<a href="https://kyzylorda-news.kz/">Kyzylorda-news.kz.</a> Қызылорда облысындағы «Ақшабұлақ» кен орнының газ турбиналық электр станциясында күзгі-қысқы кезеңі апатсыз режимде өтуде.
<blockquote>
 «2020 жылғы 14 қаңтардағы жедел ақпаратқа сәйкес, «Кристалл Менеджмент» АҚ-ның Ақшабұлақ газтурбиналық электр станциясында №1,2,3 ГТУ газтурбиналық қондырғылары жұмыста электр энергиясын өндіру 95,4 МВт орташа тәуліктік сағаттық қуатты құрайды. Сонымен қатар «Ақшабұлақ», «Ақсай», «Нұралы-1», «Нұралы-2» кен орындарында электр энергиясына қажеттілікті 100%, 50 МВт-тан астам ұлттық электр желісіне беріледі», – делінген ҚР ЭМ АЭҚБК Қызылорда облысы бойынша аумақтық департаментінің таратқан хабарламасында.
</blockquote>

«Ақшабұлақ»:  газ турбиналық электр станциясының жұмысы тұрақты

<a href="https://kyzylorda-news.kz/">Kyzylorda-news.kz.</a> Орал қаласында волейболдан 2005-2006 жылдары туылған жасөспірімдер арасында Қазақстан Республикасының қысқы чемпионаты өтті.
Ел чемпионатында Сыр волейболшылары тағы да &nbsp;І орынды жеңіп алды.
Айта кетейік, осы жас ерекшелігі бойынша шеберлік байқасып жүрген жерлестеріміз Қазақстан Республикасының жазғы, күзгі жəне қысқы чемпионаттарына қатысып, төрт мәрте чемпион атанған болатын. Бұл – олардың бесінші жеңісі.
Команданы жарысқа Батырқожа Бабаев, Самат Сопбеков жəне Мұрат Мұхамадиев дайындады.
Сондай-ақ, Нұр-Сұлтан қаласында 2007-2008 жылдары туылған жасөспірімдер арасында өткен ҚР қысқы чемпионатында жерлестеріміз 1-орынды иеленді.
Команданы жарысқа Өтепберген Абдраманов дайындады.
2005-2006 ж.т жасөспірімдер арасында Бекнұр Сайрамбек, Руслан Қалдыбек, Жанарыс Əлден, Бекарыс Досмағамбетов, Нұрхат Кенжебек, ал 2007-2008 ж.т. жасөспірімдер арасында Ержігіт Айбекұлы, Əділет Амангелдіұлы, Ғазиз Ізатіллаұлы, Богдан Таланов, Дамир Ибрагим жəне Ғабиден Алтынбек жақсы ойын өрнегін көрсетіп, команданың алға шығуына өз үлестерін қосты.
<img src="https://kyzylorda-news.kz/wp-content/uploads/2020/01/syr-volejbolshylary-1.jpg" alt="" />

