<a href="https://kyzylorda-news.kz/">Kyzylorda-news.kz.</a> Алматы қаласы маңында ұшақ апатынан қаза тапқандардың саны 14 адамға жетті. Бұл туралы Орталық коммуникациялар қызметінің ресми өкілі Әлібек Әбділов айтты.
<blockquote>
 «Өкінішке орай қазіргі уақытта қаза тапқандардың саны 14 адамға жетті. Мұндай ақпаратта жедел штаб өкілдері берді», – деді ол.
</blockquote>
Қазіргі таңда Алматыдағы&nbsp;ұшақ құлаған&nbsp;аумаққа арнайы комиссия жұмыс жасап жатыр.
Азаматтық авиация комитеті таратқан ақпараттарға қарағанда, бүгін, 2019 жылғы 27 желтоқсанда сағат 07:22 – де Алматы-Нұр-Сұлтан бағыты бойынша «Бэк Эйр» әуе компаниясының №Z2100 рейсі ұшып көтерілу кезінде биіктіктен айырылып, бетонды қоршауды сындырған.
Ұшақ екі қабатты құрылыс нысанына соғылған. Дереу құтқару жұмыстары басталды, өрт болған жоқ. Жолаушыларды және әуе кемесінің экипажын эвакуациялау жұмыстары жүзеге асырылуда. Қазіргі уақытта қаза болғандардың саны 7 адамды құрайды.
Алматыда құлаған ұшақ ісіна қатысты ҚР Премьер-Министрінің тапсырмасы бойынша үкіметтік комиссия құрылды. Комиссия құрамында ҚР Индустрия және инфрақұрылымдық даму министрі және басқа да мемлекеттік органдардың өкілдері бар.
<img src="https://kyzylorda-news.kz/wp-content/uploads/2019/12/27vyroslo002.jpg" alt="" />

Алматыдағы ұшақ апаты: Қаза болғандардың саны 14 адамға жетті

&nbsp;<a href="https://kyzylorda-news.kz/"></a><a href="https://kyzylorda-news.kz/">Kyzylorda-news.kz.</a> Синоптиктердің болжауынша жұмада еліміздің кей жерлерінде тұман түсіп, жел күшейеді, деп хабарлайды Қазгидромет.
Қазақстан аумағының батыс бөлігіне Қара теңіз аймақтарынан ауысатын циклон әсер етеді, сондықтан батыс пен солтүстік-батыстың кей жерлеріңде жаңбыр, қар жауады. Қалған өңірлерде атмосфералық қысым жоғары болады, сондықтан ауа райы жауын-шашынсыз. Кей жерлерде тұман, көктайғақ, бұрқасын болып, жел күшейеді.
Түркістан, Жамбыл, Қызылорда, Қарағанды облыстарының кей жерлерінде тұман түседі, күндіз желдің жылдамдығы 15-20 м/с жетеді.
Шығыс Қазақстан облысының кей жерлерінде тұман, жаяу бұрқасын болады, желдің жылдамдығы 15-20 м/с.
Ақмола облысының кей жерлерінде жаяу бұрқасын күтіледі, күндіз жел 15-20 м/с күшейеді.
&nbsp;Солтүстік Қазақстан облысының кей жерлерінде жаяу бұрқасын болуы ықтимал, жел тұрып, жылдамдығы 15-20 м/с жетеді.
Ақтөбе облысының кей жерлерінде тұман, көктайғақ күтіледі, Муғалжар ауданында желдің екпіні 18 м/с күшейеді.
Қостанай облысының кей жерлерінде тұман, күндіз бұрқасын, көктайғақ, жел тұрады, жылдамдығы 18 м/с.
&nbsp;Алматы облысының түнде кей жерлерінде тұман күтіледі, Жалаңашкөл ауданында жел 15-20 м/с күшейеді.
Атырау, Маңғыстау, Батыс Қазақстан облыстарының кей жерлерінде тұман түседі, Атырау облысында көктайғақ болады.

