<a href="https://kyzylorda-news.kz/date/2020/09/04/">Kyzylorda-news.kz.</a> Еңбек және халықты әлеуметтік қорғау министрі Біржан Нұрымбетов зейнетақы жинағындағы «жеткіліктік шегіне» қатысты түсінік берді, деп хабарлайды <a href="https://www.inform.kz/kz/zeynetaky-zhinagyndagy-zhetkiliktilik-sheginin-negizgi-parametrleri-kanday_a3690371?utm_source=social&utm_medium=cpc&utm_campaign=aca&fbclid=IwAR3zyQf_zWX2ZLxSXIRJLeyiG796ZrYesdhqmNSFdcQqXAQ6kCRvGgCPNXY">ҚазАқпарат</a>.
<blockquote>
 «Жеткіліктік шегі деген не?» және ол қалай есептелетініне тоқталайын. «Жеткіліктілік шегі» белгілі бір жастағы салымшыға зейнетақы жинақтарының ең аз қажетті сомасы дегенді білдіреді. Оның есебіне тоқталсақ, әркімнің өз жасына белгіленеді. Ол азамат зейнет жасына дейін тұрақты түрде жарнаны кемінде ең төменгі жалақыдан аударып отырған жағдайда, зейнетке шыққаннан кейін 82 жасқа дейін ең төменгі зейнетақы мөлшерінде алуға мүмкіндік беретін сома, қаражаттың көлемі. Сол қаражат бар болса, оның асқанын азамат ала алады», – деді министр.
</blockquote>
Сонымен қатар ол «жеткіліктілік шегінің» негізгі параметрлерін түсіндірді.
<blockquote>
 «Біз бұл жолы әйелдер мен ерлер үшін бірдей көрсеткішті белгілеп отырмыз. Екіншіден, «жеткіліктілік шегінің» мөлшері жыл сайын есептеліп отырады. Бұл қалыптасқан параметрлер жинақтаушы қорында кірістілікке, инфляцияға қарай және ең төменгі төлем мөлшерінің өзгеруіне қарай есептеліп отырады. Сонымен қатар, «жеткіліктілік шегінің» мөлшері әр жасқа бөлек белгіленеді, 20 жастан бастап есептеледі», – деді Б. Нұрымбетов.
 «Алдын ала есептеу бойынша, мысалы, 30 жастағы азамат үшін «жеткіліктілік шегі» 2 млн 518 мың теңгені құрайды. Осы сомадан қалғанын олар жоғарыда көрсетілген қажеттіліктерге қалауы бойынша жұмсай алады. 35 жас үшін – 2 млн 961 мың теңге; 40 жас үшін – 3 млн 437 мың теңге; 45 жас үшін – 3 млн 947 мың теңге; 50 жас үшін – 4 млн 495 мың теңге; 55 жас үшін – 5 млн 084 мың теңге; 59 және одан үлкен жас үшін 5 млн 586 мың теңге қажет. Бұдан асқан соманы өз еркімен алуға құқылы. Осы «шекті» сомаларға қол жеткізу табысы елдегі орташа айлық жалақы деңгейінде болатын тұрақты жұмыс істейтін азаматтар үшін қолжетімді», – деп түсіндірді министр.
</blockquote>

Зейнетақы жинағын шешіп алу үшін онда қанша ақша болуы керек?

