<a href="https://kyzylorda-news.kz/date/2020/10/15/">Kyzylorda-news.kz.</a> Қызылордалық кәсіпкер қауыннан чипсы жасап шығаруда. Ерекше бастаманы ауыл шаруашылық ғылымының кандидаты, Қорқыт ата атындағы Қызылорда университетінің ғалымы Самалбек Қосанов қолға алған. Бұл туралы қала әкімінің баспасөз қызметі хабарлады.
Өз кәсібін ашқан ғалым жаңа өнімді кептірілген бақша дақылынан дайындайды. Тәжірибе жүзінде чипсиды екі түрлі формада көпшілікке ұсынуда. Қауын чипсиларын дайындау үш кезеңнен тұрады. Алдымен піскен қауын мұқият тазаланып, жұқа тілімдерге кесіліп, үшінші кезеңінде дайын бөліктері 12 сағаттан аса уақыт кептіріледі. Бастысы өнім экологиялық тұрғыдан таза. Кәсіпкердің айтуынша ерекше дәмнен ауыз тиген жандар бұл өнімнің тұрақты тұтынушысына айналады.
Бұған дейін де бақша дақылдарына түрлі тәжірибе жасап жүрген ғалым нарықта кездеспейтін өнім шығару мен әртүрлі сорттарын егуді де қатар алып келеді. Ауыл шаруашылық саласымен кәсібін сабақтастырған кәсіпкер енді өз кәсібінің көкжиегін кеңейтуге басымдық беріп отыр. “Бизнестің жол картасы 2020-2025” мемлекеттік бағдарламасына құжат тапсырып, бастамасы қолдау тауып, 2 млн. 500 000 теңге қайтарымсыз қаражатқа да ие болып үлгерген.
Айта кетейік, қала әкімдігі “Нәтижелі жұмыспен қамту”, “Еңбек” , “Қарапайым заттар экономикасы” , “Бизнестің жол картасы 2020-2025” мемлекеттік бағдарламалары негізінде кәсіп бастауға ниетті азаматтарға ерекше қолдау білдіріп келеді.
<img src="https://kyzylorda-news.kz/wp-content/uploads/2020/10/121539850_2682825945317480_1442596438739467389_n.jpg" alt="" />

Қызылорда: Қауыннан дайындалған чипсы

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова жұмыс сапарымен Жалағаш ауданына барып, бірқатар әлеуметтік нысандардың жұмысын көрді.
<img src="https://kyzylorda-news.kz/wp-content/uploads/2020/10/fb_img_1602699970921.jpg" alt="" />
Аймақ басшысы ең әуелі Бұқарбай батыр ауылындағы спорт кешенінің ашылу рәсіміне қатысып, ел игілігіне бағытталған әлеуметтік нысан ауыл өмірін жақсартуға мүмкіндік беретінін атап өтіп, тұрғындарды құттықтады.
<blockquote>
 “Әрбір жеңіс бұқаралық спорттан бастау алады. Соңғы жылдары спортты дамытуға арналған қолдау шаралары қарқынды жүруде. Бүгін болашақ спортшылар даярлайтын тағы бір спорт кешенін ашып отырмыз. Осы ауылдан ел чемпиондары атанатын мықты спортшылар шықсын деп тілеймін”, – деді облыс әкімі.
</blockquote>
<img src="https://kyzylorda-news.kz/wp-content/uploads/2020/10/fb_img_1602700024788.jpg" alt="" />
Жалпы құны 112 млн теңгені құрайтын жаңа кешен типтік үлгіде салынған. “Байтабын” ЖШС өз қаражаты есебінен тұрғызылған спорт кешенде 120 спортшы шыныға алады.
<img src="https://kyzylorda-news.kz/wp-content/uploads/2020/10/fb_img_1602700031311.jpg" alt="" />
Мұнан кейін аймақ басшысы Қаракеткен ауылдық округіне ат басын тіреп, ауыл ардагерлерімен кездесті. Ауылдың әлеуметтік-экономикалық жағдайымен танысып, тұрғындардың пікірін тыңдады.
<img src="https://kyzylorda-news.kz/wp-content/uploads/2020/10/fb_img_1602700019249.jpg" alt="" />
Сапар аясында Гүлшара Әбдіқалықова Далдабай елді мекеніндегі қайта жаңғыртудан өткен ауыз су нысанын іске қосу рәсіміне қатысты. Қазірде сумен қамту жүйелерін қайта жаңғырту жұмыстары Жаңақоныс пен Далдабай ауылдық елді мекенінде жалғасын тапты. Су желілері әр үйге тартылып, ауыл халқы су тасу машақаты азаяды.
<img src="https://kyzylorda-news.kz/wp-content/uploads/2020/10/fb_img_1602700028451.jpg" alt="" />
Мұнан бөлек, биыл Жалағаш кентіндегі Мәдениет, Аққұм елді мекендерінің ауыз су жүйесі жаңарады. Бұл үшін 13,3 млн теңге қаржы қаралған.
Облыс әкімі жұмыс сапары кезінде жаңадан салынған Ә.Бердаудетов атындағы №34 мектепті көріп, оқу процесінің жүргізілу барысын бақылады. 140 орындық білім ошағында карантин талаптары сақталып, 96 оқушы кезекші топтарда оқуда. Сонымен бірге өңір басшысы 90 орындық жаңа балабақшаның лентасын қиды.
<img src="https://kyzylorda-news.kz/wp-content/uploads/2020/10/fb_img_1602699997072.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602700000143.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602699991995.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602699987683.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602699984689.jpg" alt="" />
Гүлшара Әбдіқалықова аудан орталығындағы түйіршіктелген азот тыңайтқыштарын өндіретін зауытқа да барды. Жаңа өндіріс орны жылына 60 мың тонна түйіршіктелген азот тыңайтқышын шығарады. “Агрохимсервис-С” ЖШС серіктестігі ашқан зауытта 15 маман еңбек етеді. Сонымен бірге, серіктестік ауыл шаруашылығы өнімдерін өндірушілерге аммоний сульфатын жеткізеді.
<img src="https://kyzylorda-news.kz/wp-content/uploads/2020/10/fb_img_1602699968016.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602699981685.jpg" alt="" />
Іссапар барысында Гүлшара Әбдіқалықова Ақсу ауылындағы жаңа ауылдық емхананың ашылуына қатысып, тұрғындарды құттықтады. Типтік жобада салынған емхананың жалпы құны 126,7 млн теңгені құрайды. Ауыл халқының игілігіне бағытталған медициналық нысанда 11 медбике мен дәрігерлер қызмет атқарады. Облыс әкімі медицина мамандарына короновирус індетінен сақтануда ауыл халқын денсаулығына жете мән беріп, сақтық шараларын күшейтуді қаперге салды.
<img src="https://kyzylorda-news.kz/wp-content/uploads/2020/10/fb_img_1602699974281.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602699977307.jpg" alt="" />
Жұмыс сапарының соңында өңір басшысы Гүлшара Әбдіқалықова аудан әкімдігінің жаңа ғимаратын көріп, атқарылған жұмыстарды саралады. Аудан әкімі Асылбек Шәменовке алдағы қысқы маусымға қажет отын қорын уақытылы жеткізуді және жаңа жұмыс орындарын арттырып, шағын өндіріс орындарын ашуға ынталы азаматтарды қолдау қажеттігін тапсырды.

