<a href="https://kyzylorda-news.kz/">Kyzylorda-news.kz.</a> Білім және ғылым министрі Асхат Аймағамбетов барлық университеттердің ректорларына қашықтан оқыту кезінде студенттерге қойылатын талаптарды түсіндіруді тапсырды, деп хабарлайды <a href="https://lenta.inform.kz/kz/ministr-rektorlarga-kashyktan-okytuda-studentterge-koyylatyn-talaptardy-tusindirudi-tapsyrdy_a3727571">ҚазАқпарат</a>.
Айта кетейік, бүгін Білім және ғылым министрлігінің аппарат жиналысында Л.Н. Гумилев атындағы Еуразия ұлттық университетіндегі қысқы емтихандар сессиясына дайындық тақырыбы қаралды.
<blockquote>
 «Тек қана бір университеттің өзінде қашықтан оқыту форматына көшу үшін қомақты қаржат бөлінді. Яғни, қашықтан оқытуға көшу үшін біраз жұмысты атқару қажеттігі болды. Оның ішінде техникалық жұмыстар бар. Сондықтан тек Л.Н. Гумилев атындағы Еуразия ұлттық университетінде ғана емес, басқа да оқу орындарында да ауқымды жұмыстар қабылданды», – деді министр.
</blockquote>
Бұл тұрғыда ол білім беру сапасын төмендетіп алмау қажеттігін айтты.
<blockquote>
 «Дәстүрлі оқыту мен қашықтан оқыту форматындағы сапа бірдей деп айту қиын. Біздің алдымызда тұрған басты мақсат – ол бұл сапаны төмендетпеу үшін барлық қажетті жұмыстарды атқару», – деді ведомство басшысы.
</blockquote>
Сонымен қатар министр қысқы емтихандар сессиясына дайындық мәселесіне тоқталды. Осы орайда пайдаланылатын жүйені студенттерге егжей-тегжей түсіндіру тапсырылды.
<blockquote>
 «Академиялық адалдық қағидаларын сақтау маңыздылығы бар. «Қашықтан тапсырып жатырмын, ешкім көрмей тұр» деп көшіріп алу немесе басқа да мәселелер болса, одан кейін ол студенттердің нәтижелері бекітілмесе, сұрақтар туындайтыны белгілі. Сондықтан жүйелердің мүмкіндіктерін, онымен жұмыс істеу тәртібін, жауапкершілік жағын студенттер арасында түсіндіру жұмысын жүргізуді тапсырамын. Әр университеттің басшылығы студенттерге қатысты барлық түсіндіру жұмыстарын атқаруы керек», – деді А. Аймағамбетов.
</blockquote>

Білім министрі ректорларға қашықтан оқытуда студенттерге қойылатын талаптарды түсіндіруді тапсырды