<a href="https://kyzylorda-news.kz/">Kyzylorda-news.kz.</a> Бүгін облыс әкімінің өкімімен және Қазақстан Республикасы Президенті Әкімшілігі мен Сырдария аудандық мәслихатының келісімдері бойынша Сырдария ауданының әкімі лауазымына Дүйсебаев Талғат Тұрсынұлы тағайындалды.
Талғат Дүйсебаев 1973 жылы туған. Қызылорда политехникалық институтын «бухгалтер-экономист», Қазтұтынуодағы Қарағанды экономикалық университетін «заңгер» мамандықтары бойынша бітірген.
Еңбек жолын Жалағаш аудандық жасөспірімдер&nbsp;спорт мектебінде дене шынықтырушы ретінде бастаған.
1994-2004 жылдары Жалағаш аудандық білім бөлімінің есепшісі, Жалағаш ауданы әкімі аппаратының экономика және кәсіпкерлікті қолдау секторының бас маманы. 
2004-2011 жылдар аралығында Қызылорда облысының экономика және бюджеттік жоспарлау басқармасының бөлім бастығы, Қызылорда облысының ауыл шаруашылығы басқармасы бастығының орынбасары болды. 
2011-2017 жылдары – Қызылорда облысының ауыл шаруашылығы басқармасының басшысы, Жалағаш ауданының әкімі ретінде қызмет атқарды.
2017 жылдан бастап, осы кезге дейін Қызылорда облысының жұмыспен қамтуды үйлестіру және әлеуметтік бағдарламалар басқармасының басшысы қызметін атқарып келді. 
Облыс әкімі Гүлшара Әбдіқалықова жаңа аудан әкімінің қызметіне сәттілік тіледі.
<img src="https://kyzylorda-news.kz/wp-content/uploads/2020/09/118588438_2696863263750059_2418297156968504184_o.jpg" alt="" />

Сырдария ауданының әкімі тағайындалды

<a href="https://kyzylorda-news.kz/date/2020/09/02/">Kyzylorda-news.kz.</a> Мемлекет басшысы Қасым-Жомарт Тоқаев халыққа жариялаған ел дамуының басты бағыттарын айқындап берді. Іс-қимыл жоспарының алтыншы тармағында денсаулық сақтау жүйесін дамыту бойынша жеке тапсырмалар берілгені қуантады.
Ия, шынымен де, пандемия кезіндегі дағдарыс бізді дәрігерлердің еңбегін бағалауға үйретті. Мемлекет басшысы медицина қызметкерлеріне екінші жартыжылдыққа ынталандыру үстемеақыларын төлеуге 150 млрд теңге бөлуді тапсырды.
Естеріңізге сала кетейін, Үкімет қазақстандық дәрігерлерге төленетін төлем мөлшерін бекітті. Қаулыға сәйкес, жалақыға үстемеақы сомасы 212-ден 850 мың теңгеге дейін құрайды.
Осы жылдың наурыздан шілде айына дейін Қызылорда облысы бойынша Әлеуметтік медициналық сақтандыру қорының филиалы 10 069 медицина қызметкерлерінің еңбекақысына қосымша 2&nbsp;065 649 894 теңге қаржы төледі.
Ең үлкен соманы (855 389&nbsp;786 теңге) 1-тәуекел тобының 2 009 қызметкері алды: провизорлық стационарлардың дәрігерлері, орта медицина қызметкерлері және т. б.
Тамыз айына болжанып отырған үстемеақы сомасы 2 299 медицина қызметкеріне 515 237 258 теңгені құрайды.
1 тәуекел тобы – 204 147 559 теңге 533 медицина қызметкерлеріне,
2 тәуекел тобы – 208 151 428 мың теңге 931 медицина қызметкерлеріне,
3 тәуекел тобы – 102 938 271 мың теңге 835 медицина қызметкерлеріне
2023 жылға қарай дәрігерлердің жалақысы орташа жалақыдан екі есе жоғары болатыны қуантады.
Сондай-ақ, Мемлекет басшысы отандық фармацевтика саласын дамыту, жаңа жұқпалы аурулар ауруханаларын, көпсалалы денсаулық сақтау нысандарын салу, көлік медицинасын жаңғырту, қажетті медициналық жабдықтармен жабдықтау, кадрлармен қамтамасыз ету және т. б. мәселелерге ерекше назар аударды.
Мұның бәрі, әрине, отандық денсаулық сақтау жүйесін дамытуға және қолдауға, сондай – ақ әлеуметтік медициналық сақтандыру қорының басты міндетіне – медициналық қызметтердің сапасын арттыру, мемлекеттің, жұмыс берушілердің және әр адамның ортақ жауапкершілігіне қол жеткізуге қызмет етуі тиіс.
Бақыт ИСМАХАНБЕТОВ,
«Әлеуметтік медициналық сақтандыру қоры» КЕАҚ
Қызылорда облысы бойынша филиалының директоры

