<a href="https://kyzylorda-news.kz/">Kyzylorda-news.kz</a>. Бүгін Қызылорда облысында тағы 7 науқас коронавирустық инфекциядан жазылып шықты.
Осылайша қауіпті індеттен айыққандар саны өңірде 13 адамға жетіп отыр.

Қызылордада індеттен жазылғандар саны 13 адамға жетті

<a href="https://kyzylorda-news.kz/">Kyzylorda-news.kz.</a> Қызылордада аударылып қалған көлігін тастап полицейлерден қашқан күдіктінің бірі ұсталды. Көліктен мүйізі кесілген 54 киік табылған болатын.
Естеріңізге сала кетелік, аталған оқиға&nbsp;<a href="https://kyzylorda-news.kz/kogam/54-kiikting-eti-men-224-muejiz-qyzylordada-awdarylghan-koelikti-tastaj-qashqan-brakonerler-izdestirilwde-foto-55917/">11 сәуірде&nbsp;болған еді</a>. Сол күні Қызылорда қалалық полиция басқармасы Ақсай полиция бөлімінің кезекші бөліміне «Охотзоопром» ӨБРМ қазыналық кәсіпорнының инспекторынан хабар келіп түсті. Онда рейд барысында Досан ауылының тұсында екі автокөліктің қойылған блок бекетті айналып өткені жөнінде айтылған.
«Охотзоопром» қызметкерлерін байқаған жүргізушілер олардан қашып құтылуға әрекет еткен. Сол сәтте «Toyota Land Cruiser» маркалы көлік сол маңдағы каналға аударылып қалған. Ал күдіктілер екінші көлікпен қашып үлгереді.
Оқиға орнына Қызылорда қалалық Полиция басқармасына қарасты Ақсай полиция бөлімінің жедел-тергеу тобы барды. Автокөлікті тексеру барысында мүйізі кесілген 54 киік пен 224 дана киіктің мүйізі, 1 ұңғылы МР-155 маркалы аңшы мылтығы, патрондар, пышақ және дүрбі табылды. Көп ұзамай полиция қызметкерлері күдіктілердің бірін ұстады.
<blockquote>
 «Ол уақытша ұстау абақтысына қамалды. Күдікті 34 жастағы жұмыссыз облыс орталығының тұрғыны болып шықты. Қазіргі таңда аталған дерек бойынша ҚР Қылмыстық кодексінің 339-бабы 3-бөлігі 2-тармағы бойынша сотқа дейінгі тергеп-тексеру амалы жүргізілуде.​ Осы қылмысқа қатысы бар күдіктілер іздестірілуде», – деп мәлім етті Қызылорда облыстық полиция департаментінің баспасөз қызметі.
</blockquote>

