Kyzylorda-news.kz. Балаларын өлтірген келіншек туралы тың дерек шықты, деп хабарлайды Bugin.kz порталы&nbsp;Qamshy.kz сайтына сілтеме жасап.&nbsp;Түркістан облысында жантүршігерлік оқиға орын алған болатын. Шиелі ауданындағы Пушкин атындағы №46 мектеп лицейде тәрбиеші болып жұмыс істеп келген 31 жастағы әйел 6 ақпанда ешкімге ескертпестен үйінен екі баласын алып, Түркістан қаласына кетіп қалған.Сонда пәтер жалдап, ертесіне, 7 ақпанда 2 баласын жастықпен тұншықтырып өлтірген, деп күдіктелуде.Осы оқиғаның алдында келіншек өзінің Instagram парақшасына балалары мен өзінің қолының суретін салып, "Жүректеріміз мәңгі бірге"&nbsp;деп жазыпты. Оған Нұрмахан есімді әншінің "Бізге берілген уақыт аз ғана"&nbsp;деген әнін қосқан.Әннің мәтінінде:"Ешкімге айта алмай,Барамын тұншығып.Мың түрлі сынақтан,Өте алмай жүрміз күрсініп.Тағдырға босқа қырсығып,Бізге берілген уақыт аз ғана",-деген сөздер бар.Келіншекті жақсы танитын достары, сыныптастары мен сынып жетекшісінің сөзінше, ол толыққанды отбасынан шыққан, қайын жұртының тұрмысы жақсы, өзі өте ақкөңіл, жүрген ортасын күлдіріп жүретін ашық мінезді, қонақжай әрі балаларын қатты жақсы көретін әйел. Ешқандай диспансерлік есепте тұрмайды. Мұндай қылмысқа барады деп ешкім ойламаған.

“Ешкімге айта алмай, барамын тұншығып”: Екі баласын өлтірген әйелдің жазбасы тарады

Kyzylorda-news.kz. Облыс әкімі Нұрлыбек Нәлібаев Мемлекет басшысының тапсырмаларын орындауға арналған мәжілісте &nbsp;агроөнеркәсіп кешенін дамыту және су ресурстарын үнемді пайдалану туралы айтты.«Мемлекет тарапынан жыл сайын аграрлық саланы қолдауға қомақты қаржы бөлініп, ауыл шаруашылығы қарқынды дамуда. Дегенмен, су тапшылығы жылдан-жылға күрделі мәселеге айналып барады. Оны Мемлекет басшысы да атап өтті. Сондықтан, егіс алқаптарын әртараптандыру үшін негізгі дақыл – күріш көлемін біртіндеп тұрақтандырып, суды аз қажет ететін майлы, жемшөп және бақша дақылдары егісін көбейтуіміз қажет. Жыл сайын ауыл шаруашылығы құрылымдары күріш көлемін ұлғайтудан бас тартпай, әртараптандыруға мән бермей келеді. Биыл оған жол берілмеуі керек. Себебі, біз алдағы 5 жылда күріш алқаптарын 89 мың гектардан 72,2 мың гектарға дейін қысқартамыз. Орнына майлы дақылдар егісін 5,8 мың гектарға, мал азықтық дақылдарды 78 мың гектарға, картоп, көкөніс, бақша дақылдарының егіс көлемін 23,4 мың гектарға жеткізу жоспарлануда», &nbsp;– деді аймақ басшысы.Сондай-ақ, суды үнемдейтін озық технологияны енгізуді жеделдетіп, оны қолдану аясын алдағы 5 жылда 24,2 мың гектарға жеткізу міндеті қойылды. Бүгінде осы технологиямен 9 мың гектарға жүгері және мал азықтық дақылдар егу бағытында инвестициялық жобалар белгіленуде. Қала және аудан әкімдеріне осы &nbsp;жобаларды сүйемелдеу арқылы нақты іске асырылуын қамтамасыз ету тапсырылды. Суды бөлу мен есепке алудың заманауи жүйелерін автоматтандыруды өндіріске енгізу су шығынын азайтуға мүмкіндік береді. Австралиялық «Rubicon water» компаниясының «Сол жағалау магистралды каналының бойындағы ішкі шаруашылық және тарту жүйелерін жаңғырту мен автоматтандыру» тәжірибесін енгізу бойынша жұмыстар басталды.Су үнемдеудің негізгі жолы – жерді нөлдік лазерлік тегістеу. Бұл жұмысты ірі шаруашылықтар қолға алғанмен, ұсақ шаруашылықтар әлі де кіріспеген. Өзен суымен қатар жерасты суын да егістікке пайдаланудың жолдарын қарастыру керек. Бұл ретте, Түркістан облысының тәжірибесін өндіріске енгізу мақсатында өңірдегі жерасты суы қоры зерттелмек.Мемлекет басшысының жалпы өнім көлемін 2 есе арттыру міндетін орындауда биыл «Ауыл аманаты» және «Солтүстік Қазақстан облысы тәжірибесі негізінде жеңілдетілген несие беру» бағдарламалары бойынша қаржы қаралды. Бұл қаржы өңірдегі ауыл шаруашылығы жобаларын іске асыруға бағытталған. Облыстық ауыл шаруашылығы және жер қатынастары басқармасына қала және аудан әкімдерімен бірлесіп, инвестициялық жобаларды тез арада нақтылап, 15 күн ішінде ұсыныс беру тапсырылды.

