<a href="https://kyzylorda-news.kz/">Kyzylorda-news.kz.</a> Биыл «Нұрлы жер» мемлекеттік бағдарламасы шеңберінде Қызылорда облысында 6400 отбасы баспаналы болады. Бұл туралы ҚР Индустрия және инфрақұрылымдық даму министрлігі мәлім етті.
Министрліктің мәліметіне сәйкес, жалпы аумағы 784 мың шаршы метрді құрайтын баспаналар қаржыландырудың барлық көздері есебінен салынады.
<blockquote>
 «Биылғы І тоқсанда салаға 6,4 млрд теңге инвестиция бағытталып, жалпы ауданы 130,3 мың шаршы метр болатын 922 жеке үй пайдалануға берілді. Жалпы биыл «Нұрлы жер» мемлекеттік бағдарламасы шеңберінде Қызылорда облысында инженерлік-коммуникациялық инфрақұрылым және тұрғын үй құрылысына 9,6 млрд теңгеге 47 жоба іске асырылып, 1385 адам жұмыспен қамтылады», – делінген министрлік ақпаратында.
</blockquote>
Кредиттік немесе жалға берілетін 873 пәтерді пайдалануға беру жоспарланып отыр. Оның ішінде сатып алу құқығынсыз арендалық баспана құрылысына 22 жобаны іске асыруға 5,3 млрд теңге қарастырылған. Бірінші тоқсанда бұл мақсатқа 60 млн теңге аударылып, ол толықтай игерілді. Жыл соңына дейін жалпы ауданы 43,8 мың шаршы метр болатын 680 жалға берілетін пәтер пайдалануға беріледі.
Халықтың аз қамтылған әлеуметтік топтарына, көпбалалы отбасыларға берілетін ол баспаналардың құрылысына 825 адам жұмысқа тартылады. Ал кредиттік тұрғын үй құрылысына 17 жобаны іске асыру үшін 1,9 млрд. теңге қарастырылған. Оған 12 мың шаршы метр тұрғын үй немесе 193 пәтерді пайдалануға беру жоспарланған. Ол жобаларды іске асыру үшін 301 адам жұмыспен қамтылады.
Сонымен қатар, 2% несиемен «Бақытты отбасы» бағдарламасы аясында 309 баспананы қарызға беруге республикалық бюджеттен 3 млрд теңге қарастырылып отыр. Облыста тұрғын үй құрылыстары жүріп жатқан аумақтарға инженерлік-коммуникациялық инфрақұрылым тартуға 8 жоба іске асырылады. Ол мақсатқа 2,4 млрд теңге бөлінеді. Аталған жобалар бойынша 259 жұмыс орны ашылады.

