<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова ұстаздар күні мерекесіне арналған «Ұстазым – ұлағатты өнегем» атты арнайы жиынға қатысып, үздік ұстаздарды марапаттады.
Салтанатты шарада аймақ басшысы педагогтарға мемлекеттік қолдау шараларының қарқынды жүргізіліп жатқанын, ұстаздардың білім беру саласында табысты жетістіктерін атап өтіп, кәсіби мерекемен құттықтайды.
<blockquote>
 “Бұл мереке шын мәнінде барша халыққа ортақ. Өйткені, кез келген мамандық, кез келген лауазым иесі ұстаздан білім, тәрбие алады. Жаңа дәуір талабына сай озық тұрған мұғалім ғана шәкірт алдында беделі биік болары сөзсіз. Елімізде «Педагог мәртебесі туралы» Заң қабылданды, білім мен ғылымды дамытудың 2020-2025 жылдарға арналған бағдарламасы бекітілді. Нәтижесінде, биылдан бастап педагог және оларға теңестірілген қызметкерлердің еңбекақысы өсуде. Бұл – аймақ педагогтарына мемлекет тарапынан көрсетілген үлкен қолдау”,-деді облыс әкімі.
</blockquote>
2021 жылдың қаңтарынан мұғалімдердің еңбекақысын 25 пайызға көбейтіледі. Осы бағытта алдағы үш жылда 1,2 триллион теңге бөлінетін болады. Биылғы жылдың өзінде бұл мақсатта републикалық бюджеттен облысқа 27,4 млрд теңге қаржы бөлінді.
Облыс әкімі салтанатты жиында еңбегімен танылып, құрметке бөленген бірқатар ұстаздарды ең жоғары марапат – Ы.Алтынсарин атындағы төсбелгі мен «Білім беру ісінің құрметті қызметкері» төсбелгісін табыстады. Құрметке ие болғандар қатарында Қ.Мұхамеджанов атындағы №1 мектеп-гимназия мұғалімі Клара Есмағанбетова, Қазанғап атындағы Қызылорда музыкалық жоғары колледжінің оқытушысы Әсия Борақұлова мен Қазалы ауданы, №225 орта мектебінің мұғалімі Роза Сексенбаева бар.
Сондай-ақ, үлгілі ұстаздарды Құрмет грамотасымен марапаттады. Ал, білім беру саласына үлес қосқан 30 ұстазға ноутбук табыс етті. 
Шарада онлайн режимінде бейне конференц байланыс арқылы аудандардан үздік педагогтар қатысып, мерекелік лебіздерін білдірді.
Айта кетейік, биыл алғаш рет Сыр елінде тәуелсіздік күні қарсаңында білім саласына үлес қосқан педагогтарға ерекше төсбелгі табысталады. Сонымен бірге 10 ұстазға 300 айлық есептік көрсеткіш мөлшерінде, яғни әр ұстазға 833 мың теңге қаржылай сыйақы беріледі. Ұстаздарды қолдау шаралары қарқынды жүргізіледі.
<img src="https://kyzylorda-news.kz/wp-content/uploads/2020/10/120656281_2781468065289578_2412845531755190247_o.jpg" alt="" />
<img src="https://kyzylorda-news.kz/wp-content/uploads/2020/10/120554473_2781465798623138_7753111016983211464_o.jpg" alt="" />
<img src="https://kyzylorda-news.kz/wp-content/uploads/2020/10/120705409_2781463635290021_7510650112359207296_o.jpg" alt="" />

Қызылорда облысының әкімі кәсіби мерекеде үздік ұстаздарды марапаттады

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова «Атом саласы қызметкерлерінің күні» кәсіби мерекесіне байланысты сала үздіктерін марапаттады.
<blockquote>
 «Қазақстанның атом саласы экономиканың негізгі, стратегиялық маңызды және табысты салаларының бірі. Өңірімізде 4 уран өндіретін компания және 1 күкірт-қышқыл шығаратын зауыт жұмыс жасауда. Оларда 2 500-ден аса адам қызмет атқарады. Аймақтың индустриясын&nbsp;дамытуда, уран өндіруде сіздердің үлестеріңіз зор. Бүгінгі кәсіби мерекелеріңізбен құттықтаймын», – деді облыс әкімі Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2020/10/120616715_2781315491971502_7034486211842182913_o.jpg" alt="" />
Кездесуде «Семизбай-U» ЖШС-нің инженер-механигі Абдиманап Утеев, «РУ-6» ЖШС-нің электромонтері Владимир Голощапов, «Байкен-U» ЖШС-нің слесарь-электригі Анарбай Мырзатай және «Хорасан-U» ЖШС-нің операторы Бахыт Арысбек «Құрмет» грамотасымен марапатталды.
Кездесу соңында сала ардагері Қайратбек Жолдыбаев аймақ басшысына көрсетілген құрметке алғысын жеткізіп, әріптестерін кәсіби мерекемен құттықтады.
Еске салайық, 2008 жылы 28 қыркүйекте Елбасы Нұрсұлтан Әбішұлы Назарбаевтың Жарлығымен «Атом өнеркәсібі қызметкерлерінің күні» кәсіби мерекесі болып бекітілді.
Қазақстан уран өндіру көлемі бойынша әлемдік көшбасшы болса, өндірілген уранның барлық көлемінің 20% – дан астамы біздің өңірдің үлесінде.
Бұрын уран өндіруші компаниялар күкірт қышқылын шетелден сатып алатын болса, қазір «СКЗ-Ю» компаниясының зауыты жыл сайын 500 мың тонна күкірт қышқылын өндіруде.
<img src="https://kyzylorda-news.kz/wp-content/uploads/2020/10/120705239_2781314778638240_2272191776196713900_o.jpg" alt="" />
<img src="https://kyzylorda-news.kz/wp-content/uploads/2020/10/120705615_2781315688638149_6489799768503060226_o.jpg" alt="" />

