<a href="https://kyzylorda-news.kz/">Kyzylorda-news.kz.</a> Биыл аймақтағы үздік жоғары оқу орны Қорқыт ата атындағы Қызылорда университетін таңдайтын талапкерлер қатары көбейді. Өткен жылғы оқу жылымен салыстырғанда білім алушылар контингенті 13%-ға, ал грант саны 25%-ға артты. Бүгінде бұл білім ордасында 10 мыңнан астам студент білім алады. Жаңа оқу жылындағы өзге де жаңалықтар туралы Өңірлік коммуникациялар қызметінің баспасөз алаңында Қорқыт ата атындағы Қызылорда университетінің Басқарма төрағасы – Ректоры Бейбіткүл Кәрімова мәлімдеді.<blockquote>«Мемлекет басшысы Қасым-Жомарт Тоқаев «Әділетті Қазақстанның экономикалық бағдары» атты Жолдауында «Жасанды интеллектінің мүмкіндіктерін толық пайдалансақ, білім экономикасына тың серпін береміз. Жетекші халықаралық компаниялармен ынтымақтастық орнату жоспарлануда. Білікті мамандар даярлауымыз қажет. Кемінде үш белгілі жоғары оқу орны жасанды интеллект саласына қажетті кадр даярлаумен және зерттеулер жүргізумен айналысуы керек» деген болатын. Осы ретте, Қорқыт ата атындағы Қызылорда университетінде Оңтүстік Корея Республикасы Үкіметінің қолдауымен Сеул ұлттық ғылым және технология университетімен (SeoulTech) ынтымақтастық аясында Жасанды интеллект және бизнес-инкубация жоғары мектебі ашылады. Мұнда жасанды интеллект, киберқауіпсіздік және информатика саласындағы үздік кадрлар дайындалатын болады», - деді Бейбіткүл Сәрсемханқызы.</blockquote>Сонымен қатар, Оңтүстік Кореяның Шинхан университетімен білім беру бағдарламаларын оқыту, материалдық-техникалық базаны нығайту бойынша бірлескен жобаларды іске асыру көзделуде. Университет білім сапасымен бірге, студенттерге қолайлы жағдай жасап келеді. Білім алушылардың қатары көбейгенімен жатақхана мәселесі туындамайды екен. Университет бойынша жатақханалардағы орын саны – 1230, қазіргі уақытта студенттер үйіне 1097 білім алушы жолдама алды. Бұған қоса, Мемлекет басшысының тапсырмасына сәйкес студенттердің шәкіртақысы 20 пайызға көбейген. Оқытушылардың жалақысы да едәуір артқан.

Қорқыт ата атындағы Қызылорда университетінде 10 мыңнан астам студент білім алады