Қызылордада биыл 6400 отбасы баспаналы болады

<a href="https://kyzylorda-news.kz/">Kyzylorda-news.kz.</a> «42 500 теңге» төлемі тағайындалмағанмен келіспейтін азаматтардың өтініштеріне байланысты ҚР Еңбек және халықты әлеуметтік қорғау министрлігі Мемлекеттік әлеуметтік сақтандыру қорынан төлемдер тағайындау қағидаларына жоғарыда көрсетілген төлем тағайындалмаған азаматтардың өтініштерін қарау алгоритмін реттейтін түзетулер енгізді.
Бұрын «42 500 теңге» әлеуметтік төлемін тағайындаудан бас тарту туралы шешім қабылданған өтініштерді қайта қарау үшін аудандық (қалалық) штабқа растайтын құжаттармен қоса тиісті өтініш беру қажет, деп хбарлайды ҚР ЕХӘҚМ баспасөз қызметі.
Өтініш беріледі: Жұмыс беруші тарапынан – ШОБ, ірі кәсіпкерлік (карантин енгізілген өңірлерде), коммерциялық емес заңды тұлғалар үшін. Бұл ретте өтініш тек әлеуметтік төлем тағайындаудан бас тарту (тоқтату) туралы шешім қабылданған қызметкерлер үшін беріледі.
Өз бетінше – әлеуметтік төлемді тағайындаудан&nbsp; бас тарту (тоқтату) туралы&nbsp; шешім қабылданған жеке кәсіпкерлер, жеке практикамен айналысатын адамдар, БЖТ төлеушілер, азаматтық-құқықтық сипаттағы шарттар (бұдан әрі – АҚС) бойынша жұмыс істейтін адамдар.
Растайтын құжаттар тізбесі:
Қызметкерлері үшін құжаттар беретін жұмыс берушілер үшін:
– жалақысы мақталмайтын демалысқа жіберу туралы бұйрықтар;
– жұмыс берушінің ТЖ кезеңінде кірісін жоғалту фактісін растайтын құжаттар (банктік шоттардан үзінділерді қоса алғанда, қаржылық және өзге де есептілік, бухгалтерлік баланс және басқа құжаттар);
– мемлекеттік кірістер органдары қабылдаған декларация (МКК-мен салыстыру үшін, 200-нысан). ЖК және жеке практикамен айналысатын адамдар үшін:
– мемлекеттік кірістер органдары қабылдаған декларация (МКК-мен салыстыру үшін, 200-нысан);
– табыстың жоғалту фактісін растайтын құжаттар (банктік шоттардан үзінділерді қоса алғанда, қаржылық және өзге де есептілік, бухгалтерлік баланс және басқа да құжаттар).
АҚС шарттар бойынша жұмыс істейтін адамдар үшін:
– заңды тұлғамен жасалған жұмыстарды орындауға (қызмет көрсетуге) арналған АҚС шарты.
Ұсынылған құжаттарды қарағаннан кейін аудандық (қалалық) штаб «42 500 теңге» әлеуметтік төлемін тағайындауға құқығы бар/жоғы туралы қорытынды шығарады.
Оң қорытынды «Азаматтарға арналған үкімет» мемлекеттік корпорациясы» КЕАҚ бөлімшесіне беріледі, ол «Өтініш берушінің электрондық іс макетін» қалыптастырады және деректерді МӘСҚ филиалына береді. МӘСҚ филиалы әлеуметтік төлем тағайындау немесе тағайындаудан бас тарту туралы шешім қабылдайды.
Аудандық (қалалық) штабтың қорытындысымен немесе МӘСҚ филиалының шешімімен келіспеген жағдайда, өтініш беруші растайтын құжаттармен аудандық (қалалық) штабтың жұмыс органы арқылы облыстық (қалалық) штабқа жүгінеді. Облыстық (қалалық) штаб «42 500 теңге» әлеуметтік төлемін тағайындау құқығының бар/жоғы туралы қорытынды шығарады. Оң қорытынды «Азаматтарға арналған үкімет» мемлекеттік корпорациясы» КЕАҚ бөлімшесіне және одан әрі МӘСҚ филиалына беріледі.
Карантин талаптарын ескере отырып, адамдардың жаппай жиналуына жол бермеу мақсатында өтініштер 2020 жылғы 1 желтоқсанға дейін қаралатын болады.
<a href="https://24.kz/kz/zha-aly-tar/o-am/item/398066-42-500-te-ge-ta-ajyndalma-an-azamattardy-tinishteri-ajta-aralady">24.kz</a>

