<a href="https://kyzylorda-news.kz/">Kyzylorda-news.kz</a>. Қазіргі уақытта Қазалы ауданында жол жөндеу жұмыстары қарқынды жүріп жатыр. Айталық, биыл бөлінген қаржыға аудандық маңызы бар 50 шақырым жол мен елді мекенішілік 33 көше жөнделеді.
Аудан орталығы – Әйтеке би кентіндегі жолдарды жөндеу жұмыстары да назардан тыс қалмайды. Биылдың өзінде кентте 2 көшеге қайта жаңғырту жұмыстары жүргізіліп, көптеген көшелерге асфальт пен қиыршық тас төселді. Бұл әрине барлық проблемалық мәселе шешілді деген сөз емес. Әлі де асфальт төселіп, гравий тас қажет ететін көшелер саны аз емес.
Аудан әкімі Мұхтар Оразбаев Әйтеке би кентін аралап, шеткі көшелердің жай-күйімен танысты. Аудан орталығындағы Т.Бөріқұлақов пен Ә.Молдағұлова, Қарасақал Ерімбет тұйығы, Н.Бекежанов көшесі мен тұйығы, Жастар көшесінде болып, мәселелердің мән-жайын көзбен көрді.
Әйтеке би кентін аралау кезінде Н.Бекежанов көшесінің тұрғыны Серік Қожақов өзінің бірқатар өтініш-тілектерін аудан басшысының назарына ұсынды.
Көше тұрғынының айтуынша, жаңбыр жауған уақытта көшемен жүру мектепке баратын балаларға қиындық туғызады. Сондай-ақ, көше бойындағы көне электр бағандарын алып, ондағы электр желісі мен жарықшамдарды жаңа бағандарға көшіру жөнінде ұсынысын жеткізді.
Аудан басшысы көшеге жақын күндері қиыршық тас төселетінін жеткізді. Ал, көне бағандарды тұрғындар рұқсат берсе КРЭК мекемесі алып, жарықшамдарды жаңа бағандарға көшіретінін айтты.
Жастар көшесінің тұрғындары жарықшам мәселесін қозғап, мүмкіндік болса көмек көрсетуді сұрады. Басқа мәселелердің барлығы шешімін тапқанын айтты.
Одан бөлек, Әйтеке би кентінің әкімі Қайрақбай Орынбасаров тұрғындар тарапынан Қ.Сәтбаев тұйығынан спорт алаңын салу жөнінде ұсыныс түскенін айтып, спорт алаңы салынатын орынды аудан басшысына көрсетті.
<img src="https://kyzylorda-news.kz/wp-content/uploads/2021/08/sport.jpg" alt="" />
<img src="https://kyzylorda-news.kz/wp-content/uploads/2021/08/kazaly.jpg" alt="" />

Қазалыда 50 шақырым жол жөнделеді

<a href="https://kyzylorda-news.kz/">Kyzylorda-news.kz</a>. Қазақстан аумағының басым бөлігінде бұрынғысынша антициклон әсерінен жауын-шашынсыз ауа райы күтіледі, деп хабарлайды Қазгидромет.
Тек оңтүстік-шығыс таулы аудандарында, сондай-ақ республиканың шығысында атмосфералық фронталды бөліктердің өтуімен жаңбыр жауады, найзағай болады. Республика бойынша желдің күшейюі, оңтүстікте шаңды дауыл, оңтүстік-шығысында бұршақ болады, солтүстікте түңгі және таңғы сағаттарда тұман күтіледі.
Жамбыл облысында күндіз таулы және тау бөктеріндегі аудандарда найзағай, бұршақ күтіледі, облыстың солтүстік-шығысында шаңды дауыл күтіледі, облыстың солтүстік-шығысында және оңтүстік-батысында жел 15-20 м/с күшейеді.
Алматы облысының таулы аудандарынданайзағай күтіледі. Түркістан облысының батысында шаңды дауыл күтіледі, таулы аудандарда және облыстың батысында жел 15-20, күндіз екпіні 25 м/с күшейеді. Күндіз Қызылорда облысының оңтүстігінде және оңтүстік-шығысында, Маңғыстау облысының солтүстік-шығысында шаңды дауыл күтіледі, жел 15-20 м/с күшейеді.
Шығыс Қазақстан облысының солтүстік-шығысында найзағай күтіледі, күндіз жел 15-20 м/с күшейеді. Күндіз Қарағанды облысының оңтүстігінде жел 15-20 м/с күшейеді. Түнде және таңертең Солтүстік Қазақстан облысының солтүстік-шығысында тұман күтіледі.
Күндіз Атырау, Батыс Қазақстан, Ақтөбе облыстарында қатты ыстық сақталады, Маңғыстау, Қостанай облыстарының оңтүстігінде қатты ыстық сақталады.
Маңғыстау облысы, Атырау, Батыс Қазақстан, Ақтөбе, Қызылорда, Түркістан, Жамбыл, Алматы облыстарының басым бөлігінде, Қарағанды облысының батысында, Қостанай, Ақмола, Шығыс Қазақстан облыстарының оңтүстігінде төтенше өрт қаупі сақталады.

