<a href="https://kyzylorda-news.kz/">Kyzylorda-news.kz.</a> Облыс әкімі Қуанышбек Ысқақов Қармақшы ауданында жұмыс сапарымен болып, 13 елдімекеннің тұрғындарымен кездесті.
Т.Көмекбаев ауылының тұрғындары Қ.Қуаңбаев көшесіне орташа жөндеу жұмыстары жүргізілгендігін айтып, ризашылықтарын жеткізді.
Сонымен қатар, ауылдық клуб үйін жаңарту мен елдімекендегі емдеу мекемесінің ғимаратына күрделі жөндеу жұмыстарын жүргізу туралы өтініштерін айтты. Өңір басшысы аталған мәселе бойынша мемлекеттік-жекешелік әріптестік шеңберінде жеке инвесторлар арқылы алдағы уақытта ауылдық клуб пен медициналық амбулатория мәселесі шешіледі деді.
Аймақ басшысы Қуаңдария, Алдашбай-ахун, Дауылкөл, Ақжар, Ақтөбе, ІІІ-Интернационал, Жаңажол, Иіркөл ауылдық округтерінде де болып, тұрғындармен кездесті. Иіркөл мен Алдашбай-ахун ауылдық округінде сапалы интернет және ұялы байланыс орнату мен аяқ су мәселесі көтерілді. Облыс әкімі жауапты мамандарға 2019-2020 жылдарға арналған “Каналдарды қыршып, тазалау” жоспарлы бағдарламасы шеңберінде тұрғындар айтқан аяқ судың проблемасын көктем мезгілінде шешіп беруді тапсырды. Қажет болған жағдайда “электрлі дизельді мотор” қоюды жүктеді.
Мұнан соң өңір басшысы Төребай би, Ақай, Төретам, Қармақшы ауылдық округтерінде болып, тұрғындармен кездесті. Ақайлықтар газ мәселесін көтерді. Өздеріңізге белгілі қазір Байқоңыр қаласы көгілдір отынға қосылды. Ал маңындағы Ақай, Төретам елдімекендерін газдандыру үшін тиісті жұмыстар атқарылуда дейді жауапты мамандар.
Бұған дейін Арал, Қазалы, Жалағаш, Сырдария аудандарына қарасты ауылдарды аралап, халықтың тұрмыс-тіршілігімен танысқан аймақ басшысы Қармашы ауданының да елдімекендерін түгел қамтыды. Тұрғындар көтерген мәселелердің ешқайсысы назардан тыс қалмайтынын айтқан облыс әкімі, барлық жұмыстар өзінің қадағалауында болатынын жеткізді.
<img src="https://kyzylorda-news.kz/wp-content/uploads/2020/01/20akkarm2.jpg" alt="" />
<img src="https://kyzylorda-news.kz/wp-content/uploads/2020/01/20akkarm3.jpg" alt="" />
<img src="https://kyzylorda-news.kz/wp-content/uploads/2020/01/20akkarm4.jpg" alt="" />

Аймақ басшысы Қармақшы ауданында болды (ФОТО)

<a href="https://kyzylorda-news.kz/">Kyzylorda-news.kz.</a> Облыс әкімі Қ.Ысқақовтың Қармақшы ауданына жұмыс сапары басталды.
Сапар барысында ауданға қарасты елді мекендердің тұрғындарымен кездесіп, бірқатар әлеуметтік нысандарды аралайды деп жоспарлануда.

