<a href="https://kyzylorda-news.kz/">Kyzylorda-news.kz.</a> Қызылорда облысында 1 адам қауіпті індеттен жазылып шықты, деп хабарлайды <a href="https://www.coronavirus2020.kz/kz/kazakstanda-10-adam-koronavirus-indetinen-emdelip-shykty_a3637365">www.coronavirus2020.kz.</a>
<blockquote>
 13 сәуір сағат 13:45-тегі мәлімет бойынша елімізде 10 адам коронавирус індетінен емделіп шықты. Нұр-Сұлтан қаласында – 5 адам, Атырау облысында – 3 адам, Қызылорда облысында – 1 адам, Маңғыстау облысында – 1 адам, – делінген аталған хабарламада.
</blockquote>

Қызылордада 1 адам қауіпті індеттен жазылып шықты

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 119 адамға жетті, деп хабарлайды&nbsp;<a href="https://www.coronavirus2020.kz/kz/kazakstandagy-koronavirus-boyynsha-13-sauir-09-00-degi-epidemiologiyalyk-zhagday_a3637203">coronavirus2020.kz</a>.
13 сәуір 09:00-дегі&nbsp;мәлімет бойынша елімізде коронавирустық инфекцияны жұқтырған тағы 10 адам тiркелген. Оның ішінде, Қызылорда облысында – 1 адам, Алматы қаласында – 7 адам, Нұр-Сұлтан қаласында – 2 адам.
<blockquote>
 “Осы сағатта Нұр-Сұлтан қаласы бойынша 253 адам, Алматы қаласында – 172 адам, Қарағанды облысында – 65 адам, Ақмола облысында – 71 адам, Атырау облысында – 59 адам, Жамбыл облысында – 46 адам, Шымкент қаласында – 38 адам, Шығыс Қазақстан облысында – 6 адам, Алматы облысында – 21 адам, Ақтөбе облысында – 11 адам, Солтүстік Қазақстан облысында – 25 адам, Павлодар облысында – 10 адам, Маңғыстау облысында – 10 адам, Қызылорда облысында – 119 адам, Батыс Қазақстан облысында – 9 адам, Түркістан облысында – 43 адам, Қостанай облысында – 3 адам, жалпы 961 науқас тіркелді“, делінген аталған ақпаратта.
</blockquote>

Қызылорда облысында індетке шалдыққандар саны 119 болды

<a href="https://kyzylorda-news.kz/">Kyzylorda-news.kz.</a> Қазақстан Президенті Қасым-Жомарт Тоқаев қазақстандықтарды ғарышкерлер күнімен құттықтады.
<blockquote>
 «Баршаңызды бүгінгі тамаша мереке – Ғарышкерлер күнімен құттықтаймын! Қазақстан әлемдік космонавтиканың дамуына зор үлес қосқаны сөзсіз. Байқоңыр – ғарыш кеңістігін игерген адамзат жетістігінің символы. Қазақ ғарышкерлерін мақтан тұтамыз!», деп жазды Қасым-Жомарт Тоқаев&nbsp;<a href="https://twitter.com/TokayevKZ/status/1249263342209961984?ref_src=twsrc%5Etfw%7Ctwcamp%5Etweetembed%7Ctwterm%5E1249263342209961984&ref_url=https%3A%2F%2Flenta.inform.kz%2Fkz%2Fprezident-baykonyr-garysh-kenistigin-igergen-adamzat-zhetistiginin-simvoly_a3637062">Twitter</a>&nbsp;парақшасында.
 Баршаңызды бүгінгі тамаша мереке – Ғарышкерлер күнімен құттықтаймын! Қазақстан әлемдік космонавтиканың дамуына зор үлес қосқаны сөзсіз. Байқоңыр – ғарыш кеңістігін игерген адамзат жетістігінің символы. Қазақ ғарышкерлерін мақтан тұтамыз! <a href="https://t.co/BYKZY4TZjp">pic.twitter.com/BYKZY4TZjp</a>
 — Qasym-Jomart Toqayev (@TokayevKZ) <a href="https://twitter.com/TokayevKZ/status/1249263342209961984?ref_src=twsrc%5Etfw">April 12, 2020</a>
</blockquote>

