Kyzylorda-news.kz. Мемлекет басшысы Қасым-Жомарт Тоқаев қазақстандық мұғалімдерді кәсіби мерекесімен құттықтады.
<blockquote>
 “Ұстаздарды кәсіби мерекесімен құттықтаймын! Еліміздегі білім сапасы, ұлттың бәсекелік қабілеті жоғары болуы сіздердің біліктіліктеріңіз бен қажырлы еңбектеріңізге байланысты. Мемлекеттің мұғалімдерді жан-жақты қолдау саясаты жалғаса береді. Мәртебелі қызметтеріңіз табысты болсын!”, – деп жазды президент&nbsp;<a href="https://twitter.com/TokayevKZ?ref_src=twsrc%5Egoogle%7Ctwcamp%5Eserp%7Ctwgr%5Eauthor">Twitter-де.</a>
</blockquote>
Қазан айының бірінші жексенбісінде елімізде Мұғалімдер күні аталып өтеді.
1994 жылдан бері әлемнің 100-ден астам мемлекетінде қазанның алғашқы жексенбісі мұғалімдер мен білім саласындағы қызметкерлердің кәсіби мерекесі болып белгіленген. Кей мемлекеттер бұл мейрамды 5 қазан күні атап өтеді.
Биыл білім министрлігі айтулы дата аясында “Ұстазыңды құттықта” акциясын бастады. Бұл акцияға білім және ғылым министрі Асхат Аймағамбетов те қатысты.

Мемлекет басшысы ұстаздарды мерекемен құттықтады

<a href="https://kyzylorda-news.kz/ru/obshestvo/">Kyzylorda-news.kz</a>. Биылғы жылдың мамыр айында Ақтөбе қаласында тұратын кәсіпкер Болат Сансызбаев Ел Тәуелсіздігінің 30 жылдығы мен “Туған жерге тағзым” жобасына орай Қазалы ауданы Бекарыстан би ауылында 100 орындық балабақша құрылысын бастады.
Аудан әкімі Мұхтар Оразбаев пен аудандық мәслихат хатшысы Бақытжан Жарылқап Бекарыстан би ауылына арнайы барып, балабақшаның құрылыс жұмыстарымен танысты. Қазіргі таңда құрылыс жұмыстары қарқынды жүргізілуде. Жеке кәсіпкердің сенімді өкілі Еркін Сансызбаев балабақша құрылысы аяқталуға жақын қалғанын жеткізді. Мұнда балаларға қажетті жатын және ойын бөлмелері, жуынатын және тамақтанатын орындар қарастырылған. Құрылысқа қажетті материалдар аудан кәсіпкерлерінен сатып алынуда.
Аудан әкімі Мұхтар Оразбаев жеке кәсіпкердің жұмысына сәттілік тілеп, құрылысын жұмыстарын сапалы аяқтау қажеттігін айтты. Сонымен қатар, Майдакөл ауылдық округінің әкімі Қонысбек Құрманбаевқа балабақшаға балалар қабылдауға дайындық жұмыстарын осы бастан жүргізуді тапсырды.
Бекарыстан би ауылына сапары кезінде аудан әкімі Мұхтар Оразбаев Ү.Түктібаев атындағы №24 мектеп пен ауылдық мәдениет үйіне де арнайы барып, қысқы жылу беру маусымына дайындықтарымен танысты.
<img src="https://kyzylorda-news.kz/wp-content/uploads/2021/10/243510782_3167398310147761_4634517236710834859_n.jpg" alt="" />
<img src="https://kyzylorda-news.kz/wp-content/uploads/2021/10/243373681_3167397843481141_3984087206992953968_n.jpg" alt="" />
<img src="https://kyzylorda-news.kz/wp-content/uploads/2021/10/243566426_3167397990147793_9186250556808313150_n.jpg" alt="" />
<img src="https://kyzylorda-news.kz/wp-content/uploads/2021/10/243327850_3167398890147703_2974699724538059090_n.jpg" alt="" />

Қазалыда кәсіпкер ауылына балабақша салып жатыр

<a href="https://kyzylorda-news.kz/ru/obshestvo/">Kyzylorda-news.kz</a>. Білім саласының майталман мұғалімдерін анықтауды мақсат еткен «Үздік педагог» байқаудың облыстық сынына өңірден 40 ұстаз қатысқан болатын. Олардың ішінен үздік деп танылған он адам республикалық сайысқа жолдама алған. Аталған білім бәсекесінде Қармақшы ауданы бойынша білім бөлімінің Ш.Уәлиханов атындағы №26 орта мектебінің тарих пәні мұғалімі, педагог-зерттеуші, «Ы.Алтынсарин», «Ерен еңбегі» белгілерінің иегері Тұрымтаева Гүлбану Қазиханқызы үздіктер қатарында болып, жылдың «Үздік педагогы» атанды.
«Үздік педагог» атағын беру жөніндегі Республикалық комиссия отырысының қорытындысы бойынша «2021 жылдың үздік педагогі» атағының иегерлерін бүгін Қостанай қаласында өткізілген салтанатты жиында Білім және ғылым министрі Асхат Аймағамбетов марапаттады.
Жеңіспен оралған жерлесіміз Гүлбану Қазиханқызы жас ұрпақты оқыту және тәрбиелеу ісіндегі елеулі табыстары үшін Білім және ғылым министрінің, облыс, аудан әкімінің «Құрмет грамоталарының» иегері. Тәжірибесі Чехия мемлекетінің Прага қаласында шығарылатын «Еуропа ғылымдары журналында» таратылған. Білікті ұстаздың оқушылары жыл сайын өтетін облыстық, республикалық пәндік олимпиадаларда жүлделі орындар алып келеді.