Нұрлыбек Нәлібаев: Су тапшылығы жылдан-жылға күрделі мәселеге айналып барады

Kyzylorda-news.kz. ҚР Премьер-министрі Олжас Бектеновтің төрағалығымен өткен мәжілісте Мемлекет басшысының Үкіметтің кеңейтілген отырысында берген тапсырмаларының орындалуы талқыланды.Үкімет отырысынан кейін облыс әкімі Нұрлыбек Нәлібаев арнайы мәжіліс өткізіп, мән-жайды нақтылап, тиісті тапсырмалар берді. Аймақ басшысы бюджет және салық саясатының тиімділігін барынша арттырудың маңыздылығын атап өтіп, қажетті шаралар қабылдауды міндеттеді.<blockquote>«Мемлекет басшысы Үкімет пен әкімдерге инвестиция тарту бағытындағы жұмысты жандандыруды тапсырды. Біз соңғы 2 жыл қатарынан инвестиция индикаторын артығымен орындадық, биыл да алдымызға ауқымды міндет қойдық. Былтыр өңірімізде негізгі капиталға тартылған инвестиция көлемі 486,5 млрд. теңгені құрап, жоспар 62 млрд. теңгеге артық орындалды. Биылға бекітілген индикатор 517,5 млрд.теңгені орындауға жұмыс жасауымыз қажет. Президент бюджет қаражатымен шектелмей, инвестиция тартуға қажетті біртұтас экожүйе қалыптастыруды және инвесторларға «бір терезе» қағидатымен жан-жақты қолдау көрсетуді міндеттеді. Облыста отандық және шетелдік инвесторлардың жобаларын сүйемелдеу, туындаған мәселелерін шешу, тартылатын инвестиция көлемін арттыру бағытындағы жұмыстарымен облыстық кәсіпкерлік және өнеркәсіп басқармасы, «Бизнеске арналған Үкімет» мекемесі, «Байқоңыр» әлеуметтік-кәсіпкерлік корпорациясы, «Қызылорда даму орталығы» айналысуда. Осы мекемелерге шетелден, басқа өңірлерден және жергілікті инвесторларды тарту бойынша нәтижелі жұмыс жасауды тапсырамын», – деді Нұрлыбек Машбекұлы.</blockquote>Жиында мемлекеттік сатып алу, мемлекет пен жекеменшік серіктестігі, құрылыс саласын реттеу жүйесін реформалау да айтылды. Өңірде мемлекеттік-жекеменшік әріптестік механизмі әлеуметтік салада кеңінен қолданыста. Құны 17,1 млрд. теңгені құрайтын 63 жобаның келісім-шартына қол қойылды. Ендігі кезекте, мемлекеттік-жекеменшік әріптестік механизмін инновациялық, халықтың өмір сүру сапасын жақсартатын және мемлекеттік қызметтерді көрсетуге бағытталған жобаларға пайдаланған жөн.Мемлекет басшысы Үкіметтің кеңейтілген мәжілісінде елімізді экономикалық-әлеуметтік дамыту ісінде маңызды рөл атқаратын құрылыс саласына арнайы тоқталғаны белгілі. Бүгінгі күні Сыр өңірі қарқынды құрылыс алаңына айналғанымен, жұмыс барысында кейбір заңнама және норматив талаптары құрылысты жоспарлау мен жүргізу процесіне кедергі келтіреді. Бұл өз кезегінде құрылыс уақытының созылуына және сапасының төмендеуіне әкеледі. Осыған байланысты, жауапты сала басшыларына &nbsp;«Қала құрылысы туралы» кодекс жобасын қайта қарап, сапалы ұсыныстар енгізу тапсырылды.Мұнан бөлек, жиында аймақ басшысы &nbsp;өндірістің дамуына тың серпін беру, шағын және орта кәсіпкерлікті дамыту, суармалы суды үнемдеу технологияларын енгізу, &nbsp;коммуналдық-энергетикалық секторды жаңғырту жөнінде бірқатар тапсырма берді. Көлік-логистикалық әлеуетті арттыру, экономиканы цифрландыру, медицина инфрақұрылымын дамыту бойынша да алдағы жұмыстың бағыт-бағдары айқындалды.Мәжіліс соңында облыс әкімі Мемлекет басшысы берген тапсырмаларды орындауға қатысты жоспарды уақытылы зерделеп, бір аптада нақты ұсыныстар беруді міндеттеді. Ұсыныстарды әзірлену сатысындағы «2024-2028 жылдарға арналған Қызылорда облысының әлеуметтік-экономикалық дамуының кешенді жоспары» жобасына енгізу қажет. Облыстық экономика және қаржы басқармасы салалық басқармалармен бірлесіп, Мемлекет басшысының &nbsp;тапсырмаларын орындау бойынша өңірлік іс-шаралар жоспарын әзірлеп, бір апта ішінде бекітуге енгізуі тиіс.