Тоқаев: Байқоңыр &#8211; ғарыш кеңістігін игерген адамзат жетістігінің символы

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова өзінің <a href="https://www.facebook.com/108364210824733/posts/117111253283362/?d=n">Facebook парақшасында</a> аймақ тұрғындарына үндеу жасады.
Құрметті Сыр жұрты!
Әлемді жайлаған коронавирус біздің өңірдің де түкпір-түкпіріне таралып үлгерді. Облыс бойынша 116 адам қатерлі індеттің құрығына ілікті.
Бұған проблеманың шын мәнінде алапат екенін әлі де болса түсіне алмауымыз себеп. Оның қаншама адам өмірін жалмап жатқанын естісек те, көрсек те, тиісті мән бермейміз. Індеттен қорғанбаймыз. Тек сақтансаң ғана сақтайтынын естен шығарғандаймыз. Міне, осындай көзқарас санамызда тұрақтап қалған.
Қазір көшеде жүрген адам да, көлік те көп. Тәртіп біркелкі орындалып жатқан жоқ. Кей мекемелердің, дүкендердің, дәріханалардың алды адам аяғынан арылмайды. Тосқауыл бекеттері ше? Сан түрлі айла-тәсілдерді ойлап тауып, айналып өтпек болғандар да бар. Таяуда карантинге қарамай, аң-балыққа шығудың арты апатқа ұласқанын да көріп-білдіңіздер. Ойланайық! Коронавирустың соңы өлімге әкеп соғуы әбден мүмкін. Осы күннің өзінде, 10 отандасымыз қауіпті кеселден көз жұмды.
Облыста тұрғындардың қауіпсіздігі үшін қатаң шаралар қабылданып жатыр. Бірақ, ереже орындалмаса, тәртіп сақталмаса, жұмыстың еш нәтиже бермейтінін түсінбек керек. Коронавируспен күресте алдыңғы шепте жүргендердің еңбегін қадірлеуіміз қажет. Олар шын мәнінде бейбіт күннің батырлары. Күні-түні адам өмірінің сақшысы болып жүрген дәрігер, тәулік бойы қоғамдық тәртіпті сақтайтын полицей, облыс орталығы мен ауыл-ауылды аралап, жұқпалы кесел ошағын залалсыздандырып жүрген әскерилер еңбегі ерен.
Аймақ бойынша бұл вируспен күреске медицина саласының 3 мыңға жуық қызметкері жұмылдырылған. Тосқауыл бекеттерінде 200 полицей мен 170 әскери қызметкер үздіксіз кезекшілік етіп тұр.
Енді қоғамның әрбір мүшесі жауапкершілікті түсінуі керек. Сыр халқы ғасырлар бойғы тарихында талай қиындықты еңсерген. Тағы бір сынақты артта қалдыратын кез келді. Мен сіздерден азаматтық жауапкершілік танытуды сұраймын. Ал ол дегеніміз – өз бетінше оқшаулану, үйден шықпау, жақындарыңызбен жүздесуден уақытша бас тарту. Тіпті көшеге шыққан көршіңізді осы тәртіпке бағындыру да сіздің қазіргі борышыңыз. Осының өзі – коронавируспен күреске қосқан үлкен үлес.
Менің парақшама көптеген маңызды әрі мазмұнды ұсыныстар келіп түсуде. Барлығын мұқият қарастырып жатырмыз. Әр қайсысы бойынша басқарма және бөлім басшыларына тиісті тапсырмалар берілген. Біз халықпен кері байланысты тұрақты түрде жалғастыратын боламыз. Әрбір пікір маңызды.
Біз үшін бұл – ең қиын кезең. Көзге көрінбейтін жаумен бетпе-бет келген кез. Біз мұны да жеңіп шығатынымызға сенімдімін. Бастысы бізге бірлік керек.
Бір-бірімізге түсіністікпен қарап, қатаң тәртіп сақтайтынымызға сенімдімін. Қазір ешкімге де оңай тиіп жатқан жоқ. Сондықтан шыдамдылықтарыңызға шын разымын және әлде де шыдамды бола түсуді сұраймын. Ал еңбектері ерен дәрігер, полицей және әскерилерге барша Сыр халқының атынан бізді 21-ғасырдың ең қауіпті вирусынан қорғап жүргендері үшін алғыс айтамын!

