған онлайн-сабаққа қатысты. Шетелдік достардың жаһандық&nbsp; жылыну проблемаларының себептері, салдары мен шешу жолдары туралы қызықты ақпараттарын тыңдай отырып, Қазақстандағы климат өзгеруінің салдары&nbsp; және әлем бойынша&nbsp; температураның көтерілуі елімізге, әсіресе&nbsp; Қызылорда облысына&nbsp; тигізетін&nbsp; әсері&nbsp; жайында әңгімеледі. Қызылордалық спикерлер Арал&nbsp; теңізі проблемасын қозғап, оны құтқару үшін қандай шаралар жасалып жатқандығы туралы мазмұнды ақпарат берді.
Тбилисидің Ted-Ed Students Club&nbsp; қатысушыларымен&nbsp; өткен телекөпір пандемиядан туындаған ғаламдық проблемалар мен қиындықтар, сонымен қатар&nbsp; әртүрлі елдердегі мектептердің қашықтықтан білім беру форматына көшуі туралы талқылауға арналды.
Ал БАӘ-нің Brightriders school оқушыларымен болған бейнебайланыс кезінде NIS білім алушылары өз елінің тарихы, мәдениеті мен салт-дәстүрлері жайында пікір алысты. Сондай-ақ, онлайн-оқытудың қиындықтарымен күресу жолдары туралы тәжірибе алмасты.
TED-Ed Students Talks Club – әлемнің 100-ден астам еліндегі он мыңдаған жастардың басын қосқан оқушылар сұхбаттасуының&nbsp; халықаралық жобасы. Қатысушылар өз идеяларымен бөлісіп, бірге талқылайды. Қызылордалық NIS бұл жаһандық желіге 2018 жылы ресми түрде қосылды. Бүгінгі таңда клубқа 7 мен 9 және 10-сыныптардың 20-дан астам оқушысы мүшелік етеді. Клубтың аймақтық үйлестірушісі және жетекшісі – ағылшын тілі пәні мұғалімі Камилла Қылышбекова.&nbsp;
Іс-шараларда халықаралық қоғамдастық қатысушылары&nbsp;жаһандық мәселелерді зерттеуге, сыни ойлауға үйренеді. Сонымен қатар презентациялық&nbsp;сауаттылық пен&nbsp;әлеуметтік эмоционалды оқыту дағдыларын дамытып, ағылшын тілін білу деңгейін арттыруға үлкен мүмкіндік алады.
<img src="https://kyzylorda-news.kz/wp-content/uploads/2020/12/01.png" alt="" />
<img src="https://kyzylorda-news.kz/wp-content/uploads/2020/12/3.png" alt="" />

Қызылорда: NIS шетелдік мектептермен серіктестікті кеңейтті

<a href="https://kyzylorda-news.kz/">Kyzylorda-news.kz.</a> 30 желтоқсанда балалар ІІ оқу тоқсанын аяқтайды. Қызылорда облысында ІІ оқу тоқсанда 53568 бала дәстүрлі түрде оқыса, үшінші оқу тоқсанда 71589 бала мектепке барып оқитын болады. Қазіргі таңда оқушылар тоқсан бойынша жиынтық бағалау жұмыстар тапсыруда. Бұл туралы бүгін облыстық білім басқармасының басшысы Ақзира Қасымова өңірлік коммуникациялар орталығында өткен брифингте мәлімдеді.
Оқушылар 11 күн демалады, яғни қысқы каникул уақыты 31 желтоқсан мен 10 қаңтар аралығында өтеді. Ал, ІІІ оқу тоқсаны 11 қаңтарда басталады. 1-5 сыныптар үшін кезекші топтар жұмыс істейді. Ал, бала саны 300-ден аспай мектептерде оқу дәстүрлі форматта ұйымдастырылады.
<blockquote>
 “Негізгі өзгешелік бар. 9,11 сынып оқушылары барлық сантиралық-эпидемилогиялық сақтай отырып аралас форматта, яғни дәстүрлі түрде мектепке барып оқитын болады. Бүгінгі күні 9-сыныпта 13252 оқушы, 11-сыныпта 7004 оқушы білім алатын болады. Бұл сыныптарда балалар негізгі пәндерді, яғни қорытынды емтихан мен ұлттық бірыңғай тестілеу кезіндегі міндетті компонентті пәндер бойынша білім алады”,-деді Ақзира Қасымова.
</blockquote>
Сонымен бірге ІІІ оқу тоқсанында мектептерде оқушылардың қашықтан оқу барысында игерілуі қажет оқу бағдарламасын толықтыру үшін 5 оқушыдан аспайтын топтарда консультациялар ұйымдастырылады.

