<a href="https://kyzylorda-news.kz/date/2020/09/11/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықова Полиция департаментінің бастығы, полиция полковнигі Бектөре Сұлтанды қабылдады.
Кездесуде департамент бастығы аймақ басшысына облыстағы жедел ахуал мен қоғамдық-саяси жағдайды баяндады. 
Жыл басынан өңірде 2690 қылмыстық құқықбұзушылық тіркелген. Бұл өткен жылмен салыстырғанда 36,4 пайызға төмен. Облыс жолдарында орын алған жол көлік оқиғалары және онда зардап шеккендер саны да азайған.
Ал, жыл басынан бергі 8 айда жол қозғалысын бұзудың 100 мыңнан астам дерегі анықталып, олар бойынша 760 млн.тенге айыппұл салынған. Нәтижесінде, облыстық бюджетке 486 млн.теңге қаржы өндірілді.
Қабылдау кезінде облыс әкімі Президенттің Қазақстан халқына Жолдауын іске асыру мақсатында “полиция қадамдық қолжетімділікте” қағидаты бойынша полиция жұмысының одан әрі жетілдіруді, полиция қызметінің қолжетімділігі мен ашықтығын арттырып, тұрғындармен өзара тиімді байланыс жасау мәселесін жандандыру қажетігін атап өтті. 
Өз кезегінде Бектөре Сұлтан учаскелік полиция инспекторларының мәртебесін заң жүзінде бекіту мәселесі қаралып жатқанын тілге тиек етті.
Департамент бастығы ішкі істер органдарының материалдық-техникалық базасын нығайтуда қолдау көрсетіп келетін облыс басшылығына алғысын білдірді. 
Қабылдау барысында облыс әкімі цифрландыру мәселесі, бейнебақылау камераларын модернизациялау және облыс жолдарында жылдамдық өлшегіш құрылғыларын орнату мәселесін талқылап, тиісті тапсырмалар берді.
Айту керек, қазірдің өзінде қылмыстық істердің жүргізілуінің 60 % электронды форматқа көшкен. Жыл соңына дейін меже тағы да ұлғаймақ. 
Кездесу соңында аймақ басшысы Полиция департаментінің алдына нақты міндеттер қойды.

Қызылорда облысының әкімі Полиция департаментінің бастығын қабылдады

<a href="https://kyzylorda-news.kz/">Kyzylorda-news.kz.</a> Бүгін Праймериз өткізу жөніндегі Орталық ұйымдастыру комитетінің отырысында «Nur Otan» партиясына жаңа мүшелер қабылдауды биылғы 11 қыркүйектен 4 қазанға дейінгі аралықта, яғни дауыс беру аяқталғанға дейін тоқтата тұру туралы шешім қабылданды.
Бұл туралы «Nur Otan» партиясы Төрағасының бірінші орынбасары Бауыржан Байбек Фейсбуктегі парақшасында&nbsp;<a href="https://www.facebook.com/baibekbk/posts/195394198614686">хабарлады.</a>
<blockquote>
 «Соңғы кезде бізге жекелеген азаматтардан «өз» кандидаттарына дауыс бергізу мақсатында партияға мәжбүрлеп кіргізу туралы «арыздар» түсуде. Бұған мүлдем жол беруге болмайды деп есептеймін. Мұндай әрбір фактіні түрлі деңгейдегі партиялық бақылау комиссиясы жан-жақты қарайтын болады.
 Жарғымызға сәйкес партияға мүше болу еліміздің әрбір азаматының ерікті және өзіндік таңдауы болып табылатынын тағы да атап өткім келеді. Сонымен, 1 тамыздан бері «Nur Otan»-ға 25 мыңдай жаңа белсенді азамат мүшелікке өтті. Соңғы жылдары «партияластар қатарын тазарту» аясында «Nur Otan»-нан 256 мың адам шығарылған болатын. Бүгінде партиямыз қатарында барлығы 835 мың қазақстандық бар» деп жазды Бауыржан Байбек.
</blockquote>
Сондай-ақ, ол дауыс беру кезінде онлайн-дауыс берудің айқындығын қамтамасыз ету үшін қандай тәсіл қолданылатынын атап өтті.
<blockquote>
 «Өздеріңізге мәлім, праймеризде онлайн-дауыс берудің айқындығын қамтамасыз ету үшін біз арнайы растау (верификация) жүйесін пайдаланып отырмыз (тұлғаны интернет-банкинг үлгісі бойынша анықтау). Жүйенің принципі: «Бір дауыс, бір ЖСН, бір мобильді нөмір және бір IP-адрес». Егер осы деректердің бірі сәйкес келмесе, онда адам «праймериз» ақпараттық жүйесіне тіркеле алмайды, яғни дауыс бере алмайды. Мұның барлығы түрлі айла-шарғыға, бұрмалаушылықтарға, сондай-ақ ықтимал жаппай дауыс беруге жол бермеу мақсатында істеліп отыр», – деді ол.
</blockquote>
Сөз соңында Партия Төрағасының бірінші орынбасары барлық тәртіп бұзу фактілері бойынша 8 (800) 080 4441 (қоңырау соғу тегін) жедел желісіне не komek@nurotan.kz электронды почтасына хабарлауға болатынын айтты.

