<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 149 адамға жетті. Індеттен айыққандардың қатарына соңғы қосылған науқас – Сырдария ауданының тұрғыны.
8 мамыр 13:25-тегі&nbsp;ақпарат бойынша Қызылорда облысында тағы 1 адам қауіпті індеттен жазылып шыққан.
Ерекше атап өтерлігі – Сырдария ауданында осы індетке шалдыққан 26 науқастың барлығы жазылды.
Осылайша коронавирустық инфекциядан жазылғандар саны өңірде 149 адамға жетіп отыр.
Аталған науқастан 2 реттен сынама тест алынып, бәрі теріс мәнді нәтиже көрсеткен.
Олар алдағы 14 күнде дәрігерлердің бақылауында болады.

COVID-19: Сырдария ауданындағы барлық науқас айықты, облыста жазылғандар саны 149-ға жетті

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 225 адамға жетті. Соңғы тәулікте жаңадан анықталған 2 жағдай туралы бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте баяндады.
<blockquote>
 «Қазіргі таңда Қызылорда облысында коронавирустық инфекцияны жұқтырған 225 жағдай тіркелді. Соңғы тәулікте жаңадан 2 жағдай анықталды. Екеуі де – Қызылорда қаласынан. Олар алдында анықталған науқастармен тікелей қарым-қатынаста болып, карантиндік бақылауға алынған еді. Бұл науқастарда 14 күндік бақылау аяқталған соң, қайтадан сынама тест алған кезде инфекция анықталып отыр. Осылайша, Қызылорда қаласында анықталған науқастар саны 88 адамға жетті», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 225 науқаспен байланыста болғандардың жалпы саны – 3294.&nbsp;Оның ішінде, жақын қарым-қатынаста болғандар саны – 1794, потенциалды байланыста болғандар – 1500 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 77, правизорлық стационарда – 19, карантиндік стационарда – 297 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 288 тест сынамасы жасалыпты.
<blockquote>
 «Соңғы тәулікте 288 тест сынамасы жасалды. Оның 279 – теріс мәнді болып шықты. Бүгінде облысымызда 4665 тест сынамасының қоры қалды», – деді ол.
</blockquote>
Сондай-ақ, басқарма басшысы облыс тұрғындарын мереке және демалыс күндері карантин талаптарын сақтап, ардагерлердің өміріне қауіп төндірмеуге шақырды.
<blockquote>
 «Жеңістің 75 жылдық мерейтойы демалыс күндерімен қатар келіп отыр. Әрине, тұрғындар осы мерекемен ата-әжелерімізді құттықтағысы келетіні жасырын емес. Үлкен кісілердің бұл індетті тез жұқтыру қаупі басым екендігін естен шығармаған жөн. Олар жұқтырған жағдайда ауыр ағымда өткізеді. Сондықтан, ардагерлерді онлайн құттықтауға, адамдардың шоғырлануына жол бермеуге, мерекелік басқосулар мен отырыстар өткібеуге, сіздерді тағы да қарым-қатынас арқылы індет жұқтырудың алдын алуға шақырамын», – деді Ж. Әбілқасымұлы.
</blockquote>