Аймақ басшысы жұмыс сапарымен Қармақшы ауданына барды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақов мемлекет және қоғам қайраткері Әбдіжәлел Бәкір мен халықаралық «Қазақ тілі» қоғамының Қызылорда облыстық ұйымының төрағасы Сәдуақас Аңсатты қабылдап, мерейтойларымен құттықтады. Әбдіжәлел Қошқарұлының 80 жасқа толғанына орай «Құрмет» грамотасын ал, Сәдуақас Әбдіқадырұлына 75 жасқа толғанына Құттықтау хаты табысталды.
Әбдіжәлел Қошқарұлы 1940 жылы 23 қаңтарда Қызылорда облысы, Сырдария ауданында дүниеге келген. 1963 жылы Н.В.Гоголь атындағы пединституттың, қазіргі Қорқыт ата атындағы Қызылорда мемлекеттік университетін әдебиет факультетін үздік дипломмен тәмәмдаған. Еңбек жолын Сырдария ауданының Киров колхозының мектебінде мұғалімдіктен бастап, 1965 жылы Қызылорда қалалық комсомол комитетінің ұйымдастыру бөлімінің меңгерушісі қызметімен жалғастырған. Партия, комсомол органдарында әртүрлі жуапты қызметтер атқарған. Қазақстан Республикасы Парламенті Мәжілісінің 1995-1999 жылдардағы шақырылымдарының депутаты. Мәжіліс депутаты ретінде еліміздегі «БАҚ туралы», «Жарнама туралы», «Тіл туралы» Заңдардың қабылдануына ерекше үлесін қосқан. Әбдіжәлел Бәкір 2008 жылы он баспа «Алаш қозғалысы саяси топ басшыларының әлеуметтік көзқарастары» атты жоғары оқу орындарына арналған оқу құралын дайындаған.
Сәдуақас Аңсат 1945 жылы 12 қаңтарда Қармақшы ауданының Жосалы кентінде дүниеге келген. 1967 жылы Қазақ химия-технологиялық институтын бітірген. Институт бітірген соң «Қызылорда құрылыс» тресіне қарасты «Құрылыс материалдары комбинатына» арматура цехының шебері болып орналасқан. Архитекторлық қызмет атқара жүріп, мемлекеттік қызметке араласа бастаған. 1972-2010 жылдар аралығында мемлекеттік қызметпен қоса түрлі қызметтер атқарған. 2010 жылдың қараша айында «Халықаралық «Қазақ тілі» қоғамы» қоғамдық бірлестігінің Қызылорда облыстық филиалының төрағасы болып сайланған. 2013 жылы облыстық «Қазақ тілі» қоғамының жанынан республикалық «Тіл сақшысы» газетін ашып, осы уақытқа дейін аталған басылымның бас редакторы қызметін атқарып келеді. Ел мүддесі жолындағы еңбектері бағаланып, бірқатар медальдармен марапатталған. Сонымен қатар, Қармақшы ауданының және Қызылорда қаласының Құрметті азаматы атағын алған.
Аймақ басшысы қос мерейтой иесін құттықтап, жылы лебізін жеткізіп, қазақы дәстүрмен иықтарына шапан жапты.
Қабылдауда қос мерей той иесін құттықтап, лебізін білідіруге «Қазақстанға еңбегі сіңген дәрігер», Қызылорда облысының «Құрметті азаматы» Тұрғанбай Маханов, Қазақстан Жазушылар одағының мүшесi, Қызылорда облыстық ардагерлер кеңесінің Алқа мүшесі Махмұтбай Әміреев, Мемлекет және қоғам қайраткері Бақберген Досманбетов те қатысты.
<img src="https://kyzylorda-news.kz/wp-content/uploads/2020/01/16akimatmereitoi1.jpg" alt="" />