Қызылордада атом саласының  қызметкерлері марапатталды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 65 адамда коронавирус індеті ПТР арқылы расталды.
Өткен тәулікте Шығыс Қазақстан мен Солтүстік Қазақстан облыстарында коронавирус жұқтырғандар саны көп. Түркістан, Маңғыстау облыстары мен Шымкентте вирус жұқтырғандар тіркелмеді.
Аймақтар бойынша:
<ul>
<li>Нұр-Сұлтан қаласы – 2</li>
<li>Алматы қаласы – 4</li>
<li>Ақмола облысы – 2</li>
<li>Ақтөбе облысы – 2</li>
<li>Алматы облысы – 5</li>
<li>Атырау облысы – 3</li>
<li>Шығыс Қазақстан облысы – 18</li>
<li>Жамбыл облысы – 2</li>
<li>Батыс Қазақстан облысы – 2</li>
<li>Қарағанды облысы – 6</li>
<li>Қостанай облысы – 2</li>
<li>Қызылорда облысы – 1</li>
<li>Павлодар облысы – 6</li>
<li>Солтүстік Қазақстан облысы – 10.</li>
</ul>
Жалпы ел бойынша ауырғандар саны 108 044.

Өткен тәулікте Қызылордада коронавирус тіркелді

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықованың төрағалығымен инвестор тарту және инвестициялық ахуалды жақсарту бойынша өңірлік Кеңес отырысы өтті.
<blockquote>
 «Үкімет пен әкімдер үшін инвестицияларды тарту, және қазақстандық тауарларды, қызметтерді экспортқа шығару негізгі басымдықтардың бірі болып табылады. Міндеттерді орындау үшін облыс көлемінде іске асырылатын инвестициялық жобалар маңызды рөл атқаруда. Сондықтан, жобаларды іске асыруда туындаған мәселелерді қарау, өңірдің инвестициялық ахуалын жақсарту үшін тиімді шешімдер қабылдау мақсатында тоқсан сайын Кеңес өткізіп тұрамыз. Бүгінгі кеңес отырысында 4 инвестициялық жобаны қарайтын боламыз», – деді облыс әкімі Гүлшара Әбдіқалықова.
</blockquote>
Кеңесте бірінші «Арал Сода» серіктестігінің «Кальциленген сода зауыты құрылысы» жобасы қаралды.
Облыстың әлеуметтік-экономикалық дамуына және инвестиция көрсеткішін жоғарылатуға ықпал жасайтын ірі жобамыздың бірі – кальциленген сода зауыты. Жоба іске қосылғанда импорталмастыруға өз ықпалын тигізеді.
«Кальциленген сода зауыты құрылысы» жобасы бойынша атқарылған жұмыстар туралы «Арал Сода» жауапкершілігі шектеулі серіктестігінің директоры Санжар Оспанкұлов баяндады. 
Зауаттың қуаттылығы жылына 300 мың тонна құрап, 1000-ға жуық адам жұмыспен қамтылады деп жоспарлануда. Инвестиция көлемі 93.5 млрд.теңге. Кальциленген сода зауытының құрылысына 100 гектар, қоймасына 501 гектар жер учаскесі бөлінген. Жоба республикалық индустрияландыру картасына 2016 жылы енгізілген және 2023 жылы пайдалануға беріледі деп жоспарлануда.
Облыс әкімі Гүлшара Әбдіқалықова облыстық индустриялық-инновациялық даму басқармасының басшысы Ринат Сұлтангереев пен «Арал Сода» ЖШС директоры Санжар Оспанқұловқа бірлесіп, ағымдағы жылдың соңына дейін зауыт құрылысын бастап, бөлінген қаржының мақсатты, сапалы әрі мерзімінде игерілуін қамтамасыз етуді тапсырды. 
Сонымен қатар, облыстық мемлекеттік сатып алу басқармасының басшысы Ғалым Едігеевке теміржол тұйығын, электрмен және газбен жабдықтау желілерін салу салу үшін мердігер компанияларды анықтауды жүктеді.