42 500 теңге тағайындалмаған азаматтардың өтініштері қайта қаралады

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясын жұқтырғандар саны 296-ға жетті. Ал сауығып шыққандар саны – 227. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Соңғы тәулікте коронавирус инфекциясының жаңадан 6 жағдайы тіркелді. Оның 4-і індет жұқтырғандармен байланыста болса, 1-еуі скринингтеу кабинетінен, ал 1-і Түркістан облысынан келген&nbsp;азаматтан анықталды», – деді бас дәрігер.
</blockquote>
Сондай-ақ, вирус жұқтырғандармен байланыста болған 3856 азамат анықталды. Оның ішінде, 2151-і жақын қарым-қатынаста, 1705-і жанама байланыста болған. Бұдан бөлек, инфекциялық стационарда 71 адам ем алуда. Реанимация бөлімінде -5 науқас жатыр, оның 4-еуінің жағдайы ауыр болса , 1-еуінің халі мүшкіл, ИВЛ аппаратына қосылған.
Құрметті облыс тұрғындары, статистикаға қарағанда вирустың жұғу мүмкіндігі қарым-қатынас арқылы болып отыр. Вирус ауа тамшылары арқылы жұғатын болғандықтан, ол көбіне сулы ауада көп сақталады. Сондықтанда сақтық шараларын қатаң сақтап және бетперде киюді жалғастыра беруге шақырамыз.

COVID-19: Жаңадан 6 дерек тіркелді

<a href="https://kyzylorda-news.kz/">Kyzylorda-news.kz</a>. Қызылорда облысы бойынша 25 мамырдан бастап кезең-кезеңімен іске қосылатын салалардың және ұйымдардың тізіміне толықтырулар енгізілді. Бұл туралы Өңірлік коммуникациялар қызметінің ақпараттық алаңында Қызылорда облысы әкімінің орынбасары Наурызбай Байқадамов мәлімдеді.
Аталған нысандар санитарлық-дезинфекциялық шараларды сақтай отырып және шектеулі уақытта қызмет көрсетеді.
<img src="https://kyzylorda-news.kz/wp-content/uploads/2020/05/tizim1-1.jpg" alt="" />

Қызылордада бүгіннен бастап іске қосылатын ұйымдардың тізімі жарияланды

<a href="https://kyzylorda-news.kz/">Kyzylorda-news.kz.</a> Биыл 22 мамырдан бастап «Қазақстан Республикасының Үздік мемлекеттік қызметшісі» республикалық конкурсы бастау алды.
Байқау екі негізгі кезеңде дистанциялық форматта өткізіледі:
I кезең – конкурс өңірлік (облыстық) деңгейде өткізілетін конкурс. Бірінші кезеңнің жеңімпаздары конкурстың екінші кезеңіне қатысуға ұсынылады;
II кезең – Республикалық байқау комиссиясы өткізетін республикалық деңгейдегі конкурс. Екінші кезеңнің қорытындысы бойынша конкурс жеңімпаздары анықталады.
Конкурсқа қатысуға мемлекеттік қызметтегі өтілі бір жылдан кем емес, құжаттарды қарау кезінде алынбаған әкімшілік және тәртіптік жазалары жоқ мемлекеттік қызметшілер қатыса алады.
Құжаттарды қабылдау 2020 жылғы 29 мамыр сағат 23:59-ға дейін Қазақстан Республикасының Мемлекеттік қызмет істері агенттігінің Қызылорда облысы бойынша департаментіне dgs_test@mail.ru электрондық поштасына төмендегідей мәліметтерді жіберу арқылы жүзеге асырылады:
1) конкурсқа қатысу туралы өтініш (қоса берілген А нысаны бойынша);
2) конкурсқа қатысушының сауалнамасы (қоса берілген Б нысаны бойынша);
3) конкурсқа қатысушының қызметтік тізімі;
4) көлемі 500 сөзден аспайтын «Неге мен Үздік мемлекеттік қызметші атағына лайықпын» тақырыбындағы басылған мотивациялық эссе (Times New Roman-14, жоларалық интервал – дара) форматтағы А-4.
Қағаз тасығышта қолыменен жазылған эссе ұсынылған жағдайда, құжаттың Word форматында (.doc) көшірмесі тапсырылады.
Мотивациялық эсседе үміткердің кәсіби қызметтегі негізгі жеке жетістіктері, өз қызмет саласындағы проблемаларды шешуге, мемлекеттік органның өзіне жүктелген міндеттер мен функцияларды іске асыру процесіне жеке үлесі, сондай-ақ іске асырылған жобалар тізбесі (болған жағдайда) баяндалады.
Өңірлік комиссияның отырысы қашықтықтан өткізіледі. Республикалық комиссияның қарауына облыстан, астанадан және республикалық маңызы бар қалалардан рейтингте ең көп балл жинаған 3 үміткер жіберіледі.
Бірінші кезеңнің жеңімпаздары байқаудың республикалық деңгейде өткізілетін екінші кезеңіне ұсынылатын болады.
Барлық мемлекеттік қызметшілерді белсенділік танытып байқауға қатысуға шақырамыз!
Толық ақпаратты Агенттіктің ресми интернет-ресурсынан <a href="https://www.gov.kz/memleket/entities/qyzmet/projects/details/996?lang=kk">https://www.gov.kz/memleket/entities/qyzmet/projects/details/996?lang=kk</a> сілтемесі бойынша, сонымен қатар 8/7242/705626 телефоны арқылы алуға болады.