Қызылорда: Соңғы 2 жыл қатарынан инвестиция индикаторы артығымен орындалды

Kyzylorda-news.kz. Соңғы кезде үкімет басшысы Смайыловтың жұмысына сын айтып, көңілі толмайтындар көп. Тіпті, саяси сахнада «Смайыловтың орнына түгенше келеді екен» деген ақпараттың шеті жиі шығып жатады.Осы тұста кейбір инсайдерлер «саясатта салмағы жағынан «ауыр» Қанат Бозымбаевтың мансап шырағы әлі сөне қойған жоқ» деген пікірді ортаға салды деп жазады Dalanews.kz.Яғни, көптен бері көрінбей кеткен Бозымбаев ең жауапты қызмет – премьер-министр лауазымына дайындық үстінде көрінеді. Бірақ бұл мүмкін бе? Қасым-Жомарт Тоқаев басшылық еткен бес жылда оның әкімшілігі кадрлық резерв ретінде пайдаланылғаны рас па? Президент көмекшісі болып тұрғанда білікті қызметкерлерді ең осал жерлерге жіберіп, өзін көрсете алды ма? Жалпы, президент әкімшілігі кейбір саясаткерлер үшін уақытша пана ма, әлде құтқару үйі ме?Осы сауалдардың астарына үңілсек, мұның да жаны бар сияқты. Себебі, бұл жерден кеткендер лауазымды қызметке тағайындалады немесе тып-тыныш зейнетке бір-ақ кетеді.Алайда, бұл «клубқа» кіру екінің біріне бұйырмаған бақ. Мұнда тек ең жақын, ең сенімді адамдарға ғана есік ашық. Соның ішінде Бозымбаев та бар. &nbsp;Десек те, Қаңтар оқиғасы кезінде Алматы облысының әкімі болып тұрған Қанат Бозымбаев біраз сын тезіне алынды. Сол кездегі облыс орталығы –Талдықорған қаласы шерушілерге толықтай беріліп, қирап қалды. Халық арасына шыққанда да аузына түскен боқтық сөзді айтып, абыройсыздыққа ұрынған. Міне, содан кейін 2 жыл бойы хабарсыз кеткен Бозымбаев журналист-олигарх Арманжан Байтасовқа берген сұхбатында аймақтағы бар жауапкершілікті тағдырдың жазуына және бүгінде сотталып кеткен Алматы облыстық полиция басқармасының экс-басшысы Серік Күдебаевтың еншісіне қалдырған еді.Қазіргі уақытта Бозымбаев функционалдық жағынан толық түсініксіз президент кеңесшісі лауазымында. Шамасы, оның мансабындағы мұндай үзіліс өзі үшін керек болған шығар. Бәлкім, «Көзден кетсе, көңілден де кетеді» демекші, халықтың оған деген негатив көзқарасын азайтып, жадынан шыға тұрудың амалы ма?Жалпы, Қанат Бозымбаев Энергетика министрі және Павлодар және Алматы облыстары әкімі қызметін жұрт күткендей басқара алмаса да, қазіргі үкімет құрамындағы ең мықты мемлекеттік басқарушылардың бірі саналды.«Оның үстіне Президенттің Бозымбаевқа деген сенімі бөлектеу және өзіне адал қызметкер деп біледі. Ең бастысы, екеуі де Ұлы жүздің Жалайыр руынан екенін ескерген жөн. Қазақтың рушылдық дерті көбінесе Нұрсұлтан Назарбаевтың билігіне тән десек те, &nbsp;«Жаңа Қазақстанда» да бұл құбылысты толығымен жоққа шығаруға болмайды-ау, сірә», - дейді инсайдерлер. &nbsp;Сондықтан да Бозымбаевтың ішкі саясатты жетік білуі мен мол тәжірибесі басымдыққа ие болып, еліміздің жаңа Премьер-министрі қызметін атқаруына мүмкіндік сыйлауы да мүмкін ғой.Фото: Нұрболат Нұржаубай

