Kyzylorda-news.kz. Жексенбі – 5 маусым күні Қазақстан азаматтары Ата заңымызға енгізілетін өзгертулер мен толықтыруларға қатысты тағдыршешті шешім қабылдайды. Ал дәл қазірден, сағат 00-00-ден бастап республикалық референдумға қатысты үгіт жұмыстарын жүргізуге тыйым салынады. Яғни, тыныштық күні басталды, деп хабарлайды ҚазАқпарат.
«Республикалық референдум туралы» Конституциялық Заңның 7-бабы 4-тармағына сәйкес референдум қарсаңындағы күн мен референдум өтетін күні кез келген үгіт жүргізуге тыйым салынады. Демек, 4 және 5 маусымда бұқаралық ақпарат құралдарында, оның ішінде интернетте референдум бойынша үгіт жүргізуге болмайды.
Ақпарат және қоғамдық даму министрлігінің түсіндіруінше, «үгіт» ұғымының мәнін және мазмұнын негізге ала отырып, референдумға шығарылған сұраққа сайлаушыларды «келісемін» немесе «қарсымын» деп дауыс беруге түрткі болатын материалдар үгіт материалдары ретінде қарастырылады.
Бұл ретте, аталған бұзушылыққа жол берген жеке тұлғалар да, заңды тұлғалар да, оның ішінде әлеуметтік желілерді пайдаланушылар да әкімшілік жауапкершілікке тартылуы мүмкін. Интернет-ресурстарда бұрын жарияланған үгіт материалдар бастапқы орындарында сақталуына жол беріледі, оларды сайттың басты бетінде шығаруға тыйым салынады.
Сондай-ақ, референдумды өткізу күні, шарттары, дауыс беру тәртібі, оның ішінде жарнамалық баннерлер, референдумға дейінгі күндерді кері санау және басқа да туралы түсіндірме сипаттағы бұрын жарияланған ақпараттық материалдар интернет-ресурстар мен телеарналарда олардың бастапқы орындарында сақталуына жол беріледі.
ҚР Бас прокурорының орынбасары Болат Дембаев айтуынша, үгітке тыйым салынған кезеңде бұл іс-шаралар жүргізілген жағдайда ҚР Әкімшілік құқық бұзушылық туралы кодексінің (ӘҚБтК) 102-бабы бойынша жауапкершілік ескерілген.
<blockquote>
 «Екі немесе одан да көп рет немесе басқа біреу үшін дауыс беру, сондай-ақ учаскелік референдум комиссиясы мүшесінің азаматтарға өзге адамдар үшін дауыс беруге мүмкіндік жасау мақсатында бюллетеньдерді беру әрекеті ӘҚБтК-нің 108 және 110-баптары бойынша жауаптылыққа әкеп соғатынына да назар аударамыз», – дейді Бас прокурордың орынбасары.
</blockquote>

Бүгін &#8211; референдум алдындағы тыныштық күні

Kyzylorda-news.kz. Облыс әкімі Нұрлыбек Нәлібаев отандық автокөлік және арнайы техникалар өндірісімен айналысатын «АгромашХолдинг KZ» акционерлік қоғамы және «Сарыарқа Авто Пром» мен «QazTehna» серіктестігінің өкілдерімен кездесті.
Жиында презентация арқылы қоғамдық көлік, медицина, полиция, ауылшаруашылық салаларына қажетті арнайы техникалар таныстырылды.
Өз кезегінде облыс әкімі қала аумағында қатынайтын қоғамдық көліктердің санын көбейту, арнайы техникаларды алу жұмыстарын жүргізуде алдын ала талдау жұмыстарын жүргізіп, нақты қажеттілікті ескеру керектігін алға тартты.
Талқылау соңында аймақ басшысы өңірдің тұрмыс-тіршілігіне қажетті техникаларды жаңартудың маңыздылығына тоқталып, жауапты сала басшыларына техниканы алу жолдарын заң аясында қарап, нақты ұсыныс беруді тапсырды.
<img src="https://kyzylorda-news.kz/wp-content/uploads/2022/06/fb_img_1654275339681.jpg" alt="" />