COVID-19: Қызылорда облысында қауіпті індет жұқтырғандар саны 225 болды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова сырбойылықтарды Отан қорғаушы күнімен құттықтады.
Құрметті қызылордалықтар!
Сіздерді Отан қорғаушылар күнімен шын жүректен құттықтаймын!
Мемлекет мүддесін жіті қорғау, ұлттық қауіпсіздік пен ішкі тұрақтылықтың сенімді кепілі болу сынды маңызды істер сеніп тапсырылған. Алдарыңызда – еліміздің еңсесі биік, шекарасы берік, халқы тыныш болуы үшін ел намысын өз тағдырынан жоғары қою міндеті тұр.
Осы жолда ел тәуелсіздігін арыстандай айбарлықпен, қыран кұстай қырағылықпен қорғап жүрген Сіздерге зор ризашылығымызды білдіреміз.
Дүниежүзінде орын алған пандемия кезінде де кірпік қақпай қауіпсіздігіміз бен тыныштығымызды сақтауда аянбай еңбек етіп жүрсіздер.
“Ұранды ердің ұрпағы қайсар” дейді дана халқымыз.
Ұлттық намысты елдіктің берік қорғаны санайтын батырлардың ержүрек ұрпағы – Сіздердің Отан тыныштығын күзетудегі ерлік еңбектеріңіз еліміздің болашағы жарқын боларына кәміл сендіреді.
Жау бетке – білектімізді, дау бетке – біліктімізді, жарастыққа – жақсымызды жұмсаған дана халқымыздың игі дәстүрін сақтаған Сіздердің барлық күш-жігерлеріңіз, білімдеріңіз бен тәжірибелеріңіз егемен еліміздің Қарулы Күштерінің жауынгерлік қабілетін, құқықтық тәртіп пен конституциялық құрылысты қорғауға бағытталғанын жақсы білеміз.
Бар өмірін әскери іске, Отан қорғауға арнаған Сіздерді бүгінгі мерекемен құттықтай отырып, зор денсаулық, отбастарыңызға амандық тілеймін.
Тәуелсіздігіміз бен тұтастығымызды, тыныштығымыз бен бейбітшілігімізді қас қақпай күзетіп, халқымызға қорған болған Ұлттық әскеріміздің айбыны арта берсін!
Ел еңсесі биік, Тәуелсіздігіміз берік болсын!
Біз Біргеміз!

Гүлшара Әбдіқалықова қызылордалықтарды Отан қорғаушы күнімен құттықтады

<a href="https://kyzylorda-news.kz/">Kyzylorda-news.kz.</a> Мемлекет басшысы, ҚР Қарулы Күштерінің Жоғарғы Бас қолбасшысы Қасым-Жомарт Тоқаев қазақстандықтарды Отан қорғаушы күнімен құттықтады, деп хабарлайды&nbsp;<a href="https://www.akorda.kz/kz/events/akorda_news/akorda_other_events/memleket-basshysy-kr-karuly-kushterinin-zhogargy-bas-kolbasshysy-kasym-zhomart-tokaevtyn-otan-korgaushy-kunimen-kuttyktauy">Ақорда</a>.
***
Құрметті отандастар!
Баршаңызды Отан қорғаушы күнімен құттықтаймын!
Айбынды армиямыздың даңқты дәстүрі кең-байтақ жерімізді жанқиярлықпен қорғап қалған батыр бабаларымыз бен Ұлы Отан соғысы ардагерлерінің өшпес ерлігінен бастау алады. Бүгінде әскеріміз Тәуелсіз Қазақстанның берік қалқаны ретінде жауынгерлік шеберлік пен асқақ рухтың озық үлгісін көрсетіп келеді.
Бұл мерекеде біз өз өмірін Отан қорғауға арнаған, антына адал жандарға ерекше құрмет көрсетеміз. Мемлекеттік шекарамыз бен әуе кеңістігімізді күзетіп, армия және флот бөлімшелерінде әскери борышын өтеп жатқан барлық сарбазға шынайы ризашылығымды білдіремін.
Коронавирус індетімен күрестің алдыңғы шебінде жүрген әскери қызметшілер, соның ішінде арнаулы жиындарға шақырылған азаматтар да алғысқа лайық. Олардың ерен еңбегі – шынайы патриотизм мен елге қызмет етудің жарқын көрінісі.
Мемлекетіміздің қорғаныс әлеуетін күшейту, әскери қызметшілердің өздерін және отбасын қолдау басты міндетіміз болып қала береді.
Сіздерге зор денсаулық, бақ-береке және елдік мүдде жолындағы абыройлы әрі мәртебелі қызметтеріңізге толайым табыс тілеймін!