Бүгін Қызылорда қаласындағы С. Толыбеков атындағы №3 ІТ-мектеп-лицейінің және Т.Есетов атындағы № 264 мектеп-лицейдің жанынан салынған қосымша ғимараттар пайдалануға берілді.Салтанатты ашылу рәсіміне облыс әкімі Нұрлыбек Нәлібаев қатысып, жиналған жұртшылықты құттықтады.&nbsp;<blockquote>«Мемлекет басшысы Қасым-Жомарт Кемелұлы Тоқаев «Әділетті Қазақстанның экономикалық бағдары» атты дәстүрлі Жолдауында адал азамат және тұғырлы тұлға болудың негізі бала кезден қалыптасатынын айтты. Ол үшін жас ұрпақтың қауіпсіз әрі алаңсыз өмір сүруін қамтамасыз етуіміз керек. Балаларға қауіпсіз орта қалыптастыру – ортақ міндет, маңызды бағыттарымыздың бірі. Кейінгі жылдары оқушы санының артуына байланысты бірнеше білім ошағы қосымша құрылысты қажет етті. Өздеріңіз білетіндей, орталықта жаңа мектеп салуға ыңғайлы жер жоқ. Жаңадан ашылған жерге салынған мектепке қатынау қиын. Әсіресе қыстың қысқа күндері ата-аналар балаларына алаңдайды. &nbsp;Тағы бір айтарлығы, қосымша ғимарат бюджетке аса ауыр салмақ салмайды, жаңа мектепке қарағанда арзан. Ең маңыздысы- балаларымыздың қауіпсіздігі, &nbsp;олар үйіне жақын, &nbsp;үйренген мектебінде &nbsp;оқиды. Үш ауысымдық мектептер ауласына қосымша ғимарат салу барлық жағынан да тиімді болғандықтан, осы шешімге тоқталдық», – &nbsp;деді аймақ басшысы.</blockquote>С. Толыбеков атындағы №3 ІТ-мектеп-лицейінің ауласындағы 375 орындық ғимаратта бастауыш сыныптар оқиды. Ал Т.Есетов атындағы № 264 мектеп-лицейдің қосымша ғимараты 550 орындық.&nbsp;Жаңа ғимараттарда оқу кабинеттері, шығармашылық бөлмелер талапқа сай жабдықталған. Оқушыларға ыңғайлы болу үшін оқу құралдарын сақтауға, &nbsp;шығармашылық дамуы мен демалуына барлық жағдай қарастырылған. Бейнебақылау, дыбыстық хабарлау және басқа да қауіпсіздік жабдықтары орнатылған.&nbsp;Еске салсақ, Білім күні қарсаңында қалалық №101 мектеп-лицей және Абай атындағы үш тілде оқытатын дарынды балаларға арналған мамандандырылған сыныптары бар мектептің жанынан салынған осындай оқу ғимараттары пайдалануға берілген еді. Осылайша облыс орталығындағы 4 мектептің 1 850 балаға арналған қосымша ғимараттары жаңа оқу жылында балаларды қабылдады.&nbsp;Айта кетейік, Сыр өңірінде заманауи жаңа білім ошақтары бой көтеріп, жас ұрпақтың сапалы білім, саналы тәрбие алуына баса мән берілген. Аймақта &nbsp;3-6 жастағы балаларды мектепке дейінгі тәрбиемен қамту үлесі &nbsp;100 пайызға, ал 2-6 жастағылардың қамтылуы 88,9 пайызға жетті. Мемлекет пен жекешеменшік әріптестіктің ынтымақтастық аясы кеңейіп келеді. Бүгінде облыстағы 613 балабақшаның 453-і немесе 73%-ы жеке сектордың үлесінде.&nbsp;Мемлекет басшысының бастамасымен қолға алынған "Жайлы мектеп" ұлттық жобасы шеңберінде 100 млрд. теңгеге жуық қаражатқа 21 заманауи мектеп салынбақ. Биыл 10 мектептің іргетасы қаланады. &nbsp;Қаланың сол жағалауында «ҚазГерМұнай» компаниясының қаржылай қолдауымен 350 орындық заманауи Оқушылар сарайы салынады. Бұл қосымша білім беру ордасында озық ойлы, өнерге құштар, спортқа бейім дарынды балалар тәрбиеленбек.<img src="https://knadmin.beoblood.kz/uploads/shkola_1_e05f219f9e.jpg" alt="школа 1.jpg"><img src="https://knadmin.beoblood.kz/uploads/shkola_11_12c34060a0.jpg" alt="школа 11.jpg"><img src="https://knadmin.beoblood.kz/uploads/375266146_604096241911624_2184831548914609286_n_4c2c94cbd4.jpg" alt="375266146_604096241911624_2184831548914609286_n.jpg"><img src="https://knadmin.beoblood.kz/uploads/375130962_604096365244945_8844861946470084120_n_5d37ee3d94.jpg" alt="375130962_604096365244945_8844861946470084120_n.jpg"><img src="https://knadmin.beoblood.kz/uploads/375212192_604096731911575_5820782184978324088_n_cd65eaf7b8.jpg" alt="375212192_604096731911575_5820782184978324088_n.jpg">

Қызылордада екі мектеп жанынан қосымша ғимараттар ашылды

<a href="https://kyzylorda-news.kz/">Kyzylorda-news.kz.</a> Қызылорда қаласында жаңа жеке мектеп ашылды.Бүгін 1 қыркүйек – білім күні. Кез келген елдің мүддесі мен болашағына білім саласының маңызы зор. Мемлекет басшысының тапсырмасына сәйкес, ұстаздар жалақысы көбейді. Бұл ілкімді іс білім саласының маңыздылығын тағы да дәлелдей түсті. Қазақ халқының білімге құштар болуына ел азаматтары да үлес қосуда. Мәселен, білім күніне орай Сыр бойында Dostyq School мектебі ашылды. Бұл мектеп 10-11 оқушыларды тереңдетіп оқумен қатар, жеке индивид болуға күш жұмсайды. Қазіргі таңда, бірнеше дамыған мемлекет нарықта элиталық мектептің қажеттілігін көрсетті. Жалпы, элиталық білімнің көмегімен дарынды және амбициялы жастар жаңа кәсіп ашып, инновациялық технологияларды дамытып, білім мен денсаулық сақтау саласының сапасын арттырып, елінің әлеуметтік-экономикалық дамына үлес қосады.<blockquote>«Достық білім беру орталғы бүгінде Достық мектебі болып, ресми түрде ашылды. Қазақстан бойынша 20 жылдық тәжірибесі бар білім беру орталығы екенін білесіздер. Еліміздің түкпір-түкпірінде ашылған орталық 2006 жылы Қызылорда қаласына да келді. Осы күнге дейін 40 мыңнан астам талапкер бізден білім алып, мемлекеттік грантқа қол жеткізді. Әр жыл сайын 2 мыңнан астам оқушымыз Назарбаев зияткерлік мектебі мен Білім-инновация лицейіне грантқа түседі. Достық білім беру орталығы қаншама жылдық тәжірибесін пайдаланып, мектеп болып ашылуды жөн санады. Біз зәулім ғимарат немесе замануи құрылғылармен ерекшеленетін мектеп емеспіз. Ең басты ерекшелігіміз бұл біздің білім берудегі жеке методикамыз. Сол үшін де оқушыларымыз бізді таңдап келді», - деді Dostyq School мектебінің директоры Айдын Асылбекұлы.</blockquote>