Сыр волейболшылары &#8211; жеңіс тұғырында

<a href="https://kyzylorda-news.kz/">Kyzylorda-news.kz.</a> Облыс әкімі Арал ауданына қарасты елді мекендерді аралап, аймақ басшысының жұмыс сапары Қазалы ауданында жалғасты. Қазалы ауданынан шалғай жатқан елді мекендердегі басты мәселелердің бірі: аяқ су, балабақша мен спорттық клуб салу, ауыл ішілік жолдар мен дәрігерлік амбулаторияның құрылысы және ауыз су тарту желілік құбырларды жаңарту туралы айтылды.
Аймақ басшысы Жанқожа батыр ауылында болып, тұрғындармен кездесті. Елді мекен тұрғындары су құбыры желілерін тұтынушылар учаскесінің аймағына жеткізіп беру туралы өтінішітерін білдірді. Бұл жұмыстарды жүзеге асыруға 163,4 млн. теңге қажет.
Қ. Ысқақов бұл мәселелерді шешу үшін тиісті сала басшыларына тапсырма берді.
Сондай-ақ, аймақ басшысы Майдакөл, Ү.Түктібаев, Қожабақы, Бозкөл, Кәукей, Тасарық, Бірлік ауылдарын да аралап, тұрғындармен кездесті. Балабақша мен клуб үйін жаңартуды сұраған өтініш-тілектеріне облыс әкімі кәсіпкерлермен бірлесіп жұмыс атқарылатынын айтты.
<blockquote>
 «Біз өткен осы бірнеше күндік сапарымызда барған ауылдарға мемлекеттік-жекеменшік әріптестік жайында айтып келеміз. Осы бағдарлама негізінде сіздер сұраған ғимараттарды жаңадан тұрғызуға көп мүмкіндік бар. Ол үшін не істейміз? Көбіне-көп мұндай шаруаға ел азаматтарын, кәсіпкер азаматтарды тарту қажет. Ондай ықыласты адам болса, мемлекеттік-жекешелік әріптестік негізінде жарты жыл ішінде клуб, емхана, спорттық кешендер, балабақша да оңай тұрғызар едік. Әрі бұл игілікті іс кәсіпкердің өзіне де, елге де, үкіметке де пайдалы. 5-6 жыл көлемінде кәсіпкер шығындаған барлық қаржыны мемлекет толық өтейді. Сонымен қатар, оған қосымша мемлекеттік тапсырыстар алуға да мүмкіндік туады» – деді аймақ басшысы.
</blockquote>
Ауыл тұрғындары өтініш-тілектерін жеткізіп қана қоймай атқарылған жұмыстар үшін алғыстарын айтып, ақсақалдар баталарын берді.
<blockquote>
 «Былтыр ерекше жыл болды. Ауылымыздың іші жөнделіп, 7 көшеге қиыршық тас төселді. Бұрынғыдай суды көшедегі құбырдан тасымаймыз. Үйге тікелей тартылған. Тұрғындар саны жылдан-жылға артып келеді»,– дейді Ү.Түктібаев ауылының тұрғыны Талғат Егембердіұлы.
</blockquote>
Аймақ басшысы Қазалыдан 110 шақырым қашықтықтағы Қызылқұм ауылдық округіне қарасты Кәукей ауылына да барды. Тұрғындармен жүздесті, халық айтқан мәселелерді тыңдады. Айта кету керек, аудан орталығынан Кәукейге дейін жол қатынасы да жақсарған. Жол жөндеу жұмыстары барлығы 2 миллиард теңгеден астам қаржыға кезең-кезеңімен іске асып жатыр. Республикалық бюджеттен қаражат бөлініп, 1978 жылдан бері жөндеу көрмеген автожол күрделі жөндеуден өтуде. Кәукейліктер ауылға интернет желісі тартылып, жаңа клуб үйі салынуын сұрады. Әрі осы ауылдық округке қарасты шағын Ажар елдімекеніне жарық керек. Мамандар үй саны жиырмадан асатын бұл ауылға күннен қуат алатын қондырғы орнатуға болатындығын айтты.
Мұнан кейін Өркендеу ауылдық округіне қарасты тарихи Жанкент қалашығындағы жүргізіліп жатқан жұмыстармен танысты. Жанкент қорғаны – республикалық сипаттағы археологиялық ескерткіш. Өркендеу ауылдық округінің орталығына іргелес жатқан биік төбе сияқты топырақ басқан қорғанның орнында VІІ – ХІV ғасырларда Жанкент қаласы болған. Қазір бұл жердің туристтік әлеуетін арттыру мақсатында жұмыстар жүргізілуде.
Облыс әкімі Қ.Ысқақов “Қарлаң” учаскесіндегі қалқымалы көпірдің жағдайымен де танысты. Көпір арқылы жол қатынасы қиындап отырғанын айтқан тұрғындардың өтініші елеусіз қалмады. Аймақ басшысы аталмыш көпірді салу үшін жоба сметалық құжаттарды әзірлеуге қаржы бөлініп, тиісті жұмыстар жүргізілетінін мәлімдеді. Аталған көпір құрылысын жүргізу арқылы Өркендеу, Бірлік, Аранды, Бозкөл, Қызылқұм, Тасарық ауылдық округтері тұрғындарының аудан орталығымен тұрақты байланысын, қамтамасыз етуге мүмкіндік туады.
«Күні кеше «Әлсейіт» учаскесіндегі көпірдің пайдалануға берілгенін білесіздер. Ауданға қарасты 7 елді мекенде тұратын 8 мыңға жуық халық қатынайтын «Қарлаң» көпірінің де маңызы зор. Егер жаңа темір бетонды көпір тұрғызылса, ауданның экономикалық дамуына үлесі көп. Сондай-ақ, аталған көпірдің құрылысы «САРАТС-2» жобасына да енгізілген. Жоба құжаттары қабылданса, құрылыс жұмыстары 2021-2022 жылдары басталады», – дейді аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Мұрат Әбсұлтанов.
Облыс әкімінің төртінші күнгі сапары сапары Абай, Құмжиек, Майлыбас, Ақсуат ауылдарында жалғасты. Алыс шалғайда жатқан Шәкен мен Шиліге де барды.
<blockquote>
 «Былтыр осы ауылдың екі көшесіне түнгі жарық шамдары орнатылды. Біз секілді үлкен адамға бұндай жағдай керек-ақ. Одан өзге жастарға саябақ салып берді. Елде 90 орындық балабақша салынып жатыр. Бұйырса, биыл немерелерімізді сонда жетектейміз деп отырмыз. Көшелер асфальттанып, ауыл тіршілігі жылдан-жылға жақсарып келеді. Облыс әкімінің арнайы шалғайда орналасқан ауылдарын аралап, елдің өтініштерін тыңдап жүргені біз үшін үлкен қуаныш. Аймақ басшысының қызметіне халық риза», –дейді Майлыбас ауылының тұрғыны Қуаныш Рзахан.
</blockquote>
Сонымен қатар,аймақ басшысы Қашақбай Пірімов атындағы ауылдың тұрғыны, тыл ардагері, 102 жастағы Мәрзия Қожағұлдың үйінде болып, қарияға сәлем берді.
Төрт күнде Арал, Қазалы аудандарына қарасты 40 жуық елді мекенді аралап, халық ахуалымен жақын танысқан Қуанышбек Досмайылұлы тұрғындар көтерген барлық мәселе жіті назарда болатындығын жеткізді.
<blockquote>
 «Істеліп жатқан жұмыстардың барлығы Президенттің талабы. Біз орындаушылармыз. Бұл сапарымыздың мақсаты осы. Ел-елді аралап, сіздердің жағдайларыңызды өз көзімізбен көру. Көріп қана қоймай, кемшілік пен жетіспеушіліктің салдарын қарау, барынша айтылған мәселелер бойынша жұмыс жүргіземіз»,– деді облыс әкімі қазалылық тұрғындармен кездесуінде.
</blockquote>
<img src="https://kyzylorda-news.kz/wp-content/uploads/2020/01/akimat-1-1.jpg" alt="" />
<img src="https://kyzylorda-news.kz/wp-content/uploads/2020/01/akimat-3.jpg" alt="" />