Смайыловтың орнын басатын басты кандидаттың есімі белгілі болды - БАҚ

Kyzylorda-news.kz. Олардың әрқайсысына 100 АЕК мөлшерінде айыппұл салынды.&nbsp;Шығыс Қазақстан облысы Шемонаиха ауданының прокурорлары 3 әкімді әкімшілік жауапқа тартты, деп хабарлайды Бас прокуратура.Шемонаиха ауданында мемлекеттік сатып алу туралы тікелей шарттар заңсыз жасалған.&nbsp;<blockquote>"Жекелеген әкімдер "Мемлекеттік сатып алу туралы" заңның 39-бабы 3-тармағы 42-тармақшасында көрсетілген ережені бұзған. Олар сатып алу кезінде бір ғана жұмыстың құнына тоқталып (3000 АЕК-тен аспайтын), жұмыстың біртектілік жайлы қойылатын талаптарын әдейі елемеген", - деп жазылған ведомство хабарламасында.</blockquote>&nbsp;Мәселен, Шемонаиха қаласы әкімінің аппараты қысқы жол жөндеу жұмыстарын жүргізуге жалпы сомасы 27,2 млн теңгеге 3 шарт жасасқан. Жұмыстың сипаты біртекті, бірақ бұл ретте жалпы құны 3000 АЕК-тен асқанын ескере отырып, бұл сатып алулар бәсекелестік ортада жүзеге асырылуы керек болған.<blockquote>"Осындай заң бұзушылықтарға Зевакин және Вавилон ауылдық округтерінің әкімдері де жол берген. Прокурорлық қадағалау актісі бойынша Шемонаиха қаласы, Зевакин және Вавилон ауылдық округтерінің әкімдері әкімшілік жауапкершілікке тартылып, әрқайсысына 100 АЕК мөлшерінде айыппұл салынды", - дейді Бас прокуратура.</blockquote>Фото: Нұрболат Нұржаубай

Үш әкім жауапқа тартылды 

<a href="https://kyzylorda-news.kz/">Kyzylorda-news.kz</a> &nbsp;Кейбір жаңартылған банкноттар айналымға енді, деп хабарлайды Ұлттық банкке сілтеме жасаған KYN.KZ.<blockquote>"Жалпы, осы серия аясында 2025 жылдың соңына дейін 500 теңгеден басталып, номиналды құны 20 мың теңгелік банкнотпен аяқталатын жаңа сериядағы банкноттардың барлық номиналын айналымға кезең-кезеңімен шығару жоспарлануда", - дейді Ұлттық банк өкілдері.</blockquote>Жаңа дизайндағы банкноттар шығарылғаннан кейін бұрынғы дизайндағы банкноттар айналымнан кезең-кезеңімен шығарылады. "Ұлттық банк ескі және жаңа үлгідегі банкноттардың параллель айналыс мерзімін 1 жылға белгілейді. Қажет болған жағдайда бұл мерзім ұзартылуы мүмкін", - делінген хабарламада. Параллель айналыс кезеңінде ескі және жаңа банкноттар заңды төлем құралы болып саналады, олар төлемдер мен аударымдардың барлық түрлеріне қабылданады. Оларды Ұлттық банктің барлық филиалдарында, "Қазпоштада" және екінші деңгейлі банктерде шектеусіз айырбастауға болады.<blockquote>"Параллель айналыс кезеңі аяқталғаннан кейін барлық банктер мен "Қазпошта" бұрынғы үлгідегі банкноттарды жаңа үлгідегі банкноттарға тағы 3 жыл айырбастайды. 3 жыл өткеннен кейін Ұлттық банк филиалдары ескі үлгідегі банкноттарды мерзімсіз айырбастауды жалғастырады", - деді Ұлттық банк өкілдері. Айта кетейік, Ұлттық банк 2023 жылғы 25 желтоқсаннан бастап жаңа дизайндағы, номиналы 5 мың теңгелік банкноталарды айналымға шығарған еді.</blockquote>Фото: Нұрболат Нұржаубай