Облыс әкімі отандық автокөлік және арнайы техника өндіретін кәсіпорын өкілдерімен кездесті

Синоптиктер 4 маусымға Қазақстанның ауа райы болжамын ұсынды. Нөсер жаңбыр, найзағай, жел, бұршақ күтіледі.
Солтүстік антициклонының жотасы еліміздің батысында жауын-шашынсыз ауа райын сақтайтын болады. Қазақстанның қалған территориясында атмосфералық фронталды бөліктердің әсерінен жаңбыр, солтүстік пен оңтүстік-шығыста қатты жаңбыр, найзағай, бұршақ, дауыл, желдің күшейюі, оңтүстікте шаңды дауыл күтіледі.
Қызылорда облысының орталығында 15-20 м/с жел күшеіп,&nbsp;төтенше өрт қауіпі сақталады.

Сенбіге арналған ауа райы болжамы

Kyzylorda-news.kz. Облыс әкімі Нұрлыбек Нәлібаев «ҚазМұнайГаз» ұлттық компаниясы басқарма төрағасының барлау және өндіру жөніндегі орынбасары Құрманғазы Есқазиевпен кездесіп, өңір үшін ортақ мәселелерді талқылады. Оның ішінде, келісім-шарт міндеттемелерін орындау, әсіресе бизнестің әлеуметтік жауапкершілігі аясында Қызылорда облысында әлеуметтік нысандарды салу мәселесі сөз болды.
Басқосуда аймақ басшысы Талдықорған, Петропавл, Көкшетау қаласындағы секілді заманауи оқушылар сарайын салу және құрылыс жұмыстарын биылдан қалдырмауды тапсырды. Сондай-ақ, кездесу барысында «ҚазГерМұнай» еншілес компаниясы жұмысшыларының жалақысын кезең-кезеңімен көтеру мәселесі қаралды.
Облыс әкімі аймақ экономикасының негізі саналатын мұнайды өндіру, экспорт көлемін арттыруда салалық министрліктен қолдау білдіру туралы нақты ұсыныстарды жеткізгенін тілге тиек етіп, бұрғылау тереңдігін ұлғайту сынды өндірістік мәселелерді назарда ұстау керектігін қаперге салды.
<img src="https://kyzylorda-news.kz/wp-content/uploads/2022/06/fb_img_1654261107531-1.jpg" alt="" />
<img src="https://kyzylorda-news.kz/wp-content/uploads/2022/06/fb_img_1654261104024.jpg" alt="" />