Қармақшылық мұғалім «Үздік педагог» атанды

<a href="https://kyzylorda-news.kz/ru/obshestvo/">Kyzylorda-news.kz</a>. “Елбасы академиясы” корпоративтік қорының басқарушы директоры Ануар Жангозин Қызылорда облысына іс-сапармен келді.
Іс-сапар барысында ол Қызылорда облысының білім басқармасының басшысы Ақзира Қасымовамен кездесті. Кездесуде облыста жүзеге асырылып жатқан “Ел үміті” жобасының барысы, оның ішінде ауыл мектептеріндегі балаларға арналған “Мың бала” ұлттық зияткерлік олимпиадасы мен “Елбасы медалі” жобасының тиімділігі және оның жүзеге асырылуы сөз болды. “Елбасы академиясы” алдағы уақытта жүзеге асыратын “Қабілет”, “Бірге оқу” жобалары бойынша бірқатар мәселелер талқыланды.
Кездесуде “Елбасы академиясы” КҚ басқарушы директоры “Ел үміті” жобасы аясында Қызылорда облысы оқушыларының белсенділігі мен білімділігін ерекше атап өтті.
“2020 оқу жылынан бастап облыста “Мың бала” ұлттық олимпиадасы жүзеге асырылуда. 2 жылдың қорытындысымен 27452 бала олимпиадаға қатысып, 641 бала 2-ші кезеңде бақ сынады. Жеңімпаз ретінде 174 оқушы анықталып, 50 оқушы мамандандырылған мектептерге қабылданды. Олимпиада қорытындысымен Қызылорда облысы ІІІ орынды иеленіп отыр.
<blockquote>
 “Елбасы медалі”жобасына – 724 бала қатысып, аталған жылдан бері оның 254-і қола медальға, 1-і күміс медальға иегер атанды. Жобаға қатысушылар арасынан 62 бала грант иегері атанып, Қызылорда облыстар рейтингісінде ІІІ орынды көтерілді. Бұл үлкен жетістік!”,-деді А.Жангозин өз сөзінде.
</blockquote>
Кездесу соңында “Елбасы медалі” жобасының 7 қола, 1 күміс медаль иегерлері марапатталды. 
Қордың басқарушы директоры А.Жанғозинның іс-сапары “Мың бала” олимпиадасының жеңімпаздары білім алатын №4 облыстық дарынды балаларға арналған мектеп-интернаты жұмысымен танысуға ұласты.
Айта кетейік, аталған білім ордасында “Мың бала” олимпиадасының қорытындысымен 17 бала білім алуда.

“Елбасы академиясы”: Қызылордалық оқушылар үздіктер қатарында

*<a href="https://kyzylorda-news.kz/ru/obshestvo/">Kyzylorda-news.kz</a>. «Туған елге тағзым» өлкетану-зерттеу экспедициясы аясында бүгін зияткерлік мектеп оқушыларының ғылыми жобалар байқауы басталды. 400-ден астам оқушылардың басын қосқан желілік додаға сыр бойылық өрендер 22 зерттеу жұмысын ұсынды.*
Экспедицияның алғашқы күнінде он оқушы жұмыстарын қорғады. Мәселен, 11-сынып оқушысы Даяна Хегай ауылшаруашылық саласына қажетті суды, тыңайтқыштарды, тұқымдарды шашатын көпфунционалды ұшу аппаратының прототипін жасап көрсетті. Жас өнертапқыш бұл қондырғы өсімдіктер ауруын және өрттердің алдын-алуда диханшыларға үлкен көмекші бола алатынын айтады.
12-сынып оқушысы Баянсұлу Төлебай медицина қызметкерлеріне көмекші робот құрастырды. Бұл автоматтандырылған машина науқастарды тіркеу, денсаулығында ахауы бар азаматтарды тасымалдау қызметін атқара алады. Дарынды жас алдағы уақытта жобасын дамытып, роботтың қызметін арттыруды көздейді. 
Сондай-ақ қызылордалық зияткерлер бүгін ортағасырлық Жанкент қаласындағы тың зерттеулерімен, Аралды қайта қалпына келтіру, еліміздің экономикасын әртараптандыру және Қызылорда өңірінің экологиялық мәселелерін шешу бағытында идеяларымен бөлісті.
Жұмыстарды қорғау қыркүйек айының 30-на дейін жалғасады. Алдағы күндері қатысушылар «Ұлы дала өркениеті», «Туған өлкем – жұмақ мекен!», «Ұлт руханияты – бабалар аманаты», «Инновациялық даму», «Жасыл планета», «Әлеуметтік кәсіпкерлік және жаңа идеялардың күші», «Біздің күшіміз – бірлікте», «Селт етер, ерен ой» бағыттары бойынша өнертабыстарын таныстырады. Сонымен қатар «Туған жер – тұғырым» тақырыбында ЭССЕ жазып, өз өлкесі жайлы құнды деректермен бөлісетін болады.
<img src="https://kyzylorda-news.kz/wp-content/uploads/2021/09/243147843_2918495361813712_3773820640095825632_n.jpg" alt="" />
<img src="https://kyzylorda-news.kz/wp-content/uploads/2021/09/243118124_2918495491813699_4978764177601803659_n.jpg" alt="" />