Бақыт Исмаханбетов: Президент фармацевтикалық өндірісті дамытуды дер кезінде тапсырды

<a href="https://kyzylorda-news.kz/date/2020/09/02/">Kyzylorda-news.kz.</a> Бірыңғай жинақтаушы зейнетақы қорының 721 мың салымшысы 2021 жылы зейнетақы жинағының бір бөлігін баспана сатып алуға жұмсай алады. Бұл туралы еңбек және халықты әлеуметтік қорғау министрі Біржан Нұрымбетов мәлімдеді, деп хабарлайды&nbsp;<a href="https://sputniknews.kz/">Sputnik Қазақстан</a>.&nbsp;
Президент 1 қыркүйекте жариялаған Жолдауында осы жылдың соңына дейін азаматтар зейнетақы жинағының бір бөлігін тұрғын үй жағдайын жақсартуға, қымбат емнің ақысын төлеуге пайдалана алатынын айтты. Мемлекет басшысы үкіметке Ұлттық банкпен бірлесіп 2020 жылдың соңына дейін барлық қажетті нормативтік-құқықтық актіні қабылдауды және дайындық жұмысын жүргізуді тапсырды.
<blockquote>
 “Бүгінге мақұлданған тұжырымдалық шешім бар. Аталған мақсаттарда өз зейнетақы жинағын пайдалануға 721 мың адамның мүмкіндігі болады. Бұл шамамен 1,4 триллион теңге көлемінде”, – деді Нұрымбетов үкімет отырысында.&nbsp;
</blockquote>
Министрдің айтуынша, 721 мыңның ішіне зейнетақы шотындағы ақша жеткілікті шегінен асатын 530 мыңға жуық жұмыс істейтін азамат, 178 мыңнан астам зейнеткер және аннуитет төлемдеріне шарт жасасқан 13 мың адам кіреді.&nbsp;
Бірыңғай жинақтаушы зейнетақы қорынан нысаналы төлемдерді жүзеге асыру қағидалары үкіметтің қаулысымен бекітіледі.