Қасым-Жомарт Тоқаев қазақстандықтарды Отан қорғаушы күнімен құттықтады

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің өкімімен облыстық дене шынықтыру және спорт басқармасының басшысы лауазымына Оспанов Жақсылық Әбдімәлікұлы тағайындалды.
Жақсылық Әбдімәлікұлы 1972 жылы 28 маусымда Қызылорда облысы Арал ауданында дүниеге келген.
1994 жылы Қазақтың дене тәрбиелеу мәдениеті институтының «Дене тәрбиелеу мәдениеті, оқытушысы-жаттықтырушысы» мамандығы бойынша бітірген.
Еңбек жолын 1996 жылы Жаңақорған аудандық спорт клубының жаттықтырушысы қызметінен бастаған.
1997 жылы облыстық жастар ісі, туризм және спорт басқармасының жетекші маманы, 1998-2005 жылдары облыстық жастар ісі, туризм және спорт басқармасының дене тәрбиесі сауықтыру және спорттық бұқаралық жұмыс бөлімінің жетекші маманы, 2005 жылы облыстық дене тәрбиесі және спорт бөлімінің оқу-спорттық бөлімінің бас маманы, 2006-2016 жылдары облыстық дене шынықтыру және спорт басқармасының оқу-спорттық бөлімінің бастығы, 2016 жылы облыстық дене шынықтыру және спорт басқармасы басшысының орынбасары қызметтерін атқарған.
<img src="https://kyzylorda-news.kz/wp-content/uploads/2020/05/whatsapp-image-2020-05-05-at-17.34.58.jpeg" alt="" />

Қызылорда облыстық дене шынықтыру және спорт басқармасының басшысы тағайындалды

<a href="https://kyzylorda-news.kz/">Kyzylorda-news.kz.</a> Қызылорда облысында полиция қызметкерлері жоғалған бес жасар баланы әжесімен табыстырды.
4 мамыр сағат 13:00 шамасында Қызылорда облысы Жаңақорған кентінің тұрғыны аудан полиция бөлімінің «102» арнасына қоңырау шалып, бес жастағы немересі үйінің есік алдында ойнап жүріп, белгісіз бағытқа шығып кеткені туралы хабарлаған.
Аталған хабарлама бойынша Жаңақорған ауданының полиция бөлімінің жеке құрамы дереу құлақтандырылып, іздестіру жұмыстары жүргізілді.
Барлық туыстарының және таныстарының үйлеріне барып, көшелерді, көп қабатты үйлердің жер төлелерін, қараусыз қалған үй-жайларды аралап іздестіру жұмыстарының нәтижесінде жеті сағаттан кейін кент орталығының көшелерінің бірінде адасып жүрген бала табылды.
Полиция қызметкерлері баланы әжесінің қолына аман-есен тапсырды. Қызметкерлерге алғысын білдірген тұрғын жұмыстарына сәттілік тіледі.
Айта кетейік, бұған дейін де Жаңақорған ауданында <a href="https://kyzylorda-news.kz/kogam/qyzylordada-zhoghalghan-4-zhasar-bala-ata-anasyna-tabystaldy-60153/">4 жасар баланың жоғалып</a>, табылғанын хабарлаған болатынбыз.

Жаңақорған ауданында тағы да жоғалған бала табылды

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 140 адамға жетті.
5 мамыр 12:00-дегі&nbsp;мәлімет бойынша Қызылорда облысында тағы 2 науқас қауіпті індеттен жазылып шықты. Індеттен айыққандардың қатарына соңғы қосылған науқастар – Қызылорда қаласының тұрғындары.
Осылайша коронавирустық инфекциядан жазылғандар саны өңірде 140 адамға жетіп отыр.
Аталған науқастардан 2 реттен сынама тест алынып, бәрі теріс мәнді нәтиже көрсеткен.
Олар алдағы 14 күнде дәрігерлердің бақылауында болады.