Қызылордада «Dostyq school» жеке мектебі ашылды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев қызылордалық ұстаздар мен оқушыларды Білім күнімен құттықтады.&nbsp;<blockquote>«Құрметті ағайын! Қадірлі ұстаздар мен оқушылар!&nbsp;Сіздерді Білім күнімен, жаңа оқу жылының басталуымен құттықтаймын!&nbsp; Адамзат баласын өркениетке жеткізетін, ой-сана биігіне шығаратын білім екені белгілі. Мемлекет басшысы Қасым-Жомарт Кемелұлы Тоқаев «Сапалы білім – жетістікке жетудің жолы әрі экономиканы дамытудың басты құралы. Жеті түрлі ілім білетін ұрпақ тәрбиелеу – бүгінгі күннің негізгі міндеті» деп атап өтіп, саланың басты бағытын айқындап берді. Президентіміз бен Үкіметтің қолдауы арқасында Сыр өңірінде жас ұрпақтың білімді, тәрбиелі болып жетілуі үшін ауқымды жұмыстар атқарылуда. Жайлы да еңселі балабақша, мектеп, қосымша білім беру мекемелерінің ғимараттары бой көтеріп, үш ауысыммен оқу мәселесі шешілді. Оқушылар тегін ыстық тамақпен қамтылды. Балалар мектепке қатынау үшін арнайы жабдықталған автобустар жолға шықты.&nbsp; Бүгін облыс бойынша 180 мыңнан астам оқушы алтын ұяларына тағы бір белесті бағындыру үшін оралды, 17 мыңнан астам бала мектеп табалдырығын алғаш рет аттап, «Әліппені» қолға алды. Оларды білім нәрімен сусындататын ұстаздары, қанатын қатайтып, жол көрсететін мектебі күтуде. Мереке күні білім саласының барша қызметкерлеріне еңбектеріңіз жемісті болсын деп тілектестігімді білдіремін. Тәуелсіздігіміз тұғырлы, жас ұрпақ, шәкірттер зейінді болсын!», - деді аймақ басшысы.</blockquote>

Нұрлыбек Нәлібаев: Бүгін 17 мыңнан астам бала мектеп табалдырығын алғаш рет аттады

<a href="https://kyzylorda-news.kz/">Kyzylorda-news.kz.</a> Қасым-Жомарт Тоқаев 5 жастан асқан балаларға арналған «Келешек» атты бірыңғай ерікті жинақтау жүйесін енгізуді тапсырды.<blockquote>«Мемлекеттің білім саласына қатысты жұмысында тұтастық, яғни жүйе жоқ. Тіпті, өзара байланыс жоқ деуге болады. Сондықтан бес жастан асқан балаларға арналған «Келешек» атты бірыңғай ерікті жинақтау жүйесін енгізуді тапсырамын, - деді Президент.</blockquote>Мемлекет басшысының айтуынша, екі жинақ қаражаты қосылғанда жас ұрпақтың сапалы білім алуға мол мүмкіндік туады.<blockquote>«Бұл бағдарламада мемлекет тарапынан ұсынылатын бастапқы білім беру капиталы, жыл сайынғы мемлекеттік сыйақы және инвестициялық табыс қарастырылуға тиіс. Осы жинақ пен «Ұлттық қор – балаларға» жобасының қаражаты қосылғанда жас ұрпақтың сапалы білім алуына мүмкіндік туады», - деді ол.</blockquote>

