<a href="https://kyzylorda-news.kz/">Kyzylorda-news.kz</a>. Бүгін Қызылорда өңірінде ақылы Ұлттық бірыңғай тестілеу басталды. Аймақтағы 8 тестілеу пунктінде оқушылар сынақ тапсырып, білімдерін тексерді. Барлығы 82 аудиторияда 835 бала ақылы тестке кіріп, білім деңгейлерін бағамдады. Ақылы тесттер 5 ақпанға дейін жалғасады.
Бүгінгі күні ұлттық бірыңғай тестілеуге қатысушы талапкерлердің өтініштерін қабылдау жүргізілді. Өңірдегі 7002 оқушы биыл мектепті аяқтаса, оның 5866-ы ұлттық бірыңғай тестілеуге қатысуға өтініш білдірген.
Ақылы сынақта балалар санитарлық талаптарды қатаң сақтап, тестілеу пункттерінде дезинфекциялық тексерулерден өткізілді. 
Айта кету керек, ақылы тест қаңтар, наурыз айларында ұйымдастырылады. Бұл тест ақылы оқу орындарына түсетін түлектер үшін жүргізіледі. Ал, мемлекеттік оқу орындарының грантына түсу үшін қорытынды ұлттық тест шілде айында ұйымдастырылады. Кешенді тестілеу тамыз айында өткізіледі.

Қызылордада 835 оқушы ақылы ҰБТ тапсырды

<a href="https://kyzylorda-news.kz/">Kyzylorda-news.kz</a>.&nbsp;Қызылорда облыстық Қазақстан халқы Ассамблеясы Назарбаев Зияткерлік мектебімен бірлесіп Достық үйінде “Кибербуллинг. Бала болашағына алаңдау” тақырыбында мазмұнды кездесу ұйымдастырды.
Қазіргі күнгі ең өзекті мәселелердің бірі Кибербуллинг тақырыбындағы өрбіген шараға психолог Сымбат Абдрахманова, Назарбаев Зияткерлік мектебінің еріктілері, этнос жастары, ата-аналар және БАҚ өкілдері қатысты.
<blockquote>
 «Кибербуллинг-бұл сандық технологияларды қолдану арқылы қорқыту және қудалау. Ол әлеуметтік желілерде, хабар алмасу қосымшаларында, ойын платформаларында және ұялы телефондарда өтуі мүмкін. Жыл өткен сайын ғаламтор қолданатын балалардың саны артып келеді. Бұл әрине алаңдатпай қоймайды. Қазір жасөспірімдер арасында болып жатқан бұзақылықтың барлығы ғаламтордың әсерінен. Балалар интернетте көргенін өмірде қайталайды. &nbsp;Осы мәселенің өзектілігін ескере отырып, бүгінгі кездесуді ұйымдастырып отырмыз», – деді кездесудің модераторы “Қоғамдық келісім” КММ бөлім басшысы Қанат Ақылбеков.
</blockquote>
<img src="https://kyzylorda-news.kz/wp-content/uploads/2021/01/139051071_2848751675443994_785457785857813884_o.jpg" alt="" />
&nbsp;Кибербуллинг балаларға зиянды және ұзақ мерзімді әсер етуі мүмкін. Сол себепті онымен қалай күресуге болады? Ол үшін ата-ана, кибербуллингке ұшыраған жандар не істеуі керек? Оның алдын-алу секілді өзекті мәселелер төңірегінде Назарбаев Зияткерлік мектебі «Еріктілер орталығының» белсенді мүшесі Дильназ Сұлтанбекова толықтай тоқталып, қажетті кеңестер берді.
&nbsp;Ал, психолог, «100 Жаңа есім» жобасының жеңімпазы Сымбат Абдрахманова ғаламторға тәуелділіктің қоғамға тигізер әсері жайлы сөз қозғады.
<blockquote>
 «Кибербуллинг бізге түрлі жолдармен әсер ете алады. Бірақ оны жеңуге болады. Ол үшін адам өз-өзіне сенімді болуы керек. Тіпті отбасындағы ең сенімді қарым-қатынас кезінде ата-аналар кейде балаға қауіп төндіретін қатерді уақытында байқай алмайды және оның алдын-алуды әрдайым білмейді. Сол себепті баладағы мазасыз мінез-құлық, депрессия, мектепке барғысы келмеу – баланың агрессияға ұшырауының ең айқын белгілері екендігін көрсетеді. Сондай-ақ, егер бала интернетте уақытты өткізуді ұнатса және оны кенеттен тоқтатса, себебін анықтау маңызды», – деді Сымбат Абдрахманова.
</blockquote>
<img src="https://kyzylorda-news.kz/wp-content/uploads/2021/01/139500682_2848753005443861_4336618758495832282_o.jpg" alt="" />
Кездесу аясында тұщымды ойлар айтылып, пікір алмасуға ұласты.
<img src="https://kyzylorda-news.kz/wp-content/uploads/2021/01/139407942_2848751918777303_4530625472987613154_o.jpg" alt="" />