Туған елге тағзым – 2021: Зерттеу жұмыстарының байқауы басталды

<a href="https://kyzylorda-news.kz/ru/obshestvo/">Kyzylorda-news.kz</a>. Мұғалімдерді санақ жұмыстарына тартқандар тиісті жазасын алады. Бұл туралы Білім және ғылым министрі Асхат Аймағамбетов <a href="https://lenta.inform.kz/kz/mugalimderdi-sanak-zhumystaryna-tartkandar-zhazalanady-bilim-ministri_a3841584">айтты.</a>
Үкіметте өткен онлайн баспасөз мәслихатында мектеп мұғалімдерін санақ жүргізуге жұмылдыруға қатысты шағымдар туралы сұрақ қойылды.
Өз кезегінде А.Аймағамбетов санақ жүргізу мен басқа да мәселелер мұғалімге тән емес жұмыс болғаннан кейін, ондай тапсырма беруге ешкімнің құқығы жоқ екенін айтты.Сондықтан бұл мәселеге қатысты расталатын фактілер болса, онда заң жүзінде тиісті жазасы бар. «Педагогтар мәртебесі туралы» Заңға сәйкес, тиісті айыппұл ескерілген.
<blockquote>
 «Педагогтарды өзіне тиеселі емес жұмыстарға тартқаны үшін біраз директорлар жұмысынан босатылды, біраз әріптестерімізге тиісті шара қолдандық. Егер осындай фактілер шын мәнінде болып, олар расталып, бізге тиісті ақпарат келсе, онда қатаң шара қолданылады», – деді ведомство басшысы.
</blockquote>

Мұғалімдерді санақ жұмыстарына тартқандар жазаланады – Білім министрі

*<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда қаласындағы Назарбаев Зияткерлік мектебінің жоғары сынып оқушылары «Университеттер жәрмеңкесінде» шетелдік білім беру ерекшеліктерімен танысып, кәсіби бағыт-бағдар алды.*
Онлайн-кездесу «Назарбаев Зияткерлік мектептері» ДББҰ және Council of International Schools стратегиялық серіктес ұйымымен бірлесіп ұйымдастырылды. Жас зияткерлер әлемнің үздік жоғары оқу орындарының өкілдерімен кездесуге мүмкіндік алып, университеттерге қабылдау ережелерімен танысты. 
Ашық есік күнінде АҚШ, Ұлыбритания, Канада, Швейцария, Гонконг, Франция, Испания, Индонезия, Сингапур, Нидерланды және тағы басқа елдердің 60-тан астам озық университетінің құжат қабылдау науқаны мен гранттық бағдарламалары жайында мағлұмат берілді.
Сонымен қатар болашақ түлектерге «Инженерлік бағдарламаларға оқуға түсу нұсқаулығы», «Мотивациялық хат жазу ерекшеліктері», «Медицина мансабындағы жол» және басқа да өзекті тақырыптар бойынша өткен сессияларда кәсіби кеңес берілді.
Қатысушылар университет өкілдерімен тілдесіп, толғандырып жүрген сауалдарына жауап алды.

NIS оқушылары халықаралық «Университеттер жәрмеңкесінде»