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаев Қазақстан Республикасының әл-Фараби атындағы ғылым мен техника саласындағы 2020 жылғы мемлекеттік сыйлығын беру туралы жарлыққа қол қойды.&nbsp;
<h3 id="nbsp">Металлургия&nbsp;</h3>
“Ыстыққа төзімді қорытпалар мен олардың негізінде бөлшектер өндіру және өңдеу үшін жаңа буын технологияларын әзірлеу” тақырыбындағы жұмыс үшін алты ғалым марапатталды:
Аристотель Зейноллаұлы Исағұлов – “Қарағанды техникалық университеті” коммерциялық емес акционерлік қоғамының атқарушы директоры, техника ғылымдарының докторы, профессор, Қазақстан ұлттық жаратылыстану ғылымдары академиясының академигі;
Гүлнар Сантайқызы Жетесова – “Қарағанды техникалық университеті” коммерциялық емес акционерлік қоғамының бірінші проректоры, техника ғылымдарының докторы, профессор, Қазақстан ұлттық жаратылыстану ғылымдары академиясының академигі;
Марат Кеңесұлы Ибатов – “Қарағанды техникалық университеті” коммерциялық емес акционерлік қоғамы басқарма төрағасының міндетін атқарушы – ректоры, техника ғылымдарының докторы, профессор, Қазақстан ұлттық жаратылыстану ғылымдары академиясының академигі, Қазақстан Республикасы Ұлттық инженерлік академиясының академигі;
Светлана Сергеевна Квон – “Қарағанды техникалық университеті” коммерциялық емес акционерлік қоғамының “Нанотехнологиялар және металлургия” кафедрасының профессоры, техника ғылымдарының кандидаты, профессор;
Виталий Юрьевич Куликов – “Қарағанды техникалық университеті” коммерциялық емес акционерлік қоғамының “Нанотехнологиялар және металлургия” кафедрасының меңгерушісі міндетін атқарушы, техника ғылымдарының кандидаты, профессор;
Төлеутай Ысқақұлы Сүлейменов – “Қарағанды техникалық университеті” коммерциялық емес акционерлік қоғамының “Ресурстар мен минералды шикізатты кешенді игеру” инженерлік бейінді сынау зертханасының жетекші ғылыми қызметкері, саяси ғылымдарының докторы.
<h3 id="">Медицина</h3>
“Инновациялық жасушалық технологияларды әзірлеу және клиникалық медицинаға енгізу” тақырыбындағы жұмыс үшін жеті ғалым марапатталды:
Абай Қабатайұлы Байгенжин – “Ұлттық ғылыми медициналық орталық” акционерлік қоғамының басқарма төрағасы, медицина ғылымдарының кандидаты;
Манарбек Бапұлы Асқаров – “Ұлттық ғылыми медициналық орталық” акционерлік қоғамының Жасушалар технологиясы мен транспланттау орталығының жетекшісі,&nbsp; медицина ғылымдарының докторы, профессор;
Мақсат Әскерұлы&nbsp; Жантұрғанов – “Ұлттық ғылыми медициналық орталық” акционерлік қоғамының атқарушы директоры, медицина ғылымдарының кандидаты;
Еңлік Әбдікәрімқызы Қадырова – “Ұлттық ғылыми медициналық орталық” акционерлік қоғамының басқарма төрағасының бірінші орынбасары, медицина ғылымдарының кандидаты;
Темірлан Сібірұлы Кәрібеков – “Ұлттық ғылыми медициналық орталық” акционерлік қоғамы басқарма төрағасының медициналық қызмет және ғылым жөніндегі орынбасары, медицина ғылымдарының докторы;
Болат Ғаббасұлы Көпенов – “Ұлттық ғылыми медициналық орталық” акционерлік қоғамының атқарушы директоры, медицина ғылымдарының кандидаты;
Самат Сағатұлы Сапарбаев – “Марат Оспанов атындағы Батыс Қазақстан медицина университеті”&nbsp; коммерциялық емес акционерлік қоғамының стратегиялық даму, ғылым және халықаралық ынтымақтастық жөніндегі проректоры, медицина ғылымдарының кандидаты.
<h3 id="-1">Математика</h3>
“Бейлокальды дифференциалды операторлар теориясына” тақырыбы бойынша жұмыстар циклі үшін екі ғалым марапатталды:
Махмуд Әбдісәметұлы Садыбеков – Қазақстан Республикасының Білім және ғылым министрлігі Ғылым комитетінің “Математика және математикалық модельдеу институты” республикалық мемлекеттік кәсіпорнының бас директоры, Қазақстан Республикасы Ұлттық ғылым академиясының корреспондент мүшесі, физика-математика ғылымдарының докторы, профессор;
Сұраған Дурвудхан – Қазақстан Республикасының Білім және ғылым министрлігі Ғылым комитетінің “Математика және математикалық модельдеу институты” республикалық мемлекеттік кәсіпорнының бас ғылыми қызметкері, Қазақстан Республикасы&nbsp; Ұлттық&nbsp;&nbsp; ғылым&nbsp;&nbsp; академиясының&nbsp; корреспондент&nbsp; мүшесі,&nbsp;философия докторы (PhD), қауымдастырылған профессор.

Ғылым мен техника саласындағы мемлекеттік сыйлықтың иегерлері анықталды

<a href="https://kyzylorda-news.kz/">Kyzylorda-news.kz</a>. Қызылорда гарнизонына қарасты әскери бөлімде жаңа оқу жылы қарсаңында санитарлық-эпидемиологиялық талаптар мен нормаларды сақтай отырып, алғашқы мемлекеттік және құқықтық дайындық сабақтары өтті.
Дәстүр бойынша әскери қызметшілер үшін жаңа оқу жылы мемлекеттік және құқықтық дайындық сабағынан басталады. Аталған сабақты бөлімнің командирлері өткізеді. «Ел Президенті – Қазақстан Республикасы Қарулы Күштерінің Жоғарғы Бас Қолбасшысы елдің әскери қауіпсіздігін қамтамасыз ету және жоғары жауынгерлік әзірлікті қолдау туралы Қарулы Күштердің 2020-2021 оқу жылына арналған міндеттері» тақырыбындағы алғашқы сабақты бөлім командирі подполковник Ербол Әбдірайым өзі жүргізді. Ол 2020 жылды қорытындылап, жеке құрамға алдағы 2021 жаңа оқу жылына бірқатар міндеттер қойды.
<blockquote>
 «Қарулы Күштерде «Ұлы дала әскері – Тәуелсіздік тірегі» ұранымен өтетін алдағы жаңа оқу жылына жоспарланған жауынгерлік дайындық жаттығулары көп. Бірқатар түрлі жедел-тактикалық оқу-жаттығулар, әскердегі дәстүрлі Халықаралық ойындар сияқты іс-шараларға тең дәрежеде қатысуымыз керек. Өткен оқу жылында жеткен жетістіктерді сақтап қалуымыз да басты назарда болғаны жөн», – деп әскери бөлім командирі, подполковник Ербол Әбдірайым бөлім басшылығына тапсырмалар берді.
</blockquote>
Қызылорда гарнизоны әскери бөлімінің әскери қызметшілері келесі жылы әскери қызметтердің сапалы жауынгерлік дайындығын және әскери тәртіпті сақтауға дайын.