Аймақ басшысы қос мерейтой иесін құттықтады

<a href="https://kyzylorda-news.kz/">Kyzylorda-news.kz.</a> Қызылорда облысы аумағынан ағып жатқан Сырдария өзенінің жалпы ұзындығы 1 274 шақырымды құрайды. Оның 625 шақырымында дария деңгейіне қойылған қорғаныс бекеттері бар.
2020 жылдың 15 қаңтарында облысымызға секундына 480 текше метр, Қызылорда қаласына 340 текше метр су келіп түсуде. Бұл қалыпты жағдай болып саналады. Бұл туралы Өңірлік коммуникациялар қызметінің ақпарат алаңында өткен баспасөз конференциясында облыстық жұмылдыру дайындығы басқармасының басшысы Асылбек Шәменов мәлімдеді.
<blockquote>
 «Облыс бойынша 56 су басу аймағы орналасқан. Оларға 126 мекеме жауапты болып бекітілді. Су тасқынына қарсы жұмыстарға пайдаланылатын материалдық-техникалық қорлар толық жасақталған. Су тасқыны кезеңінде халықты көшіруге арналған 84 эвакуациялық жинақтау және 101 қабылдау пункіттері дайындыққа келтірілген»,-деді Асылбек Өмірбекұлы.
 “Үстіміздегі жылдың 27 қаңтарынан бастап Жаңақорған ауданы мен Арал аудандары арасында дария деңгейін бақылауда ұстауға байланысты оқу-жаттығу өткізіледі. Қысқы-көктемгі маусымдағы дария деңгейін бақылауда ұстап тұруға 1081 адам, 361 техника, 75 су сору техникасы, 2 тікұшақ дайындалған.” – деді Қызылорда облысы ТЖД бастығының орынбасары Саид Молдақараев.
</blockquote>
Мамандардың айтуы бойынша Сырдария өзенінің қауіпті саналатын су деңгейінің шекті көлемі 1 метр 40 см құрайтын болса, қазіргі уақытта 97-77 см шекті көлемде. Сондықтан да дариядан келер қауіп жоқ. Өзендегі ахуал сала мамандарының қырағы бақылауында.
<img src="https://kyzylorda-news.kz/wp-content/uploads/2020/01/16ugroznet2.jpg" alt="" />
<img src="https://kyzylorda-news.kz/wp-content/uploads/2020/01/16ugroznet3.jpg" alt="" />

Дариядан келер қауіп жоқ

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Арал ауданының әкімі Мұхтар Оразбаев Ақбасты елді мекеніндегі сапары барысында жаңадан іске қосылған «Көкарал» балық консервілеу цехының жұмысымен танысты.
Халыққа сапалы балық консервілерін ұсынуды мақсат етіп, шалғай ауылдан осындай тың бастама көтерген кәсіп иесіне аудан басшысы ризашылығын білдіріп, табыс тіледі.
Ауыл азаматы Ернар Құлжанов өз бастамасын жүзеге асыру бағытында 600 мың теңге қайтарымсыз несиеге қол жеткізген болатын. Бүгінде толықтай іске қосылған цехтан күніне 40 дана консерві шығарылады деп жоспарлануда. Сонымен қатар, қосымша екі адам жұмыспен қамтылатын болады.
Атап өту қажет, бүгінде аудан бойынша балық өнімдерінің 13 түрі шығарылып, жылдық қуаты 20 мың тоннаға жуық 8 балық өңдеу зауыты тұрақты жұмыс істеп тұр.
<img src="https://kyzylorda-news.kz/wp-content/uploads/2020/01/16aralbalyk2.jpg" alt="" />
<img src="https://kyzylorda-news.kz/wp-content/uploads/2020/01/16aralbalyk3.jpg" alt="" />

