<a href="https://kyzylorda-news.kz/">Kyzylorda-news.kz.</a>&nbsp;Ө.Жолдасбеков атындағы математика және механика бойынша зерттеу жобаларының ХІ халықаралық конкурсында Қызылордадағы Назарбаев Зияткерлік мектебінің 8-сынып оқушысы Бекжан Бектұрған жүлделі екінші орынды иеленді.
Аталмыш додада сырбойылық зияткер Франция, Индонезия, Түркия, Қырғызстан, Тәжікстан, Қазақстан елдерінің дарынды жас зерттеушілерімен бақ сынасты. Ол ақпараттың көлемін кішірейту және аз көлемді қамтитын сурет алуда векторлық кескін пайдалануды ұсынады. Жас математиктың таныстырған «Безье қисығы арқылы оптимальді векторлық кескін алу әдісі» байқауда қазылық еткен ғалымдардың жоғары бағасына ие болды.
<blockquote>
 «Осы моделдің арқасында интернеттен сурет іздеу мүмкіндігі жеңілдей түседі. Тіпті интернеттен сурет көшіруге тосқауыл қоюды, яғни плагиатқа жол бермеуді ұйымдастыруға болады», ‒ дейді оқушы.
</blockquote>
Бекжан Бектұрған бұл жұмыспен 1 жылдан бері айналысып келеді. Мәселені зерттеуде ұстазы Мұхтар Бегайдаровтың берген бағыт-бағдары мен қолдауы зор.
Алдағы уақытта жас зерттеуші python (питон) тілінде математикалық анимациялардың моделін зерттеп, компьютерлік математика саласына өз үлесін қосқысы келеді.
<a href="https://www.facebook.com/photo/?fbid=2767505010246082&set=a.1559979897665272&__cft__%5b0%5d=AZUIwWtw4eHfQMAPj6hi05aJMyI9uXGcuJwViuIO7UoTDmvPRuevIXN0XKs_ltwl1sWUKmwTwdyN0TMoQ8nX0r0o3aTiInRO36qTh74aUPm74uqOQEm1HcGKQI4Q3V5U-h8&__tn__=EH-R"></a>

Қызылордалық оқушы халықаралық байқауда күміс медаль иеленді

<a href="https://kyzylorda-news.kz/">Kyzylorda-news.kz.</a> Британ фотографы Джеймс Моллисон (James Mollison) мектеп жанындағы алаң балалық шағында өте маңызды орын алғанын байқаған. Мектеп алаңында қызықты кездесулер мен әңгімелер, ойындар мен балалық қылықтар болатыны сөзсіз. Осы ойлар оны мектеп алаңдарына байланысты фотожоба құруға итермеледі. Әлемнің түкпір-түкпіріндегі мектеп алаңдары қандай екенін Моллисонның суреттерінен тамашалауыңызға болады.
Ұлыбритания
<img src="https://kyzylorda-news.kz/wp-content/uploads/2021/02/wlyb.jpg" alt="" />
Боливия
<img src="https://kyzylorda-news.kz/wp-content/uploads/2021/02/boli.jpg" alt="" />
Бутан
<img src="https://kyzylorda-news.kz/wp-content/uploads/2021/02/bwtan.jpg" alt="" />
Жапония
<img src="https://kyzylorda-news.kz/wp-content/uploads/2021/02/zhapo.jpg" alt="" />
Ресей
<img src="https://kyzylorda-news.kz/wp-content/uploads/2021/02/resej.jpg" alt="" />
Израиль
<img src="https://kyzylorda-news.kz/wp-content/uploads/2021/02/izar.jpg" alt="" />
Норвегия
<img src="https://kyzylorda-news.kz/wp-content/uploads/2021/02/norv.jpg" alt="" />
Непал
<img src="https://kyzylorda-news.kz/wp-content/uploads/2021/02/nepal.jpg" alt="" />
Үндістан
<img src="https://kyzylorda-news.kz/wp-content/uploads/2021/02/wndis.jpg" alt="" />
Мексика
<img src="https://kyzylorda-news.kz/wp-content/uploads/2021/02/meksi.jpg" alt="" />
Италия
<img src="https://kyzylorda-news.kz/wp-content/uploads/2021/02/ital.jpg" alt="" />
АҚШ
<img src="https://kyzylorda-news.kz/wp-content/uploads/2021/02/aksh.jpg" alt="" />
Кения
<img src="https://kyzylorda-news.kz/wp-content/uploads/2021/02/kenija.jpg" alt="" />
Қытай
<img src="https://kyzylorda-news.kz/wp-content/uploads/2021/02/kytaj.jpg" alt="" />
<a href="https://bilim-all.kz/article/12185-Alem-elderindegi-mektep-alandary">Bilim-all.kz</a>