Сымбат Абдрахманова: Кибербуллингті жеңуге болады

<a href="https://kyzylorda-news.kz/">Kyzylorda-news.kz.</a> Білім басқармасының бұйрығымен, конкурс нәтижесінде И.Әбдікәрімов атындағы Қызылорда аграрлық-техникалық жоғары колледжінің директоры лауазымына Абдикаримов Бахытхан Жүнайдұлы тағайындалды.
Білім басқармасының басшысы Ақзира Қасымова жаңа басшыны колледж ұжымына таныстырып, қызметіне сәттілік тіледі.
Бахытхан Жүнайдұлы Гоголь атындағы Қызылорда педагогика институты, физика-математика пәні мұғалімі, физика-математика ғылымдарының докторы, профессоры. Қазақстан Республикасы президентінің “Болашақ” халықаралық бағдарламасы стипендиясының иегері. 2010-2011 жылдары Киев ұлттық университетінде ғылыми тағылымдамадан өткен.
Еңбек жолында Н.В.Гоголь атындағы педагогикалық институтының “Физика және ФОӘ” кафедрасының оқытушысы, аға оқытушысы, кешкі оқыту факультетінің деканы қызметтерін кейіннен Киев ұлттық университетінде ғылыми тағылымдамадан өткен. Кейіннен Қорқыт Ата атындағы Қызылорда гуманитарлық университетінің оқу әдістемелік басқармасының басшысы,
Физика-математика факультетінің деканы, 2012-2014 жылдары Қорқыт Ата атындағы ҚМУ, гуманитарлық-педагогикалық институтының директоры.
2014-2016 жылдары гуманитарлық-педагогикалық факультетінің деканы.
2016-2020 жылдары университеттің оқу-тәрбие жұмыстары жөніндегі проректор.
2019 жылы университет ректоры міндетін атқарушы. 
2020 жылдан осы кезге дейін университет ректорының қоғаммен жұмыс жөніндегі кеңесшісі қызметін атқарған.
<img src="https://kyzylorda-news.kz/wp-content/uploads/2021/01/138692984_1043723959464142_3852841154388546563_o.jpg" alt="" />