Қызылорда гарнизонына алғашқы мемлекеттік және құқықтық дайындық сабағы өтті

<a href="https://kyzylorda-news.kz/">Kyzylorda-news.kz</a>. Бүгін қала әкімінің орынбасары Асқарбек Есжанов пандемия кезіндегі қиын кезеңде қоғамның пайдасы үшін игі істер жасаған ұстаздарды қабылдап, шаһар басшысының алғысын жеткізді.
Шарада Асқарбек Темірбекұлы ел басына күн туған шақта қала аумағына кіріп-шығу жолдарына қойылған санитарлық бақылау бекеттерінде бір кісідей жұмылып, аяқтан тік тұрып қызмет еткен белсенді азаматтарға алғысын білдіріп, ризашылығын жеткізді. Ел амандығы үшін қызмет еткен жандардың алдағы уақытта да белсенді азаматтық ұстанымдарын қаланың дамуына жұмсап, қаладағы әрбір шараға бастамашыл болатынына сенім білдіріп, республика аумағында төтенше жағдай жарияланған кезеңде өз өмірлерін қауіпке тігіп, барлық сақтық шараларын сақтай отырып, халыққа тікелей қызмет көрсеткен мұғалімдерді қала әкімінің алғыс хатымен марапаттады.
Жиын соңында қала әкімінің орынбасары жас ұрпақты ғана емес, бүкіл болашақ қоғамды қалыптастыратын мәртебелі мамандық иелеріне шығармашылық ізденістер мен ғылыми жетістіктер тіледі.
<img src="https://kyzylorda-news.kz/wp-content/uploads/2020/12/129094681_2723358504597557_8828867389061020407_o-1.jpg" alt="" />

Қызылордада мұғалімдер марапатталды

Kyzylorda-news.kz. Қызылорда қаласындағы білім ордаларынан өзінің өзгеше сипаттағы білім беру стилі мен баланың білім алуға құштарлығын арттыратын идеяларымен ерекшеленетін С.Лапин атындағы №261 мектебі оқушыларын тағы да қуантуда.
Бүгінде 2 300 оқушысы бар үлкен ұжым “Сoworking” орталығы мен “Сinema room” бөлмесінің ашылуын атап өтті.
Бұл мектеп кітапханасының жаңа форматы. Тың идеяны жүзеге асырған мектеп директоры Қарлығаш Әбдірахманова кітапхананың заманауи жабдықталып, ыңғайлы әрі қызықты болуы оқушының өзіндік шығармашылығын дамытып, оқуға қызығушылығын арттыратындығын, осылайша білім сапасын көтеруге мүмкіндік алатындығына тоқталды.
Кітапхана жұмысы 5 бағытқа бөлінген, яғни аптаның әр күнін түрлі, қызықты, әрі пайдалы өткізуге мүмкіндік береді. Оқуға құштар мектептің тағы бір жаңа қыры, мектепте “Буккроссинг” бұрышы ұйымдастырылған. Мектеп қабырғалары көрнекті ойшылдар мен ғұламалардың мұрасымен өрнектелген. Электронды оқулықтар мен 3 700 көркем әдебиет қоры бар.
Жаңалыққа толы білім ордасы алдағы уақытта мектептің көркем әдебиет қорын жаңартып, кітапхананы цифрландыруға көшіруді жоспарлауда.
Айта кету керек, ашылу рәсіміне арнайы құттықтап келген “Авто-лидер Қызылорда” ЖШС директоры, жас кәсіпкер Нурболат Ибраев «Grand мастер» it бағдарламалық мектебінің директоры Алмат Қуанышбаев және Облыстық жастар орталығының бөлім басшысы, “Кітап құрттары” клубының жетекшісі Талғат Меңдібаев ұжымға сәттілік тіледі.
<img src="https://kyzylorda-news.kz/wp-content/uploads/2020/11/fb_img_1606538972697.jpg" alt="" />
<img src="https://kyzylorda-news.kz/wp-content/uploads/2020/11/fb_img_1606538980063.jpg" alt="" />
<img src="https://kyzylorda-news.kz/wp-content/uploads/2020/11/fb_img_1606538968595.jpg" alt="" />
<img src="https://kyzylorda-news.kz/wp-content/uploads/2020/11/fb_img_1606538990432.jpg" alt="" />
<img src="https://kyzylorda-news.kz/wp-content/uploads/2020/11/fb_img_1606538982370.jpg" alt="" />