Гулшара Әбдіхалықова Жалағаш ауданындағы жаңа әлеуметтік нысандарды ашты

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова Қармақшы ауданына жұмыс сапарымен барып, бірқатар әлеуметтік нысандардың жұмысын көрді.
Алдымен аймақ басшысы Тұрмағамбет ауылдық округіндегі «Тұрмағамбет» ЖШС-нің қырманындағы күзгі егін жинау барысын қарап, жаңадан іске қосылған макарон цехының жұмысымен танысты.
<img src="https://kyzylorda-news.kz/wp-content/uploads/2020/10/fb_img_1602600991292.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602600978845.jpg" alt="" />
Шаруашылық биыл 2375 гектар жерге күріш, 385 гектар жаңа жоңышқа, 896 гектер ескі жоңышқа, 15 гектар соя, 3 гектар картоп пен 2 гектар жерге егін еккен. Шаруалар күріштің әр гектарынан 60 центнер орташа өнім алып отыр.
<img src="https://kyzylorda-news.kz/wp-content/uploads/2020/10/fb_img_1602600982087-1.jpg" alt="" />
Биыл шаруашылық жанынан макаронның 5 түрін өндіретін жаңа цех іске қосылды. Цехта бір ауысымда 700 кг өнім өндіріледі. Өндірісте 5 адам тұрақты жұмыспен қамтылған. Сонымен бірге қыркүйек айында сым тор шығаратын тағы бір цех жұмысын бастаған.
Облыс әкімі Дауылкөл ауылдық округіндегі «Салима ана» балабақшасының жұмысымен де танысты. 2019 жылы салынған балабақшада 29 бала тәрбиеленуде. Бүгінде 88 орындық балабақшада 13 маман қызмет етеді.
<img src="https://kyzylorda-news.kz/wp-content/uploads/2020/10/fb_img_1602600973641.jpg" alt="" />
Өңір басшысы мұнан кейін Ақжар ауылдық округіне ат басын бұрып, ауылдық клуб үйіндегі ауыл өнімдерінің көрмесін көріп, тұрғындармен пікірлесіп, елдің әлеуметтік-экономикалық даму көрсеткіштерін саралады.
<img src="https://kyzylorda-news.kz/wp-content/uploads/2020/10/fb_img_1602600969298.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602600971579.jpg" alt="" />
Бүгінде Ақжар ауылында «Жұмыспен қамтудың Жол картасы» аясында көшелер жөнделіп, жарық шамдар орнатылған. Ауылда шағын және орта бизнесті дамытуға ниетті азаматтар қатары артқан. Биыл 5 азамат мемлекеттік бағдарламалар арқылы грант алса, 10 тұрғын «Бастау» бизнес орталығы арқылы білімін жетілдірген.
Ауыл халқы қолөнер бұйымдарын өндіріп, шағын бизнес саласын дамытуға үлес қосып отыр. Облыс әкімі ауыл халқының қысқа дайындық барысын сұрап, отын қорымен қамту мәселесін реттеуді тапсырды.
Мұнан кейін өңір басшысы «Жұмыспен қамтудың Жол картасы» аясында №6 «Айсұлу» балабақшасының ғимаратына жүргізілген ағымдағы жөндеу жұмыстарын бақылады. 1975 жылы салынған 50 орындық балабақшада 50 бала тәлім алуда.
Сонымен бірге облыс әкімі аудандағы 1200 орындық №250 мектеп-лицейіне барды. Гүлшара Әбдіқалықова оқу ошағындағы карантин уақытындағы оқу процесін саралап, кезекші топтардағы оқушылардың білім алу жолына назар салды.
Жұмыс сапары соңында облыс әкімі Гүлшара Әбдіқалықова аудан әкімі Мұса Қалдарбековке карантин уақытынан кейін шағын және орта бизнесті әлі де дамытып, жергілікті азаматтардың кәсіп ашуына қолдау білдіруді жеткізді. Сондай-ақ, ауыл тұрғындарының өмірін жақсартуға бағытталған әлеуметтік даму картасы аясында жұмыс жүргізіп, жаңа жұмыс орындарын ашуды тапсырды. Сонымен бірге короновирус пандемиясы кезінде сақтық шараларын қатаң сақтау қажеттігін қаперге салды.
<img src="https://kyzylorda-news.kz/wp-content/uploads/2020/10/fb_img_1602600975925.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602600986868.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602600989120.jpg" alt="" />

