<a href="https://kyzylorda-news.kz/">Kyzylorda-news.kz.</a>&nbsp;&nbsp; Бүгін облыс әкімі Нұрлыбек Нәлібаевтың төрағалығымен Шиелі ауданының даму жоспары қаралған кеңесте аудан әкімі Нұржан Ахатов Жансейіт елді мекеніне 100 орындық мектеп, кенттегі №252 мектепке 375 орындық бастауыш сынып оқитын қосымша құрылыс салудың бюджеттік өтінімдері салалық министрлікке ұсынылғанын айтты. Бұған қоса 200 орындық Оқушылар үйі мен 50 орындық Өнер мектебін салу жоспарлануда. Жоба құны – 1 млрд. 113 млн. теңге. Қазір салалық министрліктермен жұмыс жүргізілуде.Жаңа 200 орындық лагерьдің орны белгіленді, ол Бәйгеқұм ауылындағы көл жағалауынан 6 гектар жерге салынбақ. Жоба-сметалық құжат әзірлеуге және сараптамадан өткізуге 32 млн. теңге қажет.Мұнан бөлек, күрделі жөнделуі тиіс 6 мектептің құжаты демеушілер есебінен әзірленген, сараптамадан өткізу үшін 13 млн. теңге облыстық бюджеттен сұралды.Газ жүргізілген елді мекендердегі 9 мектеп пен 6 балабақшаның бу қазандықтарын табиғи газға ауыстыруға демеушілікпен құжат дайындалуда. Нысандар газға қосылса, жылына 54 млн. теңгеге дейін бюджет қаржысы үнемделеді.Биыл Тартоғай, Ә.Тәжібаев, Бестам, Алмалы, Ортақшыл ауылдарында амбулатория құрылысын бастау жоспарлануда. Ауданаралық аурухананы МРТ құрылғысын орнататын қосымша блокпен толықтырып, қайта жаңғыртудың жобасы мемлекеттік сараптамадан өтуде. Болжамды құны 332 млн. теңгені құрайды.Сонымен қатар, 1974 жылы салынған жұқпалы аурулар бөлімшесінің ғимаратын көшіру мәселесі туындауда. Былтыр «Ауылдық денсаулық сақтауды жаңғырту» ұлттық жобасына сәйкес 30 төсектік жұқпалы аурулар бөлімі ғимаратының жоба-сметалық құжаттамасы жасалып, сараптаманың оң қорытындысы алынды. Эскиздік жобаны құрылыс, сәулет және қала құрылысы басқармасы бекіткен.

Бәйгеқұмда жаңа 200 орындық лагерь салынады

<a href="https://kyzylorda-news.kz/">Kyzylorda-news.kz.</a> Жаңақорған аудандық сотының үкімімен адвокаттар алқасының адвокаты 5 жылға бас бостандығынан айырылды. Ол мектеп пен білім бөлімінің бас есепшілерін қорқытып, ақша талап еткен. Бұл туралы<a href="https://stan.kz/kizilordada-bilim-bolimi-men-mektep-esepshilerinen-aksh-394792/"> Stan.kz</a> ақпарат агенттігі хабарлайды.&nbsp;Қызылорда облыстық прокуратурасының баспасөз қызметі О.Курбановқа қылмыстық кодекстің 194-бабы 3-бөлігі 2-тармағы (ірi мөлшерде мүлiк алу мақсатында қорқытып алушылық) бойынша айып тағылғанын хабарлады.Ол адам бірнеше рет бөтеннің мүлкін мәжбүрлі түрде талап еткен, талабы орындалмаған жағдайда жәбiрленушiге немесе олардың жақындарына елеулі зиян келтiруi мүмкiн мәлiметтердi тарататынын айтқан.Адвокат О.Курбанов 13 мектептің және аудандық білім бөлімінің бас есепшілерінен 6 млн 900 мың теңге талап етіп, бермеген жағдайда облыстық ішкі мемлекеттік аудит департаментіне арызданатынын, одан әрі қылмыстық іс қозғалып, салдарынан ауданның абыройы түсетінін алға тартқан.Фото: Нұрболат Нұржаубай