Аралда «Көкарал» балық консервілеу цехы іске қосылды

<a href="https://kyzylorda-news.kz/">Kyzylorda-news.kz.</a> Бүгін Қазақстанның жүзге жуық тестілеу пунктінде Ұлттық бірыңғай тестілеудің алғашқы кезеңі басталды, деп хабарлайды <a href="https://www.inform.kz/kz/kazakstanda-ulttyk-biryngay-testileu-bastaldy_a3604086">ҚазАқпарат</a>.
2020 жылдың 16-20 қаңтары аралығында 95 мыңнан астам үміткер ҰБТ тапсырады.
Айта кетейік, жоғары оқу орнына ақылы негізде түсу үшін ҰБТ жылына 4 рет өткізіледі (қаңтар, наурыз, маусым және тамыз). Бұл ретте, оқуға түсушілер білім гранты конкурсына қатысу үшін маусым айында өтетін ҰБТ-ны тапсыруы қажет. Жалпы, Ұлттық бірыңғай тестілеуді тапсыру форматы өзгерген жоқ. Бұл норма жоғары білім алуға қолжетімділікті арттыру мақсатында енгізілді.
ҰБТ-ға қатысу үшін құжаттар 2019 жылы 1-15 желтоқсан аралығында бірыңғай ақпараттық жүйе арқылы қабылданды. Нәтижесінде, ҰБТ-ға қатысуға 95 мыңнан астам адам өтініш берді. Оның ішінде 75 520 оқушы тестілеуді қазақ тілінде, 22 744 бала – орыс тілінде және 176 бала ағылшын тілінде тапсырады.
Санаттар бойынша, 90 808 бала – 11 (12) сыныпта оқиды және былтырғы тестілеуден өтпеген, ЖОО-ға шартты түрде қабылданған 2 701 үміткер бар. Одан бөлек, шығармашылық дайындықты талап ететін, өзге білім беру бағдарламасына ауысқысы келетін 1-2-інші курстағы 1 841 студент бар.
ҰБТ-да 820 аудитория пайдаланылады. Барлық аудиториялар ұялы байланыс құралдарының жұмысын бұғаттайтын құралдармен және бейнебақылау камераларымен қамтамасыз етілген. Тыйым салынған заттар табылған үміткер ҰБТ-ға кіргізілмейді және акт арқылы ғимараттан шығарылады.
Өңірлерге ҚР Білім және ғылым министрлігінің 447 өкілі жіберіледі, апелляциялық комиссиялар құрылады, медициналық көмек көрсету бекеттері ұйымдастырылады және тестілеу барысындағы қауіпсіздік қамтамасыз етіледі. Бұдан бөлек, қажет болған жағдайда жеке көмекшілер, сондай-ақ ерекше білім беру қажеттілігі бар балаларға арналған сурдоаудармашылар ұсынылады.
Жергілікті жерлерде ҰБТ ұйымдастыру және өткізу бойынша Мемлекеттік комиссиялар құрылды. Мемлекеттік комиссия құрамына облыстар немесе республикалық маңызы бар қалалар әкімдіктерінің өкілдері, құқық қорғау органдарының, қоғамдық ұйымдардың, бұқаралық ақпарат құралдарының өкілдері кірді.

Қазақстанда Ұлттық бірыңғай тестілеу басталды

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қызылорда облысының әкімі Қуанышбек Ысқақов «Renovatio Group» компаниясының тең құрылтайшысы әрі серіктесі Джеймс Колтер Иеди, “EDPR” компаниясының өкілі Дуарте Нуно Менедес да Коста және «BDC Consulting KZ» компаниясының директоры Махмудов Ахад Хошимовичтермен кездесті.
Шарада облыста жаңартылатын энергия көздерін пайдаланатын электр станцияларын құру жобаларын іске асыру мақсатындағы меморандумға қол қойылды.
200 МвТ күн электр станциясы құрылысының құны 100 млн АҚШ доллары. Жобаны жүзеге асыру үшін Қызылорда қаласының сол жағалауынан&nbsp; 400 га жер учаскесі таңдалған. Жоба 2020 жылдың ақпан айында басталмақ. Бұл – жобаның&nbsp; бірінші кезеңі. Ал, ағымдағы жылдың төртінші тоқсанында электр станциясының құрылысы басталмақ және 2021 жылдың соңында пайдалануға беріледі деп күтілуде.
Аймақ басшысы мемлекетімізде, оның ішінде Сыр өңірінде де шетелдік инвесторларға қолайлы жағдайлар жасалғанын және екі мемлекет арасында бұндай жобаларды жүзеге асыру тиімді екенін атап өтті..
<blockquote>
 “Әлемде қалыптасқан күрделі экономикалық жағдайға байланысты өңірлік сауда-экономикалық ынтымақтастықты кеңейтудің маңызы зор. Екі жақты жұмыс нәтижесінде соңғы 5 жылда Қазақстанның Португалиямен өзара саудасы 2,3 млрд. АҚШ долларына жеткен. Оның ішінде&nbsp; импорт көлемі – 81,2 млн. АҚШ доллары.Қазақстандық экспортталушы өнімдер&nbsp; қатарында: мұнай, мақта, қара металдар бар. Ал, Португалиядан Қазақстанға тығын ағашы, электр машиналары, су көлігі, фармацевтикалық өнімдер келеді. Бұл ретте Қызылорда облысын &nbsp;инвестиция тарту секторы ретінде таңдағандарыңыз үшін қуаныштымыз. Аймақта табиғи ресурстар саны жетерлік. Облыстың жер қойнауында Менделеевтің кестесіндегі барлық элементтер бар “, – деді облыс әкімі Қ.Ысқақов.
</blockquote>
Өңірде жаңартылатын электр энергиясының көздерін дамытуға жұмыс жасалуда. Облыс – күн көзінің айрықша түсетін аумақтардың бірі. Мәселен, &nbsp;облыстағы күн сәулесінің орташа жылдық ұзақтығы 3 мың сағаттан артық. Бұл – күн электр станцияларын салу және дамыту үшін үлкен мүмкіндік.
Қазіргі таңда ұлыбританиялық, франциялық және болгариялық &nbsp;инвесторлардың қатысуымен облыста энергия көздері бойынша 3 жоба іске асырылуда.
<img src="https://kyzylorda-news.kz/wp-content/uploads/2020/01/15investorlar2.jpg" alt="" />