Аймақ басшысы Қармақшы ауданына барды

<a href="https://kyzylorda-news.kz/date/2020/10/13/">Kyzylorda-news.kz.</a> Қазақстанның туын көкке көтеріп, мемлекетімізді әлемге танытқан Сыр өңірінің тумасы, ауыр атлетикадан әлемнің төрт дүркін чемпионы Илья Ильин Қызылорда қаласындағы Назарбаев Зияткерлік мектебінде онлайн кездесу өткізді.
Қазақстанның еңбек сіңірген спорт шебері зияткер оқушылармен кездесіп, өмірлік тәжірибесімен бөлісу туралы ұсынысты қуана қабылдады. «Даналық бейсенбінің» төрінде құрметті мейман зияткерлермен онлайн-сұхбаттасып, әлемдік аренада рекорд орнатқан ұмытылмас сәттерімен және кез-келген жетістікке жетудегі ұстанымдарымен бөлісті.
<blockquote>
 «Зілтемірмен алғаш рет 2 сыныбымда таныстым. Ағаммен бірге спортзалға барып, бұл спорт түрімен әуестендім. 7-сыныпта ауыр атлетикамен кәсіби деңгейде шұғылдана бастадым. 13 жасымда спорт шебері, 17 жасымда әлем Чемпионы атандым. Бірақ ол кезде мен жеңімпаз болуға талпынбайтынмын. Жай ғана сүйікті іспен айналысып, қалай жетістікке жеткенімді байқамадым», – дейді Илья.
</blockquote>
Табысқа жету жолында сәттілік пен қиындықтар қатар жүретіні заңдылық. Бірақ ол кедергілер құндылықтарды қайта бағалауға үйретіп, өздігінен дамуға және бойындағы тұлғалық қасиеттерді дамытуға негіз болады.&nbsp;
<blockquote>
 «Өмірімдегі барлық ауыр кезеңдер менің тұлға болып қалыптасуыма септігін тигізді. Алған үлкен өмірлік тәжірибемді пайдаланып, бөлісуге дайынмын. Ата-анамның үнемі көрсеткен қолдауы мен бапкерлердің берген тәлімі үшін әрқашан қарыздармын. Олар – менің ең мықты мотивациям», – деп бөлісті зілтемірші.
</blockquote>
Бүгінде Илья Александрович туған жерінде спорт саласын дамытуда жаңа идеялар мен жобаларды жүзеге асыруда. «Мұз айдыны» спорттық кешеніне жетекшілік етуімен қатар аймақта ауыр атлетикадан спорт мектебін ашу бағытында жоспарлы жұмыстар жүргізуде. Кездесу барысында оқушылар спортпен үнемі шұғылдануда өз-өзіңді дағдыландыру, қысқа және ұзақ мерзімді істерді жоспарлаудың тиімді әдістері мен табысқа жетудегі кеңестер туралы ақпарат алды. Бір уақытта тікелей эфирге қосылған мың жарым көрермен Илья Ильинге танымды және пайдалы ақпаратқа толы сұхбатына алғыстарын білдірді.