Тұман, көктайғақ, екпінді жел: 27 желтоқсан күнгі ауа райы

<a href="https://kyzylorda-news.kz/">Kyzylorda-news.kz.</a> Облыс әкімі Қуанышбек Ысқақов Қазалы ауданына жұмыс сапары барысында Әлсейіт көпірінің ашылуына қатысты.
Әлсейіт учаскесінде Сырдария өзені арқылы өтетін темір-бетон көпірі 2 жолақтан тұрады. Жалпы ұзындығы 219, ал, ені 12 метр. Көпірдің екі жағынан жаяу жүргіншілер жолы қарастырылған.
Бүгінгі күнге дейін елді мекен тұрғындары үшін жол қатынасы, көпір – ең үлкен өзекті мәселенің бірі болған. Міне, сол мәселе өз шешімін тауып, Қазалы ауданының 7 және Арал ауданының 6 ауылындағы 14 мыңнан астам халықтың тілегі орындалып, Әлсейіт көпірі пайдалануға берілді.
Аймақ басшысы жаңа жыл қарсаңында халық игілігі үшін қолданысқа берілгелі отырған көпірдің ашылуына қатысып, аудан тұрғындарын құттықтады.
<blockquote>
 «Дана халқымыз ежелден шөлге құдық қазған, өзенге көпір салған және жолға ағаш егу ең үлкен сауапты іс екенін айтады. Сыр бойында көпір құрылысы өткен ғасырларда да болды. Қараөзек тұсында «Сауранбай көпірі», Жосалы кентінде «Қармақшы өткелі», Қызылорда қаласына қарасты Абай ауылынан жоғары «Оспан көпірі», Қазалыдағы «Нұрқожа көпірі» ел жадында қалған тарихи жәдігерлер. Бүгінде біз ата-бабамыздың көпір салу дәстүрін заманауи үлгіде жаңғыртып, дамытып келеміз. Соның бір дәлелі ретінде Сырдарияның қос жағалауын байланыстырып, жаңа қаланың құрылысына жол ашқан зәулім көпірді айтуға болады. Міне, енді халық көптен күткен Әлсейіт өткеліндегі көпірдің игілігін де көретін боламыз. Қуаныштарыңыз құтты болсын! Жаңа жыл ырыс-несібе, береке-байлық әкелсін! Жақсылықтарымен, жағымды жаңалықтарымен келсін!», – деді облыс әкімі Қ.Ысқақов.
</blockquote>
<img src="https://kyzylorda-news.kz/wp-content/uploads/2019/12/26kazalykopir2.jpg" alt="" />
<img src="https://kyzylorda-news.kz/wp-content/uploads/2019/12/26kazalykopir3.jpg" alt="" />
<img src="https://kyzylorda-news.kz/wp-content/uploads/2019/12/26kazalykopir4.jpg" alt="" />