Министр зейнетақы жинағының бір бөлігін кімдер пайдалана алатынын айтты

<a href="https://kyzylorda-news.kz/">Kyzylorda-news.kz.</a> Өткен жылы қараша айында Қызылорда қаласында болған жол-көлік оқиғасының салдарынан мемлекетіміздің ең қымбат қазынасы төрт адамның өмірі қыршыннан қиылды.
Ата-аналар бауыр еті баласынан, әйелі күйеуінен мезгілсіз айырылып, ауыр қайғыға түсті.
Бұл оқиға қоғамда үлкен резонанс туғызып, облыс жұртшылығын дүр сілкіндірді.
Жап-жас, дені сау балаларынан мезгілсіз айрылған ата-аналардың сол сәтте кешкен ішкі жан азабы ешкімді де бей-жәй қалдырмайтыны анық.
Ал, енді осы орын алған жантүршігерлік оқиғаға тоқталып өтейік:
Қызылорда қаласының жиырма жастағы тұрғыны Н.Байсеркеев 2019 жылдың 21 қарашасында сағат таңғы 09:00-дар шамасында өзінің басқаруындағы «Тойота Камри 30» маркалы автокөлігімен Қызылорда қаласы, Нұр-Сұлтан даңғылының бойымен шығыстан батысқа қарай басқарып, жол жүрісі қағидаларын бұзып, алдында бір бағытта жүріп келе жатқан «Мерседес бенц S-140» маркалы автокөлігінің оң жағына абайсызда соғып, Нұр-Сұлтан даңғылының бойында орналасқан қоғамдық автокөлік аялдамасында тұрған жаяу жүргіншілерді қағып өтеді. Осы жол-көлік оқиғасы салдарынан 7 жастағы Кәусар, 9 жастағы Нұрислам&nbsp;(екеуі бір үйдің балалары),&nbsp;9 жастағы Нұрдәулет, 55 жастағы Мейрамбек қайтыс болып, ал 31 жастағы Динара ауыр дене жарақатын алды.
Бұл қылмыстық әрекеті үшін Н.Байсеркеев Қызылорда қаласының №2 сотының 22 маусым 2020 жылғы үкімімен Қылмыстық кодекстің 345-бабы&nbsp; 4-бөлігімен кінәлі деп танылып, көлік құралын жүргізу құқығынан 7 жылға айыра отырып, 9 жылға бас бостандығынан айыруға, жазаны қылмыстық-атқару жүйесінің қауіпсіздігі барынша төмен мекемесінде өтеуге сотталды.
Сот үкімімен&nbsp; Н.Байсеркеев көлік құралын басқарып, жол жүрісі қағидаларының талаптарын бұзып, абайсызда төрт адамның өліміне әкеп соққан және бір адамның денсаулығына ауыр зиян келтірген іс-әрекеті үшін кінәлі деп танылды.
Сотта сотталғанның қылмыстық әрекеттері басты сот талқылауында жан-жақты толық және объективті зерделенген дәлелдемелермен толық бекітілген.
Осы жерде «сотпен неге 9 жылдан да ұзақ мерзімге жаза тағайындалмады» -деген сауал туындауы мүмкін.
Дегенмен, Қылмыстық Кодекстің 345-бабы 4-бөлігімен Н.Байсеркеевке тағылған айыбы, осы кодекстің 11-бабы 3-бөлігінің талабына сәйкес &nbsp;«ауырлығы орташа қылмыстар» санатына жатады және оның санкциясында 5 жылдан 10 жылға дейінгі мерзімге ғана бас бостандығынан айыру жазасы көзделген.
Яғни, сотпен жаза тағайындау барысында оның алғаш рет ауырлығы орташа қылмыс жасағаны, тағылған баптың санкциясында жаза ретінде баламалы жаза көзделмегені және оған қатысты ҚК-тің 63-бабын қолдануға негіздің жоқтығы, абайсызда жасаған қылмыстық әрекетінен 4 адамның қайтыс болғаны және 1 адамның ауыр дене жарақатын алғаны ескеріліп, сотталушыға бас бостандығынан айыру жазасын тағайындауға, ҚК-тің 50-бабы талабына сай, көлік құралын жүргізу құқығынан 7 жыл мерзімге айыру қажет деген негізді тұжырым жасалған.
Бірінші саты сотының бұл үкімімен сотталғанның қорғаушысы келіспей, оның ұсынған шағымы 18 тамыз 2020 жылы Қызылорда облыстық сотының қылмыстық істер жөніндегі сот алқасында қаралып, апелляциялық шағым қанағаттандырусыз қалдырылды.
Бүгінгі күні бұл сот үкімі заңды күшіне енді.
Сондықтанда, осы орын алған жол-көлік оқиғасынан әрқайсымыз өзімізге тиісті сабақ алып, жолда жүргенде не темір тұлпарды тізгіндегенде сақтықты, жауапкершілікті барынша күшейтіп, өзгенің және өзіміздің өмірімізге аса қырағылықпен қарауымыз қажет.
Сая Темірбекқызы,
Қызылорда облысы прокурорының аға көмекшісі

Қызылордадағы аялдама оқиғасы: Кінәліге шыққан сот үкімі әділ ме?