Аймақта  электр энергиясының көздерін дамытуға жұмыс жасалуда

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қазалы ауданының бірнеше елдімекені Сырдарияның арғы бетінде қоныс тепкен. Бірлік, Өркендеу, Тасарық, Лақалы, Қожабақы, Бозкөл ауылдарының халқы аудан орталығына жету үшін көнерген «Қарлаң» көпірі арқылы өтеді. Солтүстік аудандарға жұмыс сапарымен барған облыс әкімі Қуанышбек Ысқақов қалқымалы көпірдің жағдайын назарға алды.
Көпірдің сапасы мен қатынаудың азабын тартып отырған тұрғындардың өтініші елеусіз қалмады. Аймақ басшысы аталған көпірді салу үшін жоба сметалық құжаттарды әзірлеуге қаржы бөлініп, тиісті жұмыстар жүргізілетінін айтты.
<blockquote>
 «Қарлаң» учаскесіне темір бетон көпір салу үшін техникалық экономикалық негіздемелері дайын, енді жоба-сметалық құжаттарын дайындау үшін қажетті қаржы бөлінеді. Ал, клуб, балабақша, дәрігерлік амбулатория, спорт кешендерін мемлекеттік-жекеменшік әріптестік бойынша салуды қарастырамыз, –&nbsp;деді аймақ басшысы.
</blockquote>