«Nur Otan» партиясына жаңа мүшелер қабылдау 4 қазанға дейін тоқтатылады

<a href="https://kyzylorda-news.kz/date/2020/09/10/">Kyzylorda-news.kz.</a> Жарты жылдың қорытындысы бойынша Әлеуметтік медициналық сақтандыру қоры МӘМС пакетіндегі медициналық көмекті төлеуге 4,2 млрд теңгеден астам қаржы жіберді. Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов мәлімдеді.
Қор филиалының басшысы төлем халыққа көрсетілген медициналық қызметтердің сапасы мен көлеміне мониторинг жүргізілгеннен кейін ғана жүзеге асырылатындығын атап өтті. Клиникалық хаттамаларды және емдеуге қажетті талаптарды сақтай отырып, факті бойынша көрсетілген және құжатпен расталған қызметтер ғана төленеді.
Бақыт Исмаханбетовтың айтуынша, жарты жылдықтағы шығындардың басым бөлігі стационарлық медициналық көмек төлемі – 927,9 млн теңге. 6 ай ішінде жоспарлы түрде еліміздің стационарларында 7,2 мыңнан астам адам емделді.
Көрсетілген консультациялық-диагностикалық көмек үшін шамамен 1,5 млрд теңге төленді. Атап айтқанда, диагностикалық қызметтер арасында КТ және МРТ қызметтері&nbsp; азаматтар үшін өзекті. Жарты жыл ішінде пациенттерге КТ және МРТ 7,9 мың қызмет көрсетілді: 34,7 млн. теңге сомасына 3,5 мың компьютерлік томография қызметі, 70,7 млн. теңге сомасына 4,3 мың МРТ қызметі.
Сонымен қатар, қаңтар мен маусым аралығында 102,1 мың-нан астам стоматология, 39,2 мыңға жуық рентген және 24,8 мыңнан астам УДЗ-диагностика қызметтері көрсетілді, олардың жалпы құны 494,8 млн теңгеден асады. Олардың барлығы МӘМС пакетінде медициналық сақтандыру қаражаты есебінен көрсетілді, пациенттерге медициналық көмек үшін Қор ақы төледі.
Одан бөлек, құны 478 млн теңгені құрайтын 2 611 қызылордалық медициналық оңалтудан өтті. Жарты жылда тағы 38 мыңнан астам азамат 147 млн теңге сомасына жоғары технологиялық медициналық қызмет алды.
<blockquote>
 «Естеріңізге сала кетейік, бірінші жартыжылдықта барлық қазақстандықтар МӘМС жүйесінде шартты түрде сақтандырылған және медициналық қызметтерді кепілді көмек аясында, сондай-ақ МӘМС аясында пайдалана алатын. Екінші тоқсанда карантин аясында жоспарлы түрде медициналық көмек көрсетуге шектеу қойылды. 1 тамыздан бастап еліміздің клиникаларында жоспарлы медициналық көмек қайта басталды, сондықтан екінші жартыжылдықта МӘМС жүйесінде көрсетілген медициналық қызметтер бойынша көрсеткіштердің өсуі күтілуде», – деп атап өтті ӘМСҚ филиалының директоры.
</blockquote>
2020 жылға Әлеуметтік медициналық сақтандыру қорының филиалымен 55 медициналық қызмет көрсетушілермен келісім – шарт жасалды, оның ішінде 28 (50,9%) – мемлекеттік, 27 (49,1%) – жеке меншік.