Қызылордада білім бөлімі мен мектеп есепшілерінен ақша талап еткен адвокат сотталды

<a href="https://kyzylorda-news.kz/">Kyzylorda-news.kz.</a> Облыс прокурорының орынбасары Нұрболат Дүйсенбаев прокуратура органдары мектептерде жүргізген тексерулер нәтижесінде санитарлық-эпидемиологиялық нормалар мен өрт қауіпсіздігі ережелерінің көптеген бұзушылықтарын, мұғалімдерді конкурссыз жұмысқа қабылдау, ыстық тамақпен қамтамасыз ету және мектеп ғимараттарында күзет қызметін көрсету барысындағы бұзушылықтарды атап өтті.<blockquote>«Аймақтағы мектеп директорлары қызметкерді лаборант, ассистент қылып алып, мұғалім орны босағанда конкурс жарияламай 50-ден астам мұғалімді қабылдаған. Жалағаш ауданында және облыс орталығындағы мектептердің ғимараттарына бөтен адамдардың кіріп шығу жағдайына эксперимент жасалып, нәтижесінде ғимаратқа еш кедергісіз қару жарақ және басқа да тыйым салынған құралдармен еркін кіріп шығуға болатынын көрсетті», - деді Нұрболат Дүйсенбаев.</blockquote>Сонымен қатар облыс прокурорының орынбасары келесі маңызды мәселелердің бірі - кәмелетке толмағандар арасында құқық бұзушылық профилактикасына тоқталды.<blockquote>«Өңірімізде балалармен жасалатын құқық бұзушылықтардың саны жылдан жылға артып келеді. Мектеп оқушылары арасында бопсалау, әлімжеттік көрсету және жас ерекшеліктері бойынша топтардың әлі барын атап өтті. Қылмыстың алдын алу, оны болдырмау - құқық қорғау органдары мен атқарушы органдарға жүктелген басты міндет. Бала тәрбиесінде ең бірінші кезекте ата-ана рөлі ерекше. Сондықтан &nbsp;ата-ана жауаптылығын күшейтуге аса мән беру қажет», - дейді Облыс прокурорының орынбасары.&nbsp;</blockquote>Осы ретте, облыс прокуратурасы мектептегі білім процесі, педагогтарды тағайындау, балаларды ыстық тамақпен қамтамасыз ету, олардың білім ордасындағы қауіпсіздігінен бастап түнгі мезгілге дейінгі қауіпсіздігін бақылау, ата-аналарымен профилактикалық жұмыстарды қамтитын Жол картасын әзірледі.Фото: Нұрболат Нұржаубай