Қызылорда аграрлық-техникалық жоғары колледжінің директоры тағайындалды

<a href="https://kyzylorda-news.kz/">Kyzylorda-news.kz.</a> Әдетте, мемлекет көшбасшыларының үндеулері, халыққа жолдаулары, баспасөз беттеріндегі мақалалары қалың бұқараның қызу талқысына түсіп, кеңінен насихатталуы дәстүрге айналған үрдіс. Жаңа жылдың жаңа жұмыс аптасы жақсылығы мол жарияланыммен басталып, &nbsp;Мемлекет Басшысы Қ.К. Тоқаевтың «Тәуелсіздік бәрінен қымбат» тақырыбында «Егемен Қазақстан» газетінде жарық көрген, терең ойлы мақаласымен серпілді. Маңызы зор, мазмұны қымбат мардымды мақалаға қатысты мен де өз ойымды орталарыңызға салғым келді.
Тәуелсіздігі тұғырлы, татулығы тұрақты, экономикасы қуатты Қазақстанның үшінші онжылдығы таразыланатын жылдың жаңаруында ұлттық құндылықтарымыздың бағасын биіктеткен бұл мақаланың дер кезінде жарияланғаны бір бөлек, жұртшылықтың жүрегіне жол тартуы бір төбе болды деп айта аламыз. Абайша айтқанда, «айналасы теп-тегіс, жұмыр келген» бұл жарияланымның әр сөйлемі ұлттың ұйысуын ұқтырып, қазақты рухани қолдап, сөз құдіретінің тереңдігін сездіреді. Президент мағынасы мол мақаласын төрт бөлімге бөліп, сол арқылы қоғамдық сананы оятуға, ұлт намысын жігерлендіруге үн қосқан.
Бағдар мен белес. Мақаланың бастапқы бұл бөлімі өткенімізді бағалап, келешегімізді бағамдауға бағытталған. Тәуелсіздік жылдарының жемісті жылдарын үш кезеңмен бөліп қарастырған Президент азаттықтың алғашқы онжылдығын еліміздің іргетасын қалаумен сауатты сабақтастырған. Әрине, тоқырау кезеңіндегі қиындықтар ел экономикасына әсер етпей қойған жоқ. Десе де, Ата Заңымыздың қабылдануы, Қарулы Күштеріміздің құрылуы, Ұлттық валютамыздың айналымға енуі – Тәуелсіздік қадамын тәй-тәй басқан ел үшін зор жетістіктердің бірегейлері болды.
Мақала авторы осы бір өтпелі кезеңдердегі Елбасының ерлікке пара-пар істерін айрықша атап, ядролық қарудан азат етілуімізді, ел дамуының жасампаз жобасы «Қазақстан-2030» стратегиясының қабылдануын, Ұлттық қорымыздың құрылуын, астанамыздың Алматыдан Ақмолаға ауысуын, қандастарымыздың атажұртқа ағылуын ұлт бағына балаған. Қасым-Жомарт Кемелұлының жүректерді тебірентер әрбір тіркестері егемендіктің құндылығын сезідіреді.
&nbsp;Мемлекет Басшысы мақаласында тәу етер Тәуелсіздігіміздің екінші онжылдығын ел экономикасының әрленуімен әсерлендіріп, шекарамыздың шегенделуін шексіз қуанышқа теңеп өтті. Дамуыдың жаңа дәуірін сөз еткен автор осы жылдары ауқымды шаралардың ұйытқысы болғанымызды ерекше еске алған.
Үдемелі индустриялық-инновациялық даму секілді өміршең бағдарламалардың жүзеге асырылуын Президент дамудың үшінші онжылдығында баяндап, табысты жалдардағы Нұрсұлтан Әбішұлының ерен еңбегін екшелей білген. Сол себепті Елбасының Тәуелсіздіктің мәңгі символы ретінде бағалаған. Бұл тебіреністі әрбір қазақстандық сүйіспеншілікпен қабылдайды деп есептеймін.&nbsp;&nbsp;&nbsp;&nbsp;&nbsp;
Қасым-Жомарт Тоқаев «Алдағы төртінші онжылдықтың бізге жүктейтін міндеті – қуатты елдің иесі және кемел халық болу» деп Қазақстандық дамудың қарқыны мен жаңа саяси-экономикалық реформалар мен сананы жаңғырту жылдарына аяқ басқанымызды тілге тиек еткен.«Бағдар мен белес» деп аталатын бұл алғашқы бөлімді Президентіміз парасаттылықпен қорытындылап, халықтың әл-ауқатын арттыра түсуді, алайда, болуы мүмкін сын-қатерлерге төтеп беруге дайын болуымызды меңзеген.
Таным мен тағылым. Бұл Президент пәрмен берген екінші басымдық. Тарихсыз ұлт болмайтынын ерекше ескерген автор өз мақаласының бұл бөлімінде ұлтымыздың тарихи құндылықтарын кеңінен насихаттау қажеттігін алға тартқан. Мәселен, Мемлекет Басшысы қазақтың басынан өткен небір нәубетті жылдарды түбегейлі зерттеу жұмыстарын жалғастыру, Алаш арыстарының асыл мұраларын игеру істерін ілгерілету, сапалы тарихи фильмдердің қатарын арттыру, Желтоқсан оқиғасының қаһармандарын лайықты бағалау қажеттігіне&nbsp; айрықша мән берген.