Киік атқандар: Қызылордада көлігін тастап қашқан браконьердің бірі ұсталды

<a href="https://kyzylorda-news.kz/">Kyzylorda-news.kz.</a> Елімізде төтенше жағдай режимі жарияланған күннен бастап Қызылорда облысында оны бұзудың 527 дерегі анықталған. Бұл туралы Қызылорда облысы Полиция департаменті бастығының бірінші орынбасары, полиция полковнигі Шамшидин Әмитов Өңірлік коммуникациялар қызметінде өткен брифингте мәлімдеді.
Оның айтуынша, аймақта болып жатқан төтенше жағдайға байланысты Қызылорда облысы Бас мемлекеттік санитариялық дәрігерінің қаулысына сәйкес, облыста қауіпсіздік шараларын күшейту мақсатында тұрғындардың көшеге себепсіз жүруіне және көлік қозғалысына шектеулер қойылды. Осыған байланысты, облыстық Полиция департаментінің жеке құрамы ерекше режимге көшірілді.
Елімізде Төтенше жағдай режимі жарияланғаннан бастап облыс бойынша оны бұзудың (ҚР ӘҚБтК-нің 476-бабы) сәйкес 527 дерегі анықталған.
<blockquote>
 «Оның ішінде, 149 дерек – көліктердің қозғалысына тыйым салу, 84 дерек – еш себепсіз тұрғын үйден тыс жерде жүру, 67 дерек – дүкендердің тыйым салынған уақытта қызмет көрсетуі, ал, 49 дерек – кафе және мейрамханалардың қаулы талаптарын орындамауы бойынша тіркелді. Сонымен қатар, компьютер клубтары, автокөлік жөндеу орындары, қонақ үйлер және тағы басқа көптеген орындар тексерілді», – деді Ш. Егенбердіұлы.
</blockquote>
Полция полковнигі атап өткендей, осы уақытқа дейін 236 әкімшілік іс сотта онлайн-режимінде қаралып, 112 тұлғаға 10 АЕК (27&nbsp;780 теңге) мөлшерінде айыппұл салынса, 124-і әкімшілік қамауға алынған. Ал, 13 тұлғаға ескерту берілген.
<blockquote>
 «Қалған әкімшілік істер бойынша заң шеңберінде шешім қабылданатын болады. Әкімшілік жазаға тартылғандардың билік өкілдеріне бағынбай, дөрекілік таныту деректері де орын алуда. Мысалы, 13 сәуір күні Қызылорда қалалық Полиция басқармасының ғимаратында соттың қаралуын күтіп отырған азаматтардың бірі қызметтік міндетін атқарып тұрған полиция қызметкерінің ескертуін елемей, тіл тигізіп, балағаттаған. Бүгінгі таңда бұл дерек бойынша Қазақстан Республикасы Қылмыстық кодексінің 378-бабы бойынша (билік өкілін қорлау) сотқа дейінгі тергеп – тексеру амалдары жүргізілуде. Күдіктіге қатысты ешқайда кетпеу туралы қолхат түріндегі бұлтартпау шарасы қолданылды», – деді ол.
</blockquote>
Егер күдіктінің кінәсі дәлелденсе 160 айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына не 160 сағатқа дейiнгi мерзiмге қоғамдық жұмыстарға тартуға не 40 тәулікке дейінгі мерзімге қамаққа алуға жазаланатын болады.
Оған қоса, бұл азаматқа қатысты ҚР ӘҚБтК-нің 476-бабына сәйкес (төтенше жағдай режимін бұзу) 10-АЕК мөлшерінде (27&nbsp;780 теңге) айыппұл салынды.
Сондай-ақ, ескерту жұмыстарының жүргізілгендігіне қарамастан халық арасында алаңдатушылық туғызып отырған коронавирус жайлы жалған ақпарат таратқан 11 адам анықталды.
<blockquote>
 «Олар өз әрекеттерін толық мойындап, өкініп отырғанын айтты. Бұл деректер бойынша Қазақстан Республикасы Қылмыстық кодексінің 274-бабы бойынша (Төтенше жағдай кезінде көрінеу жалған ақпарат тарату) сотқа дейінгі тергеп-тексеру амалдары жүргізілуде. Күдіктілердің кінәсі дәлелденген жағдайда сот шешімімен оларға 3 жылдан 7 жылға дейін бас бостандығынан айыру жазасы қарастырылған», – деді облыстық Полиция департаменті бастығының бірінші орынбасары.
</blockquote>
Ол бұл бағыттағы жұмыстар Төтенше жағдай режимі аяқталғанға дейін жалғасатындығын жеткізді.
<img src="https://kyzylorda-news.kz/wp-content/uploads/2020/04/whatsapp-image-2020-04-15-at-13.44.03-1.jpeg" alt="" />

Төтенше жағдай: Қызылорда облысында 1 ай ішінде 124 тұлға қамауға алынған

<a href="https://kyzylorda-news.kz/">Kyzylorda-news.kz.</a>&nbsp;Бүгін 12:30-дағы мәлімет бойынша облысымызда коронавирустық инфекцияны жұқтырған 2 науқас – Қызылорда қаласынан.
<blockquote>
 “Соңғы тіркелген 2 науқас – Қызылорда қаласының тұрғындары”, – деп мәлімдеді облыстық Денсаулық сақтау басқармасының басшысы Ж. Абдусаметов біздің ақпарат агенттігіне.
</blockquote>

Коронавирус: соңғы науқастар – Қызылорда қаласынан

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 126 адамға жетті, деп хабарлайды&nbsp;<a href="https://www.coronavirus2020.kz/kz/kazakstandagy-koronavirus-boyynsha-15-sauirdin-12-30-uakytyndagy-epidemiologiyalyk-zhagday_a3638301">www.coronavirus2020.kz.</a>
15 сәуір сағат 12:30-дағы&nbsp;мәлімет бойынша елімізде коронавирус індетін жұқтырған тағы 8 адам тiркелген.
Атап айтқанда, науқастар саны Қарағанды облысында – 1 адам, Нұр-Сұлтан қаласында – 3 адам, Ақтөбе облысында – 1 адам, Ақмола облысында – 1 адам, Қызылорда облысында – 2 адамға көбейген. ⠀