*<a href="https://kyzylorda-news.kz/ru/obshestvo/">Kyzylorda-news.kz</a>. «Ұлттық аударма бюросы» қоғамдық қорының атқарушы директоры Рауан Кенжеханұлы «Жаңа гуманитарлық білім. Қазақ тіліндегі 100 жаңа оқулық» жобасы аясындағы оқулықтарға қатысты пікір білдірді, деп хабарлайды ҚазАқпарат.*
<blockquote>
 «2017 жылы Елбасының бастамасымен «Рухани жаңғыру» атты ауқымды кешенді бағдарлама қолға алынды. Оның негізгі бағыттарының бірі «Жаңа гуманитарлық білім. Қазақ тіліндегі 100 жаңа оқулық» деп аталады. Ол жобаның мақсаты – дүниежүзіндегі ең танымал, атақты әрі беделді оқу орындарында қолданылатын әлемдік авторлардың оқулықтарын қазақ тіліне аударып, біздің оқу орындарына жеткізу. 2017 жылдан бері 2020 жылдың аяғына дейін 100 оқулық толықтай аударылып, әрқайсысы 10 мың данамен басылып, еліміздегі барша жоғары оқу орындары кітапханаларына жетті», – деді Р. Кенжеханұлы Орталық коммуникациялар қызметінде.
</blockquote>
Оның айтуынша, оқулық іріктеген кезде қазақстандағы ЖОО-лардың ұсыныстары ескерілді. Жалпы саны 800-ден астам ұсыныс келіп түскен.
<blockquote>
 «Ұлттық комиссиясының жанындағы жұмыс тобы осы оқулықтарды қарап, сараптап, аударылуы тиіс оқулықтардың критерийлерін шығарды. Сол талаптардың негізінде оқылықтар іріктелді. 100 оқулықты 1 жылда аудару мүмкін емес екені түсінікті. Алғашқы жылы 17 оқулық, одан кейін – 30, содан кейінгі жылы тағы 30 оқулық, соңында қалған 23 оқулық аударылып, жоба мәресіне жетті», – деді атқарушы директор.
</blockquote>
Оның сөзіне қарағанда, «Ұлттық аударма бюросы» қоғамдық қорының үйлестіруімен осы жұмысты атқаруға жалпы саны 300-ден аса маман қатысты. Аударма сапасын қамтамасыз ету үшін жұмысқа тәжірибелі аудармашылар мен жоғары оқу орындарының ұстаздары, ғылыми редакция жасауға еліміздің белгілі ғалымдары, әдеби редакцияға танымал қаламгерлер, білікті редакторлар мен ең тәжірибелі баспагерлер тартылды.
«Ұлттық аударма бюросы» әлемнің ең беделді, әрі танымал ғылыми орталықтарымен байланыс орнатты. Дүниежүзінің алдыңғы қатарлы оқу орындарының бағдарламалары зерттеліп, қолданыстағы ең жақсы деген оқулықтарға қол жеткізу үшін Гарвард, Кембридж және Оксфорд университеттерінің баспалары, «Sengage», «Pearson», «McMillan», «Penguin» және басқа да ірі халықаралық баспа үйлерімен серіктестік орнатылды.
<blockquote>
 «Жоба аясында аударылған оқулықтарды қысқаша таныстырып өтсек, бірінші кезекте батыс пен шығыстың интеллектуалдық тарихын бірдей қамтыған философия топтамасын атау қажет. Мұнда атақты Бертран Расселдың «Батыс философиясының тарихы», Энтони Кеннидің 4 томдық жинағы, Сократтан Деридаға дейінгі философияның қысқаша тарихы, Ислам философиясы мен классикалық араб ойшылдарының антологиясы, Жапон, Үнді және Қытай философиясы толық қамтылды. Әлеуметтану және психология топтамасында Ритцердің «Әлеуметтану теориясы», Майерстің «Әлеуметтік психология» оқулығын, Элиот Аронсонның «Көпке ұмтылған жалғыз» атты еңбегін, Шульцтың «Қазіргі психология тарихы» аударылды. «Халық саны және қоғам: демографияға кіріспе», «Интернет психологиясы» оқулықтары бұрын бізде болмаған жаңа пәндерге негіз қалады», – деді Рауан Кенжеханұлы.
</blockquote>
Тіл білімі және әдебиеттану бағытында аударылған оқулықтар қатарында Стивен Пинкердің «Тіл – инстинкт», Виктория Фромкиннің «Тіл біліміне кіріспесін» және Майкл Райанның 5 томдық «Әдебиет теориясы» атты жинағы бар.
Бұдан бөлек, Экономика, менеджмент және кәсіпкерлік топтамасында микро және макроэкономика, Грегори Мэнкьюдің «Экономиксі», Филип Котлердің «Маркетинг принциптері», «Стартегиялық менеджмент», «Ұйымдық мінез-құлық», «HR менеджмент» пен «CRM: тұтынушымен қарым-қатынас менеджменті», «Кәсіпкерлік», «Жеке қаражат», «Мемлекеттік қаржы», «Көшбасшылық теориясы мен практикасы», «Халықаралық бизнес», «Нәтижелі келіссөз: алғышарты мен амалдары» және осы бағыттағы басқа да бірқатар оқулықтар қазақ тілінде алғаш рет шықты. Соның арқасында қазақстандық бизнес-мектептер тұңғыш қазақ тіліндегі MBA бағдарламасын ашуға мүмкіндік алды.
Тарих, антропология және дінтану бағытында МакГроХил баспасы дайындаған адамзат тарихын толық қамтыған, екі томдық «Панорама: дүниежүзі тарихы», «Тарихи білім пәні мен зерттеу әдістері», «Антропология тарихы мен теориясы», Энтони Смиттің «Ұлттың этностық тамыры» атты зерттеуі, сондай-ақ, Керон Армстронгтың әлемге әйгілі (History of God) деген еңбегі қазақша «Құдайтану баяны» деген атпен алғаш рет шықты.
<blockquote>
 «Аударылған 100 оқулық аясындағы ғылыми терминдер мен ұғымдар негізінде 4 жаңа сөздік құрастырылды. Олар: «Әлеуметті ғылымдар сөздігі», «Экономика сөздігі», «Қазақ тілінің кірме сөздер сөздігі» және Оксфорд университеті баспасымен бірге дайындалған, «Oxford Qazaq Dictioanry» атауымен шығатын 500 мың сөз бен сөз тіркесін қамтитын үлкен «Ағылшын-қазақ және қазақ-ағылшын Оксфорд сөздігі». Біздің ойымызша, осының барлығы біздің білім мен ғылым үшін, қоғам үшін өте үлкен олжа», – деді ол.
</blockquote>
Бұдан бұрын хабарланғандай, ҚР Президенті жанындағы Қоғамдық сананы жаңғырту бағдарламасын іске асыру жөніндегі ұлттық комиссияның кеңейтілген мәжілісі аясында гуманитарлық білім саласында қазақ тіліндегі 100 оқулық таныстырылды.
<img src="https://kyzylorda-news.kz/wp-content/uploads/2021/09/242392209_4362809193811675_2578676502667968792_n.jpg" alt="" />

