<a href="https://kyzylorda-news.kz/">Kyzylorda-news.kz</a>.&nbsp;Екінші деңгейлі тұрғын үй нарығында да баға 12,2%-ке қымбаттаған.
Бұған зейнетақы қорының қаржысын баспана алуға жұмсау мүмкіндігі түрткі болды. Бәсекелестікті қорғау және дамыту агенттігінің төрағасы Серік Жұманғарин келтіргендей, жоғары сұраныс пен тұрғын үй нарығындағы шектеулі ұсыныс осындай жағдайды туындатты. Дегенмен бағаны негізсіз өсіру жағдайлары жіті тексеріліп отыр. Мәселен, жыл басынан бері агенттік құрылысшыларға он бір ескерту жіберген.
Нәтижесінде Шымкент, Қостанай, Өскемен және Қарағандыда жаңадан тұрғызылып жатқан баспананың бағасы төмендетілді. Сонымен бірге тұрғын үйдің шаршы метріне бағаның қалай құрылатыны жайлы ақпар бергісі келмеген 21 компанияның үстінен әкімшілік іс қозғалды.&nbsp;
<blockquote>
 «АрселлорМиттал» компаниясы сияқты бірқатар құрылыс кәсіпорны бізге ақпар беруден бас тартты. Тіпті біздің заңды құқығымызға қарсы шығып, шағымданады. Олар: Алматыдағы BI group, Нұр-Сұлтандағы BI холдинг, «ОрдаИнвест», «НовоСити» және Ақмола облысындағы бірнеше компаниялар. Оларға мәлімет бермегені үшін 10 млн теңгенің айыппұлы салынды. Бұдан былай бұл компаниялар біздің жіті назарымызда болады», – ҚР Бәсекелестікті қорғау және дамыту агенттігінің төрағасы Серік Жұманғарин.
</blockquote>
<a href="https://24.kz/kz/zha-aly-tar/o-am/item/476680-t-r-yn-jdi-sharshy-metrine-ba-a-alaj-rylady">Хабар 24</a>

Тұрғын үйдің шаршы метріне баға қалай құрылады?

<a href="https://kyzylorda-news.kz/">Kyzylorda-news.kz</a>. Коронавирустан бас көтере алмай жатқан Үндістанда тағы бір ауру шықты, деп хабарлайды <a href="https://www.inform.kz/kz/undistanda-tagy-bir-auru-tarap-zhatyr_a3786140">ҚазАқпарат</a>.
Мамандардың айтуынша, бұл дертке коронавирустан жазылған азаматтардың шалдығуы жиілеген. Ауру адамның мұрыны мен таңдайын шірітіп, безгек тудырады. Мұндай микроб әдетте топырақта, өсімдікте, шіріген жеміс-жидекте кездеседі.

Тағы бір ауру тарай бастады

Kyzylorda-news.kz. Ұлы Жеңіс күні қарсаңында Қызылорда қаласындағы Назарбаев Зияткерлік мектебінің оқушылары мен ата-аналары аймақтағы ҰОС ардагерлерінің үйіне барып, мерекелік сый-сияпат көрсетті.
Бүгінде Қызылорда облысында көзі тірі небәрі 11 Ұлы Отан соғысының ардагерлері қалды. Жеңіс батырларына құрмет көрсету және көрсеткен ерліктері үшін шынайы алғысын білдіруді мақсат тұтқан мектеп ұжымы дәстүр бойынша жеңіс батырларымен жүздесті. Ақсақалдар келген қонақтарға қуанғандарын жасырмады.
Кездесу барысында оқушылар отты жылдар тарихы туралы тың ақпарат алып, ардагерлердің ақ батасын алды.
<blockquote>
 «Ер есімі – ел есінде» демекші, ешкім де, ештеңе де ұмытылмайды. Қиын күндерде даңқты ерліктің үлгісін көрсетіп, бізге бейбіт аспан астында өмір сыйлаған батырларымызға бас иіп, шынайы алғысымызды білдіреміз», – деп құттықтауын жеткізді 8-сынып оқушысы Айя Сердалы.
</blockquote>
Отты жылдардың бел ортасында болып, соғысты басынан өткерген тарихи адамдармен жүздесу бақытына ие болған қызылордалық зияткерлер Жеңіс батырларының есімдері жастардың мәңгілік есінде сақталып, олардың жасаған ерліктері ұрпақтан ұрпаққа жетіп отыратынын жеткізді.