Елімізде 500 теңгеден 20 мың теңгеге дейінгі барлық банкнотты ауыстыру жоспарлануда

<a href="https://kyzylorda-news.kz/">Kyzylorda-news.kz</a> &nbsp;Қазгидромет синоптиктері 4 ақпан, жексенбіге арналған ауа райы болжамын жариялады.Қазақстан аумағының басым бөлігінде атмосфералық фронттарға байланысты ауа райының тұрақсыз сипаты сақталады.Синоптиктердің болжамынша қар аралас боран болады. Еліміздің батыс аймақтарында жаңбыр аралас қар түседі.ҚР бойынша тұман шөгіп, жел күшейеді. Батыс аймақтарда көктайғақ болады.Фото: Нұрболат Нұржаубай

4 ақпанға арналған ауа райы болжамы 

Фото: ҮкіметKyzylorda-news.kz. Орталық коммуникациялар қызметіндегі баспасөз конференциясында мемлекеттік қызмет істері агенттігі төрағасының орынбасары Мүксімов Салауат Сыйлыбайұлы министрлер қазақ тілін білу деңгейі сынды талаптар арқылы іріктелмейтінін айтты. Бұл туралы Stan.kz ақпарат агенттігі хабарлайды."А" корпусы, "В" корпусының қызметкерлері де мемлекеттік қызметке кірісу үшін қазақ тілін білу деңгейін тексеретін тест тапсыратынын білеміз. Сонда қазақ тілін білмейтін Алмасадам Сәтқалиев қалай энергетика министрі болып, ал Қанат Шарлапаев өнеркәсіп және құрылыс министрі болып отыр? Олар тестілеуден қалай өтті?" деп сұрады брифингке қатысқан журналистердің бірі.<blockquote>"Осыған байланысты адамдар неге жаңылысатынын түсініп отырмын. Мемлекеттік қызметке үміткерлер тапсыратын тест, яғни іріктеу әкімшілік мемлекеттік қызметкерлерге арналған.Ал саяси қызметкерлерді тағайындау тәртібі басқа. Олар тіл білу деңгейін тексеретін тест тапсырмайды және байқау негізінде іріктелмейді, тағайындалады",- деп түсіндірді ол.</blockquote>Төраға орынбасары бұл сұрақ өзінің құзіретіне кірмейтінін айтты. Десе де тіл білу туралы талап қою қалыпты жағдай екенін атап өтті.<blockquote>"Мемлекеттік қызметкердің саласына қатысты қазақ тілін білу талап етілуі мүмкін. Бұл азаматтармен тығыз байланыста болатын қызметшілер үшін өте маңызды. Себебі азаматтарға сауалы келіп түскен тілде жауап беріледі", – деді ол.</blockquote>

Қазақ тілін білмейтін Сәтқалиев қалай энергетика министрі болды – Мемлекеттік қызмет істері агенттігі жауап берді

<a href="https://kyzylorda-news.kz/">Kyzylorda-news.kz</a> Қызылордада алаяқтық жасады деген күдікті ұсталды. Ол қазақстандықтарды 3 миллиард теңгеге алдады.Бас прокуратураның баспасөз қызметінен хабарлағандай, 30 қаңтарда Қызылордада азамат Р.К. Қаржауов ұсталды. Тергеу ер адамның 2021-2022 жылдары басқа адамдармен сөз байласып, азаматтарға жалған автокредит рәсімдегенін анықтады.<blockquote>"Барлығы 235 адам зардап шекті, шығын 2,9 миллиард теңгені құрады. Тергеу барысында Қаржауов жасырынып, іздеу жарияланды. Қазір Қаржауов Қызылорда қаласының тергеу изоляторына қамалды", - деп хабарлады</blockquote>Бас прокуратура. Айта кетейік, Қазақстанда аса ірі мөлшерде алаяқтық жасағаны үшін мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, 10 жылға дейінгі мерзімге бас бостандығынан айыру түріндегі жаза қарастырылған.Фото: Нұрболат Нұржаубай