Қызылорда облысында қауіпті індеттен жазылғандар саны 140 болды

<a href="https://kyzylorda-news.kz/">Kyzylorda-news.kz.</a> Бұл туралы қала әкімдігінің баспасөз орталығында өткен баспасөз конференциясында қала әкімінің орынбасары Е. Бердібаев мәлімдеді.
Коммуналдық шығындарды өтеу үшін тұтынушылар жеке сәйкестендіру нөмірін, әлеуметтік мәртебесін және жеке шоты туралы ақпаратты көрсете отырып, www.15.epd.kz ақпараттық веб-сайты және 400-700 номерлі байланыс орталығы арқылы ағымдағы жылдың 5 мамырынан бастап сағат 09:00-ден 21:00-ге дейінгі аралықта түскі үзіліссіз, демалыссыз өтініш бере алады.
Қабылданған өтініштерде көрсетілген ақпараттарды тиісті құзырлы органдармен және коммуналдық қызмет көрсетуші мекемелер тарапынан расталғаннан кейін төлем төлеуге жолданады.
Әрбір өтініш иесі берген өтінішінің орындалу барысын www.15.epd.kz ақпараттық веб-сайты арқылы көруге мүмкіндігі болады.
Жалпы, Қазақстан Республикасы Индустрия және инфрақұрылымдық даму министрлігінің 2020 жылғы 18 сәуірдегі №212 бұйрығымен бекітілген төтенше жағдай кезеңінде коммуналдық қызметтерді жеткізушілердің шығындарын өтеу ережесіне сәйкес коммуналдық қызметтерді жеткізушілерде жеке шоттары болған кезде коммуналдық шығындарды өтеуге құқығы бар адамдардың санаты:
1. 1,2,3 топтағы мүгедектер;
2. Мүгедектер, Ұлы Отан соғысының қатысушылары және оларға теңестірілгендер;
3. Мүмкіндігі шектеулі балаларды тәрбиелеп отырған отбасылар;
4. Көп балалы отбасылар (4 бала және одан жоғары);
5. Ең төменгі зейнетақы алатын зейнеткерлер;
6. Мемлекеттік немесе қоғамдық міндеттерді орындау кезінде, әскери қызметте, ғарыш кеңістігіне дайындалу немесе ұшу кезінде, адам өмірін сақтауда, заңды және тәртіпті қорғау кезінде қайтыс болған адамдардың отбасы;
7. Атаулы әлеуметтік көмек алатын азаматтар, оның ішінде жалғыз басты зейнеткерлер.
Шығындарды өтеу жоғарыда көрсетілген адамдардың санатына жүгіну негізінде және карантин енгізілген елді мекендерде ай сайын бір тұтынушыға он бес мың теңге мөлшерінде төленеді. Бұл жағдайда есептеу төлем кезеңінің тұтастығын бұзбай, яғни тиісті айдың бірінші күнінен бастап соңғы күніне дейін жүргізіледі.
Ескертпе:
Егерде абоненттің дербес шоты анықталмаған жағдайда, жоғарыда көрсетілген коммуналдық қызмет көрсетуші мекемелердің жауапты мамандарына хабарласуына болады.
Өтініш білдірген абоненттер өз өтініштерінің қаралу барысын www.15.epd.kz арқылы білуге болады.
<img src="https://kyzylorda-news.kz/wp-content/uploads/2020/05/15-myn-tenge-otinish-kabyldaw-kaz-ishine.jpeg" alt="" />

5 мамырдан бастап Қызылордада коммуналдық қызметтер үшін 15 мың теңгеге өтінім қабылданады

<a href="https://kyzylorda-news.kz/">Kyzylorda-news.kz</a>. Елді дүрліктірген қаржы пирамидасына қатысты басты күдікті Молдовадан Ақтөбе қаласына экстрадицияланды.
<blockquote>
 “30 сәуірде Қазақстан Ішкі істер министрлігі Молдова Республикасынан Мұрзабековты экстрадициялау жүзеге асырыд, ол 27 ақпанда Қазақстан ІІМ сұрауы бойынша Молдова астанасында ұсталып, Кишинев қаласының тергеу изоляторына қамалды”, – делінген хабарламада.
</blockquote>
Оны Бас прокуратура мен ІІМ-нің көмегімен Қазақстан полициясы&nbsp;елге қайтарды.
Қазір ІІМ сотқа дейінгі тергеуді жүргізуде. Тергеу-жедел тобына барлық ІІМ департаменттерінің қызметкерлері кірді. Өңірлерде алданған салымшылар мен ұрланған қаражатты анықтау мақсатында тиісті жұмыстары жалғасуда. Хабарланғандай, зардап шеккендердің өтініштері әлі де келіп түсіп жатыр.
Қазіргі уақытта ішкі істер органдарына шамамен сегіз мың азамат өтініш білдірген, шығын 10 миллиард теңгеден асып түсті ( шамамен 23,2 миллион доллар).
Қаржы пирамидасының Ақтөбе облысында құрылғанын ескерсек, сондай-ақ,&nbsp;ұйымдастырушылар осы аймақта туғанын&nbsp;есепке алғанда,&nbsp;тергеу әрекеттері Ақтөбеде жүргізіледі.
42 күдікті адам анықталып, оның 19-ы сот санкциясымен қамауға алынып, сегіз адам іздестірілуде.
Тағы бір күдікті А. Ысқақов – қаржы пирамидасының белсенді қатысушыларының бірі, Қырғызстанда&nbsp;жасырынып жүрген. Ол Бішкекте ұсталып,&nbsp;20 сәуірде Отанына экстрадицияланды.
Қылмыстық істерді тергеу барысы ІІМ басшылығының ерекше бақылауында. Қаржы пирамидаларын жасаушылар мен ұйымдастырушыларға алаяқтық үшін 12 жылға дейін бас бостандығынан айырылуы мүмкін.
Естеріңізге сала кетейік, Аслан Мұрзабеков “Гарант 24 Ломбард” ЖШС-нің құрылтайшысы,&nbsp;“ЕSTATE Ломбард” и “Выгодный займ” қылмыстық ұйымдарының жетекшісі екені анықталып отыр.
Ол жанындағы адамдармен&nbsp;бірге ондаған мың қазақстандық зардап шеккен қаржы пирамидаларын құрды деп күдіктелді.