&#8220;COWORKING &#038; CINEMA ROOM&#8221; мектептерге жол тартты

**<a href="https://kyzylorda-news.kz/">Kyzylorda-news.kz</a>. «Бүгінгі заман білектілердің емес, білімділердің заманы» екенін шын ұққан ауыл балаларына әлемді дүрліктірген пандемия мен шалғай ауылдардағы интернет жылдамдығының төмендігі әсер етпеді. *«Myń Bala»* Ұлттық олимпиадасына қатысуға ниет білдірген оқушылар соның дәлелі.**
Биылғы оқу жылында білім бәсекесінде 395 мың бала бақ сынады. І және ІІ тоқсандарындағы математика, жаратылыстану, информатика, қазақ тілі, орыс тілі және ағылшын тілі пәндері үлгерімінің нәтижесі бойынша 5000 оқушы іріктеледі. Бірінші кезеңнен сәтті өткен үміткерлер олимпиада қатысушысы ретінде, екінші кезеңге жолдама алды.
Зияткерлік сайысында бағы жанып, білім бәйгесінде озып келген Қызылордадағы ауыл мектептерінің 301 оқушысы екінші кезеңге жіберілді. Олимпиаданың екінші кезеңінде оқушылардың когнитивті дағдылары сынаққа алынады. Яғни үміткерлердің логикалық және кеңістіктік ойлау қабілеттерін анықтайтын тапсырмалар беріледі.
Ұлттық олимпиаданың екінші кезеңіне жолдама алған дарынды оқушылардың қатарында Ақбасты елді мекеніндегі №22 орта мектептің 6 сынып оқушысы Ұлмекен Советова да бар.
Ақбасты ауылы Арал қаласынан 700 шақырым жерде орналасқан. Мұнда қаладағыдай үй үйге тартылған ғаламтор жоқ. Ауылда интернет жүйесі тек мектепке орнатылған. Соған қарамастан ұстаздары жаңашылдыққа құмар, балалары білімге құштар.
Ұлмекен де осы топырақта дүниеге келіп, аталған мектепте білім алуда. &nbsp;Ерекше қабілетін байқатқан жас өрен – бұған дейін де бірнеше пәннен олимпиада жеңімпазы. Сонымен қатар мектеп жанындағы үйірмелерге қатысып, қоғамдық жұмыста да белсенділігін танытып жүр.
<blockquote>
 «Менің мақсатым сапалы білім алып ата-анам мен ұстаздарымның үмітін ақтау. Білім мен тәрбиені қатар беріп жатқан ұстаздарыма алғысым шексіз. Себебі олар біздің қабілетімізді танып, мектепішілік шаралармен шектеліп қалмай аудандық, облыстық, республикалық сайыстардан қалдырмайды. Ондай байқаулардан біздің үйренеріміз көп әрине. Мен білімімді үздіксіз жетілдіріп дарынды балаларға арналған арнайы мектептерде оқығым келеді. Болашақта мұғалім болсам деймін»,- дейді Ұлмекен Советова.
</blockquote>
Қазіргі таңда озат қыз Елбасы Академиясындағы “Birge oqý” онлайн мектепте үздік ұстаздардан білім алып жүр. Ұлмекеннің білімге деген ерекше құштарлығы мен жетістікке жету жолындағы еңбекқорлығын ұстаздары жоғары бағалайды.
<blockquote>
 «Ұлмекен 6 сыныпта оқиды. Жас та болса білімге құштарлығы бізді қуантады. Дарынды жеткіншек өзінің қабілет-қарымының арқасында аудандық, облыстық пән олимпиадаларында білімін дәлелдеп үлгерді. Шығармашылық қабілетін байқап мектеп жанындағы «Жас қалам» үйірмесінде қосымша қабілетін жетілдіріп те жүр. Зерек, еңбекқор оқушымның әлі талай белесті бағындыратынына сенім мол. «Мың бала» Ұлттық зияткерлік олимпиадасының басты ерекшелігі – бұл тек ауыл оқушыларына арналғандығында болып отыр ғой. Бұл білім додасы біз үшін үлкен мүмкіндік», – дейді ұстазы Бағила Сламбаева.&nbsp;
</blockquote>
Айта кетейік, «Myń Bala» Ұлттық олимпиадасын Қазақстан Республикасының Тұңғыш Президент қоры мен «Елбасы Академиясы» корпоративтік қоры Елбасының «Ел Yмiтi» бастамасын жүзеге асыру аясында&nbsp; жыл сайын ұйымдастырады.&nbsp; Ауыл балаларын қолдау мақсатында өткізіліп келе жатқан байқауға елді мекендегі мектептердің 5-6 сынып оқушылары қатыса алады. Білім бәсекесі 1000 дарынды баланы анықтайды. Олар білімін республикалық физика-математика мектебі, “Білім-инновация” лицейлері мен “Дарын” мектептерінде жалғастыруға мүмкіндік алады.
Фариза ОМАРОВА

