<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаев Қалмұханбет Қасымовты қызметінен босатты, деп хабарлайды Ақорданың баспасөз қызметі.
<blockquote>
 «Мемлекет басшысының жарлығымен Қалмұханбет Нұрмұханбетұлы Қасымов Қазақстан Республикасы мемлекеттік күзет қызметінің бастығы лауазымынан босатылды», – делінген хабарламада.
</blockquote>
Президенттің баспасөз хатшысы Берік Уәлидің хабарлауынша, Қалмұханбет Қасымов отставкаға және мемлекеттік қызметтен кету туралы өзі өтініш берген.
<blockquote>
 «Қасым-Жомарт Тоқаев Қалмұханбет Қасымовқа құқық қорғау органдарындағы ұзақ жылғы қызметі мен мемлекеттік күзет қызметінің бастығы ретінде сіңірген еңбегі үшін алғыс білдірді. Мемлекеттік күзет қызметі бастығының міндетін уақытша атқару Ермек Сағымбаевқа жүктелді», – деп&nbsp;<a href="https://www.facebook.com/people/%D0%91%D0%B5%D1%80%D1%96%D0%BA-%D0%A3%D3%99%D0%BB%D0%B8/100003403233694/">жазды</a>&nbsp;Уәли.
</blockquote>
Айта кетейік, Қалмұханбет Қасымов бұл қызметке 2020 жылдың қаңтарында тағайындалған болатын.

Президент Қалмұханбет Қасымовты қызметінен босатты

<a href="https://kyzylorda-news.kz/">Kyzylorda-news.kz</a>. Мемлекет басшысы Жолдауында шағын және орта кәсіпкерлікті дамыту еліміздің әлеуметтік – экономикалық және саяси өмірінде маңызды рөл атқаратынын атап өтті.
Индустрияландыру бағдарламасының екінші бесжылдығы аясында құрылысы басталған «Қармақшы құс» жауапкершілігі шектеулі серіктестігіне жылына 1500 тонна құс етін өндіретін құс фабрикасының құрылыс аяқталуға жақын. Жобаның жалпы құны 1,9 млрд теңгені құрайды.
Қармақшы ауданының әкімі Қайрат Ырзақұлұлы Ақтөбе ауылдық округіндегі жұмыс сапары барысында құрылыс жұмыстарын аяқтауды тапсырып, тездетіп өнімді шығару және сату бағытында жауапты сала мамандарына тапсырмалар жүктеді. Құс фабрикасы іске қосылған жағдайда 70-ке дейін жұмыс орындары ашылып, жергілікті жұмыссыз азаматтарды тарту көзделуде.
Қазіргі таңда құрылыс жұмыстарының жалпы көлемі 1,2 млрд теңгені құрады. Аталған қаржыға құс фабрикасының әкімшілік және бақылау-өткізу пунктінің, 6 құс цехтарының және инкубациялық цехтың құрылыс жұмыстары, құс сою цехының металл конструкциялық жабынын монтаждау жұмыстары жүргізіліп, құс фабрикасының аумағы қоршалды.
Сонымен қатар, ағымдағы жылы құс фабрикасын іске қосу мақсатында «Бизнестің жол картасы – 2025» бағдарламасы аясында электр және сумен жабдықтау желілері, кәріз су желілері жүргізу үшін 400 млн жуық қаржы қаралып тиісті жұмыстар атқарылды.
<img src="https://kyzylorda-news.kz/wp-content/uploads/2021/07/228960648_1854674408036790_9032864769865047427_n.jpg" alt="" />
<img src="https://kyzylorda-news.kz/wp-content/uploads/2021/07/228177227_1854674434703454_712195530198590593_n.jpg" alt="" />

