<a href="https://kyzylorda-news.kz/date/2020/08/27/">Kyzylorda-news.kz.</a> Қызылордада кәсіпкерлер палатасы өңірлік кеңесінің сайлау қорытындысы жарияланды. Өңірлік кеңес – Кәсіпкерлер палатасының бақылаушы органы.
Естеріңізге салып өтсек, Қызылордадан өңірлік кеңеске 37 кәсіпкер үміткер ретінде тіркеліп, аталмыш үміткерлерге 5-20 тамыз аралығында дауыс беру өткізілген болатын. Сайлауда дауыс беру құқығы тек кәсіпкерлерге ғана берілді. Облыс бойынша үміткерлерге 8068 кәсіпкер дауыс берді. &nbsp;&nbsp;
Бизнес субъектілердің тең қатысуын қамтамасыз ету мақсатында Өңірлік кеңес құрамының 60 пайызы облыс орталығындағы бизнес өкілдерінен, ал 40 пайызы – аудандардағы кәсіпкерлерден құралды.
Бүгін кәсіпкерлер палатасының алаңында Іріктеу комиссиясының отырысы өтті. Отырыста комиссия төрағасы, «Қызылорда кәсіпкерлері» Қауымдастығының төрағасы Мырзағали Ермаханов сайлаудың қорытындысымен, комиссия мүшелерінің бірауыздан қабылданған шешімімен, басым дауыс жинаған 20 кәсіпкер өңірлік кеңеске мүшелікке енгізуге ұсынылғандығын хабарлады. Олар:
– 1306 дауыспен Боранбаев Қайрат Жомартұлы, «НУРЛЕН» ЖШС басқарма төрағасы (Қызылорда қаласы); &nbsp;&nbsp;&nbsp;
– 748 дауыспен Өтеев Мнажадин, «Сыр маржаны» ЖШС директоры (аудан);
– 477 дауыспен Тілеулиев Бибітәлі Дербісалыұлы, «СЫР ЖОЛДАРЫ»ЖШС директоры (Қызылорда қаласы);
– 376 дауыспен Нұрымбетов Жанарбек Сражұлы, «Ысамаддин» шаруа қожалығының басшысы (аудан);
– 374 дауыспен Бисембаев Темір Алдажұмаұлы, «Т-Т ҚҰРЫЛЫС-СЕРВИС» ЖШС директоры (аудан);
– 365 дауыспен Абызов Ділмұхамед Мнуарбекұлы, «DALATEX» ЖШС директоры (Қызылорда қаласы);
– 342 дауыспен Іздібаев Нұрлан Тұрғанбекұлы,&nbsp;&nbsp;&nbsp;&nbsp;&nbsp; «Ақтөбе и К» ЖШС директоры, (аудан);
– 342 дауыспен&nbsp; Мишукова Наталья Валентиновна, &nbsp;&nbsp;&nbsp;&nbsp;&nbsp;&nbsp;&nbsp; «Мансап Қызылорда» ЖШС құрылтайшы (Қызылорда қаласы);
– 316 дауыспен Жайсаңбаев Рахат Бақытұлы, «MASSAGET GROUP» ЖШС директоры (Қызылорда қаласы);
– 302 дауыспен Бекішев Жаңабай, жеке кәсіпкер (Қызылорда қаласы);
– 300 дауыспен Ерәлиев Мағжан Абзалұлы, «Абзал и Компания» ТС директоры (Қызылорда қаласы); &nbsp;&nbsp;
– 278 дауыспен Байешов Арман Әбдімәуленұлы, ФИРМА «KAZROSKIT» ЖШС директоры (Қызылорда қаласы);
– 259 дауыспен Балмаханов Балахан Майданбайұлы, жеке кәсіпкер (аудан);
– 239 дауыспен Абдраимова Гүлзағира Оралбайқызы, «ҚазСпецСтройЭкспертиза» ЖШС директоры (Қызылорда қаласы);
– 233 дауыспен Әбдіқадырова Айткүл Әлиқызы, «ҰСТА СӘМІ» ЖК-нің басшысы (аудан);
– 206 дауыспен Асенов Аблан Мұсабекұлы, жеке кәсіпкер (аудан);
– 206 дауыспен Дәуленбаев Әнуар, «ЕР-АН» шаруа қожалығының басшысы (аудан);
– 157 дауыспен Нұрхожаев Болат Жолтайұлы, жеке кәсіпкер (Қызылорда қаласы);
– 140 дауыспен Еспенбетов Манарбек Нағымұлы, «ПРОМСТРОЙСЕРВИС.Е» ЖШС бас директоры (Қызылорда қаласы);
– 118 дауыспен Махатова Дина Ордабекқызы, «АС-КА» ЖШС директоры (Қызылорда қаласы).
<blockquote>
 «Өңірлік кеңеске үміткер ретінде түскен 37 кәсіпкердің ішінде 1 кәсіпкер процесс барысында өз өтініші негізінде сайлауға қатысудан бас тартты. Іріктеу комиссиясының құрамында 7 адам бар. Комиссия құрамы кәсіпкерлерден, қоғам белсенділерінен құралған. Сайлау науқаны кезінде комиссияның 6 отырысы өткізіліп, комиссия мүшелері барлық кезеңге белсенді қатысты. Аймағымызда кәсіпкерлердің басты кеңесі – өңірлік кеңестің мүшелері бірінші рет сайлау негізінде анықталуда. Жаңа сайланған мүшелер кәсіпкерліктің дамуына жаңа серпін әкеледі деген сенімдемін», – дейді іріктеу комиссиясының төрағасы Мырзағали Ермаханов.
</blockquote>
Айта кету керек, өңірлік кеңес палатаның дирекциясына мемлекеттік билік органдарымен, үкіметтік емес, қоғамдық және халықаралық ұйымдармен өзара іс-қимыл жасауға, басқару органдары қабылдаған бағдарламалық құжаттарды іске асыруға жәрдемдесу мақсатында 2013 жылы құрылған болатын. Өңірлік кеңес құрамына аймақтағы белсенді, белгілі, қоғамда орны бар, кәсіпкерлердің мүддесін қорғай алатын бизнес өкілдері енгізілді және осы жылдар аралығында мүшелерінің құрамына өзгерістер енгізіліп отырды.
<blockquote>
 «Бүгінгі күнге дейін жұмыс жасаған кәсіпкерлер палатасының Өңірлік кеңесінің мүшелері аймақтағы жеңіл өнеркәсіп саласын дамыту бағытындағы бастамасымен, Үкіметтік деңгейге дейін күрішшілердің мәселесін жеткізуімен, жеке балабақшалардың құқығын қорғаудағы принципшілдігімен, сондай-ақ Арыс тұрғындарына, елімізде төтенше жағдай жарияланғаннан кейін ұйымдастыру шаралары барысындағы, облыс тұрғындарына қайырымдылық жұмыстарындағы белсенділіктерімен ерекшеленеді. Аталмыш кеңес мүшелігінде нәтижелі еңбек еткен кәсіпкерлерге Кәсіпкерлер палатасы атынан алғысымызды білдіреміз. Алдағы уақытта да ол кісілермен әріптестік негізде жұмыс жасаймыз деген сенімдеміз», – дейді Кәсіпкерлер палатасының директоры Ғалымбек Жақсылықов.
</blockquote>
Сонымен, Қызылорда облысы кәсіпкерлер палатасы өңірлік кеңесінің құрамында 20 қызылордалық кәсіпкер еніп, жақын күндері жұмысын бастайды.