«ҚР Үздік мемлекеттік қызметшісі» конкурсының талаптары қандай?

<a href="https://kyzylorda-news.kz/">Kyzylorda-news.kz</a>. Бүгін елімізде кезекті оқу жылы аяқталды, деп хабарлайды <a href="https://24.kz/kz/zha-aly-tar/basty-zha-aly-tar/item/398029-b-l-o-yrau-b-ryn-ydan-zgerek">«Хабар 24»</a>.
Карантиндік шектеулерге байланысты биыл соңғы қоңыру жылдағыдан өзгеше – онлайн түрде өтеді. Яғни бұл күні оқушылар әдеттегідей мектепте емес, интернет платформалардың бірінде кездеседі. Ондағы мақсат – жұқпалы індеттің таралу мүмкіндігін төмендету.
Бала шақтан болашаққа өтудің алғашқы белгісіндей болған соңғы қоңыраудың үні биыл өзгеше. Әдетте мереке-думанның ордасына айналатын мектептер бұл жолы қаңырап бос тұр. Себебі белгілі. Рас, гаджет пен смартфонның арқасында биыл да түлектер бас қосады. Әркім әр жерде жүрсе да, арқа-жарқа болып, бір-бірінен құттықтау қабылдайды. Алайда адам өмірінде бір-ақ рет болатын бұл сәтті ешбір жоғары технологияның жеткізе алмайтыны анық.
Карантиндік шектеулерге байланысты дәстүрлі соңғы қоңырау шарасы биыл онлайн сипатқа ие болды. Бұл күні Білім және ғылым министрі оқушыларды оқу жылының аяқталуымен құттықтап, түлектерге сәт-сапар тілейді. Бұдан соң әр мектепте сынып сағаттары өтеді. Оқушылар мен ата-аналар әдеттегідей сыныпта емес, интернет платформалардың бірінде кездеседі.
<blockquote>
 «Әр мектепте, әр сыныпта сынып сағаты форматында жиындар өтеді. Оған сынып жетекшісі жауапты болады. Себебі жылды қорытындылап, белсенділік танытқан оқушыларды атап өту керек. Олардың еңбегін жоққа шығара алмаймыз, сондықтан бұл шара онлайн түрде өтеді», – дейді ҚР білім және ғылым министрі Асхат Аймағамбетов.
</blockquote>
Әлеуметтік желіні шарлап кеткен бұл ән 2020 жылғы түлектердің әнұранына айналды. Жоғарғы сыныптың қай оқушысын тыңдасақ та, айтары осыған саяды. Алтын ұядан түлеп ұшқалы отырғандардың арасында әннен бөлек, көңіл-күйін өлеңмен жеткізгендер де кездеседі.
Соңғы қоңырауы қалыптасқан дәстүр бойынша мамырда өтпеген жалғыз бұл буын емес. Мәселен, журналист, «Хабар 24» телеарнасы аймақтық тілшілер желісінің бас редакторы Бағдат Бектұрғанқызы мектепті Қызылорда облысында 1997 жылы тәмамдаған. Жалпы, 90-жылдардағы елдің ахуалы белгілі. Мемлекет тарихындағы осынау бір күрделі кезең оқу процесінде де көрініс тауыпты.&nbsp;&nbsp;&nbsp;
<blockquote>
 «Біз мектеп бітіретін жылы елдің әлеуметтік жағдайы қиын болды. Қараңғыда, майшаммен сабақ оқыған кездер де болды. Мектепке айлап бармаған кездер де болды. Соның әсерінен біз мектеп бағдарламасын толық игеру үшін сол жылы бір айға кеш бітірдік. Біз қандай қиын кезеңде бітірсек те, бір бірімізді қатты бағалап өстік. Қазір де бағалаймыз. Сондықтан биылғы бітіріп отырған түлектерге ешқандай қамығудың қажеті жоқ деп ойлаймын», – дейді «Хабар 24» телеарнасы аймақтық тілшілер желісінің бас редакторы Бағдат Бектұрғанқызы. Рас, биылғы түлектер 25 мамырда мектепке гүл алып келіп, оны ұстазына ұсына алмайды. Соңғы рет соғылған қоңырау үні де саналарында өзгеше жатталады. Есесіне, жауапты министрліктер өзара ақылдаса отырып, мектеп бітіру жөніндегі куәлік тапсыру кешін ұйымдастыруға рұқсат беріпті. Бұл шара барлық сақтық шаралары ескеріліп, 3 және 4 маусым күндері өтеді деп жоспарланып отыр.
</blockquote>