Әлем елдеріндегі мектеп алаңдары

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымының (ДДСҰ) мәліметтері бойынша, әлемде (Таяу Шығыс мемлекеттерінен басқа) коронавирустың таралу қарқыны бәсеңдегені байқалған. Сондай-ақ, әлемде COVID-19 жаңа жағдайларының саны 16% – 2,7 миллионға дейін төмендеген, деп хабарлайды <a href="https://lenta.inform.kz/kz/ddsu-alemde-koronavirustyn-taralu-karkyny-basendedi_a3758141">ҚазАқпарат</a>.
Ғалымдардың пікірінше, қаңтар айының басында вирус жұқтырушылар саны 5 миллионнан асқаннан кейін, бесінші апта қатарынан індет қарқынының төмендегені байқалған. Сонымен қатар коронавирустан қайтыс болғандар саны да азаюда. ⠀
Американдық The New York Times басылымы әлемде және АҚШ-та індет деңгейінің төмендеуінің басты себебі қазіргі кезде адамдардың едәуір бөлігі вирусқа қарсы иммунитетке ие болған деп есептейді.⠀
Аталған жағдайға қарамастан, денсаулық сақтау саласының қызметкерлері әлем халқын қырағы болуға шақырады – ешкім COVID-19-дың тұрақты төмендеуіне кепілдік бере алмайды. Сонымен қатар, коронавируспен ауырған кейбір адамдар, індеттің жаңа нұсқаларының бірін қайта жұқтыру ықтималдылығы бар.

ДДСҰ: Әлемде коронавирустың таралу қарқыны бәсеңдеді

<a href="https://kyzylorda-news.kz/">Kyzylorda-news.kz.</a> Қазақстан Токио олимпиадасының кезекті жолдамасын иеленді. Бұл жолы су добы спортынан ұлттық құрама төртжылдықтың басты додасына лицензияны ұтып алды.
Олимпиада жолдамасы ойнатылатын Азия іріктеуі турнирі өткен жылы Нұр-Сұлтанда өтуі қажет еді, алайда коронавирус пандемиясына байланысты жарыс ақпан айына шегірелген.
Дегенмен әледегі коронавирус ахуалы әлі жақсармағанына байланысты Азия федереациясы құрлықтық доданы өткізбеуді шешті. Олимпиадаға қалған жолдамалар ұлттық құрамаларға үлестіріліп берілді.
Роттердамда өткен Токио олимпиадасының ресми жеребе тарту рәсімінде Қазақстан құрамасы да қатысты. Су добының Азия федерациясы олимпиадаға жолдаманы Джакартада өткен Азиада жеңімпаздарына беруді жөн көрепті.&nbsp;
Су добынан&nbsp;Қазақстан&nbsp;құрамасы олимпиадада В тобына түсіп,&nbsp;Аустралия, Хорватия, Сербия, Испания, Черногория&nbsp;құрамаларына қарсылас атанды. Ал А тобында&nbsp;Оңтүстік Африка,&nbsp;АҚШ,&nbsp;Венгрия,&nbsp;Грекия,&nbsp;Жапония,&nbsp;Италия&nbsp;ұжымдары өнер көрсетеді.&nbsp;
Айта кетерлігі, су добынан Қазақстан құрамасы 2000 жылғы Сидней, 2004 жылғы Афины және 2012 жылғы Лондон олимпиадаларына қатысқан.&nbsp;Дәл қазіргі сәтте Қазақстан қоржынында Токио олимпиадасына 44 спорт түрінен жолдама бар.&nbsp;
<a href="https://stan.kz/news-343711/">Stan.kz</a>