20 тамызға арналған ауа райы болжамы

<a href="https://kyzylorda-news.kz/">Kyzylorda-news.kz</a>.&nbsp;Қазақстанда өткен тәулікте 6666 адам коронавирустан жазылды, деп хабарлайды <a href="https://www.coronavirus2020.kz/kz/kazakstanda-otken-taulikte-6666-adam-koronavirus-indetinen-emdelip-shykty_a3825687">coronavirus2020.kz</a>.
Аймақтар бойынша:
Нұр-Сұлтан қаласы – 431,
Алматы қаласы – 1050,
Шымкент қаласы – 604,
Ақмола облысы – 259,
Ақтөбе облысы – 522,
Алматы облысы – 396,
Атырау облысы – 332,
Шығыс Қазақстан облысы – 115,
Жамбыл облысы – 100,
Батыс Қазақстан облысы – 127,
Қарағанды облысы – 1129,
Қостанай облысы – 443,
Қызылорда облысы – 197,
Маңғыстау облысы – 207,
Павлодар облысы – 419,
Солтүстік Қазақстан облысы – 208,
Түркістан облысы – 127.
Қазақстан бойынша жазылғандар саны – 591964.

Қызылордада өткен тәулікте 197 адам коронавирустан жазылды

<a href="https://kyzylorda-news.kz/">Kyzylorda-news.kz</a>.&nbsp;Бүгін ҚР Премьер-Министрі Асқар Маминнің төрағалығымен өткен Үкімет отырысында жем-шөппен қамтамасыз ету және егін жинау науқанына дайындық мәселелері қаралды. Облыс әкімі Гүлшара Әбдіқалықова атқарылған жұмыстың барысын баяндады.
Биыл облыс бойынша 188 мың гектарға ауыл шаруашылығы дақылдары орналастырылды. Оның ішінде облыстың негізгі дақылы – күріш егісінің көлемі 83,6 мың гектарды құрады. Өткен жылмен салыстырғанда 6 мың гектарға күріш көлемі қысқартылып, орнына 9,8 мың гектар болатын суды аз қажет ететін майлы және мал азықтық дақылдармен қатар көкөніс, бақшаның егіс көлемдері артты.
Қазіргі таңда облыста егін жинау жұмыстары белгіленген кестеге сәйкес жүргізілуде. Негізгі дақыл – күрішке орақ салу жұмыстары тамыз айының үшінші онкүндігінде басталады.
Егін жинау жұмыстарына қатысатын қолда бар ауыл шаруашылығы техникаларының бүгінде 98 пайызы дайын. Жанар-жағар маймен қамтамасыз ету жұмыстары кестеге сәйкес жүргізілуде. Егін жинау жұмыстарын 15 қазаннан кешіктірмей толық аяқтау жоспарланып отыр. Аймақ басшысының айтуынша, зоотехникалық нормаларға сәйкес, биылғы жылы қысқа түсетін мал басына 770 мың тонна шөп, 8 мың тонна сүрлем және 213 мың тонна құрама жем қажет. Бекітілген жоспарға сәйкес қажетті жем-шөп қоры 220 мың тонна жоңышқа, 8 мың тонна сүрлем, 17 мың тонна астық жемі, 115 мың тонна күріш жемі және 550 мың тонна шабындық шөбі өз өндірісіміз есебінен қамтамасыз етіледі. Бұдан басқа, 170 мың тонна күріш сабанын дайындау жоспарлануда. Ал, қалған жетіспейтін құрама жем көлемін «Азық-түлік келісім шарт корпорациясы» акционерлік қоғамы арқылы және нарықтан сатып алынатын болады.
Сонымен қатар, облыста мал азығын дайындау үшін 114 бригада құрылып, 1000-нан астам адам және 170-тен астам ауылшаруашылық техникасы жұмылдырылған.
Облыс әкімі Арал ауданында орын алған қуаңшылық мәселесін қатысты атқарылып жатқан жұмыстарға да тоқталды.
<blockquote>
 «Арал ауданында орын алған құрғақшылық зардабын төмендету мақсатында төтенше жағдай жарияланды. Облыстың резерв қорынан 250 млн. теңге бөлінді. Оның ішінде жем-шөп тасымалдауға 49,5 млн. теңге және жайылымдықтар мен шабындықтарды, көлдер жүйесін суландыруға және мал суару құрылғыларына 200 млн. теңге бөлінді. Мұнымен қоса, «Байқоңыр» Әлуметтік кәсіпкерлік корпорациясы арқылы облысқа құрама жем жеткізу мақсатында 100 млн теңге қаралды. Облыс бойынша қайырымдылық көмек көрсету жұмыстары жүргізілуде. Бүгінгі күнге дейін Арал ауданының 3287 аз қамтылған отбасыларына 860 тонна шөп және 740 тоннадан астам құрама жем жеткізіліп, көмек көрсетілді», – деді Гүлшара Әбдіқалықова.
</blockquote>
Айта кету керек, Үкімет резервінен тауар өндірушілердің жем-шөп сатып алу шығындарын ішінара субсидиялауға 1,7 млрд. теңге қаржы бөлінген.

