<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова облыстың барлық ауданы мен Қызылорда қаласының шаруа қауымы ұсынған дәстүрлі ауылшаруашылық жәрмеңкесіне барды. Жәрмеңке жыл сайын қала күні мерекесіне орай облыс орталығында ұйымдастырылуда.
Биылғы жәрмеңкеге Қызылорда қаласы мен аудандардың тауарөндірушілері 265,6 млн. теңге құрайтын 414 көлікпен жалпы 1&nbsp;555тонна тауарларын ұсынуда. Оның ішінде түрлі көкөніс, жеміс, күріш, ет, балық және сүт өнімдері бар. Ауылшаруашылығы өнімдері қала әкімдігінің белгілеген орындарында сатылуда.
Облыс әкімі қала және аудан әкімдеріне ауылшаруашылығы өнімдерінің бағасын негізсіз көтеру жағдайларын бақылауға алуды және санитарлық талаптардың сақталуын қадағалауды тапсырды.
<blockquote>
 «Шаруалар, диқандар ерте көктемнен бастап еңбек етіп, бүгін өнімдерін ұсынуда. Ауылшаруашылығы жәрмеңкесі тұрғындар асыға күтетін үлкен мереке. Негізсіз баға көтеру жағдайларыорын алмау керек. Санитарлық талаптар қатаң сақталсын», – деді облыс әкімі Гүлшара Әбдіқалықова.
</blockquote>
Айта кету керек, облыс орталығында жәрмеңке 1 желтоқсанға дейін ұйымдастырылатын болады. Әр сенбі күні екі аудан өз өнімдерін қала тұрғындарына ұсынады деп жоспарлануда.
Жалпы ағымдағы жылы Қызылорда облысы аграрлық саласы айтарлықтай жетістіктерге қол жеткізді.
Егіс көлемі 1,1 мың гектарға артып, 184,2 мың гектарды құрады. Барлық дәнді дақылдар 99,9 мың гектар, майлы дақылдар 5,7 мың гектар, мал азықтық дақылдар 61,0 мың гектар, картоп, көкөніс, басқа 17,6 мың гектарды құраса, негізгі дақыл күріштің көлемі 89,5 мың гектарды құрады.
Сыр елінің ауыл шаруашылығы өнімдері қазіргі таңда әлемнің 17 мемлекетіне экспортталуда. Экспортталған өнімнің 92,4 пайызы облыстың негізгі дақылы – күріш өнімі Ресей, Қырғызстан, Белоруссия, Әзірбайжан, Моңғолия, Тәжікстан, Украина, Түркменстан және Ирак мемлекеттеріне шығарылуда.
<img src="https://kyzylorda-news.kz/wp-content/uploads/2020/09/e5e61f0e-d033-4a12-b4c9-41d7efb0ec45.jpg" alt="" />
<img src="https://kyzylorda-news.kz/wp-content/uploads/2020/09/2c72d9ee-ea1b-491b-9dad-5adabeb0af8b.jpg" alt="" />
<img src="https://kyzylorda-news.kz/wp-content/uploads/2020/09/c379f130-ff06-4f05-8ba3-661a5ef7fb57.jpg" alt="" />
<img src="https://kyzylorda-news.kz/wp-content/uploads/2020/09/f57b1d80-af6f-4d28-9147-3a6b21f35556.jpg" alt="" />