Интернеті жоқ шалғай ауылдың оқушысы Ұлттық олимпиаданың екінші кезеңіне өтті

<a href="https://kyzylorda-news.kz/">Kyzylorda-news.kz</a> Қызылорда қаласындағы Назарбаев Зияткерлік мектебінің оқушылары белгілі жыршы-термеші, Қызылорда облыстық филармониясының&nbsp; өнерпазы Марат Сүгірбаймен кездесті.
«Замандастар жырлары» тәрбиелік жобасы аясында қашықтан ұйымдастырылған шарада жас зияткерлер қара қобызбен жыраулық өнерді кеңінен дәріптеп жүрген, республикалық байқаулардың жеңімпазы Марат Сүгірбайдың өмірі және шығармашылығымен танысты. Сондай-ақ, қазақ халқының төл өнері жайында тарихи деректерге толы тағылымды&nbsp; әңгімелерін тыңдап, білім көкжиегін кеңейтті.&nbsp;&nbsp;
<blockquote>
 «Аталмыш жоба тәуелсіздіктен бергі, әр өлкенің белді ақын-жазушылары мен өнерлі тұлғаларын танып-білуге және жастар арасында кеңінен насихаттау мақсатында өткізіледі», — дейді педагог-ұйымдастырушы-куратор Әділжан Абажанов.
</blockquote>
&nbsp;«Мен — қазақпын» атты дәстүрлі әнші-термешілер мен күйшілер телебайқауында тұңғыш қобызшы ретінде танылған Сыр мақтанышы оқушылармен сұхбат барысында&nbsp; Қадыр Мырзалиевтің «Күлтегін» жырын орындап, тыңдарманның ерекше қызығушылығын оятты.&nbsp;
<blockquote>
 «Жыраулық өнер ұлттың рухани, педагогикалық, ағартушылық қызметін атқарады. Терме толғаулар тұнып тұрған насихат. Олар білімге туыстыққа, ынтымақтастыққа, бейбітшілікке, бір біріне мейрімді болуға үндейді. Біз осындай рухани қазынамызды, ұлтымыздың бояуы мен иісі сақталған құндылықтарымызды дәріптеп, бойымызға сіңіруіміз қажет», – дейді Сырдың жас сүлейі.
</blockquote>
Бір сағатқа созылған кездесуге 500-ден аса көрермен қосылып, өздерін толғандырып жүрген сауалдарына жауап алды. Оқушылар ата-бабалардың қобыз арқылы жеткізілген жалынды жырларының өскелең ұрпаққа берер тәлім-тәрбиесін мол екенін терең ұғынды.

Қызылордалық оқушылар  жыршы Марат Сүгірбаймен кездесті

<a href="https://kyzylorda-news.kz/">Kyzylorda-news.kz</a>.&nbsp;Студенттердің шәкіртақысы 2 есе, магистранттар мен докторанттардың шәкіртақысы 1,5 есе көбейеді. Бұл туралы Nur Otan партиясының кезектен тыс XX Съезінде ҚР Президенті Қасым-Жомарт Тоқаев айтты, деп хабарлайды <a href="https://lenta.inform.kz/kz/studentter-shakirtakysy-2-ese-kobeyedi-prezident_a3722800">ҚазАқпарат</a>.
<blockquote>
 «2025 жылға қарай жоғары білім алу үшін бөлінетін гранттың саны 50 пайызға артады. Бұл 75 мың жас азаматымыз жоғары білімді тегін алады деген сөз», – деді ҚР Президенті.
</blockquote>
Сонымен қатар Мемлекет басшысы студенттерге материалдық қолау көрсету ісі жалғаса беретінін баса айтты.
<blockquote>
 «Студенттер шәкіртақысы – 2 есе, магистранттар мен докторанттардың шәкіртақысы – 1,5 есе көбейеді. 2025 жылға қарай колледждер мен университеттердің жатақханасындағы орын саны кем дегенде 50 мыңға артады», – деді Қасым-Жомарт Тоқаев.
</blockquote>