Рауан Кенжеханұлы: Қазақ тіліндегі 100 оқулық қоғам үшін өте маңызды

&nbsp;<a href="https://kyzylorda-news.kz/ru/obshestvo/">Kyzylorda-news.kz</a>. Білім министрлігі еліміздің барлық өңірлерінде орналасқан білім беру саласында сапаны қамтамасыз ету департаменттерінің бірінші басшыларының, сондай-ақ олардың орынбасарларының ұялы телефон нөмірлерін жариялады.
<blockquote>
 «Қазақстандықтар аумақтық департаменттердің басшыларына білім беру саласындағы қандай да бір проблемалар туралы тікелей хабарлай алады. Мәселен, бұл мектепте ақша жинау, мұғалімдерді өзіне тән емес жұмысқа тарту, педагогикалық этиканы бұзу, білім беру ұйымдарында қауіпсіздік жүйелері элементтерінің болмауы немесе жұмыс істемеуіне (бейнебақылау камералары, дабыл батырмалары) қатысты және т.б. мәселелер болуы мүмкін», делінген министрлік хабарламасында.
</blockquote>
Бұған дейін ҚР БҒМ Білім және ғылым саласында сапаны қамтамасыз ету комитеті азаматтардың өтініштері үшін жедел желі телефондарын жариялаған болатын. Өткен демалыс күндері Комитетке 300-ге жуық қоңырау шалынып, хабарламалар түскен. Ұсынылған ақпаратқа сүйене отырып, ҚР БҒМ Білім және ғылым саласында сапаны қамтамасыз ету комитетінің қызметкерлері қажетті жұмыстар жүргізіп жатыр.
***
1) Нұр-Сұлтан қаласы&nbsp;Білім саласында сапаны қамтамасыз ету департаментінің басшысы Көптілеуова Бағымкүл Абубәкірқызы
Руководитель Департамента по обеспечению качества в сфере образования&nbsp;города Нур-Султан&nbsp;Куптлеуова Багымкул Абубакировна
Call-центр: 8 (7172) 51-69-85
Сотовый номер: 8701 606 61 00
Facebook – <a href="https://m.facebook.com/profile.php?id=100049730842481&ref=content_filter">Багым Куптлеуова</a>
Instagram – <a href="https://www.instagram.com/bagymkuptleuova/">Багым Куптлеуова</a>
Орынбасары/ заместитель:
Көзкеева Раушан Асхатқызы 8702 402 07 76
2) Алматы қаласы&nbsp;Білім саласында сапаны қамтамасыз ету департаментінің басшысы Ермекбаева Гүлнар Өмірбекқызы
Руководитель Департамента по обеспечению качества в сфере образования&nbsp;города Алматы&nbsp;Ермекбаева Гульнар Омирбековна
Call-центр: 8 (727) 225-18-86
Сотовый номер: 8701 166 52 66
Facebook – <a href="https://www.facebook.com/profile.php?id=100050658304029">Гульнара Ермекбаева</a>
Instagram – <a href="https://www.instagram.com/ermekbaeva.gulnara/">Гульнара Ермекбаева</a>
Орынбасары/ заместитель:
Омарова Гүлдана Турдахынқызы (Омарова Гульдана Турдахыновна) 8701 376 47 37
3) Шымкент қаласы&nbsp;Білім саласында сапаны қамтамасыз ету департаментінің басшысы Шәмшиева Нұргүл Ақылбекқызы
Руководитель Департамента по обеспечению качества в сфере образования&nbsp;города Шымкент&nbsp;Шамшиева Нургуль Акылбековна
Call-центр: 8 (7252) 53-70-03, 53-70-06
Сотовый номер: 8701 501 20 40
Facebook – <a href="https://www.facebook.com/profile.php?id=100055902307681">Нургуль Шамшиева</a>
Instagram – <a href="https://www.instagram.com/nurtate.sh/">Нургуль Акылбековна Шамшиева</a>
4) Ақмола облысы&nbsp;Білім саласында сапаны қамтамасыз ету департаментінің басшысы Алтаев Серік Табылдыұлы
Руководитель Департамента по обеспечению качества в сфере образования&nbsp;Акмолинской области&nbsp;Алтаев Серик Табылдинович
Call-центр: 8 (7162) 31-56-93
Сотовый номер: 8701 385 27 49
Facebook – <a href="https://www.facebook.com/profile.php?id=100024265637115">Серик Алтаев</a>
Instagram – <a href="https://www.instagram.com/serik5642/">Серик Алтаев</a>
Орынбасары/ заместитель:
Тасболатова Гүлнәр Тұрлыбекқызы (Тасбулатова Гульнара Турлыбековна) 8775 550 97 50
5) Ақтөбе облысы&nbsp;Білім саласында сапаны қамтамасыз ету департаментінің басшысы Күзембаева Бұлбұл Бисембайқызы
Руководитель Департамента по обеспечению качества в сфере образования&nbsp;Актюбинской области&nbsp;Кузембаева Булбул Бисембаевна
Call-центр: 8 (7132) 41-44-58, 8747 250 38 50
Сотовый номер: 8771 784 84 39
Facebook – <a href="https://www.facebook.com/profile.php?id=100015138219150">Булбул Кузембаева</a>
Instagram – <a href="https://www.instagram.com/k.bulbul78/">Бұлбұл Күзембаева</a>
Орынбасары/ заместитель:
Мухамбеталина Жанар Тыныштыковна 8771 843 33 17
6) Алматы облысы&nbsp;Білім саласында сапаны қамтамасыз ету департаментінің басшысы Қабимолдаева Сәуле Нұраханқызы
Руководитель Департамента по обеспечению качества в сфере образования&nbsp;Алматинской области&nbsp;Кабимолдаева Сауле Нурахановна
Call-центр: 8 (7282) 40-12-34
Сотовый номер: 8701 577 1142
Facebook – <a href="https://www.facebook.com/kabimoldaeva.s">Сауле Кабимолдаева</a>
Instagram – <a href="https://www.instagram.com/kabimoldaevas/">Сауле Кабимолдаева</a>
Орынбасары/ заместитель:
Құлахметова Айымгүл Саинқызы (Кулахметова Айымгуль Саиновна) 8702 257 37 90
7) Атырау облысы&nbsp;Білім саласында сапаны қамтамасыз ету департаментінің басшысы Сүлейменова Гүлнәз Тұралықызы
Руководитель Департамента по обеспечению качества в сфере образования&nbsp;Атырауской области&nbsp;Сулейменова Гулназ Туралиевна
Call-центр: 8 (7122) 27-60-12
Сотовый номер: 8775 331 66 21
Facebook – <a href="https://www.facebook.com/gulnaz.suleymen.5">Gulnaz Suleymenova</a>
Instagram – <a href="https://www.instagram.com/suleimenova_gulnaz.t/">Сулейменова Гульназ Туралиевна</a>
Орынбасары/ заместитель:
Таишев Бердібек Еркінбекұлы (Таишев Бердибек Еркинбекович) 8702 352 74 00
8) Батыс Қазақстан облысы&nbsp;Білім саласында сапаны қамтамасыз ету департаментінің басшысы Сарсенғалиева Гүлнара Ақмырзақызы
Руководитель Департамента по обеспечению качества в сфере образования&nbsp;Западно-Казахстанской области&nbsp;Сарсенгалиева Гулнара Акмурзиевна