«Қармақшы құс» зауытының құрылыс жұмыстары аяқталуға жақын

<a href="https://kyzylorda-news.kz/">Kyzylorda-news.kz</a>.&nbsp;Бүгін Ауыл шаруашылығы министрінің міндетін атқарушы Ербол Қарашөкеев Қызылорда облысына екі күндік іссапарын бастады. Ең алдымен құрғақшылықтан зардап шегіп, төтенше жағдай жарияланған Арал ауданына ат басын бұрып, жергілікті халықпен және шаруашылық басшыларымен кездесті. Онда мемлекет тарапынан көрсетіліп жатқан көмектерге тоқталып, аймақтағы мал азығы мәселесінің шешілу жолдарын пысықтады.
Министрдің міндетін атқарушы мал азығымен қамтамасыз ету мәселелерін шешуді жылдам үйлестіру үшін Ауыл шаруашылығы министрлігі жанынан Республикалық жедел штаб құрылғанын айта келіп, министрліктің бастамасымен Үкімет деңгейінде іске асырылатын шараларды атады.
<blockquote>
 «Біріншіден, Үкімет резервінен Қызылорда облысындағы құрғақшылықтан зардап шеккен шаруалардың қыстағына жеткізілетін мал азығының құнын арзандату үшін өткен аптада 1,7 млрд теңге бөлінді. Қазір осы қаражатты барлық шаруа қожалықтарына тамыз айының ішінде жеткізу қажет. Екіншіден, Азық-түлік келісімшарт корпорациясы 490 тонна арпаны нарықтағыдан төмен бағамен сатты. Жалпы биыл жемдік астық қорын 370 мың тоннаға жеткізу жоспарымызда бар. Үшіншіден, фермерлердің жем-шөп дайындауына қосымша арзандатылған жанар-жағармай бөлінетін болды. Қазір энергетика министрлігімен барлық мәселелер пысықталды. Тамыз айынан бастап облыстарға сұратылған лимиттері бойынша жеткізілетін болады. Қызылорда облысына 3,8 мың тонна лимит бөлінді», – деді Е.Қарашөкеев.
</blockquote>
Министрлік басшысының айтуынша, Экология министрлігімен табиғи резерват жерлеріне мал жаю және шөп шабу жөнінде келісім жасалды. Осыған байланысты қорықтар жерінен шөп шабу және мал жаю мәселесі шешілді. Сонымен қатар, қазіргі жағдайға байланысты фермерлерге қолдау көрсету үшін мал шаруашылығын дамытуға алған несие төлемдерін кейінге шегеру жөнінде шаралар қабылданады. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
<blockquote>
 «Бұдан бөлек, министрлік тарапынан жақында мал шаруашылығын субсидиялау ережесіне енгізілген өзгерістерге сәйкес облыс бойынша былтырғы жылы мал азығына субсидия ала алмай қалған шаруа қожалықтарының резервтегі өтінімдері қанағаттандырылатын болды. Бұл мақсатқа облыс бюджетінен 390 млн тг қаражат та бөлінген. Осы мәселе бойынша ауыл шаруашылығы басқармасы тез арада шешім қабылдауы қажет. Содан кейін, басқа өңірлерден мал азығын тасымалдауға темір жол тарифіне арнайы жеңілдіктер беру бойынша Қазақстан темір жолы компаниясының шешімі шықты», – деді министрдің міндетін атқарушы.
</blockquote>
Тағы бір айта кететін жайт, Ауыл шаруашылығы министрлігі мен «Бәйтерек» холдингі бірлесіп қосымша мал азығын дайындайтын техника сатып алуды қаржыландыру және суармалы жерді игеруге қажет құрылғыларды сатып алуға несие беру мәселесін де қарастыратын болады. Е.Қарашөкеевтің айтуынша, жалпы Қызылорда облысы бойынша мал азығымен қамтамасыз ету үшін ішкі мүмкіндікті толық пайдаланып жағдайды шешуге болады.
<blockquote>
 «Аудандар бойынша, елді мекендерде шөп шабу бригадаларын құру қажет. Осы екі күн ішінде барлық ауданның жағдаймен танысып жедел шешуді қажет ететін мәселелерді саралайтын боламыз», – деді Ауыл шаруашылығы министрінің міндетін атқарушы.
</blockquote>
Келесі күні Жалағаш, Сырдария, Шиелі және Жаңақорған аудандарын аралап, ауыл шаруашылығы тауарын өндірушілермен кездеседі. Олардың бүгінгі тыныс-тіршілігімен танысып, өтініш-тілектерін де тыңдайды. Айта кетейік, биыл наурыз-сәуір айларында еліміздің оңтүстігі мен батыс облыстарының басым бөлігінде көктемгі жауын-шашын нормадан аз түсіп, ауа температурасы жоғары болғаны белгілі. Соның салдарынан ұзақ жылдан бері болмаған құрғақшылық мал шаруашылығына ауыр тиді.
<img src="https://kyzylorda-news.kz/wp-content/uploads/2021/07/9d874da06ae3f5bc18e83f2687daa65f_1280x720.jpeg" alt="" />
<img src="https://kyzylorda-news.kz/wp-content/uploads/2021/07/17e7753c08622dfeb3c293c482bc1554_1280x720.jpeg" alt="" />