Аймақ басшысы Қазалы ауданының елді мекендерін аралады

<a href="https://kyzylorda-news.kz/">Kyzylorda-news.kz.</a> ҚР Индустрия және инфрақұрылымдық даму министрлігі Автомобиль жолдары комитетінің «Ұлттық жол активтері сапасы орталығы» РМК 2019 жылы атқарған жұмысының алғашқы қорытындыларын жариялады.
Мәлім етілгендей, орталық мамандары өткен жылы Қазақстан жолдарында 13 мыңға тарта тексеріс жүргізіп, 5 мыңнан астам әр алуан олқылықты анықтаған.
<blockquote>
 «2019 жылы орталық Шығыс Қазақстан, Павлодар және Қызылорда облыстарындағы жолдардың талапқа сәйкестігі тексерілді. Аталмыш жұмыстардың нәтижесінде жергілікті маңыздағы «Майқайың-Екібастұз» және «Жалағаш-Жосалы» жолдары стандарттарға сай еместігі анықталды», – делінген хабарламада.
</blockquote>
Сонымен қатар Ақмола облысына қарасты Қосшы кентінде ұйымдастырылған рейдке қоғам белсенділері, республикалық арнайы мониторингтік топ пен бұқаралық ақпарат құралдарының өкілдері тартылған. Тексеріс барысында түрлі кемшіліктер анықталып, техникалық қадағалау, субмердігерлік және жобалық ұйымдардың мамандарына әкімшілік айыппұл салынды.
Еске салайық, «Ұлттық жол активтері сапасы орталығы» ҚР Үкіметі Қаулысының негізінде 2019 жылы 16 «Облжолзертхана» РММ біріктірілуі арқылы құрылған болатын. Орталықты құрудағы мақсат – республикалық маңызы бар жолдардың ғана емес, жергілікті жол желісінің сапасын тексеру, жол активтерін басқару, жол қауіпсіздігі деңгейін мониторингтен өткізу, жаңа технилогиялар мен материалдарды енгізу. Биыл аталмыш кәсіпорын Қазақстан жолдарының сапасын бақылау шараларын күшейте түспек.
<img src="https://kyzylorda-news.kz/wp-content/uploads/2020/01/zhalagash-zhosaly1.jpg" alt="" />