&#8220;Гарант 24 ломбард&#8221; ісі: Басты күдікті Молдовадан Ақтөбеге экстрадицияланды

<a href="https://kyzylorda-news.kz/">Kyzylorda-news.kz</a>. Қазақстан Президенті Қасым-Жомарт Тоқаев Сенаттың экс-депутаты және спикері Дариға Назарбаеваға алғыс айтты.
<blockquote>
 «Дариға Назарбаеваға Қазақстан Республикасы Парламенті Сенатының Төрағасы ретінде атқарған белсенді және жемісті жұмысы үшін ризашылығымды білдіремін», – деп жазды Мемлекет басшысы&nbsp;<a href="https://twitter.com/TokayevKZ">Twitter</a>&nbsp;парақшасында.
</blockquote>
Еске сала кетейік, бүгін Мемлекет басшысының жарлығымен Дариға Назарбаеваның Сенат депутаты ретіндегі&nbsp;<a href="https://kyzylorda-news.kz/sayasat/senat-depwtaty-darigha-nazarbaevanyng-oekilettigi-toqtady-59885/">өкілеттігі тоқтаған</a>&nbsp;болатын.

Қасым-Жомарт Тоқаев Дариға Назарбаеваға алғыс айтты

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 127 адамға жетті.
2 мамыр 12:10-дағы&nbsp;мәлімет бойынша Қызылорда облысында тағы 8 науқас қауіпті індеттен жазылып шыққан. Індеттен айыққандардың қатарына соңғы қосылған науқастар – Қызылорда қаласы, Сырдария, Шиелі және Қазалы ауданының тұрғындары.
Осылайша коронавирустық инфекциядан жазылғандар саны өңірде 127 адамға жетіп отыр.
Аталған науқастардан 2 реттен сынама тест алынып, бәрі теріс мәнді нәтиже көрсеткен.
Олар алдағы 14 күнде дәрігерлердің бақылауында болады.