Гүлшара Әбдіқалықова облыс тұрғындарына үндеу жасады

<a href="https://kyzylorda-news.kz/">Kyzylorda-news.kz.</a> Қызылорда облысының құқық қорғаушылары аударылған автокөлігін тастай қашқан браконьерлерді іздестіріп жатыр.
<blockquote>
 «2020 жылдың 11 сәуірінде сағат 10.00 шамасында рейдте жүрген инспекторлар Қызылорда облысының Досан ауылының маңында қаладағы блокпостты айналып кетіп бара жатқан Тойота Ленд Крузер маркалы екі көлікті байқап қалған. Автокөліктердің жүргізушілері «Охотзоопром» қызметкерлерін көріп, күріш егілген даламен із суытпақ болған. Қуғын кезінде көліктердің бірі аударылғанымен ондағылар екінші көлікке мініп алып, қашып кеткен», – деп жазады&nbsp;<a href="https://www.facebook.com/photo.php?fbid=1570621339756078&set=pcb.1570617726423106&type=3&theater">Facebook</a>&nbsp;парақшасында Орман шаруашылығы және жануарлар дүниесі комитетінің баспасөз хатшысы Сәкен Ділдахмет.
</blockquote>
Аударылған автокөлікті тексеру кезінде 54 киіктің тұтас еті мен 224 мүйіз, МР-153 маркалы аңшы қаруы, 25 патрон мен пышақ, дүрбі табылған.
<blockquote>
 «Автокөлік аңшылық үшін арнайы жабдықталған болып шықты. Ішінен орындықтың бәрі алынып тасталып, салон пластик пакетпен оралған. Автокөлікке тағылған нөмір есептен баяғыда-ақ шығып қалған көліктікі екені анықталды. Киіктерді әбден дайындалған әрі кәсіби браконьерлер аулаған», – дейді ол.
</blockquote>
Қазіргі уақытта Қызылорда облысының полиция департаменті жедел іздестіру шараларын жүргізіп жатыр. Қылмыстық кодекстің 339-бабы бойынша қылмыстық іс қозғалды.
<img src="https://kyzylorda-news.kz/wp-content/uploads/2020/04/200411163635221e.jpg" alt="" />
<img src="https://kyzylorda-news.kz/wp-content/uploads/2020/04/whatsapp-image-2020-04-11-at-15.01.37.jpeg" alt="" />

54 киіктің еті мен 224 мүйіз: Қызылордада аударылған көлікті тастай қашқан браконьерлер іздестірілуде (ФОТО)