Қызылордада үшінші оқу тоқсанда 71589 бала  мектепке барып оқиды

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a>&nbsp; Облыстық білім басқармасының ұйымдастыруымен Президенттің балаларға арналған жаңажылдық сыйлықтары табысталды.
Пандемия жағдайына сәйкес бір мезетте 200 баланың үйіне Аяз ата мен Ақшақар жаңажылдық тосынсый апарып, балаларға қуаныш сыйлады.Жаңа жылдық мерекеде білім басқармасының басшысы Ақзира Қасымова ата-анасының қамқорлығынсыз қалған №101 мектеп-лицейінің оқушысының үйіне барып, жаңа жылмен құттықтап, жылы лебізін білдірді.
Балаларға қуаныш сыйлайтын ерекше мерекеде басқарма қызметкерлері, аудандық білім бөлімдерінің басшылары оқушыларға ілтипат білдіріп, мерекені сезіндірді.
Президент атынан ұсынылған сыйлықта bilim book кешені, 6 айға тегін интернет роутер мен тәтті сыйлық бар.
<img src="https://kyzylorda-news.kz/wp-content/uploads/2020/12/132885369_1197134514015392_4892164731007243498_n.jpg" alt="" />
<img src="https://kyzylorda-news.kz/wp-content/uploads/2020/12/132944549_1197134454015398_2473078628269257064_n.jpg" alt="" />
<img src="https://kyzylorda-news.kz/wp-content/uploads/2020/12/132904661_1197134520682058_5733010157509071437_n.jpg" alt="" />
<img src="https://kyzylorda-news.kz/wp-content/uploads/2020/12/133358494_1197134457348731_8790343704431181280_n.jpg" alt="" />

Қызылорда: Президенттің балаларға арналған жаңажылдық сыйлықтары табысталды

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a> 2021 жылдың қаңтарынан барлық педагогтің жалақысы тағы 25 пайызға өседі. Бұл туралы білім және ғылым министрі Асхат Аймағамбетов мәлімдеді, деп хабарлайды <a href="https://sputnik.kz/society/20201224/15832657/ministr-mugalimder-zhalaqy.html">Sputnik Қазақстан.</a>
<blockquote>
 “Биыл президент біздің алдымызға мұғалімдердің жалақысын 25 пайызға өсіру міндетін қойған еді. Біз тапсырманы орындадық. Келесі жылы қаңтар айынан бастап барлық педагогтің жалақысы тағы 25 процентке көбейеді”, – деді Аймағамбетов орталық коммуникациялар қызметінде өткен баспасөз мәслихатында.
</blockquote>
Ол тек мектеп мұғалімдерінің емес, балабақша, колледж, қосымша білім беру жүйесінің педагогтерінің айлығы көтерілетінін атап өтті.
Оқи отырыңыз: Қазақстанның үздік мұғалімдеріне 2,7 млн теңге табысталды
Бұдан бөлек, министр білім жүйесінде басқа да қосымша ақылар барын еске салды.
Мәселен, біліктілік санатына қарай мұғалім өз жалақысының 30-50 процентіне дейін қосымша ақы алады. Егер ол шебер болса, ай сайын еңбекақысының 50 пайызына дейін үстемеақы беріледі.
Сондай-ақ, пәнді ағылшын тілінде беру, сынып жетекшілігі, дәптер тексергені үшін қосымша ақылар қарастырылған.