Call-центр: 8 (7112) 51-05-28
Сотовый номер: 8778 153 37 08, 8747 544 28 12
Facebook – <a href="https://www.facebook.com/profile.php?id=100004608614257">Гулнара Сарсенгалиева</a>
Instagram – <a href="https://www.instagram.com/gulnara_sardkso/">Гулнара Сарсенгалиева</a>
Орынбасары/ заместитель:
Батырғалиева Луара Қайрекенқызы (Батыргалиева Луара Кайрекеновна) 8777 468 85 37, 8747 475 25 31
9) Жамбыл облысы&nbsp;Білім саласында сапаны қамтамасыз ету департаментінің басшысы Ускумбаева Дамеш Шайхықызы
Руководитель Департамента по обеспечению качества в сфере образования&nbsp;Жамбылской области&nbsp;Ускумбаева Дамеш Чайкаевна
Call-центр: 8 (7262) 45-11-22
Сотовый номер: 8702 000 05 20
Facebook – <a href="https://www.facebook.com/damesh.uskumbaeva">Damesh Uskumbaeva</a>
Instagram – <a href="https://www.instagram.com/damesh_uskumbaeva/">Ускумбаева Дамеш Шайхықызы</a>
Орынбасары/ заместитель:
Атенов Жасұлан Бекболатұлы (Атенов Жасулан Бекболатович) 8778 000 66 88
10) Қарағанды облысы&nbsp;Білім саласында сапаны қамтамасыз ету департаментінің басшысы Мусин Санат Қабиденұлы
Руководитель Департамента по обеспечению качества в сфере образования&nbsp;Карагандинской области&nbsp;Мусин Санат Кабиденович
Call-центр: 8 (7212) 50-25-11
Сотовый номер: 8778 665 71 49
Facebook – <a href="https://www.facebook.com/sanat.mussin">Санат Мусин</a>
Орынбасары/ заместитель:
Акпарова Шынар Қуанышқызы (Акпарова Шынар Куанышовна) 8705 769 16 71
11) Қостанай облысы&nbsp;Білім саласында сапаны қамтамасыз ету департаментінің басшысы Қаппасов Орал Қабиұлы
Руководитель Департамента по обеспечению качества в сфере образования&nbsp;Костанайской области&nbsp;Каппасов Орал Кабиевич
Call-центр: 8 (7142) 53-52-66, 8 (7142) 54-71-14
Сотовый номер: 8776 716 11 55
Facebook – <a href="https://www.facebook.com/profile.php?id=100040225147466">Орал Каппасов</a>
Instagram – <a href="https://www.instagram.com/oral_kappasov/">Орал Каппасов</a>
Орынбасары/ заместитель:
Мальгаева Алёна Сәрсенбайқызы (Мальгаева Алёна Сарсенбаевна) 8775 689 93 85
12)&nbsp;Қызылорда облысы&nbsp;Білім саласында сапаны қамтамасыз ету департаментінің басшысы Дәулетова Ғалия Ноғайқызы
Руководитель Департамента по обеспечению качества в сфере образования&nbsp;Кызылординской области&nbsp;Даулетова Галия Ногаевна
Call-центр: 8 (7242) 27-05-47
Сотовый номер: 8701 566 10 79
Facebook – <a href="https://www.facebook.com/profile.php?id=100004918306265">Галия Даулетова</a>
Орынбасары/ заместитель:
Мырзағалиева Айгүл Абайқызы 8701 432 28 34
13) Маңғыстау облысы&nbsp;Білім саласында сапаны қамтамасыз ету департаментінің басшысы Есболат Өмірзақ Кенғанұлы
Руководитель Департамента по обеспечению качества в сфере образования&nbsp;Мангистауской области&nbsp;Есболат Омирзак Кенганович
Call-центр: 8 (7292) 40-01-30
Сотовый номер: 8702 468 46 45
Facebook – <a href="https://m.facebook.com/profile.php?id=100032465723485">Есболат Өмірзақ</a>
Instagram – <a href="https://www.instagram.com/omirzakesbolat/">Есболат Өмірзақ</a>
Орынбасары/ заместитель:
Жұмалиев Тәттімбет Қайырбекұлы 8775 551 55 50
14) Павлодар облысы&nbsp;Білім саласында сапаны қамтамасыз ету департаментінің басшысы Аязбаев Еркімбек Мұқатайұлы
Руководитель Департамента по обеспечению качества в сфере образования&nbsp;Павлодарской области&nbsp;Аязбаев Еркимбек Мухатаевич
Call-центр: 8 (7182) 61-82-66
Сотовый номер: 8775 612 28 01
Facebook – <a href="https://www.facebook.com/ayazbaeverkymbek">Еркимбек Аязбаев</a>
Instagram – <a href="https://www.instagram.com/erkimbekayazbayev/">Еркимбек Аязбаев</a>
Орынбасары/ заместитель:
Үздембаева Гүлнара Қайыртасқызы (Уздембаева Гульнара Каиртасовна) 8702 464 76 92
15) Солтүстік Қазақстан&nbsp;облысы&nbsp;Білім саласында сапаны қамтамасыз ету департаментінің басшысы Сұрағанова Айнагүл Ағыбайқызы
Руководитель Департамента по обеспечению качества в сфере образования&nbsp;Северо-Казахстанской области&nbsp;Сураганова Айнагуль Агыбаевна
Call-центр: 8 (7152) 49-39-66
Сотовый номер: 8705 701 23 74
Facebook –<a href="https://www.facebook.com/profile.php?id=100037868657891">Айнагуль Сураганова</a>
Instagram – <a href="https://www.instagram.com/aynagulsuraganova/">Айнагуль Сураганова</a>
Орынбасары/ заместитель:
Ілиясова Ғалия Ситахметқызы (Ильясова Галия Ситахметовна) 8702 590 58 29
16) Түркістан облысы&nbsp;Білім саласында сапаны қамтамасыз ету департаменті басшының міндетін атқарушысы Шербаев Құдайберген Қайыпбекұлы
Исполняющий обязанности руководителя Департамента по обеспечению качества в сфере образования&nbsp;Туркестанской области&nbsp;Шербаев Кудайберген Каипбекович
Call-центр: 8 (72533) 57-555, 8 (72533) 57-554, 8 (72533) 57-576
Сотовый номер: 8707 806 48 07
Facebook – <a href="https://www.facebook.com/profile.php?id=100026872122404">Кудайберген Шербаев</a>
17) Шығыс Қазақстан облысы&nbsp;Білім саласында сапаны қамтамасыз ету департаментінің басшысы Мақсұтова Зейнеп Әбдіжүсіпқызы
Руководитель Департамента по обеспечению качества в сфере образования&nbsp;Восточно-Казахстанской области&nbsp;Махсутова Зейнеп Абдыжусуповна
Call-центр: 8 (7232) 21-65-38
Сотовый номер: 8702 286 01 31
Facebook – <a href="https://www.facebook.com/profile.php?id=100047592999685">Зейнеп Махсутова</a>
Instagram – <a href="https://www.instagram.com/zeinep175/">Зейнеп Махсутова</a>
Орынбасары/ заместитель:
Қамбетов Жұмабек Зиябекович (Камбетов Жумабек Зиябекович)
8777 633 10 10