Екі жинақ қаражаты жас ұрпақтың сапалы білім алуына мол мүмкіндік береді

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев ұстаздар мен оқушыларды Білім күнімен құттықтады.Президент өзінің <a href="https://www.instagram.com/p/CwobTafsXg0/?next=https%3A%2F%2Fwww.instagram.com%2Faccounts%2Fedit%2F%3F__coig_login%3D1">Instagram</a> парақшасында мемлекет жас өрендердің сапалы білім, тағылымды тәрбие алуы үшін барлық жағдайды жасайтынын атап өтті.<blockquote>«Құрметті ұстаздар мен оқушылар! Сіздерді Білім күнімен шын жүректен құттықтаймын! Бүгін жаңа оқу жылы басталады. Республикамыздағы барлық мектеп миллиондаған шәкіртке есігін айқара ашады. Өскелең ұрпақ – еліміздің ертеңі! Мемлекет жас өрендердің сапалы білім, тағылымды тәрбие алуы үшін барлық жағдайды жасайды. «Мектептің жаны – мұғалім» деп Ахмет Байтұрсынұлы айтқандай, ұстаздың бала тәрбиесіндегі орны ерекше. Әр оқушының тұлға болып қалыптасуында мұғалімдер маңызды рөл атқарады. Сондықтан біз педагогтерді әрдайым қолдаймыз. Қазақстанның болашағы – білімді ұрпақтың қолында! Олардың оқуда озат болып, қоғамның барлық саласында биік белестерді бағындыруына тілектеспін. Жастарымыз келешекте Отанымызға адал қызмет етіп, оның дамуына үлес қосатынына кәміл сенемін. Білім күні құтты болсын!» делінген жазбада.</blockquote>

Қасым-Жомарт Тоқаев ұстаздар мен оқушыларды құттықтады

<a href="https://kyzylorda-news.kz/">Kyzylorda-news.kz.</a> Медициналық жоғары оқу орындарының түлектері мен еңбек өтілі бар жас дәрігерлердiң оқуларын резидентурада жалғастыруға ниет білдіргендер қатарынан 25 дәрігер облыс әкімінің грантын иеленді. &nbsp;Ендігі жерде мамандар жергілікті бюджеттен қарастырылған қаржы шеңберінде дипломнан кейінгі оқуларын резидентурада➖ Нефрология (4) ➖ Акушерия және гинекология (2) ➖ Радиология (4) ➖ Дерматовенерология ➖ Неврология (5) ➖ Ревматология (4) ➖ Травматология ➖ Эндокринология ➖ Онкология ➖ Радиология ➖ Кардиология (интервенционный кардиолог) мамандықтары бойынша жалғастырмақ.&nbsp;

Қызылорда облысы бойынша 25 резидент облыс әкімінің грантын иеленді

<a href="https://kyzylorda-news.kz/">Kyzylorda-news.kz.</a> Ертең Білім күніне орай аймақтағы барлық оқу орындарында қауіпсіздікті қамтамасыз ету үшін 594 полиция қызметкері және 139 қызметтік автокөлік жұмылдырылады. Бұл туралы Өңірлік коммуникациялар қызметінде өткен брифингте Қызылорда облыстық полиция департаменті бастығының бірінші орынбасары Шамшидин Амитов баяндады.&nbsp;Бала – өмірдің жалғасы. Мектеп жасындағы балалардың қауіпсіздігі мәселесінің маңызы зор. Жаңа оқу жылының басталуына сәйкес оқушылар қауіпсіздігі басты назарға алынды. Бүгінгі таңда полиция департаменті жергілікті атқарушы органдармен бірлесіп балалардың қауіпсіздігі үшін тиісті шаралар атқарылуда.&nbsp;<blockquote>«Жаңа оқу жылының басталуына орай полиция қызметі күшейтілген кестеге көшіріліп жұмыс істеуде. 1 қыркүйек – «Білім күнінде» барлық оқу орындарында қауіпсіздікті қамтамасыз етуге 594 қызметкер және 139 қызметтік автокөлік жұмылдырылатын болады. Оқу жылының алғашқы күндерінен бастап, мектеп алдындағы жол өткелдерінде, балалар травматизмінің алдын алу мақсатында таңертеңгі, түскі және кешкі уақытында ювеналды және патрульдік полиция инспекторлары күнделікті қызмет атқаратын болады. Сонымен қатар, Республика көлемінде өтіп жатқан «Назар аударыңыз балалар!» шарасы аясында, облыста орналасқан 295 мектептің аумағында жол белгілеріне тексеріс жұмыстары жүргізілді. Аталмыш шара барысында жол белгілерінің 100 данасы қайта қалпына келтіріліп, жаңадан 75-і орнатылды. Мектеп алдындағы 91 жаяу жүргінші өткелінің таңбалары жаңартылды. Сондай-ақ, оқушылармен жол жүрісі ережелерін сақтауға және тасымалдау кезінде оларды ұстау құрылғыларын пайдалануды насихаттауға бағытталған аудио, бейнероликтер қоғамдық орындарда, автобустарда, кинотеатрларда көрсетіледі. Жаяу жүргіншілердің кінәсінен болатын жол-көлік оқиғаларының негізгі себептері – жүріс бөлігін белгіленбеген жерден өтуі, бағдаршамның тыйым салу сигналына өтуі, кенеттен жақын келе жатқан көліктің алдына шығу болып табылады. Осы орайда, барша ата-аналар мен балаларды жол жүру ережесін қатаң сақтауға шақырамыз»,- деді полиция полковнигі Шамшидин Егенбердіұлы.</blockquote>