Қызылордалық зияткерлер соғыс ардагерлерін құттықтады

<a href="https://kyzylorda-news.kz/">Kyzylorda-news.kz</a>. Қазақстан Республикасының денсаулық сақтау вице-министрі – еліміздің бас санитар дәрігері Ерлан Қиясовқа сөгіс жарияланды. Бұл туралы Nur Otan партиялық бақылау комитетінің басшысы Артур Платонов&nbsp;<a href="https://www.facebook.com/artur.platonov.184">Faceboоок</a>&nbsp;парақшасында хабарлады.
Депутаттың айтуынша, адамдар оған әлеуметтік желі арқылы шағымданған. Олар министр орынбасарлары мен өңірлердегі шенеуніктер азаматтармен кездесу кезінде қандай да бір мәселе бойынша “партиялық міндеттемені орындаудан қашатынын” айтқан.
Артур Платоновтың сөзінше, азаматтар елде бәрі қымбаттап жатқанын жеткізген. Сондай сәтте партия төсбелгісін тақпайтын шенеуніктер жауапкершіліктен жалтарып кететінін айтқан.
<blockquote>
 “2019 жылдың 21 тамызындағы Саяси кеңестің кеңейтілген отырысында Nur Otan партиясының төрағасы Нұрсұлтан Әбішұлы Назарбаев партияны қайта жаңарту бағдарламасының негізгі тезистерінің бірі – дәрежесіне, лауазымына, мәртебесіне қарамастан партия тәртібін, сайлаушылар алдындағы жауапкершілікті арттыру екенін мәлімдеді. Оның ішінде партия құрамында бар екенін көрсететін партия нышанына құрмет мәселесі де бар”, – деп жазды Платонов.
</blockquote>
Кей мырзалар азаматтардың алдында өз жұмысынан ұяла ма? Әлде партия белгісін тағар болса, костюмін бүлдіріп алудан қорқа ма? деп сауал қойды комитет басшысы.
<blockquote>
 “Денсаулық сақтау вице-министрі Е.А. Қиясов, Қызылорда облысы әкімінің орынбасары Б.Д. Жаханов, Алматы қаласы әкімінің орынбасары М.С. Кикимов, Шығыс Қазақстан облысы әкімінің орынбасары Ш.С. Буктугутов, Жезқазған қаласының әкімі Қ.Б. Әбсаттаров партия нышанынсыз жүруді артық көретінін айтуға мәжбүрміз”, – деп жазды Платонов.
</blockquote>
Осыған байланысты Қиясовқа сөгіс беріліп, қалған шенеуніктерге ескерту жасалды.

&#8220;Костюмін бүлдіріп алудан қорқа ма?&#8221;:   Шенеуніктерге ескерту жасалды

Kyzylorda-news.kz. Қазақ театры мен кино өнерінің мақтанышына айналған Ғазиза Әбдінәбиева дүниеден өтті.
Бұл туралы Instagram парақшасында Асхат Маемиров жазды.
Ғазиза Әбдінәбиева Қазақстанның еңбек сіңірген артисі, «Парасат», «Құрмет» ордендерінің иегері, қазақ театры мен кино өнерінің майталманы.
1948 жылы Қызылорда облысы, Сырдария ауданы Тартоғай ауылында туған.

Актриса Ғазиза Әбдінәбиева дүниеден өтті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстанда “қызыл” аймақта орналасқан өңірлерде жолаушыларды шығарып салушылар мен күтіп алушылар әуежай мен теміржол вокзалына кіргізілмейді.
Тиісті қаулыға көліктегі бас мемлекеттік санитарлық дәрігер Жанар Оразалина қол қойды.
Оған сәйкес, коронавирустың таралуы бойынша “қызыл” аймақта тұрған өңірлерде әуежай мен теміржол вокзалы ғимараттарында жолаушыларды күтіп алушылар мен шығарып салушыларды кіргізуге шектеу енгізіледі.
15 сәуірдегі жағдай бойынша&nbsp;“қызыл”&nbsp;аймақта Нұр-Сұлтан, Алматы, Шымкент қалалары және Атырау, Ақтөбе, Ақмола, Алматы, Батыс Қазақстан, Қарағанды облыстары орналасқан.
“Сары”&nbsp;аймақта: Шығыс Қазақстан, Жамбыл, Қызылорда, Павлодар, Солтүстік Қазақстан, Маңғыстау облыстары.
“Жасыл”&nbsp;аймақта: Қостанай және Түркістан облыстары.
<a href="https://sputnik.kz/society/20210415/16802126/auejaiaylar-vokzaldar.html">Sputnik</a>