Илья Ильин оқушылармен кездесті (ВИДЕО)

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова жазушы, драматург Сәбит Досановпен кездесті. Аймақ басшысы белгілі жазушының шығармашылық мұрасы әлемнің бірқатар елдерінде таныстырылып, еңбектері драма театрларда сахналанғанын атап өтіп, руханият саласына қосқан үлесіне ерекше тоқталды.
<blockquote>
 “Сіздің есіміңіз, шығармаларыңыз елімізге ғана емес, шет жұрттарға да кеңінен танымал. Өзіңіздің Қазақстан Республикасы Мемлекеттік сыйлығының,&nbsp;«Парасат» ордені мен “Алаш” халықаралық әдеби сыйлығының және М.Шолохов атындағы халықаралық сыйлықтың, Қырғызстанның «Алтын қалам» ұлттық әдеби сыйлығының иегері болғаныңызды, Ресей әдебиеті академиясының академигі, Ресей педагогикалық және әлеуметтік ғылым академиясының академигі, бірқатар университеттердің профессоры атанғаныңызды білеміз. Қолтаңбаңыздан шыққан шығармаларыңыз алыс-жақын шетелдерге тарап, руханият жанашырларының жоғары бағасына ие болды. Елдің ықыласына бөлене беріңіз”,-деді облыс әкімі Гүлшара Әбдіқалықова.
</blockquote>
Кездесу барысында жазушы Сәбит Досанов облыс әкіміне арнайы алғысын білдіріп, Сыр елінің ерекшелігі мен руханият әлеміндегі орнын сөз етіп, өңір басшысына кітаптарын тарту етті.
Талантты ақын, шебер прозаик Сәбит Айтмұханұлы 1940 жылы, 12 қаңтарда Қостанай облысы, Амангелді ауданы, Байғабыл ауылында туған. Көптеген роман, повесть, әңгімелердің авторы. «Қайырлы таң», «Жанр тағдыры», «Сексен бестің көктемі», «Адаспаңдар, адамдар», «Тотем под чадрой», «Тензор степного кургана» атты кітаптарының авторы. Оның театр тақырыбына арнаған «Тау жолы» шығармасы мен «Советский писатель» баспасынан шыққан «ХХІ ғасыр» роман-эпопеясы әлемдік әдебиеттен лайықты орын алды. Ал, «Ақ аруана» туындысы француз тіліне аударылып, әлемдік бестселлер қатарынан табылса, «Дауыл», «Ертең бюро» атты драмалары М.Әуезов атындағы академиялық драма театрында, Атырау, Жезқазған, Семей, Тараз, Бішкек қалаларының сахналарында қойылды.
Кездесу соңында облыс әкімі Гүлшара Әбдіқалықова жарты ғасырға жуық шығармашылықпен айналысып келе жатқан жазушы Сәбит Досановтың әрбір еңбегінен ұлтттың мұң-мүддесі, тарихи деректер мен құндылықтарға негізделген тың деректерге қол жеткізуге болатынын атап өтті. Драматург Сыр еліндегі сапары аясында рухани-мәдени кездесулер өткізеді.
Облыс әкімінің қабылдауынан кейін құрметті қонақ Сәбит Досанов Сырдария ауданындағы Нағи Ілиясов ауылдық мәдениет үйінде шығармашылық кездесуге қатысып, кітап көрмесімен танысып, тұрғындармен кездесті. Парасатты жиында жазушының құрметіне арналған арнау өлеңдер оқылып, драматургке құрмет көрсетілді.

Гүлшара Әбдіқалықова жазушы, драматург Сәбит Досановпен кездесті

<a href="https://kyzylorda-news.kz/">Kyzylorda-news.kz</a>. Қазақстан Республикасының Ауыл шаруашылығы министрінің 2015 жылғы 30 қаңтардағы № 7-1/68 бұйрығына сай ауыл шаруашылығы жануарларын бірдейлендіру Қазақстан Республикасының заңнамасында белгіленген тәртіппен жүргізіледі.
Жылқы малын бірдейлендіру таңбалау және чип салу әдісі арқылы жүргізіледі. Құлындар – төрт айлық жасынан бастап, туған күнінен бастап жеті күн өткеннен кейін.
Жылқы малын чиптеу төрттүліктің ұрлануына, жоғалуына және дәстүрлi әдiспен таңбалауда жарақаттануына жол берілмейді. Бірдейлендіре отырып паспорт беру мемлекеттік қызмет болып саналатындықтан, тек мал иесінің өтініші арқылы жүзеге асырылады.
Бұл – шаруашылықтар үшін сәйкестендірудің ең тиімді жолы.
Есепте болмаған жануарларға ешқандай ветеринариялық іс шаралар жүргізілмейді.Яғни ол ауру таратушы немесе ұрлықы мал ретінде күдік туғызады.
Жаңақорған ауданы бойынша 2020 жылға арналған ауылшаруашылығы жануарларын бірдейлендіру іс-шара жоспарының 9 айлық орындалуы бойынша жылқы төліне 2291 басқа чип салынған. Әр басқа чип құны белгіленген.
ҚР 10 шілдедегі «Ветеринария туралы» Заңының 25 бабына сәйкес, жеке және заңды тұлғалардың жануарлар ауруларының, оның iшiнде жануарлар мен адамға ортақ аурулардың алдын алу жөнiндегi мiндеттерiне сәйкес, жеке және заңды тұлғалар жергілікті атқарушы органдар құрған мемлекеттiк ветеринариялық ұйымдарға жаңадан сатып алынған жануар (жануарлар), алынған төл, оның (олардың) сойылғаны мен өткізілгені туралы хабарлама жасауы керек.