«Жалағаш-Жосалы» жолдары стандарттарға сай еместігі анықталды

<a href="https://kyzylorda-news.kz/">Kyzylorda-news.kz.</a> Мың жылда адамның көзқарасы, білімі өзгергенімен мүддесі өзгерген жоқ.&nbsp; Сондықтан Президент Қасым-Жомарт Тоқаевтың «Абай және ХХІ ғасырдағы Қазақстан» атты мақаласында көтерілген мәселелер қай уақытта да өзектілігін жоғалтпайды.
Президент бұл мақала арқылы Абай Құнанбаевтың шығармашылығына ел назарын аудартып, әлемдік биік тұлғаның туындылары арқылы қоғамның рухани интеллектуалдық деңгейін көтеруді көздейді.
Мемлекет басшысының бүгін жарияланған мақаласы Абайдың тұлғасы мен бүгінгі заманның өзекті мәселелерін, бүгінгі заманның сұранысын,&nbsp; бүгінгі заманның қажеттіліктерін терең сабақтастырады. Себебі Абай сияқты тұлғалар бір заманның ғана жыршысы, суреткері емес. Ол әр заманда өз замандасын табатын, өз сырласын табатын, керек болатын болса өз мұңдасын табатын тұлға.
Ербол ТІЛЕШЕВ,
Ш.Шаяхметов атындағы «Тіл – қазына» ұлттық орталығының атқарушы директоры

Президент мақаласы бүгінгі заманның қажеттіліктерін терең сабақтастырады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Облыс әкімі Қ.Ысқақов жаңа жылдағы алғашқы жұмыс сапарын cолтүстік аудандарды аралаудан бастады.
Аймақ басшысы Қазалы ауданының Жанқожа батыр, Бекарыстан би ауылдары мен Арал ауданына қарасты 12 елді мекенде болып, тұрғындармен кездесулер өткізді. Негізгі мақсат — ауылдардың жағдайымен танысып, халықтың өтініш-тілектерін тыңдау.
Қазалы ауданына қарасты Бекарыстан би ауылының тұрғындары аймақ басшысына ауыз су мәселесі мен спорт кешенін салу туралы өтініштерін жеткізді. Облыс әкімі ауыз су мәселесі биыл өз шешімін табатынын және спорт кешенін жергілікті кәсіпкерлермен бірлесіп мемлекеттік-жекешелік әріптестік негізінде салу жолдарын қарастыратынын айтты.
Мұнан соң аймақ басшысы Арал ауданының ең шалғай орналасқан Қаратерең, Қарашалаң, Бөген сияқты ауылдарында да болып, халықтың тұрмыс-тіршілігімен танысты. Ауыл тұрғындары жол, ұялы байланыс желісін орнату, ғимараты ескірген балабақшалар мен ауылдық клуб үйлерін жаңарту және кейбір елдімекендерде аяқ су проблемасын шешу сияқты мәселелерін көтерді.
Арал халқы көтерген өзекті проблемалардың бірі – Аманөткел ауылы тұсында орналасқан қалқымалы көпірді жаңарту мен Қарашалаң елді мекенінің жол мәселесі. Қуанышбек Досмайылұлы қалқымалы көпірге қатысты қаржы қаралып, тиісті жұмыстар атқарылатынын айтты, ал Қарашалаңдағы жолды жөндеуге қажет қаражат қаралған. Жөндеу жұмыстары биыл жүргізілетіндігін жеткізді.
Аймақ басшысының Арал, Қазалы аудандарына жұмыс сапары ертең де жалғасатын болады.
<img src="https://kyzylorda-news.kz/wp-content/uploads/2020/01/8akimat2.jpg" alt="" />
<img src="https://kyzylorda-news.kz/wp-content/uploads/2020/01/8akimat3.jpg" alt="" />