Ал, облыстық құрылыс, сәулет және қала құрылысы басқармасының басшысы Бердияр Примбетов пен Арал ауданының әкімдігі Мұхтар Оразбаевқа бірлесіп, жыл соңына дейін темір жол тұйығы құрылысының басталуын қамтамасыз ету жөнінде тапсырма берді. 
Кеңесте көтерілген екінші мәселе «Сыр Маржаны» серіктестігінің
«Мал сою пунктін жаңғырту және ет комбинатын салу» жобасы. Жоба туралы «Сыр маржаны» жауапкершілігі шектеулі серіктестігінің директоры Мнажаддин Өтеев баяндама жасады.
Комбинат жылына 5 мың. тонна өнім шығарап, 20 астам тұрғын жұмыспен қамтылады деп жоспарлануда. Жобаның құны 832,5 млн.теңгені құрайды. Мемлекеттік қолдау шаралары ретінде 15 га жер учаскесі бөлінді. 2019 жылдың мамыр айында ет комбинатының іргетасы қаланды. “Бизнестің жол картасы – 2020” бағдарламасы аясында 2019-2020 жылдары су құбыры желілерін жүргізуге бюджеттен 49,5 млн.теңге бөлінді және құрылыс аяқталды. Бұдан басқа, 13,8 млн теңге сомасына электр желілерін салуға бюджеттік өтінім берілді.
Аймақ басшысы облыстық ауыл шаруашылық басқармасы басшысы Шахмардан Қойшыбаевқа бөлінген қаржының мақсатты, сапалы әрі мерзімінде игерілуін қамтамасыз етуді және облыстық энергетика, тұрғын-үй және коммуналдық шаруашылығы басқармасының басшысы Руслан Нұрмағамбетовке заңдылықтарға сәйкес инфрақұрылымын дамыту мүмкіндігін қарастыруды жүктеді.
Үшінші және төртінші мәселелер «Қызылорда композиттік материал зауыты» серіктестігінің шыны талшық шығару және «Orda Tex» серіктестігінің малдың жүнін өңдеу жобалары бойынша қаралды. Атқарылған жұмыстар мен алдағы жоспарлар туралы баяндау үшін сөз аталған серіктестіктердің құрылтайшысы Қайрат Боранбаевқа берілді.
«Қызылорда композиттік материал зауыты» серіктестігінің шыны талшық шығару жобасының құны 519 млн. теңге. Зауыттың қуаттылығы жылына 3 мың. тонна құрап, 160 адам жұмыспен қамтылатын болады.
Ал, «Orda Tex» серіктестігінің малдың жүнін өңдеу жобасының құны 100 млн. теңге. Жоба “Байқоңыр” ӘКК-мен бірлесіп жүзеге асырылады және 20-ға жуық адам жұмыспен қамтылады деп күтілуде.
Қазіргі уақытта жоба басшысы өңірлік кәсіпкерлікті қолдау картасына енгізу үшін екі жобаның құжаттар пакетін дайындауда. 
Облыс әкімі Гүлшара Әбдіқалықова облыстық индустриялық-инновациялық даму басқармасы Ринат Сұлтангереевке мәселені жобалар бастамашысымен бірлесіп пысықтауды, ал, «Байқоңыр» әлеуметтік кәсіпкерлік корпорациясы» ұлттық компаниясы» акционерлік қоғамының басшысына Ерлан Нұрланбаевқа жоба бастамашысымен бірлесіп, шыны талшықты өндіретін «Қызылорда композиттік материалдар зауыты» жобасын қаржыландыру мәселесін пысықтауды тапсырды.
Мұнамен қоса, Арал ауданының әкімі Мұхтар Оразбаев пен Қазалы ауданының әкімі Мұрат Ергешбаевқа екі апталық мерзімде жыл сайын жинақталатын шикізат, яғни мал жүні көлемін анықтау жөнінде тапсырма берді.
<img src="https://kyzylorda-news.kz/wp-content/uploads/2020/10/120554249_2779087128861005_6520055074900885302_o.jpg" alt="" />
<img src="https://kyzylorda-news.kz/wp-content/uploads/2020/10/120552369_2779087982194253_3213876048124833844_o.jpg" alt="" />

Қызылордада инвестор тарту және инвестициялық ахуалды жақсарту бойынша өңірлік Кеңес отырысы