Жаңақорғанда 2291 жылқы төліне чип салынған

<a href="https://kyzylorda-news.kz/kogam/qarmaqshyda-zhastardyng-engdek-lageri-oetti-82892/">Kyzylorda-news.kz.</a> Тамыз айынан бастап, Жаңақорған ауданының Байкенже, М. Нәлібаев, Қожакент, Өзгент ауылдық округтерінің құм беткейіндегі жайылымдық жерлерінде кенеттен жылқы малдары белгісіз себептермен ауырып, өлім-жітімге ұшыраған.
&nbsp;Ауырып тұрған М.Нәлібаев, Өзгент ауылдық округтерінің жылқы малдарынан сынама (фекалий) алынып, ветеринариялық зертханалардың сараптама қорытындысы нәтижесінде гастрофилез ауруына оң нәтиже көрсеткен.
Ауылдық округтерде ауыл әкімі, ветеринариялық-санитариялық инспекторлар, ветеринария басқармасының бас мамандары, ветеринариялық станция басшысы және ветеринариялық станцияның мамандары жылқы бағумен айналысатын мал иелерімен кездесіп, жылқы малының паразитарлық аурулары жөнінде түсіндірме жұмыстарын жүргізді.
Осыған байланысты, ауылдық округтерде ветеринар дәрігерлер шаруашылық иелеріне түсіндірме жұмыстарын жүргізді. Ем шараларды уақтылы мерзімінде орындаған шаруашылықтар жылқы малдарын аман сау алып қалған.
Жылқылардың бұл ауруының атауы бұрынғы кезде – қарынқұрт немесе көмей құрт деп атаған. Жылқының көмекейінде, асқазанында, құртқарында сөл сорғыш құрттардың алуан түрі кездеседі. Жылқылар жасына қарамастан, жауын-шашынның аз болуына байланысты, құрғақ жаздарда жиі ауырады. Бөгелек бір салғанда ұрғашылары орта есеппен 700 жұмыртқадай салады. Денені қышытады, мал тістеніп ауызға апарады, немесе балаңдар өздері жылжып ауыз қуысына енеді. Бөгелектердің личинкалары жылқылардың ауыз қуысын, кілегей қабаттарын тілін, жұтқыншағын жарақаттап, ісіндіреді. Мал жұтына алмайды, асқазанда, ішекте жаралар пайда болады. Асқазан қызметі бұзылады. Кейбір личинкалар тік ішекті жарақаттайды. Личинкалар өзінің зат алмасу заттарымен организмді уландырады. Аурудың белгілері личинкалардың санымен тығыз байланысты. Личинкалардың саны аз болса ауру созылмалы түрде өтеді. Саны көп болса анемияға ұшырап, тәбеті төмендейді, тамақты жұта алмай қиналады, ауру жіті және жітілеу түрде өтеді.
Облыстық ветеринария басқармасы басшысының бұйрығымен Жаңақорған ауданында жылқы малдары өлім-жітімге ұшырауға байланысты комиссия құрылып, ауру ошақтарында зерттеу-зерделеу жұмыстары жүргізілді. Мал иелері тарапынан өлген жылқылардың өлекселерін көрсете алмаған. Яғни, өлген малдары жоқ екендігі анықталған.
Паразитарлық аурулар жөнінде тәжірибелік практикалық жұмыстарын жүргізу, мал иелеріне түсініктеме беру мақсатында Қазақ Ұлттық Аграрлық Университетінен биология ғылымдарының кандидаты, қауымдастырылған профессор Ахметова Гулнази Даулетханқызы және ветеринария ғылымдарының кандидаты, қауымдастырылған профессор Тұрғанбаева Гүлнар Елдесбайқызы арнайы шақыртылып, Байкенже, М.Нәлібаев, Қожакент, Өзгент ауылдық округтерінде жылқы малы ауырған мал иелерімен кездесті. Кездесу барысында паразитарлық аурулардың зардабы, экономикалық зияны, жылқылардың арықтап, әлсіреп жұмыс істеу қабілетін төмендететіні туралы (16-18 кг дейін тірі салмақтан айырылады) кеңінен түсініктемелер берілді. Сондай-ақ, инвазияның интенсивтігілігі өте жоғары болса личинкалардың зардабынан жылқы асқазаны тесілетіндігі, аурудың алдын-алуына, қора-жайдың жай-күйіне, тазалығына бей-жай қарамай бұл ауруға мал иесі тарапынан дәрі-дәрмектер алынып, жылына екі рет көктем-күз айларында алдын-ала егу шаралары жүргізу қажеттілігі, қора-жайына дезинфекция, дезинсекция, жұмыстарын жүргізу керектігі түсіндірілді.
Байкенже ауылдық округінде шаруашылық иелерінің ауырып тұрған 1 бас жылқы малының (жабағы) жай-күйіне қарап лажсыз сойылды. Сойып зерттеу барысында ішкі паренхиматозды органдарында патологиялық өзгерістер орын алмаған, алайда, ішектерді жарып көру барысында ащы ішек пен тоқ ішекте көптеген гастрофилез құрты мен жылқының параскаридоз құрттары анықталды. Яғни паразитарлық аурулардың араласқан түрі (смешанная инвазия).
М.Нәлібаев ауылдық округінде «Бақытжан» шаруа қожалығының иесіне түсіндірме жасау барысында 1 бас жылқы малының ауырып тұрғанын көрсеткен. Лажсыз сойып зерттеу барысында ішкі органдары патологиялық өзгеріссіз, бірақ жылқының құрт қарнында гастрофилез ауруының бөгелек құрттары табылды.
Өзгент, Қожакент ауылдық округтерінде мал иелері өз есебінен ветеринар мамандардың нұсқаулықтарыменен дәрі-дәрмекті уақытында алып, ем-дом жұмыстарын жүргізіп, малдарын аман алып қалған. Эпизоотиялық ахуал тұрақты.
Жылқының гастрофилезі және басқа паразитарлық аурулар туралы жергілікті «Жаңақорған тынысы» газетіне мақала жарияланды.
Қазіргі таңда экто, эндо паразиттерге қарсы тиімділігі жоғары инъекция, порошок, аэрозоль түріндегі түрлі ветеринариялық препараттар шығарылған. Мал иесі қаражаты есебінен емдік және алдын алу шаралары жүргізіледі. Ветеринариялық дәріханаларда жеткілікті, қол жетімді бағада сатылымда бар.
Облыс бойынша ветеринария саласынан 900-дей ветеринар мамандар Zoom бағдарламасы арқылы семинарға қосылып, тікелей онлайн түрде қатысуда.
<img src="https://kyzylorda-news.kz/wp-content/uploads/2020/10/b16bf1a8-1c2b-4775-99fc-2efd942fc07d.jpg" alt="" />
<img src="https://kyzylorda-news.kz/wp-content/uploads/2020/10/45e03506-35ef-4416-9748-b40356fb5108.jpg" alt="" />
<img src="https://kyzylorda-news.kz/wp-content/uploads/2020/10/65cd4c6d-539c-4769-af80-a56293e45ca4.jpg" alt="" />