Қызылордада ауылшаруашылық өнімдерінің жәрмеңкесі өтті

Облыстағы мәдениет ұйымдарында өнердің түрлі жанрлары бойынша 854 үйірме жұмыс істейді. 10 мыңнан аса өнерпаз қамтылған. Үйірмелердің 340-ы балаларға, 376-ы жасөспірімдер мен жастарға, 138-і егде жастағыларға арналған. Барлық аудандар мен Қызылорда қаласында жыр-терме, қобыз үйірмесі ашылып, 300-ден аса балалар дәріс алуда. 
-Жастардың музей жұмысына, бейнелеу өнеріне қызығушылығын арттыру бағытында «Жас өлкетанушы», «Мирас» экскурсоводтар клубы және С.Айтбаев атындағы көркемсурет галереясында ИЗО-студия жұмыс істеуде. Оған 70-ке жуық оқушылар мен студенттер тартылған. Бүгінгі таңда барлық үйірме жұмыстары бекітілген кестеге сәйкес онлайн түрде жүргізілуде. Үйірме мүшелеріне түрлі бағыттағы шеберлік сағаттары өткізіліп, олардың шығармашылық тұрғыдан білім алуына кең қолдау көрсетілуде, – деді облыстық мәдениет, архивтер және құжаттама басқармасының басшысы Мира Абуова. 
Ә.Тәжібаев атындағы облыстық әмбебап-ғылыми кітапханасында «Креатив-территория» атты жоба аясында АРТ-студия ашылды. Студияға келуші 100-ден аса жас таланттар бейнелеу өнері, домбыра, фортепиано және би үйірмелеріне қатысуда. Мұнда ағылшын, корей тілдерін үйрететін үйірме бар. Ал жұмыссыз жастар және әлеуметтік жағынан аз қамтылған азаматтар «Шаңырақ» интеллект-орталығында компьютерлік сауаттылығын арттыруда. 
Басқармаға қарасты мәдениет үйлерінің ұйымдастырып жатқан шараларын Youtube желісіндегі «Сыр шаңырағы» каналынан көруге болады.

Қызылорда: Барлық ауданда жыр-терме, қобыз үйірмесі ашылады

<a href="https://kyzylorda-news.kz/">Kyzylorda-news.kz.</a> Облыс тұрғындарына биылғы жылу маусымына 163,6 мың тонна көмір отыны қажет. Қазіргі таңда оның 80,4 мың тоннасы өңірге келді.
Бұл туралы Өңірлік коммуникациялар қызметінің ақпарат алаңында өткен брифингте Облыстық энергетика және тұрғын үй-коммуналдық шаруашылық басқармасы басшысының орынбасары Ерлан Жаңабаев мәлімдеді.
Аймақта көмір отынын сақтап, өткізетін 30 көмір жинақтау қоймасы бар. Оның бесеуі қалада, қалғандары аудандарда. Ал 1185 әлеуметтік нысанына 39,5 мың тонна қатты және 26 мың тонна сұйық отын қажет. Арнайы кесте жасалып, барлығы бақылауға алынған. Қала және аудан тұрғындары үшін көмір бағасының өсуіне жол бермеу мақсатында көмір өндіретін кәсіпорындармен тікелей келісім-шарт жасау бойынша жұмыстар атқарылуда.

Қызылордаға қажетті көмірдің тең жартысы жеткізілді

<a href="https://kyzylorda-news.kz/">Kyzylorda-news.kz.</a> Баршаға белгілі, еліміздің бірнеше облысында құс тұмауы тіркеліп, аудандары карантинге жабылып жатыр. Сыр өңірінде бұл індет тіркелген жоқ.
Облыста 124,8 мың бас үй, 702,6 мың бас жабайы құс бар. Аймақта 17 мың қос қанаттыға арналған 1 құс фермасы, 3 құс өсіретін шаруашылық жұмыс істейді. Қызылорда қаласы мен аудандардағы ветеринариялық ұйымдар тарапынан үй құстарын асырайтын жеке және заңды тұлғалармен кездесулер өткізіліп, аурудың алдын&nbsp;алу шаралары түсіндірілуде.
<blockquote>
 «Өздеріңіз білесіздер жыл құстары болады. Мезгілге қарай ұшып келеді, кетеді. Әсіресе, өзен, көл сулы аймақта орналасқан елді мекендерде жабайы құстардан сақтану шараларын түсіндірудеміз. Оларды үй құстарымен байланыста болдырмау қажет. Барынша сыртқа ұшырмай, жем беріп өз аулаларында ұстау маңызды. Бізде эпизоотиялық ошақ пайда болған жоқ. Егер пайда болған жағдайда өтемақысы республикалық бюджеттен төленеді. Бірақ сараптама қорытындысы негізінде», – деді облыстық ветеринария басқармасының басшысы Ерсұлтан Апетов.
</blockquote>
Қазіргі таңда облыс көлемінде үй және жабайы құстар арасында жаппай қырылу жағдайлары тіркелген жоқ, эпизоотиялық ахуал тұрақты. Бұл жұмыстар басқарманың қатаң бақылауында болады.