Мұнай компаниясы Қызылордада заманауи оқушылар сарайын салады

Kyzylorda-news.kz. Биыл ҚР Мемлекеттік рәміздерінің қабылданғанына 30 жыл. Атаулы датаға орай аймақта жыл көлемінде 300-ге жуық әртүрлі форматтағы іс шаралар ұйымдастырылды. Сондай-ақ, барлық аудандарда Мемлекеттік рәміздер күні кең көлемде өткізілмек.
Бүгін Өңірлік коммуникациялар қызметінде өткен баспасөз конференциясында Қызылорда облысы әкімі аппаратының басшысы Шахмардан Байманов БАҚ өкілдеріне облыста өткізілетін негізгі шаралар тізбесін баяндады.
<blockquote>
 Облыста ҚР Мемлекеттік рәміздер күнін тиісті ұйымдастыру жұмыстары мамыр айынан бастау алған болатын. Атап айтқанда, елді мекендерде, мемлекеттік мекемелер мен кәсіпорындарда, ірі сауда орталықтарында тақырыптық безендіру жұмыстары жүргізілді. Ал 2-ші маусымнан бастап әрбір сала бойынша елге танымал, беделді тұлғалардың қатысуымен «Менің туым – менің мақтанышым!» республикалық интернет кампаниясы ұйымдастырылды. Сонымен қатар, барлық елді мекендердегі Рәміздер аллеялары мен алаңдарында тұрғындар мен еріктілердің қатысуымен сенбіліктер өтті. Бүгінгі күні облыс көлемінде әртүрлі форматтағы 45 шара ұйымдастырылды. Ал 3-4 маусым күндері 100-ден астам іс шара өткізіледі деп жоспарлануда. Байқоңыр қаласында жалпыхалықтық «Менің Туым- Менің Отаным» атты патриоттық шеру болды. Патриоттық шара барысы «Қазғарыш» сапары ғимаратынан басталып, «Арбат» аллеясына дейін жалғасты. Жалпы аудандар бойынша білім беру ұйымдарында ғылыми-практикалық конференциялар ұйымдастырылып, балаларға арналған жазғы лагерьлерде Елтаңба авторы, жерлесіміз Жандарбек Мәлібековтың еңбектерін кеңінен насихаттауға бағыттылған шараларды өткізуді жоспарлаудамыз. Ерекше тоқтала кетейін, еліміздің Елтаңба авторларының бірі жерлесіміз, танымал сәулетші Жандарбек Мәлібеков биыл мерейлі 80 жасқа толды. Ендігі кезекте облыс орталығында 4 маусым күні өтетін шаралар тізбесін баяндасам, «Рәміздер алаңында» аймақ басшысының қатысуымен мерекелік шара өтеді. Шара аясында 20-дан астам жеңіл көліктер, 10 мото, 200-ден астам вело шабандоздардың қатысуымен «АВТО, МОТО, ВЕЛОШЕРУ» ұйымдастырылады. Осы күні республика көлемінде ҚР Мемлекеттік Гимнін орындау патриоттық акциясы өтеді. Бұл акция аясында бір мезгілде барлық ұжымдарда, кәсіпорындарда, ірі сауда орталықтарында Мемлекеттік Гимн орындалады. Сондай-ақ, «Туымыз төрімізде» республикалық акциясы шеңберінде қаланың орталық көшелері мен мөлтек аудандарда арнайы шара өткізу жоспарлануда. Осы ретте барлық облыс тұрғындарын осы патриоттық акцияға белсенді қатысуға шақырамын! Көк туымызды төрімізге шығарып, мәртебесін арттыру баршамызға ортақ парыз, – деді Қызылорда облысы әкімі аппаратының басшысы Шахмардан Байманов.
</blockquote>
Айта кетейік, Рәміздер күніне арналған шаралар легі бұқаралық ақпарат құралдары мен әлеуметтік желілерде ақпараттандырылатын болады.
<img src="https://kyzylorda-news.kz/wp-content/uploads/2022/06/fb_img_1654275562812.jpg" alt="" />