Аймақ басшысы солтүстік аудандарда жұмыс сапарымен болды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Алматының түбінде құлаған Fokker 100 ұшағының екінші ұшқышы есін жиды. Оны жан сақтаудан салалық бөлімге ауыстырды, деп хабарлайды&nbsp;<a href="https://sputniknews.kz/society/20200105/12461506/ushaq-apaty-ushqysh.html">Sputnik Қазақстан</a>.
№4 клиникалық ауруханасы бас дәрігерінің міндетін атқарушы Айман Байзолданованың айтуынша, қазіргі кезде ұшқыштың жағдайы бірқалыпты.
<blockquote>
 “Оның жағдайы түзелді. Ол есін жиды. Қазіргі кезде жан сақтау бөлімінде емес, салалық бөлімде жатыр. Сөйлейді. Барлық сұраққа жауап бере алады”, – дейді Байзолданова.
</blockquote>
Алматы қаласы қоғамдық денсаулық басқармасы басшысының міндетін атқарушы Тілеухан Әбілдаеваның сөзіне қарағанда, бүгінде қала стационарларында 27 пациент жатыр. Олардың жетеуі – балалар. Бұдан бөлек, тағы үш адам Нұр-Сұлтан қаласында емделуде.
<blockquote>
 “Жан сақтау бөлімінде екі адам жатыр. Біреуі – Алматыдағы көпбейінді клиникалық ауруханада, екіншісі – Нұр-Сұлтанның ортопедия және травматология ғылыми-зерттеу институтында. Зардап шеккендердің барлығының жағдайы бірқалыпты, денсаулығы жақсарып келеді. Жалпы, дәрігерлер 22 операция жасады, барлығы сәтті өтті”, – деп атап көрсетті Әбілдаева.
</blockquote>

Алматыдағы ұшақ апаты: екінші ұшқыш есін жиды

<a href="https://kyzylorda-news.kz/">Kyzylorda-news.kz.</a> Индустрия және инфрақұрылымдық даму министрлігі мамандары 2020 жылдан бастап еліміздегі қандай жолдар ақылы болатынын, биыл қай жол учаскелері жөнделетінін айтып берді.
Ведомствоның мәліметіне сенсек, 2024 жылға дейін республикалық желінің 11 мыңға жуық шақырымын ақылы автожолмен қамту көзделіп отыр.
<blockquote>
 «Ақылы жол жобасын екі кезең бойынша енгіземіз. Бірінші кезең – 2020-2021 жылдар аралығында 6 мың шақырым ақылы жол қолданысқа беріледі. Атап айтқанда, «Батыс Еуропа – Батыс Қытай» транзиттік дәлізі, «Нұр-Сұлтан – Қостанай – Ресей шекарасы», «Щучинск – Петропавл», «Нұр-Сұлтан – Павлодар», «Қалбатау – Павлодар – Ресей шекарасы» (Омбыға апаратын жол), «Таскескен – Бақты – Қапшағай – Талдықорған», «Атырау – Орал», «Атырау – Доссор – Бейнеу – Ақжігіт – Өзбекстан шекарасы» және «Ақтау – Бейнеу» жолдарының учаскелері ақылы болады», – деп атап өтті министрліктен.
</blockquote>
2022-2023 жылдар аралығында қалған 5 мың шақырым жолды енгізуді көздейтін екінші кезең жүзеге асырылады.
Индустрия және инфрақұрылымдық даму министрлігі алдағы жылдар қанша шақырым жол жөнделетінін де айтты.
Мекеменің мәліметінше, «Нұрлы жол» бағдарламасы аясында 2020-2026 жылдар аралығында ұзындығы 10 мың шақырымды құрайтын республикалық жолдардың құрылысы мен реконструкциясы жоспарланған. Оның 1373 шақырымында 2020 жылы қозғалыс басталады.
<blockquote>
 «Осылайша, «Орталық – Оңтүстік» бағыты бойынша 311 шақырым жол ашылады. «Петропавл – Қорған» тасжолының 37 шақырымы пайдалануға беріледі. «Орталық – Шығыс» жобасы бойынша – 13 шақырым, «Қостанай – Денисовка» жолында – 65 шақырым, «Ақтөбе – Қандыағаш – Мақат» жолында – 160 шақырым жол ашылады. Сондай-ақ, 2020 жылы «Атырау – Астрахан» тасжолының 160 шақырымы, «Көктерек асуы» жобасы бойынша – 32 шақырым, «Талдықорған – Өскемен» тасжолында – 384 шақырым, «Ұзынағаш – Отар» жолының 96 шақырымы, «Үшарал – Достық» жолының 60 шақырымы, «Қалбатау – Майқапшағай» жолының 155 шақырымы қолданысқа беріледі», – деп түсіндірді министрліктен.
</blockquote>