Қазақстанда карантин күшейтілді – бүгіннен бастап жаңа қаулы күшіне енді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Көрнекті мемлекет және қоғам қайраткері, 1960-86 жылдары Қазақстанды басқарған Дінмұхаммед Қонаев – ананы қатты құрметтеген адам болған екен. Тіпті, ақ жаулықты ананы сыйлағаны соншалық – оған имандай сенетін көрінеді. Оны басынан кешкен мына бір оқиғадан аңғарамыз.
Бірден Дінмұхаммед Қонаев жұмыс сапары Мойынқұмға барады. Ол кез – Мойынқұм қойшыларының дүркіреп тұрған заманы. Құмдағы шопандар жайында жазылған мақала мен очеркте шек болмады.
“Мойынқұмда ел жайлауы” деп басталатын әнді айтып, кеңестік дәуірдегі шопандардың шаттық жыр-сазын шырқамаған әнші қалмады. Бұл – даңқты Еңбек ері Жазылбек Қуанышбаевтың атамекені. Ұлы шопан егіздетіп төл алған қасиетті мекен.
Жетпісінші жылдары Мойынқұм өңірінде жаңа шаруашылық құрылып, жол салынып, шаруашылық ісі қатты қарқын алады. Содан сол шаруашылықты көріп, шопандармен таныспақ болып Дінмұхаммед Қонаев арнайы ұшақпен Алматыдан қарадүз далаға аттанады.
Шалғайдағы “шопандар елін” белгілі азамат, Жоғарғы Кеңес депутаты Айтбай Назарбеков басқарды. Яғни, бірінші хатшы осы кісі еді. Мойынқұмға келген Димекең шопандармен жүздесіп, қой-жайларын көріп, аудан басшыларынан көкейкесті мәселелерін сұрап, әңгіме-дүкен құрады. Басшыларға көңілі толған Димекең жүруге ыңғайланған кезде хатшы Назарбеков күллі топты қонаққа шақырады.
Ту жылқы сойылып, қазы-қарта асылып, неше түрлі тағам дайындалып, бірінші басшының үйінде “ақ түйенің қарны жарылған” екен. Димекең шұбат ішіп отырады. Ет қазаннан түсіп, қадірлі қонаққа бас тартылар алдында Димекеңнің дәрігері оны барып тексеруі тиіс екенін сездіреді. Дәрігер орнынан қозғалып, қазан басына баруға ыңғайлана бастайды. Сонда Димекең оны тоқтатып, үй иесіне қарап былай дейді:
<blockquote>
 “Жаңа үйге кірерде қазақтың он бала тапқан анасы алдымнан шықты. Ал енді сол ана пісірген асты әкеледі деп отырсыңдар. Ана берген ас қашанда адал”, – деп бата беріп, бастан дәм татқан екен.
</blockquote>
Бұдан біз басшы, елдің нөмір бірінші адамы бола тұра, анаға келгенде әрқашан сенім артқанын аңғарамыз.
<a href="https://massaget.kz/mangilik_el/tup_tamyir/asyil_soz/64630/">Massaget</a>

Дінмұхаммед Қонаев: Ана берген ас адал

Kyzylorda-news.kz. Бүгін сағат 14-35-да Қызылорда қаласы Шұғыла мөлтек ауданы 4 үйдің 2 қабатында орналасқан пәтерден өрт шығып, өрт сөндірушілердің күшімен 7 адам құтқарылды.
Өрттің салдарынан Шұғыла мөлтек ауданы 4 үйде орналасқан бес қабатты тұрғын үйдің 20 пәтерінің асхана және қонақ бөлмелері жанып, ауданы 23,5 шаршы метрі зақымдалды. Сағат 15-00 минутта өрт толығымен сөндірілді. Өртті сөндіруге өртке қарсы қызметінен 17 қызметкер 6 техникасымен жұмылдырылды. Өрттің шығу себебі мен шығыны анықталуда.
<img src="https://kyzylorda-news.kz/wp-content/uploads/2021/04/img-20210408-wa0035.jpg" alt="" />