Білім министрлігі барлық өңірлеріндегі жауапты басшылардың ұялы телефонын жариялады

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстандық ғалымдар Альцгеймер және Паркинсон ауруларына қарсы дәрі жасап жатыр. Қорқыт Ата атындағы Қызылорда университетінің ғалымдары Еуропалық Одақ грантын жеңіп алды. Олар Португалия, Нидерланды, Дания, Ресей, Беларусь және Украина ғалымдарымен бірлесіп, әзірлеушілер тобына кірді. Бұл туралы бүгін Өңірлік коммуникациялар қызметінде өткен баспасөз конференциясында Қорқыт Ата атындағы Қызылорда университетінің зерттеуші-профессоры Нұрбол Аппазов мәлімдеді.
Дәрілік препаратты дайындау үшін Қазақстанның оңтүстік аймақтарында өсетін түйе тікенегі пайдаланылады. Отандық зерттеушілер өсімдіктен атеросклероздың бастапқы формаларын емдеуде тиімді биологиялық белсенді заттарды алды.
<blockquote>
 «Біз дәрілік өсімдік – түйе тікенегіне зерттеу жүргізу үшін Білім және ғылым министрлігі Ғылым комитетінің грантын алдық. Содан кейін біз оның құнды қасиеттерін анықтадық. Біз өзіміз ашқан жаңалықты Португалияда таныстырдық. Олар біздің ғылыми әзірлемелерімізге қызығушылық танытып, ынтымақтастық ұсынды. Жобаны орындау кезінде флавоноидтардың суда еритін формаларын аламыз, оларды көміртекті наноматериалдармен модификациялаймыз. Шетелдік ғалымдар жедел тест өткізіп, біз анықтаған наноматериалдар Альцгеймер және Паркинсон ауруларының дамуына кедергі келтіретінін және пациенттерді аурудың алғашқы кезеңдерінде емдеуге көмектесетінін растады. Сонымен қатар түйе тікенегінен алынған модификацияланған биологиялық белсенді заттардың жанама әсерлері жоқ және адам денсаулығы үшін қауіпсіз болып танылды», – деді Қорқыт ата атындағы Қызылорда университетінің зерттеуші-профессоры Нұрбол Аппазов.
</blockquote>
Қызылордалық ғалымдар шетелдік әріптестерімен бірге байқауға қатысу үшін өтініш беріп, Horizon-2020 бағдарламасы бойынша Еуропалық Одақтың грантын жеңіп алды. Енді ғылыми топ клиникаға дейінгі және клиникалық зерттеулер жүргізуді жоспарлап отыр.
Ал, осы университеттің инженерлік бейімдегі зертхана жетекшісі, Нұрғали Ақылбековтің айтуынша, қазіргі таңда көптеген химиялық тұрғыда ауруларды 100 пайызға жоятын немесе алдын алатын дәрілік препараттар жасау болып табылады. Осы біздің қазіргі жасап жатқан жұмысымыз аурулардың бастапқы кезенің емдеу болып табылады. Яғни соған қарсы дәрілік препараттар жасау. Қазір осы бойынша зерттеу қажырлы зерттеулер жүргізіп жатыр.