COVID-19: Қызылордада науқастар саны тағы 2 адамға көбейді

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 124 адамға жетті. Бүгін соңғы тәулікте жаңадан анықталған 5 жағдайдың мән-жайын облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте айтып берді.
<blockquote>
 «Қазіргі таңда Қызылорда облысында коронавирустық инфекцияны жұқтырған 124 жағдай тіркелді. Соңғы тәулікте жаңадан 5 жағдай анықталды. Оның екеуі – Сырдария, екеуі – Шиелі, біреуі – Жаңақорған ауданының тұрғындары. Шиелі және Сырдария аудандарында тіркелген науқастардың барлығы да бұрын анықталған науқастармен қарым-қатынаста болып, карантинге оқшауланған еді. Яғни, карантинге алынған тұрғындардың арасынан анықталып отыр. Ал, Жаңақорған ауданында тіркелген науқас – коронавирустық инфекцияның жаңа ошағы болып табылады. Осы жаңа ошақта анықталған науқаспен қарым-қатынаста болғандар анықталып, нақтылану үстінде. Соңғы тәулікте анықталған 5 науқастың екеуі – ер адам, үшеуі – әйел адам. Жас шамалары 26 мен 61-дің аралығында. Қауіпті індет жұқтрығандардың барлығы жұқпалы аурулар ауруханасына ауыстырылып, тиісті емдерін қабылдауды бастады», – деді Жақсылық Абдусаметов.
</blockquote>
Оның айтуынша, Covid-19 індетін жұқтырған өңірдегі 124 науқаспен байланыста болғандардың жалпы саны – 1504.&nbsp;Оның ішінде, жақын қарым-қатынаста болғандар саны – 843, потенциалды байланыста болғандар – 661 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 122, правизорлық стационарда – 25, карантиндік стационарда – 407 адам бақылауда.
Басқарма басшысы атап өткендей, Қызылорда облысына қауіптілік деңгейі 1 (Б) елдерінен 19 адам келген. Қазіргі таңда оның төртеуі – стационарда, 15 – үй жағдайындағы карантинде бақылауда.
Брифингте Жақсылық Әбілқасымұлы қауіпті індетке шалдыққан науқастарды дер кезінде және алғашқы сатысында анықтауда 14 күндік карантиннің көмегі зор екенін атап өтті.
<blockquote>
 «Бүгінгі таңда бізге аталған індетті жұқтырған науқастарды дер кезінде анықтауда 14 күндік карантин режимінің көмегі зор. Осының арқасында біз науқастарды ерте сатысында анықтауға мүмкіндік алып отырмыз. Қазақстанға өзге өңірлерден келген тұрғындардан алдымен сынама-тест алынады. Нәтижесі теріс болса, тұратын өңірлеріне жіберіледі. Біз облысқа келген тұрғындарды тағы 14 күн карантин режимінде оқшаулап, бақылаймыз», – деді басқарма басшысы.
</blockquote>
Айта кетейік, бүгін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/covid-19-news/qyzylorda-oblysynda-qawipti-indet-zhuqtyrghandar-sany-124-boldy-56501/">124 адамға жеткенін</a>&nbsp;хабарлаған болатынбыз.
Оның ішінде, Қызылорда қаласында – 12, Жаңақорған ауданында – 19, Қармақшыда – 4, Шиеліде – 59, Сырдарияда – 25, Арал – 4, Қазалы ауданында – 1 жағдай тіркеліп отыр.