&nbsp;Бұл мақсаттарға қол жеткізу арқылы біз жастар мен кейінгі ұрпаққа өлшеусіз мұра қалдыра алатынымыз ақиқат. Осы тұста Президент ғалымдар мен жазушылардың еңбектері ерекше бағалануы қажеттігін атап өтті. Осылайша, бұл бөлімді «Ұлттық мүдде тұрғысынан жазылған шежіре ұрпақтың санасын оятып, ұлттың жадын жаңғыртуға мүмкіндік береді» деп қорытындылады. Бастысы ұлттық идеологияның салтанат құрар кезеңі келгенін байқадық.
«Қазақ үшін тоқымдай жердің өзі қымбат, бір уыс топырақтың өзі алтын». Бұл қанатты сөз Қасым-Жомарт Кемелұлы жариялаған маңызды мақаланың «Қоғам мен құндылық» деп аталатын бөлімінің менмұндалайтын қатары. Бүгінге бұқараның бас ауруына айналған жер мәселесіне Президент ерекше тоқталып, қазақ жерінің ешбір шетелдіктің меншігіне берілмейтінін, сатылмайтынын шегелеп, нүктесін қойды. Ата-бабаларымыздың ба, қазіргі әрбір қазақтың да көксегені де осы еді.
Алайда, Мемлекет басшысы қазақстандықтарды талайға талас тудыратын сол туған топырағымыздың, қара жердің қадірін білуге шақырды. Ұлан-ғайыр даламызды, таңғажайып табиғатымызды таза ұстап, ондағы әрбір жан-жануарға жанашырлық танытуымызды өтінді Президентіміз. Мұның өзі ұлттық намыс пен сананы сілку, жастарға дұрыс тәрбие беру, ұрпақтар сабақтастығына мән беру, өскелең ұрпақты отаншылдыққа баулуды көрсетеді.
Коғам мен құндылық тарауының бір тармағын – мемлекеттік тіл төңірегінде&nbsp; өрбіткен Президент қазақ тілін меңгеруге Үкіметтің де ниетті болуын ерекше сынға алды. Осылайша, «Мемлекеттік тілді білу – Қазақстанның әрбір азаматының парызы. Міндеті деп те айтуға болады» деген ойын ортаға салды. Тіл жанашырларының ғана емес тұтас ұлттың патриоттық сезімін оятқан осы сөздің өзі де жетіп артылады.
Ел бірлігі мен ыдырамас ынтымағымызды басты құдіретімізге балаған Президент әлем мойындаған ұлтаралық келісімнің нығайта түсуіміз керектігін тағы бір мәрде қадап көрсетті. Сонымен қатар, қазақстандық халықты біріктіретін іс-шаралардың маңызына тоқталып, Наурыз мейрамын атап өту тұжырымдамасын жасаудың қажеттігін ұсынды.
Мемлекет Басшысының отаншылдығымызды оятқан «Тәуелсіздік бәрінен қымбат» тақырыбындағы маңызы мол мақаласы «Ұлағат пен ұстаным» тақырыбындағы тараумен өрбіген. Бұл бөлімде саяси жаңғырудың жаңа белесіне қол жеткізітеніміз кеңінен айтылып, ел күткен жаңа жобалардың жүзеге асатыны жазылған.
Мәселен, елді демократияландыруға бағытталған бұл бөлім Қазақстан Республикасы Парламенті Мәжілісі мен жергілікті мәслихаттар депутаттарының сайлауын өткізудің маңыздылығымен ерекшеленіп, келешекте бұқараның талап-тілегінен туындаған ауыл, кент, аудан әкімдерінің сайлау келетінімізді көрсеткен. Мұның өзі Мемлекет Басшысының «Халық үніне құлақ асатын мемлекет» тұжырымдамасынан көрініс берсе керек. Президентіміз жоспарлаған көппартиялы Парламентті қалыптастыру қағидасы да көптің көңілінен шыққанын жасырмаған абзал.
Келер ұрпаққа экономикасы қарқынды, жері ауқымды, қауіп-қатерге қауқарлы, дамыған елді табыстау негіз мақсаттардың бірі екенін екшелеген автор бұл жолы да жастарға жанашырлығын назардан тыс қалдырған жоқ. Президенттік кадрлық резервтің өз жемісін беруін ескерсек, Президент жанындағы Жастар кеңесі қызметін жандандыруды, жастарға барынша жағдай жасау жұмыстарының жалғасатынын тағы бір мәрте атап өтті.
Сөз соңында Қазақстан Республикасының Президенті Қасым-Жомарт Кемелұлының мазмұны терең мақаласының маңызды екенін жеткізіп, ел игілігі жолында атқарар қызметінің жоғары болатынын айта кеткенді жөн көрдім. Біздің міндетіміз – парасатты Президентіміздің пайымын паш ету болып қала бермек.
Бастысы – ел Тәуелсіздігі тұғырлы, тұрғындары ғұмырлы болсын демекпін.
Гүлнар Есқалиева,
Білім және ғылым қызметкерлері
Қызылорда облыстық комитетінің төрайымы.