Білім министрі қаңтардан бастап мұғалімдердің жалақысы қаншаға өсетінін айтты

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a> ҚР Білім және ғылым министрі Асхат Аймағамбетов келесі жылы оқу бағдарламасына енетін «Әліппенің» қандай қаріпте жарық көретінін айтып берді, деп хабарлайды <a href="https://lenta.inform.kz/kz/alippe-kirill-karpinde-shygady-bilim-ministri_a3733769">ҚазАқпарат.</a>
<blockquote>
 «Біздің алдымызда тұрған мақсат – осы «Әліппемізді» ертерек оқу бағдарламасына кіргізу. Латын әліпбиі бойынша тиісті шешім қабылданды, бұл шешім бойынша латын әліпбиіне көшу жұмыстары кезең-кезеңімен өтетін болады. Ал бізге келесі жылдан бастап, «Әліппемен» оқи бастау керек. Сондықтан, келесі жылы қабылданып, енгізілетін «Әліппе» кирилл қарпінде болады. Одан кейін мектептерде кезең-кезеңімен латын әліпбиіне көшу жұмысы басталғанда, әрине «Әліппені» де латын қарпіне көшіреміз. Бұл жалпы қиын шаруа емес. Ең бастысы – бағдарлама және оқулықтардың мазмұны. Бұл мәселелер қазіргі уақытта шешіліп қойған», – деп жауап берді Білім министрі тілші сұрағына.
</blockquote>
Айта кетейік, биыл тамыз айында ҚР Білім және ғылым министрі Асхат Аймағамбетов мектеп бағдарламасына сәйкес, 1-сыныптарға 1-2 тоқсан «Әліппе», 3-4 тоқсан&nbsp;<a href="https://www.inform.kz/kz/okushylar-alippeni-kay-kezden-bastap-okidy_a3685957">«Ана тілі»</a>&nbsp;енгізілетінін айтқан еді.
«Әліппені» енгізу&nbsp;<a href="https://www.inform.kz/kz/2021-zhyly-alippe-engiziledi-bilim-ministrligi_a3713547">2021-2022 оқу жылына</a>&nbsp;жоспарланып отыр.