Қызылордада мектеп директорлары 50-ден астам мұғалімді конкурссыз қабылдаған

&nbsp;Фото жеке парақшасынан алынды<a href="https://kyzylorda-news.kz/">Kyzylorda-news.kz.</a>&nbsp; Белгілі педагог Ахметжан Аятжанұлы өзінің желідегі парақшасында мектептегі жемқорлыққа қатысты ой-пікірін жазды. Білікті маман бүгінде мектеп директорлары есепшінің жұмысын бақылай алмайтындықтан бухгалтерлер жемқорлыққа батып жатқанын жазды, – деп хабарлайды <a href="https://dalanews.kz/kz/article/bugaltir-jumisi-baqilanbagasin-mektepte-jemqorliq-ushigip-tur-axmetjan-ayatjanuli.html">Dalanews.kz.</a>– Бұрын жемқор шенеунік дегенді жиі айтушы едік. Қазір жемқор бухгалтер, жемқор директор дегенді көп айтатын болдық...Негізі жемқорлық тұтас жүйеде, тұтас қоғамда ауыр деңгейде. Ал соңғы жылдарда ашылып жатқан орта білім саласындағы жемқорлық тек бүгін болған жемқорлық емес.Бұрын мектептер ауданға қарайтын, бар қаржыны бөлетін де, бюджетін реттейтін де аудан еді. Ол кезде көп жемқорлық фактісін аудан өзі реттеп, жабатындықтан білінбей қалатын.Қазір мектеп тіке облысқа қарайды, не жесе де көрініп қалады. Не жесе де ашылып қалады. Бұл – өте дұрыс үрдіс.Енді мәселеге кішкене тереңдесек, Жетісу, Жамбыл, Қызылорда облыстарындағы мектептерде былықтар бірінің соңынан бірі ашылып, кінәлі тек бухгалтер болып жатыр. Мектептегі жемқорлық фактілерінде кінәлілер шынымен тек бухгалтер ме?!Жоқ!Оған жол беріп отырғандар да, ақшаны бөлісіп отырғандар да жазасыз қалмауы керек!Бұл әңгімені бәрі айтып жатыр ғой, жемқорлық туралы бәрі жазып жатыр. Дұрыс, ашыла түсу керек. Жемқорлықсыз, әділетті қоғам болмай, ілгері баспаймыз.Ал мен осы мектептердегі жемқорлықтың себебіне үңіліп көрейін.Біріншіден, директорлар экономикалық, қаржылық жағынан, есепшілер жұмысынан, IT тұрғысынан сауатсыз.Бухгалтерлер қолданатын бағдарламалардан да, тіпті кадр жалақысын есептеуді де білмейді.Сондықтан өзінің қол қоятын электронды цифрлы қол таңбасын (ЭЦҚ) бухгалтерге береді де, оларға «сеніп» отыра береді. Ал басшысы сауатсыз бухгалтер өз білгенін істейді.Екіншіден, қазіргі жүйеде мектепке сауатты директор тарту мүмкін емес. Себебі, жауапкершілік өте ауыр, таңның атысы, кештің батысы бүкіл баланың тағдырынан бастап, бүкіл мектептің күл-қоқысына дейін жауап береді.Ал жалақысы өзінің қол астындағы мұғалімнен екі есе төмен. Сауатты кадрлар мұғалім болып тыныш жүруді жөн көреді. Әкімшілікке аттап баспайды.Сонымен директор орынбасары, директор болатындар мәнсапқұмарлықпен барады немесе мұғалім болудан қашып барады. Әйтпесе, жанып тұрған, бәрінен хабары бар білімді мұғалім жауапкершілігі 5 есе ауыр, жалақысы аз жұмысқа жоламайды.Қазір мектепте директор болып жүрген жандарды екі топқа бөлемін. Бірі – ұзақ уақыт басшылық қызметте жұмыс істеп үйреніп қалғандар, екіншілері – қандай да бір мақсатпен директор болғандар.Олардың ішінде мақсаты ақша болғандар да, мәнсап болғандары да бар. Оның екеуі де шамасы келсе жейді немесе бухгалтеріне жегізеді.Дәл осы жерде жүйені реттемей бұл жемқорлықты тізгіндеу мүмкін емес.Үшіншіден, директордың міндетін атқарушы тағдыры. Қазір елімізде 500-ден астам мектепте директор жоқ, міндетін атқарушылар отыр.Олар – уақытша амалсыз отырған адамдар. Шамасы жетсе, экономикалық мәселеге бас қатырғысы келмейді. Сондықтан да бухгалтерге жеуге жеңіл.Төртіншіден, өңірлерде бухгалтерге де, мектеп директорына да жоғарыдан мемлекеттік тапсырыс міндеттелетін компаниялар бар.Олар жоғарының тапсырмасымен сондай «мықты» компаниялармен жұмыс жасауға міндетті болады. Ол компаниялар біреулерге «шәпкісін» беріп отырады. Бұл жемқорлық тіптен ауыр.Бесіншіден, жалпы директор – бұрынғы мұғалім, бұрынғы директор орынбасары. Ол қаржы, экономика, ақша есептеуге мүлде жоқ адамдар. Ал бухгалтер кәсіби маман... Осыдан да біраз нәрсенің беті ашылады.2018 жылы Өмір Шыныбекұлы "Мектептегі жан басына қаржыландыру біраз директордың тағдырын ойран етеді, оларды ақшаны дұрыс жаратуға үйрету керек" деп еді... Сол айтқаны келіп жатыр...Шыны керек, бүгінгі директорға (мектеп басшысына) қойылатын талап өте жоғары.Бірінші, оқушымен жұмыс.Екінші, ұжыммен жұмысҮшінші, ата-анамен жұмысТөртінші, жоғары органдармен жұмысБесінші, қаржымен жұмысАлтыншы, шаруашылық жұмыс, –деп кете беретін ауыр жұмыстар бар. Оның ішіндегі ең қиыны – адаммен жұмыс. Мысалы, бүгінгі бір күніңді бір ғана адам быт-шытын ете салады. Бір ғана адам бір күндік жүйкеңді құрта салады. Дәл осындай кезде директор болу – отқа өз еркіңмен түсуге пара-пар!Меніңше, мәселені басқаша реттеу керек!Бір өңірлерде мектепке жұмысқа тұру 2,5 миллион теңге екен, оны антикор да, әкімдік те, елдің бәрі де біледі...Бірақ бәрі білмегендей... Неге?Осыдан-ақ бәрі түсінікті...Мектеп жемқорлықтан құтылмайынша мемлекет жемқорлықтан құтылмайды.Немесе керісінше, мемлекет жемқорлықтан құтылмайынша мектеп жемқорлықтан құтылмайды...Бұл бағытта айтатын дүние көөп, әттең! Бірақ бізді кім тыңдайды...