Қызылордада құс тұмауы тіркелген жоқ

Kyzylorda-news.kz. Бүгін облыс әкімі Гүлшара Әбдіқалықова мемлекет және қоғам қайраткері, экономика ғылымдарының докторы, профессор, Қазақстан Республикасы Ұлттық ғылым акдемиясының корреспондент мүшесі Досмамбетов Бақберген Сәрсенұлын мерейлі 75 жасқа толуымен құттықтап, Қазақстан Республикасы Президенті Қасым-Жомарт Кемелұлы Тоқаевтың құттықтау хатын табыстады.
<blockquote>
 «Сізді Сыр жұртшылығы&nbsp;атынан мерейтойыңызбен шын жүректен құттықтаймын! Сыр өңірінің білім саласын дамытуда еңбегіңіз зор. Халықаралық заңдарды, конвенцияларды ратификациялауда белсенділік танытып, саяси-экономикалық реформаларды, Қазақстан азаматтарының әл-ауқатын нығайтып, дамытуға бағытталған мемлекеттік саясатты сәтті жүзеге асыра білдіңіз. Сіздердің тәжірибелеріңіз, ақыл-кеңестеріңіз қазіргі жастар үшін аса қымбат», – деді облыс әкімі Гүлшара Әбдіқалықова.
</blockquote>
Сонымен қатар, кездесуде облыстық мәслихат хатшысы Қылышбай Бисенов, Республикалық «Тіл сақшысы» газетінің Бас редакторы Сәдуақас Аңсат мерейтой иесін құттықтап, лебіздерін жеткізді. 
Бақберген Досмамбетов еңбек жолын темір жол саласында қатардағы жұмысшыдан бастап, кейін сол кездегі Н.В. Гоголь атындағы Қызылорда педагогикалық институтының комсомол комитетінің хатшысы, оқытушысы, аға оқытушысы, кафедра меңгерушісі, проректоры, ректоры қызметтерін абыроймен атқарып, Сыр өңірінің білім саласының дамуына үлесін қосты. Тәуелсіздіктің алғашқы жылдары Қызылорда қаласының әкімі болып тағайындалып, ауқымды ірі жобаларды жүзеге асырды.
1999-2011 жылдары Қазақстан Республикасы Парламенті Сенатының екі шақырылымында да депутат болып сайланып, қаржы және бюджет комитетінің хатшысы қызметін атқарды.
Мемлекет және қоғам қайраткері 2 ғылым докторы және 10-ға жуық ғылым кандидаттарын тәрбиелеп шығарған ұстаз-ғалым. «Құрмет», «Парасат» ордендерімен және де түрлі дәрежедегі медальдармен марапатталған.
Бақберген Досмамбетов қаламыздағы «Болашақ» университетінің негізін қалап, Сыр өңірінің жастарына үздіксіз кәсіби білім беруді ұйымдастырып келеді.
Кездесу соңында мерейтой иесі көрсетілген құрметке алғысын жеткізді.

Облыс әкімі мемлекет және қоғам қайраткері Бақберген Досмамбетовты мерейтойымен құттықтады

<a href="https://kyzylorda-news.kz/date/2020/09/21/">Kyzylorda-news.kz.</a> Биыл су тасқынына қарсы іс-шараларды ұйымдастыру үшін 993,5 млн. теңге бөлінді. Оның 350 миллион теңгесі республикалық, 643,5 миллион теңгесі облыстық бюджеттен қаралған.
<blockquote>
 «Бұл қаржыға жалпы ұзындығы 70,1 шақырымды құрайтын 10 қауіпті учаскені жөндеу мен арнаны қазу жұмыстарын жүргізу жоспарланған. Қазіргі таңда 4 учаскеде тиісті жұмыстар аяқталды. Қалғандарында жұмыс жалғасуда», – деді облыстық жұмылдыру дайындығы басқарма басшысының міндетін атқарушы Талғат Исмағұлов.
</blockquote>
Жалпы бөлінген қаржыға дарияның осал жерлеріндегі қорғаныс бөгеттері нығайтылады, қыстың күні мұз жару жұмыстары жүргізіледі. Қап сатып алынып, тікұшақпен қамтамасыз етіледі.