Қазалы ауданында Әлсейіт көпірі пайдалануға берілді (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақов Арал ауданында жұмыс сапарымен болды. “Aral” қонақ үйінің ашылу рәсіміне қатысып, аудандық оқушылар үйінің құрылыс жұмыстарының барысымен, “Sulpak” сауда орталығының және ЖК “Жалғасбеков Талғаттың” жол бойғы қызмет көрсету кешенінің де жұмысын көрді.
“Aral” қонақ үйі 540 млн. теңгеге «Бизнестің жол картасы – 2020» бағдарламасы аясында салынған. Қонақ үйде 33 жатын бөлме, кафе, мәжіліс зал, шағын кездесу бөлмесі қарастырылған. Аталмыш нысан жеке кәсіпкердің қаржысына салынған. Сол арқылы 40 адамды тұрақты жұмыспен қамтып отыр.
Аймақ басшысы жаңа нысанның ашылуында аудан экономикасының дамуына, сәулетіне үлес қосып отырған жоба басшылығына алғысын айтты.
<blockquote>
 “Аймағымызда құрылыс жұмыстары жылдан-жылға қарқынды дамып, кәсіпкерлеріміз халықтың қажеттілігін қамтамасыз ететін орындарды көптеп ашып, соның нәтижесінде жаңа жұмыс орындары да құрылуда. 2018-2020 жылдар өңірімізде жаппай кәсіпкерлікті қолдау жылы болып жарияланғаны белгілі. Соның екі жылында шағын және орта бизнес өкілдері көптеген ғимараттар салып, жаңа жұмыс орындарын ашып, облыстың көркеюіне үлес қосып келеді. Бүгін, міне, сондай игі істердің бірі – күрделі жөндеуден өткен, заманауи үлгідегі “Aral” қонақ үйі пайдалануға беріліп отыр. Қала тұрғындары мен қонақтарына сапалы қызмет көрсетуді мақсат етіп, қолайлы әрі жайлы жағдайлар жасалған осындай нысандарды көбейтудің маңызы зор”,- деді облыс әкімі Қ.Ысқақов.
</blockquote>
Аймақ басшысы Қуанышбек Досмайылұлы “Aral” қонақ үйінің ашылуынан кейін аудандағы бірқатар нысандарды аралады.
Аудандық оқушылар үйі 1940 жылы салынған ескі ғимаратта жұмыс істеп келген. “Қызылорда облысының құрылыс, сәулет және қала құрылысы басқармасы” ММ тапсырмасымен жаңа аудандық оқушылар үйінің құрылысы басталған. Орталық 250 адамға лайықталған.
Наурыз айында Арал ауданынан тұрмыстық техника сататын ” Sulpak ” дүкені ашылған болатын. 30 аса адамды жұмыспен қамтып отырған сауда орталығының құны 110 млн. теңге.Облыс әкімі кәсіп ашып, халықты жұмыспен қамтуға , өңір экономикасын дамытуға үлес қосқысы келетін барша кәсіп иелеріне жергілікті билік тарапынан қолдау көрсетілетіндігін айтты.
«Батыс Еуропа – Батыс Қытай» халықаралық көлік дәлізі бойындағы «С» және «Д» санатты жол бойы сервистік қызмет көрсету кешенінің құрылыс жұмысы наурыз айында басталған. Жеке кәсіпкер қаражатына салынған аталмыш кешеннің аумағы 600 шаршы метр. Жобаға сәйкес май құю бекеті, қонақ үй, сауда дүкенінің құрылыстары жүргізілуде.
<img src="https://kyzylorda-news.kz/wp-content/uploads/2019/12/26akimataral2.jpg" alt="" />
<img src="https://kyzylorda-news.kz/wp-content/uploads/2019/12/26akimataral3.jpg" alt="" />

Арал ауданында кәсіпкерлік нысандар пайдалануға берілді (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақов Қазалы ауданы, Әйтеке би кентінің тұрғындарына 18 пәтерлік 6 көпқабатты тұрғын үйдің кілтін табыстады.Пайдалануға берілген бұл үйлерде барлығы 108 пәтер бар.
Аймақ басшысы өтіп бара жатқан жыл еліміз үшін де, аймақ үшін де табысты да, берекелі жыл болғанын айтты. Соның ішінде, құрылыс саласы өзінің соңғы алты жылдан бергі қарқынын тоқтатқан жоқ. Өңірдің бас шаһарындағы құрылыс жұмыстарының көлемі артты. Облыста атқарылған құрылыс жұмыстарының үштен бірі қаланың үлесіне тиесілі екендігін атап өтті.
<blockquote>
 «Тұрғындарымыздың игілігі үшін әлеуметтік, мәдени ошақтар, мектеп, балабақша, аурухана, емхана, тұрмыстық қызмет көрсету, қабылдау орындары, спорттық ғимараттар, балалар алаңдары салынуда. Бұл дегеніміз күн өткен сайын ел тұрмысының түзеліп, әл-ауқатының артқандығын көрсетеді. Десек те, аймақта мемлекеттік бағдарлама аясында тұрғын үйге сұраныс білдіруші тұрғындар саны жыл сайын еселеп өсуде. Бұл өңір – халқы санының көбейіп келе жатқанының белгісі. Халықтың сұранысын қанағаттандыру мақсатында облыс орталығында ғана емес, аудандарда да тұрғын үй құрылысы көптеп жүргізілуде. Бүгін міне, Жаңа жыл мерекесі қарсаңында Қазалыда тұрғын үйлер пайдалануға берілуде. Баспаналы болған барша қазалылықтарды қоныс тойларымен құттықтаймын»,- деді облыс әкімі Қ.Ысқақов.
</blockquote>
Сонымен қатар, аймақ басшысы Қазалы аудандық мекемелер үйі ғимаратының құрылысымен танысты. Ғимарат 3 блоктан тұрады. Құрылыс салуға бөлінген жер учаскесі 2 гектар. Мекемелер үйі ғимаратында аудан әкімдігі мен мәслихат аппараты және 9 дербес бөлім орналасатын болады.
<img src="https://kyzylorda-news.kz/wp-content/uploads/2019/12/26akimatkazaly2.jpg" alt="" />
<img src="https://kyzylorda-news.kz/wp-content/uploads/2019/12/26akimatkazaly3.jpg" alt="" />
<img src="https://kyzylorda-news.kz/wp-content/uploads/2019/12/26akimatkazaly4.jpg" alt="" />