Қызылордада Мемлекеттік рәміздер күні кең көлемде өткізіледі

<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаевтың Қазақстан халқына үндеуінің толық мәтіні жарияланды.
Құрметті отандастар!
Қазақстан өте маңызды әрі бетбұрысты кезеңге қадам басқалы тұр. 5 маусым күні азаматтарымыз жалпыұлттық референдумда дауыс береді. Конституцияға түзетулер енгізу мәселесі бойынша шешім қабылдайды. Бұл – мемлекеттің және бүкіл қоғамның болашағын айқындайтын жауапты сәт. Ел тағдыры ешкімді бей-жай қалдырмайтыны анық.
Біз қазір барлық саланы жаңғыртуға кірістік. Осы жолда мемлекетті басқару үлгісін түбегейлі өзгерту қажеттігі туындады. Сол себепті мен наурыз айындағы Жолдауымда саяси жаңғырудың ауқымды бағдарламасын ұсындым. Оның басты мақсаты – елімізді одан әрі демократияландыру, халықтың мемлекетті басқару ісіне қатысу мүмкіндігін кеңейту. Сондай-ақ Үкіметтің тиімділігін арттыру. Бұл өзгерісті толық жүзеге асырсақ, ықпалды парламенті бар президенттік республика үлгісіне біржола көшеміз.
Конституциялық реформа адам құқықтары мен бостандықтарын қорғау жүйесін барынша күшейтеді. Сонымен бірге еліміздегі саяси бәсекенің әділ және ашық болуын қамтамасыз етеді.
Біз Ата заңымыздың отыздан астам бабына өзгеріс енгізгелі отырмыз. Оның бәрі азаматтарымыздың мүддесіне толық сай келеді. Осылайша мемлекетімізді түбегейлі жаңғыртамыз. Сол арқылы Екінші Республиканың негізін қалаймыз
Құрметті отандастар!
Еліміздің тарихында Конституцияға енгізілетін өзгерістер алғаш рет жалпыхалықтық референдум арқылы жүзеге асырылады.
Референдум өткізу – Қазақстанда дамыған демократиялық қоғам құру жолындағы маңызды қадам.
Ата заңға енгізілетін түзетулер жобасы елімізде бір ай бойы қызу талқыланды. Түсіндіру жұмыстары жүргізілді. Қоғамда конституциялық реформаға қатысты пікірлер көп айтылып жатыр. Оның ережелері Президенттің артықшылықтары мен өкілеттігін күшейтуге емес, билік тармақтары арасындағы үйлесімді және тепе-теңдік жүйені нығайтуға, барлық азаматтың мүддесін, құқығы мен еркіндігін қорғауға бағытталған.
Бүкіл халықтың Конституцияға енгізілетін өзгерістерге қатысты ерікті таңдауы Жаңа, Әділетті Қазақстанның берік іргетасын қалайды. Біз бірлесе отырып, шын мәнінде, Жаңа Қазақстан құрамыз. Онда әлеуметтік әділдік жаңа қоғамдық келісімнің басты құндылығы және негізгі өзегі болады.
Референдум қоғамымыздың азаматтық кемелдігі мен саяси саналылығын бағалауға мүмкіндік береді. Референдумның орталық комиссиясы мен басқа да уәкілетті мемлекеттік органдар сайлау заңнамасындағы барлық норманың мүлтіксіз сақталуын қамтамасыз етеді. Дауыс беру барысын халықаралық бақылаушылар мен еліміздегі қоғамдық бірлестіктердің өкілдері қадағалайды.
Сайлау учаскесіндегі сіздің дауысыңыз қоғамдық өмірдің әділ әрі түсінікті жаңа ережелерін айқындауда маңызды және шешуші рөл атқаруы мүмкін. Сіз сайлау учаскесіне келу арқылы халқымыздың бірлігі мен ынтымағы мығым екенін көрсетесіз.
Бұрын-соңды болмаған құбылмалы геостратегиялық жағдайда және еліміздің алдында тұрған күрделі міндеттерді орындау үшін біздің бірлігіміз бекем, ынтымағымыз берік болуға тиіс. Шынайы демократия әрбір азаматтың ортақ іске белсенді әрі саналы түрде қатысуын білдіреді. Сіз жаңа түзетулерге дауыс бере отырып, жемқорлыққа, тамыр-таныстыққа, саясат пен экономикадағы монополияға батыл қарсы шығасыз.
Құрметті отандастар, сіздерді тарихи таңдау жасауға шақырамын. Өйткені, бұл Қазақстанның даму бағдарын айқындайды. Әрқайсыңыз біртұтас Қазақстан халқының ажырамас бөлшегісіз және тұтас ұлттың болашағына ықпал ете аласыз. Демек, бұл – өз тағдырыңыз деген сөз. Отанымыздың тағдыры сіздерге байланысты.
Алдағы референдум мемлекетімізді нығайтуға және қоғамды тың серпінмен дамытуға жол ашады. Мен әрбір азаматымызды ел тағдырын айқындайтын тарихи таңдау жасауға шақырамын. Бұл референдумда әр азаматтың дауысы – маңызды. Әрбір азамат тұтас ұлттың тағдырына, яғни тікелей өз тағдырына оң ықпал ете алады.
Ендеше, 5 маусым күні өз таңдауымызды жасайық!
Жаңа Қазақстанды бәріміз бірге құрайық!