Жаңақорған ауданының тұрғындарына жылқы малының қырылу себептері түсіндірілді (ВИДЕО)

<a href="https://kyzylorda-news.kz/">Kyzylorda-news.kz.</a> Еңбек ресурсын дамыту орталығы коронавирустың екінші толқыны нарыққа қалай әсер етерін болжапты,&nbsp;деп хабарлайды «<a href="https://24.kz/kz/zha-aly-tar/basty-zha-aly-tar/item/428793-aza-standa-eki-mln-a-zhuy-adam-ashy-tan-zh-mys-isteu-rezhimine-ajta-k-shui-m-mkin">Хабар 24</a>».
Өткен кезеңде карантиндік шектеулер жұмыссыздықтан гөрі, сол жұмыс уақытының қысқаруына әкелген.
Коронавирустың екінші толқыны бола қалса, 167 мың қазақстандық табысынан айырылуы кәдік. Ал 2 миллиондай азамат қайта қашықтан жұмыс істеу режиміне көшуі мүмкін. Еңбек ресурсын дамыту орталығының мамандары осындай жорамал жасады. Кейбірі ақшасы төленбейтін еңбек демалысына жіберілуі ықтимал.
Ал 4 миллиондай тұрғын қалыпты жағдайда жұмыс істей береді. Бұлар кімдер? Бұлар тәртіп сақшылары, төтенше жағдай мамандары, әскерилер, өндіріс орындарының қызметкерлері және әрине медицина саласының өкілдері. Орталықтың мамандары ауыл шаруашылығында жүрген адамдар да жұмыстан қысқартылып, яки табыссыз қалмайды деп отыр.