Шамшидин Амитов: Ертең оқу орындарында 594 полиция қызметкері қауіпсіздікті қамтамасыз етеді

<a href="https://kyzylorda-news.kz/">Kyzylorda-news.kz.</a> Қызылорда қаласындағы Зияткерлік мектептің &nbsp;ұстаздары Шотландияның &nbsp;Глазго қаласында өткен Білім берудегі европалық зерттеу (ЕСЕR) халықаралық конференциясына қатысып, білім беру үдерісіндегі өзекті мәселелер бойынша өз зерттеулерін таныстырды.&nbsp;Ағылшын тілі мұғалімі Зәуре Ермаханова &nbsp;«Мұғалімдердің екі есе қажеттілігі бар оқушылармен жұмыс жасаудағы тәжірибесі және түсінігі» тақырыбында баяндама жасады. Бұл жұмыста педагог отандық мектептердегі инклюзиялық білім беруде оқушылардың арнайы қажеттілігін қанағаттандыра отырып, олардың дарындылығын дамыту бағытын жан-жақты қарастырған.&nbsp;Ал физика мұғалімдері Айнұр Құрақбаева мен Гүлназ Диханбаева оқыту үдерісінде онлайн платформалардың көмегі арқылы оқушыларға тиімді кері байланыс беруді ұйымдастыру жолдарын &nbsp;ұсынды. Авторлардың айтуынша, қазіргі таңда оқушының бойында өз бетімен білім алу, бәсекеге қабілетті болу, алғырлық сияқты қабілеттерін дамыту педагог мамандардың алдына қойған мақсаттарының біріне айналуы тиіс.&nbsp;80 мемлекеттен 3500-ден астам зерттеушінің &nbsp;басын қосқан педагогикалық алаңда ағылшын тілі пәнінің мұғалімі Жанат Төреханова да оқушылардың ЭССЕ жазу барысында аргументтеу дағдысын дамыту туралы еңбегін таныстырып, &nbsp;әдістемелік қоржынын тың идеялармен толықтырып қайтты.

ЕСЕR -2023: Сырбойылық ұстаздардың зерттеулері әлемдік алаңда таныстырылды

<a href="https://kyzylorda-news.kz/">Kyzylorda-news.kz.</a> Білім күні қарсаңында Қызылорда қаласындағы екі іргелі мектептің жанынан салынған қосымша ғимараттар пайдалануға берілді.Салтанатты ашылу рәсіміне облыс әкімі Нұрлыбек Нәлібаев қатысып, жиналған жұртшылықты Конституция және Білім күнімен құттықтады.<blockquote>«Ұлт ұстазы Ахмет Байтұрсынұлының «Құралсыз iс iстелмейдi һəм құрал қандай болса, iстеген iс те сондай болмақшы. Iстiң толық жақсы болуына мектеп &nbsp;сайлы һəм жақсы болуы шарт» деген сөзі баланы оқытуға, ең бірінші жайлы да заманауи мектептің керегін еске салады. Бүгін біз осындай жайлы да жаңа ғимараттың ашылуының куәсі боламыз. Бала санының жыл санап артуына байланысты бірнеше білім ошағы қосымша құрылысты қажет етті. Өздеріңіз білетіндей, орталықта жаңа мектеп салу үшін жер телімі табылмайды. Қала сыртына салынған мектепке қатынау ата-анаға да, балаға да айтарлықтай қиындық туғызады. Қосымша ғимарат салудың тағы бір тиімді тұсы – бюджет қаржысы үнемделеді, жаңа мектепке қарағанда арзанға түседі. Ең маңыздысы балалар өздері үйренген, үйіне жақын мектебіне қатынайды. Сондықтан бәріне бірдей оңтайлы шешімге, яғни үш ауысыммен оқитын мектептер ауласына қосымша ғимарат салуға тоқталдық», – &nbsp;деді аймақ басшысы.</blockquote>№101 мектеп-лицей ауласында салынған 375 орындық ғимаратта бастауыш сыныптар оқитын болады. Ал Абай атындағы үш тілде оқытатын дарынды балаларға арналған мамандандырылған сыныптары бар мектепке 550 орындық қосымша ғимарат салынды. Жаңа ғимараттарда оқу кабинеттері, шығармашылық бөлмелер талапқа сай жасақталған. Оқушыларға ыңғайлы болу үшін оқу құралдарын сақтауға, балалардың шығармашылық дамуы мен демалуына толық жағдай қарастырылған.Бейнебақылау, дыбыстық хабарлау және басқа да күшейтілген қауіпсіздік жабдықтары орнатылған. Облыс орталығындағы 4 мектептің (№№2,3,101,264) 1 850 балаға арналған қосымша ғимараттары жаңа оқу жылында балаларды қабылдайды.Айта кетейік, Сыр өңірінде заманауи жаңа білім ошақтары бой көтеріп, жас ұрпақтың сапалы білім, саналы тәрбие алуына баса мән берілген. Аймақта &nbsp;3-6 жастағы балаларды мектепке дейінгі тәрбиемен қамту үлесі &nbsp;100 пайызға, ал 2-6 жастағылардың қамтылуы 88,9 пайызға жетті. Мемлекет пен жекешеменшік әріптестіктің ынтымақтастық аясы кеңейіп келеді. Бүгінде облыстағы 613 балабақшаның 453-і немесе 73%-ы жеке сектордың үлесінде.Мемлекет басшысының бастамасымен қолға алынған «Жайлы мектеп» ұлттық жобасы шеңберінде құны 86,2 млрд.теңге болатын 21 заманауи мектеп салынбақ. Жаңа білім ордаларына 12 мыңнан аса оқушы барады. Биыл 10 мектептің іргетасы қаланады. &nbsp;Қаланың сол жағалауында «ҚазГерМұнай» компаниясының қаржылай қолдауымен 350 орындық заманауи Оқушылар сарайы салынады. Бұл қосымша білім беру ордасында озық ойлы, өнерге құштар, спортқа бейім дарынды балалар тәрбиеленеді.&nbsp;<img src="https://knadmin.beoblood.kz/uploads/369739994_602061185448463_3199870603202053135_n_b972854c24.jpg" alt="369739994_602061185448463_3199870603202053135_n.jpg"><img src="https://knadmin.beoblood.kz/uploads/369721634_602061218781793_4961128233330551728_n_7f9aef1abf.jpg" alt="369721634_602061218781793_4961128233330551728_n.jpg"><img src="https://knadmin.beoblood.kz/uploads/369721709_602061775448404_3008180181426105475_n_af27f6f3c8.jpg" alt="369721709_602061775448404_3008180181426105475_n.jpg">