Мемлекет басшысы Қасым-Жомарт Тоқаевтың Қазақстан халқына үндеуі

<a href="https://kyzylorda-news.kz/">Kyzylorda-news.kz.</a> ҚР Президент Қасым-Жомарт Тоқаевтың референдумға байланысты Қазақстан халқына бейнеүндеуі басталды.

Президент Қасым-Жомарт Тоқаевтың референдумға қатысты бейнеүндеуі басталды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> ҚР Бас прокурорының орынбасары Болат Дембаев референдум алдындағы күні және дауыс беру күнінде үгіт-насихат жүргізуге тыйым салынатынын ескертті.
<blockquote>
 «Биылғы 5 маусымда Конституцияға өзгерістер мен толықтыруларды қабылдау мәселесі бойынша республикалық референдум өткізіледі. Ертең, 4 маусымда сағат 00:00-де референдум алдындағы үгіт-насихат жүргізу аяқталады («Республикалық референдум туралы» Конституциялық заңның 7-бабының 4-тармағы). Бұл үгіт-насихатқа, соның ішінде қоғамдық пікірге сауалнама жүргізу нәтижелерін немесе референдум нәтижелерінің болжамдарын жариялауға қатысты мәліметтерге референдум өткізілетін күннің алдындағы күні және ол өткізілетін күні, яғни 4 және 5 маусымда тыйым салынады», – делінген Б. Дембаевтың үндеуінде.
</blockquote>
Оның айтуынша, яғни үгіт-насихатқа тыйым салынған кезеңде бұл іс-шаралар жүргізілген жағдайда ҚР Әкімшілік құқық бұзушылық туралы кодексінің (ӘҚБтК) 102-бабы бойынша жауапкершілік ескерілген.
<blockquote>
 «Екі немесе одан да көп рет немесе басқа біреу үшін дауыс беру, сондай-ақ учаскелік референдум комиссиясы мүшесінің азаматтарға өзге адамдар үшін дауыс беруге мүмкіндік жасау мақсатында бюллетеньдерді беру әрекеті ӘҚБтК-нің 108 және 110-баптары бойынша жауаптылыққа әкеп соғатынына да назар аударамыз», – дейді Бас прокурордың орынбасары.
</blockquote>
Оның сөзіне қарағанда, Конституцияға (83-бап) сәйкес, прокуратура органдары референдумға дайындық пен оны өткізудің барлық сатыларында заңдылықтың сақталуына жоғары қадағалауды қамтамасыз етіп отыр. Аталған мәселелерді ескере отырып, Бас прокуратура заңдылықты қамтамасыз ету және құқық бұзушылықтардың алдын алу мақсатында азаматтарды, қоғамдық бірлестіктер мен бұқаралық ақпарат құралдарын қолданыстағы заңнаманы қатаң сақтауға шақырды.

Бас прокуратура сайлау алдындағы «тыныштық» күні туралы ескертті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Мемлекеттік хатшы Ерлан Қарин Ата Заңымызға қандай өзгерістер енгізілетінін айтып, оның ел дамуындағы маңызын түсіндірді, деп хабарлайды &nbsp;<a href="https://t.me/referendum2022_kz">referendum2022.kz</a>.
<blockquote>
 «Конституциялық реформалардың ең басты маңызы – саяси институттар арасындағы қарым-қатынасқа оптималды баланс орнату. Мысалы, Парламенттің статусын арттыру, Есеп комитетінің Жоғарғы аудиторлық палата болып өзгертілуі. Палата төрағасы жылына 2 рет Парламент алдында есеп береді. Бұл бюджеттің игерілуін қадағалау функциясын күшейтуге бағытталған», – дейді Ерлан Қарин.
</blockquote>
Сондай-ақ, Мемлекеттік хатшы Конституциялық соттың атқаратын қызметін ерекше атап өтті. Оған кез келген азамат шағымдана алатынын айтты. Адам құқықтарына ие уәкілдің конституциялық статусы барына, ол қандай да бір мемлекеттік органға тәуелді болмайтынына назар аударды.
Сөз соңында Мемлекеттік хатшы қазақстандықтарды референдумға белсене қатысуға шақырды.