МӘМС қызылордалықтарға 4 млрд.теңгеден астам қаражат бөлді

<a href="http://kyzylorda-news.kz">Kyzylorda-news.kz.</a> «Атамекен» Ұлттық кәсіпкерлер палатасы қызметінің басты бағыты – кәсіпкерлердің құқықтары мен заңды мүддесін&nbsp; қорғау.
Палата құрылған сәттен, яғни 7 жылда кәсіпкерлерден 6 мыңнан аса арыздар келіп түскен, оның ішінде бизнесті қорғау бағытында түскен өтініштер саны – 1877.
<blockquote>
 «Орташа есеппен Палата сарапшылары түскен өтініштердің&nbsp; 42 пайызында оң шешімге қол жеткізіп, 50-ден астам лауазымды тұлға жауапкершілікке тартылды. Сонымен қатар, 7 жылда Палатамен өтініштерді қарау барысында кәсіпкерлердің 5 млрд. 928 млн. теңгеден аса қаражаты сақталып қалды. Оның ішінде қаржының 69 пайызы орта кәсіпкерлік субъектілерінікі болса, 31 пайызы шағын бизнестікі», – дейді Палата директорының орынбасары Салават Құлмахан айтты.
</blockquote>
Салават Аязбайұлының айтуынша, аталған сомма күші жойылған айыппұлдар, өсімпұлдардан, мемлекет тарапынан қайтарылған қаражат есебінен, сақталып қалған бизнес мүлкінің құнынан және т.б.қаржыдан құралып отыр екен.
Өтініштердің құрылымына жасалған талдау, кәсіпкерлерден келіп түскен өтініштердің басым бөлігі сатып алулар, жер, сәулет, құрылыс салаларындағы жергілікті атқарушы органдардың әрекетіне келетінін көрсетіп отыр.
<blockquote>
 «Палата жұмысының соңғы үш-төрт жылын&nbsp; бөліп алып қарайтын болсақ, кәсіпкерлердің құқықтары мен заңды мүдделерін шектеген немесе бұзғаны үшін жауапкершілікке тартылған лауазымды тұлғалар санының арту көрінісін байқауға болады», – дейді Салават Құлмахан.
</blockquote>
Мәселен, 2015 жылы кәсіпкерлердің жұмыс жасауына кедергі жасаған тек 5 мемлекеттік қызметкер тәртіптік жауапкершілікке тартылса, 2018 жылдың қорытындысымен19 қызметкер, 2019 жылы 15 мемлекеттік қызметкер, ағымдағы жылы 6-уы тәртіптік жауапкершілікке тартылыпты.
Лауазымды тұлғалар кәсіпкерлік қызметтерге тексеру жүргізу, мемлекеттік сатып алу және&nbsp; рұқсат беру рәсімдері барысында кәсіпкерлерге қатысты заңсыз әрекеттерге барып, олардың құқықтарын шектеген.
Одан бөлек, кәсіпкерге қатысты азаматтық істі сот тәртібімен қарау барысында мемлекеттік сатып алу барысында заң бұзушылықтарға жол бергені үшін сотпен&nbsp; 8 мемлекеттік органдарға қатысты жеке ұйғарым шығарылған.
Палата жанында тұрақты жұмысшы орган –&nbsp; Кәсіпкерлердің құқықтарын қорғау және сыбайлас жемқорлыққа қарсы іс-қимыл жөніндегі кеңес жұмыс жасайды.
Кеңес отырыстарында 82 жүйелі мәселелер қаралып, оның 68 оң шешімін тапты. Нәтижесінде&nbsp; 600 аса кәсіпкердің құқықтары мен заңды мүдделері қалпына келтіріліп,17 лауазымды тұлға жауапкершілікке тартылды.
<img src="https://kyzylorda-news.kz/wp-content/uploads/2020/09/salavat-kwlmahan-scaled.jpg" alt="" />