Қызылордада кәсіпкерлер палатасы өңірлік кеңесінің мүшелері сайланды

<a href="https://kyzylorda-news.kz/date/2020/08/26/">Kyzylorda-news.kz.</a> Бүгін аймақ басшысы Гүлшара Әбдіқалықованың төрағалығымен облыс әкімдігі жанындағы құқық бұзушылық профилактикасы жөніндегі ведомствоаралық комиссияның кезекті отырысы өтті.
Отырыстың күн тәртібінде 2 мәселе қаралды. Атап айтқанда, 2020 жылдың 7 айының қорытындысы бойынша жол жүрісі қауіпсіздігін қамтамасыз етудің жағдайы және бұрын сотты болғандарды, оның ішінде пробациялық бақылау есебінде тұратын азаматтарды жұмыспен қамту және оларға әлеуметтік көмек көрсету бойынша 2019 жылы және 2020 жылдың 7 айында бірлесіп атқарылған шаралар туралы айтылды.
Статистикалық ақпараттарға сәйкес ағымдағы жылдың 7 айдың қорытындысымен көлікті масаң күйде басқарған тұлғалармен 18 жол көлік оқиғасы орын алып, өткен жылдың осы кезеңімен салыстырғанда 10% өскен. Сонымен қатар, көлікті масаң күйде басқарғаны үшін 946 әкімшілік құқық бұзушылық тіркелген. 
Облыстық әкімдіктің қолдауымен, 2020 жылдың маусым айында, Қызылорда қаласында 13 «Арқан» стационарлы жылдамдық өлшегіш құрылғылары іске қосылды.
Өңір басшысы полиция қызметінің жұмысын күшейтуді тапсырды.
<blockquote>
 «Жол-көлік оқиғаларын алдын алу бағытында тиімді профилактикалық іс-шаралар ұйымдастырылу керек. Сонымен қатар, полиция органдарының имиджін көтеруге бағытталған жол карталарының талаптарын орындау мақсатында жеке құрам арасында қызметтік әдеп, халықпен байланыс сапасын арттыру бойынша біліктілігін артыру бойынша оқулар өткізіңіздер. Аудандар мен Қызылорда қаласы әкімдіктерімен бірлесіп, автомобиль жолдарындағы авариялық қауіпті учаскелерді мониторинг пен талдау арқылы анықтап, стандартқа сай келмейтін кемшіліктерді жою және ол учаскелерді тиісті жөндеу, жетілдіру бойынша шаралар қабылдау қажет. Жол жүрісі қауіпсіздігіне қатысты, оның ішінде көлік оқиғаларының салдарын түсіндіре отырып, кең ауқымды түсіндірме жұмыстарын жүргізуді қамтамасыз етіңіздер», – деді облыс әкімі Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2020/08/118391736_2674414635994922_4797875447614992208_o.jpg" alt="" />
Ағымдағы жылдың 7 айының қорытындысымен, өңірімізде бұрын сотты болғандармен қылмыстық құқық бұзушылықтар 30%, оның ішінде бұрынғы соттылығы өтелмегендермен жасалған қылмыстар да 21% төмендеді.
Дегенмен, ағымдағы жылы профилактикалық есепте тұрған адамдармен бірнеше қылмыс жасау деректері орын алған. 
Аймақ басшысы пробация қызметіндегі тұлғалардың қоғамға бейімделуіне жұмыс жасауды тапсырды.
<blockquote>
 «Қайта қылмыс жасауға бейімді сотталғандарды анықтап, оларды еңбекке және тұрмыстық орналасу, әлеуметтiк және өзге де көмектiң басқа түрлерiн ұйымдастыру шараларын тиімді түрде жүзеге асыру керек. Пробация қызметіндегі тұлғалардың қоғамға бейімделуіне, заңдардың талаптарын сақтауға, еңбекке және өзге де қоғамға пайдалы қызметпен айналысуға бағытталған шаралар қабылдансын. Қызылорда қаласы мен аудан әкімдері пробация қызметінің есебінде тұрған және бас бостандығынан айыру орындарынан босатылған адамдар үшін 2021 жылға арналған бос жұмыс орындарының квоталарын қолданыстағы қағидаларға сәйкес 2020 жылдың 1 желтоқсанға дейін бекіту керек», – деді облыс әкімі Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2020/08/118653109_2674414472661605_4530845141992723200_o.jpg" alt="" />