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 116 адамға жетті. Бүгін соңғы тәулікте жаңадан анықталған 12 жағдайдың мән-жайын облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте айтып берді.
<blockquote>
 «Қазіргі таңда Қызылорда облысында коронавирустық инфекцияны жұқтырған 116 жағдай тіркелді. Соңғы тәулікте жаңадан 12 жағдай анықталды. Оның тоғызы – Сырдария, екеуі – Арал, біреуі – Қазалы ауданынан анықталып отыр. Сырдария және Арал аудандарында тіркелген науқастар бұрын анықталған науқастармен қарым-қатынаста болып, карантинге оқшауланған еді. Жаңа ошақ – Қазалы ауданының Майдакөл ауылында тіркеліп отыр. Бұл азамат аталған ауылға Нұр-Сұлтан қаласынан келген. Осы науқастардың барлығы жұқпалы аурулар ауруханасына ауыстырылып, тиісті емдерін қабылдауды бастады», – деді Жақсылық Абдусаметов.
</blockquote>
Оның айтуынша, облысымыздағы жұқпалы аурулар ауруханасында – 116 адам, правизорлық стационарда – 47, карантинде – 458 адам ем қабылдап жатыр. Барлығының жағдайы қанағаттанарлық.
Ал, Covid-19 індетін жұқтырған өңірдегі 116 науқаспен байланыста болғандардың жалпы саны – 1227.&nbsp;Оның ішінде, жақын қарым-қатынаста болғандар саны – 606, потенциалды байланыста болғандар – 621 адамды құрап отыр. Бүгінгі таңда барлығы бақылауға алынып, оқшауланған.
Басқарма басшысы атап өткендей, Қызылорда облысына қауіптілік деңгейі 1 (Б) елдерінен 100 адам келген. Оның бесеуі – стационарда, 95 – үй жағдайындағы карантинде бақылауда.
Брифингте Жақсылық Әбілқасымұлы мәлімдегендей, Сырдария ауданының Амангелді ауылынадағы 9 науқас – алдында анықталған науқаспен қарым-қатынаста болған. Осыған байланысты Амангелді ауылына қатаң карантин жағдайы енгізіліп, ауылдағы тұрғындардың бір-бірімен араласуы шектелген.
<blockquote>
 «Енді осы шектеу мәселелеріне келетін болсақ, қазіргі таңда Шиелі ауданының Қодаманов, Бала би, Сырдария ауданының Амангелді ауылындағы қатаң карантиндік шектеулерді жүзеге асыру барысында әскерилер, полиция қызметкерлері, әкімдік өкілдері, медицина мамандары және медициналық қадағалау қызметкерлері бірлесіп қызмет атқаруда. Әскерилер осы 3 ауылда толық залалсыздандыру жұмыстарын жүргізді. Сонымен қатар, барлық анықталған ошақтар зарарсыздандырылды. Медицина қызметкерлері тұрғындардың жалпы медициналық қажеттіліктерін қамтамасыз етсе, әкімдік өкілдері азық-түлік, дәрі-дәрмек, күнделікті қажетті тұрмыстық заттармен қамтуда. Ал, полиция қызметкерлері жалпы тәртіпті, тұрғындардың шектеу талаптарын қамтамасыз етуді, оның ішінде, жол және жаяу қатынастарды тоқтатуды үйлестіруде», – деді басқарма басшысы.
</blockquote>
Айта кетейік, бүгін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/covid-19-news/qyzylorda-oblysynda-indetke-shaldyqqandar-sany-116-boldy-55765/">116 адамға жеткенін</a>&nbsp;хабарлаған болатынбыз.
Оның ішінде, Қызылорда қаласында – 12, Жаңақорған ауданында – 17 жағдай, Қармақшыда – 4, Шиеліде – 55, Сырдарияда – 23, Арал – 4, Қазалы ауданында – 1 жағдай тіркеліп отыр.

COVID-19: Қазалы ауданында анықталған науқас Нұр-Сұлтан қаласынан келген

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 116 адамға жетті, деп хабарлайды&nbsp;<a href="https://www.coronavirus2020.kz/kz/kazakstandagy-koronavirus-boyynsha-11-sauir-10-00-degi-epidemiologiyalyk-zhagday_a3636728">coronavirus2020.kz.</a>
10 сәуір 10:00-дегі&nbsp;мәлімет бойынша елімізде коронавирустық инфекцияны жұқтырған тағы 28 адам тiркелген: Нұр-Сұлтан қаласынды – 1 адам, Алматы қаласынды – 5 адам, Атырау облысында – 11 адам, Қызылорда облысында – 11 адам.
<blockquote>
 “Осы сағатта Нұр-Сұлтан қаласы бойынша 229 адам, Алматы қаласында – 128 адам, Қарағанды облысында – 61 адам, Ақмола облысында – 61 адам, Атырау облысында – 59 адам, Жамбыл облысында – 46 адам, Шымкент қаласында – 31 адам, Шығыс Қазақстан облысында – 6 адам, Алматы облысында – 10 адам, Ақтөбе облысында – 11 адам, Солтүстік Қазақстан облысында – 25 адам, Павлодар облысында – 4 адам, Маңғыстау облысында – 9 адам, Қызылорда облысында – 116 адам, Батыс Қазақстан облысында – 6 адам, Түркістан облысында – 35 адам, Қостанай облысында – 3 адам, жалпы 840 науқас тіркелді”, – делінген аталған ақпаратта.
</blockquote>