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова пандемия кезінде халық саулығы үшін алдыңғы шепте жүрген белсенді азаматтарға “Халық алғысы” медалін табыс етті.
Аймақ басшысы карантин уақытында халық игілігіне қызмет етіп, қайсарлық пен мейірімділіктің нағыз үлгісін көрсеткен азаматтарға ерекше алғыс білдіріп, олардың еңбектерін жоғары бағалады.
<blockquote>
 “Бұл медаль – халықтың ыстық ықыласы мен шын құрметіне ие болған азаматтарға тағайындалатын арнайы марапат. Індетпен күресте адам өмірінің сақшысы болған дәрігер, тәулік бойы қоғамдық тәртіптің сақталуын қадағалаған полицей, облыс орталығы мен ауыл-ауылды аралап, жұқпалы кесел ошағын залалсыздандыруға қатысқан әскерилер, қайырымдылық шараларын толассыз жүргізіп, ауруханаларды қажетті медициналық бұйымдар, құралдармен қамтамасыз еткен кәсіпкерлер, қаржысыз көмек қолын созған еріктілер, індет ошақтарынан жылдам ақпарат жүргізген журналистердің еңбегі ерен екенін айтуымыз керек”,-деді облыс әкімі.
</blockquote>
<img src="https://kyzylorda-news.kz/wp-content/uploads/2020/10/120700456_2778951085541276_256191329795189054_o.jpg" alt="" />
Қазақстан Республикасының Президенті Қасым-Жомарт Кемелұлы Тоқаевтың Жарлығына сәйкес, аймақта 107 денсаулық сақтау, кәсіпкерлік, мәдениет және спорт саласының қызметкерлері мен әскери қызметшілерге «Халық алғысы» медалі тағайындалды.
Бұған дейін 8 марапат иесі 2020 жылғы 23 маусымда Мемлекет басшысының қатысуымен өткен «Biz Birgemiz» онлайн-форумы аясында марапатталды. Ал, бүгін еңбегімен танылған 14 азаматқа “Халық алғысы” медалі табысталды. Қалған марапат иелерін облыс әкімінің орынбасарлары мен қала, аудан әкімдері марапаттайды.
Шарада өңір басшысы Гүлшара Әбдіқалықова адамзат баласына қиын сынақ әкелген “COVID-19” вирусымен күн-түн демей күрескен азаматтарды бейбіт күннің батырлары екенін айрықша атап өтіп, денсаулыққа жете мән беріп, сақтық шараларын сақтауға шақырды.
Айта кетейік, Президент Жарлығымен биыл «Халық алғысы» медалі бекітілді. Бұл медальмен білім беру, денсаулық сақтау, әлеуметтік қорғау салаларында жемісті жұмыс істейтін, пандемиямен күресте ерекше көзге түскен ел азаматтары наградталады.
<img src="https://kyzylorda-news.kz/wp-content/uploads/2020/10/120645668_2778952075541177_3412608010608073837_o.jpg" alt="" />
<img src="https://kyzylorda-news.kz/wp-content/uploads/2020/10/120702972_2778951752207876_8638204253442677438_o.jpg" alt="" />

Гүлшара Әбдіқалықова белсенді азаматтарға &#8220;Халық алғысы&#8221; медалін табыстады

<a href="https://kyzylorda-news.kz/date/2020/10/01/">Kyzylorda-news.kz.</a> Бүгін облыс әкімі Гүлшара Әбдіқалықова «Қазақстан Халық банкі» АҚ Басқарма Төрағасының орынбасары Дәурен Сартаевпен кездесті.
<blockquote>
 «Мемлекет басшысының Жолдауынан Үкімет пен әкімдер үшін туындайтын міндеттердің бірі – отандық және шетелдік инвестицияларды тарту болып табылатыны белгілі. Осыған байланысты, республика бойынша ЖӨӨ құрылымындағы инвестициялар үлесін 2024 жылға қарай 30% – ға дейін арттыру міндеті қойылды. Биыл бізге 230 млрд. теңге, келесі жылы 586 млрд. теңге инвестиция тарту қажет. Осы міндетті орындау мақсатында біз инвестицияның жаңа толқынын тарту бойынша жұмыс жүргізіп жатырмыз. Сондай-ақ, шағын және орта бизнесті белсенді дамыту міндеті тұр. Осыған байланысты сіздердің де қолдауларыңыз қажет», – деді облыс әкімі Гүлшара Әбдіқалықова.
</blockquote>
Кездесуде бірқатар мәселелер көтерілді. Атап айтқанда, бизнесті және стартап жобаларды қаржыландыру, кәсіпкерлердің өтінімдерін ұзақ мерзім қарау, жергілікті деңгейде бизнес үшін белгіленген кредит лимиттер және Мемлекет басшысының жеке тұлғалар мен ШОБ субъектілері үшін кредиттер бойынша мерзімін ұзартуды ұсыну жөніндегі тапсырмасын іске асыру мәселелері талқыланды.
Дәурен Сартаев өз кезегінде “Қазақстан Халық банкі” АҚ тарапынан өңірлік шағын және орта бизнесті қолдау бойынша барлық мүмкіндіктер қарастырылатынын атап өтті.
Айта кету керек, облыста 2023 жылға дейінгі Экономикалық даму жоспары қабылданды, онда экономиканың түрлі салаларында жалпы сомасы 271 млрд. теңгеге 265 жобаны іске асыру қарастырылған. Оның ішінде, ағымдағы жылы құны 26 млрд.теңге болатын 108 жобаны іске қосу жоспарланған. Қазіргі уақытта құны 4,7 млрд. теңге болатын 58 жоба пайдалануға берілді.
Сондай-ақ, ШОБ субъектілерін қаржылай қолдау мақсатында «Байқоңыр» ӘКК» АҚ-ның қызметі өңірдің барлық қаржы институттарын тарта отырып, жергілікті инвестициялық жобаларды іске асыруға толығымен қайта форматталды. Қоғам кәсіпкерлер үшін әріптес, инвестор бола алады. Екінші деңгейдегі банктер мен қаржы институттарының өкілдері үшін қоғам құны 17 млрд. теңге болатын 15 инвестициялық жобаны таныстырды, оның ішінде 7 млрд.теңге құрайтын 9 жоба қолдау тапты.
Сонымен қатар, ірі инвестициялық жобалардың жанында ілеспе өндірістерді құру бойынша жұмыстар жүргізілуде.
<img src="https://kyzylorda-news.kz/wp-content/uploads/2020/10/120574168_2778289608940757_2532963486968995695_o.jpg" alt="" />