Қызылордаға ҚР Ауыл шаруашылығы министрінің міндетін атқарушы Ербол Қарашөкеев жұмыс сапарымен келді

<a href="https://kyzylorda-news.kz/">Kyzylorda-news.kz</a>.&nbsp; Қызылорда облысына түсетін су көлемі артып келеді. Бүгінде Көктөбе су бекеті арқылы аймағымызға секундына 545 текше метр су жіберіліп, өткен жылмен салыстырғанда 95 текше метрге артық екендігін көрсетуде. Бұл туралы Өңірлік коммуникациялар қызметінің ақпараттық алаңында өткен брифингте Арал-Сырдария бассейндік инспекциясы РММ басшысы Сейілбек Нұрымбетов мәлімдеді.
Сонымен қатар, Сейілбек Серғазыұлы өңірімізде егістікке су жіберу арнайы кесте арқылы жүргізіліп жатқандығын айтып, су ресурстарын пайдалану мен реттеу жұмыстарының атқарылу барысына да тоқталды. Айтуынша Шардара су қоймасындағы су көлемі 1661 млн. текше метрді құрайды. Қоймаға түсіп жатқан су көлемі секундына 73,4 текше метр, ал төменге 530 текше метр су жіберілуде. Бұған қоса, Көксарай су реттегішіндегі су көлемі 25,37 млн. текше метрді көрсетіп отыр.
Бүгінде облыс аймағында 18 каналға тазалау жұмыстары жалғасуда. Алдағы уақытта қосымша екі су арнасы аршылатын болады. Бұл жұмыстар шаһар маңындағы сол тармақ каналы мен Қазалы ауданындағы 1-5 Д коллекторында жүргізіледі. Қажетті қаражат шілде айында облыстық бюджеттен бөлінген.
Брифингте Арал ауданындағы Қамыстыбас және Ақшатау көлдер жүйелеріндегі қалыптасқан күрделі су шаруашылығы мәселесі де қозғалды.
<blockquote>
 «Қамыстыбас және Ақшатау көлдер жүйесін суландыру үшін Аманөткел ауылының тұсында су торабын республикалық бюджет есебінен салу мәселесі келісілген болатын. Осыған байланысты, облыстық бюджеттен жобаның техникалық-экономикалық негіздемесін әзірлеуге 13,8 млн.теңге қаржы бөлініп, тиісті жұмыстар жүргізілуде», -деді облыстық табиғи ресурстар мен табиғат пайдалануды реттеу басқармасы басшысының орынбасары Бауыржан Оспанов.
</blockquote>
Сондай-ақ, сала мамандары Әйтек су торабының жөндеу жұмыстары қыркүйек айында аяқталатындығын да айтты.

Қызылордаға секундына 545 текше метр су келіп жатыр

<a href="https://kyzylorda-news.kz/">Kyzylorda-news.kz</a>. Аймақта балалар арасында коронавирус инфекциясы өршуде. Мәселен шілде айында 145 дерек тіркеліп, бүгінде 51-і амбулаторлық, 49-ы стационарлық бақылауға алынған. Бұл туралы бүгін Өңірлік коммуникациялар қызметінің ақпараттық алаңында өткен брифингте облыстық денсаулық сақтау басқармасының басшысы Сәбит Пазилов мәлімдеді.
<blockquote>
 «Балаларға вирус вакцина салдырмаған ата-аналарынан жұғуда. Олар вакцина салдырмаумен қатар санитарлық нормаларды сақтамаған, яғни көпшілік орындарға барған. Бүгінде ахуалға байланысты күшейтілген режимде жұмыс жасаудамыз. Облыс көлеміндегі инфекциялық төсек орындарын қайта бейіндендіру мақсатында 14 стационарда 585 инфекциялық төсек-орын ашылған болатын. Ал 28 шілдеден бастап 1970 төсек-орынға көбейді»,-деді Сәбит Бексейітұлы.
</blockquote>
Аймақтың бас дәрігері өз сөзінде мобильді дәрігерлер тобы шақыртуларға уақытылы, сапалы қызмет көрсетіп, науқасқа кеңес беріп, дәрі-дәрмектерін үйге жеткізіліп отқандығын атап өтті. Бүгінге дейін 138 дәрігерлік мобильдік топ 5235 шақырысқа барып, науқастарға ем жасаған.
Бұған қоса, Сәбит Бексейітұлы облыста 216 564 адам екпенің 1 компонентін, ал 2 компонентін 142 944 азамат қабылдағанын жеткізді.
<blockquote>
 «COVID-19» қарсы иммундау науқанына 106 екпе кабинеті, оның ішінде аудандарда 91 кабинет тартылып, жұмыс жасауда. Бұдан басқа, шалғайдағы ауыл, аудандарда вакцинациялауды жүргізу үшін медицина қызметкерлері жасақталған»,-деді.
</blockquote>
Брифингте сала басшысы тұрғындарды вакцина салдыруға және сақтық шараларын қатаң сақтауға шақырды.