Қызылордада құқық бұзушылық профилактикасы жөніндегі комиссияның отырысы өтті

<a href="https://kyzylorda-news.kz/date/2020/08/26/">Kyzylorda-news.kz.</a> Бүгін облыс әкімі Гүлшара Әбдіқалықованың қатысуымен «Білім және ғылым: жаңа оқу жылының ерекшелегі» тақырыбында облыстық тамыз кеңесі өткізілді. Педагогикалық жиынға Қазақстан Республикасы Парламент Сенатының депутаты, әлеуметтік-мәдени даму және ғылым комитетінің төрағасы Мұрат Бақтиярұлы қатысты.
Тамыз конференциясына аудан әкімдері мен барлық білім беру ұйымдарының басшылары, мектеп мұғалімдері онлайн форматта қатысып, білімдегі алдағы мәселелер мен қол жеткізген табыстар туралы талқылады.
<img src="https://kyzylorda-news.kz/wp-content/uploads/2020/08/3df2b36545739715968e385be599cce9_original.936945-scaled.jpg" alt="" />
Облыс әкімі Гүлшара Әбдіқалықова білім беру саласындағы мемлекеттік қолдау шараларын, саладағы негізгі басым бағыттарды атап өтіп, алдағы жаңа оқу жылында педагогтарға сәттілік тіледі. 
Биыл мектептердің заманауи талаптарға сәйкестендіруге мүмкіндік алған ерекше жыл болды. Бірнеше жылдан бері жөндеуді қажет еткен білім беру нысандары жаңарып, жөндеу жұмыстары қарқын алды. Осы жылы 55 білім беру нысанына жөндеу жұмыстары жүргізілуде. 
Облыста Қызылорда қаласынан және Жалағаш ауданынан 2 мектеп пайдаланылуға беріледі. Сонымен қатар, 4 мектептің құрылысы жүргізілуде. Оның ішінде Қызылорда қаласынан 600 орындық, Арал ауданы, Сексеуіл кентіндегі 300 орындық мектептер жыл соңында аяқталады.
<img src="https://kyzylorda-news.kz/wp-content/uploads/2020/08/a7c48c65411c6ba7a8bda489c0abb5c6_original.1417448-scaled.jpg" alt="" />
Жаңа мектептер салуда мемлекеттік жеке-меншік әріптестік аясында салынып жатқан жеке мектептердің үлесі де артып келеді. Биыл Қызылорда қаласында 500 және 300 орындық 2 жеке мектептің құрылысы жүргізілуде.
Педагогикалық кеңесте облыстық білім басқармасының басшысы Ақзира Қасымова жаңа оқу жылының басты ерекшеліктеріне тоқталып, оқу жүйесінде іске асатын басты жобаларды атап өтті. 
Биылғы оқу жылының басты ерекшелігі – мектептердің жан басына қаржыландыру тетігіне өтуі. 1-ші қыркүйектен бастап,58 қалалық мектептержан басына шаққандағы қаржыландыруға көшеді. 
Қаржыландырудың жаңа талабы мектеп арасында өзара бәсекелестік орнатып, материалдық базаны нығайтуға жұмсалатын қаржыны, бала санына сәйкес біркелкі бөлінуіне ықпал жасайтын болады. 
Биылдан бастап Назарбаев зияткерлік мектебімен бірге «Ауыл мектебі» пилоттық жобасы іске асуда. Қазір біз Жаңақорған, Сырдария аудандары мен Қызылорда қаласындағы 3 мектепте жүргізіп отырмыз. Осы мектептердің тәжірибесі алдағы оқу жылында барлық мектептерге енгізілетін болады.
<img src="https://kyzylorda-news.kz/wp-content/uploads/2020/08/f85572ce5e7c7753848347874b0846ac_original.1348935-1-scaled.jpg" alt="" />
Биылғы оқу жылынан бастап барлық білім беру ұйымдарына «Құңдылықтарға негізделген білім беру» жобасы да енгізіледі. Ал, балаларға патриоттық тәрбие беруде жаңа оқу жылында 53 инновациялық мектепке факультативтік негізде домбыра сағаттары бөлінетін болады.
Жаңа оқу жылында облыстағы 220 мектеп «BilimLand», «Дарын-онлайн» интернет платформалары арқылы қашықтан білім алса, шалғай орналасқан елді-мекендегі 73 мектеп дәстүрлі түрде оқиды. 
Сонымен бірге, ата-ана өтінішімен 1-4 сыныптағы 41 547 оқушы 2974 топта дәстүрлі түрде білім алады.
Конференцияда онлайн арқылы мектеп директорлары мен ауыл мұғалімдері және ата-аналар тікелей байланысқа шығып, білім саласындағы жетістіктерді сөз етті. 
Жиын соңында облыс әкімі Гүлшара Әбдіқалықова «Үздік орта білім ұйымы» конкурсының жеңімпазы Қазалы ауданындағы №249 мектеп-лицейіне 17 млн.теңге грант сертификатын табыстады.
<img src="https://kyzylorda-news.kz/wp-content/uploads/2020/08/40b1cc6fba36bbdc32c7ff05933adcce_original.469437.jpg" alt="" />