Гүлшара Әбдіқалықова: Аралда 3287 аз қамтылған отбасыға 860 тонна шөп және 740 тоннадан астам құрама жем жеткізілді

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова Токиода өтетін ХVI Паралимпиада ойындарына қатысатын қызылордалық парадзюдошы Даяна Федосовамен онлайн форматта кездесті.
Аймақ басшысы Даянаға алдағы спорт бәсекесіне сәттілік тілеп, Сыр елінің жанашыр жерлестері оған жанкүйер болатынын жеткізді.
<blockquote>
 «Сізді Токио ойындарына қатысуға құқық беретін лицензияны ұтып алуыңызбен шын жүректен құттықтаймын. Сіз Сыр өңірінің спорт тарихында тұңғыш Паралимпиадаға қатысушысыз, сондықтан мұның өзі зор жетістік деп білеміз. Токиода бар күш-жігеріңізді сарқа жұмсап, үздік болатыныңызға сенеміз», – деді облыс әкімі.
</blockquote>
Онлайн форматтағы жүздесуде облыс әкімі Сыр елі жұртшылығының атынан еліміздің абыройын қорғайтын спортшы қызға көрсетілетін сый-сияпат ретінде 500 мың теңгенің сертификатын ұсынды. Өз кезегінде, Даяна спорт бәсекесі алдында өзіне қолдау білдіріп, пікірлескен аймақ басшысына және барша спорт жанашырларына алғыс білдіріп, жерлестерінің үмітін ақтайтынын айтты.
Естеріңізге сала кетейік, коронавирус пандемиясына байланысты бір жылға шегерілген ХVI Паралимпиада ойындары биыл 24 тамыз бен 5 қыркүйек аралығында өтеді. Федосова Даяна Владимировна 2001 жылдың 13 шілдесінде Қызылорда қаласында дүниеге келген. Алматы қаласындағы дарынды балаларға арналған спорт интернатын, Қызылорда қаласындағы «Болашақ» колледжін аяқтаған.
Парадзюдомен 2019 жылдан бастап айналысады. Бапкері – дзюдодан ҚР еңбек сіңірген жаттықтырушысы Жанарбек Сансызбаев.Пара дзюдодан ҚР спорт шебері, ҚР чемпионатының жеңімпазы (2020 ж.), ҚР Кубогінің жеңімпазы (2021 ж.), Гран-при турнирінің қола жүлдегері, Уорик қаласы (Англия, 2021 ж.).
<img src="https://kyzylorda-news.kz/wp-content/uploads/2021/08/238608703_3627164567386586_5005639785439952551_n.jpg" alt="" />
<img src="https://kyzylorda-news.kz/wp-content/uploads/2021/08/234761557_3627164484053261_2250470612956358527_n.jpg" alt="" />