Қызылордада көпқабатты тұрғын үйден өрт шықты

Дубайдағы Caesars Palace Dubai аренасында кәсіпқой бокс кеші өтті. Онда қазақстандық боксшы Тұрсынбай Құлахмет (2-0, 1 КО) WBC International чемпионының белбеуін сәтті қорғады, деп хабарлайды &nbsp;<a href="https://www.sports.kz/news/video-polnogo-boya-tursyinbaya-kulahmeta-s-nokdaunom-i-zverskim-nokautom-za-70-sekund">Sports.kz</a>.
Ол венесуэлалық Эбер Рондонмен (20-0, 13 КО) титулды жекпе-жек өткізді.
Айқас 10 раундқа созылады деп күтілген болатын. Нәтижесінде бірінші раундта Тұрсынбай Құлахмет қарсыласын нокаутқа жіберді.
Оның алдында ғана Эбер Рондон бір мәрте нокдаун алған еді. Қазақстандық боксшының жеңіске жетуіне небәрі 70 секунд керек болды.
Осылайша Тұрсынбай Құлахмет кәсіпқой бокс карьерасындағы екінші жеңісіне қол жеткізді. Ал Рондон үшін бұл – спорт жолындағы аң алғашқы жеңіліс.
Айта кетейік, мұның алдында Тұрсынбай Құлахмет өткен жылдың қарашасында британдық боксшы Маколей Макгоуэнді (14-2-1, 3 КО) жеңіп, WBC белбеуін иеленген болатын.
<blockquote>
 The <a href="https://twitter.com/hashtag/HerringFrampton?src=hash&ref_src=twsrc%5Etfw">#HerringFrampton</a> undercard started with a BANG? <a href="https://t.co/LhFgcbieB5">pic.twitter.com/LhFgcbieB5</a>
 — ESPN Ringside (@ESPNRingside) <a href="https://twitter.com/ESPNRingside/status/1378424451172163587?ref_src=twsrc%5Etfw">April 3, 2021</a>
</blockquote>

Тұрсынбай Құлахмет қарсыласын 70 секундта нокаутқа жіберді

Kyzylorda-news.kz. Тарих бетінде таңбаланған үш ұлы бидің ескерткішінің орталық алаңнан Арал аудандық сот ғимаратының алаңында қайта жаңғыруының маңызы зор.
Осы орайда аралдықтар әйгілі билеріміздің көшін бастаған ұлы тұлғалардың тұғыртасының айналасында бас қосты. Тағылымды шараға аудан әкімі Мұхтар Оразбаев, зиялы қауым өкілдері, аудан ардагерлері, сот саласының қызметкерлері қатысып, заң саласының бүгінгі майталмандарына ізгі тілектерін жеткізді.
<blockquote>
 «Әділдіктің жаршысы бола білген билеріміздің көшін Төле би, қаз дауысты Қазбек би, Әйтеке билеріміз бастайтыны даусыз. 
 Олар өмір сүрген кезең – тарихымыздың тәлімі көп, ел үшін үлгі болатын ерекше кезеңі. Олар жаугершіліктің кесірінен ыдыраған халқының есін жиған, әділетті билік шешімдерінен айнымай, келешекке көз салып, үміт отын жағу арқылы көрегендік пен ұйымдастырушылық көрсете білген. 
 Содан болса керек, үш ұлы би тарихымызға қоғам және саяси қайраткерлер ретінде енген. Олар тек бітімгер судья ғана емес, хандардың кеңесшісі де болды. Біз осы күнге дейін олардың нақыл сөздеріне, өсиеттеріне сүйенеміз. 
 Жалпы, Тәуелсіздікті қастерлеу тарихтан тағылым ала білуден басталады. Осы орайда біздер бүгін тәуелсіздіктің ақ таңын мұрат еткен, аты аңызға айналған үш биінің қайта жаңғырған тұғыртасының айналасында бас қосып отырмыз»,- деген аудан басшысы ұлы тұлғаларды ұлықтап, кейінгі ұрпаққа насихаттаудың маңызына ерекше тоқталып өтті.
</blockquote>
Айта кету керек, аталған шараға Қызылорда облыстық билер кеңесінің төрағасы З.Нұрсейітов, Шиелі аудандық және Байқоңыр қалалық билер кеңесінің төрағалары да арнайы ат басын бұрып, ізгі лебіздерін білдірді.
<img src="https://kyzylorda-news.kz/wp-content/uploads/2021/04/168630868_2948009492194084_1399398984072627777_n.jpg" alt="" />