<a href="https://kyzylorda-news.kz/date/2020/09/01/">Kyzylorda-news.kz.</a> Бүгін облыс әкімі Гүлшара Әбдіқалықова мемлекет және қоғам қайраткері Сейілбек Шаухамановтың ескерткіш бюстінің ашылу шарасына қатысты. Аймақ басшысы көрнекті мемлекет қайраткерінің елге сіңірген еңбегі, өңірдің әлеуметтік-экономикалық, рухани дамуына қосқан үлесін ерекше атап өтті.
<blockquote>
 “Біз өткенімізді өшірмей, келешекке сеніммен қадам жасау үшін кейінгі буынға тәлім аларлық өнегелі істерімізді, елдің&nbsp;бірлігі мен ынтымағы жолында аянбай еңбек еткен ардагерлеріміздің есімдерін ардақтап, жас ұрпаққа үлгі етуіміз керек. Ең алғаш тәуелсіздігімізді алған тұста Сейілбек Шаухаманұлы Егеменді елімізді аяғынан тұрғызуға үлкен үлес қосты, ел іргетасының нығайып, әлеуметтік-экономикалық реформаларды нәтижелі жүзеге асыруға атсалысты. Мемлекет және қоғам қайраткері Сейілбек Шаухамановтың елге жасаған еңбегі, қалтқысыз қызметі ұмытылмайды. Бүгінгі Білім күні мерекесі қарсаңында ескерткіш-мүсіннің ашылу салтанаты баршаңызға құтты болсын”,-деді облыс әкімі.
</blockquote>
Салтанатты шарада ҚР Мемлекеттік хатшысы Қырымбек Көшербаевтың құттықтау хаты оқылды. Кейін облыс әкімі Гүлшара Әбдіқалықова және Сейілбек Шаухамановтың жұбайы Жұпаркүл Сматова қоғам қайраткерінің өмірі мен қызметіне арналған қоғамдық музеймен танысты.
Қызылорда қаласындағы дарынды балаларға арналған №9 “Білім-инновация” облыстық лицей-интернатта ашылған ескерткіш-бюстінің авторы ҚР Суретшілер одағының мүшесі Аманкелді Кененбаев. Оның биіктігі 1 метр, тұғырдың биіктігі 2,30 метр. Жалпы биіктігі 3,30 метр. Мектеп ішінен ашылған қоғамдық музейде мемлекет және қоғам қайраткерлерінің төсбелгілері, еңбек-жинақтары, қызмет бабында пайдаланған заттары және кітаптары қойылған. Музей 4 экспозициялық бөлімнен тұрады.
<img src="https://kyzylorda-news.kz/wp-content/uploads/2020/09/118730559_2691242314312154_4175807549178697450_o.jpg" alt="" />
<img src="https://kyzylorda-news.kz/wp-content/uploads/2020/09/118761516_2691241890978863_6157814388003665515_o.jpg" alt="" />

Қызылордада Мемлекет және қоғам қайраткері Сейілбек Шаухамановтың ескерткіш бюсті ашылды

<a href="https://kyzylorda-news.kz/">Kyzylorda-news.kz.</a> Бүгін Ел Президентінің халыққа арнаған Жолдауын тыңдап шықтым. Биыл дүние жүзін қамтыған пандемия өміріміздің барлық саласына өзгеріс енгізді. Қиындықтар туындады, кедергілер кездесті.
Мен барлық алаңдарда да айтып жүрмін, әсіресе, кәсіпкерлік саласы айтарлықтай зардап шекті. Кәсіп үшін алынған несиелер, өзге де кәсіпкер ретіндегі төлемдер жұмысы толық қосылмаған кәсіп иелері үшін айтарлықтай проблемаға айналды. Еліміздегі эпид.ахуалға орай қабылданған шектеу шаралары да бизнес өкілдерінің толық қуаттылықта жұмыс жасауына әзірге мүмкіндік бермеуде. Осы орайда, барша кәсіпкерлер секілді, мен де Жолдауды мұқият тыңдап шықтым және Мемлекет Басшысының кәсіпкерлікті қолдауға қатысты қабылдаған шешімдері мен Үкіметке берген тапсырмаларына тәнті болып отырмын.
Ендігі жерде отандық өнім өндірушілерге жан-жақты қолдау көрсетілмек. Ол үшін Үкімет пен «Атамекен» Ұлттық кәсіпкерлер палатасына нақты механизм қалыптастыру жөнінде тапсырма берілді. Сондай-ақ, Қасым-Жомарт Кемелұлы кәсіпкерлерге жұмыс жасауға кедергі келтіру өте ауыр қылмыс ретінде қаралатындығын да жеткізді. Ол үшін арнайы нормативтік құжат әзірленетіндігін жеткізді. Кәсіп иелері үшін ең үлкен жаңалық – пандемияға орай наурыз айынан бастап ең зардап шеккен кәсіпкерлік саласындағы бизнес өкілдерінің қолданыстағы несиесі субсидияланатын болды. 
Біздің өңір ауыл шаруашылығы бағытындағы аймақ болған соң шағын шаруашылықтарды кооперацияларға біріктіруді белсенді жүргізу керек деген ұсынысы көңілден шықты. Сондай-ақ, алдағы уақытта агроөнеркәсіпті дамытуға арналған 5 жылдық мемлекеттік бағдарлама қабылданатындығы да қуантады.
Президент кәсіпкерлік саласын мемлекеттік қолдаудың арқасында 2025 жылға дейін жалпы ішкі өнімдегі шағын және орта бизнестің үлесі 35 пайызға жетуі қажеттігін, осы бағытта жұмыс жасалу қажет екендігін баса айтты.
Бағыт айқындалды, тапсырма берілді. Енді оны жүзеге асыру мақсатында жұмыс жүргізу ғана керек. Жақын күндері бизнес өкілдерімен, Өңірлік кеңес мүшелерімен бірге талқылап, ұсыныстарымызды жергілікті атқарушы органдарға, Орталық аппаратқа ұсынатын боламыз.
Ғалымбек ЖАҚСЫЛЫҚОВ, 
Қызылорда облысы кәсіпкерлер палатасының директоры