Аймақ басшысы Токио паралимпиадасына қатысатын спортшымен кездесті

<a href="https://kyzylorda-news.kz/">Kyzylorda-news.kz</a>. Токио Олимпиадасының қола жүлдегері, боксшы Қамшыбек Қоңқабаев мемлекет тарапынан берілген сыйақыны қайырымдылық қорына жұмсайды. Бұл туралы боксшы өзінің «Facebook» парақшасында хабарлады.
<blockquote>
 «Ассалаумағалейкум құрметті спорт сүйер қауым! Бүгін Алматы қаласында Қазақстан бокс федерациясының президенті Кеңес Хамитұлының қолдауымен Олимпиада ойындарына қатысқан спортшылар мен жаттықтырушыларды марапаттау рәсімі өтті. Команда капитан ретінде ұлттық құрама атынан қандай нәтиже болмасын бізге қолдау көрсетіп жатқан Кеңес Хамитұлына алғысымызды айтқымыз келеді. Осы орайда Мемлекет тарапынан берілген 75,000 $ сыйақыны қайырымдылық қорына жұмсауды жөн көрдім», – деп жазады боксшы.
</blockquote>

Қамшыбек Қоңқабаев мемлекеттік сыйақыны қайырымдылық қорына жұмсайды

<a href="https://kyzylorda-news.kz/">Kyzylorda-news.kz</a>. 18 тамыз – Шекарашылар күні. Атаулы мерекеге орай Қызылорда облысының әкімі Гүлшара Әбдіқалықова сырбойылықтар мен шекарашыларды мерекемен құттықтады.
Қымбатты сырбойылықтар! Қадірлі шекарашы сардарлар мен сарбаздар!
Сіздерді кәсіби мерекелеріңіз – Шекарашылар күнімен шын жүректен құттықтаймын!
Қай елдің болмасын, мемлекеттілігін айқындайтын оның шекарасы екені белгілі.Елбасы Нұрсұлтан Әбішұлы Назарбаев айтқандай, біздің бабаларымыз ғасырлар бойы ұшқан құстың қанаты талып, жүгірген аңның тұяғы тозатын ұланғайыр аумақты ғана қорғаған жоқ. Олар ұлттың болашағын, келер ұрпағын, бізді қорғады. Сан тараптан сұқтанған жат жұртқа Атамекеннің қарыс қадамын да бермей, ұрпағына мирас етті. Тәуелсіздігімізді алған 30 жылдың ішінде еліміз мемлекеттік шекарамызды заңдық тұрғыдан халықаралық қауымдастық алдында мойындатты. Қол жеткен азаттықты елдің мықты әскері ғана қорғай алады десек, халық тыныштығын қамтамасыз ету – әрбір азаматтың абыройлы міндеті, перзенттік парызы. Осы тұрғыда кірпік қақпай ел тыныштығын күзетіп тұрған шекарашыларымызда үлкен жауапкершілік жүгі бар.
Жер көлемі жағынан тоғызыншы орынды иеленетін еліміздің шекарасын күзету де оңай емес. Алайда, елдің тыныштығы мен қауіпсіздігіне аса сақтықпен қарайтын жауынгерлеріміз өздеріне артылған жүкті абыроймен көтеріп келеді.
Қазіргі кезде алыс-жақын шетелдерде болып жатқан түрлі жағдайлар шекарашыларымызға бір сәт те босаңсуға болмайтынын көрсетеді.
Ел Президенті Қасым-Жомарт Кемелұлы Тоқаев өзінің «Тәуелсіздік бәрінен қымбат» атты мақаласында: «Аумақтық тұтастығымызға күмән келтіріп, тату көршілік қатынастарға сына қаққысы келетін кейбір шетел азаматтарының арандатушылық іс-әрекеттеріне ресми және қоғамдық деңгейде тойтарыс бере отырып, ағартушылық жұмыстарын ұстамдылықпен жүргізген жөн. Біз ұлттық мүддені аспен де, таспен де қорғауға дайын болуымыз қажеттігін тағы да баса айтқым келеді», – деген еді.
Құрметті шекарашылар! Еліміздің ұлттық қауіпсіздігі мен тыныштығын қамтамасыз етіп, ұлан-ғайыр мемлекеттік шекарамызды қорғауда еңбектеріңіз зор.
Сіздердің қиын да абыройлы, жауапкершілігі мол істеріңізге табыс, мықты денсаулық, шаңырақтарыңызға амандық тілеймін. Еліміз тыныш, шекарамыз берік болсын!