Қызылордада жаңа оқу ғимараттары ел игілігіне табысталды

<a href="https://kyzylorda-news.kz/">Kyzylorda-news.kz.</a> «Назарбаев Зияткерлік мектептері» дербес білім беру ұйымы Педагогикалық шеберлік орталығында жас мұғалімдердің «Жас ұстаз: табысқа апарар жол»⠀ІІ республикалық форумы аяқталды.Жас ұстаздардың біліктілігін көтеруге арналған шараға Қызылорда облысынан аудандық және қаланың шет аймақтарында &nbsp;орналасқан 9 ауыл педагогі қатысты.Биылғы «Жас ұстаз – 2023» бағдарламасының басты ерекшелігі – сұранысқа ие алаңда ауылда еңбек етіп жүрген табысты 180 жас ұстаздар бас қосты. Олардың барлығы ауылдық білім берудің әлеуетін дамыту аясындағы жобаға қатысып жатқан тірек мектептерде жұмыс істейді.<blockquote>«Жаңа оқу жылы басталмас бұрын жас мұғалімдердің республикалық форумын өткізудің өзектілігі сонда, олардың әрқайсысы өзінің жеке даму траекториясын білім берудегі әлемдік трендтермен салыстырады. Ауыл мектебінде жұмыс істеу – нағыз миссия екенін бәріміз түсінеміз, ал «Жас ұстаз» кәсіби дамудың жаңа кезеңін ашады», – деп делегаттарға қош келдің айтты Білім беру жөніндегі жаһандық комиссияның Азия хабының комиссары Күләш Шәмшидинова.</blockquote>Әр форумда «Галстуксіз кездесуге» оқу-ағарту министрінің келуі әдемі дәстүрге айналып барады.Оқу-ағарту министрі Ғани Бейсембаевтың экспромттары қанатты сөздерге айналып, форум делегаттары өздеріне &nbsp;түртіп алды.<blockquote>«Менің өмірдегі барлық жетістіктерім оқушылардың арқасында ғана мүмкін болды. «Назарбаев Зияткерлік мектептері» ДББҰ Басқарма төрағасы Әнуар Жанғозин жақсы бір мақалды еске салды: «Егер ынта бар болса, ғаламда қиын іс жоқ». «Сондықтан біздің жас әріптестеріміздің ынта-жігері неғұрлым жоғары болса, соғұрлым оң нәтижеге қол жеткізе алады деп ойлаймын», - дейді.</blockquote>Жүзуден халықаралық дәрежедегі спорт шебері, жасөспірімдердің Бірінші Азия паралимпиада ойындарының жүлдегері &nbsp;Азамат Оразбек, ғалым-зерттеуші, «Mbionics» компаниясының негізін қалаушы, бірегей экзоскелеттің авторы Мәулен Бектұрғанов, «бокстан халықаралық дәрежедегі спорт шебері, халықаралық жарыстардың жеңімпазы әрі жүлдегері, балаларға арналған бокс секциясының жетекшісі Мұхит Амантаевпен кездесуден шабыттанған ұстаздар қаншама рет қол соққанын есептеу қиын! Олардың әрқайсысын өз замандастарына шабыт пен жігер &nbsp;бере алатын абсолютті мотивациялық көшбасшы деп атауға болады.Форумда қазіргі кәсіби басымдықтарға арналған тақырыптық алаңдар жұмыс істеді: тиімді жоспарлау, функционалдық сауаттылықты қалыптастыру, эмоционалды интеллекті дамыту, мұғалім жұмысындағы зерттеулер, оқытудағы саралаулар, бағалау. &nbsp;«Армандағы мектеп – киіз үй болғанда, бұрышқа ешкім тұрмайды» – мұндай қорытындыға форум делегаттары болашақ мектептің ең батыл және шығармашылық үлгілеріне арналған педагогикалық квест барысында келді. Олар Ыбырай Алтынсарин атындағы «Қара шаңырақ», Саммерхилл және Монтессорр, Вальдорф, «Дальтон-план» мектептерін ғана емес, өздерінің манифесттерін де ұсынды.<blockquote>«Бұл шараның басты мақсаты – ауыл мектебіндегі жас ұстаздардың беделін көтеру. Біз өз облысымыздағы, ауылымыздағы әріптестерімізбен тәжірибе бөлісіп, түрлі әдіс-тәсілдерді меңгердік. Ауыл мектебін таңдаудағы басты мақсатым – өзім түлеп ұшқан алтын ұя мектебімнің беделін көтеру. Сондай-ақ ауыл мектептеріндегі оқушылардың ғылымға деген қызығушылығын арттыру, мәртебесін көтеру», – дейді Сырдария ауданы, Амангелді ауылы №42 мектеп-лицейі мұғалімі &nbsp;Піржан Төлеген облысы.