2020 жылдан бастап қандай жолдар ақылы болады?

<a href="https://kyzylorda-news.kz/">Kyzylorda-news.kz.</a> Жаңа жыл мерекесі қарсаңында Қызылорда облысының әкімі Қуанышбек Ысқақов «Нұрлы-Жер» бағдарламасы аясында Сырдария өзенінің сол жағалауында бой көтерген арендалық тұрғын үйдің пәтер кілттерін табыстады.
Қызылорда қаласында соңғы 6 жылда 15 жаңа шағын аудан бой көтеріп, 7 мыңнан аса тұрғын баспаналы болды. Биыл да бұл жұмыстар жоғары деңгейде жүргізіліп, құрылыс жұмыстарының көлемі өткен жылдың тиісті кезеңімен салыстырғанда 164,7 пайызға артты. Жалпы өңірде жүзеге асқан құрылыс жұмыстарының 31,4 пайызы облыс орталығының үлесінде.
Аймақ басшысы құрылыс саласындағы бірқатар жетістіктерге тоқталып, жаңа пәтер иелерін қоныс тойларымен құттықтады.
<blockquote>
 &nbsp;«Аймақта құрылыс саласындағы жұмыстардың ең ауқымдысы Сырдария өзенінің сол жағалауындағы жаңа қалаға тиесілі. Республикалық, облыстық бюджеттерден 820 пәтерлік 16 көпқабатты арендалық тұрғын үй мен 830 пәтерлік 17 көпқабатты кредиттік тұрғын үйдің құрылыстары жүргізілуде. Қаржыландырудың барлық көздері есебінен есепті мерзімде жалпы ауданы 381 мың 308 шаршы метр тұрғын үй пайдалануға берілді. Жаңа жыл қарсаңында жаңа пәтердің кілтін алған жерлестермізге жаңа қоныстары жайлы болсын, іші балалардың күміс күлкісіне толсын деп тілейміз. Жаңа жыл шаңырақтарыңызға береке, еңбектеріңізге табыс, отбастарыңызға амандық әкелсін!», – деді облыс әкімі Қ.Ысқақов.
</blockquote>
Айта кету керек, бүгінгі жаңа пәтер иелерінің басым бөлігі көп балалы аналар мен әлеуметтік осал топтағы азаматтар.
Пайдалануға берген тұрғын үйлердің жалпы ауданы 14 мың 260 шаршы метр, құны шамамен 2,3 млрд. теңгені құрайды.
<img src="https://kyzylorda-news.kz/wp-content/uploads/2019/12/30uilevbereg2.jpg" alt="" />
<img src="https://kyzylorda-news.kz/wp-content/uploads/2019/12/30uilevbereg3.jpg" alt="" />