Гүлшара Әбдіқалықова шекарашыларды құттықтады

<a href="https://kyzylorda-news.kz/">Kyzylorda-news.kz</a>. Қызылорда облысында міндетті әлеуметтік медициналық сақтандыру жүйесінде сақтандырылмаған 145 мыңнан астам азамат бар. Олардың көпшілігі облыс орталығы, Байқоңыр қаласы, Қазалы және Жаңақорған аудандардың Бірыңғай жиынтық төлемді төлеушілер мен жалдамалы қызметкерлері. «Nur Otan» партиясы облыстық филиалы жанындағы «Ұлт денсаулығы мәселелері» жөніндегі аймақтық қоғамдық кеңесінің отырысы барысында МӘМС жүйесінде азаматтарды өзектендіру мәселелері көтерілді.
Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетовтың айтуынша, кәзіргі танда аймақ тұрғындарының 81,8% МӘМС жүйесінде сақтандырылған, ал 2020 жылы облыс халқының 87%-ын медициналық сақтандырумен қамту міндеті қойылған.
Сонымен қатар, медициналық ұйымдардың жұмысына шағымдар көбейді. Басым үлесі медициналық көмек көрсету сапасыздығы, медициналық көмек көрсетуден бас тарту. 2021 жылдың 6 айында қызылордалықтардан 78 шағым түскен. Мониторингтік тексерулер барысында медициналық ұйымдарға 973 898 теңге көлемінде айыппұл салынды.
Отырыс барысында тиісті ведомстволардың алдына халық арасында ақпараттық-түсіндіру жұмыстарын күшейту, қызметкерлердің, жеке кәсіпкерлердің МӘМС үшін тұрақты төлемдерін қамтамасыз ету, медициналық қызметтердің сапасын арттыру және т. б. міндеттер қойылды.
Медициналық көмек көрсетуден бас тартқан жағдайда, медициналық қызмет сапасыз болған жағдайда, пациент байланыс орталығына 1406 нөмірі бойынша немесе Qoldau-24/7 мобильді қосымшасы арқылы шағымдана алады.
<img src="https://kyzylorda-news.kz/wp-content/uploads/2021/08/nwr-otan-.jpeg" alt="" />
<img src="https://kyzylorda-news.kz/wp-content/uploads/2021/08/nwr-otan-1-1.jpeg" alt="" />

МӘМС: Қызылордада 145 мыңнан астам адам сақтандырылмаған

<a href="https://kyzylorda-news.kz/">Kyzylorda-news.kz</a>. Токио Олимпиадасында қазақстандық боксшы Қамшыбек Қоңқабаев (91 келіден жоғары) бүгін ресейлік Иван Верясов, деп хабарлайды ҚазАқпарат.
Алғашқы екі раундта Қамшыбектің басымдығы байқалып тұрды. Үшінші раундта да сол қарқынынан тайған жоқ. Осылайша жартылай финалға шықты.
Қазақстандық спортшының бүгінгі қарсыласы Иван Верясов 1993 жылы дүниеге келген. Әуесқой бокста қазірге дейін 281 жекпе-жек өткізіп, оның&nbsp;<a href="https://www.inform.kz/kz/tokio-2020-kamshybek-konkabaev-bugin-reseylik-boksshymen-sharshy-alanga-shygady_a3818652">255-де жеңіске жеткен</a>&nbsp;болатын. Әзірге әлемдік және құрлықтық чемпионаттарда жүлдегерлер қатарынан көріне алған жоқ.
Еске салсақ, биылғы Олимпиадаға ерлер құрамасынан 8 спортшы барды. Олардың арасынан Қамшыбектен өзге Сәкен Байбосынов (52 келі), Закир Сафиуллин (60 келі) жарысты жалғастыруда.
Ал Серік Теміржанов (57 келі), Абылайхан Жүсіпов (69 келі), Әбілхан Аманқұл (75 келі), Бекзат Нұрдәулетов (81 келі), Василий Левит (91 келі) қарсыласына есе жіберіп қойды.
Қыздарда Надежда Рябец (75 келі) алғашқы кездесуде жеңіліп қалды.
ФОТО: Сали Сабиров, Қазақстан ҰОК