Қызылордада су тасқынының алдын алуға 993,5 млн. теңге бөлінді

<a href="https://kyzylorda-news.kz/">Kyzylorda-news.kz.</a> Нұр-Сұлтан қаласындағы Қызылорда облысының ауыл шаруашылық өнімдерінің жәрмеңкесі екі күн бойы жалғасады. Жәрмеңкеге Қызылорда қаласы мен 7 ауданының 70-тен аса шаруашылық пен кәсіпорындары 30 автокөлікпен 360 тоннаға жуық жоғары сапалы өнімдерін ұсынуда.
Сырбойылықтар жәрмеңкеге 146 тонна ақталған күріш, 27 тонна балық және балық өнімдері, 28 тонна асқабақ, 126,5 тонна бақша, 18 тонна көкөніс пен жеміс және 14,5 тонна басқа өнім түрлерін әкелген.
Тез бұзылатын сүт өнімдері секілді тауарлар рефрижератор көлігімен жеткізіліпті. Сатушыларға арнайы униформа беріліп, карантин талаптары толық сақталған. Барлығы дезинфекциялық құралдармен қамтылған.
Атап өту керек, ағымдағы жылы Қызылорда облысы аграрлық салада айтарлықтай жетістіктерге қол жеткізді.
Мәселен, егіс көлемі – 1,1 мың гектарға артып, 184,2 мың гектарды құрады. Барлық дәндi дақылдар 99,9 мың гектар, майлы дақылдар 5,7 мың гектар, мал азықтық дақылдар 61,0 мың гектар, картоп, көкөнiс, бақша 17,6 мың гектарды құраса, негізгі дақыл күрiштің көлемі 89,5 мың гектарды құрады.
Жалпы егіс көлемі 2014 жылмен салыстырғанда 25 мың гектарға артса, әртараптандыру бағытында соңғы алты жылда мал азықтық дақылдар 8,0 мың гектарға, майлы дақылдар 6,9 мың гектарға, ал күріштен басқа дәнді дақылдар көлемі 3,7 мың гектарға ұлғайып отыр.
Сонымен қатар, бүгінгі күнге облыста 227 мың тонна картоп, көкөніс, бақша және 19,7 мың тонна ет, 48,5 мың тонна сүт өндіріліп отыр.
Сыр елінің ауыл шаруашылығы өнімдері қазіргі таңда әлемнің 17 мемлекетіне экспортталуда. Экспортталған өнімнің 92,4 пайызы облыстың негізгі дақылы – күріш өнімі болып, Ресей, Қырғызстан, Беларусия, Әзірбайжан, Моңғол мемлекеті, Тәжікстан, Украина, Түркмения және Ирак мемлекеттеріне шығарылуда.
Нұрсұлтан МЫҚТЫБАЙ
Суреттерді түсірген Ермұрат НАЗАРҰЛЫ
<ul>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.38.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.37.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.35.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.31-2.jpeg" alt="" /></li>
</ul>

Жәрмеңке: Қызылордалықтар елорда тұрғындарына 360 тоннаға жуық өнім ұсынуда

<a href="https://kyzylorda-news.kz/">Kyzylorda-news.kz.</a> Бүгін Нұр-Сұлтан қаласында Сыр өңірінің ауыл шаруашылық өнімдерінің жәрмеңкесі басталды.
Аталған жәрмеңке бас қаладағы «Хан Шатыр» сауда ойын-сауық орталығының жанында, Тұран даңғылы мен Д.Қонаев көшесінің қиылысындағы бірыңғай конструкциямен жабылған алаңда өткізілуде.
Сыр елінің елордаға тартуы екі күн бойы жалғасады. Жәрмеңкеге Қызылорда қаласы мен 7 ауданының 70-тен аса шаруашылық пен кәсіпорындары 30 автокөлікпен 360 тоннаға жуық жоғары сапалы өнімдерін ұсынуда.
Нұрсұлтан МЫҚТЫБАЙ
Суреттерді түсірген Ермұрат НАЗАРҰЛЫ
<ul>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.36-2.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.38-1.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.34.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.32.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.35-1.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.37-1.jpeg" alt="" /></li>
</ul>