Қызылорда: Балалар арасында індет өршуде

<a href="https://kyzylorda-news.kz/">Kyzylorda-news.kz</a>. Токио төрінде өтіп жатқан Олимпиада ойындарының кезекті жарыс күнінде Әбілхан Аманқұл алғашқы жекпе-жегінде жеңіске жетті.
75 келіге дейінгі салмақ дәрежесінде сынға түскен Әбілхан Аманқұл өзбек боксшысы Фанат Кахромоновпен кездесіп, 5:0 есебімен жеңіске жетті.

Әбілхан Аманқұл алғашқы жекпе-жегінде жеңіске жетті

<a href="https://kyzylorda-news.kz/">Kyzylorda-news.kz</a>. “Атамекен” ұлттық кәсіпкерлер палатасының басқарма төрағасы Абылай Мырзахметов қоғамдық тамақтану саласының қызметкерлеріне 42 500 теңге төлеуге негіз жоқ деп санайтынын айтты.&nbsp;
Абылай Мырзахметов тамақтануға қатысты қазіргі шектеулерді қатал деп атауға болмайды деп жауап берді. Оған қоса, ол 42 500 төлеу негізсіз деп санайтынын айтты.&nbsp;
<blockquote>
 “Нұр-Сұлтанда кинотеатрлар мен фитнес орталықтары жабылды. Алайда&nbsp;2 тамыздан бастап “Ашық” бойынша жұмыс істейтін бильярд пен компьютерлік клубтардың қызметіне рұқсат берілмек. Бұл толығымен локдаун емес. Шектеулер бары рас. Бірақ олар тек демалыс күндеріне ғана қатысты.&nbsp;Барлығына Ashyq бойынша жұмыс істеу құқығы берілген, толық тоқтқызметтері тоқтатылған жоқ. Демалыс күндері жұмыс жасамаса,&nbsp;бизнестің шығынға ұшырайтынын білеміз. Алайда бұл локдаунның алдын алуға көмектеседі. Ал 42 500 төлеуге әлі заңды негіз жоқ”, – деді ол брифингте.
</blockquote>
Ол алдағы уақытта қоғамдық тамақтану мекмелерінің жұмыс істеу уақытын өзгерту туралы тағы да талдаулар жүргізілетінін айтты.&nbsp;
<blockquote>
 “Бұл бір аптаға арналған шектеу. Алдағы уақытта&nbsp;Ashyq бойынша жағдай&nbsp;қалпына келтіріледі. Егер сіз кәсіпкер болсаңыз, сіз Ashyq-пен түннің ортасына дейін жұмыс жасай аласыз. Бір апта жағдайды бақылағаннан кейін арық қарайға жұмыс істеу мәселесін қарастыратын боламыз”, –&nbsp;дейді ол.&nbsp;
</blockquote>
<a href="https://stan.kz/">Stan.kz</a>

Қазақстанда карантинге жабылған нысандардың қызметкерлеріне 42 500 теңге төлене ме?