Студенттер шәкіртақысы 2 есе көбейеді &#8211; Президент

<a href="https://kyzylorda-news.kz/">Kyzylorda-news.kz</a>. Бүгін елордадағы Орталық коммуникациялар қызметінде өтіп жатқан брифингте Қызылорда облысының әкімі Гүлшара Әбдіқалықова өңірде білім саласына қатысты атқарылып жатқан жұмыстарды баяндады.
<blockquote>
 «Білім беру саласында биыл 300 мектептің 225-і жаңа оқу жылын қашықтықтан оқытудан бастаса, ал, қазір 121 мектеп дәстүрлі режимде жұмыс істеуде, 40 мыңға жуық бала оқитын 2 мыңнан астам кезекші топ ашылды. Қашықтан оқытуға қажет мектеп теңгеріміндегі 14 мыңнан астам компьютер оқушыларға берілді. Бюджет қаражаты мен демеушілер есебінен 27 мыңға жуық компьютерлік техника сатып алынды, олар тұрмысы төмен отбасының балаларына табысталды. Апатты мектептерді жою бағытындағы жұмыстар жалғасуда. Жыл басында аймақта осындай 3 мектеп болды. Біз 140 орындық бір мектепті аяқтадық, тағы бір мектептің құрылысы жалғасуда. Келесі жылы үшінші мектептің құрылысын бастаймыз. Жекеменшік мектептердің құрылысы бойынша инвесторлармен жұмыс істеудеміз. Биыл 300 және 500 орындық тағы 2 мектеп салынуда. Жыл сайын осы салаға қаржы салуды арттырып келеміз. Биыл жоғары оқу орындарында аз қамтылған және көп балалы отбасылардан шыққандар мен ауыл балалары үшін берілетін грант саны 150-ге дейін өсті», – деп атап өтті Г.Әбдіқалықова.
</blockquote>

Облыс әкімі: «Білім беру саласына бөлінетін қаржы жыл сайын көбейе беретін болады»

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қызылордада кәмелетке толмағандардың істері және олардың құқығын қорғау жөніндегі облыстық комиссияның кезекті отырысы өтті. Оған Қызылорда облысы прокурорының бірінші орынбасары Талғат Әлібаев және Құқықтық статистика және арнайы есепке алу жөніндегі комитетінің Қызылорда облысы бойынша басқарма басшысының орынбасары Сәкен Ыдырыс қатысты.
Комиссия отырысында «Кәмелетке толмағандардың жыныстық қол сұғылмаушылығына қарсы жасалған қылмыстардың алдын алу бағытындағы&nbsp; профилактикалық шаралар», «Суицидтік мінез-құлқы бар «тәуекел тобындағы» балалар мен жасөспірімдерге көмек көрсету кезінде білім беру және денсаулық сақтау ұйымдары мамандарының өзара іс-қимыл алгоритмінің іске асырылуы», Кәмелетке толмаған балалар мен жасөспірімдердің мәдениет және өнер мекемелеріне қолжетімділігі туралы», «Кәмелетке толмағандардың істері және олардың құқықтарын қорғау жөніндегі аудандық комиссиялардың&nbsp; есебі», «Қызылорда облысының полиция департаментінің &nbsp;ұсыныстары» сынды мәселелері қаралды.
Аймақтағы кәмелетке толмағандармен жасалған қылмыстар мен оларға қарсы жасалған қылмыстардың орны алу себептері, қазіргі ахуал, атқаруға тиісті ұсыныстар бойынша&nbsp; облыс прокурорының бірінші орынбасары&nbsp;Талғат Әлібаев талдау жасады.
Құқықтық статистика және арнайы есепке алу жөніндегі комитетінің Қызылорда облысы бойынша басқармасының бөлім басшысы Е. Жукашев&nbsp;&nbsp; кәмелетке толмағандардың жыныстық тиіспеушілікке қарсы қылмыс жасағаны үшін қылмыстық жауапкершілікке тартылған есептегі адамдар туралы мәліметтерді жариялау және оны жариялаудан алудың тәртібі бойынша жан-жақты ақпарат берді.
Сондай-ақ,&nbsp; суицид мәселесі бойынша Қызылорда облысының денсаулық сақтау басқармасының басшысы Сәбит Пазилов, мәдениет және өнер мекемелерінің білім беру ұйымдарымен байланысы туралы&nbsp; Қызылорда облысының мәдениет, архивтер және құжаттама басқармасы басшысының орынбасары Нұршат Наурызбаева хабарлама жасады.
Жиында Қызылорда қаласы, Қармақшы, Жалағаш аудандары әкімдері орынбасарларының есептері тыңдалды.&nbsp; Комиссия шешімімен бірқатар тапсырмалар берілді.