Қазалы ауданындағы көпір қайта салынатын болды

<a href="https://kyzylorda-news.kz/">Kyzylorda-news.kz.</a> Облыс әкімі Қ.Ысқақов Жалағаш ауданында жұмыс сапарымен болып, ауданға&nbsp; қарасты 14 елдімекеннің жағдайымен танысты. Халықпен кездесіп, ұсыныс пікірлерін тыңдады. Жалағаштықтар спорт кешенімен, ауыл ішілік жолдар, жарықтандыру, ауылдық дәрігерлік амбулатория, ескі мектеп ғимараттарын жаңарту сияқты мәселелерді көтерді.
Алдымен аймақ басшысы Жаңадария ауылында болып, тұрғындармен кездесті. Сонымен қатар, жаңғыртудан өткен ауыз су жүйесің &nbsp;жұмысымен танысты.
Облыс әкімі Аламесек, Аққұм, Мақпалкөл ауылдарын да аралап, тұрғындарымен кездесті. Спорттық кешен мен дәрігерлік амбулатория салу, балабақша мен клуб үйін жаңартуды сұраған тұрғындардың&nbsp; өтініш тілектеріне аймақ басшысы кәсіпкерлермен мемлекеттік- жекеменшік әріптестік аясында бірлесіп жұмыс атқарылатынын және Еңбек ауылындағы жол мәселесі де биылғы жылы шешімін табатындығын айтты.
Сондай-ақ, аймақ басшысы Жаңаталап, Аққыр, Мәдениет, Бұқарбай батыр, Таң ауылдарында болып, тұрғындар мәселесін тыңдады. Мырзабай ахун ауылдық округіндегі кездесуде тұрғындар дәрігерлік амбулатория керектігі туралы өтініштерін білдірді. Аталған мәселе мемлекеттік- жекешелік әріптестік аясында шешілетін болады деді өңір басшысы. Сонымен қатар, Таң ауылында да жаңа емхана мемлекеттік-жекешелік әріптестік аясында салынады.
Облыс әкімі Қуанышбек Досмайылұлы Қаракеткен ауылдық округінің тұрғындарымен кездесіп, Ақсу ауылында да &nbsp;болды. Аймақ басшысы&nbsp; тұрғындардың көтерген мәселелерінің ешқайсысы назардан тыс қалмайтындығын айтты.
Ертең облыс әкімі Қ.Ысқақов Сырдария ауданына қарасты елдімекендерді аралайды деп жоспарлануда.
Ақпарат үшін: Жалағаш ауданының 35 мың тұрғыны бар. Өндірілген өнеркәсіп өнімі – 6,9 млрд.теңге. Аудандағы шаруа қожалықтары саны – 265.Ауданға өткен жылы 15,5&nbsp; млрд.теңге тартылған.
<img src="https://kyzylorda-news.kz/wp-content/uploads/2020/01/15akimatzhalagash2.jpg" alt="" />
<img src="https://kyzylorda-news.kz/wp-content/uploads/2020/01/15akimatzhalagash3.jpg" alt="" />

Аймақ басшысы Жалағаш ауданында болды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Ақордада Мемлекет басшысы Қасым-Жомарт Тоқаев Президенттің кадр резервіне енген 300 жаспен кездесу өткізіп жатыр, деп хабарлайды <a href="https://lenta.inform.kz/kz/kasym-zhomart-tokaev-prezidenttin-kadr-rezervine-alyngan-300-zhaspen-kezdesude_a3603777">ҚазАқпарат</a>.
Айта кетейік, өткен жылы ұлықтау рәсімінде Мемлекет басшысы Қасым-Жомарт Тоқаев Президенттік кадр резерві құрылатынын мәлімдеді. Ал сол жылдың тамыз айының соңында Қ.Тоқаевтың Жарлығымен ҚР Президентінің жанындағы Жастар кадр резерві жөніндегі ұлттық комиссия құрылды. Қыркүйек айында Президенттің жастар кадр резервіне өтінім қабылдау басталды.
Бүгінде Президенттің жастар кадр резервіне енген 300 қазақстандық анықталған. Жеңімпаздардың орташа жасы – 31.
Жоба жеңімпаздарының толық тізімін Президенттік жастар кадр резервінің ресми&nbsp;сайтынан&nbsp;көруге болады.