Қызылорда облысының әкімі тамыз кеңесіне қатысып, білім мәселелерін талқылады

<a href="https://kyzylorda-news.kz/date/2020/08/26/">Kyzylorda-news.kz.</a> Биыл кезекте тұрғандардың баспана мәселесін шешу үшін «Шаңырақ» пилоттық жобасы ашылып, бағдарламаға өтініш қабылдау басталды. Бұл туралы Өңірлік коммуникациялар қызметінің ақпарат алаңында өткен брифингте Тұрғын үй құрылыс жинақ банкі Қызылорда филиалының директорының орынбасары Ильяс Журунов мәлімдеді.
<blockquote>
 – «Шаңырақ» пилоттық жобасын жүзеге асыру үшін бюджеттен қаржы бөлініп, оның алғашқы бөлігі Тұрғын үй құрылыс жинақ банкіне түсті. Пилоттық жоба аясында жеңілдетілген несиені баспанаға мұқтаж жан ретінде 1986 жылдан бастап 2010 жылға дейінгі аралықта әкімдік кезегінде тұрған азаматтар ала алады. Қазіргі таңда, облыс бойынша аталған жылдар аралығында баспана алу үшін кезекте тұрған 3600 адам бар. Олардың өтініштері қаралып, пәтер кілтін алуға барынша мүмкіндіктер қаралады. Аталмыш бағдарлама бойынша тұрғын үйді тек жаңа соғылған үйлерден ғана алуға болады. Сондай-ақ, әкімшілік кезегінен кейінгі жылдары тұрған азаматтар да шақырылуы мүмкін,-деді Ильяс Мұхатайұлы.
</blockquote>
<img src="https://kyzylorda-news.kz/wp-content/uploads/2020/08/118516850_1098802887181889_421306054514698484_o.jpg" alt="" />
Айта кетейік, әкімшілік кезегіне қай уақыттан бастап есепке тұрғаныңызды egov.kz сайты арқылы немесе жергілікті атқарушы билік органдарынан білуге болады.

Қызылордада «Шаңырақ» пилоттық жобасына өтініш қабылдау басталды

<a href="https://kyzylorda-news.kz/">Kyzylorda-news.kz.</a> Украинадан Сыр Еліне гуманитарлық көмек келді.Қызылорда облысындағы «Kusto Group» компаниясы Украинадағы Қазақстан елшілігінің қолдауы арқылы аймаққа дәрі-дәрмек қорын жеткізді. 
Гуманитарлық көмек құрамында емдеу мекмелеріне қажетті 160 қорап «Меропенем-Виста» дәрісі мен 3230 қорап «Левофлоксацин-Новофарм» дәрісі әкелінген. 
Бұл дәрі-дәрмек қоры облыстағы сұраныс білдірген барлық емдеу ұйымдарына таратылды.
Атап айтар болсақ, 160 қорап «Меропенем-Виста» дәрісінің барлығы облыстық жұқпалы аурулар ауруханасына берілсе, сонымен қатар 3230 қорап «Левофлоксацин-Новофарм» дәрісінің 350-і облыстық жұқпалы аурулар ауруханасына, 360-ы Арал ауданаралық ауруханасына, Қазалы ауданаралық ауруханасына 360 қорап, Қармақшы аудандық ауруханасына 360, Сырдария аудандық ауруханасына 360, Жалағаш аудандық ауруханасына 360, Шиелі ауданаралық ауруханасына 360, Жаңақорған ауданаралық ауруханасына 360, Байқоңыр қаласының көпбейінді ауруханасына 360 қорап таратылды. 
Осы орайда облыстық денсаулық сақтау басқармасы дәрі-дәрмек қорын жеткізген «Kusto Group» компаниясына алғыс білдіреді.