Бұл қоңырау бұрынғыдан өзгерек&#8230;

<a href="https://kyzylorda-news.kz/">Kyzylorda-news.kz.</a> Қызылордада соңғы екі&nbsp; күнде 19 науқас тіркелді.
Олардың 15-і науқас бұрынғы ауырғандармен қарым-қатынаста болғандар. Ал қалған 4 науқас жаңадан тіркелген. Олар өзге шағымдарымен қалалық ауруханаға жедел-жәрдеммен барғандар. Тексеру барысында олардан да корнонавирус анықталды.
Қазіргі таңда 4 науқас жансақтау бөлімінде жатыр, оның 3-уі зейнеткер.
Осы уақытқа дейін аймақта коронавирус сырқатымен жансақтау бөліміне түскендер болмаған.

COVID-19:  Қызылордада жансақтау бөлімінде 4 науқас бар

<a href="https://kyzylorda-news.kz/">Kyzylorda-news.kz.</a> 21 мамыр күні 13:00 уақыты бойынша аймағымызда коронавирус індетінен тағы 3 науқас емделіп шықты.
Емделушілердің емі толық аяқталған соң, 2 рет тест сынамасы алынды. Сынама нәтижесі теріс көрсеткіш көрсетуіне орай, яғни науқастар “Covid-19” вирусынан айығуына байланысты ауруханадан үйлеріне қайтарылды.
Індетті жеңген, 3 науқас та Қызылорда қаласының тұрғыны.
Емделушілер алдағы уақытта 14 күн бойы аймақтық дәрігерлер бақылауында болады.
Осы күнге дейін өңірімізде індеттен айығып шыққандар саны – 219.
(Кызылорда қаласы – 80, Арал ауданы – 6, Қазалы ауданы – 3, Қармақшы ауданы – 5, Сырдария ауданы – 26, Шиелі ауданы – 66, Жанакорған ауданы – 31 және өзге мемлекеттер мен өңірлердің азаматы – 2 (Алматы қаласы&nbsp; – 1, Ресей федерациясы – 1).