<a href="https://kyzylorda-news.kz/">Kyzylorda-news.kz</a>. Аймақ басшысы Гүлшара Әбдіқалықованың төрағалығымен облыс әкімдігінің кеңейтілген мәжілісі өтті. Жиынға облыс әкімінің орынбасарлары, салалық мекеме басшылары және селекторлық байланыс арқылы Қызылорда қаласы мен аудан әкімдері қатысты. Күн тәртібінде 3 мәселе қаралды: 2021 жылдың бірінші жартыжылдығының қорытындысы бойынша облыстық бюджеттің игерілуі және әлеуметтік-экономикалық дамуының қорытындылары, салық салу базасын кеңейту мәселесі мен 2021-2022 жылдардағы жылу маусымына дайындық барысы.
Бірінші мәселе бойынша облыстық қаржы басқармасының басшысы Елена Шаврова мен облыстық экономика және бюджеттік жоспарлау басқармасының басшысы Нұрғали Қордабай баяндама жасады.
2021 жылдың 1 шілдесіне облыс бюджет түсімдері 105,2 % орындалды. Шығындар жоспары 99,8 % игерілген. Өткен жылдың осы кезеңімен салыстырғанда жергілікті бюджеттердің меншікті кірістері 7,7 млрд.теңгеге өсіп, 127,6% құрады. Қызылорда қаласы мен аудандар 1 жартыжылдықта барлық бюджеттегі қаражатты 99,9-100% игерді. Алайда, бұл тізімге Арал ауданы кірмейді. Себебі, бюджет игеру көрсеткіші 99,7% құрады.
Ағымдағы жылдың бірінші жартыжылдығында облыстың әлеуметтік-экономикалық дамуын сипаттайтын барлық макрокөрсеткіштер бойынша өсім қамтамасыз етілген. Өнеркәсіп өндірісінде 344,7 млрд. теңгенің өнімі өндіріліп, өсім 0,5% құрады. Ауыл, орман және балық шаруашылығында 28,5 млрд. теңгенің жалпы өнімі өндіріліп, өсім 2,8% құрады. Ал, инвестициялар көлемі 13,6%, атқарылған құрылыс жұмыстарының көлемі 34% артты. Сондай-ақ, 297,6 мың шаршы метр тұрғын үйлер пайдалануға беріліп, өсім 5,3% көрсетті. Жұмыс жасап тұрған шағын және орта бизнес субъектілерінің саны да 6,1% артып, 49 808 бірлікті құрады. Мұнымен қоса, бөлшек саудада көлемі 145,2 млрд. теңгенің тауары сатылып, 1% өсім қалыптасты.
Жалпы, 2021 жылдың қорытындысымен Жалпы өңірлік өнім көлемінің өсімін 101,5% деңгейге жеткізу жоспары тұр.
Облыс әкімі қаржының игерілуі мен әлеуметтік-экономикалық ахуалды жақсарту бойынша нақты тапсырмалар берді.
<blockquote>
 «2021 қаржы жылы ай сайын қаржыландырудың жиынтық жоспарына сәйкес жоспарланған қаржыларды толық игеру, оның ішінде республикалық бюджет қаражатын 100 пайызға игеру қажет. 2021 жылға жоспарланған барлық конкурстық процедураларды мерзімінде аяқтап, келісім шарттарды тіркеуді қамтамасыз етіңіздер. Үстіміздегі жылдың 7 айының қорытындысымен бюджет қаражатын игеруде төмен көрсеткіштер орын алған жағдайда жауапты лауазымды тұлғаларға тәртіптік шара көрілетіндігін ескертемін. Мұнымен қоса, Арал ауданының Жақсықылыш кентінді дене шынықтыру кешенінің құрылысын және Жаңақорған кентіндегі тұрғын үйлерге су құбырын жеткізудің сервистік желісін іске қосуды тапсырамын. Стратегиялық құжаттардың да сапалы орындалуы тұрақты бақылауда болу қажет. Қызылорда облысының 2023 жылға дейінгі экономикалық даму жоспары, Қызылорда облысының әкімінің 2021 жылға арналған Іс-қимыл жоспары және 2019-2022 жылдарға арналған Қызылорда облысының әлеуметтік-экономикалық дамуының Кешенді жоспарын 2021 жылға межелеген барлық іс-шаралардың және нысаналы индикаторлардың орындалуын қамтамасыз ету міндеттеледі», – деді Гүлшара Әбдіқалықова.
</blockquote>
Салық салу базасын кеңейту мәселесіне қатысты атқарылып жатқан жұмыстарды мемлекеттік кірістер департаментінің басшысы Ғалымжан Орынов тізбектеді.
Ағымдағы 2021 қаржы жылын нәтижелі аяқтау үшін мемлекеттік кірістер департаментпен 31 033 салық төлеуші қамтылған 30 бағытта «мақсатты топ» құрылып, салықтық және кедендік әкімшілендіру жұмыстары атқарылуда. 2021 жылдың 1 жартыжылдығына жергілікті бюджеттің болжамы 135 % орындалып, жергілікті бюджетке 35,9 млрд. теңге қаржы түсті.