Қызылорда облысында індетке шалдыққандар саны 116 болды

<a href="https://kyzylorda-news.kz/">Kyzylorda-news.kz.</a> Бүгін Президент Қасым-Жомарт Тоқаевтың төрағалығымен Төтенше жағдай жөніндегі Мемлекеттік комиссияның отырысы өтті. Бұл туралы ҚР президентінің баспасөз хатшысы Берік Уәли&nbsp;<a href="https://www.facebook.com/">facebook- тегі</a> парақшасында жазды.
Оған облыстар мен республикалық маңызы бар қалалардың әкімдері, сондай-ақ, мемлекеттік органдар мен құқық қорғау құрылымдарының басшылары бейнебайланыс режимі арқылы қатысты.
<blockquote>
 «15 сәуірде төтенше жағдай режимі туралы Жарлығымның мерзімі аяқталады. Төтенше жағдай режимін, кем дегенде, сәуірдің аяғына дейін созуға тура келетіні қазірдің өзінде түсінікті болып отыр. Біз коронавируспен ауырудың шарықтау шегін әлі өткізген жоқпыз. Індетке қатысты жағдайды жеңілдетуге болмайды. Осы себепке байланысты карантин режимін елордада, Алматы мен Шымкентте және тиісті облыстарда сәуірдің аяғына дейін созуды тапсырамын. Мұның оңтайлы шешім емес екенін түсінемін. Өйткені халық көшеге шығып, қалыпты тұрмысын жалғастырғысы келеді. Бірақ карантин режимін сақтаудан, оқшауланудан басқа жол жоқ. Бұл отандық және халықаралық вирусолог мамандардың ұсынысы», – деп атап өтті Мемлекет басшысы өз сөзінде.
</blockquote>
<img src="https://kyzylorda-news.kz/wp-content/uploads/2020/04/tokaev-kaz-1.jpg" alt="" />
<ul>
<li><img src="https://kyzylorda-news.kz/wp-content/uploads/2020/04/tokaev-kaz-2.jpg" alt="" /></li>
</ul>

Қасым-Жомарт Тоқаев карантин режимін сәуірдің аяғына дейін созуды тапсырды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында бүгін, яғни, 10 сәуірдегі 09:00-де анықталған коронавирустық инфекция жұқтырған 4 науқастың біреуі – Жаңақорған, үшеуі – Шиелі ауданынан екендігі анықталған. Бұл туралы облыстық Денсаулық сақтау басқармасы мәлімдеді.
<blockquote>
 «Бүгін Нұр-Сұлтан уақытымен 09:00-де облысымызда тағы 4 науқас анықталды. Оның біреуі – Жаңақорған, үшеуі – Шиелі ауданынан. Шиелі ауданындағы екі науқас – Қодаманов, біреуі – Бала би ауылынан. Қазіргі таңда науқастардың жағдайлары қанағаттанарлық. Бекітілген алгоритмге сәйкес науқастармен қарым-қатынаста болған адамдар анықталып, барлығы медициналық бақылауға алынуда», – деп мәлімдеді аталған басқарма басшысы.
</blockquote>
Айта кетейік, бүгін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/covid-19-news/koronavirws-qyzylorda-oblysynda-nawqastar-sany-104-boldy-55426/">104 адамға жеткенін</a>&nbsp;хабарлаған болатынбыз.
Оның ішінде, Қызылорда қаласында – 12, Жаңақорған ауданында – 17 жағдай, Қармақшыда – 4, Шиеліде – 55, Сырдарияда – 14, Арал ауданында – 2 жағдай тіркеліп отыр.

Коронавирус: 1 науқас – Жаңақорған, 3 науқас – Шиелі ауданынан

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 104 адамға жетті, деп хабарлайды&nbsp;<a href="https://www.coronavirus2020.kz/kz/kazakstandagy-koronavirus-boyynsha-10-sauirdin-09-00-uakytyndagy-epidemiologiyalyk-zhagday_a3636222">coronavirus2020.kz.</a>
10 сәуір 09:00-тегі&nbsp;мәлімет бойынша елімізде коронавирустық инфекцияны жұқтырған тағы 21 адам тiркелді, Батыс Қазақстан облысында – 2 адам, Маңғыстау облысында – 2 адам, Қызылорда облысында – 4 адам, Атырау облысында – 3 адам, Шымкент қаласында – 4 адам, Ақмола облысында – 1 адам, Қарағанды облысында – 4 адам, Нұр-Сұлтан қаласында – 1 адам.
<blockquote>
 “Осы сағатта Нұр-Сұлтан қаласы бойынша 226 адам, Алматы қаласында – 122 адам, Қарағанды облысында – 61 адам, Ақмола облысында – 61 адам, Атырау облысы – 45 адам, Жамбыл облысында – 45 адам, Шымкент қаласында – 31 адам, Шығыс Қазақстан облысында – 6 адам, Алматы облысында – 10 адам, Ақтөбе облысында – 11 адам, Солтүстік Қазақстан облысында – 25 адам, Павлодар облысында – 3 адам, Маңғыстау облысында – 9 адам, Қызылорда облысында – 104 адам, Батыс Қазақстан облысында – 6 адам, Түркістан облысында – 34 адам, Қостанай облысында – 3 адам, жалпы 802 науқас тіркелді“, – делінген аталған ақпаратта.
</blockquote>