Қызылорда: Украинадан гуманитарлық көмек келді

<a href="https://kyzylorda-news.kz/">Kyzylorda-news.kz.</a> Қазақстандық былғары қолғап шебері Қамшыбек Қоңқабаев кәсіпқой бокстағы алғашқы жекпе-жегін Иса Акбербаевқа қарсы өткізді, деп хабарлайды <a href="https://www.inform.kz/kz/kamshybek-konkabaev-kasipkoy-bokstagy-algashky-zhenisine-kol-zhetkizdi_a3686458">ҚазАқпарат</a>.
Бүгінгі кездесуде Қамшыбек өзін жақсы қырынан көрсете білді. Ол қарсыласынан басым түсті.
Қамшыбек Қоңқабаев 1991 жылдың 18 қарашасында дүниеге келген. Ол – әуесқой бокстан Қазақстан ұлттық құрамасының капитаны. Қамшыбек 2017, 2019 жылдары әлем, сол жылдарда Азия чемпионы атағын иеленді. Токио Олимпиадасына жолдама жеңіп алды. Кәсіпқой бокста жекпе-жек өткізгеніне қарамастан ол аталған дүбірлі додада бақ сынау мүмкіндігін жоғалтқан жоқ.
Оның қарсыласы – Иса Акбербаев та осал емес. Бұған дейін 11 рет титулдық жекпе-жек өткізді. Оның ішінде төрт мәрте сан алуан титулға ие болды. Дегенмен, соңғы жекпе-жегінде ресейлік Евгений Тищенкоға жол берді. Ол алтыншы раундта жарысты жалғастырудан бас тартқан еді. Бұл, қазақстандық спортшының кәсіпқой бокстағы алғашқы жеңілісі болды. Бүгін ол өзінің екінші жеңілісіне ұшырады.
Сондай-ақ, бүгінгі бокс кешінде бұдан бұрын Рай Сейітжанов қарсыласы Талғат Бертілеуовті, Нұрдос Төлебай қарсыласы Нұржан Мақашбаевты, Али Балоев әріптесі Юрий Быховцевті, Сапарбай Айдаров Абай Төлештен, Тұрсынбай Құлахмет Сағадат Рахманқұловтан, Виктор Коточигов пен Андрей Исаевтан басым түсті.

Қамшыбек Қоңқабаев кәсіпқой бокстағы алғашқы жеңісіне қол жеткізді

Kyzylorda-news.kz. Бүгін Қызылорда облысының әкімі Гүлшара Әбдіқалықова Шиелі ауданына қарасты «Ақмая» шаруа қожалығының егіс алқабында бірқатар ірі шаруашылық құрылымдарымен кездесіп, егінге алғашқы орақ салу рәсіміне қатысты.
Шара барысында аймақ басшысына облыстың ауыл шаруашылығы саласындағы даму көрсеткіштері мен «Ы.Жахаев» ҒЗИ ЖШС-нің ғылыми жетістіктері таныстырылды. Жалпы биыл аймақта барлығы 184,2 мың гектар жерге ауыл шаруашылығы дақылдары орналастырылды. Егіс көлемі 2019 жылмен салыстырғанда 1,1 мың гектарға артып отыр.
Негізгі дақыл күрiштің көлемі 89,5 мың гектар. Егін шаруашылығын әртараптандыру бағытында облыста алғаш рет перспективалы дақылдар қант құмайы 70 гектарға, соя 240 гектарға, жүгері дақылы 1 667 гектарға дейін жеткізіліп, ылғал сақтағыш аквагельдерді пайдалану арқылы богарлы жерлерге 80 гектар күздік бидай дақылы егілді. Қазіргі таңда, бидай, арпа, сұлы дақылдарын жинау аяқталып, мақсары картоп, көкөніс, бақша, жүгері дақылдарын жинау жұмыстары жалғасуда. Жиналып жатқан ауыл шаруашылығы дақылдарының орташа өнімділігі өткен жылмен салыстырғанда біршама жоғары. Жалпы биылғы жылы мамандар әр гектардан жиналатын орта өнім 50-55 центнер аралығында болады деп болжайды.
Қазіргі уақытта күріш танаптарынан су тарту шаралары атқарылуда. Бүгінгі күні бекітілген кестелерге сәйкес 36,0 мың гектар немесе жалпы күріш егісінің 40,3 пайызының суы байланды. Облыс әкімі Г.Әбдіқалықова су тапшылығын алдын алу мақсатында егін түрлерін әртараптандыру қажет екенін атап өтті.
<blockquote>
 «Биылғы жылдан басталған суармалы судың тапшылығы егін шаруашылығында әртараптандыруды шындап іске асыру қажеттілігін айқындап отыр. Осыған орай, алдағы жылдары ауыспалы егіс жүйесіндегі күріш егісінің көлемін 75 – 80 мың гектарға тұрақтандырып, мал азықтық дақылдар егісінің көлеміне басымдық берілуі тиіс», – деді Гүлшара Әбдіқалықова.
</blockquote>
Сонмен қатар, өңір басшысы сала еңбеккерлерімен кездесіп, ауыл шаруашылық саласындағы жетістіктері үшін алғыс білдірді. Облыстың экономикалық дамуында ауыл шаруашылығының алатын орны ерекше. Сыр дихандары соңғы алты жыл қатарынан рекордтық өнім алып, күріш экспортының көлемін арттырып келеді.
<img src="https://kyzylorda-news.kz/wp-content/uploads/2020/08/fb_img_1598088338960.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598088336585.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598088338960-1.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598088341222.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598088343275.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598088345434.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598088348035.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598088350318.jpg" alt="" />