Мұнай бағасының құлдырауы, жұмыскерлер санының қысқаруы салық базасының тұрақтылығына теріс әсерін тигізуде. Осы орайда, қолда бар резервтерді пайдалану арқылы тұрақты салық салу базасын ұлғайту міндеті тұр.
Аймақ басшысы салық салу базасын кеңейту мақсатында бірқатар міндеттемелерді атап өтті. Атап айтақ, тозығы жеткен, жарамсыз көліктерді есептен шағаруды қамтамасыз етуді, мемлекеттік қабылдаудан өткен жол құрылысы, газ құбырлары, су құбырлары және электр желілері және олардың меншік иелерін нақтылап, облыстық экономика және бюджеттік жоспарлау басқармасына және мемлекеттік кірістер департаментіне ұсынуды жүктеді. Мемлекеттік бағдарлама аясында бөлінген қаржыға және оның қайтарымына бақылау жасауды және 1 ай мерзімде кәсіпкерлік субъектілеріндегі жұмысшылардың саны, олардың мүлкі және өндіріс көлемін анықтау бойынша тиісті мемлекеттік уәкілетті органдардың қатысуымен жұмысшы тобы құруды тапсырды. Сондай-ақ, мүлік салығы базасын ұлғайту мақсатында жаңадан тұрғызылған үйлерді анықтап, ескі бағалау құнымен қалған үйлер бойынша қайта бағалау жұмыстарын жүргізу қажет екенін атап өтті.
<blockquote>
 «Бір ай мерзімде көлеңкелі егіс көлемін анықтап, оларды салықтандыру мақсатында іс-шара жоспарын әзірлеп, бекітуге ұсыныс енгізіңіздер», – деді Г.Әбдіқалықова.
</blockquote>
Айта кету керек, жоғарда аталған тапсырмалардың орындалуын бақылау облыс әкімінің орынбасары Нұрлан Тілешевке жүктелді.
Күн тәртібіндегі үшінші мәселе бойынша облыстық энергетика және тұрғын үй-коммуналдық шаруашылық басқармасы басшысының міндетін атқарушы Ерлан Жаңабаев баяндады.
«Қызылордажылуэлектрорталығы» кәсіпорнында 2 қазандық, 5 күштік трансформатор, 17 АБМҚ және 4,1 км жылу жүйелеріне, «Қызылорда Оңтүстік жылу орталығы» филиалының 7 қазандығына, «Қазалы-Теміржолжылу» филиалының 4 бу қазандығына ағымдағы жөндеу жұмыстары 78% орындалған. «Қызылорда электр тарату тораптары» АҚ осы жылы 602 км электр желілері мен 79 дана әр түрлі кернеулі қосалқы стансаларға күрделі жөндеу, 487 км электр желісі мен 61 дана әр түрлі кернеулі қосалқы стансаларға ағымдағы жөндеу жұмыстары қаралып, 55% орындалды. «КазТрансГазАймақ» АҚ-ның Қызылорда өндірістік филиалы – алдағы жылу беру маусымына дайындық жүргізу үшін 50 дана ГРП мен 208 дана ШРП-ға ағымдағы жөндеу жұмыстарын 80% орындады. Ал, «Қызылорда Су жүйесі» МКК 1,5 шақырым ауыз су және кәріз жүйелеріне, ауыз су қысымын көтеру станциясының 4 дана насос жабдықтарына ағымдағы жөндеу жұмыстары 69% орындаған.
Әлеуметтік сала нысандарына алдағы жылу беру маусымында 33 мың тонна қатты және 25 мың тонна сұйық отын, ал тұрғындарға 140 мың тонна қатты отын қажет. Облыс бойынша орталықтандырылған жылу жүйесіне қосылған 811 көпқабатты тұрғын үй бар, бүгінгі күні олардың 12% жылу беру маусымына дайын. Қалғандарында бекітілген кестеге сәйкес жұмыстар жүруде.
Облыс әкімі Гүлшара Әбдіқалықова жоспарланған жөндеу жұмыстарын бекітілген кестеге сай аяқтауды және ағымдағы жылдың 1 қазанына дайындық паспорттарын алуды, әлеуметтік нысандар мен тұрғындарға қажетті қажетті отын қорын жасақтауды жүктеді. Тұрғындарға қажетті көмір отынына бағаның өсуін, ортадағы делдалдықты болдырмау мақсатында, көмір жеткізуші кәсіпкерлермен тікелей келісім шартқа отыру бойынша жұмыстарды үйлестіріп, газ желісі жүргізілген кенттер мен елді мекендердегі білім беру және денсаулық ұйымдарының қазандықтарын газға алмастыру бойынша шаралар қабылдауды жүктеді. Көпқабатты тұрғын үйлердің күрделі жөндеу жұмыстарын уақытылы жүргізу және барлық көп қабатты тұрғын үйлердің жылу беру маусымына дайындығын ағымдағы жылдың 1 қазанына дейін аяқтау қажет екенін айтып, жұмыс барысына күнделікті мониторинг жүргізуді және облыстық штабтың күн тәртібіне енгізуді тапсырды. Тапсырмалардың орындалуын бақылауды орынбасары Серік Сүлейменовке жүктеді.