Елордада Қызылорда облысының ауыл шаруашылық өнімдерінің жәрмеңкесі өтіп жатыр (ФОТО)

<a href="https://kyzylorda-news.kz/date/2020/09/15/">Kyzylorda-news.kz</a>. Бүгін облыс әкімі Гүлшара Әбдіқалықова күзгі егін жинау жұмыстарының жүргізілу барысы бойынша орынбасары Бақыт Жахановтың есебін тыңдады. Жиынға жаңадан тағайындалған ауыл шаруашылығы басқармасының басшысы Шахмардан Қойшыбаев қатысты.
Кездесу барысында облыс әкіміне Бақыт Жаханов аймақта нақты егілген егіс көлемі мен жағдайы, әртараптандыру бағытында атқарылған жұмыстар мен ерте егілген ауыл шаруашылығы дақылдарын жинау бағытында атқарылған жұмыстарға тоқталды. Сондай-ақ, күзгі егін жинау жұмыстарына қатысатын ауыл шаруашылығы техникаларының дайындығы мен жанар-жағар маймен қамтамасыз етілуі туралы баяндады.
Биыл барлығы 184,2 мың гектар жерге ауыл шаруашылығы дақылдары егілді. Негізгі дақыл – күрiштің көлемі 89,5 мың гектарды құрады. Ал, &nbsp;ауыл шаруашылығы дақылдары өткен жылмен салыстырғанда 1,1 мың гектарға артық егіліп отыр.
Аймақта егісті әртараптандыру бағытында алғаш рет перспективалы дақылдар, қант құмайы 70 гектарға, соя 240 гектарға, жүгері дақылы 1&nbsp;667 гектарға дейін жеткізіліп, ылғал сақтағыш аквагельдерді пайдалану арқылы 80 гектар богарлы жерлерге күздік бидай дақылы егілді.
Аймақ басшысы Бақыт Жақановқа егін жинау науқаны барысында көкөніс өнімдерінің көлеміне орай облыс халқы үшін ауыл шаруашылығы жәрмеңкесін ұйымдастырып, тұрғындарға қолжетімді бағада ұсынуды тапсырды. Сонымен бірге Нұр-сұлтан қаласында өтетін Қызылорда облысының ауыл шаруашылығы күндерін ұйымдастырып, елорда тұрғындарына Сыр елінің өнімдерін жеткізуді тапсырды.
Сондай-ақ, кездесуде облыс әкімі ауыл шаруашылығы басқармасының басшысы Шахмардан Қойшыбаевқа егіс науқаны кезінде өнімді ысырап етпей, жинап алуды және техникалардың дайындығында айтарлықтай проблема туындамауын бақылауға алу қажет деп тапсырма берді.
Айта кетейік, өңірде егін жинау және күзгі дала жұмыстарын жүргізуге 12,5 мың тонна арзандатылған дизель отыны бөлінді. Бүгінде белгіленген операторлар арқылы шілде және тамыз айларына қаралған 5,2 мың тонна дизель отынының 5,1 мың тоннасы облысқа жеткізіліп, әр литрі 165 теңгеден шаруашылықтарға жеткізіліп берілуде.
Отырыста Бақыт Жақанов &nbsp;&nbsp; шаруашылық құрылымдарының қолында бар техникалардың әлеуеті егін жинау жұмыстарын мерзімінде аяқтауға толық мүмкіндік беретінін атап өтіп, күрішке орақ салу жұмыстарының барысын тарқатты.
Бүгінгі күні 27,5 мың гектар күрішке орақ салынып, оның 19 мың гектары бастырылды. Әр гектарынан орташа 49,4 центнерден өнім алынуда.
Жиын соңында облыс әкімі Гүлшара Әбдіқалықова орынбасары Бақыт Жақановқа және сала басшысына егін жинау жұмыстарын 15 қазаннан кешіктірмей толық аяқтауды тапсырды.