Гүлнар Есқалиева: Мардымды мақаланың маңызы мол

<a href="https://kyzylorda-news.kz/">Kyzylorda-news.kz</a>. Академик Асқар Жұмаділдаев&nbsp;жастарды математикаға баулу үшін байқау ұйымдастырды. Академик бұл туралы “Қазақстан” ұлттық арнасындағы “Таңшолпан” бағдарламасында айтты.
<blockquote>
 “Бұл бастама 50 жылдық мерейтойымнан басталды. Жасырған есебімді шығарғандар 100 доллар алады. Егер ешкім жауабын таппаса, әр жыл сайын сол есепке 100 доллардан қосылып отырады. Биыл оның құны 1400 долларға жетті”, – дейді Асқар Жұмаділдаев.
</blockquote>

Асқар Жұмаділдаев: Қиын есептің жауабын тапқандарға 1400 доллар беремін

<a href="https://kyzylorda-news.kz/">Kyzylorda-news.kz.</a> Бүгін Қызылорда өңірінде мектеп оқушылары ІІІ оқу тоқсанын бастады. Бұл оқу тоқсанында 80636 бала дәстүрлі форматта білім алатын болады. Ал, 89258 бала қашықтан оқу форматында білімін жалғастырады.
Алгоритмге сәйкес, жаңа оқу тоқсанында 1-5 сыныптар үшін кезекші топтар жұмыс істейді. Ал, бала саны 300-ден аспай мектептерде оқу дәстүрлі форматта ұйымдастырылады. Ал, 6, 7, 8, 10 сыныптардағы балалар қашықтан оқиды.
Қаңтар айында басталған ІІІ оқу тоқсанындағы басты ерекшелік 9,11-сынып оқушылары мектепке барып оқиды. Бүгінгі күні 9-сыныпта 13242 оқушы білім алса, 11-сыныпта 7002 оқушы оқиды. Бұл сыныптарда балалар негізгі пәндерді, яғни қорытынды емтихан мен ұлттық бірыңғай тестілеу кезіндегі міндетті компонентті пәндер бойынша білім алады. Яғни, пәндердің 70 пайызы – дәстүрлі форматта, 30 пайызы қашықтан оқытылатын болады.
Айта кетейік, Қызылорда облысында 301 мектеп бар. Онда 169894 бала білім алады.