Қызылорда: Палата 7 жылда кәсіпкерлердің 5 млрд.928 млн.теңгесін сақтап қалған

<a href="https://kyzylorda-news.kz/date/2020/09/10/">Kyzylorda-news.kz.</a> Бүгін аймақ басшысы Гүлшара Әбдіқалықова жаңадан сайланған өңірлік кәсіпкерлер кеңесінің мүшелерімен кездесіп, кәсіпкерлік саласындағы ортақ мәселелерді талқылады. 
Жиында облыс әкімі өңірлік кәсіпкерлер кеңесі кәсіпкерлік саласындағы негізгі мәселелерді шешіп, бизнес идеяларды қолдау бағытында жаңаша жұмыс жүргізетінін атап өтіп, жаңадан сайланған кеңес мүшелерін бірлесіп жұмыс істеуге шақырды.
<blockquote>
 “Өңірлік кәсіпкерлер кеңесінің үшінші сайлауында 8000-нан аса сайлаушы-кәсіпкерлер Сіздерге дауыс беріп, таңдау жасады. Электоралды кампания кезінде Сіздер өздеріңіздің жоғары кәсіби деңгейлеріңізді көрсету арқылы жеңіске жеттіңіздер. Бүгінгі күні кәсіпкерлік саласын дамыту бағытында облыс әкімдігі өңірлік кәсіпкерлер палатасымен тығыз байланыста жұмыс жасауда. Сол себептен сіздермен бүгінгі кездесуді ұйымдастырып отырмын”,-деді Г.Әбдіқалықова.
</blockquote>
<img src="https://kyzylorda-news.kz/wp-content/uploads/2020/09/2c445a563bc3bd9f7e5252f0dd80f6d8_original.150881.jpg" alt="" />
Кездесуде облыс әкімі бизнес қауымдастық өкілдерінің өзекті мәселелерінің шешілуіне және кәсіпкерлерге қолдау көрсету бағытында тұрақты көмектің бар екенін атап өтті. Сонымен бірге шағын және орта бизнес иелерінің жобалары қолдау табатынын атап өтті. 
<blockquote>
 «Қызылорда» өңірлік инвестициялық орталығы ауылдық елді-мекен кәсіпкерлерінің жобаларын жеңілдікпен несиелендіруде үлкен сұранысқа ие микроқаржы ұйымы болып отыр. Оның қызметі қолданыстағы заңнамаларға сәйкес 2020 жылдың 31 қазанына дейін шектелген болатын. Дегенмен, біз Орталық қызметін 2025 жылдың 31 желтоқсанына дейін ұзарттық. Жобаны қаржыландыру үшін әртүрлі қаржы көздерінен 1,2 млрд. теңге қаржы тартылды. Осыған орай Қызылорда облысының 2023 жылға дейінгі экономикалық даму жоспарын жасадық,-деді облыс әкімі.
</blockquote>
Кеңес мүшелерімен кездесуде аймақ басшысы карантин уақытында бизнес субъектілерінің 75 пайызы жұмысын уақытша тоқтағанын ескере келе, орта және кәсіп иелеріне тұрақты қолдау болғанын атап өтті.
Айта кету керек, төтенше кезең уақытында өңірде 51 мыңнан аса шағын және орта бизнес субъектісіне салықтық жеңілдіктер берілді, 8 мыңға жуық кәсіпкердің несие төлемдері кейінге шегеріліп, сауда нысандары 700,0 млн. теңгеге жалға алу төлемдерінен босатылды. Мұнан бөлек, «Бизнестің жол картасы 2025» бағдарламасын іске асыруға бөлінген қаржы 1,7 млрд. теңгеден 2,9 млрд. теңгеге дейін ұлғайтылды.
Карантиннен кейін кәсіпкерлер бизнесін әртараптандыруға көшті. Аймақта тоқтап тұрған тойханалардың қызметін өндіріске бағыттау жұмыстары да жүргізілуде. Бүгінгі күннің өзінде 9 тойхана өз қызметін басқа салаға ауыстыруға дайын.
Басқосуда кеңес мүшесі, «K-GroupLTD ЖШС директоры Қайрат Боранбаев пен кәсіпкер Айткүл Әбдіқадырова сөз алып, кәсіпкерлікке бағытталған гранттар мен өндіріс орындарын ашу мәселесін сөз етті. Сондай-ақ, кәсіпкер Манарбек Еспенбетов құрылыс саласының мамандарын даярлауда жас мамандарды тәжірибе алаңына тарту мәселесін көтерді.
Өз кезегінде аймақ басшысы жаңа өндіріс нысандарын ашу арқылы бағыттас шағын өндірістерін құрып, тұрақты жұмыс көздерін тауып, кәсіпкерлерді оқыту мәселелеріне жете мән беру қажеттігін қаперге салды.
Кездесуде облыс әкімі осы кезге дейін өңірлік кеңес төрағасы қызметін атқарған, пандемия кезеңінде халық қажеттілігіне орай қызмет көрсеткен кәсіпкер Дінмұхамед Абизовқа «Халық алғысы» медалін табыстады.
Жиын соңында Гүлшара Әбдіқалықова биылғы жылы 26 млрд. теңгені құрайтын 108 жобаны іске асыру арқылы өңірде 2000-ға жуық жаңа жұмыс орны құрылып, кәсіпкерлерге қолайлы жағдай жасалатынын атап өтіп, кездесуді қорытындылады.
<img src="https://kyzylorda-news.kz/wp-content/uploads/2020/09/119137738_2716826885087030_4708743839756218010_o.jpg" alt="" />
<img src="https://kyzylorda-news.kz/wp-content/uploads/2020/09/119169261_2716828115086907_527249797609538090_o.jpg" alt="" />
<img src="https://kyzylorda-news.kz/wp-content/uploads/2020/09/119123597_2716828241753561_3600039278335576993_o.jpg" alt="" />