Ғалымбек Жақсылықов: Жолдау – кәсіпкерлердің көптен күткен сауалдарына жауап берді

<a href="https://kyzylorda-news.kz/">Kyzylorda-news.kz.</a> Білім күніне орай Сыр елінде жаңа мектеп ел игілігіне берілді. Жалағаш ауданы Ә.Бердәулетов атындағы №34 орта мектептің ашылу рәсіміне облыс әкімінің орынбасары Наурызбай Байқадамов, білім басқармасының басшысы Ақзира Қасымова қатысты.
140 орындық жаңа мектеп типтік жобада салынған. Білім ошағында сынып және интернет кабинеттерімен, медициналық кабинетпен, спорт зал, асханамен қамтамасыз етілген.
Биыл жаңа мектепте 1-4 сыныптағы 94 оқушы санитариялық нормаларды қатаң сақтай отырып, оқитын болады.
Айта кетейік, ата-аналардың өтініштері негізінде 1-4 сынып оқушылары дәстүрлі, қалған сыныптардың балалары қашықтан оқиды.
<img src="https://kyzylorda-news.kz/wp-content/uploads/2020/09/118614563_939933766509829_3521597797139735748_n.jpg" alt="" />
<img src="https://kyzylorda-news.kz/wp-content/uploads/2020/09/118571965_939933679843171_1995680935790571256_n.jpg" alt="" />
<img src="https://kyzylorda-news.kz/wp-content/uploads/2020/09/118714048_939933809843158_2677067734545222297_n.jpg" alt="" />

Жалағаш ауданында жаңа мектеп ашылды

Kyzylorda-news.kz. Еуропа лигасының жеребе тәрту рәсімінде қызылордалық “Қайсардың” қарсыласы анықталды.
Жеребеге сәйкес екінші раундта қасқырлар кипрлік “Апоэлмен” күш сынасады. Кездесу 17 қыркүйекте Шымкент қаласында өтеді.