Қызылордада кәмелетке толмағандардың істері жөніндегі облыстық комиссияның отырысы өтті

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Білім және ғылым министрі Асхат Аймағамбетов кітапханашылардың мәртебесін арттыру, еңбекақысын көтеру мәселесі қарастырылып жатқанын мәлімдеді.
Министрдің айтуынша, кітапханашылар педагогикалық кадрлар санатына енуі мүмкін.
<blockquote>
 “Кітапханашылардың мәртебесін арттыру, олардың еңбекақысын көтеру және жұмысының жаңа талаптарға сай болуын қайта қарастырып жатырмыз. Оларды педагогикалық кадрлар санатына енгізу бойынша бастама көтердік”, – деп жазды министр&nbsp;<a href="https://www.facebook.com/askhat.aimagambetov/posts/10217428996013090">Facebook</a>&nbsp;парақшасында.
</blockquote>
Сонымен қатар Аймағамбетов кітапхана ісіне қатысты да пікір білдірді. Айтуынша, кітапхана заманға сай жабдықталып, бала үшін ыңғайлы әрі қызықты болуы керек. Оқушы онда кітап оқумен қатар нетворкинг немесе шығармашылық даму дағдыларын игеруі қажет.
<blockquote>
 “Бүгінгі таңда көптеген мектеп кітапханаларының жұмыс форматы ешқандай сын көтермейді”, – деді министр.
</blockquote>
Сондай-ақ, жастардың ақпаратты цифрлық технологиялар арқылы пайдаланатынын ескеріп, алдағы уақытта кітапханаларды цифрландыру жоспары бар екенін жеткізді.
<blockquote>
 “Көркем әдебиеттің электронды нұсқаларын интернет және мобильді қосымшалар арқылы қолжетімді ету қажет. Мұндай жобалар қазірдің өзінде бар. Олардың авторларымен бірігіп жұмыс істемекпіз. Сондай-ақ, біз геймификация элементтерін қолдануды жоспарлап отырмыз”, – деді Аймағамбетов.
</blockquote>
Айтуынша, бұл міндеттерді шешу тек мектептердің ғана емес, сонымен қатар ата-аналардың да уақытын және күш-жігерін талап етеді. Сондықтан бұл жұмысты олар қолдайды деп үміттенемін, деп толықтырды ол.
Бүгінде білім және ғылым саласына қарасты 7 096 кітапхана жұмыс істейді. Мектептерде – 6 461, колледждерде – 579, жоғары оқу орындарында – 56, сондай-ақ республикалық ғылыми-педагогикалық кітапхана бар. Білім беру ұйымдарындағы жалпы кітап қоры – 267 325 289.
Сондай-ақ, көркем әдебиеттің балалар үшін қолжетімді болуы үшін министрлік арнайы жоба әзірлеген. Жоба аясында білім беру ұйымдарына қарасты кітапханалардың материалдық-техникалық және ақпараттық базасын жақсарту, балаларға арналған көркем әдебиетті жыл сайын сатып алу бойынша шаралар қабылданады.