Қасым-Жомарт Тоқаев Президенттің кадр резервіне алынған 300 жаспен кездесуде

<a href="https://kyzylorda-news.kz/">Kyzylorda-news.kz.</a> Қызылорда облысының азаматтық қоғамы және жастардың бастамасымен «Волонтер жылы» аясында өңірімізде еріктілердің жұмысын дамытуға бағытталған ұсыныс-пікірлерді жинақтау, ортаға салу мақсатында басқосу өтті.
Жиын барысында облыстық еріктілер штабы жасақталып, құрамы бекітілді. Сондай-ақ, штаб мүшелерінің ұсыныстары тыңдалды. Алдағы уақытта атқарылатын жұмыстар, мақсат-міндеттерді және жылдық жоспарды айқындап алды. Сонымен қатар, штаб мүшесі болуға ниет білдіргендермен меморандумға отыру ұсыныстары айтылды.
<blockquote>
 «Аталған штаб ешқандай қаржысыз облыс көлемінде жыл бойы 7 бағыт бойынша еріктілік қызметтерін атқарады.&nbsp; Еріктілерді тіркеу бүгіннен бастап штабта жүргізілетін болады. Барша қоғамды қатарға қосылуға шақырамыз», – дейді ұйымдастырушылар.
</blockquote>
Көпшіліктің қолдауымен Қызылорда облысы еріктілер штабының жетекшісі болып Ольга Чебакова сайланды.
Штабқа тіркелген еріктілерді оқыту курстарынан, ерікті болудың жолдары жайлы арнайы сабақтардан өтетін болады.
Облыстық еріктілер штабының бір ерекшелігі мүмкіндігі шектеулі азаматтардан құралған топ жұмыс жасайды. Ал екінші ерекшелік төтенше жағдайлар бойынша да волонтерлер дайындау көзделген. Оқуға ниет білдірген жастардың ағымдағы жылдың қаңтар, ақпан айларында курсқа жазылуына мүмкіндігі бар. Волонтерлер жылына орай Сыр елінде жан-жақты қолдауға, волонтерлікті дамытуға бағытталған көптеген жұмыстарды штаб ұйымдастыру жоспарлауда.
<img src="https://kyzylorda-news.kz/wp-content/uploads/2020/01/qyzylorda-oblysynda-eriktiler-shtaby-quryldy-1.jpg" alt="" />
<img src="https://kyzylorda-news.kz/wp-content/uploads/2020/01/qyzylorda-oblysynda-eriktiler-shtaby-quryldy-2.jpg" alt="" />

Қызылорда облысында еріктілер штабы құрылды

<a href="https://kyzylorda-news.kz/">Kyzylorda-news.kz.</a> Қызылорда қаласында орналасқан ЗК-169/5 қылмыстық-атқару жүйесі мекемесіне Қазақстан Ресупубликасы Парламент Мәжілісінің депутаты Балайым Кесебаева, «Нұр Отан» партиясы филиалының өкілі Базар Танбаева келді.&nbsp;
Жұмыс сапардың мақсаты&nbsp; Қазақстан Республикасының 2019 жылғы 27 желтоқсанындағы «Қылмыстық, қылмыстық- процестік және жеке адам құқықтарының қорғалуын күшейту мәселелері бойынша өзгерістер мен толықтырулар енгізу туралы» №292-VІ ҚР Заңы қабылдануына&nbsp; байланысты түсіндірме жұмыстарын жүргізу және осы жаңадан қабылданған Заңның орындалу барысы мен мекемедегі сотталған азаматтардың ұсталу жағдайы, құқықтарының қорғалуы, сотталғандарға көрсетілетін медициналық, психологиялық, әлеуметтік көмектер және жұмыспен қамтылуы. &nbsp;
Халық қалаулысы мекеменің &nbsp;тұрғын аймақтарын, санитарлық бөлікті, тамақтану орындарын, сонымен қатар, өндіріс аймағымен танысты.
Одан соң мекеменің мәжіліс залында департаменттің бас мамандары мен мекеме қызметкерлеріне осы Заңмен ҚР Қылмыстық кодексінің, Қылмыстық- атқару кодексінің, Қылмыстық- процестік кодексі, ҚР Әкімшілік құқықбұзушылық туралы кодексінің өзгертілген баптары бойынша түсіндірме беріп, қызметкерлер тарапынан қойылған сұрақтарға жауап берілді.
<img src="https://kyzylorda-news.kz/wp-content/uploads/2020/01/depwtat-kesebaeva-2.jpg" alt="" />
<img src="https://kyzylorda-news.kz/wp-content/uploads/2020/01/depwtat-kesebaeva-3.jpg" alt="" />

Қазақстан және Қызылорда облысының жаңалықтары: Басты жаңалықтар old