«Әліппе» кирилл қарпінде шығады – Білім министрі

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a> Бүгін Қызылорда облысының әкімі Гүлшара Әбдіқалықова орынбасары Бақыт Жахановты қабылдап, өңірдегі әлеуметтік-экономикалық даму көрсеткіштерді саралады.
Кездесу барысында Бақыт Жаханов әлеуметтік бағыттағы негізгі индикаторлардың орындалу бойынша есеп берді. Сондай-ақ, алдағы 2021 жылға арналған әлеуметтік басым бағыттағы жоспарларды тарқатып өтті.
Жыл ішінде негізгі әлеуметтік саланың бірі білім беру бағытында мемлекеттік бағдарламалардағы көрсеткіштер толық орындалған. Айталық, 1-6 жастағы балаларды балабақшамен қамту жоспары 81 пайызды құрауы керек болса, 11 айдағы нәтиже 84,9%-ға жеткен. Ал, 3-6 жастағы балаларды қамту 100 пайыз орындалған. Биылғы жылы 70 орынға арналған 3 мектепке дейінгі білім беру ұйымы ашылды. Ал, 2021 жылға қарай 1500 орынды құрайтын 18 жеке балабақша, 610 орындық 34 қосымша топ ашу межесі тұр.
Биыл өңірдегі 3 апатты мектепті жою бағытында жаңа 140 орындық бір мектеп пайдалануға беріліп, 600 орындық мектеп құрылысы іске асуда. Жеке-мектептердің үлесі артып, аймақта 500 орындық жаңа «Зерде» мектебі ашылды. Сонымен бірге 2021 жылы Арал ауданы, Сексеуіл кентінде 300 орындық, Жаңақорған ауданы, Майбекет мөлтек ауданында 300 орындық мектеп ел игілігіне беріледі. Мұнан бөлек, келесі жылы Арал қаласындағы №71 мектептің құрылысы басталады. Ал, Қызылорда қаласынан «Бәйтерек» мөлтек ауданынан 600 орындық, жеке инвестор есебінен Саяхат мөлтек ауданынан 300 орындық мектеп құрылысы іске асуда.
Арнайы Жол картасы арқылы өңірде бір жыл ішінде 48 балабақша мен 43 мектепте инклюзивті кабинеттер ашылған. Сондай-ақ, биылғы жылы 4067 мектеп бітірушілердің 3470-і жұмысқа қабылданып, көрсеткіш 85,3 пайызға жеткен.
Денсаулық сақтау саласында да негізгі көрсеткіштерді орындау межесі 4 индикатор бойынша қорытындыланды. Аймақтық даму жоспарында өмір сүрудің орташа күтілетін ұзақтығы, ана, сәби және жалпы өлім-жітім көрсеткіштері талқыланды. Денсаулық сақтау саласын дамытудың 2020-2025 жылдарға арналған мемлекеттік бағдарламаның 15 көрсеткіші денсаулық сақтау саласына қатысты. Өңірде дәрігерлердің орташа айлық жалақысының көрсеткіші индикаторға сәйкес жүргізілген. 12 нысаналы индикаторға қол жеткізіліп, 2 индикаторға қол жеткізілмеді. Одан бөлек, 2020 жылдың 11 айымен медициналық ұйымдардың медициналық техникамен жарақтандыру көрсеткіші жыл қорытындысымен орындалады. Мұнан бөлек, 5 жасқа дейінгі балалар өлімінің коэффиценті 11,1 және неонатальды өлім көрсеткіші 6,9 межесін көрсетіп отыр. Бүгінгі күні аймақта ана мен бала бөлімі деңгейі бойынша нақты индикаторларда көзделген жұмыстар іске асырылуда.
Аймақта халықты жұмыспен қамтудың белсенді шаралары нәтижесінде бүгінгі күні 20 мыңға жуық жаңа жұмыс орындары ашылып, оның 14 мыңы тұрақты жұмыс көзін құрап отыр. Сонымен бірге «Еңбек» бағдарламасына 35 мыңнан астам азамат тартылған. Ал, дағдарысқа қарсы шара ретіндегі қабылданған 2020-2021 жылдарға арналған «Жұмыспен қамту Жол картасы» аясында 291 жоба іске асырылып, 9944 адам еңбекпен қамтылған. Бағдарлама аяқталғаннан кейін жаңа нысандардың құрылысы арқылы 452 тұрақты жұмыс орындары ашу көзделіп отыр. Өтпелі қиындықтарға қарамастан өңірдегі жұмыссыздық деңгейі 4,9 пайыз деңгейінде сақталып тұр.
Өңірде жұмыс берушілердің сұранысына сәйкес қысқа мерзімді оқыту бойынша 1036 жұмыссыз азамат жолданса, «Бастау-бизнес» жобасы шеңберінде «Кәсіпкерлік негіздеріне оқыту» курсын 2181 азамат аяқтап, 823 адам шағын несие алды. Ал, 4692 адам жаңа бизнес идеяларды іске асыруға қажетті мемлекеттік грант алып, өз кәсібін ашты.
Қызылорда аймағында мүгедек адамдардың құқығын қорғау мен өмір сүру сапасын жақсартуға арналған 2025 жылға дейінгі 10 бағыт, 66 іс-шараны қамтитын «Жол картасы» қабылданды. Бұл ретте бөлінген қаражат нәтижесінде облыс бойынша жеке оңалту бағдарламасының орындалуы 83,6 пайызға жетіп, Қызылорда облысы республика бойынша 6-орынға шықты.
Еңбек заңдылығын сақтау бойынша тиісті тексеріс жұмыстары да қорытындылануда. Бүгінгі күні еңбек заңнамасындағы заң бұзушылықтар бойынша жұмыс жүргізіліп, межеленген міндеттер іске асуда. 2020 жылғы 11 айда ықпал ету шаралары нәтижесінде 18 кәсіпорынның 4634 жұмыскерлеріне 616,7 млн теңге жалақы қарызы төленді.
2019 жылғы кезеңді салыстырғанда ағымдағы жылғы 11 айда жазатайым оқиғалар саны 34%-ға, зардап шеккен адамдар саны 16%-ға, қаза болған адамдар саны 61% -ға азайған.
Кездесу соңында облыс әкімі Гүлшара Әбдіқалықова негізгі тірек салаларды дамыту бағытындағы жұмыстарды жалғастыруды және 2021 жылы іске асатын жобаларды қарқынды түрде жүргізіп, халықты жұмыспен қамтуда белсенді шараларды жүргізуді тапсырды.