Бухгалтер жұмысы бақыланбағасын мектепте жемқорлық ұшығып тұр – Ахметжан Аятжан

Фото: senate.parlam.kz<a href="https://kyzylorda-news.kz/ru/">Kyzylorda-news.kz</a>&nbsp; Қазақстанда оқушылардың оқу сауаты төмендеп барады. Бұл жағдай жастардың білікті маман болып қалыптасуына айтарлықтай қауіп төндіреді. Мұндағы тиімді шешімнің бірі – көшбасшы елдердің тәжірибесін негізге ала отырып Ұлттық бағдарлама әзірлеу. Бүгін білім беру, тәлімгерлік және балалардың қауіпсіздігі мәселелері туралы заңды талқылау барысында Сенат Төрағасы Мәулен Әшімбаев Оқу-ағарту министрінің бірінші орынбасары Наталья Жұмаділдаеваның халықаралық рейтинг жөніндегі сөйлеген сөзіне орай осындай пікір білдірді, деп жазады <a href="https://egemen.kz/article/357295-oqushylardynh-oqu-sauaty-tomendep-barady-%E2%80%93-mashimbaev">Egemen.kz.</a>Мәулен Әшімбаев оқушылардың оқырмандық сауаты төмендеп бара жатқанын айтты. Соңғы жылдары ЭЫДҰ PISA-ның халықаралық білім беру сапасын бағалау рейтингі ЭЫДҰ елдеріндегі қатарластарынан үлгерім жағынан айтарлықтай артта қалғанын көрсетіп отыр. Сенат Төрағасы бұл мәселе өмір сүру, кәсіби біліктілікті қалыптастыру бағытындағы негізгі қарым-қабілетті жойып жіберу қаупін төндіретініне алаңдайтынын жеткізді.<blockquote>«2023 жылдың желтоқсанында біз ЭЫДҰ PISA-2022 білім сапасын халықаралық бағалаудың жаңа нәтижесін алдық. Біздің мектеп оқушыларының нәтижелері бойынша өсу динамикасының болмауы көңілге кірбің ұялатады. Кейбір көрсеткіштер бойынша жағдайдың нашарлап бара жатқанын байқауға болады. Атап айтқанда, оқырмандық сауаттың төмендеуі ерекше алаңдатып отыр. Біздің оқушылар өзге елдердегі қатарластарынан 3 жылға қалып барады. Жалпы, оқу сауатының төмендеуі жүйелі мәселелерді көрсетеді. Ол бүгінде балалардың әлеуметтік желілерге тым әуес екенін білдіреді», деді Сенат Спикері.</blockquote>Мәулен Әшімбаев оқу сауатын арттыру жөнінде арнайы бағдарлама қабылдау қажеттігін атап өтті. Зерттеу нәтижесі тек статистика емес, шешім қабылдау құралы және мәселені шешу үшін одан әрі тиімді әрекет ету жөніндегі нұсқаулық екенін де тілге тиек етті.<blockquote>«Біріншіден, Оқу-ағарту министрлігі аясында оқу сауаттылығын арттыру жөнінде арнайы бағдарлама қажет. Екіншіден, нәтиже белгілі болғаннан кейін (шамамен - PISA нәтижесі бойынша) оны жылы жауып қоюға болмайды. Одан қорытынды шығару керек. Соған сәйкес іс-қимыл жоспарын жасап, қалыптасқан жағдайды өзгерту қажет. Сондықтан Сенаттың тиісті комитетімен бірлесе отырып, алдағы шаралар талқыланып, іске асырылады деп күтеміз. Жалпы, мұндай халықаралық зерттеулердің нәтижелеріне өте байыпты қарау керек. Көшбасшы елдердің тәжірибесі бойынша оқырмандық сауаттылықты дамыту жөніндегі Ұлттық бағдарлама әзірлесе де артық етпейді», деді Сенат Төрағасы.</blockquote>