Г.Әбдіқалықова: Тиісті қаржы бөлінген соң нысан сапалы салынып, уақытылы іске қосылуы қажет

<a href="https://kyzylorda-news.kz/">Kyzylorda-news.kz</a>. Аймақта сәбіз және картоп бағасының негізсіз өсуіне жол бермеу үшін облыстың тұрақтандыру қорынан тауарлық интервенциялар жүргізу, заем беру арқылы шаралар қабылдануда. Мәселен, облыс нарығында картоп 140-150 теңгеден сатылуда. Ал сәбіздің құны 215-220 теңгені құрайды. Бұл туралы Өңірлік коммуникациялар қызметінің ақпараттық алаңында өткен баспасөз конференциясында облыстық ауыл шаруашылығы басқармасы басшысының орынбасары Айнұр Тлеулеева мәлімдеді.
<blockquote>
 «2020 жылы бағаның тұрақтылығын қамтамасыз ету мақсатында облыстық бюджеттен 1 234,5 млн. теңге бөлініп, оның 834,5 млн. теңгесі тұрақтандыру қорына өнім сатып алуға, 399,4 млн. теңгесі кәсіпкерлік субъектілеріне қарыз беруге бағытталды»,-деді Айнұр Маратқызы.
</blockquote>
Сонымен қатар, аймақтың тұрақтандыру қорында 1069,4 тонна өнім бар.
Облыста 19 әлеуметтік маңызы бар азық-түлік тауарлары белгіленген бағада сатылуда. Қазіргі таңда, тұрақтандыру қорына 102 тонна өсімдік майы және 68 тонна қарақұмық жармасын сатып алу мақсатында ашық конкурс тәсілімен мемлекеттік сатып алу рәсімі жүргізілуде. Сондай-ақ, биыл бес әлеуметтік дүкен пайдалануға берілсе, жыл аяғына дейін қосымша 5 дүкен ашылады.
<blockquote>
 «Халық көп баратын негізгі базарлар мен ірі сауда орталықтарында тауарлардың бағасын негізсіз өсірмеу туралы күнделікті түсіндірме жұмыстары жүргізілуде. Айта кететін жайт, Қызылорда қаласының бас мемлекеттік санитариялық дәрігерінің қаулысына сәйкес облыстағы базарлар демалыс күндері жұмыс істемейді. Сол себепті кәсіпкерлер жұмыс күндері ғана сауда жасай алатынын ескертеміз»,-деді облыстық кәсіпкерлік және туризм басқармасы басшысының орынбасары Мұрат Тасқараев.
</blockquote>

Қызылордада бағаны тұрақтандыру үшін қандай жұмыстар атқарылып жатыр?