Қызылорда облысының әкімі «Қазақстан Халық банкі» АҚ Басқарма Төрағасының орынбасарымен кездесті

<a href="https://kyzylorda-news.kz/">Kyzylorda-news.kz.</a> Естелік күн 1991 жылы БҰҰ Бас Ассамблеясының сессиясында жарияланды. Соңғы мәліметтер бойынша, елімізде 2 миллионнан астам зейнеткер тұрады. Олар Міндетті әлеуметтік медициналық сақтандыру жарналарын төлеуден босатылды, өйткені жеңілдік санатына кіреді. Олар үшін жарналар мен аударымдарды мемлекет төлейді.
Зейнетақы төлемдерін алушылардың жеңілдікті санаттары «ҚР зейнетақымен қамсыздандыру туралы» Заңның 10-бабында белгіленген, оларға келесі тұлғалар жатады:
<ul>
<li>1998 жылдың 1 қаңтарына дейін зейнетақы алатындар;</li>
<li>зейнеткерлік жасты кезең-кезеңмен арттыруды ескере отырып, 63 жасқа толған ерлер мен әйелдер;</li>
<li>әскери қызметшiлерге, арнаулы мемлекеттiк және құқық қорғау органдарының, мемлекеттік фельдшерлік қызметтің арнаулы атақтар, сыныптық шендер берiлген және біліктілік сыныптары белгіленген қызметкерлерiне, сондай-ақ арнаулы атақтар, сыныптық шендер алу және нысанды киiм киiп жүру құқықтары 2012 жылғы 1 қаңтардан бастап жойылған, еңбек сiңiрген жылдары үшiн зейнетақы төлемдерiн алуға құқығы бар адамдарға төленеді.</li>
</ul>
Жұмыс істейтін зейнеткерлерден, оның ішінде жеке кәсіпкерлерден МӘМС-ға жарналар төлемейтін атап өту маңызды.
Сондай-ақ емханаларға тіркелу науқанының осы кезеңінде зейнеткерлер бастапқы медициналық – санитариялық көмек көрсету ұйымына емханаға тікелей хабарласып, өтініш жазу арқылы тіркеле алады.
Егер медициналық ұйым сізге қызмет көрсетуден бас тартылса немесе олар сапасыз көрсетілсе, 1406 байланыс орталығына хабарласыңыз немесе бізге «Qoldau 24/7» мобильді қосымшасында жазыныс.
<img src="https://kyzylorda-news.kz/wp-content/uploads/2020/10/pensionery_lgotniki-kaz.jpg" alt="" />