Қазақстанда 2 млн-ға жуық адам қашықтан жұмыс істеу режиміне қайта көшуі мүмкін

<a href="https://kyzylorda-news.kz/">Kyzylorda-news.kz.</a> Қармақшы ауданы Ақжар ауылына «Ораз ахун ЛТД» ЖШС-гі биыл 1111 гектар жерге күріш екті. Қазір 90 пайыздан астам алқаптағы егінді орып, қамбаға бастырды. Бұл туралы өңірлік коммуникациялар қызметі хабарлады.
Егін орағында екі техника басты фигурант болады. Жатка мен комбайн. Техника неғұрлым заманауи болса, егін орып бастыру да жеңіл болмақ. Шаруашылық өткен жылдан бастап лизинг шеңберінде 600 млн. теңгеден астам қаржыға соңғы үлгідегі техникаларды сатып алды. Нәтижесінде жұмыс өнімділігі де артқан.
Бір-екі күнде шаруашылық егістікті толық орып болады. Шаруашылық былтыр әр гектарына орташа есеппен 60,2 центнерден өнім алды. Биыл да осы межеден түсірмеу көзделуде. Су тапшылығы болды. Бірақ 5 жерге насос қойып, күрішті күнге күйдірмеудің қарекетін жасады.

Қызылордада егін орағы аяқталуға жақын

Kyzylorda-news.kz. Бүгін Достық үйінің мәжіліс залында облыстық татар этномәдени бірлестігінің ұйымдастыруымен облыстық Қазақстан халқы Ассамблеясының қолдауымен Ұлы Жеңістің 75 жылдық мерейтойына арналған шара өтті.
Шараға тыл еңбеккерлері, этномәдени бірлестіктердің өкілдері мен жастар қатысты.Шара басталмас бұрын қатысушылар фойеде И. Панфилов атындағы №5 мектептің қатысуымен әзірленген көрмені тамашалады. Көрмеде 1942 жылы басылып шыққан кітаптар, 1941 жылы жарық көрген «Красная звезда» басылымның түпнұсқасы, фронт хаттары, Ұлы Отан соғысының ардагері Сагит Ахмеджановтың мыс котелогы, тарихқа толы суреттер және сарбаздардың жеке заттары қойылған.
Қазіргі ұрпақ соғыс ардагерлері мен тыл еңбеккерлеріне бүгінгідей бейбіт өмір үшін қарыздар. Сондықтан татар бірлестігінің белсенділері дайындаған нөмірлер мереке қонақтарына арналған сый-құрметтің белгісі іспетті.
“Жасмин” би тобының өнерпаздары әскердегі күндерді еске түсіретін “Көк орамал” биін орындады. Татар этномәдени бірлестігінің белсенді мүшесі Елена Ишканова «В землянке», “Сарман” вокалдық тобы мен солистер түрлі тілде өлеңдер оқып, әндер шырқады. LED-экранда Ұлы Отан соғысының 75 жылдық мерейтойына арналған құттықтаулар айтылып, тарихқа толы соғыс жылдарын еске салатын бейнероликтер көрсетілді.
Көрермендер алдында татар этномәдени бірлестігінің жетекшісі Галия Гизатуллина сөз сөйлеп, бүгінгі шараның маңыздылығына тоқталып өтті. Сондай-ақ, Татарстан Республикасының Президенті Рустам Миннихановтың құттықтау хаттары мен алғыс хаттарын табыс етті.
<img src="https://kyzylorda-news.kz/wp-content/uploads/2020/10/fb_img_1602320898626.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602320887201.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602320896425.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602320891931.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602320898626-1.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602320900665.jpg" alt="" />