Оқушылардың сауаты төмендеп барады – М.Әшімбаев

<a href="https://kyzylorda-news.kz/ru/">Kyzylorda-news.kz</a> Өскемендегі мектептердің бірінде оқушылар арасында жанжал шығып, соңы төбелеске ұласты. Бұл туралы <a href="https://stan.kz/oskemende-mektep-okushilari-tobelesip-auir-zharakattand-394694/">Stan.kz </a>ақпарат агенттігі. &nbsp;Шығыс Қазақстан облысы полиция депарментінің баспасөз қызметінің мәліметінше, орта мектеп оқушысы екіншісіне суық қару қолданған. Қақтығыс кезінде ол жиналмалы кәдесый пышағын алып, қарсыласына сермеген. Салдарынан өзі де жарақат алды.Оқушылардың бірінің қолы, екіншісінің беті кесілген. Мектепке жедел-жәрдем мен полиция шақырылды. Зардап шеккендер ауруханаға жатқызылды. Ана мен бала орталығы мамандарының айтуынша, олардың өміріне қауіп төнбейді.​​​Облыстық полиция департаментінің баспасөз хатшысы Татьяна Карпова бұзақылық фактісі бойынша сотқа дейінгі тергеу басталғанын атап өтті.<blockquote>"Барлық мән-жай анықталып жатыр. Бақылау камераларынан видеолар зерттеліп, қауіпсіздік шараларын күшейту бойынша профилактикалық жұмыс жүргізілді", – деді Татьяна Карпова.</blockquote>Фото: Нұрболат Нұржаубай

Мектеп оқушылары төбелесіп, екеуі пышақ жарақатын алды

Ғылым және жоғары білім министрі Саясат Нұрбек &nbsp;Астанада өткен форумда жоғары оқу орнында 4-5 жыл оқу тым ұзақ екенін айтты.Білім саласын зерттейтін HolonIQ дейтін аустралиялық халықаралық агенттік бар. Соның 2024 жылға арналған есебі шықты. Ол есепте биыл трендте болатын екі негізгі құбылыс аталған. Оның біріншісі – жоғары білім саласында жаңа дағдылар мен жаңа біліктіліктердің пайда болуы. Яғни, біздің қатып қалған 4 жылдық, 3 жылдық, 5-6 жылдық оқыту циклдарымыз – ұзақ. Еңбек нарығы оларды күте алмайды. Бұған дейін біліктілік арттыру трендте болса, енді кез келген қызметкердің негізгі білім базасын қысқа мерзімде заман талабына сай дағдылармен ауыстыру трендте болады. Яғни, дайын маманды 2-3 айлық курс арқылы жаңа технологияларға үйрету өзекті болмақ, — деді министр. &nbsp;