<a href="https://kyzylorda-news.kz/">Kyzylorda-news.kz</a>. Биыл сары аурумен 497 адам ем қабылдады. Стационарлы түрде ем алғандар саны 2020 жылы 3476 құраса, ал биыл 6 айда 3194 науқас аталған диагнозбен тіркелген. Ол үшін 2014 жылдан бері арнайы жұмыс жасап тұрған гепатоорталық бар. Бүгінде пациенттерге аталған мекемеден ем-дом жүргізіп, кеңес беріледі. Бұл туралы бүгін Өңірлік коммуникациялар қызметінде өткен баспасөз конференциясында Қызылорда облысының денсаулық сақтау басқармасының бөлім басшысы Раушан Бақтыберлина хабарлады.
Бауыр орталығында бүгінде 4 дәрігер және 3 медбике жұмыс жасайды. Орталықтың басты мақсаты – гастроэнтерологиялық және гепатологиялық көмек көрсету жұмысын ұйымдастыру.
Жалпы, вирустық гепатит – әртүрлі вирустардан туындайтын жұқпалы аурулардың үлкен тобы. Гепатитте бауыр зақымданады. Барлық гепатиттердің ішінде А вирустық гепатиті жиі кездеседі. Онымен тек адамдар ғана ауырады және вирус тек адамнан адамға ғана жұғуы мүмкін.
<blockquote>
 «Вирус бөлшектері қолды жумай, тамақ жеп, су ішкенде адамның асқазан-ішек жолдарына ену арқылы жұғады. Науқастану үшін вирустың шағын бір бөлшегі де жеткілікті болып есептеледі. Сондықтан, жеке гигиена мен қоғамдық гигиенаны сақтау қажет. Әсіресе, қайнатылмаған теңіз өнімдері мен мұздатылған көкөністер мен жеміс-жидектер жеу кезінде абай болу керек. Вирустық гепатиттің негізгі симптомы терінің сарғаюы болғанымен, аурудың симптомсыз өтетін кезі де болады. Аурудың жақсысы жоқ. Сол себепті уақытында гепатитке қарсы екпе салдырған жөн», – деді Р.Бақтыберлина.
</blockquote>

Қызылордада биыл 3194 науқас сары аурумен тіркелген

<a href="https://kyzylorda-news.kz/">Kyzylorda-news.kz</a>. Токио төрінде өтіп жатқан Олимпиада ойындарының кезекті жарыс күнінде қазақстандық спортшылар спорттың төрт түрі бойынша сайысқа түседі.
Нұр-Сұлтан мен Токио арасындағы уақыт айырмашылығы +3 сағатқа тең.
Ертең қазақстандықтар өнер көрсететін спорт түрлері мынадай:
08:30 Су добы.&nbsp;Ерлер
Алдын ала іріктеу раунды. Қазақстан — Испания
12:00 Теннис.&nbsp;Әйелдер. Жеке разряд, Жартылай финал.
Елена Рыбакина — Белинда Бенчич (Швейцария)
14:15 Бокс.&nbsp;Ерлер
75 кг. 1/8 финал. Әбілхан Аманқұл — Фанат Кахрамонов (Өзбекстан)
14:18 Садақ ату.&nbsp;Ерлер
1/32 финал. Ильфат Абдуллин — Джеймс Вудгейт (Ұлыбритания)
15:51 Бокс.&nbsp;Ерлер.
+91 кг. 1/8 финал. Қамшыбек Қоңқабаев — Юсри Резк Мұстафа Хафез (Египет).
<a href="https://lenta.inform.kz/kz/tokio-2020-kazakstan-sportshylarynan-kimder-sayyska-tusedi_a3817496">ҚазАқпарат</a>

Токио-2020: Бүгін жарыс алаңына Қамшыбек Қоңқабаев шығады

<a href="https://kyzylorda-news.kz/">Kyzylorda-news.kz</a>. Жалағаш ауданы халқының 72,1%-і вакцина алды.
Жалағаш аудандық ауруханасына «Гам-КОВИД-Вак» коронавирусты инфекцияға қарсы вакцинасын егу 2021 жылғы 9 наурыздан басталды. Осы уақытқа дейін облыстық денсаулық сақтау басқармасынан І тур – 14 300 доза вакцина, ІІ тур вакцинадан 11 300 доза келді. Аудан бойынша бүгінде 11 820 адам яғни 72,1 % вакцинамен қамтылды.
Вакцинаның ІІ компонентімен толық қамтылған адам саны – 7067 адам.
Халықты вакцинациялау жұмыстары аудандық емхананың егу бөлмесінде, жылжымалы медициналық кешенмен орталық алаңда және барлық елді мекендерде жүргізілуде. Сонымен қатар вакциналардың тасымалдау кезінде дұрыс сақталуын қамтамасыз ету мақсатында ауруханаға компрессорлы автохолодильник алынды.

Қазақстан және Қызылорда облысының жаңалықтары: Басты жаңалықтар old