Гүлшара Әбдіхалықова егінге орақ салу рәсіміне қатысты (ФОТО)

<a href="https://kyzylorda-news.kz/date/2020/08/21/">Kyzylorda-news.kz.</a> Бүгін облыс әкімі Гүлшара Әбдіқалықова карантин шектеулерінің жеңілдетілуіне байланысты түрлі азаматтық қоғам өкілдерімен кездесті. Кездесуде азаматтар өңір басшысына толғандырып жүрген мәселелерін жеткізді.
Атап айтсақ, Шиелі ауданының тұрғыны, 1 топ мүгедегі Тамара Ақмағамбетова мүмкіндігі шектеулі жандардың мәселелерін көтеріп, оның ішінде аудандағы инватаксидің талапқа сай еместігі туралы шағымын білдірді. Аймақ басшысы Т.Ақмағамбетованың шағымын назарға алып, облыстық жұмыспен қамту және әлеуметтік бағдарламалар басқармасының басшысы Т.Дүйсебаевқа тиісті тапсырмалар берді және орындалу барысын баяндауды тапсырды.
<img src="https://kyzylorda-news.kz/wp-content/uploads/2020/08/118231155_2660399844063068_9090109251954253342_o.jpg" alt="" />
Сондай-ақ, Жаңақорған ауданының тұрғыны, көп балалы ана, «Ақжүніс» аналар қоғамының Қызылорда облысы бойынша өкілі Сандуғаш Тұрлыбекова аудандағы көпбалалы және жалғызбасты аналардың жағдайын қозғап, әлеуметтік көмектер көрсетуге байланысты өтінішін жеткізді. Аймақ басшысы Жаңақорған ауданының әкімдігіне көтерілген мәселелерді зерделеп, шешу жолдарын қарастыру бойынша бірқатар тапсырма берді.
<img src="https://kyzylorda-news.kz/wp-content/uploads/2020/08/118073669_2660399460729773_4871179606855106992_o.jpg" alt="" />
Кездесуде Жалағаш ауданының тұрғыны, көп балалы ана Эльмира Жанзақова денсаулық сақтау саласындағы мәселелерді айтты. Оның ішінде ауруханаларға жатып, жоспарлы ем алуда қиындықтар бар екеніне шағымын білдірді. Осыған орай, облыс әкімі Гүлшара Әбдіқалықова облыстық денсаулық сақтау басқармасының басшысы С.Пазиловке тұрғындардың ем алуында кедергілер болмауын және жақсы жағдай жасалу керек екенін ескертті.
Өз кезегінде «Ұмай» мектеп жасына дейінгі балаларға арналған суықтыру және тәрбиелеу қайырымдылық үйі» мекемесінің директоры, «Ұмай» балалар үйінің құрылтайшысы, БҰҰ ЮНИСЕФ балалар қорының Қызылорда облысындағы өкілі Анар Ізден «Қызылорда облысының Азаматтық Альянсы» Қауымдастығына қатысты ұсыныстарын жеткізді. Аймақ басшысы облыстық ішкі саясат басқармасына мәселені назарға алып, қолдау көрсетуді тапсырды.
<img src="https://kyzylorda-news.kz/wp-content/uploads/2020/08/118355914_2660399317396454_9186077059284418351_o.jpg" alt="" />
Ал, Қызылорда қаласының тұрғыны Нұргүл Махан жас мамандардың жұмыспен қамту мәселесін көтерсе, жас кәсіпкер Евгений Демиденко жаңашыл бизнес-жобаны жүзеге асыру үшін қолдау көрсетуді өтінді. Облыс әкімі тиісті сала басшыларына аталмыш мәселелерді назарда ұстау және шешу жолдарын қарастыру жөнінде тапсырма берді.

Облыс әкімі азаматтық қоғам өкілдерін қабылдады

<a href="https://kyzylorda-news.kz/date/2020/08/21/">Kyzylorda-news.kz.</a> Бүгін облыс әкімі Гүлшара Әбдіқалықова медицина қызметкерлерімен онлайн кездесу өткізді.
<blockquote>
 «Аймағымызда 17 647 медицина маманы жұмыс жасайды. Биылғы жыл бәріміз үшін, оның ішінде медицина саласына сын болуда. Коронавирус инфекциясымен ауырғандардың 93 пайызы сіздердің арқаларыңызда аман-есен отбасыларымен қауышты. Осы ретте сіздерге індетпен күрестегі еселі еңбектеріңіз үшін үлкен алғысымды білдіремін.&nbsp;Мемлекет басшысының Жарлығы бойынша Мемлекеттік наградамен 23 әріптестеріміз марапатталды. Өкінішке орай, олардың 8-нің марапатын отбасына беруге мәжбүр болдық. Олардың еңбегі ешқашан ұмытылмайды», – деді облыс әкімі Гүлшара Әбдіқалықова.
</blockquote>
«COVID-19» инфекциясына қарсы күрес шараларына тартылған, жұқтырған және қайтыс болған медицина қызметкерлерін қаржылық қолдау мақсатында үстемеақы мен жәрдемақы төленуде. Наурыз, сәуір, мамыр, маусым айларына барлығы 1 млрд. 117,6 млн. теңге, ал, шілде айына барлығы 3394 қызметкерге 943,4 млн. теңге үстемеақы берілді.
Дүниежүзілік денсаулық сақтау ұйымының болжамы бойынша күз мезгілінде пандемияның келесі кезеңі күтіледі деп жоспарлануда. 
Президент тапсырмасына сәйкес пандемияның күзгі легіне жан-жақты дайындық жұмыстары жүргізілуде. Аурухана, емхана және дәріханаларда бір ай және екі айлық дәрі-дәрмек қорлары жасақталуда. Жеке қорғаныш құралдары мен медициналық құрылғылармен жабдықтау жалғасуда.
Бүгінгі таңда модульді 200 орындық инфекциялық-стационар мен 5 нысанның құрылысы жүргізілуде.
Кездесуде облыстық жұқпалы аурулар ауруханасы бас дәрігерінің орынбасары Мирамкүл Әлмаханова, облыстық психикалық денсаулық орталығының бас дәрігері Әділбай Медетбаев, Арал ауданаралық ауруханасының бас дәрігері Марат Ршымбетов және Жалағаш ауданаралық ауруханасының бас дәрігері Баян Бурамбаева атқарылған жұмыстар туралы баяндап, медицина саласы қызметкерлеріне көрсетіліп жатқан қолдауға алғыстарын білдірді.
<img src="https://kyzylorda-news.kz/wp-content/uploads/2020/08/118211164_2660260634076989_8746036909195217371_o.jpg" alt="" />