Гүлшара Әбдіқалықова егін жинау жұмыстарын 15 қазанға дейін аяқтауды тапсырды

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебінің оқушылары Әбілқайыр Ерғалиев пен Жангерей Зинелов қант диабетімен ауыратын балалардың өмір сапасын жақсарту үшін өңірде арнайы мектептер құруды ұсынады. Дарындылардың бұл идеясы Қызылорда облыстық Қазақстан халқы Ассамблеясы ұйымдастырған Dostyk.kz әлеуметтік жобалар байқауында жоғары бағаланып, бірінші орынды иеленді.
Қызылордалық өрендер қант диабеті мектебін ашуды былтырдан бері жоспарлап келеді. Аурудың негізгі себептерін және оларды шешу жолдарын зерттеген олар бұл дертке шалдыққандардың өмір сүру сапасын жақсарту үшін ақпараттық материалдардың жеткіліксіз екенін байқаған екен.
<blockquote>
 “Өкінішке орай қазіргі таңда аймақта эндокринолог мамандары тапшы, науқастардың сауаттылығы да төмен болуы үлкен мәселе. Қант диабеті мектебінде балалар ауру салдарын алдын алу үшін денсаулықтарына бақылау жүргізуді, дұрыс тамақтануды үйренеді және кәсіби кеңестер ала алады”, – деп түсіндірді Әбілқайыр.
</blockquote>
Диабет мектебінің ерекшелігі – мұнда келушілер теориялық білім алып қана қоймай, практикалық дағдыларын да арттыра алады. Жоба авторлары диабетпен ауырғандарға арнайы дәрі-дәрмектер жинақталған медициналық сөмкелерді әзірледі. Сондай-ақ оқушылар аурудың алғашқы белгілері, себептері мен салдары, өздері жүргізген зерттеулері нәтижесінде инсулин дозасын есептеу және дерт түріне сәйкес тұтынуға рұқсат етілген қант мөлшері жайында ақпараттық брошюралар жасап шығарған.
<blockquote>
 “Бұл біздің аймақ үшін ноу-хау. Дертке шалдыққан жасөспірімдерге кездесетін қиындықтарды жеңуге көмектесеміз. Біздің басты мақсатымыз – қант диабеті жарқын әрі қызықты өмір сүру үшін кедергі емес екенін түсіндіру. Егер жергілікті билік тарапынан қаржыландыру мен қолдау тапсақ, біз өз жобамызды жүзеге асыруға дайынбыз”, – дейді Жангерей.
</blockquote>
Балалар бұл жобаны жастар саясатын дамытуға бағытталған облыстық әлеуметтік идеялар байқауында алғаш рет таныстырды. Қазылар алқасы өзектілігі мен маңыздылығын бағалап, бірінші орынға лайықты деп таныды. Аталмыш хакатонға Қызылорда қаласындағы Назарбаев Зияткерлік мектебінен барлығы 6 команда қатысып, тақырыптық жұмыстарын ұсынды.
<img src="https://kyzylorda-news.kz/wp-content/uploads/2020/09/119475278_2626678700995381_8777967242621459679_n.jpg" alt="" />