Арал: Қазақтың үш биінің ескерткіші сот ғимаратының алдына қойылды

Kyzylorda-news.kz. Бүгін Нұрлыбек Нәлібаев «Қызылорда тазалығы» серіктестік қызметкерлерімен арнайы кездесіп, жылдар бойы тазалықты сақтауға ерекше күш салып, Сырдың бас шаһары Қызылорданың абыройын асыруда еселі еңбек еткен мекеме жұмысшыларына алғаусыз алғысын айтып, шексіз ризашылығын жеткізді.
<blockquote>
 «Ортақ үйіміз, сүйікті қаламыз Қызылорданың еліміздегі ең таза шаһардың біріне айналуы жолында сіздердің еңбектеріңіз ерекше, үлестеріңіз зор» – деді Нұрлыбек Нәлібаев.
</blockquote>
Сонымен қатар бұрынғы қала әкімі күн-түн демей тыным таппай, уақытпен санаспай, еңбекақысын адалынан алған тазалықшылардың жұмысы көпке үлгі болу керектігін атап өтті. Сондай-ақ сырттан келген қонақтар алдымен қаланың тазалығын айтуы ол қала тазалықшыларының еңбектеріне берілген үлкен баға екенін де айтты.
<blockquote>
 «Бүгінгідей беделді белесті бағындырып, абырой биігінен көрінуіме де сіздер үлес қостыңыздар. Барлығы үшін алғыс айту мақсатында арнайы ат басын бұрып, алдарыңызға келдім» – деді Нұрлыбек Нәлібаев.
</blockquote>
Өз кезегінде тазалықшылар Нұрлыбек Машбекұлының алғаш қала билігіне келген сәтінде мекеменің жұмысын ширатып, тірлігін түлетуге, қордаланған мәселелерін шешуге көп күш салғандығын, қызметкерлердің әлеуметтік жағдайын реттеуде ауқымды жұмыстар атқарғандығын атап өтіп, жаңа қызметіне табыс тіледі.
Кездесу соңында Нұрлыбек Машбекұлы тазалықшылардың алдағы уақытта да сапалы жұмыс істейтіндіктеріне сенім артатындығын жетікізіп, мекеме қызметкерлеріне сый-құрмет көрсетті.
<img src="https://kyzylorda-news.kz/wp-content/uploads/2021/04/img-20210403-wa0032.jpg" alt="" />