Гүлшара Әбдіқалықова медицина қызметкерлерімен онлайн кездесу өткізді

Kyzylorda-news.kz. Бүгін Қызылорда облысының әкімі Гүлшара Әбдіқалықова жаңа оқу жылына дайындық барысын пысықтау үшін облыстық білім басқармасының басшысы Ақзира Қасымованы қабылдады.
Облыс әкіміне сала басшысы жаңа оқу жылын қашықтан ұйымдастыру, білім беру ұйымдарының дайындығы мен мектептерде жүріп жатқан жөндеу жұмыстары туралы баяндады.Жаңа оқу жылында өңірде 293 мектепте 169 143 оқушы білім алса, 18 423 бала 1-сыныпқа қабылданады деп жоспарлануда. Биыл мектептер жан басына қаржыландыруға көшеді. Арал ауданынан 9 мектеп, Қазалы ауданынан 3 мектеп, Байқоңыр қаласынан 5 мектеп, Қызылорда қаласындағы 41 мектеп жаңа механизм бойынша қаржыландыру жүйесіне өтеді.
Қабылдауда Ақзира Қасымова жаңа оқу жылын қашықтан ұйымдастыруға қажетті шаралардың, оның ішінде балаларға мектеп балансындағы компьютерлерді беру, демеушілер есебінен ұсынылатын ноутбук пен планшеттерді табыстау жұмыстары басталып кеткенін атап өтті.
Жаңа оқу жылының І тоқсанында 222 мектептегі 116 888 оқушы қашықтан оқитын болып шешілді. Бұл оқушылар BilimLand, Дарын-онлайн интернет платформалары сабақты бастайды. Ал, 1-4 сыныптағы 41 547 оқушы дәстүрлі білім алмақ. Мұнан бөлек, шалғай орналасқан елдімекендегі 71 мектептен 10712 оқушы дәстүрлі оқытылады. Бұл ретте білім беру ұйымдарында қатаң санитарлық талаптар сақталады.
Облыс әкімі Гүлшара Әбдіқалықова балаларға мектеп тарапынан берілетін электронды құрылғыларды табыстауда республикалық бюджет қаражатына алынатын компьютерлердің сатып алу жұмыстарының арнайы талаптарын жеткізуде ата-аналарға дұрыс түсіндірме жүргізу қажеттігін атап өтті.
Қабылдау барысында сала басшысы электронды құрылғысы жоқ 9687 оқушыға электронды құрылғылар беру жұмыстары жүргізіліп, 25 тамызға дейін бұл балаларға техникалар беріледі. Ал, демеушілер есебінен оқушыларға 239 планшет, 15 ноутбук берілген. Сонымен бірге, республикалық бюджеттен бөлінетін 22870 компьютер, планшеттерді сатып алу жұмыстары басталатынын баяндады. Мұнан бөлек саладағы үнемделген бюджет есебінен 176,7 млн теңгеге 2635 планшет алуға жұмыстары жүргізілуде.
Облыс әкімі оқушылардың оқулықпен қамтылу жағдайын сұрады. Өз кезегінде Ақзира Қасымова 2020 жылы оқулықтар сатып алуға барлығы жергілікті бюджеттен 1,2 млрд теңге қаралғанын атап өтіп, баспалардан оқулықтардың 89 пайызы алынғанын және 25 тамызға дейін мектептерге толық жеткізілетінін хабарлады.
Қабылдау соңында аймақ басшысы Гүлшара Әбдіқалықова басқарма басшысына жаңа оқу жылына дейін мектептердегі жөндеу жұмыстарын сапалы аяқтауды және қашықтан оқыту барысын жүйелі ұйымдастыруды тапсырды.
<img src="https://kyzylorda-news.kz/wp-content/uploads/2020/08/fb_img_1597906687536.jpg" alt="" />