Қызылордада коронавирус инфекциясынан тағы 3 науқас айықты

<a href="https://kyzylorda-news.kz/">Kyzylorda-news.kz.</a> Құрметті мәдениет және өнер саласының қызметкерлері!
Сіздерді 21 мамыр – Мәдениет және өнер қызметкерлері күні мерекесімен шын жүректен құттықтаймын!
Елбасы өзінің «Болашаққа бағдар: Рухани жаңғыру» мақаласында «Ұлттық салт-дәстүрлеріміз, тіліміз бен музыкамыз, әдебиетіміз, жоралғыларымыз, бір сөзбен айтқанда ұлттық рухымыз бойымызда мәңгі қалуға тиіс», – деген болатын.
Бастауы ұлы абыз Қорқыт баба есімімен тығыз байланысты ежелгі сарынның бүгінге дейін жетуі қазақ жерінің барша түркі халқының атамекені болғанының бір куәсі. 
«Сыр елі – жыр елі» атанған өңіріміз ежелгі заманнан-ақ ділмар шешендер мен жезтаңдай, жыр жақұтын терген жыршы-жырауларға, күміс көмей әншілерге кенде болмаған, Сыр сүлейлері деген ұғымды қалыптастырған.
Қазіргі таңда облыс бойынша мәдениет және өнер саласында 3152 қызметкер еңбек етеді, оның 1674-і – шығармашылық мамандар.
Өткен жылы өңірімізде халықаралық деңгейде «Парасатты поэзия», «Қорқыт және Ұлы дала сазы» фестивальдері мен суретшілер симпозиумы ұйымдастырылып, Н.Бекежанов атындағы қазақ музыкалық драма театрына «Академиялық» мәртебе берілді. 
Облыстық филармонияның камералық оркестрі түркі тілдес елдердің қатысуымен Босния-Герцеговина мемлекетінде өткен классикалық камералық оркестрлер фестивалінде, «Ақмешіт» фольклорлық ансамблі Мәскеуде өнер көрсетті. 
Ұлы Абайдың 175 жылдық мерейтойы өңірімізде әйгелі Е.Төлеубайдың «Абай» драмасымен ашылды.
Өкінішке қарай, карантиндік шектеу әлемнің түгел сахналық алаңдарының жоспарын өзгертті. Дегенмен, мәдениет қызметкерлері жұмысын онлайн режимде жалғастырды. 
Мәдениет қызметінің ауқымын кеңейту және қолжетімділікті арттыру мақсатында «Youtube» желісінде «Сыр шаңырағы» медиаблогы ашылып, 3 мыңнан астам шаралар ұйымдастырылды.
«Әлемнің екінші ұстазы» атанған Әбу-Насыр әл-Фараби бабамыздың «Музыканың негізгі міндеті – адамның эстетикалық қажетін өтеу», – деген сөзін еске түсірсек, Сыр мәдениеті мен өнерін асқақтатып жүрген сала қызметкерлеріне барша Сыр жұртшылығы атынан зор ризашылығымды білдіремін.
Өңір мәдениеті мен өнерін өрістету, ұлттық мәдени мұрамызды әлемге таныту, бүгінгі ұрпаққа кеңінен дәріптеудегі еңбектеріңіз жемісті болсын!
Шығармашылық еңбектеріңізге толағай табыс, отбастарыңызға амандық, өздеріңізге күш-қайрат тілеймін.
Біз біргеміз!

Қызылорда облысының әкімі мәдениет және өнер саласы қызметкерлерін мерекемен құттықтады