Қызылорда өңірінде оқушылардың ІІІ оқу тоқсаны басталды

Kyzylorda-news.kz. Мектеп оқушылары үшін 3-тоқсан 6 өңірде – 11 қаңтардан, ал 11 өңірде – 12 қаңтарда басталады. Мұндай ақпаратты ҚР ДСМ Санитарлық-эпидемиологиялық бақылау комитеті ұсынды, деп хабарлайды <a href="https://www.inform.kz/kz/okushylar-ushinshi-toksandy-kay-kunnen-bastap-okidy_a3739314">ҚазАқпарат</a>.
Ведомство мәліметінше, ҚР Бас мемлекеттік санитар дәрігерінің 29 желтоқсандағы қаулысына сәйкес, сайлау учаскелері ретінде жұмылдырылған білім нысандары сайлау аяқталғаннан кейін зарарсыздандырылады.
Яғни, 10 және 11 қаңтар күндері дауыс беру жүргізілген аталған нысандарда тазалық жұмысы жүргізіледі.
<blockquote>
 «Осыған орай 10 қаңтарда зарарсыздандыру іс-шаралары жүргізілгеннен кейін еліміздің 6 өңірінде, атап айтқанда Солтүстік Қазақстан, Павлодар, Жамбыл, Қостанай, Қызылорда облыстарында және Шымкент қаласында 2020-2021 оқу жылының 3-тоқсанында офлайн-режимде белгіленген оқу процесі 11 қаңтарда басталады. Республиканың 11 өңірінде – Түркістан, Ақтөбе, Ақмола, Атырау, Батыс Қазақстан, Алматы, Шығыс Қазақстан, Қарағанды, Маңғыстау облыстарында және Алматы мен Нұр-Сұлтан қалаларында оқу 12 қаңтарда басталады» деп атап өтеді комитеттен.
</blockquote>
Таратылған мәліметке қарағанда, республика аумағында 7 090 мектептің 5 522-сінің, 6 651 балабақшаның 143-інің, 644 орта білім беру мекемесінің 215-інің, 125 жоғары оқу орнының 53-інің, 114 мектеп-интернат, спорт мектебі ЖОО жатақханаларының 22-сінің базасында сайлау учаскесі құрылды.
Сонымен қатар өзге де білім нысандарында (оқушылар сарайы, шығармашалық, үй, музыка мектебі) 12 сайлау учаскесі ұйымдастырылды.

Оқушылар үшінші тоқсанды қай күннен бастап оқиды?

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаев «Қазақстан Республикасының кейбір заңнамалық актілеріне білім беру мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды, деп хабарлайды&nbsp;<a href="https://www.akorda.kz/kz/legal_acts/laws/memleket-basshysy-kazakstan-respublikasynyn-keibir-zannamalyk-aktilerine-bilim-beru-maseleleri-boiynsha-ozgerister-men-tolyktyrular-engizu-t">Ақорда</a>.
Заңның мәтіні баспасөзде жарияланады.

Білім беру туралы заңға өзгерістер енгізілді

<a href="https://kyzylorda-news.kz/">Kyzylorda-news.kz</a>.&nbsp; Биыл 1 қаңтардан бастап барлық ұстаздардың жалақысы 25 пайызға көбейді. Тек мектеп мұғалімдері ғана емес, балабақша педагогтері, қосымша білім беру, колледждер мен жоғары оқу орындары мамандарының да еңбекақылары өсті.
<blockquote>
 “Қазіргі кезде, есептеу бойынша мұғалімдердің орташа айлық жалақысы белгіленді. Толық оқу жүктемесі бар, педагог-шебер санатындағы ұстаз бұрын 279 мың теңге алса, қосымша үстемемен 373 мың теңге алады. Ал, педагог-сарапшы санатындағы мұғалім 234 мың алса, қазір 312 мың теңге мөлшерінде еңбекақы алады. Педагог-модератор санатындағы ұстаздың орташа жалақысы 204 мың теңге болса, қазір 272 мың теңгеге жетті. Ал, категориясы жоқ, жас ұстаздардың орташа жалақысы 213 мың теңге көлемінде белгіленді”, – деді облыстық білім басқармасының басшысы Ақзира Қасымова.
</blockquote>
Қаңтардың 11-інде үшінші оқу тоқсаны басталады. 9,11 сынып оқушылары санитиралық-эпидемилогиялық сақтай отырып аралас форматта, яғни дәстүрлі түрде мектепке барып оқитын болады. 1-5 сыныптар үшін кезекші топтар жұмыс істейді. Ал, бала саны 300-ден аспай мектептерде оқу дәстүрлі форматта ұйымдастырылады. Облыста 9-сыныпта 13252 оқушы, 11-сыныпта 7004 оқушы оқитын болады. Бұл сыныптарда балалар негізгі пәндерді, яғни қорытынды емтихан мен ұлттық бірыңғай тестілеу кезіндегі міндетті компонентті пәндер бойынша білім алады. Пәндердің 70 пайызы – дәстүрлі форматта, 30 пайызы қашықтан оқытылатын болады.
Сондай-ақ, колледждерде де өзгерістер бар. Жалпы 30 колледжде 19795 студент білім алады. Оның 5434-ң бірінші курс студенті. Ведомоствоаралық комиссия шешімімен 1 курс студенттері дәстүрлі түрде оқиды.