Қазалы ауданында 108 отбасы баспаналы болды (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақов пен аймақтың бірқатар кәсіпкерлері батыр ана, «Құрмет» орденінің кавалері, Социалистік Еңбек Ері Сәлима Жұмабекованы 84 жасқа толуымен құттықтады. Сыр диқандары Батыр анаға автокөліктің кілтін табыстады.
Сәлима Жұмабекова 1935 жылы Қармақшы ауданы, Ақжар ауылында дүниеге келген. Еңбек ардагері, көпбалалы батыр ана. Еңбек жолын 1953 жылдары сауыншы болып бастаған. «Ақжар» кеңшарында әртүрлі жұмыс істеп, 1959 – 1986 ж «Ленин» атындағы Кеңшарда күріш өсірумен айналысқан. 1967 – 1973 жылдары Дауылкөл ауылдық кеңесінің төрайымы қызметінде болған. 1973 жылдан бастап күріш өсіруші ірілендірілген звено жетекшісі. 1974 жылдары ұдайы өзіне бекітілген күріш егісінің әр гектарынан 84-118 центнерден өнім жинаған. Сәлима Жұмабекова 1978 жылы 5 адамнан құрылған комсомол-жастар бригадасына жетекшілік етіп, облыста бірінші болып семьялық звено құрды.СССР Жоғарғы Кеңесі Президиумының 1980 жылғы 4 наурыздағы Жарлығымен Жұмабекова Сәлимаға Социалистік Еңбек Ері атағы берілді.
Ыбырай Жахаевтың ізбасары ретінде ерлермен иық теңестіріп, бел жазбай еңбек еткен Сәлима Жұмабековаға аймақ басшысы барша Сыр жұртшылығы атынан жылы лебізін білдіріп, мерейлі мерекесімен құттықтады.
<blockquote>
 «Сіз еңбектің шыңын бағындырып қана қоймай, 10 бала тәрбиелеп, жеткізіп, Батыр ана, “Құрмет” орденінің кавалері, Социалистік Еңбек Ері атақтарын иеленіп, ерен еңбектің үлгісін көрсеттіңіз. Сыр өңірінің мақтанышына айналып, өмір жолыңыздағы, еңбек жолыңыздағы жеңістеріңіз бен жетістіктеріңізді бүгінгі ұрпақққа үлгі етіп келеміз. Алғашқы тың игеру кезеңінде республикамыздың қоймасына құйылған миллиард пұт астыққа Сіздің де қосқан үлесіңіз зор болды. Сәлима апа, жерлестеріңіздің атынан туған күніңізбен шын жүректен құттықтай отырып, мықты денсаулық, отбасыңызға амандық тілейміз, ұрпағыңызбен мың жасаңыз!»,- деді облыс әкімі Қ.Ысқақов.
</blockquote>
Соцалистік Еңбек Ері Салима Жұмабекова өзіне білдірілген құрметке алғысын білдіріп, ақ батасын берді.
<img src="https://kyzylorda-news.kz/wp-content/uploads/2019/12/25akimatauto2.jpg" alt="" />
<img src="https://kyzylorda-news.kz/wp-content/uploads/2019/12/25akimatauto3.jpg" alt="" />