Саясат Нұрбек: Қазіргі заманда жоғары оқу орнында 4-5 жыл оқу тым ұзақ

<a href="https://kyzylorda-news.kz/ru/">Kyzylorda-news.kz</a>&nbsp; Елімізде бірінші сыныпқа құжаттарды қабылдау мерзімі 31 тамызға дейін ұзартылды. Бұл туралы KAZ.NUR.KZ ведомствоның Telegram-дағы ресми арнасына сілтеме жасап хабарлайды.&nbsp;Оқу-ағарту министрлігі ата-аналардың өтініші бойынша білім беру ұйымдарына қабылдау қағидаларына өзгерістер енгізді.&nbsp;<blockquote>"Егер бұрын бірінші сыныпқа қабылдау мерзімі сәуірдің 1-нен тамыздың 1-не дейін жүзеге асырылса, енді баланың ата-анасынан немесе өзге де заңды өкілдерінен бірінші сыныпқа құжаттарды қабылдау күнтізбелік биыл сәуірдің 1-і мен тамыздың 31-і аралығында өтеді", - делінген хабарламада.&nbsp;</blockquote>Сонымен қатар Оқу-ағарту министрлігі демалыс кезінде ғана мектептен мектепке ауысуға байланысты шектеу алынғанын мәлім етті. Осылайша, жаңа ережелерге сәйкес, балаларды тұрғылықты жері бойынша оқу жылы ішінде мектептен мектепке ауыстыру мүмкіндігі бар.<blockquote>"Техникалық және кәсіптік білім беру ұйымдарына қабылдау кезеңі тамыздың 25-і аяқталуына байланысты білім алушылардың өтініштерін оныншы сыныпқа қабылдау мерзімі тамыздың 15-нен тамыздың 31-не өзгертілді. Колледжге қабылданбаған білім алушылар мектептің 10-11 сыныптарында оқуын кедергісіз жалғастыра алады", - деп хабарлады ведомство өкілдері.&nbsp;</blockquote>

Елімізде бірінші сыныпқа құжаттар қабылдау мерзімі ұзартылды 

<a href="https://kyzylorda-news.kz/ru">Kyzylorda-news.kz</a> &nbsp;«Ұлттық мектептің» негізін қалаушы Аятжан Ахметжан <a href="https://kyzylorda-news.kz/ru">Kyzylorda-news.kz</a> ақпараттық агенттігіне берген сұхбатында орыс тілін білмейтінін, орыс тіліндегі құжатқа қол қоймайтынын айтты.&nbsp;<blockquote>«Бұл – ұстанымым. Мен үшін елімізде негізгі тіл – қазақ тілі. Қазақстанның 8 қаласында «QazBilim» орталығы да тек қазақ тілінде жұмыс істейді. Бұл қалаларда 400-ге жуық адам бар. Яғни 400 адам жұмыс істейтін компания қазақ тілін алға қояды. &nbsp;Өткен жылы химиядан PhD докторлық диссертацияны да қазақ тілінде қорғадым. Орыс тілінсіз ғылымда да, басқасында да жетістікке жетуге болады деп есептеймін. Иә, тіл білу – мүмкіндік. Бірақ жетістікке жетудің кілті емес. Негізі бес тілді меңгергенмін. Мен сияқты бес тілді білетін, бірақ жетістікке жетпеген адамдарды білемін», - дейді ол.&nbsp;</blockquote> &nbsp;

Аятжан Ахметжан: Орыс тілін білмеймін, орыс тіліндегі құжатқа қол қоймаймын 

<a href="https://kyzylorda-news.kz/ru/">Kyzylorda-news.kz</a>. Қалалық білім бөлімінің хабарлауынша, ертең ауа райына байланысты 0-4, бастауыш сынып оқушылары қашықтан оқиды.&nbsp;Фото: Нұрболат Нұржаубай