Гүлшара Әбдіқалықова өңірлік кәсіпкерлер кеңесінің мүшелерімен кездесті

<a href="https://kyzylorda-news.kz/date/2020/09/10/">Kyzylorda-news.kz.</a> Бүгін аймақ басшысы Гүлшара Әбдіқалықованың төрағалығымен облыстағы іске қосылатын нысандар туралы мәжіліс өтті. Мәжілісте облыс әкімінің орынбасары Серік Сүлейменов, облыстық мемлекеттік сәулет-құрылыс бақылау басқармасының басшысы Марсбек Молдабаев және облыстық құрылыс, сәулет және қалақұрылысы басқармасы басшысының міндетін атқарушы Арнұр Нұрмағанбетов атқарылған жұмыстар туралы баяндады.
Ағымдағы жылдың 8 айында мемлекеттік бюджет және жеке инвестициялар есебінен салынатын 322 нысанда құрылыс-монтаждау жұмыстары басталған. Оның 165 бюджет қаражаты есебінен, 157 жеке қаражат есебінен салынуда.
Нысандарда құрылыс жұмыстарының сапасына бақылау күшейтіліп, жеке және заңды тұлғалардың өтініштері бойынша жалпы 53 жоспардан тыс тексерулер ұйымдастырылып, анықталған ақаулар мен кемшіліктерді жою жөнінде 11 нұсқама берілді. Анықталған бұзушылықтар бойынша 33 нысанға қатысты әкімшілік шара көрілді. 
Сонымен бірге, жыл басынан бері заңнама талаптарын бұзған тұлғаларға қатысты 33 әкімшілік іс қозғалып, 9 млн. 280 мың тенге айыппұл салынды.
Айта кетейік, шағын және микрокәсіпкерлік субъектілерін тексеруге мораторий енгізілуіне байланысты өткен жылдың 8 айымен салыстырғанда ағымдағы жылы жалпы жүргізілген тексерулер саны 41-ге %, қозғалған әкімшілік істер 59 % азайған.
Мемлекет тапсырысы бойынша салынып жатқан құрылыс нысандары туралы барлық ақпаратқа халықтың қолжетімділігін, ашықтығын қамтамасыз ету, құрылыстың сапасына қатысты тұрғындармен кері байланыс орнату жолымен орын алған бұзушылықтарды дер кезінде жоюға жағдай жасау мақсатында Halyq Monitoring» сайты жұмыс жасауда.
Бұған қоса, техникалық қадағалау сарапшыларының айлық есептерін электронды форматқа көшіру мақсатында «Цифрлы Қазақстан» бағдарламасының «Smart city» тұжырымдамасы аясында “TexStroi-Smart” жобасы әзірленді.
Бұл жобаны іске қосу нәтижесінде “TexStroi-Smart” электронды платформасына 100-ден астам техникалық қадағалау сарапшылары тіркеліп, оларға ай сайынғы есептерін электронды платформа арқылы тапсыруларына жағдай жасалды.
Жалпы барлық нысандар құрылысына мемлекеттік бюджет есебінен 9,7 млрд.теңге қаржы бөлінді, 10 қыркүйектегі жағдай бойынша жоспарланған 4,1 млрд.теңге қаржы толықтай игеріліп, жоспар 100%-ға орындалды.
Бүгінгі күні 30 әлеуметтік нысанның құрылысы жүргізілуде. Оның ішінде 22 әлеуметтік нысан жыл соңына дейін, 8 нысан келесі жылы пайдалануға беріледі деп жоспарлануда.
Биылғы жылдың 7 айының қорытындысымен 2 нысан пайдалануға беріліп, құжаттандыру жұмыстары жүргізілуде.
«Нұрлы жер» мемлекеттік бағдарламасы аясында тұрғын үй құрылысы мен инженерлік-коммуникациялық инфрақұрылым желілерін дамытуға мемлекеттік бюджет есебінен барлығы 15,6 млрд.теңге қаржы бөлінді, оның ішінде республикалық бюджеттен – 9,6 млрд.теңге, облыстық бюджеттен – 6,0 млрд.теңге бағытталып отыр.
Ағымдағы жылы облыста сатып алу құқығынсыз жалға берілетін тұрғын үйлердің құрылысын жүргізуге қаржы бөлініп, 815 пәтерлі 20 тұрғын үйдің құрылысы жүргізілуде. Оның ішінде, Қызылорда қаласында 725 пәтерлі 15 тұрғын үй, Шиелі ауданында 90 пәтерлі 5 үй. 
Жыл аяғына дейін 698 пәтерлі 15 тұрғын үй пайдалануға берілетін болады.
Кредиттік тұрғын үйлер бойынша барлығы 215 пәтерді құрайтын 57 тұрғын үйдің құрылысы жүргізілуде. Оның ішінде, Қызылорда қаласында 100 пәтерлі 2 көпқабатты тұрғын үй 2021 жылға өтпелі және төрт ауданда 115 пәтерлі 55 бірқабатты тұрғын үйлер биылғы жылы пайдалануға берілетін болады.
Жеке коммерциялық құрылыс салушылар есебінен 376 пәтерлі 10 тұрғын үйдің құрылысы жүргізілуде, жыл аяғына дейін 156 пәтерлі 4 тұрғын үйді пайдалануға беру жоспарлануда.
Жиын соңында облыс әкімі Гүлшара Әбдіқалықова құрылыс жұмыстарын сапалы жүргізуді, бақылау жұмыстарын күшейтуді және мерзімінде аяқтауды тапсырды.
<img src="https://kyzylorda-news.kz/wp-content/uploads/2020/09/119117527_2716822151754170_2312577541907158950_o.jpg" alt="" />