Қызылорда облысында қауіпті індеттен жазылғандар саны 127-ге жетті

Құрметті қызылордалықтар!
Баршаңызды бірлік пен татулықтың, ырыс пен ынтымақтың мейрамы – 1 Мамыр – Қазақстан халқының бірлігі мерекесімен шын жүректен құттықтаймын!&nbsp;
Тұңғыш Президентіміз Нұрсұлтан Әбішұлы Назарбаев “Мәңгілік елдің алтын діңгегі – береке мен бірлік!” деп атап көрсеткен еді.
Бұл ретте, Елбасының бастамасымен құрылған Қазақстан халқы Ассамблеясы да ел бірлігінің сақталуына зор үлес қосып келеді.
Бірлік күні – сүйікті Отанымызға деген сүйіспеншілік пен қазақстандық патриотизмнің, ауызбіршіліктің жарқын көрінісі.&nbsp;
Бүгінде басты жетістігіміз этносаралық және конфессияаралық келісім, өзара түсіністік пен сыйластық десек, еліміз әлемге қоғамдық келісімнің ерекше моделін қалыптастырушы мемлекет ретінде танылды.&nbsp;
Әлемде болып жатқан жағдайларға зерделей қарасақ, бейбіт өмір мен тұрақтылықтың, тыныштықтың қадірі арта түсетіні сөзсіз.&nbsp;
Дүниежүзінде орын алған қатерлі пандемия бізді де айналып өтпеді. Дәл осындай күрделі кезеңде халқымыздың ауызбіршілігі мен татулығы ауадай қажет.
Президентіміз Қасым-Жомарт Кемелұлы Тоқаев айтқандай, “Біз – рухы асқақ, бірлігі бекем, еңсесі биік халықпыз. Сондықтан, бұл сынақтан да сүрінбей өтіп, қиындықты бірге еңсереміз” деп атап көрсетті.
Қадірлі жерлестер!
Бірлік пен татулық мерекесі әр отбасына бақ-береке, ырыс-несібе, қуаныш пен шаттық әкелсін!
Еліміз еңселі, Тәуелсіздігіміз тұғырлы, ғұмыры мәңгі болсын!
Сыр елі – талай cында шыңдалды, бұл сынақтан да сүрінбей өтетініне сенімдімін!
Біз Біргеміз!&nbsp;
Қызылорда облысының әкімі
Гүлшара Әбдіқалықова.

Қазақстан және Қызылорда облысының жаңалықтары: Басты жаңалықтар old

COVID-19: Сырдария ауданындағы барлық науқас айықты, облыста жазылғандар саны 149-ға жетті

COVID-19: Қызылорда облысында қауіпті індет жұқтырғандар саны 225 болды

Гүлшара Әбдіқалықова қызылордалықтарды Отан қорғаушы күнімен құттықтады

Қасым-Жомарт Тоқаев қазақстандықтарды Отан қорғаушы күнімен құттықтады

Қызылорда облыстық дене шынықтыру және спорт басқармасының басшысы тағайындалды

Жаңақорған ауданында тағы да жоғалған бала табылды

Қызылорда облысында қауіпті індеттен жазылғандар саны 140 болды

5 мамырдан бастап Қызылордада коммуналдық қызметтер үшін 15 мың теңгеге өтінім қабылданады

“Гарант 24 ломбард” ісі: Басты күдікті Молдовадан Ақтөбеге экстрадицияланды

Қасым-Жомарт Тоқаев Дариға Назарбаеваға алғыс айтты

Қызылорда облысында қауіпті індеттен жазылғандар саны 127-ге жетті

Гүлшара Әбдіқалықова қызылордалықтарды 1 мамыр мерекесімен құттықтады

Қазақстан және Қызылорда облысының жаңалықтары: Басты жаңалықтар old

COVID-19: Сырдария ауданындағы барлық науқас айықты, облыста жазылғандар саны 149-ға жетті

COVID-19: Қызылорда облысында қауіпті індет жұқтырғандар саны 225 болды

Гүлшара Әбдіқалықова қызылордалықтарды Отан қорғаушы күнімен құттықтады

Қасым-Жомарт Тоқаев қазақстандықтарды Отан қорғаушы күнімен құттықтады

Қызылорда облыстық дене шынықтыру және спорт басқармасының басшысы тағайындалды

Жаңақорған ауданында тағы да жоғалған бала табылды

Қызылорда облысында қауіпті індеттен жазылғандар саны 140 болды

5 мамырдан бастап Қызылордада коммуналдық қызметтер үшін 15 мың теңгеге өтінім қабылданады

&#8220;Гарант 24 ломбард&#8221; ісі: Басты күдікті Молдовадан Ақтөбеге экстрадицияланды

Қасым-Жомарт Тоқаев Дариға Назарбаеваға алғыс айтты

Қызылорда облысында қауіпті індеттен жазылғандар саны 127-ге жетті

Гүлшара Әбдіқалықова қызылордалықтарды 1 мамыр мерекесімен құттықтады

“Гарант 24 ломбард” ісі: Басты күдікті Молдовадан Ақтөбеге экстрадицияланды