<a href="https://kyzylorda-news.kz/">Kyzylorda-news.kz.</a> Қызылордалық жастар тыл ардагері Ге Хак Рим қарияның үйіне арнайы барып, көмек қолын созды.
Атап айтқанда, Қызылорда облыстық Қазақстан халқы ассамблеясы жанындағы волонтерлер орталығының еріктілері, «Жаңғыру жолы» жастар қозғалысы және кәріс этномәдени бірлестігінің жетекшісі Елена Ким басқарған мүшелері «Қазақстан кәрістер қауымдастығы» Қызылорда облыстық филиалының мүшесі, тыл ардагері Ге Хак Римнің үйінде болып,&nbsp; қора-жайын тазалауға көмектесті.
Ал, «Қазақстан кәрістер қауымдастығы» Қызылорда облыстық филиалының&nbsp; белсендісі, жеке кәсіпкер Елена Ан азық-түлікке толы себетін әкеліп, қарияға қамқорлығын танытты.
Тыл ардагері Ге Хак Рим өз кезегінде көмек қолын созып, игілікті іс жасаған&nbsp; волонтерлер мен бірлестіктің белсенділеріне шынайы ризашылығын білдірді.
<img src="https://kyzylorda-news.kz/wp-content/uploads/2020/05/ge-hak-rim-2-1.jpeg" alt="" />
<img src="https://kyzylorda-news.kz/wp-content/uploads/2020/05/ge-hak-rim-3-1.jpeg" alt="" />
<img src="https://kyzylorda-news.kz/wp-content/uploads/2020/05/ge-hak-rim-4-1.jpeg" alt="" />
<img src="https://kyzylorda-news.kz/wp-content/uploads/2020/05/ge-hak-rim-5-1.jpeg" alt="" />
<img src="https://kyzylorda-news.kz/wp-content/uploads/2020/05/ge-hak-rim-6-1.jpeg" alt="" />
<img src="https://kyzylorda-news.kz/wp-content/uploads/2020/05/ge-hak-rim-7-1.jpeg" alt="" />

Қызылордалық еріктілер Ге Хак Рим қарияға қамқорлық танытты (ФОТО)

<a href="https://kyzylorda-news.kz/">Kyzylorda-news.kz.</a> Түркістанда тарихи сәулет үлгісіндегі шығыс моншасы ашылды. Тарихи қаланың келбетіне көрік беріп тұрған шығыс моншасының жалпы аумағы 3000 шаршы метрден асады.
Өткен жылы іргетасы қаланған нысан – Қызылорда облысының Түркістанға тартуы саналады.
Облыс орталығын көріктендіру мен абаттандыру, құрылыс жұмыстары өңір басшысы Өмірзақ Шөкеевтің тікелей бақылауында.
Аймақ басшысы бүгін шаһардағы Бекзат Саттарханов даңғылының бойында салынып жатқан желілік саябақтағы жұмыс барысын тексерді. Жасыл желекке оранған желілік бақта демалыс аумақтары мен салт-дәстүрді дәріптейтін сәулет үлгілері орнатылған.
Қалаға көрік берген «Парасат» саябағы да ерекше келбетімен саялы баққа айналып келеді. Қайта жаңарту жұмыстары аясында демалыс орнында жасанды көл мен көпірлер және 420 метр тасарық салынуда.
Нәтижесінде саябақ сумен қамтылып, қайта «Арыс-Түркістан» каналына жіберіледі.
Ал, «Түркістан-Кентау» бағытындағы жолдың екі шетіндегі арықтың бір бөлігі «Парасатты» сумен қамтыса, екінші бөлігі жол бойындағы жасыл желекті суарады.
<img src="https://kyzylorda-news.kz/wp-content/uploads/2020/05/twrkestan-kaz-1-1.jpg" alt="" />
<img src="https://kyzylorda-news.kz/wp-content/uploads/2020/05/twrkestan-kaz-2-1.jpg" alt="" />
<img src="https://kyzylorda-news.kz/wp-content/uploads/2020/05/twrkestan-kaz-3.jpg" alt="" />
<img src="https://kyzylorda-news.kz/wp-content/uploads/2020/05/twrkestan-kaz-4.jpg" alt="" />
<img src="https://kyzylorda-news.kz/wp-content/uploads/2020/05/twrkestan-kaz-5-1.jpg" alt="" />

Сыр елінен сый: Түркістанда тарихи сәулет үлгісіндегі шығыс моншасы ашылды (ФОТО)