Коронавирус: Қызылорда облысында науқастар саны 104 болды

<a href="https://kyzylorda-news.kz/">Kyzylorda-news.kz.</a> Қызылорда облысында коронавирустық инфекцияны жұқтырған науқастар саны 92 адамға жетті. Бүгін соңғы тәулікте жаңадан анықталған 23 жағдайдың мән-жайын облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте айтып берді.
<blockquote>
 «Қазіргі таңда Қызылорда облысында коронавирустық инфекцияны жұқтырған 92 жағдай тіркелді. Соңғы тәулікте жаңадан 23 жағдай анықталды. Оның 17 – Шиелі, 4 – Сырдария, 1 – Арал аудандарынан және 1 науқас – Қызылорда қаласынан. Осы науқастардың барлығы жұқпалы аурулар ауруханасына ауыстырылып, тиісті емдерін қабылдауды бастады», – деді Жақсылық Абдусаметов.
</blockquote>
Оның айтуынша, облысымыздағы жұқпалы аурулар ауруханасында – 92 адам, правизорлық стационарда – 55, карантинде – 416 адам ем қабылдап жатыр. Барлығының жағдайы қанағаттанарлық.
Ал, Covid-19 індетін жұқтырған өңірдегі 92 науқаспен байланыста болғандардың жалпы саны – 1143.&nbsp;Оның ішінде, жақын қарым-қатынаста болғандар саны – 564, потенциалды байланыста болғандар – 579 адамды құрап отыр. Бүгінгі таңда барлығы бақылауға алынып, оқшауланған.
Басқарма басшысы атап өткендей, Қызылорда облысына қауіптілік деңгейі 1 (Б) елдерінен 113 адам келген. Оның барлығы үй карантинінде бақылауда.
Брифингте Жақсылық Әбілқасымұлы мәлімдегендей, облысымыздағы жағдай күннен күнге күрделеніп барады.
<blockquote>
 «Облысымыздағы ахуал күннен күнге күрделеніп барады. Бір тәулікте 23 жағдайдың анықталуы – дабыл қақтыратын жағдай. Өңіріміздің тұрғындары бұл мәселені түйсініп, дұрыс шешім шығармағаннан кейін осындай оқиғамен бетпе-бет келіп отырмыз. Қайталап айтатынымыз – тұрғындар карантин тәртібін сақтауы керек. Барлық өңір тұрғындары, елді мекендерде түсіндіру жұмыстары жүргізілгеніне қарамастан, карантин талаптарына мән берілмей келеді», – деді басқарма басшысы.
</blockquote>
Бүгінгі күнде облыс аудандарының арасынан бір ғана Шиелі ауданында 52 жағдай анықталып, жаға ұстатарлық жағдайға жетті. Басқарма басшысы, мұның себебін – аудан тұрғындарының бейқамдығымен түсіндірді.
<blockquote>
 “Соңғы тәулікте Шиелі ауданында 52-ші науқас тіркелді. Оның 43 – 1 ауылдан. Бұл әлі күнге дейін бейқамдықты көрсетеді. Неге әрбір азамат өзін, отбасын қауіпті індеттен қорғауға әрекет етпейді? Бір адам бүкіл ауылға жұқтыруы мүмкін. Облысымыздың әрбір тұрғыны елін, ұжымын, отбасын сақтауға мән беруі қажет. Баршаңызға бір ғана сұрағым бар: Сіз осы індеттің алдын алуға қандай үлес қостыңыз? Облысымызда қауіпті індеттің таралмауына әрқайсысымыз жауаптымыз!”, – деді ол.
</blockquote>