</blockquote>«Мұғалім жұмысындағы зерттеулер» тақырыбы болса, ұлттық құндылығымыз – киіз үйдің ассоциациясымен керемет ұштасқан болатын: форум қатысушылары соның моделінде зерттеу сабағының жоспарын құрастырды. Шұғыла Қалиханова мен Күнсая Утешева өткізген шеберлік сабақта жас ұстаздар зерттеу жұмысын дайындау процесімен танысты. Алаңның тағы бір өзекті тақырыбы – «Өз эмоциямызды басқарып үйренейік». Қызжібек Абдраманова мен Сәуле Журунтаева өзіннің және өзгенің эмоциясын оқу, оларды басқару және олардың себебін түсіну жөнінде айтты. Дауыс тембрі, ым-ишара тілі, дене мүсіні, арома-имидж – бұл ұстаздың имиджін қалыптастырып қана қоймай, сабақ атмосферасын құратыны сөзсіз.«Функционалдық сауаттылықты арттыру» тақырып алаңының тренерлері Қаламқас Абдикаримова мен Талғат Мукутовтардың пікірінше, педагогтың басты мақсаты – білімді тіпті тәжірибеде емес, өмірде қолдануы. Қазіргі таңда функционалдық сауаттылық анықтамасына дағды мен тәжірибе, талдау және түсіну, стандартты емес өмірлік жағдайлар мен сыни тұрғыдан ойлау ұғымдары кіреді.Табыс синергиясын құру үшін мұғалім педагогикалық, мазмұндық және технологиялық білімді өз тәжірибесіне қалай кіріктіре алады? Педагогикалық шеберлік орталығының тренерлері Ринат Рамазанов пен Бауыржан Ділманов TPACK Journey шеберлік сыныбында форум делегаттары үшін өзекті сұраққа жауап берді.Форум финалының леп белгісін «Сәттілікке ие бол» бірегей лотереясы қойды. Бірегейлігі сол, барлық жеңімпаздарға Педагогикалық шеберлік орталығынан вебинарларға сертификаттар мен еліміздің барлық мұғалімдері армандайтын Lesson box қорапшасы табыс етілді. Бүгінде барлық форум делегаттары олардың әрқайсысының жолы &nbsp;болғанына сенімді, өйткені нағыз сәттілік – Жас ұстазға қатысу!<blockquote>«Бірінші «Жас ұстаз: табысқа апарар жол» форумы жас әріптестеріміз әр мектептің стратегиялық ресурсы екенін дәлелдеді. Олар қазіргі таңдағы білім беруге жаңа идеялар мен жаңа шешімдерді енгізеді, балаға қолайлы атмосфера мен цифрлық білім беру ортасын қалыптастырады. Сонымен қатар форум табысқа жету жолында ең креативті және табысты мұғалімдерді біріктіреді. Бүгін біз барлық өңірдегі ауылдық мектептердің атынан қатысатын екінші форумның қатысушылары да жаңа буынның кәсібилігіне сенім ұялататынына қуаныштымыз», – деп атап өтті Педагогикалық шеберлік орталығының директоры Жанбота Кабдыкаримова.</blockquote>«Жас ұстаз: табысқа апарар жол» – тағы да өзінің символдық атауын ақтады. Екінші республикалық форум елімізде жас мұғалімдердің біліктілігін арттырудың жаңа шығармашылық алаңы құрылғанын растады.&nbsp;<img src="https://knadmin.beoblood.kz/uploads/Whats_App_Image_2023_08_31_at_09_45_41_2_d95267518b.jpeg" alt="WhatsApp Image 2023-08-31 at 09.45.41 (2).jpeg"><img src="https://knadmin.beoblood.kz/uploads/Whats_App_Image_2023_08_31_at_09_45_41_20eaafa975.jpeg" alt="WhatsApp Image 2023-08-31 at 09.45.41.jpeg"><img src="https://knadmin.beoblood.kz/uploads/Whats_App_Image_2023_08_31_at_09_45_41_3_a718f2f734.jpeg" alt="WhatsApp Image 2023-08-31 at 09.45.41 (3).jpeg">