Қызылордалық оқушылар онлайнға шығады

Фото: Наурызбай Байқадамовтың желідегі парақшасынан &nbsp;<a href="https://kyzylorda-news.kz/ru/">Kyzylorda-news.kz</a>&nbsp; Облыс әкімі Нұрлыбек Нәлібаев өзінің жинақтаған жеке қолданысындағы кітаптарының ішінен 170-ке жуық кітапты кітапханаға өткізіпті. Бұл туралы облыстық мәслихат төрағасы Наурызбай Байқадамов әлеуметтік желідегі парақшасында бөлісті.&nbsp;<blockquote>«Бүгін Ә.Тәжібаев атындағы әмбебап кітапханасында болдық. Облыс әкімі Нұрлыбек Машбекұлы Нәлібаев өзінің жинақтаған жеке қолданысындағы кітаптарының ішінен 170-ке жуық кітапты кітапханаға өткізіпті. Тағылымды іс.Кітап сарқылмас қазына. Одан асқан қазына, байлық жоқ шығар деп ойлаймын. Осы орайда, жас жазушы Мәлік Отарбаевтың «Мәдениеттің мәйегі» атты мақаласынан үзіндіні оқырмандарға ұсынып отырмын.&nbsp; «Адамзаттың ең ұлы тұлғалары – пайғамбарларға кітаптан басқа киелі дүние түскен емес. Жәбірәйіл періштенің Мұхаммед пайғамбарға жеткізген ең алғашқы сөзі де: «Оқы!»Кейде кітап мәңгілік өмірдің символындай болып көрінеді. Ұрпақтан ұрпаққа жалғасып, қолдан-қолға ауысып, мәңгі-бақи елдің есі, жұрттың жадысы болып қала береді. Түрік жазушысы Орхан Памук: «Кітаптың мәңгі қалатындығына және кітапханада мәңгі сақталатындығына сенгенім үшін ғана жазамын» депті. Мән бергенге ойлы сөз. Келешекке деген үміт. Ұлтымыздың аты аңызға айналған алыбы Шерхан Мұртаза: «Мәдениеттің мәйегі – кітап» деген. Иә, кітап оқымайтын адамнан бәрін күтуге болады. Қатыгездікті де, мәдениетсіздікті де. Шынында, кітап оқымайтын адамнан қорқу керек. Бүгінде біреуден залал көрсек, сондайлардан көріп жүрміз.Ал кітап қорын сақтайтын кітапхана – ардақты жазушымыз Әбіш Кекілбаевтың сөзімен айтқанда, «Адамды адамзат екен» киелі қарашаңырақ. Оны бұрынғы оқымыстылар храмға, мешітке балаған. Өйткені кітап оқудың өзі құлшылық жасағанмен бірдей үлкен сауап.&nbsp; Ендеше, «Театр киім ілгіштен басталады» емес пе. Қазіргі «ғибадатханаларға» кіре қалсаңыз, кіреберісінде түрлі тексерістен өтіп, қару асынған күзетке тап боласыз. Кітап әлеміне біртүрлі сеніміңізден айырылып, көңіліңізге күдік ұялатып кіресіз. Неткен ерсі көрініс десеңізші. Кім біледі, бұл да бүгінгі күннің «цензурасы» шығар...», делінген Наурызбай Байқадамовтың жазбасында.</blockquote>

Нұрлыбек Нәлібаев 170-ке жуық кітабын кітапханаға өткізді

&nbsp;Фото: taulik.kz«Өрлеу» орталығының жұмысына көңілім толмайды деп айтты Аятжан Ахметжан <a href="https://kyzylorda-news.kz/ru">Kyzylorda-news.kz.</a> берген сұхбатында.<blockquote> Біліктілік арттыру бойынша Назарбаев зияткерлік мектебінің жанындағы екі курсқа да көңілім толмайды. Ең өкініштісі, «Өрлеуде» сан қуалау бар, яғни «Өрлеу» орталығына келген мұғалімдердің бәрі сертификат арқалап шығады.Он бес күннің он күніне қатысып, қалған бес күн үйінде жүріп, сертификат алғысы келетіндер бар. Бұл – &nbsp;сапаны қашыру. Ұстаз мықты, білікті болмаса, онда қоғам ешқашан өрге баспайды, - деп санайды А.Ахметжан.</blockquote>

Қазақстан және Қызылорда облысының жаңалықтары: Білім