Токио-2020: Қамшыбек Қоңқабаев жартылай финалға шықты

<a href="https://kyzylorda-news.kz/">Kyzylorda-news.kz</a>. Бүгін футболдан Қазақстан кубогы төртінші турының екінші ойын күні өтті, деп хабарлайды ҚазАқпарат.
Қызылордада жергілікті «Қайсар» өз алаңында «Ақтөбені» қабылдады. Біріншілік барысында әзірге көш соңында келе жатқан қызылордалық клуб кубок ойындарында тәп-тәуір нәтижеге қол жеткізіп келеді. Бірде-бір кездесуде жеңілген жоқ. Сол сәттілік сериясы бүгін де оларға серік болды.
Кездесу тағдырын 46-минутта қызылордалық клуб шабуылшысы Каролис Лаукжемис соққан жалғыз гол шешті. Осылайша «Қайсар» қарсыласын 1:0 есебімен басым түсті. Нәтижесінде өз тобында сегіз ұпаймен көш басында шықты.
Сондай – ақ, бүгін Алматының «Қайраты» сырт алаңда Түркістанның «Тұран» клубынан 3:4 есебімен жеңілсе, 30 шілдеде «Тараз» «Атырауды» 1:0 есебімен жеңді.
Енді 1 тамызда «Мақтарал» мен «Тобыл», «Ордабасы» мен «Қызылжар», СДЮСШОР № 8 бен «Шахтер», «Ақжайық» пен «Астана» командалары кездеседі.

Футболдан Қазақстан кубогы: «Қайсар» көш басына шықты

Kyzylorda-news.kz. Өткен тәулікте коронавирус инфекциясын жұқтырған 7 803 жағдай тіркелді, деп хабарлайды ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссиясы.
Елімізде коронавирус инфекциясын жұқтырғандар саны 580 379 жетті.
Оның ішінде: Нұр-Сұлтан қаласында – 1507, Алматы қаласында – 1535, Шымкент қаласында – 585, Ақмола облысында – 256, Ақтөбе облысында – 251, Алматы облысында – 334, Атырау облысында – 415, Шығыс Қазақстан облысында – 198, Жамбыл облысында – 222, Батыс Қазақстан облысында – 185, Қарағанды облысында – 974, Қостанай облысында – 252, Қызылорда облысында – 201, Маңғыстау облысында – 254, Павлодар облысында – 300, Солтүстік Қазақстан облысында – 151, Түркістан облысында – 183.

Қызылордада 201 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Токио Олимпидасында бокстан аса ауыр салмақ дәрежесі бойынша алаңға шыққан қазақстандық боксшы Қамшыбек Қоңқабаев алғашқы қарсыласын айқын басымдықпен жеңді. Содан кейін боксшы сұхбат беріп, жекпе-жек кезінде ойындағы әдістің барлығын толық орындай алмағанын жеткізді, деп жазды&nbsp;<a href="https://olympic.kz/kk/article/21979">Olympic.kz</a>.
<blockquote>
 “Жекпе-жекте ойымдағы әдістерді жүз пайыз орындай алмадым. Бірінші кездесу болғандықтан, қобалжу да болды. Жеңіс үшін бар күш-жігерімді салдым. Қарсыласым да осал емес, мықты әрі бойшаң. Кейбір әдісім жақсы шықса, енді бірі өтпей қалды. Сол үшін әр кездесуге дайын болу керек”, – деді Қоңқабаев.
</blockquote>
Айтуынша, келесі қарсыласы да осал емес.&nbsp;
<blockquote>
 “Ресейлік боксшымен спаррингтік кездесулер өткіздім. Жарыс кезінде бәрі де басқаша болатыны анық. Көпшілігі мені Өзбекстан намысын қорғайтын Бахадор Жалоловпен кездестіруге асық. Бірақ мен үшін әрбір қарсылас мықты. Себебі бұл – Олимпиада. Кеше біраз жігіттің жарысты аяқтағаны да жанымызға батып, көңіл күйімді түсірді. Десе де, елімізді қуантуға дайынбыз, бар күшімізді саламыз”, – деді Қамшыбек.
</blockquote>

Қазақстан және Қызылорда облысының жаңалықтары: Басты жаңалықтар old