Қызылорда: Мұғалімдердің айлығы 25 пайызға өсті

<a href="https://kyzylorda-news.kz/">Kyzylorda-news.kz</a>. Президенттің ұстаз мәртебесін көтеруге арналған тапсырмасына сәйкес мұғалімдердің жалақысы тағы да артты. Яғни 1 қаңтардан бастап барлық ұстаздардың жалақысы 25 пайызға көбейді. Бұл жолы тек мектеп мұғалімдері ғана емес, балабақша педагогтерінің, қосымша білім беру, колледждер мен жоғары оқу орындары мамандарының да еңбекақылары көбейіп жатыр.
Сондай-ақ, біліктілік санатына қарай еңбекақының 30-дан 50 пайызға дейінгі көлемін қосымша ала алады. Ал, пәнді ағылшын тілінде жүргізгені үшін, дәптер тексергені үшін, сынып жетекшілігі үшін, тәлімгерлік жасағаны үшін қосымша ақы төленеді. Мұнан бөлек, өткен жылдан бастап магистрлік дәрежесі бар мұғалімдерге 27 мың теңге көлемінде қосымша төлем беріле бастады.
Қызылорда облысында өткен 2020 жылы барлық ұстаздардың 55 пайызының еңбекақысы артқан. Оның ішінде магистрлік дәрежесі үшін қосымша ақы алған ұстаздар да бар.
Айта кету керек, Сыр елінде 30 мыңнан аса педагог қызмет етеді. Балабақшада 5912 педагог, мектепте 22222 педагог, колледждерде 2176 педагог жұмыс істейді.

Қызылорда: Былтыр мұғалімдердің 55%-нің жалақысы артты

<a href="https://kyzylorda-news.kz/">Kyzylorda-news.kz.</a> Білім және ғылым министрлігі жоғары оқу орындарының антирейтингін жариялады, деп хабарлайды&nbsp;<a href="https://sputnik.kz/">Sputnik Қазақстан</a>.
Зерттеу жұмыстарын&nbsp;“Атамекен” ұлттық кәсіпкерлер палатасы жүргізді. Рейтингке ІІМ, ҰҚК және қорғаныс министрлігіне бағынышты ЖОО-лардан басқа еліміздің барлық жоғары оқу орындары қатысты.
Ал рейтингті жасау барысында түлектердің жұмысқа орналасу көрсеткіштері, білім беру бағдарламаларының сапасы және білім алушылардың жетістіктері ескерілген.
Зерттеу нәтижелері бойынша 2020 жылы түлектерді жұмысқа орналастырудың орташа крсеткіші өткен жылдар деңгейінде қалып отыр және 71%-ті құрайды.
Жұмыс берушілердің пікірі бойынша 2020 жылдың аутсайдерлері:
<ul>
<li>“Сырдария” университеті;</li>
<li>Шымкент университеті;</li>
<li>Халықаралық гуманитарлық-техникалық университеті;</li>
<li>“Астана” университеті;</li>
<li>Тараз инновациялық-гуманитарлық университеті;</li>
<li>Академик А.Қуатбеков атындағы халықтар достығы университеті;</li>
<li>Шет тілдер және іскерлік карьера университеті;</li>
<li>Қазақ-орыс халықаралық университеті;</li>
<li>Қызылорда қаласының “Болашақ” университеті;</li>
<li>“Ақмешіт” гуманитарлық-техникалық институты.</li>
</ul>
Айта кетейік, “Сырдария” университеті мен Шымкент университеті, Халықаралық гуманитарлық-техникалық университет және “Астана” университеті үшінші жыл қатарынан аутсайдерлер қатарына еніп отыр.