Гүлшара Әбдіқалықова әлеуметтік салаларда атқарылған жұмыстарды саралады

Kyzylorda-news.kz. Қызылордада «I-VENT» инновациялық және бизнес жобалар форумы өтті.
Форумға облыстағы колледждер мен жоғары оқу орындарының студенттері және жалпы орта білім беру ұйымдарының жоғары сынып оқушылары қатысты.
Іріктеу кезеңіне 27 жоба келіп түскен болатын. Соның ішінен 7 жоба үздік деп танылып бүгін комиссия құрамы алдында сарапқа түсті.
Форумның мақсаты – студенттер мен оқушылардың шығармашылық белсенділігі мен креативті ойлауын, кәсіпкерлік саласындағы практикалық дағдыларды дамыту, ғылыми қызметте қабілет танытқан менеджмент қалыптасуына арқауболу. Сонымен қатар, ең дарынды оқушылар мен студенттерді анықтау және қолдау, әлемдегі қарқынды өзгерістер жағдайында бәсекеге қабілетті адами капиталды дамыту.
Бүгінгі қорытынды шара барысында үздік жоба иелері орталықтың алғыс хатымен марапатталып, арнайы сыйлықтарға ие болды. Сондай-ақ Қорқыт ата атындағы Қызылорда мемлекеттік университетінің “Бизнес” курсына сертификаттар берілді. Жеңімпаздарға ғылыми жетекшілер тағайындалып, жұмысты ары қарай зерттеуге мүмкіндік туды.
<blockquote>
 “Еліміздің келешегі ғылым мен білімде. Оны өркендетуге осындай жастардың қосары үлесі сүбелі болары сөзсіз. Облыстық «Рухани жаңғыру» орталығы, Қорқыт Ата атындағы Қызылорда университеті және «Болашақ» университеттерінің ұйытқы болуымен өткен ілкімді шара жалғасын таба бермек”, – дейді орталық мамандары.
</blockquote>
<img src="https://kyzylorda-news.kz/wp-content/uploads/2020/12/img-20201224-wa0001.jpg" alt="" />
<img src="https://kyzylorda-news.kz/wp-content/uploads/2020/12/img-20201224-wa0000-1.jpg" alt="" />