Ерлан Қарин: Реформалардың ең маңыздысы – саяси институттар арасында тепе-теңдік орнату

<a href="https://kyzylorda-news.kz/">Kyzylorda-news.kz.</a> **Қызылордада 1 маусым күні 16 және 14 жастағы жасөспірімдер *Раушан* Меңлібай мен Наргиз Жубандық екеуі үйлерінен қалалық демалыс паркіне кетіп, қайта оралмаған.**
<blockquote>
 «Аталған хабарлама бойынша қандай да бір ақпарат немесе жүрген жері туралы мәлімет білген жағдайда төменде көрсетілген телефон нөмірлеріне хабар берулеріңізді сұраймыз. Тел: 8(7242)-29-75-20 немесе 102 арнасына қоңырау соғуларыңызды болатынын хабарлаймыз», – делінген Қызылорда қалалық Полиция басқармасының таратқан хабарламасында.
</blockquote>

Қызылордада 2 жасөспірімге іздеу жарияланып жатыр

<a href="https://kyzylorda-news.kz/">Kyzylorda-news.kz.</a>&nbsp; Ғани Мұратбаевтың 120 жылдығына орай пайдалануға берілген «Жастар үйінің» ашылу салтанатына арнайы келген құрметті қонақтар, аудан әкімі Мұхтар Оразбаев пен аудандық мәслихат хатшысы Бақытжан Жарылқап қатысты.
Аудан басшысы Мұхтар Оразбаев құттықтау сөз сөйлеп, тарихи тұлғаның есімі мәңгілік ұмытылмайтынын атап өтті.
<blockquote>
 «Шығыстың жалынды жетекшісі Ғани Мұратбаевтың ізбасарлары қашанда өте белсенді. Қай салада болмасын қол жеткізген жетістіктері ұшан-теңіз. Біздің тарапымыздан оларға қолдау көрсету жағы да назардан тыс қалып жатқан жоқ. Мәселен, өткен жылы Қазалы қаласында жастар ресурстық орталығы ашылып, өз жұмысын бастаған болатын. Бүгін міне, Ғани атамыздың туған күні қарсаңында жастар жаңа ғимаратқа қоныс аударып жатыр. Бұл орын тегін жер емес. Қазалы қаласындағы тамыры тереңнен сыр шертетін тарихи орындардың бірі. Жақында жөндеу жұмыстары жүргізілді. Жастармен бірге мұнда ардагерлерге де бір кабинет бөліп отырмыз. Ақылшы ағаларымыз жастарға өздерінің ақыл-кеңестерін айтып, тәжірибелерімен бөлісетін болады», – деді Мұхтар Әуесұлы.
</blockquote>
Салтанатты шарада Қызылорда қаласынан арнайы келген Шығыс жастарының жалынды жетекшісі Ғани Мұратбаевтың ізін жалғаушы Алмагүл Божанова ізгі лебізін жеткізсе, еңбек ардагері Жақсыбай Орынбасаров жастарға арнап ақ батасын берді.
Мұнан соң «Жастар үйінің» лентасы салтанатты түрде қиылып, жиналғандар ғимараттың ішін аралады. Нысанның іші жарық әрі кең. Мұнда жастарға арналған орындармен қатар, ардагерлер бөлмесі де қарастырылған.
Жаңадан ашылған «Жастар үйінде» Ғани Мұратбаевтың 120 жылдығына орай «Замана Заңғары – Ғани» атты дөңгелек үстел өткізілді.
Дөңгелек үстелде Тәуелсіздік алған алғашқы жылдары Сырдария ауданын басқарып, облыстық мәслихаттың хатшысы қызметін абыроймен атқарған Алмагүл Божанова, Қазалы аудандық комсомол комитетінің бірінші хатшысы қызметін атқарған Дана Сабырбаева, аудандық ардагерлер кеңесінің төрағасы Оразғали Бекбанов, 1984-1986 жылдары Қазалы аудандық комсомол комитетінің бірінші хатшысы болған Бақберген Кашимов, қалалық жастар ресурстық орталығының директоры Нұрбек Ақпанбетов және тағы басқа азаматтар сөз сөйлеп, өз ой-пікірлерін айтты.
Мұнан соң, Ғани Мұратбаевтың ескерткішіне гүл шоқтарын қойылып, тарихи тұлғаның рухына тағзым жасалды.
<img src="https://kyzylorda-news.kz/wp-content/uploads/2022/06/285667935_314617197526198_6955499552815380254_n.jpg" alt="" />
<img src="https://kyzylorda-news.kz/wp-content/uploads/2022/06/285776152_314617394192845_7846695289697071277_n.jpg" alt="" />
<img src="https://kyzylorda-news.kz/wp-content/uploads/2022/06/285804345_314617320859519_7807671792433698751_n.jpg" alt="" />
<img src="https://kyzylorda-news.kz/wp-content/uploads/2022/06/282132385_314617297526188_6107083413128504607_n.jpg" alt="" />