Қызылорда облысында құрылыс жұмыстары қарқынды жүргізілуде

&nbsp;<a href="https://kyzylorda-news.kz/">Kyzylorda-news.kz.</a> «Қарасора» жедел профилактикалық іс-шарасы кезінде Жаңақорған ауданы Келінтөбе ауылынан екі есірткі алқабы анықталды.
<blockquote>
 «Жедел тергеу тобымен оқиға орнында «Қара ой» деп аталатын құмды далада 20 соттық жерден, арнайы дайындалған егістік алқаптан ерекше исі бар жасыл түсті 5032 (бес мың отыз екі) түп шөп анықталып, алынды. Күдікті ретінде оқиға басында үш азамат ұсталды, олардың біреуі Алматы қаласының тұрғыны, екеуі Қызылорда облысының тұрғындары болып шықты», – делінген полиция департаментінің хабарламасында.
</blockquote>
Қазіргі таңда күдіктілер Жаңақорған АПб-нің уақытша ұстау абақтысына қамалған. Бұл дерек бойынша Қазақстан Республикасының Қылмыстық кодексінің 300-бабының 2-бөлігінің 3-тармағымен сотқа дейінгі тергеп-тексеру амалдары жүргізілуде.
<img src="https://kyzylorda-news.kz/wp-content/uploads/2020/09/dsc_1249-scaled.jpg" alt="" />

Қызылордада ірі мөлшерде екі есірткі алқабы анықталды

<a href="https://kyzylorda-news.kz/">Kyzylorda-news.kz.</a> Қызылорда облысында «Батыс Еуропа – Батыс Қытай» автокөлік дәлізінің бойында инвестицияның жалпы сомасы 6 млрд. 361 млн. теңгені құрайтын 30 нысан жұмыс істеп тұр. Онда 737 адам тұрақты жұмыспен қамтылған.
Қолданыстағы 30 нысанның 23-і «Google maps» және «Yandex карта» жүйесіне енгізілген. Айта кету қажет, іске қосылған жобалардың барлығы жоба бастамашыларының қаражаты есебінен жүзеге асырылған. Жыл соңына дейін тағы 2 нысанды іске қосу жоспарлануда.
Бағдарлама аясындағы туристендіру картасына облыстан 3 туристік нысан енгізілді: «Қамыстыбас» демалыс аймағы, «Жаңақорған» шипажайы, «Байқоңыр» ойын-сауық туристік аймағы. Айта кету керек, «Байқоңыр» ойын-сауық туристік аймағын құру туристендіру картасының ТОП-10 басым нысандар тізіміне, ал «Қамыстыбас» демалыс аймағы мен «Жаңақорған» шипажайы ТОП-50 нысандар тізіміне енгізілді. Қазіргі таңда, «Байқоңыр» ойын-сауық туристік аймағын құру жобасы бойынша біршама жүйелі жұмыстар жүргізілуде.
Жоба толығымен жүзеге асқан жағдайда жылына 250 – 500 мың аралығында туристерді тартатын болады деп күтілуде.