Қазақстан Токио олимпиадасының кезекті жолдамасын иеленді

<a href="https://kyzylorda-news.kz/">Kyzylorda-news.kz.</a>&nbsp;«Халықты коронавирусқа қарсы вакциналау жаппай жүргізілсе ғана індетті тоқтатуға көмектеседі». Дүниежүзілік денсаулық сақтау ұйымының басшысы Тедрос Гебрейесус жұқпалы кеселмен күреске қатысты осылай деп мәлімдеді.
Егер халықты егу кейінге шегерілсе, жаңа штамдар пайда болып, оның тиімділігі төмендейді. Ал кедей елдерде екпенің жетіспеуі дамыған елдердегі жағдайды да нашарлатуы мүмкін.
«Сондықтан бай елдер өз азаматтарын COVID-19-дан қорғау үшін кедей елдердегі вакциналауға атсалысуы керек», – дейді ұйым басшысы. Гебрейесус сондай-ақ: «қазір коронавирусқа қарсы қандай да бір вакцинаның қауіптілігі жайында мәлімет жоқ» деді.
<blockquote>
 «Үлкен жетілікті құрайтын мемлекеттер өз халқын коронавирусқа қарсы вакциналауға шұғыл кірісті. Ол жақсы. Алайда екпе жұмыстары кедей елдерде де жаппай жүргізілмесе, оның жалпы әсері немесе тиімділігі төмен болуы мүмкін. Сондықтан дамыған елдер «Ковакс» бойынша келісімді орындаса ғана біз кірісі төмен елдерді қажетті мөлшерде вакцинамен қамтамасыз ете алатын боламыз. Бұл өте маңызды мәселе». – дейді ДДСҰ басшысы Тедрос Адханом Гебрейесус.
</blockquote>
<a href="https://24.kz/kz/zha-aly-tar/m-denie/item/457132-dds-b-kil-lem-vaktsina-almajynsha-indet-to-tamajdy">Хабар 24</a>

ДДСҰ: Бүкіл әлем вакцина алмайынша, індет тоқтамайды

Kyzylorda-news.kz. 18 ақпанда Perseverance атты жаңа ровер Марс бетіне қонды. Ғылыми жабдықтармен қатар, ол Қызыл планетаға миллиондаған адамның есімдерін жеткізді. Олардың арасында Димаш Құдайбергеннің есімі де бар, деп хабарлайды <a href="https://www.inform.kz/kz/dimash-kudaybergennin-esimi-marska-zhetti_a3755497">ҚазАқпарат</a>.
Perseverance ровері 2020 жылдың 30 шілдесінде алыс сапарға аттанып, жеті айға жуық уақыттан кейін Қызыл планетаға сәтті қонды.
Perseverance – технологиялық жағынан ең дамыған робот және оны Марсқа NASA жіберіп отыр.
2,7 миллиард доллар тұратын робот бір марстық күн ішінде орташа есеппен 200 метрді бағындырып отырады. Ол ұзындығы шамамен 2 метр манипулятор қолымен, бұрғылаумен және ғылыми құрылғылармен жабдықталған. Оның ішінде жоғары технологиялы түсірілім камерасы, ауа райын өлшеуге және шаңды бақылауға арналған сенсорлар, рентген жүйесі және тау жыныстарының химиялық құрамын өлшеуге арналған камера жүйесі бар.
Сондай-ақ, Perseverance Марсқа коронавирус инфекциясымен күресіп жатқан дәрігерлердің құрметіне жасалған ескерткіш тақтаны, сондай-ақ NASA-ның «Марсқа өз есіміңді жібер» акциясына қатысқан 11 миллионға жуық адамның аты жазылған тырнақ көлеміндегі 3 кремний чипін жеткізді.
АҚШ, Түркия, Ресейді қоса алғанда, түрлі елдердегі жанкүйерлер тақтайшаға Қазақстандық орындаушы Димаш Құдайбергеннің есімін жазуды ұсынды.
Perseverance роверінің Марстағы мақсаты – ежелгі өмірдің белгілерін іздеу және планетаның бетін зерттеу. Оның миссиясы шамамен екі жылға созылады деп күтілуде.