Қызылордада 235 қазақстандықты алдап кеткен алаяқ ұсталды

Фото:turkystan.kzБелгілі композитор Алтынбек Қоразбаев жастық шағында &nbsp;өнердегі әріптесі Мақпал Жүнісоваға ғашық болғанын &nbsp;және ән арнағанын жасырмады, деп хабарлайды turkystan.kz.<blockquote>«Мен шын ғашық болсам, ұрып-жығатын қасиетім бар. Әзіл-шыны аралас, Мақпалға ғашық болғаным рас. Қуыршақтай қыз еді. Осыдан 33 жыл бұрын «Мәңгілік махаббатым» деген әнді Әбдірахман Асылбекке жаздырдым. 21 жастағы Мақпал сол әнді орындаған. Қыз күнінде салмағы 50 келіге де жетпейтін. Алақанға салып, көтеріп тұруға келетін, шынашақтай қыз еді. Бірақ жүрегі кең, өнерге тазалығы көрініп тұратын. «Гүлдерде» дүркіреп тұрған кезінде ұнатқаным бар. Бірақ жүректі ғашық болдым деп бөле алмайсың. Заманбек Нұрқаділовке тұрмысқа шыққасын жеңге болды. Қазір ағамыздың көзі кеткесін ол мені «аға» деп жүр», – деп әзілдеді композитор.</blockquote>Мақпал Жүнісова де бұл сөзді растап, аталмыш оқиға туралы айтқан еді.<blockquote>«Ертеректе, 20 жас кезімізде Алтынбек ағам ән ұсынған еді. «Мен саған ғашықпын» деп сол кезде айтатын. Бірақ жеңгемізден қорықты ма, жақындай алған жоқ. Сырттай ғашықпын деп жүретін. Сол кезде «Мәңгілік махаббатым» деген әнді саған арнадым» деп алып келгені есімде. Қазір жеңгеміз қызғанбайтын шығар деп ойлаймын. Мен 60-қа келдім, ол кісі 75-ке келді», – деп күлді Мақпал Жүнісова.</blockquote>

Алтынбек Қоразбаев Мақпал Жүнісоваға ән арнаған

<a href="https://kyzylorda-news.kz/ru">Kyzylorda-news.kz.</a> Үкімет шегірткемен күреске 4 млрд теңгеге жуық қаржы бөлді деп хабарлайды Kyzylorda news ақпарат агенттігіШегірткенің жаппай таралып кетуінің алдын алу үшін 3,9 млрд теңге бөлінді. Премьер-Министр Әлихан Смайылов тиісті қаулыға қол қойды.<blockquote>Елімізде соңғы жылдары үйірлі шегірткелердің таралу алаңының ұлғайғаны байқалады: 2020 жылы – 514 мың га, 2021 жылы – 626 мың га, 2022 жылы – 975 мың га. 2023 жылы таралу алаңы 1 585 мың га болады деп болжанғанымен, іс жүзінде 1 616 мың га өңделді, — деп жазылған хабарламада.&nbsp;</blockquote>Фото: Нұрболат Нұржаубай

Шегірткемен күреске 4 млрд теңге бөлінді

<a href="https://kyzylorda-news.kz/ru">Kyzylorda-news.kz.</a> &nbsp;Астана әуежайында ұшақтардың түнде ұшып-қонуына шектеу қойылады деп хабарлайды Kyzylorda news ақпарат агенттігі <a href="www.ktk.kz">www.ktk.kz</a> сайтына сілтеме жасап.&nbsp;1 мамырдан бастап Астана әуежайына күрделі жөндеу жүргізіледі. Осыған байланысты түнгі уақытта ұшып-қонуға шектеу қойылады. Бұл шектеу 8 айға созылады.<blockquote>Бірқатар келіссөздердің, ауа райы болжамының, әуежайдың әртүрлі уақыт аралығындағы жүктемесін зерделей келе, жолаушылар үшін туындайтын қолайсыздық салдарын азайту мақсатында түнгі уақытта күрделі жөндеу жүргізу туралы шешім қабылданды. Осылайша, 2024 жылғы 1 мамырдан 24 желтоқсанға дейін жергілікті уақыт бойынша сағат 22:00-ден 06:00-ге дейін Астана қаласының әуеайлағында әуе кемелерінің ұшып-қонуына шектеу қойылады. Бұл шара әуежай ұсынатын қызметтердің сапасына кері әсер етпейді», - деп жазылған Көлік министрінің ресми хабарламасында.</blockquote>

Қазақстан және Қызылорда облысының жаңалықтары: Басты жаңалықтар old