Қызылордада «I-VENT» инновациялық және бизнес жобаларының форумы өтті

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласындағы Назарбаев Зияткерлік мектебінің «Самға» би тобы Лондонда өткен халықаралық шығармашылық фестивалінде 1-орын иеленді.&nbsp;
Қашықтан ұйымдастырылған шарада көптеген мемлекеттің шығармашалық топтарымен бақ сынасқан жас зияткерлер қазақ биін орындап, үздік деп танылды.
Сондай-ақ, ұлттық өнерді әлемге танытуда&nbsp; 11-сынып оқушысы Баян Сарибаева жеке орындауда ерекшеленді. Польшаның&nbsp; «DIGI-TALENTY. JESIEN-2020» халықаралық фестивалінде «Қыз қиялы» атты&nbsp; би қойылымымен бірінші дәрежелі диплом иегері атанды.&nbsp;&nbsp;&nbsp;
Айта кетейік,&nbsp;«Самға» би тобы Зияткерлік мектеп жанынан құрылған. Бүгінде ұжымның 50-ден астам белсенді&nbsp; мүшесі&nbsp; әртүрлі жанрдағы хореографияны меңгеріп, мәдени мұраны насихаттап келеді.
Ұжымның жетекшілері кәсіби хореографтар Жұлдызай Мауленова мен Ақмарал Алибекова оқушылардың жан-жақты және шығармашылық потенциалын дамытуда зор үлес қосып келеді.
Балалардың талантын ашуда және ұлттық өнерді&nbsp; жаңғыртудағы еңбектері үшін педагогтары да ұйымдастырушылардың Алғыс хаттарымен марапатталды.
<img src="https://kyzylorda-news.kz/wp-content/uploads/2020/12/whatsapp-image-2020-12-22-at-16.44.47-1.jpeg" alt="" />

Қазақстан және Қызылорда облысының жаңалықтары: Білім

Қызылорда: Мұғалімдердің айлығы 25 пайызға өсті

Қызылорда: Былтыр мұғалімдердің 55%-нің жалақысы артты

“Ақмешіт” институты мен “Болашақ” университеті аутсайдерлер қатарында

Депутаттар Білім және ғылым министрлігін екі бөлімге бөлуді ұсынады

Қызылорда: NIS шетелдік мектептермен серіктестікті кеңейтті

Қызылордада үшінші оқу тоқсанда 71589 бала мектепке барып оқиды

Қызылорда: Президенттің балаларға арналған жаңажылдық сыйлықтары табысталды

Білім министрі қаңтардан бастап мұғалімдердің жалақысы қаншаға өсетінін айтты

«Әліппе» кирилл қарпінде шығады – Білім министрі

Гүлшара Әбдіқалықова әлеуметтік салаларда атқарылған жұмыстарды саралады

Қызылордада «I-VENT» инновациялық және бизнес жобаларының форумы өтті

Қызылорда: «Самғаның» бишілері Польша мен АҚШ-та топ жарды

Қазақстан және Қызылорда облысының жаңалықтары: Білім

Қызылорда: Мұғалімдердің айлығы 25 пайызға өсті

Қызылорда: Былтыр мұғалімдердің 55%-нің жалақысы артты

&#8220;Ақмешіт&#8221; институты мен &#8220;Болашақ&#8221; университеті аутсайдерлер қатарында

Депутаттар Білім және ғылым министрлігін екі бөлімге бөлуді ұсынады

Қызылорда: NIS шетелдік мектептермен серіктестікті кеңейтті

Қызылордада үшінші оқу тоқсанда 71589 бала мектепке барып оқиды

Қызылорда: Президенттің балаларға арналған жаңажылдық сыйлықтары табысталды

Білім министрі қаңтардан бастап мұғалімдердің жалақысы қаншаға өсетінін айтты

«Әліппе» кирилл қарпінде шығады – Білім министрі

Гүлшара Әбдіқалықова әлеуметтік салаларда атқарылған жұмыстарды саралады

Қызылордада «I-VENT» инновациялық және бизнес жобаларының форумы өтті

Қызылорда: «Самғаның» бишілері Польша мен АҚШ-та топ жарды

“Ақмешіт” институты мен “Болашақ” университеті аутсайдерлер қатарында