COVID-19: 43 науқас – Шиелі ауданындағы бір ауылдан

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында бүгін, яғни, 8 сәуірдегі 22:35-те анықталған коронавирустық инфекция жұқтырған 9 науқастың барлығы да – Шиелі ауданынан екендігі анықталды. Бұл туралы облыстық Денсаулық сақтау басқармасы мәлімдеді.
<blockquote>
 «Ауру жұқтырған 9 науқастың барлығы Шиелі ауданында тіркелді. Олардың үшеуі – ер адам, алтауы – әйел адам. Ең жасы – 2012 жылғы қыз бала, ең үлкені – 1944 жылғы ер адам. Қазіргі таңда науқастардың жағдайлары қанағаттанарлық. Бекітілген алгоритмге сәйкес науқастармен қарым-қатынаста болған адамдар анықталып, барлығы медициналық бақылауға алынуда», – деп мәлімдеді аталған басқарманың баспасөз қызметі.
</blockquote>
Сондай-ақ, ауру ошақтарында эпидзерттеу жұмыстары, дезинфекциялық жұмыстар жүргізілуде.
Айта кетейік, бүгін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/covid-19-news/koronavirws-qyzylorda-oblysynda-nawqastar-sany-85-ke-zhetti-55179/">85 адамға жеткенін</a>&nbsp;хабарлаған болатынбыз.
Оның ішінде, Қызылорда қаласында – 9, Жаңақорған ауданында – 16 жағдай, Қармақшыда – 4, Шиеліде – 47, Сырдарияда – 7, Арал ауданында – 2 жағдай тіркеліп отыр.

Қазақстан және Қызылорда облысының жаңалықтары: Басты жаңалықтар old

Қызылордада 1 адам қауіпті індеттен жазылып шықты

Қызылорда облысында індетке шалдыққандар саны 119 болды

Тоқаев: Байқоңыр – ғарыш кеңістігін игерген адамзат жетістігінің символы

Гүлшара Әбдіқалықова облыс тұрғындарына үндеу жасады

54 киіктің еті мен 224 мүйіз: Қызылордада аударылған көлікті тастай қашқан браконьерлер іздестірілуде (ФОТО)

COVID-19: Қазалы ауданында анықталған науқас Нұр-Сұлтан қаласынан келген

Қызылорда облысында індетке шалдыққандар саны 116 болды

Қасым-Жомарт Тоқаев карантин режимін сәуірдің аяғына дейін созуды тапсырды

Коронавирус: 1 науқас – Жаңақорған, 3 науқас – Шиелі ауданынан

Коронавирус: Қызылорда облысында науқастар саны 104 болды

COVID-19: 43 науқас – Шиелі ауданындағы бір ауылдан

COVID-19: Шиелі ауданында 47-ші науқас тіркелді

Қазақстан және Қызылорда облысының жаңалықтары: Басты жаңалықтар old

Қызылордада 1 адам қауіпті індеттен жазылып шықты

Қызылорда облысында індетке шалдыққандар саны 119 болды

Тоқаев: Байқоңыр &#8211; ғарыш кеңістігін игерген адамзат жетістігінің символы

Гүлшара Әбдіқалықова облыс тұрғындарына үндеу жасады

54 киіктің еті мен 224 мүйіз: Қызылордада аударылған көлікті тастай қашқан браконьерлер іздестірілуде (ФОТО)

COVID-19: Қазалы ауданында анықталған науқас Нұр-Сұлтан қаласынан келген

Қызылорда облысында індетке шалдыққандар саны 116 болды

Қасым-Жомарт Тоқаев карантин режимін сәуірдің аяғына дейін созуды тапсырды

Коронавирус: 1 науқас – Жаңақорған, 3 науқас – Шиелі ауданынан

Коронавирус: Қызылорда облысында науқастар саны 104 болды

COVID-19: 43 науқас – Шиелі ауданындағы бір ауылдан

COVID-19: Шиелі ауданында 47-ші науқас тіркелді

Тоқаев: Байқоңыр – ғарыш кеңістігін игерген адамзат жетістігінің символы