Қызылордалық оқушылар балаларға арналған арнайы мектеп ашуды ұсынды

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова «Қазпошта» АҚ Басқарма Төрағасы Қанат Алпысбаев пен «Қазпошта» АҚ Қызылорда облыстық филиалының директора Аида Абибуллаеваны қабылдады.
Кездесуде аймақ басшысына осы салада жүргізіліп жатқан жұмыстар туралы баяндалды.
Сондай-ақ, облыс әкіміне “Қазпошта” АҚ аудандық бөлімшелерінің кірістілігін арттыру және ауылдық жерлерде қызмет көрсетуге қолдау көрсету бойынша ұсыныстар айтылды. Атап айтқанда, заңды тұлғалар арасында көрсетілетін қызметтерді көпшілікке тарату үшін аудандарда “Қазпошта” АҚ жергілікті атқарушы органдарын қолдау, бюджет саласы қызметкерлерінің жалақы жобаларына аудару, жазылу компаниясы кезінде мерзімді баспа басылымдарын танымал етуге қолдау көрсету, сондай-ақ жергілікті жерлерде балабақшалар мен мектептерді және “Қазпошта”АҚ қызмет көрсетуге зейнетақы мен жәрдемақы алушыларды ауыстыру.
Облыс әкімі жаңа технологиялар негізінде халыққа көрсетілетін қызметтерді жылдам әрі сапалы жүргізу керектігін айтты. Сондай-ақ “Қазпошта” АҚ бөлімшелерінде цифрландыруды дамыту қажет екенін атап өтті. Аймақ басшысы әлеумететтік төлемдер мен зейнетақы берілетін уақытта адамдар арасында әлеуметтік қашықтық пен маскалық режим қатаң сақталу керектігін баса айтты.
Айта кетейік, 2019 жылдың 19 қарашасында «Қазпошта» АҚ Қызылорда облыстық филиалы мен облыс әкімдігі арасында Қызылорда қаласында Қазақстан азаматының әлеуметтік картасын енгізу бойынша ынтымақтастық туралы Меморандумға және Жол картасына қол қойылған. Нәтижесінде, қазіргі уақытта облыс мектептерінің мұғалімдері оқушылардың ата-аналарынан құжаттарды жинау жұмыстарын жүргізуде. Қаланың бес мектебі үшін 5439 әлеуметтік карта шығарылды.
Бүгінгі күні Қызылорда облысының елді мекендері 168 пошта байланысының өндірістік объектілеріне және франчайзингтік модель бойынша 37 бөлімшеге қызмет көрсетеді, оның ішінде 7 пошта байланысының аудандық торабы, 8 орталық–операциялық учаске, 101 ауылдық пошта байланысы бөлімшесі, 21 қалалық, 6 тіркелген елді мекендері бар 3 жылжымалы пошта байланысы бөлімшесі, 20 пошта байланысы пункті, 15 төлем қабылдау пункті және 12 сәлемдеме супермаркеті.
Сонымен қатар, клиенттерге ыңғайлы болу үшін ұйым жанында POS Mobile қосымшасы жұмыс істейді. Қызмет цифрлық технологиялар нарығында алғашқылардың бірі болып табылады. Қосымшаның артықшылығы смартфон арқылы төлем қабылдаудың ыңғайлылығы мен жылдамдығы және кез келген картамен төлем жасау мүмкіндігі болып табылады.
<img src="https://kyzylorda-news.kz/wp-content/uploads/2020/09/119574453_2729090960527289_8471839080355044385_o.jpg" alt="" />

Гүлшара Әбдіқалықова «Қазпошта» АҚ Басқарма Төрағасын қабылдады

<a href="https://kyzylorda-news.kz/date/2020/09/11/">Kyzylorda-news.kz.</a> 15 қыркүйек пен 15 қараша аралығында халықты медициналық-санитарлық көмек беретін ұйымдарға тіркеу басталды. Бұл туралы ҚР Денсаулық сақтау министрлігінің ресми өкілі Бағдат Қожахметов айтып берді, деп хабарлайды ҚазАқпарат.
<blockquote>
 «Қазақстанда 15 қыркүйектен бастап халықты медициналық-санитарлық көмек беретін ұйымдарға тіркеу басталды. Ол екі айға созылады. Емханалардың денсаулық сақтау жүйесіне енудің алтын қақпасы екенін білесіздер. Сондықтан, алдағы екі айда азаматтарымыз тұрғылықты жері бойынша емханаларды таңдай алады. Мейлінше, емхананы тұрғылықты жерге жақын маңнан таңдауға кеңес береміз. Неге десеңіз, емханаға тіркелген науқастарды медицина мамандары үнемі қадағалап, тіпті үйіне барып көмек көрсетуге ыңғайлы болады. Әсіресе, бұл тәжірибе қазіргідей пандемия жағдайында аса маңызды. Тіркеу науқанынан кейін азаматтар келесі жылдың 1 қаңтарынан бастап, Тегін медициналық көмектің кепілдендірілген көлемі аясында қызмет алады және ол үшін Медициналық әлеуметтік сақтандыру қоры медициналық ұйымдарға ақы төлейді. Биыл да бұл азаматтар тіркелген емханаларында қор есебінен емделе алады «, – деді Б. Қожахметов Орталық коммуникациялар қызметінде өткен брифингте.
</blockquote>

Қазақстан және Қызылорда облысының жаңалықтары: Басты жаңалықтар old