COVID-19: Жаңақорған ауданында анықталған науқас – қауіпті індеттің жаңа ошағы

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 124 адамға жетті, деп хабарлайды&nbsp;<a href="https://www.coronavirus2020.kz/kz/kazakstandagy-koronavirus-boyynsha-15-sauirdin-09-25-uakytyndagy-epidemiologiyalyk-zhagday_a3638202">www.coronavirus2020.kz.</a>
15 сәуір сағат 09:25-тегі мәлімет бойынша елімізде коронавирус індетін жұқтырған тағы 29 адам тiркелген. Атап айтқанда, Атырау облысында – 1 адам, Шымкент қаласынды – 1 адам, Батыс Қазақстан облысында – 6 адам, Маңғыстау облысында – 1 адам, Қызылорда облысында – 3 адам, Қарағанды облысында – 2 адам, Нұр-Сұлтан қаласында – 9 адам, Алматы қаласында – 6 адам. ⠀
<blockquote>
 “Осы сағатта Нұр-Сұлтан қаласы бойынша 291 адам, Алматы қаласында – 364 адам, Қарағанды облысында – 80 адам, Ақмола облысында – 79 адам, Атырау облысында – 70 адам, Жамбыл облысында – 49 адам, Шымкент қаласында – 40 адам, Шығыс Қазақстан облысында – 8 адам, Алматы облысында – 24 адам, Ақтөбе облысында – 12 адам, Солтүстік Қазақстан облысында – 26 адам, Павлодар облысында – 11 адам, Маңғыстау облысында – 11 адам, Қызылорда облысында – 124 адам, Батыс Қазақстан облысында – 18 адам, Түркістан облысында – 49 адам, Қостанай облысында – 5 адам, жалпы 1261 науқас тіркелді“, – делінген аталған хабарламада.
</blockquote>

Қызылорда облысында қауіпті індет жұқтырғандар саны 124 болды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 121 адамға жетті, деп хабарлайды <a href="https://www.coronavirus2020.kz/kz/kazakstandagy-koronavirus-boyynsha-14-sauirdin-23-20-uakytyndagy-epidemiologiyalyk-zhagday_a3638128">www.coronavirus2020.kz.</a>
14 сәуір сағат 23:20-дағы мәлімет бойынша елімізде коронавирус індетін жұқтырған тағы 33 адам тiркелген. Атап айтқанда, Нұр-Сұлтан қаласында – 14 адам, Батыс Қазақстан облысында – 1 адам, Павлодар облысында – 1 адам, Атырау облысында – 6 адам, Алматы қаласында – 8 адам, Қызылорда облысында – 2 адам, Ақтөбе облысында – 1 адам.
<blockquote>
 “Осы сағатта Нұр-Сұлтан қаласы бойынша 282 адам, Алматы қаласында – 358 адам, Қарағанды облысында – 78 адам, Ақмола облысында – 79 адам, Атырау облысында – 69 адам, Жамбыл облысында – 49 адам, Шымкент қаласында – 39 адам, Шығыс Қазақстан облысында – 8 адам, Алматы облысында – 24 адам, Ақтөбе облысында – 12 адам, Солтүстік Қазақстан облысында – 26 адам, Павлодар облысында – 11 адам, Маңғыстау облысында – 10 адам, Қызылорда облысында – 121 адам, Батыс Қазақстан облысында – 12 адам, Түркістан облысында – 52 адам, Қостанай облысында – 5 адам, жалпы 1232 науқас тіркелді“, – делінген аталған хабарламада.
</blockquote>

Қызылорда облысында қауіпті індет жұқтырғандар саны 121-ге жетті

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Қазақстан Республикасында төтенше жағдайдың қолданысын ұзарту туралы Жарлыққа қол қойды
***
Қазақстан Республикасында төтенше жағдайдың қолданысын ұзарту туралы
«Төтенше жағдай туралы» Қазақстан Республикасының Заңы 7-бабының 3-тармағына сәйкес ҚАУЛЫ ЕТЕМІН:
«Қазақстан Республикасында төтенше жағдайды енгізу туралы» Қазақстан Республикасы Президентінің 2020 жылғы 15 наурыздағы № 285 Жарлығымен енгізілген Қазақстан Республикасының барлық аумағындағы төтенше жағдайдың қолданысы 2020 жылғы 1 мамырдағы 07 сағат 00 минутқа дейін ұзартылсын.
Қазақстан Республикасының Үкіметі орталық және жергілікті мемлекеттік органдармен бірлесіп, осы Жарлықтан туындайтын қажетті шараларды қабылдасын.
Осы Жарлық қол қойылған күнінен бастап қолданысқа енгізіледі.
Қазақстан Республикасының
Президенті Қ. Тоқаев
Нұр-Сұлтан, Ақорда, 2020 жылғы 14 сәуір
№ 306

Президент Қазақстанда төтенше жағдайдың қолданысын ұзарту туралы Жарлыққа қол қойды