Қарттар үшін МӘМС жарнасын мемлекет төлейді

<a href="https://kyzylorda-news.kz/">Kyzylorda-news.kz.</a> Қызылорда облысы бойынша Әлеуметтік медициналық сақтандыру қорының филиалы медициналық ұйымдарға пресс-тур ұйымдастырды. Облыстық денсаулық сақтау басқармасының басшылығымен бірге міндетті әлеуметтік медициналық сақтандыру жүйесінің іске асырылуымен танысты.
№6 емханада казіргі уақытта тіркеу науқаны белсенді жүріп жатыр. 15 қыркүйектен бастап мұнда 300-ден астам адам емхана таңдау құқығын пайдаланды. Жалпы, аталған емханаға 67,5 мыңға жуық тұрғын тіркелген.
<blockquote>
 &nbsp;«Біз КБИ аймағына көштік, сондықтан №6 емханаға орналасуды жөн көрдік. Электрондық үкімет веб-порталы арқылы тіркеу бөліміне жүгініп, ЭЦҚ-мен осы емханаға тіркеді. Мен өтініш жаздым, біздің балаларымызды тіркедім, олар әлі 18 жасқа толмаған. Жұмыс істеймін, МӘМС үшін аударымдар бар, мәртебем «сақтандырылған», дейді қала тұрғыны Марал Бердымағамбетова
</blockquote>
Сақтандырылу мәртебесіне қарамастан, барлық азаматтар тегін медициналық көмектің кепілдік берілген көлеміне құқығы бар.
<blockquote>
 &nbsp;«Осы жылдың 31 желтоқсанына дейін азаматтар бұрын бекітілген емханада қызмет көрсетуді жалғастырады. Жылдың аяғына дейін емхананы тұрғындар бірнеше жағдайда ауыстыра алады. Біріншіден, адамның тұрғылықты жері бір айдан астам уақытқа өзгерсе, екіншіден, емханада қайта ұйымдастыру болса және ол ӘМСҚ – дың қызмет жеткізушілері қатарынан шығып кетсе, тіркеуді ауыстыруға мүмкіндік бар. Бұдан басқа, еліміздің кез келген азаматтың жылына бір рет тұрғылықты жері аймағы бойынша емхананы ауыстыруға құқығы бар. Егер БМСК ұйымында тіркелген адамдар шамадан тыс көп болса, Денсаулық сақтау басқармасының бұйрығымен қызмет көрсету аймақтан тыс жерде тұратын азаматқа бұл емханаға тіркелуге бас тартылуы мүмкін. Қолданыстағы нормативтер бойынша жалпы практик дәрігердің учаскесінде 1700 пациенттен артық болмауы тиіс», – дейді № 6 емхананың бас дәрігері Жаннат Қожарипова.
</blockquote>
ТМККК шеңберінде шұғыл стационарлық көмек, учаскелік дәрігердің қабылдауы мен кеңесі, профилактикалық екпелер мен скринингтер, паллиативтік көмек, сондай-ақ созылмалы және әлеуметтік мәні бар аурулардың диагностикасы мен емі қолжетімді. Тек туберкулезбен ауыратын науқастарға ТМККК шеңберінде медициналық оңалту қарастырылған.
Жоспарлы ауруханаға жатқызу, бейімді мамандардың қабылдауы, қымбат тұратын тексерулерден өтуі және жоғары технологиялық ем алу үшін МӘМС жүйесінде сақтандырылуы қажет.
<blockquote>
 «ТМККК тыс қосымша қызметтер МӘМС пакетіне кіреді. Дәлірек айтқанда, сақтандырылған азаматтар үшін бейінді мамандардың қызметтері, диагностикалық тексерулер (КТ, МРТ, УДЗ), жоғары технологиялық медициналық қызметтер, зертханалық диагностика, күндізгі, тәулік бойы стационар қызметтері, медициналық оңалту және қалпына келтіру емі қолжетімді. Ең бастысы, сізге дәрігердің негізделген жолдамасы қажет. Сақтандырылғандар қатарында азаматтардың 15 жеңілдік санатындағы тұрғындар да бар», – дейді «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>
МӘМС шеңберінде барлық сақтандырылған азаматтарға кейінгі кезендегі оңалту қызметтері қолжетімді.
Жеке медициналық бизнес оңалту орталықтарының өсіп келе жатқан сұранысына жауап беруде. Солардың бірі «Q Med» клиникасы. Мұнда жыл басынан бері МӘМС аясында тәулік бойы және күндізгі стационарларда 214 адам қалпына келтіру емінен өтті.
<blockquote>
 «Мен зейнеткермін, операциядан кейін қалпына келтіру емі керек. Қажетті анализдерды тапсырып, ауруханаға жатқызу бюросының порталына енгізді, 3 күннен кейін емхана «Q med» клиникасына жіберді. Оңалту емды тегін қабылдадым. Физиотерапия, парафин, жаттығу терапиясы, массаж және тағы басқа. Клиника басшылығына және қызметкерлеріне кәсіби шеберлегі, сезімталдығы мен назар аударғаны үшін алғыс айтамын», – дейді Қармақшы ауданының тұрғыны Пернеш Өтепова.
</blockquote>
Облыста халықтың 80% – ға жуығы міндетті әлеуметтік медициналық сақтандыру жүйесінің қатысушылары болып табылады, 147 мыңнан астам адам сақтандырылмаған. Мамандар кеңес береді: медициналық көмекке қол жеткізбей қалмау үшін тұрғылықты жері бойынша емханада МӘМС жүйесінде тіркелу және сақтандырылу мәртебесін тексеру қажет. Өзінің cақтандыру мәртебесін Электрондық үкімет порталында, ӘМСҚ-дың сайтында, Telegram-дағы SaqtandyryBot арқылы және «Qoldau 24/7» мобильді қосымшасы арқылы білуге болады.
<blockquote>
 «Біздің пациенттеріміз жарақаттан, күрделі операциялардан, инфаркттан, инсульттан кейін тез аяққа тұрып қалған мысалдар аз емес. Бізге басқа аймақтардан да келеді. Егер бұрын жеке клиникадағы оңалту ем үшін пациенттер өз қалтасынан 350 мың теңгеге дейін төлеген болса, енді міндетті әлеуметтік медициналық сақтандыру жүйесінің арқасында бұл қызметтер барлық сақтандырылған азаматтар үшін тегін. Басты шарт-емхананың учаскелік дәрігерінің негізді жолдамасы», – дейді «Q Med» клиникасының директоры Раушан Базарбай.
</blockquote>
<img src="https://kyzylorda-news.kz/wp-content/uploads/2020/09/press-twr-scaled.jpg" alt="" />
<img src="https://kyzylorda-news.kz/wp-content/uploads/2020/09/press-twr-8-scaled.jpg" alt="" />
<img src="https://kyzylorda-news.kz/wp-content/uploads/2020/09/press-twr-4-scaled.jpg" alt="" />
<img src="https://kyzylorda-news.kz/wp-content/uploads/2020/09/press-twr--scaled.jpg" alt="" />