<a href="https://kyzylorda-news.kz/">Kyzylorda-news.kz.</a> Жыл сайын сала қызметкерлері өз кәсіби мерекелерінде түрлі бағытта мәдени-шаралар, концерттер өткізіп, сахнада көреремендермен тікелей байланыста болса, биыл шаралар онлайн форматта өтеді. Бұл туралы Өңірлік коммуникациялар қызметінің ақпарат алаңында өткен баспасөз конференциясында Қызылорда облысының мәдениет, архивтер және құжаттама басқармасының басшысы Мира Абуова мәлімдеді.
<blockquote>
 «Облыс бойынша мәдениет және өнер саласында&nbsp;3152 қызметкер жұмыс жасаса, оның 1674-і шығармашылық мамандар. Және де дәстүрге айналғандай биыл да облысымыздың мәдени-рухани дамуына зор үлесін қосқан мәдениет және өнер саласының қызметкерлері марапатталады. Яғни «Мәдениет саласының үздігі» төсбелгісімен – 7 адам, Құрмет грамотасы және Алғыс хатымен – 10 азамат, Қызылорда облысы әкімінің Құрмет грамотасымен – 5 адам болса, Алғыс хатымен – 36 азамат және “Еңбек даңқы” төсбелгісімен – 3 қызметкер. Бұл марапаттар карантин талаптарын қатаң сақтай отырып, сала мамандарына тапсырылады»,-деді Мира Рахымжанқызы.
</blockquote>
Құрметті өнер ардагерлері мен қайраткерлері, шығармашылық одақ өкілдері! Сіздерді кәсіби мерекелеріңізбен — Мәдениет және өнер қызметкерлері күнімен шын жүректен құттықтаймыз!
<img src="https://kyzylorda-news.kz/wp-content/uploads/2020/05/maedeniet1-1.jpg" alt="" />

Қазақстан және Қызылорда облысының жаңалықтары: Басты жаңалықтар old

Қызылордада биыл 6400 отбасы баспаналы болады

42 500 теңге тағайындалмаған азаматтардың өтініштері қайта қаралады

COVID-19: Жаңадан 6 дерек тіркелді

Қызылордада бүгіннен бастап іске қосылатын ұйымдардың тізімі жарияланды

«ҚР Үздік мемлекеттік қызметшісі» конкурсының талаптары қандай?

Бұл қоңырау бұрынғыдан өзгерек…

COVID-19: Қызылордада жансақтау бөлімінде 4 науқас бар

Қызылордада коронавирус инфекциясынан тағы 3 науқас айықты

Қызылорда облысының әкімі мәдениет және өнер саласы қызметкерлерін мерекемен құттықтады

Қызылордалық еріктілер Ге Хак Рим қарияға қамқорлық танытты (ФОТО)

Сыр елінен сый: Түркістанда тарихи сәулет үлгісіндегі шығыс моншасы ашылды (ФОТО)

21 мамыр – мәдениет және өнер қызметкерлерінің күні

Қазақстан және Қызылорда облысының жаңалықтары: Басты жаңалықтар old

Қызылордада биыл 6400 отбасы баспаналы болады

42 500 теңге тағайындалмаған азаматтардың өтініштері қайта қаралады

COVID-19: Жаңадан 6 дерек тіркелді

Қызылордада бүгіннен бастап іске қосылатын ұйымдардың тізімі жарияланды

«ҚР Үздік мемлекеттік қызметшісі» конкурсының талаптары қандай?

Бұл қоңырау бұрынғыдан өзгерек&#8230;

COVID-19: Қызылордада жансақтау бөлімінде 4 науқас бар

Қызылордада коронавирус инфекциясынан тағы 3 науқас айықты

Қызылорда облысының әкімі мәдениет және өнер саласы қызметкерлерін мерекемен құттықтады

Қызылордалық еріктілер Ге Хак Рим қарияға қамқорлық танытты (ФОТО)

Сыр елінен сый: Түркістанда тарихи сәулет үлгісіндегі шығыс моншасы ашылды (ФОТО)

21 мамыр &#8211; мәдениет және өнер қызметкерлерінің күні

Бұл қоңырау бұрынғыдан өзгерек…

21 мамыр – мәдениет және өнер қызметкерлерінің күні