Қазалы қаласында «Жастар үйі» ашылды

<a href="https://kyzylorda-news.kz/">Kyzylorda-news.kz.</a>&nbsp; Синоптиктер Қазақстанда 3 маусымға арналған ауа райы болжамын ұсынды. Еліміздің батыс өңірлерінде күн райы жауын-шашынсыз болады.
<blockquote>
 Қазақстанның қалған бөлігінде жаңбыр жауады, найзағай ойнайды, бұршақ жауады, жел күшейеді, түнде және таңертең шығыста тұман, орталықта топырақ бетінде үсік болады.«Қазгидромет» РМК
</blockquote>
Қызылорда облысының&nbsp;орталығында дауыл тұрады, түнде және таңертең жел күшейеді.

Қазақстан және Қызылорда облысының жаңалықтары: Басты жаңалықтар old

Бүгін – референдум алдындағы тыныштық күні

Облыс әкімі отандық автокөлік және арнайы техника өндіретін кәсіпорын өкілдерімен кездесті

Сенбіге арналған ауа райы болжамы

Мұнай компаниясы Қызылордада заманауи оқушылар сарайын салады

Қызылордада Мемлекеттік рәміздер күні кең көлемде өткізіледі

Мемлекет басшысы Қасым-Жомарт Тоқаевтың Қазақстан халқына үндеуі

Президент Қасым-Жомарт Тоқаевтың референдумға қатысты бейнеүндеуі басталды

Бас прокуратура сайлау алдындағы «тыныштық» күні туралы ескертті

Ерлан Қарин: Реформалардың ең маңыздысы – саяси институттар арасында тепе-теңдік орнату

Қызылордада 2 жасөспірімге іздеу жарияланып жатыр

Қазалы қаласында «Жастар үйі» ашылды

Жұмаға арналған ауа райы болжамы

Қазақстан және Қызылорда облысының жаңалықтары: Басты жаңалықтар old

Бүгін &#8211; референдум алдындағы тыныштық күні

Облыс әкімі отандық автокөлік және арнайы техника өндіретін кәсіпорын өкілдерімен кездесті

Сенбіге арналған ауа райы болжамы

Мұнай компаниясы Қызылордада заманауи оқушылар сарайын салады

Қызылордада Мемлекеттік рәміздер күні кең көлемде өткізіледі

Мемлекет басшысы Қасым-Жомарт Тоқаевтың Қазақстан халқына үндеуі

Президент Қасым-Жомарт Тоқаевтың референдумға қатысты бейнеүндеуі басталды

Бас прокуратура сайлау алдындағы «тыныштық» күні туралы ескертті

Ерлан Қарин: Реформалардың ең маңыздысы – саяси институттар арасында тепе-теңдік орнату

Қызылордада 2 жасөспірімге іздеу жарияланып жатыр

Қазалы қаласында «Жастар үйі» ашылды

Жұмаға арналған ауа райы болжамы

Бүгін – референдум алдындағы тыныштық күні