&#8220;Қайсар&#8221; командасы енді кіммен бақ сынасады

Kyzylorda-news.kz. Қазақстан Республикасы Мәдениет және спорт министрі Ақтоты Райымқұлова жұмыс сапарымен Қызылорда облысына келді. Алдымен министр Қызылорда қаласында орналасқан облыстық тарихи-өлкетану музейінің жұмысымен танысты.
Музей 1954 жылы салынған. 2015 жылы қайта жаңғырту жұмыстары жүргізіліп, бүгінгі күні 11 көрме залы бар. Музейде 24 маман, 14 техникалық қызметкер жұмыс жасауда. Сондай-ақ, Мәдениет және спорт министрі Ақтоты Райымқұлова мен облыс әкімі Гүлшара Әбдіқалықова Арал ауданына барды.
Алдымен Мәдениет және спорт министрі мен облыс әкімі №262 Ұзақбай Қараманов атындағы мектеп-гимназиясының жұмысымен танысып, мүсінін ашылу рәсіміне қатысты.
<blockquote>
 «Ұзақбай Қараманұлының есімін ұлықтап, мүсінін ашу рәсімін өткізіп отырмыз. Ұлы адамдардың өмір жолы болашақ ұрпақ үшін әрқашан өнеге. Ұзақбай Қараманов 1937 жылы дүниеге келген. Тәуелсіз Қазақстан Республикасының тұңғыш Премьер-Министрі. Мемлекет және қоғам қайраткері – Қазақстан Құрылысшылар одағының негізін салушы. II дәрежелі «Барыс», «Еңбек Қызыл Ту» ордендерімен, Қазақ КСР Жоғарғы Кеңесінің Құрмет грамоталарымен және түрлі жоғары дәрежедегі медальдармен марапатталған. Қазақ елінің дамуына еңбек еткен азаматтарға құрмет көрсету біздің парызымыз», – деді облыс әкімі Гүлшара Әбдіқалықова.
</blockquote>
№262 мектеп-гимназиясы 2009 жылы пайдалануға беріліп, 1200 орынға шақталған. Оқушыларға 106 педагог білім беруде. Білім беру ұясында 40 орындық компьютерлік кабинеті, 400 орындық акт залы және 450 орындық асхана бар.
Ұзақбай Қараманов мүсінінін орнатуға облыстық бюджеттен қаржы бөлініп, Қазақстан Республикасы Мәдениет және спорт министрлігі жанындағы мемлекеттік комиссиямен келісілген. Мүсіннің авторы Қазақстан Суретшілер одағының мүшесі, мүсінші Айдос Тоқтарбекұлы. Мүсін қола материалынан дайындалды, тұғырымен қоса есептегенде биіктігі 3,2 метр.
Шарадан кейін, Ақтоты Райымқұлова мен Гүлшара Әбдіқалықова Ұзақбай Қараманов атындағы мектептің музей жұмысымен танысып, «Бастау» кәсіби қоғамдастық кабинетінде үздік оқушыларымен кездесті.
<img src="https://kyzylorda-news.kz/wp-content/uploads/2020/08/fb_img_1598861370084.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598861371969.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598861374199.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598861376094.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598861379033.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598861381255.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598861383544.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598861385815.jpg" alt="" />

Мемлекет және қоғам қайраткері Ұзақбай Қарамановтың мүсінін ашу рәсімі өтті (ФОТО)

Kyzylorda-news.kz. Қызылорда қаласы мен аудандардың маңайында 11 қоқыс қалдықтарын тастайтын заңсыз орналасқан аймақ анықталып, белгіленбеген жердегі қоқыс алаңдарын жою, тазарту мақсатында тиісті жұмыстар жүргізілуде. Бұл туралы Өңірлік коммуникациялар қызметінің ақпарат алаңында өткен брифингте облыстық табиғи ресурстар және табиғат пайдалануды реттеу басқармасы басшысының орынбасары Бауыржан Оспанов мәлімдеді.
<blockquote>
 “Бүгінде қалдықтарды тазарту жұмыстары жүргізіліп, нәтижесінде «Геопортал жүйесіне» заңсыз қалдықтардың орындары тазарғандығы жөнінде мәліметтер енгізілді. Бұдан бөлек, жергілікті тұрғындарға қоршаған ортаны қорғау және ластамау, экологиялық мәдениетті қалыптастыру, елді мекендердің айналасындағы қоқыс үйінділерін анықтау, оларды жою мақсатында басқарма қызметкерлерінің қатысуымен жұмысшы топ құрылып, арнайы мониторинг жұмыстары жүргізілуде. Атап айтқанда, Жалағаш, Сырдария және Шиелі аудандарына арнайы мониторинг жүргізілді. Жұмыс барысында жоғарыда аталған аудандардың аумақтарында 17 заңсыз қоқыс үйінділері анықталып, бұл бойынша аудан әкімдіктеріне тиісті тапсырмалар беріліп, нәтижесінде анықталған заңсыз қоқыс алаңдарын тазалау жұмыстары жүргізілді”, – деді Бауыржан Әліпбайұлы.
</blockquote>
Сонымен қатар, облыс бойынша кіші көлдермен су айдындарын тұрмыстық және басқада қалдықтардан тазарту жұмыстары ұйымдастырылып, оған 46 техника жұмылдырылып, оның ішінде 39-і құрлық техникалары және 7 шағын су кемелері тартылды. Нәтижесінде 80 тоннаға жуық тұрмыстық қатты қалдық және жарамсыз қоқыс жинақталып, арнайы полигонға жеткізілді.
<img src="https://kyzylorda-news.kz/wp-content/uploads/2020/08/fb_img_1598670776627.jpg" alt="" />