МӘМС Қызылорда облысында қалай жүзеге асырылып жатыр?

<a href="https://kyzylorda-news.kz/">Kyzylorda-news.kz.</a> «Охотзоопром» мекемесінің және Қызылорда облысы Полиция департаментінің қызметкерлері бірлескен жедел-іздестіру жұмыстарын жүргізу барысында қаскүнемдер құрықталды.
Қызылорда облысы Жалағаш ауданы аумағында күдік келтірген «Урал» мотоциклі тоқтатылды. Жедел-тергеу тобымен мотоцикл ішінен Қазақстан Республикасының Қызыл кітабына енгізілген қарақұйрық, аңшы мылтығы және пышақ алынды. &nbsp;&nbsp;&nbsp;
<blockquote>
 «Аталған дерек бойынша Қазақстан Республикасы Қылмыстық кодексінің 337-бабы 4-бөлігімен (жануарлардың сирек кездесетін және құрып кету қаупі төнген түрлеріне, сондай-ақ пайдалануға тыйым салынған жануарларға қатысты жасалған заңсыз аңшылық)&nbsp; сотқа дейінгі тергеп-тексеру амалдары жүргізілуде», – делінген полиция департаментінің хабарламасында.
</blockquote>

Қызылордада  «Қызыл кітапқа» енген қарақұйрықты атқандар  ұсталды

<a href="https://kyzylorda-news.kz/date/2020/09/29/">Kyzylorda-news.kz.</a> Қазақстан Республикасының Президенті жанындағы Кадр саясаты жөніндегі ұлттық комиссиясының келісі негізінде облыс әкімінің өкімімен Мақашов Сұлтан Ысқақұлы Қызылорда облысының жер қатынастары басқармасының басшысы лауазымына тағайындалды.
Сұлтан Мақашов 1961 жылы туған, Қазақ химия-технологиялық институтын «Инженер-құрылысшы» және Қызылорда экономика, экология және құқық Академиялық университетін «Заңгер» мамандықтары бойынша бітірген.
Еңбек жолын 1978 жылы Жаңақазалы коммуналдық кәсіпорындар комбинатының слесарі ретінде бастаған. 
1984 – 1994 жылдары №1604 жылжымалы механикаландырылған колоннада монтажник, № 86 жылжымалы механикаландырылған колоннада бригадир, шебер, аға прораб және 2 азаматтық құрылыс мекемесінің бас инженері, бөлім бастығы; 
1995 – 1996 жылдары Қазалы ауданы әкімінің аппараты ұйымдастыру-инспекторлық бөлімінің бас инспекторы, Қазалы ауданының бас сәулетшісі; 
1996 – 2012 жылдары «Қызылорда облысы бойынша жылжымайтын мүлік орталығы» РМҚК Қазалы филиалының директоры; 
2012 – 2019 жылдары Қазалы ауданы әкімінің орынбасары, Қармақшы ауданының әкімі; 
2019-2020 жылдары Жаңақорған ауданының әкімі болып қызмет атқарып келді.
<img src="https://kyzylorda-news.kz/wp-content/uploads/2020/09/120533246_2772944736141911_2827939607166553785_o.jpg" alt="" />

Қызылорда облыстық жер қатынастары басқармасының басшысы тағайындалды

<a href="https://kyzylorda-news.kz/">Kyzylorda-news.kz.</a> Соңғы үш жылда Арал теңізінің құрғаған ұлтанының 13300 гектар жеріне сексеуіл егілді. Жоба Қазақстанның биоалуандығын сақтау қорымен Оңтүстік Корея мемлекетінің қайтарымсыз қаржысы есебінен жүзеге асты.
Арал теңізінің құрғап қалған табанындағы орман мелиорациясы жұмыстары үшін арнайы питомниктерде сексеуіл көшеттері өсіріліп, дайындалады. Жоба аясында теңіз табанына үш жылда 5 миллион түп сексеуіл көшеті отырғызылды.
<blockquote>
 «Үш жылға жоспарланған&nbsp;жобаның негізгі мақсаты экологиялық жағдайды жақсарту. Өздеріңізге мәлім, Аралда кұм көшкіні көп болады. Сондықтан сексеуіл таңдалды. Оның бір тамыры 4 тоннаға жуық құмды ұстап тұруға қабілетті», – деді облыстық орман және жануарлар дүниесі аумақтық инспекциясының басшысы Ғалымжан Орақбаев.
</blockquote>
Жалпы, 1980 жылдан бастап бүгінгі күнге дейін Арал теңізінің құрғап қалған табанының 190 мың гектарына сексеуіл егілді.
<img src="https://kyzylorda-news.kz/wp-content/uploads/2020/09/aral-awdany.jpg" alt="" />