&#8220;Ақмешіт&#8221; институты мен &#8220;Болашақ&#8221; университеті аутсайдерлер қатарында

<a href="https://kyzylorda-news.kz/">Kyzylorda-news.kz.</a> Депутаттар Білім және ғылым министрлігін екі бөлімге бөлуді ұсынады – білім министрлігі және жоғары білім және ғылым министрлігі. &nbsp;
Сенатор Мұрат Бақтиярұлының айтуынша, қазір мемлекеттік орган мұндай жүктемені жеңе алмайды. Өйткені, балабақшалардан бастап университеттерге дейінгі оқушылардың мәселелерін шешу керек. Штаттың&nbsp;санын өзгертпей, жұмыс істеп тұрған министрліктер базасында жаңа министрліктер құру қажет.
Сондай-ақ, депутат ЖОО ректорларын жиі ауыстыру керек деп санайды.
“Елімізде ондаған жылдар бойы ректорлар болып жұмыс істеп келе жатқан адамдар бар. Менің ойымша, бұл нарық дәуірінде дұрыс емес. Бізге ЖОО-ға ректорларды кемінде төрт жылға тағайындайтын, олар екі мерзімнен артық ректор лауазымын атқара алмайтындай қағидатты енгізу қажет”, – деді парламент&nbsp;сенатының депутаты Мұрат Бақтиярұлы.
Еске салыйық, сенатта білім туралы заңға&nbsp;<a href="https://stan.kz/kazakstanda-kashiktan-oku-zan-zhuzinde-bekitildi-341371/">бірнеше түзетулер қабылданды</a>. Қашықтан оқыту ұғымы және оны жүзеге асыру тәртібі пайда болды. Оқулықтарды тексеру күшейтілді. Бизнесті тексеруге қолданыстағы мораторийге қарамастан, енді барлық білім беру мекемелері, оның ішінде даму орталықтары бес жылда бір рет мемлекеттік аттестаттаудан өтуі тиіс.
Сонымен қатар келесі жылдан бастап студенттердің оқу кезіндегі практика мерзімі олардың өндірістік өтіліне қосылатын болады.
<a href="https://stan.kz/kazakstandik-deputattar-bilim-ministrligin-eki-vedomstv-341407/">Stan.kz</a>

Қазақстан және Қызылорда облысының жаңалықтары: Білім

Қызылордада 835 оқушы ақылы ҰБТ тапсырды

Сымбат Абдрахманова: Кибербуллингті жеңуге болады

Қызылорда аграрлық-техникалық жоғары колледжінің директоры тағайындалды

Гүлнар Есқалиева: Мардымды мақаланың маңызы мол

Асқар Жұмаділдаев: Қиын есептің жауабын тапқандарға 1400 доллар беремін

Қызылорда өңірінде оқушылардың ІІІ оқу тоқсаны басталды

Оқушылар үшінші тоқсанды қай күннен бастап оқиды?

Білім беру туралы заңға өзгерістер енгізілді

Қызылорда: Мұғалімдердің айлығы 25 пайызға өсті

Қызылорда: Былтыр мұғалімдердің 55%-нің жалақысы артты

“Ақмешіт” институты мен “Болашақ” университеті аутсайдерлер қатарында

Депутаттар Білім және ғылым министрлігін екі бөлімге бөлуді ұсынады

Қазақстан және Қызылорда облысының жаңалықтары: Білім

Қызылордада 835 оқушы ақылы ҰБТ тапсырды

Сымбат Абдрахманова: Кибербуллингті жеңуге болады

Қызылорда аграрлық-техникалық жоғары колледжінің директоры тағайындалды

Гүлнар Есқалиева: Мардымды мақаланың маңызы мол

Асқар Жұмаділдаев: Қиын есептің жауабын тапқандарға 1400 доллар беремін

Қызылорда өңірінде оқушылардың ІІІ оқу тоқсаны басталды

Оқушылар үшінші тоқсанды қай күннен бастап оқиды?

Білім беру туралы заңға өзгерістер енгізілді

Қызылорда: Мұғалімдердің айлығы 25 пайызға өсті

Қызылорда: Былтыр мұғалімдердің 55%-нің жалақысы артты

&#8220;Ақмешіт&#8221; институты мен &#8220;Болашақ&#8221; университеті аутсайдерлер қатарында

Депутаттар Білім және ғылым министрлігін екі бөлімге бөлуді ұсынады

“Ақмешіт” институты мен “Болашақ” университеті аутсайдерлер қатарында