Кітапханашылар педагогикалық кадрлар санатына енуі мүмкін

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;«Мақал айтып, өлеңмен өрнектеген…» дәл осы тақырыпта Қызылорда қаласындағы Назарбаев Зияткерлік мектебінде «Ұлы дала ақындары» және «Менің өмірімде қолданылатын мақал-мәтелдер» жобаларының кіріктірілуімен мұғалім-оқушы-ата-ана үштігінің арасында сайыс өткізілді.
<blockquote>
 «Мақсатымыз жас ұрпақты есті сөзбен тәрбиелеу, ұлттық құндылықтарымызды сақтап, рухани байыту болды. Сонымен қатар, мектеп қауымдастығының ынтымақтастығын арттырып, қос жобаны кіріктіріп өткізуді ұйғарған болатынбыз», – деді шараны ұйымдастырушылардың бірі, педагог-куратор Дина Аширбаева.
</blockquote>
Отбасылық шарада 7-сынып оқушылары өздерінің ата-аналары және мұғалімімен топ құрып, сайыстың 4 кезеңі бойынша бақ сынасты. «Сәлем – сөздің анасы» атты бөлімде қатысушылар мақал-мәтелдерді қосып өздерін таныстырса, «Кіл жүйрікте кім жүйрік?»&nbsp; кезеңінде мақалды жалғастыру тәсілімен тест орындап, білімдерін көрсетті.
«Есті өлең және екі ауыз сөз» деп аталатын жарыс бөлігі Ж.Молдағалиевтің өлеңдеріне арналып, мұнда да топтар ақын шығармаларын талдай білді. Соңында «Мақал сөздің жүйесі мен киесі» тақырыбында оқушылар сөз саптап, өмірлерінде қолданатын сөз өнерінің ерекшелігі жайында пікір білдірді.
Қызылорда қаласы Педагогикалық шеберлік орталығының әдіскері Жанат Райымкулова, мектеп баспасөз хатшысы Елена Рыбина және педагог-ұйымдастырушы-куратор Гүлзат Шынтасова топтардың өнерлерін жіті бақылап, сөз додасында әділ қазылық жасады. Нәтижесінде, І орынды 7Е сыныбы оқушысы&nbsp; Жайна Жұмабек, анасы Гүлжанар Сыздықова және кураторы Бағдат Әбілов жеңіп алса, ІІ орынды 7В сынып оқушысы Сәфиа Әбибулла, ата-анасы Жеңіс Маткаримов және ағылшын тілі пән мұғалімі Зауре Ермаханова иеленді. ІІІ орын тең түскен екі топ 7D сыныбынан белсене қатысқан Аруай Ибайдулла, анасы Айгүл Абажанова, мұғалімі Мира Дөненхожаеваға және 7А сыныбынан Бақыт Айбын, анасы Маржан Тулегенова, мұғалімі Перизат Дәрібайға берілді. Қалған қатысушылар «Мақалшы топ» пен «Зияткер топ» номинацияларын өзара бөлісті.
Teams платформасының тікелей эфирінде өткізілген доданы 500-ге жуық көрермен тамашалады.

Қазақстан және Қызылорда облысының жаңалықтары: Білім

Білім министрі ректорларға қашықтан оқытуда студенттерге қойылатын талаптарды түсіндіруді тапсырды

Ғылым мен техника саласындағы мемлекеттік сыйлықтың иегерлері анықталды

Қызылорда гарнизонына алғашқы мемлекеттік және құқықтық дайындық сабағы өтті

Қызылордада мұғалімдер марапатталды

“COWORKING & CINEMA ROOM” мектептерге жол тартты

Интернеті жоқ шалғай ауылдың оқушысы Ұлттық олимпиаданың екінші кезеңіне өтті

Қызылордалық оқушылар жыршы Марат Сүгірбаймен кездесті

Студенттер шәкіртақысы 2 есе көбейеді – Президент

Облыс әкімі: «Білім беру саласына бөлінетін қаржы жыл сайын көбейе беретін болады»

Қызылордада кәмелетке толмағандардың істері жөніндегі облыстық комиссияның отырысы өтті

Кітапханашылар педагогикалық кадрлар санатына енуі мүмкін

NIS Kyzylorda: «Үштік одақ» кіріктірілген тәрбие жобаларында бас қосты

Қазақстан және Қызылорда облысының жаңалықтары: Білім

Білім министрі ректорларға қашықтан оқытуда студенттерге қойылатын талаптарды түсіндіруді тапсырды

Ғылым мен техника саласындағы мемлекеттік сыйлықтың иегерлері анықталды

Қызылорда гарнизонына алғашқы мемлекеттік және құқықтық дайындық сабағы өтті

Қызылордада мұғалімдер марапатталды

&#8220;COWORKING &#038; CINEMA ROOM&#8221; мектептерге жол тартты

Интернеті жоқ шалғай ауылдың оқушысы Ұлттық олимпиаданың екінші кезеңіне өтті

Қызылордалық оқушылар жыршы Марат Сүгірбаймен кездесті

Студенттер шәкіртақысы 2 есе көбейеді &#8211; Президент

Облыс әкімі: «Білім беру саласына бөлінетін қаржы жыл сайын көбейе беретін болады»

Қызылордада кәмелетке толмағандардың істері жөніндегі облыстық комиссияның отырысы өтті

Кітапханашылар педагогикалық кадрлар санатына енуі мүмкін

NIS Kyzylorda: «Үштік одақ» кіріктірілген тәрбие жобаларында бас қосты

“COWORKING & CINEMA ROOM” мектептерге жол тартты

Студенттер шәкіртақысы 2 есе көбейеді – Президент