Қызылордада туризмді дамытуға арналған жаңа жобалар іске қосылады

<a href="https://kyzylorda-news.kz/date/2020/09/08/">Kyzylorda-news.kz.</a> Биыл Қызылорда облысында аса қауіпті 14 түрлі жұқпалы ауруларға қарсы шараларға 729,5 млн теңге бөлінген.
Облыстық ветеринария басқармасының басшысы Ерсұлтан Апетовтің айтуынша аталған шараларды атқару үшін қосымша 255,1 млн. қаржы қаралған. Сонымен қатар 6 түрлі энзоотиялық ауруларға қарсы ветеринариялық препараттар сатып алуға 215,8 млн. теңге бөлініп, алдын ала егу жұмыстары жүргізілуде.
<blockquote>
 «Облыс көлемінде ауыл шаруашылығы жануарлары арасында ауру ошақтарын болдырмау, алдын алу, эпизоотиялық тұрақтылықты сақтау мақсатында аса қауіпті 14 түрлі жұқпалы ауруларға республикалық бюджет есебінен қаралған 5544,3 мың доза ветеринариялық препараттың 5524,6 мың дозасы немесе 99,6% уақытылы тасымалданып жеткізілді. Жыл басынан бастап бүгінгі күнге дейін барлығы 15033 бас қаңғыбас иттер мен мысықтар ауланды»- деді Ерсұлтан Амантайұлы
</blockquote>
Өңірдегі жануарларды бірдейлендіру дерекқор базасына 356,6 мың бас мүйізді ірі қара, 806,4 мың бас уақ мал, 53,9 мың бас түйе, 155,9 мың бас жылқы, 2 мың бас шошқа, 801 бас тақтұяқтылар тіркелген.
Сондай-ақ бүгінде 57,2-і мың бас мүйізді ірі қара , 245,3 мың бас уақ мал, 16,5 мың бас жылқы, 8,1 мың бас түйе, 962 бас шошқа, 32 бас тақтұяқтылар бірдейлендіріліп, дерекқор жүйесіне енгізілді.
Қазіргі таңа 83 типтік жобадағы мал қорымдары пайдаланылуда. Осы жылы облыс әкімінің іс-қимыл жоспарында көзделген типтік жобадағы 7 мал қорымының (Арал ауданында 5-еу, Жалағаш ауанында 2-і ) құрылыс жұмыстары жасалынуда.
<img src="https://kyzylorda-news.kz/wp-content/uploads/2020/09/118936816_1109166416145536_2538051391612842866_o.jpg" alt="" />

Қызылорда облысында  типтік жобадағы 7 мал қорымы салынады

<a href="https://kyzylorda-news.kz/">Kyzylorda-news.kz.</a> ҚР Парламенті Сенатының депутаты &nbsp;Ақмарал Әлназарова мен ҚР Денсаулық сақтау вице-министрі Гиният Ажар жұмыс сапарымен Қызылорда облысына келді.
Жұмыс сапарын Жалағаш ауданынан бастаған меймандар аудандағы аурухана құрылысымен және аудандық емхананың&nbsp;күзгі дайындығымен танысты.
Аудандық аурухананың бас дәрігері Баян Бурамбаева Жалағаш аудандық ауруханасының эпидемияға қарсы іс-шаралардың іске асырылу барысы туралы баяндады. 
Жалағашта коронавирус инфекциясына қарсы күреске барлығы 182 қызметкер, оның ішінде 24 дәрігер, 138 орта буынды қызметкер, 20 кіші аяжан жұмылдырылды. 8 мобильді топ құрылып, мобильді топпен орындалған шақыртулар саны 960 болды.
Айта кету керек, наурыз-шілде айында медицина қызметкерлеріне 65 млн теңге көлемінде үстемақы төленді. Қазіргі таңда ауданда 4 өкпені жасанды желдету аппараты, 28 оттегі концентраторы бар. Бір айта кетерлігі ауданға қарасты барлық емханадағы шақыртулар саны 90 пайызға төмендеген.
<img src="https://kyzylorda-news.kz/wp-content/uploads/2020/09/119034004_1038090199976391_2083795375072038341_n.jpg" alt="" />
<img src="https://kyzylorda-news.kz/wp-content/uploads/2020/09/119039943_1038090289976382_7119236767404039703_n.jpg" alt="" />