<a href="https://kyzylorda-news.kz/">Kyzylorda-news.kz.</a> Бүгін Қызылорда облысында екінші адам коронавирустық инфекциядан жазылып шықты, деп хабарлайды <a href="https://www.coronavirus2020.kz/kz/tagy-4-adam-koronavirus-indetinen-emdelip-shykty_a3637876">www.coronavirus2020.kz.</a>
14 сәуір 13:45-тегі мәлімет бойынша, Нұр-Сұлтан қаласында – 1 адам, 
Ақтөбе облысында – 1 адам, Қызылорда облысында – 1 адам, 
Алматы облысында – 1 адам қауіпті індеттен жазылып шыққан.
Осылайша, елімізде жазылғандар саны 142-ге жетті.
Біздің облыстағы емделушінің емі толық аяқталған соң, 2 рет тест сынамасы алынған. Сынама нәтижесі теріс көрсеткіш көрсетуіне орай, яғни, науқастың “Covid-19” вирусынан айығуына байланысты емделуші үйіне шығарылған.
Індетті жеңген науқас – Қызылорда қаласының тұрғыны.
Айта кетейік, алдағы уақытта науқас 14 күн ішінде учаскелік дәрігерлердің бақылауында болады.

Қызылордада екінші адам қауіпті індеттен жазылып шықты

<a href="https://kyzylorda-news.kz/">Kyzylorda-news.kz.</a> Қазақстанда коронавирус жұқтырғандар саны 1 мың адамнан асты, деп хабарлайды <a href="https://www.coronavirus2020.kz/kz/kazakstandagy-koronavirus-boyynsha-13-sauir-23-40-tagy-epidemiologiyalyk-zhagday_a3637632">www.coronavirus2020.kz</a><a href="https://www.coronavirus2020.kz/kz/kazakstandagy-koronavirus-boyynsha-13-sauir-23-40-tagy-epidemiologiyalyk-zhagday_a3637632">.</a>
13 сәуір сағат 23.40-тағы эпидемиологиялық жағдай бойынша, коронавирус індетін жұқтырған тағы 112 адам тiркелген. Атап айтқанда, Алматы қаласында – 99 адам, Қарағанды облысында – 1 адам, Нұр-Сұлтан қаласында – 3 адам, Алматы облысында – 1 адам, Ақмола облысында – 2 адам, Батыс Қазақстан облысында – 2 адам, Түркістан облысында – 1 адам, Атырау облысында – 3 адам.
<blockquote>
 “Осы сағатта Нұр-Сұлтан қаласы бойынша – 260 адам, Алматы қаласында – 271 адам, Қарағанды облысында – 77 адам, Ақмола облысында – 73 адам, Атырау облысында – 62 адам, Жамбыл облысында – 46 адам, Шымкент қаласында – 38 адам, Шығыс Қазақстан облысында – 8 адам, Алматы облысында – 22 адам, Ақтөбе облысында – 11 адам, Солтүстік Қазақстан облысында – 26 адам, Павлодар облысында – 10 адам, Маңғыстау облысында – 10 адам, Қызылорда облысында – 119 адам, Батыс Қазақстан облысында – 11 адам, Түркістан облысында – 44 адам, Қостанай облысында – 3 адам, жалпы 1091 науқас бар“, – делінген аталған хабарламада.
</blockquote>

Қазақстанда коронавирус жұқтырғандар саны 1 мыңнан асты

<a href="https://kyzylorda-news.kz/">Kyzylorda-news.kz.</a> Бүгін өңірдегі жазылып шыққан алғашқы науқас – Қызылорда қаласының тұрғыны. Ол 1 наурызда Оңтүстік Кореядан келіп, 14 күндік карантиндік бақылауда болған.
Карантин кезінде ешқандай өзгерістер болмағандықтан, үй жағдайындағы бақылауға алынады.
Кейіннен, 2020 жылдың 26 наурызында аймақтық емханаға дене қызуымен шағымданып, тексеру барысында аталған инфекция белгілерінің болуына байланысты, облыстық жұқпалы аурулар ауруханасына жатқызылған.
Науқастан COVID-19 вирусының зертханалық талдамасы расталып, клиникалық хаттамаға сәйкес ем жүргізілді.
Бүгін, 13 сәуірде науқастан екі рет қайталама зертханалық талдамалары алынып, теріс мәнді және жалпы жағдайының қанағаттанарлық болуына байланысты, үй жағдайына шығарылып жатыр.
Науқас алдағы уақытта да 14 күн аймақтық емхананың бақылауында болады.

Қазақстан және Қызылорда облысының жаңалықтары: Басты жаңалықтар old