Нұрбол Аппазов: Біз ашқан жаңалықты шетелдік ғалымдар қолдады

<a href="https://kyzylorda-news.kz/ru/obshestvo/">Kyzylorda-news.kz</a>. Тәуелсіздіктің 30 жылдығын мерекелеу аясында Қызылорда қаласы Назарбаев Зияткерлік мектебінде «Тәуелсіздік сабағы» өтті.
Сабақтың негізгі тақырыбы Қазақстанның тәуелсіз жылдарындағы жетістіктеріне және бүгінгі мектеп оқушыларының ел болашағы үшін жеке жауапкершіліктерін сезінуге бағытталды.
Тарих пәнінің мұғалімі Айгүл Зейнолла цифрлық және бейне ресурстарды пайдалану арқылы&nbsp; түрлі форматтағы оқыту әдістерін қолдана отырып,&nbsp; осы жылдар ішінде еліміздің айтулы оқиғаларына тоқталды. Жас зияткерлермен бірге Қазақстанның әлемдік аренадағы алғашқы қадамдары мен демография, экономика, саясат және білім салалырындағы маңызды шешімдерін талдады.
Сабақ барысында Қазақстан Республикасының Тұңғыш Президенті Елбасы Нұрсұлтан Назарбаев пен Президент Қасым-Жомарт Тоқаевтың ел егемендігінің&nbsp; қалыптасуы мен нығаюына қосқан үлесі ерекше айтылды.
<blockquote>
 «Тәуелсіздік елімізге өзіндік даму жолын таңдауға, мемлекеттік тілді, рәміздерді, құндылықтарды, салт -дәстүрлерді насихаттауға мүмкіндіктер берді», – деді&nbsp; 11-сынып оқушысы Зарина Мұратбекова.
</blockquote>
Виртуалды телекөпірге&nbsp; ұзақ жылдар бойы NIS –пен тығыз ынтымақтастықта жұмыс жасайтын&nbsp; 70 -тен астам ауыл мектеп оқушылары да қосылды.
<blockquote>
 «Зияткерлік мектеп мұғалімі жүргізген сабақ өте танымды өтті. Еліміздің дамуына бағытталған стратегиялық бағдарламалар мен идеяларына талдау жүргізген өрендер мемлекеттің келешек дамуы жайында өз көзқарастарын білдірді. Мұндай сабақтар өскелең ұрпақты патриот болуға үйретеді», – дейді Ж.Маханбетов ауылындағы №143 орта мектебінің мұғалімі Индира Мұханова.
</blockquote>
Сабақтың негізгі кейіпкерлерінің қатарында&nbsp; тәуелсіздік құрдастары болды. «Абзал және К» ЖШС-нің бөлім басшысы Қуандық Темірнұров пен Зияткерлік мектеп педагогы&nbsp; Дина Әшірбаева Қазақстанның болашағының дамуы жайында өз пікірлерін білдіріп, оқушылар тарапынан қойылған сұрақтарға жауап берді.
<img src="https://kyzylorda-news.kz/wp-content/uploads/2021/09/bez-imeni03.png" alt="" />

Екі мың қызылордалық оқушы «Тәуелсіздік сабағына» қосылды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Соңғы көрсеткіштер бойынша аймағымыздағы эпидемиологиялық ахуалды тұрақты деп бағалауға болады. Алайда балалар арасында жаңа оқу жылының алғашқы 19 күнінде індет жұқтырудың 107 дерегі тіркелген.
Бұл туралы Өңірлік коммуникациялар қызметінің ақпарат алаңында өткен баспасөз конференциясында облыстық санитарлық-эпидемиологиялық бақылау департаменті басшысы Динара Жаңабергенова мәлімдеді.
<blockquote>
 98 мектептің 107 оқушысы коронавирус инфекциясын жұқтырған. Басым бөлігі қала мектептерінде анықталды. Бүгінгі күні 107 сынып 14 күнге карантинге жіберілді. Сондай-ақ дәстүрлі форматта оқу процесін бастаған мектеп мұғалімдері арасында КВИ-дің 17 дерегі есепке алынды. Байланыста болғандар шеңбері анықталып, эпидемияға қарсы барлық шаралар орындалды, – деді департамент басшысы.
</blockquote>
Айта кету керек, облыс көлемінде бүгінгі күнге дейін коронавирус инфекциясының 17 403 жағдайы тіркелді. Өткен тәулікте 41 дерек анықталды. Басым көпшілігі эпидкөрсеткіштер бойынша ПТР тапсыру кезінде, 4 жағдай науқастармен қарым-қатынаста болған адамдар арасында анықталды. 207 адам вирус жұқтырған адамдармен тығыз байланыста болғандар ретінде медициналық бақылауға алынған.

Қазақстан және Қызылорда облысының жаңалықтары: Білім