Арал ауданы: 13300 гектар жерге сексеуіл егілді

<a href="https://kyzylorda-news.kz/">Kyzylorda-news.kz.</a> Достық үйінің мәжіліс залында облыстық татар этномәдени бірлестігінің ұйымдастыруымен «Сабантой-2020» мерекесі өтті.
Шараға облыстық Ассамблея хатшылығының меңгерушісі Жағыпар Тажмаханов, «Қоғамдық келісім» КММ директорының м.а. Азамат Мукеев, облыстық этномәдени бірлестіктерінің жетекшілері мен белсенділері қатысты.
Достық үйінің фойесінде татар ұлттық тағамдарының, кітаптарының, фотосуреттері мен татар тұрмыстық заттар бұйымдарының көрмесі әзірленді.
ҚХА хатшылығының меңгерушісі Жағыпар Тажмаханов шараны ашып, барлық қатысушыларды мерекемен құттықтады.
LED-экранда гір көтеру жарыстары, армрестлинг және дәстүрлі татар күресі (татарча-кураш) бойынша онлайн форматындағы шаралары көрсетілді. Шараның қорытындысы бойынша сайыс жеңімпаздары арнайы дипломдармен және бағалы сый-сияпаттармен марапатталды.
Сабантой татарлардың ежелден келе жатқан егінмен байланысты мерекесі, биыл Қызылорда облысында 15-ші рет тойлануда.
<img src="https://kyzylorda-news.kz/wp-content/uploads/2020/09/120315307_2739830453002784_8260877492930254868_o.jpg" alt="" />
<img src="https://kyzylorda-news.kz/wp-content/uploads/2020/09/120316108_2739830533002776_8051807614993132538_o.jpg" alt="" />
<img src="https://kyzylorda-news.kz/wp-content/uploads/2020/09/120241781_2739830626336100_8933260476485972474_o.jpg" alt="" />

Қазақстан және Қызылорда облысының жаңалықтары: Басты жаңалықтар old

Қызылорда облысының әкімі кәсіби мерекеде үздік ұстаздарды марапаттады

Қызылордада атом саласының қызметкерлері марапатталды

Өткен тәулікте Қызылордада коронавирус тіркелді

Қызылордада инвестор тарту және инвестициялық ахуалды жақсарту бойынша өңірлік Кеңес отырысы

Гүлшара Әбдіқалықова белсенді азаматтарға “Халық алғысы” медалін табыстады

Қызылорда облысының әкімі «Қазақстан Халық банкі» АҚ Басқарма Төрағасының орынбасарымен кездесті

Қарттар үшін МӘМС жарнасын мемлекет төлейді

МӘМС Қызылорда облысында қалай жүзеге асырылып жатыр?

Қызылордада «Қызыл кітапқа» енген қарақұйрықты атқандар ұсталды

Қызылорда облыстық жер қатынастары басқармасының басшысы тағайындалды

Арал ауданы: 13300 гектар жерге сексеуіл егілді

Қызылордада «Сабантой-2020» мерекесі тойланды

Қазақстан және Қызылорда облысының жаңалықтары: Басты жаңалықтар old

Қызылорда облысының әкімі кәсіби мерекеде үздік ұстаздарды марапаттады

Қызылордада атом саласының қызметкерлері марапатталды

Өткен тәулікте Қызылордада коронавирус тіркелді

Қызылордада инвестор тарту және инвестициялық ахуалды жақсарту бойынша өңірлік Кеңес отырысы

Гүлшара Әбдіқалықова белсенді азаматтарға &#8220;Халық алғысы&#8221; медалін табыстады

Қызылорда облысының әкімі «Қазақстан Халық банкі» АҚ Басқарма Төрағасының орынбасарымен кездесті

Қарттар үшін МӘМС жарнасын мемлекет төлейді

МӘМС Қызылорда облысында қалай жүзеге асырылып жатыр?

Қызылордада «Қызыл кітапқа» енген қарақұйрықты атқандар ұсталды

Қызылорда облыстық жер қатынастары басқармасының басшысы тағайындалды

Арал ауданы: 13300 гектар жерге сексеуіл егілді

Қызылордада «Сабантой-2020» мерекесі тойланды

Гүлшара Әбдіқалықова белсенді азаматтарға “Халық алғысы” медалін табыстады