Сыр диқандары Социалистік Еңбек Еріне автокөлік сыйлады (ФОТО)

<a href="https://kyzylorda-news.kz/">Kyzylorda-news.kz.</a> Қызылорда қаласының орталық алаңында жаңа жылдық шыршаны жағу рәсімі өтті. Шыршаның биіктігі 23 метр, ені 10 метр.
Қызылорда облысының әкімі Қуанышбек Ысқақов Сыр жұртшылығын келе жатқан мерекемен құттықтап, 2019 жылы атқарылған жұмыстары туралы айтты.
<blockquote>
 «Өткен жылға өкпе жоқ, келер жылдан үміт көп” дегендей, жаңа жылды – жақсылықтың жаршысы деп қабылдап, әрқашан одан жақсы жаңалықтар күтеміз. 2019 жылдың еліміз үшін де, аймағымыз үшін де өзгерістерге толы берекелі де жемісті, жетістіктері мол мерейлі жыл болды. Облыста барлық сала бойынша көрсеткіштердің оң динамикасына қол жеткіздік. Мұнай өндіру көлемі азайғанымен, экономиканы әртараптандыруға бағытталған шаралар жақсы нәтиже берді. Өңірімізде айтулы бастамалар мен ауқымды жобалар жүзеге асып, аймақ тұрғындарының әлеуметтік әлеуеті артып, экономикамыз қарқынды дамыды. Инвестиция тарту, құрылыс, тұрғын үй беру, ауылшаруашылығында өнім өндіру, өңдеуші өнеркәсіп көлемі және облыстың әлеуметтік-экономикалық дамуын көрсететін бірқатар көрсеткіштер бойынша нәтижелерімізді жақсарттық», – деді облыс әкімі.
</blockquote>
Облыстың бас шыршасын жағу мәртебесі өңіріміздің мақтаныштары «Айтыстың Ақтаңгері» атағын алған Мұхтар Ниязов, КТА ойындарының 2019 жылғы чемпионы Қорқыт құрамасының капитаны Нұрлыбек Асанбаев, 2019 жылдың Қазақстан кубогының иегері «Қайсар» футбол командасының капитаны Думан Нарзілдаев 2019 жылдың қазақ күресінен әлем чемпионы Нұрым Сәлімгереев, 2019 жылдың «Бала дауысы» республикалық байқауының жүлдегері Сезім Қаһарман, Халықаралық, республикалық олимпиадалардың жүлдегері Ділназ Төлегенге табысталды.
Мерекелік іс-шара концертпен жалғасты.
<img src="https://kyzylorda-news.kz/wp-content/uploads/2019/12/25akimatelka2.jpg" alt="" />
<img src="https://kyzylorda-news.kz/wp-content/uploads/2019/12/25akimatelka3.jpg" alt="" />
<img src="https://kyzylorda-news.kz/wp-content/uploads/2019/12/25akimatelka4.jpg" alt="" />