Қызылордада 11 қоқыс тастайтын заңсыз аймақ анықталды

<a href="https://kyzylorda-news.kz/">Kyzylorda-news.kz</a>. Қызылорда облысында коронавирус індетін жұқтырып, пневмониялық инфекциямен ауырып, айығып шыққан 100 медицина қызметкеріне Ақмола облысы «Бурабай» ауданында орналасқан «Шучинск» демалыс орнына жолдама берілді.
Оны қызметкерлерге «SENIM» денсаулық сақтау жүйесі жұмыскерлерінің салалық кәсіптік одағы» республикалық қоғамдық бірлестігінің облыстық филиалының төрағасы Асылхан Абылайханұлы табыстады.
<blockquote>
 «Жолдаманың құны барлығы 7 500&nbsp;000 теңгені құрайды. Халық денсаулығының жақсаруы жолында аянбай еңбек етіп жүрген денсаулық сақтау саласының қызметкерлері тамыз-қыркүйек айларында 10 күн шипажайда демалады. Бұл бағыттағы жұмыстар “Senim” кәсіподағы тарапынан жалғасын таба бермек», – дейді Асылхан Абылайханұлы.
</blockquote>
<img src="https://kyzylorda-news.kz/wp-content/uploads/2020/08/dsc_0321.jpg" alt="" />

Қазақстан және Қызылорда облысының жаңалықтары: Басты жаңалықтар old

Зейнетақы жинағын шешіп алу үшін онда қанша ақша болуы керек?

Сырдария ауданының әкімі тағайындалды

Бақыт Исмаханбетов: Президент фармацевтикалық өндірісті дамытуды дер кезінде тапсырды

Министр зейнетақы жинағының бір бөлігін кімдер пайдалана алатынын айтты

Қызылордадағы аялдама оқиғасы: Кінәліге шыққан сот үкімі әділ ме?

Қызылордада Мемлекет және қоғам қайраткері Сейілбек Шаухамановтың ескерткіш бюсті ашылды

Ғалымбек Жақсылықов: Жолдау – кәсіпкерлердің көптен күткен сауалдарына жауап берді

Жалағаш ауданында жаңа мектеп ашылды

“Қайсар” командасы енді кіммен бақ сынасады

Мемлекет және қоғам қайраткері Ұзақбай Қарамановтың мүсінін ашу рәсімі өтті (ФОТО)

Қызылордада 11 қоқыс тастайтын заңсыз аймақ анықталды

Қызылордада коронавирус жұқтырған 100 медицина қызметкері шипажайда демалады

Қазақстан және Қызылорда облысының жаңалықтары: Басты жаңалықтар old

Зейнетақы жинағын шешіп алу үшін онда қанша ақша болуы керек?

Сырдария ауданының әкімі тағайындалды

Бақыт Исмаханбетов: Президент фармацевтикалық өндірісті дамытуды дер кезінде тапсырды

Министр зейнетақы жинағының бір бөлігін кімдер пайдалана алатынын айтты

Қызылордадағы аялдама оқиғасы: Кінәліге шыққан сот үкімі әділ ме?

Қызылордада Мемлекет және қоғам қайраткері Сейілбек Шаухамановтың ескерткіш бюсті ашылды

Ғалымбек Жақсылықов: Жолдау – кәсіпкерлердің көптен күткен сауалдарына жауап берді

Жалағаш ауданында жаңа мектеп ашылды

&#8220;Қайсар&#8221; командасы енді кіммен бақ сынасады

Мемлекет және қоғам қайраткері Ұзақбай Қарамановтың мүсінін ашу рәсімі өтті (ФОТО)

Қызылордада 11 қоқыс тастайтын заңсыз аймақ анықталды

Қызылордада коронавирус жұқтырған 100 медицина қызметкері шипажайда демалады

“Қайсар” командасы енді кіммен бақ сынасады