Димаш Құдайбергеннің есімі Марсқа жетті

<a href="https://kyzylorda-news.kz/">Kyzylorda-news.kz</a>. Matchroom Boxing промоутерлік компаниясының жетекшісі Эдди Хирнорта IBF/IBO нұсқасы бойынша орта салмақтағы әлем чемпионы Генадий Головкин (41-1-1, 36 КО) мен осы санатта WBA Super белбеуінің иегері жапон спортшысы Риота Муратамен (16-2, 13 КО) болатын жекпе-жек туралы айтты, деп хабарлайды <a href="https://www.inform.kz/kz/golovkinnin-promouteri-ush-titul-ushin-alem-chempionymen-otetin-aykastyn-kunin-aytty_a3755400">ҚазАқпарат</a>.
<blockquote>
 «Головкин мен Мурата арасындағы айқас жылдың соңына қарай ұйымдастырылуы мүмкін. Бұл – әдетте жапондар 31 желтоқсанда өткізетін жекпе-жектің түрі. Біз Мунгиямен де айқас туралы келіссөздер жүргізіп жатырмыз, бұл да керемет кездесу болмақ. Бірақ GGG Муратамен айқасты желтоқсан айында қарастырады деп ойлаймын. Әрине, «Канело» да бұл жекпе-жекті желтоқсан айында нысанаға алады. Алдағы екі аптада не болатынын көрейік», — деп мәлімдеді Хирн IFL.tv-ге берген сұхбатында.
</blockquote>
35 жастағы Мурата 2019 жылдың 23 желтоқсанында Йокогамада канадалық Стивен Батлерді (28-3-1, 24 КО) нокаутқа жіберген сәттен бастап шаршы алаңға шыққан жоқ. Головкинге келетін болсақ, ол өзінің соңғы жекпе-жегін өткен жылдың 18 желтоқсанында АҚШ-та өткізді, онда GGG міндетті қарсыласы поляк боксшысы Камил Шереметаны (21-1, 5 КО) жеңген болатын.

Головкиннің промоутері үш титул үшін әлем чемпионымен өтетін айқастың күнін айтты

<a href="https://kyzylorda-news.kz/">Kyzylorda-news.kz</a>. Биылдан бастап Қазақстан азаматтары 77 елге, ал 2025 жылы 89 елге виза режимінсіз бара алады, деп хабарлайды&nbsp;<a href="https://stan.kz/">Stan.kz</a>.
<blockquote>
 “Мемлекет басшысының халықаралық бастамаларын іске асыру жалғасады. Қазақстанның уәкілетті мемлекеттік органдары өкілдерінің БҰҰ және басқа да халықаралық әріптестердің іс-шараларына қатысуы қамтамасыз етіледі. 2021 жылы визасыз режим елдерінің тізімі кеңейіп, 77 елден тұратын болады. 2025 жылы 89 елге дейін көбейтілмек. 2022 және 2025 жылдары әлемдік және дәстүрлі діндер көшбасшыларының съезі өткізіледі. Шетелде оқитын және жұмыс істейтін қазақстандықтар мен Қазақстаннан асырап алынған балалардың құқықтары мен мүдделерін қорғау қамтамасыз етіледі. Негізгі стратегиялық әріптестермен қатынастарды нығайту жұмысы өз жалғасын табады”, – деді ҚР премьер министрі Асқар Мамин Мәжіліс отырысында.
</blockquote>