Қызылордада жаңа жылдық бас шыршаның шамы жағылды

<a href="https://kyzylorda-news.kz/">Kyzylorda-news.kz.</a> Облыс әкімі Қуанышбек Ысқақов ақын, журналист, Қазақстан Жазушылар одағының мүшесі Қаршыға Есімсейітова мен екі дүркін “Алтын домбыра” иегері, айтыскер ақын Мұхтар Ниязовты қабылдады.
Биыл Қазақстан Телеарадиоакадемиясының «Алтын жұлдыз» иегері, талантты ақын, танымал тележурналист, Қазақстан Жазушылар одағы облыстық филиалының директоры Қаршыға Есімсейітова мерейлі 60 жасқа толды. Ал, екі мәрте “Алтын домбыра” иегері, айтыскер,ақын Мұхтар Ниязов Тәуелсіздік күні Орал қаласында өткен “Тұғыры биік Тәуелсіздік” атты республикалық ақындар айтысында жүлделі І орынды иеленіп, “Айтыстың ақтаңгері” атанды.
Қабылдауда облыс әкімі Қ.Есімсейітова мен М.Ниязовқа Қызылорда облысының “Құрмет” грамотасын табыстап, ақын Мұхтарға арнайы домбыраны сыйға тартты.
<blockquote>
 “Биылғы жыл Сыр өнері үшін табысты жыл болып отыр. Өнердің қара шаңырағы Нартай Бекежанов атындағы қазақ музыкалық драма театрына «Академиялық» мәртебесі берілді. Мәдениет саласы қызметкерлерінің тынымсыз еңбегі нәтижесінде “Құрмет” орденімен Қаракөз Ақдәулетова, “Ерен еңбегі үшін” медалімен Молдабай Дулатов, Кемеңгер Өтепов, “Құрмет” грамотасымен филормония әншісі Үміт Медеуова марапатталса, “Қазақстанның еңбек сіңірген қайраткері” атағы театр артисі Залипа Төлеповаға, “Қызылорда облысының Құрметті азаматы”атағы Хұсейін Әмір-Темірге табысталды. Бұл Сыр өнеріне берілген жоғары баға деп білемін. Өнер мен руханият әлемінің қос соқпағы – ақындық пен журналистика тізгінін қатар ұстап, ұлт әдебиеті мен мәдениетінің өріс алуына өзіндік үлес қосып келе жатқан шынайы шығармашылық иесі Қаршыға Құрмашқызын барша Сыр жұртшылығы атынан мерейтойымен құттықтаймыз! Мұхтар бауырымыз кешегі өткен айтыста «Айтыстың ақтаңгері» атанды. Қазақта мұндай атақты халық Сүйінбай мен Жамбылдан бері Нартай мен Манаптарға, кешегі өткен Маханбетқалиларға ғана меншіктегенін жақсы білеміз. Дәл осы атақ бүгін Сырдың дарынды перзенті Мұхтар Ниязовқа лайық деп табылып отыр. Себебі, бұл – халықтың берген бағасы! Мұхтар, жеңісің құтты болсын, атағың асқақтай берсін! “-деді облыс әкімі Қ.Ысқақов.
</blockquote>
Шара барысында айтыстың ақтаңгері атанған Мұхтар Ниязовқа меценат, кәсіпкер Мұрат Сәрсенбай сый ретінде темір тұлпардың кілтін табыстады.

Өнер майталмандарына құрмет көрсетілді

<a href="https://kyzylorda-news.kz/">Kyzylorda-news.kz.</a> Президент шыршасына бүкіл облыстан оқу озаттары, аз қамтылған және көп балалы отбасылардың балалары мен «Атамекен» балалар ауылының тәрбиеленушілері қатысты. Шыршаға барлығы 200 бала шақырылған.
Аудандардан арнайы келген 110 бала үшін ертеңгіліктер ұйымдастырылып, мерекелік дастархан жайылды.
Шарада облыс әкімі Қ.Ысқақов Мемлекет басшысының бүлдіршіндерге арналған жаңажылдық құттықтауын жеткізді.
<blockquote>
 «Осы сәтте өздеріңіздей Сыр елінің дарынды да талантты, өнегелі де өнерлі бүлдіршіндеріне Мемлекет басшысы Қасым-Жомарт Кемелұлы Тоқаевтың жаңажылдық құттықтауын жеткізіп отырғаныма қуаныштымын. Бүгін Сіздер ерекше бір әлемге еніп, ертегілердің түрлі кейіпкерлерімен кездесіп, ойын-сауық құрып, шат-шадыман күй кешесіздер. Осындай сән-салтанаты жарасқан Жаңа жылдық мерекемен Сіздерді шын жүректен құттықтаймын! Сіздер «Қазақстан» деп мақтаныш сезіммен айта аталатын Тәуелсіз Елде дүниеге келген бақытты ұрпақсыздар! Қасиетті Сыр өңірін әлемге танытып, өсіп-өркендеуіне аянбай үлес қосатын, азамат болып өсетіндеріңізге сенемін»,- деді облыс әкімі.
</blockquote>
Іс-шара соңында мерекелік концерт ұйымдастырылып, балаларға Абай Құнанбаевтың «Қара сөздері» кітабы, Президенттің құттықтау хаты, «Bilimbook» шағын сенсорлы экранды планшеті, ойыншықтар мен тәттілер таратылды.
<img src="https://kyzylorda-news.kz/wp-content/uploads/2019/12/24shyrsha2.jpg" alt="" />
<img src="https://kyzylorda-news.kz/wp-content/uploads/2019/12/24shyrsha3.jpg" alt="" />
<img src="https://kyzylorda-news.kz/wp-content/uploads/2019/12/24shyrsha4.jpg" alt="" />