Қызылордада көпқабатты 5 тұрғын үй пайдалануға берілді (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақов қаладағы бірқатар нысандарды аралап, Жаңа жыл мерекесімен құттықтады. Сонымен қатар, аймақ басшысы «Атамекен» балалар ауылының екі тәрбиеленушісі Мариям Ауезханова мен Любовь Нежелованың тұрғын үй алу кезегі келуіне орай жаңа пәтер кілттерін табыстады.
Аймақ басшысы Қуанышбек Досмайылұлы балаларға арналған әлеуметтік қызметтер көрсету орталығының жұмысымен танысып, бүлдіршіндерге арналған ертеңгілікке қатысты. Сондай-ақ, «Атамекен» отбасы үлгісіндегі балалар ауылының тәрбиеленушілерімен кездесті. Балалар ауылында «Робототехника», «Медиа клуб», «Шағын тігін шеберханасы», «Балалар және қолөнер бөлмесі» және «Арт студиясы» кабинеттері ашылған. Мақсаты балалардың бос уақытын тиімді өткізу. Сонымен бірге, спортпен тұрақты шұғылдану үшін «Мұз айдыны», «Евразия», «Тарлан» спорт кешендері мен «Оқушылар сарайындағы» үйірмелерге тегін қатысуға жолдамалар қарастырылған.
Балалармен кездесуде өңір басшысы Қ.Ысқақов «Атамекен» отбасы үлгісіндегі балалар ауылы тұрғындарының бірқатар жетістіктеріне тоқталды.
<blockquote>
 «1 маусым – Халықаралық балалар күніне орай Сабанкулова Рано мен Нышанова Нұршат Президент Қасым-Жомарт Кемелұлы Тоқаевтың қабылдауында болып, батасын алып қайтты. Бұл – Сіздер үшін де, бәріміз үшін де үлкен құрмет деп білемін. Жақында ғана Ступновский Роман облыс әкімінің «Сыр үміті» жастар сыйлығын алды. Тағы бір достарыңыз Тастыбай Ерхан республикалық «Робототехника» сайысынан бірінші орын иеленді. Осындай жетістіктеріңізге біз де қуанамыз және Сыр өңірін өркендетуге қосып отырған үлестеріңіз деп білеміз. Әрқашан биіктерден көрініп, білімді ұрпақ болып өсіңіздер деп тілеймін»,- деді аймақ басшысы.
</blockquote>
Мұнан соң, Жаңа жыл қарсаңында облыс әкімі қарттар үйіндегі ардагерлермен кездесіп, мерекемен құттықтады. 2020 жылы Орталыққа «Газель» автокөлігін алуға қаржы бөлінгендігін жеткізді.
<blockquote>
 «2020 жылы да сіздердің ақ баталарыңызбен, алғаусыз тілектеріңізбен ойға алған жоспарларымызды жүзеге асырып, жетістіктерімізді еселей түсеміз деп сенемін. Сіздер әрқашан мемлекет назарынан тыс қалмайсыздар. Әрдайым жағдайларыңыз жақсы болуы барлығын жасайтын боламыз», – Қ.Ысқақов.
</blockquote>
<img src="https://kyzylorda-news.kz/wp-content/uploads/2019/12/30kalaaralau2.jpg" alt="" />
<img src="https://kyzylorda-news.kz/wp-content/uploads/2019/12/30kalaaralau3.jpg" alt="" />
<img src="https://kyzylorda-news.kz/wp-content/uploads/2019/12/30kalaaralau4.jpg" alt="" />
<img src="https://kyzylorda-news.kz/wp-content/uploads/2019/12/30kalaaralau5.jpg" alt="" />
<img src="https://kyzylorda-news.kz/wp-content/uploads/2019/12/30kalaaralau6.jpg" alt="" />
<img src="https://kyzylorda-news.kz/wp-content/uploads/2019/12/30kalaaralau7.jpg" alt="" />

Облыс әкімі қаладағы бірқатар әлеуметтік нысандарда болды (ФОТО)