Ауыл педагогтері біліктілігін көтеруде

Kyzylorda-news.kz. Қызылорда облысында 319 мектеп бар болса, оның 295-і мемлекеттік, ал 24 мектеп жеке меншіктегі білім ұйымы. Осыған орай, жаңа оқу жылында аталмыш мектептерде 180 мыңнан астам оқушы білім алады. Ал 17 543 бала алғаш рет мектеп табалдырығын аттайтын болады. Бұл туралы Қызылорда облысының Өңірлік коммуникациялар қызметінде өткен баспасөз конференциясында облыс әкімінің орынбасары Мейрамбек Шермағанбет хабарлады.&nbsp;<blockquote>«Мемлекет басшысының үлкен қолдауының арқасында өңірімізде сапалы білім ұйымдарының саны едәуір артып келеді. Сондай-ақ, аймақ басшысының тікелей қолдауының арқасында биыл «Білімді қолдау қоры» есебінен Қызылордада қаласында физика-математика бағытындағы мектеп-интернатының құрылысы басталды. Бұл жобаның жалпы құны – 7,9 млрд. теңге. Сондай-ақ, қаламыздың сол жақ жағалауында «ҚазГерМұнай» компаниясының қаржылай қолдауымен 350 орындық заманауи үлгідегі Оқушылар сарайы салынады. Бұл жағымды жаңалықтар білім саласына зор серпіліс беретіні анық. Өздеріңіз білетіндей, жылдан-жылға қаладағы мектептерде бала саны көбейіп келеді. Тиісінше, мектептердегі орын тапшылығы айтарлықтай сезілуде. Бұл өзекті мәселені шешу мақсатында облыс орталығындағы 1 850 балаға арналған 4 мектептің жанынан қосымша ғимарат салынуда. Бұл нысандар жаңа оқу жылында балаларды қабылдайтын болады. Бұдан бөлек, мектептерді заманауи пәндік кабинеттермен жабдықтау, бала қауіпсіздігін қамтамасыз ету үшін соңғы үлгідегі бейнекамералар алуға жергілікті бюджеттен – 1 миллиардқа жуық қаржы бөлінді. Сонымен қатар, облыстағы білім ұйымдары оқулық және оқу-әдістемелік құралдармен 100 пайыз қамтылады», - деді облыс әкімінің орынбасары Мейрамбек Зинабдинұлы.</blockquote>Баспасөз конференциясында облыс әкімінің орынбасары балаларды әлеуметтік қолдау бағытына да ерекше тоқталып өтті.&nbsp;Оның айтуынша, биыл алғаш рет 1-4 сыныптарда оқитын 70 мыңнан астам бала тегін ыстық тамақпен қамтылған. Бұған жергілікті бюджеттен 5,5 млрд. теңге қаралды. Ал 5-11 сыныпта оқитын әлеуметтік көмекті қажет ететін 17 мыңға жуық оқушының ыстық тамағына - 3,3 млрд. теңге бөлінді. Одан бөлек, әлеуметтік жағдайы төмен 37 087 баланы бір реттік қаржылай көмекпен қамтамасыз ету үшін жергілікті бюджеттен - 1,3 млрд. теңге қаралды. Әр түрлі себептермен қаржылай көмекке ілінбей қалған оқушыларға демеушілер тарапынан көмек көрсетілуде. Бүгінде 7 421 балаға қажетті құралдармен мектеп формалары табысталды. Сондай-ақ, жаңа үлгідегі 30 автобус шалғайдан қатынайтын оқушылардың игілігіне қызмет етеді.

Қазақстан және Қызылорда облысының жаңалықтары: Білім