Қызылордада Президент шыршасы өтті (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қ.Ысқақовтың қатысуымен мемлекет және қоғам қайраткері Сейілбек Шаухаманұлының 80 жылдығына арналған «Қарымды қайраткер. Талантты тұлға. Абыз ақсақал» тақырыбында облыстық ғылыми-танымдық конференцияға ұйымдастырылды.
Еліміз өз тәуелсіздігін алғаннан кейін Сыр өңірінің алғашқы әкімі болған мемлекет және қоғам қайраткері Сейілбек Шаухамановтың 80 жылдығына орай еске алу мақсатында туған жері Жаңақорған мен Шиелі аудандарында шаралар ұйымдастырылып, облыс орталығында облыстық ғылыми-танымдық конференциямен жалғасты.
Конференцияда аймақ басшысы Қызылорда облысының дамуына ерекше еңбек сіңірген тұлға, асыл азамат, көрнекті қайраткер Сейілбек Шаухамановты еске алып, сөз сөйледі.
<blockquote>
 «Сейілбек Шаухаманұлы тек ірі деңгейдегі басшы, мемлекет қайраткері ғана емес, ұлт жоқшысы да бола білген қабырғалы қайраткер. Ғибратты ғұмыр иесі Сыр елінің өркендеуіне, жас ұрпақты елжандылыққа тәрбиелеуге зор үлес қосып, өзі ғана емес, ардагерлерді де осыған жұмылдырып, қоғамдық жұмыстарға белсене араласқан еді. Сейілбек Шаухаманұлы еңбек жолын қатардағы инженерден бастап облыстың бірінші басшысына дейінгі жауапты қызметтерді абыроймен атқарған тау тұлға. Бүгінгі мәртебелі жиында Сыр елінің кемеңгер ұлы, қажырлы қайраткер Сейілбек Шаухаманұлының тұлғалық тұрпаты, болымды болмысының сан қырлары кеңінен ашылып айтылады деп сенемін», – деді облыс әкімі Қ.Ысқақов.
</blockquote>
Сонымен қатар, шараға республикалық «Ардагерлер ұйымы» қоғамдық бірлестігі төрағасының бірінші орынбасары, тарих ғылымдарының докторы, профессор Өмірзақ Озғанбаев, Сейілбек Шаухаманұлымен қатар жүріп, қызметтес болған замандастары, облыс ардагерлері, жұбайы Жұпаргүл Сматқызы және балалары, қалалық, аудандық ардагарлер кеңестерінің төрағалары, сала басшылары, кәсіпкерлер қатысып, көрнекті тұлға туралы естеліктерімен бөлісті.
<img src="https://kyzylorda-news.kz/wp-content/uploads/2019/12/24shaukhamanov2.jpg" alt="" />
<img src="https://kyzylorda-news.kz/wp-content/uploads/2019/12/24shaukhamanov3.jpg" alt="" />
<img src="https://kyzylorda-news.kz/wp-content/uploads/2019/12/24shaukhamanov4.jpg" alt="" />
<img src="https://kyzylorda-news.kz/wp-content/uploads/2019/12/24shaukhamanov5.jpg" alt="" />