Аймақ басшысы жаңа оқу жылына дайындық барысын саралады

<a href="https://kyzylorda-news.kz/">Kyzylorda-news.kz.</a> Бүгін Қызылорда облыс әкімі Гүлшара Әбдіқалықова жылу беру маусымына дайындық мәселесіне қатысты облыстық энергетика және тұрғын үй-коммуналдық шаруашылық басқармасының басшысы Руслан Нұрмағанбетовті қабылдады.
Облыс әкіміне сала басшысы жылыту маусымына дайындық барысы мен коммуналдық кәсіпорындардың жөндеу жұмыстарының қалай жүріп жатқанын баяндады.
<img src="https://kyzylorda-news.kz/wp-content/uploads/2020/08/118173178_2654586031311116_8499536402969530656_o.jpg" alt="" />
Жылыту кезінде отын қорын жеткізу мәселесі өзекті. Аймақта алдағы жылу беру маусымында 1185 әлеуметтік сала нысандарына 39,5 мың тонна қатты және 26 мың тонна сұйық отын, ал жергілікті тұрғындарға 163,6 мың тонна көмір отыны қажет. Бүгінде тұрғындарға қажетті 25 мың тонна көмір отыны жеткізілген. Қала және аудан тұрғындары үшін көмір бағасының өсуіне жол бермеу мақсатында көмір өндіретін кәсіпорындармен тікелей келісім-шарт жасау жұмыстары басталған.
Сала басшысы қазіргі кезде коммуналдық кәсіпорындардың жөндеу жұмыстары 66%-ға, әлеуметтік сала нысандары мен автономды қазандықтардың жөндеу жұмыстары 81%-ға орындалғанын жеткізді. Сондай-ақ, орталықтандырылған жылу жүйесіне қосылған көп қабатты тұрғын үйлердің дайындығы бүгінде 70% құрайды.
Айту керек, өңірде жылу жүйелерін қайта жаңғырту жұмыстары да қарқын алды. Мәселен, «Нұрлы жер» және «Жұмыспен қамту жол картасы» бағдарламаларымен Қызылорда қаласында 14 шақырым жылу жүйелерін қайта жаңғырту жұмыстары іске асырылды. 
Қабылдау барысында аймақ басшысы әлеуметтік нысандарға жүргізілетін жылыту жұмыстары бойынша есепті тыңдады. Биыл өңірде 1185 әлеуметтік сала нысандарының жөндеу жұмыстары 81%-ға орындалған. Оның ішінде 432 білім беру нысаны, 312 мәдениет саласының нысаны, 247 денсаулық сақтау нысаны, 460 кіші қазандықтардың жөндеу жұмыстары атқарылды. Сондай-ақ, облыс бойынша 19 әлеуметтік нысанның жылу қазандықтарын газ отынына бейімдеу жұмыстары жоспарланған.
Облыс әкімі Гүлшара Әбдіқалықова басқарма басшысына жылыту маусымы кезеңіне дейін қажетті шараларды кезең-кезеңімен іске асырып, жылу жүйелері талапқа сай уақытылы дайын болу керектігін тапсырды. Бұл ретте қысқа дайындық мәселелері облыстық штабтың тұрақты бақылауында болатынын атап өтті.
<img src="https://kyzylorda-news.kz/wp-content/uploads/2020/08/118155962_2654586024644450_3523605091573223379_o.jpg" alt="" />

Қызылордада жылу маусымына дайындық барысы пысықталды

<a href="https://kyzylorda-news.kz/date/2020/08/19/">Kyzylorda-news.kz.</a> Биылғы жаңа оқу жылының ерекшелігі 1 қыркүйектен бастап қала мектептері жан басына шаққандағы қаржыландыруға көшіріледі. Яғни, Арал ауданынан – 9 мектеп, Қазалы ауданынан – 3 мектеп, Байқоңыр қаласынан – 5 мектеп, Қызылорда қаласынан – 41 мектеп, барлығы 58 мектепті аталған механизмге енгізу үшін барлық жоспарлы дайындық жұмыстары аяқталды.
Бұл туралы Өңірлік коммуникациялар қызметінің ақпараттық алаңында облыстық білім басқармасының басшысы Ақзира Қасымова мәлімдеді
<blockquote>
 “Облыстағы 222 мектептегі 116 888 оқушы қашықтан оқытылады. Қашықтан оқыту BilimLand, Дарын-онлайн интернет платформалары арқылы жүргізіледі. 1-4 сыныптағы 41 547 оқушы 3141 топта дәстүрлі оқиды. Шалғай орналасқан елді-мекендегі 71 мектептен 10712 оқушы дәстүрлі оқытылады. 25 елді мекендегі 2187 оқушы дәстүрлі түрде оқиды. 2020-2021 оқу жылында облыстағы 30 колледжде қашықтан оқыту жүйесінде білім беру жүзеге асырылатын болады ,-деді Ақзира Бақтыбайқызы
</blockquote>
<img src="https://kyzylorda-news.kz/wp-content/uploads/2020/08/118011429_1093033051092206_6616858575247325032_o.jpg" alt="" />
Сонымен қатар, қала, аудан әкімдіктері дәстүрлі түрде өткізілетін «Мектепке жол» акциясы басталды. Биылғы жылғы акцияның мақсаты – әлжуаз отбасынан шыққан балаларды электронды құрылғылармен және интернетпен қамтамасыз ету.

Қазақстан және Қызылорда облысының жаңалықтары: Басты жаңалықтар old