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қызылордада &nbsp;облыстық Қазақстан халқы ассамблеясы активінің қорытынды басқосуы өтті. Оған облыс әкімінің орынбасары Наурызбай Байқадамов қатысты.
Қатысушылар Достық үйінің фойесінде әзірленген «Анамның бейнесі» тақырыбында фото байқау суреттерінің көрмесімен танысты.
Актив отырысы басталмас бұрын қатысушылар Алматы маңында ұшақ апатынан орын алған қайғылы оқиғаға ортақтасып, 1 минут үнсіздік жариялады. 
Активте облыстық Қазақстан халқы ассамблеясы хатшылығының меңгерушісі Ләйлә Бегалықызы жыл бойы атқарылған іс-шараларды қорытындылап, алдағы жоспарларымен бөлісті.
Басқосу аясында облыстық «Славяне» қоғамдық-мəдени орталығының жетекшісі Галина Щербакова, облыстық ҚХА жанындағы Аналар кеңесінің мүшесі Бақыткүл Мұсаева, Қорқыт ата атындағы ҚМУ «Қазақстан халқы Ассамблеясы» кафедрасының меңгерушісі Айтжан Оразбақов, облыстық ҚХА жанындағы ҒСТ мүшесі, Қызылорда қаласының Назарбаев Зияткерлік мектебінің мұғалімі Нұркен Әбдіжәлиев, «Қоғамдық келісім» КММ сарапшысы Светлана Крюгер сөз сөйлеп, пікір алмасты.
Облыс әкімінің орынбасары Наурызбай Байқадамов сөз алып, мерейтой жылындағы ауқымды жұмыстарға сәттілік тіледі.
Активте бірлік пен татулықты берік етіп, рухани жаңғыру жолында аянбай еңбек еткен жандарға Қазақстан халқы Ассамблеясының марапаттары берілді.
Облыс әкімі орынбасарының алғыс хатымен этномәдени бірлестіктермен облыстық ассамблея құрылымдарының белсенді мүшелері марапатталды.
Басқосу соңында «Анамның бейнесі» тақырыбындағы фото байқаудың жеңімпаздары анықталып, үздік фото иелеріне жүлделі орындар табысталды.
<img src="https://kyzylorda-news.kz/wp-content/uploads/2019/12/30assambleya2.jpg" alt="" />
<img src="https://kyzylorda-news.kz/wp-content/uploads/2019/12/30assambleya3.jpg" alt="" />
<img src="https://kyzylorda-news.kz/wp-content/uploads/2019/12/30assambleya4.jpg" alt="" />

Облыстық ҚХА активінің қорытынды басқосуы өтті

<a href="https://kyzylorda-news.kz/">Kyzylorda-news.kz.</a> Президент 28 желтоқсанды жалпыұлттық аза тұту күні деп жариялады. Бұл туралы президенттің баспасөз хатшысы Берік Уәли&nbsp;<a href="https://www.facebook.com/profile.php?id=100003403233694">Facebook</a>-тегі парақшасында жазды.&nbsp;
<blockquote>
 «Президент Қасым-Жомарт Тоқаев Алматы маңында ұшақ апатынан адамдардың қаза болуына байланысты 2019 жылдың 28 желтоқсанын жалпыұлттық аза тұту күні деп жариялады», – делінген хабарламада.
</blockquote>

Қазақстан және Қызылорда облысының жаңалықтары: Басты жаңалықтар old

«Ақшабұлақ»: газ турбиналық электр станциясының жұмысы тұрақты

Сыр волейболшылары – жеңіс тұғырында

Аймақ басшысы Қазалы ауданының елді мекендерін аралады

«Жалағаш-Жосалы» жолдары стандарттарға сай еместігі анықталды

Президент мақаласы бүгінгі заманның қажеттіліктерін терең сабақтастырады

Аймақ басшысы солтүстік аудандарда жұмыс сапарымен болды

Алматыдағы ұшақ апаты: екінші ұшқыш есін жиды

2020 жылдан бастап қандай жолдар ақылы болады?

Қызылордада көпқабатты 5 тұрғын үй пайдалануға берілді (ФОТО)

Облыс әкімі қаладағы бірқатар әлеуметтік нысандарда болды (ФОТО)

Облыстық ҚХА активінің қорытынды басқосуы өтті

28 желтоқсан – жалпыұлттық аза тұту күні деп жариялады

Қазақстан және Қызылорда облысының жаңалықтары: Басты жаңалықтар old

«Ақшабұлақ»: газ турбиналық электр станциясының жұмысы тұрақты

Сыр волейболшылары &#8211; жеңіс тұғырында

Аймақ басшысы Қазалы ауданының елді мекендерін аралады

«Жалағаш-Жосалы» жолдары стандарттарға сай еместігі анықталды

Президент мақаласы бүгінгі заманның қажеттіліктерін терең сабақтастырады

Аймақ басшысы солтүстік аудандарда жұмыс сапарымен болды

Алматыдағы ұшақ апаты: екінші ұшқыш есін жиды

2020 жылдан бастап қандай жолдар ақылы болады?

Қызылордада көпқабатты 5 тұрғын үй пайдалануға берілді (ФОТО)

Облыс әкімі қаладағы бірқатар әлеуметтік нысандарда болды (ФОТО)

Облыстық ҚХА активінің қорытынды басқосуы өтті

28 желтоқсан – жалпыұлттық аза тұту күні деп жариялады

Сыр волейболшылары – жеңіс тұғырында