Қызылордада мемлекет және қоғам қайраткері Сейілбек Шаухамановты еске алуға арналған конференция өтті (ФОТО)

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Облыс әкімі, «Nur Otan» партиясы Қызылорда облыстық филиалының төрағасы Қ.Ысқақов тұрғындарды жеке мәселелері бойынша қабылдады.
Қабылдауға 34 адам келді. Азаматтардың көтерген негізгі мәселелері тұрғын үй, әлеуметтік көмек, денсаулық сақтау және жұмыспен қамту салаларына қатысты болды.
Сонымен қатар, облыс әкімінің жеке қабылдауында көп балалы аналардың да мәселелері қаралып, аймақ басшысы қала әкімі мен сала басшыларына тиісті тапсырмалар берді.
Айта кету керек, келген азаматтардың өтініштері тек заң аясында шешілетін болады.
<img src="https://kyzylorda-news.kz/wp-content/uploads/2019/12/23akimzheke2.jpg" alt="" />

Қызылорда облысының әкімі 34 тұрғынды жеке қабылдады (ФОТО)

<a href="https://kyzylorda-news.kz/">Kyzylorda-news.kz.</a> Бүгін «Nur Otan» партиясы Қызылорда облыстық филиалының төрағасы, облыс әкімі Қ.Ысқақов партияның 20 жылдығына орай ұйымдастырылған салтанатты шараға қатысты.
Биыл Тәуелсіздіктің 28 жылдығымен қатар «Nur Otan» партиясының құрылғанына 20 жыл толып отыр. Атаулы мерекелер қарсаңында белсенді партия мүшелері Қазақстан Республикасының Президенті Қ.Тоқаевтың «Алғыс хатымен», «Nur Otan» партиясы Төрағасының Бірінші орынбасары Б.Байбектің «Белсенді қызметі үшін» төсбелгісі және «Құрмет» грамотасымен, облыс әкімі Қ.Ысқақовтың, «Nur Otan» партиясы жанындағы Республикалық сыбайлас жемқорлыққа қарсы іс-қимыл жөніндегі қоғамдық кеңестің төрағасы, ҚР Парламенті Мәжілісінің депутаты О.Өксікбаевтың, «Nur Otan» партиясы жанындағы партиялық бақылау комитетінің төрағасы П.Казанцевтің, «Nur Otan» партиясының хатшысы Ә.Әлденейдің «Алғыс хаттарымен» марапатталды.
Тәуелсіздіктің 28 жылдығы және «Nur Otan» партиясының 20 жылдығымен құттықтаған аймақ басшысы нұротандықтардың еңбектеріне сәттілік тіледі.
<blockquote>
 «Баршаңызды кеше ғана аталып өткен еліміздің ұлық мерекесі Тәуелсіздігіміздің 28 жылдығымен және жетекші партиямыздың 20 жылдық мерекесімен құттықтаймын! Осы жылдар ішінде «Nur Otan» партиясы да Тәуелсіз Қазақстанның экономикалық, әлеуметтік, рухани дамуын қамтамасыз ету жөніндегі үлкен саяси ұйымға, авангардтық биік деңгейге көтерілді. Әрбір партия мүшесі, партиямыздың негізі қаланған сәттен бастап, осы 20 жыл ішінде елмен етене қайнасып, халықтың мүддесін қорғауда, елдің әлеуметтік-экономикалық дамуы жолында тың бастамалар көтеріп, жауапты шешімдер қабылдауға ұйытқы болып келеді. Біздің мақсатымыз айқын, бағытымыз белгілі. Ендігі жерде Қазақстанның жарқын болашағын жасауды мақсат етіп отырған партиямыздың ілкімді істеріне сәттілік тілеп, алдағы міндеттерді орындауда баршаңызға күш-қуат, ауызбіршілік тілеймін»-, деді облыс әкімі Қ.Ысқақов.
</blockquote>
<img src="https://kyzylorda-news.kz/wp-content/uploads/2019/12/23nurotan2.jpg" alt="" />

Қазақстан және Қызылорда облысының жаңалықтары: Басты жаңалықтар old