Сенат депутаты Жалағаш ауданына барды

<a href="https://kyzylorda-news.kz/">Kyzylorda-news.kz.</a> Қазақстан Республикасы Экология, геология және табиғи ресурстар министрлігінің 2020 жылғы 7 қыркүйектегі №456 бұйрығына сәйкес, Нұрымбетов Сейілбек Серғазыұлы Қазақстан Республикасы Экология, геология және табиғи ресурстар министрлігі Су ресурстары комитетінің Су ресурстарын пайдалануды реттеу және қорғау жөніндегі Арал-Сырдария бассейіндік инспекциясының басшысы лауазымына тағайындалды.
Сейілбек Нұрымбетов 1983&nbsp;жылы Қызылорда облысы, Жалағаш ауданында туған. 
2006 жылы Қорқыт ата атындағы Қызылорда мемлекеттік университетін “Инженер-гидротехник” мамандығы және Қарағанды экономикалық университетін «Экономика және бизнес» мамандығы бойынша бітірген.
2018 жылы ҚР Президентінің Халықаралық «Болашақ» стипендиясы арқылы Ресей Федерациясы, Мәскеу қаласында «К.А.Тимирязев атындағы Мәскеу ауыл шаруашылығы академиясын» «Магистр» дәрежесінде үздік бітіріп шыққан.
Еңбек жолын 2006 жылы Қызылорда облысының ауыл шаруашылығында басқармасында жетекші маман ретінде бастаған. 
2010-2011 жылдары ҚР Ауыл шаруашылығы министрлігінің Су ресурстары комитетіне қарасты «Қызылорда су шаруашылығы» кәсіпорынында су пайдалану бөлімінің инженері қызметін атқарды. 
2011-2018 жылдар ішінде Қызылорда облысының ауыл шаруашылығы басқармасында жетекші маман, бас маман, бөлім басшысы қызметтерін және 2018-2020 жылдары Қызылорда облысының ауыл шаруашылығы басқармасы басшысының орынбасары болып қызмет атқарды.
2020 жылдың сәуір айынан бастап, осы кезге дейін Қызылорда облысының ауыл шаруашылығы басқармасы басшысы қызметін атқарып келді.
<img src="https://kyzylorda-news.kz/wp-content/uploads/2020/09/118990049_2708994055870313_7389133253655587842_n.jpg" alt="" />

Арал-Сырдария бассейндік инспекциясының басшысы тағайындалды

<a href="https://kyzylorda-news.kz/">Kyzylorda-news.kz.</a> Қызылорда облысы Полиция департаментінің қызметкерлерімен «Қарасора-2020» жедел профилактикалық іс шарасы барысында Қармақшы ауданы Төребай би ауылынан 50 шақырымдай жерде&nbsp; 404&nbsp; түп&nbsp; сора өсімдігін еккені анықталды.
Жедел тергеу тобының іздестіру шараларының барысында күдікті ретінде&nbsp; Қызылорда қаласының&nbsp; 58 және 29 жастағы тұрғындары&nbsp; ұсталды.
Оқиға орнын тексеру барысында 404 түп салмағы&nbsp; 70 келіге жуық &nbsp;жасыл түсті өзіне тән ерекше иісі бар өсімдіктерді еккендігі анықталды.
Қазіргі таңда күдіктілер Қармақшы АПб-нің уақытша ұстау абақтысына қамалған.&nbsp;
Бұл дерек бойынша Қазақстан Республикасының Қылмыстық кодексінің 300-бабының 2-бөлігінің 3-тармағымен сотқа дейінгі тергеп-тексеру амалдары жүргізілуде.
<img src="https://kyzylorda-news.kz/wp-content/uploads/2020/09/whatsapp-image-2020-09-05-at-09.17.56-1.jpeg" alt="" />
<img src="https://kyzylorda-news.kz/wp-content/uploads/2020/09/whatsapp-image-2020-09-05-at-09.17.56.jpeg" alt="" />

Қазақстан және Қызылорда облысының жаңалықтары: Басты жаңалықтар old