Ұлы Жеңістің 75 жылдық мерейтойына арналған шара өтті

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова жылу маусымының басталуы қарсаңында Қызылорда қаласындағы бірқатар нысандарды аралады.
Өңір басшысы алдымен “Қызылордажылуэлектрорталығының” Оңтүстік бу қазандығының жылу маусымына дайындық жұмыстарымен танысты. Аталған бу қазандығының жылу энергиясын қаладағы 197-і көп қабатты үй, 5 балабақша, 10 медициналық мекеме, барлығы 763 нысан тұтынады. Жылу қазандығы газбен жылытылады, резервтік отын ретінде 644 тонна мазут алынған. Жылыту қазандығы 10 қазанда толық іске қосылмақ. Аймақ басшысы дайындық жұмыстарын дер кезінде аяқтап, қала тұрғындарын уақытылы жылумен қамтуды қатаң тапсырды. 
Мұнан кейін Гүлшара Әбдіқалықова Ә.Бөкейханов көшесінде «Нұрлы жер» бағдарламасы аясында жүзеге асырылып жатқан УТ-15А магистралды жылу желілерін қайта құру жобасын назарға алды. Ұзындығы 1 567 метр жылу желісін “Авангард” ЖШС қайта жүргізуде. 
<blockquote>
 «Пандемия уақытында біз тұрғындардың денсаулығына аса мән беруіміз қажет. Қазіргі уақытта күн суып келеді. Сондықтан қала халқына дер кезінде жылу беріп, олардың «тұмау» секілді ауруларға шалдығуының алдын алайық. Ол үшін мердігер мекеме осы жұмысты 10 қазанға дейін аяқтап, қалалықтардың тоңбауына жұмыс жасауы тиіс» – деді өңір басшысы. 
</blockquote>
Сондай-ақ облыс әкімі №15 Автономды блокты-модульді қазандығының жұмысын да көрді. “Арай-2” шағын ауданында орналасқан “Қызылордажылуэлектрорталығына” қарасты қазандық 2015 жылы пайдалануға берілген. Қазандық осы аудандағы 19 көпқабатты үйді жылумен қамтамасыз етеді. 
Сырдарияның сол жағалауындағы үйлерді жылумен қамтамасыз ететін автономды блокты-модульді қазандығының құрылысы да 15 қазанға дейін толық аяқталады деп жоспарлануда. Бүгінде сыйымдылығы 2 дана су қоймасының құрылыс-монтаж жұмыстары, қазандыққа қажетті жоғарғы қысымды газ құбырларын, ауыз су құбырларын тартып, қазандықты монтаждау, ғимараттың ішкі бөлмелерін салу, моржаларының монтаждау және ішкі құбырларын жүргізу жұмыстары жүргізілген. Келісімшарт бойынша құрылысты аяқтау желтоқсан айы деп белгіленгенмен, мердігер мекеме жылу маусымының басталуына дейін жұмысты толық орындайтындығын жеткізді. Аймақ басшысы қазандық құрылысын сапалы аяқтап, сол жағалаудағы 32 көпқабатты үй мен 2 әлеуметтік нысанды дер кезінде жылу жүйесіне қосуды тапсырды. 
Облыс әкімі Гүлшара Әбдіқалықова “Қызылордажылуэлектрорталығына” да барды. Орталықтың биылғы жылыту маусымына негізгі жабдықтарын дайындау мақсатында «Жұмыспен қамту 2020 Жол картасы» бағдарламасы шеңберінде 1022 млн теңге бөлінді. Осының арқасында 156 адам жұмысқа орналасты.
Аталмыш жылумен жабдықтау аймағының жылу энергиясын 995 нысан тұтынады. Оның ішінде 365 көпқабатты үй, 29 мектеп, 13 балабақша, 9 медициналық мекемені жылумен қамтамасыз етеді. Сонымен қатар, қуаттылыңы 113,2 Мвт электр энергиясын өндіреді. 
Аймақ басшысы бұдан әрі салынып жатқан 200 орынға арналған модульдік үлгідегі жұқпалы аурулар ауруханасының құрылысымен танысты. Аурухана қазан айының соңына дейін толық іске қосылады деп жоспарланған. Гүлшара Әбдіқалықова пандемия уақытында емдеу мемекелері барлық жағдайға дайын болып, еш босаңсуға болмайтындығын ескертті.
<img src="https://kyzylorda-news.kz/wp-content/uploads/2020/10/fb_img_1602076500666.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602076503726.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602076506026.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602076510849.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602076513433.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602076516147.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602076518833.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602076521942.jpg" alt="" />

Қазақстан және Қызылорда облысының жаңалықтары: Басты жаңалықтар old

Қызылорда: Қауыннан дайындалған чипсы

Гулшара Әбдіхалықова Жалағаш ауданындағы жаңа әлеуметтік нысандарды ашты

Аймақ басшысы Қармақшы ауданына барды

Илья Ильин оқушылармен кездесті (ВИДЕО)

Гүлшара Әбдіқалықова жазушы, драматург Сәбит Досановпен кездесті

Жаңақорғанда 2291 жылқы төліне чип салынған

Жаңақорған ауданының тұрғындарына жылқы малының қырылу себептері түсіндірілді (ВИДЕО)

Қазақстанда 2 млн-ға жуық адам қашықтан жұмыс істеу режиміне қайта көшуі мүмкін

Қызылордада егін орағы аяқталуға жақын

Ұлы Жеңістің 75 жылдық мерейтойына арналған шара өтті

Аймақ басшысы қаладағы бірқатар нысандарды аралады

Елбасының “Абай аманаты” атты мақаласы жарық көрді

Қазақстан және Қызылорда облысының жаңалықтары: Басты жаңалықтар old

Қызылорда: Қауыннан дайындалған чипсы

Гулшара Әбдіхалықова Жалағаш ауданындағы жаңа әлеуметтік нысандарды ашты

Аймақ басшысы Қармақшы ауданына барды

Илья Ильин оқушылармен кездесті (ВИДЕО)

Гүлшара Әбдіқалықова жазушы, драматург Сәбит Досановпен кездесті

Жаңақорғанда 2291 жылқы төліне чип салынған

Жаңақорған ауданының тұрғындарына жылқы малының қырылу себептері түсіндірілді (ВИДЕО)

Қазақстанда 2 млн-ға жуық адам қашықтан жұмыс істеу режиміне қайта көшуі мүмкін

Қызылордада егін орағы аяқталуға жақын

Ұлы Жеңістің 75 жылдық мерейтойына арналған шара өтті

Аймақ басшысы қаладағы бірқатар нысандарды аралады

Елбасының &#8220;Абай аманаты&#8221; атты мақаласы жарық көрді

Елбасының “Абай аманаты” атты мақаласы жарық көрді