Нұрлыбек Нәлібаев қала тазалықшыларымен кездесті

Kyzylorda-news.kz. Әдетте, ересектер мен үлкен кісілер шашы ағара бастаса, “ой, мен қартая бастадым” немесе қиын бір жағдайға тап болса “шашым ағаратын болды ғой” деп жатады. Расында да, шаштың ағаруы қартаю мен стреске байланысты ма әлде бұл жай миф не стереотип пе? Бұл жағын ойланып көрген жан бар ма екен… Біздіңше, кез келген адам бір рет болсын ойланары хақ.
Солардың бірі, трихолог маман, Америка дәрігері Джо Чинкотта бұл сұрақтың жауабын таппақ болып, мыңға жуық адам жинап, зерттеу жүргізген екен.
Зерттеу тобы сынаққа келген адамдардың тамақ рационын, өмір сүру салты мен күйзеліс деңгейі, жүйкесі, терісі мен шашы сынды гендік ерекшеліктері басты назарға алынып, сол туралы деректерін алып салыстырады.
Ғалымдар жиналған мәліметтерді саралай келіп, біраз нәрсеге таңқалған екен.
Біріншіден, шаштың ағаруына күйзеліс пен стресс аса әсер етпейтін көрінеді. Зерттеуге келгендердің арасында тағдыры ауыр, қиындық пен құлауды көп көргендер болғанымен, күйзелістің кесірінен шашы ағарғандар аз болған. Соған қарағанда “бір күнде шашым ағарып кетті” деген сөз жаңсақ тәрізді. Адам табиғатында асырып айтатын қылық барын ескерсек, кейде метафора қолданамыз, тілді дәл жеткіземін деп “артық кетіп” қалатын сәттер болады.
Екіншіден, шаштың өсуіне көмектесетін ағзадағы меланин горманы жас ұлғая келе аз бөлініп, шаштың ағаруы содан болады екен. Алайда меланиннің неге азайып кететінін ешкім білмейді. Әркімде әртүрлі. Жасқа да, өмір сүріп жатқан аймағына да, тамақ рационына да, физикалық белсенділікке де, ағзаның жалпы жағдайына да байланысы жоқ.
Кейде 20 жастағы жігіттің өзі шашы ағарып кетуі мүмкін. Ал кейбірінде тіпті 40-50 жасқа дейін шашы ағармайды. Созылмалы ауруға шалдыққан кей науқастың өзі егде жасқа дейін шашы ағармай жүре береді.
Үшіншіден, дәрумен, биологиялық қоспа ішіп, ақ шашты азайтамын деген – бос әуре екені белгілі болды. Тамаққа қоспа қосып ішсе не жесе, ағзада меланин бөлінісі көбейеді деген бірде-бір зерттеу не дәлел жоқ.
Төртіншіден, қартаю да не уақыт өте келе ағзада болатын өзгерістер де шаштың ағаруына қатысы жоғы анықталды. Соған қарағанда “бетке әжім түссе, шаш ағарады” деген бос сөзге ұқсайды. Дене мүшеміз ауырса, зат айналымы нашарласа, шаш ағарады деген де шындыққа жанаспайды.
Бесіншіден, шашты бояу, шаш күтімін жасау сынды дерматологиялық іс-шаралар ағаруға әсер етпейді. Шаштың пигментін нашарлатуға қауқарсыз көрінеді.
Сонда шаштың ағаруына не себеп? Себеп бар. Ол – генетикалық фактор. Яғни ата-анаңыздың шашы ерте ағарса, онда сіздікі де ерте ағарады деген сөз. Ал, керісінше, шашқа ақ кеш түссе, онда сізде де кешірек, егде жасқа таяу болмақ.
<a href="https://massaget.kz/arnayyi_jobalar/zdorove/64789/">Massaget.kz</a>

Қазақстан және Қызылорда облысының жаңалықтары: Рубрикасыз

Тұрғын үйдің шаршы метріне баға қалай құрылады?

Тағы бір ауру тарай бастады

Қызылордалық зияткерлер соғыс ардагерлерін құттықтады

“Костюмін бүлдіріп алудан қорқа ма?”: Шенеуніктерге ескерту жасалды

Актриса Ғазиза Әбдінәбиева дүниеден өтті

Қазақстанда карантин күшейтілді – бүгіннен бастап жаңа қаулы күшіне енді

Дінмұхаммед Қонаев: Ана берген ас адал

Қызылордада көпқабатты тұрғын үйден өрт шықты

Тұрсынбай Құлахмет қарсыласын 70 секундта нокаутқа жіберді

Арал: Қазақтың үш биінің ескерткіші сот ғимаратының алдына қойылды

Нұрлыбек Нәлібаев қала тазалықшыларымен кездесті

Адамның шашы неге тез ағарады?

Қазақстан және Қызылорда облысының жаңалықтары: Рубрикасыз

Тұрғын үйдің шаршы метріне баға қалай құрылады?

Тағы бір ауру тарай бастады

Қызылордалық зияткерлер соғыс ардагерлерін құттықтады

&#8220;Костюмін бүлдіріп алудан қорқа ма?&#8221;: Шенеуніктерге ескерту жасалды

Актриса Ғазиза Әбдінәбиева дүниеден өтті

Қазақстанда карантин күшейтілді – бүгіннен бастап жаңа қаулы күшіне енді

Дінмұхаммед Қонаев: Ана берген ас адал

Қызылордада көпқабатты тұрғын үйден өрт шықты

Тұрсынбай Құлахмет қарсыласын 70 секундта нокаутқа жіберді

Арал: Қазақтың үш биінің ескерткіші сот ғимаратының алдына қойылды

Нұрлыбек Нәлібаев қала тазалықшыларымен кездесті

Адамның шашы неге тез ағарады?

“Костюмін бүлдіріп алудан қорқа ма?”: Шенеуніктерге ескерту жасалды