Биыл қазақстандықтар 77 елге визасыз бара алады

<a href="https://kyzylorda-news.kz/">Kyzylorda-news.kz</a>. Жеті айлық ұшудан кейін Қытайдың Tianwen-1 зонды Марс айналасындағы орбитаға шықты.
<img src="https://kyzylorda-news.kz/wp-content/uploads/2021/02/414bf664f1399e06bd672a35808ca866.jpeg" alt="" />
Tianwen-1 зонды
Мамыр айына дейін қонуға ыңғайлы жерді таңдау үшін зонд Марс бетін егжей-тегжейлі суретке түсіреді. Содан кейін Марста жүруге арналған қондырғы орналасқан платформа зондтан бөлініп, Қызыл планетаға қонады.
Қытай зондының мақсаты – Марстағы өмірдің іздерін табу және оны адамдар бойына сіңіру мүмкіндіктерін зерттеу. Зонд үш ай бойы планетаны зерттеп, суретке түсіріп, Марс картасын жасауға көмектеседі.
Қытай бұған дейін Марсты бағындыруға тырысқан. 2011 жылы Ресеймен бірлескен жоба сәтсіз аяқталған.
<img src="https://kyzylorda-news.kz/wp-content/uploads/2021/02/38f366a4840bef6452ebab0d322e4c92.jpeg" alt="" />
БАӘ-де Марс планетасын зерттеуді бастады
9 ақпанда БАӘ-нің “Аль-Амал” (“Үміт”) автоматты планетааралық станциясы шамамен 500 миллион қашықтықты басып өтіп, Қызыл планета орбитасына жетті. Марстың эллиптикалық орбитасында орналасқан бұл құрылғы климат пен планета атмосферасының төменгі қабаттарын зерттейді. Ол үш камерамен жабдықталған.
БАӘ планетааралық станциясы Марс орбитасына шықты. Осылайша БАӘ ғарыш кемесі Марсқа жеткен әлемдегі бесінші мемлекет атанды.
Ғарыш кемесінің гравитациялық өріске шығу жылдамдығы Марсқа жақындағанда сағатына 121 мың шақырымнан 18 мың шақырымға дейін азайған.
Ғарыш станциясының ұшуы өткен жылдың 20 шілдесінде Жапониядағы Танегашима ғарыш орталығынан H-IIA зымыран тасығышымен жүзеге асырылған.
“Амал” зонды алғаш рет Марс атмосферасының толық бейнесін ұсынады. Ол Марстың климатын анықтайтын факторларды белгілеу үшін қолданылады. Миссия шамамен екі жылға созылады.
<a href="https://massaget.kz/arnayyi_jobalar/lemtanu/64485/">massaget.kz</a>

Қытай және БАӘ зонды Марсқа жетті

<a href="https://kyzylorda-news.kz/">Kyzylorda-news.kz</a>. Қызылорда қаласындағы Назарбаев Зияткерлік мектебінің оқушылары халықаралық «World Art Games» онлайн-байқауында қос жүлдеге ие болды.
Атап айтқанда, 8-сынып оқушылары Уәлихан Ибадулла мен Сырсұңқар Базарбайұлы І орынды иеленсе, 9-сыныптың білім алушысы Жансая Жолдасбек ІІ орынмен марапатталды. Сыр бойылық оқушылар вокал номинациясы бойынша сынға түсіп, «Батырлар ұраны», «Girl on fire» атты өлендерді шырқады.
<blockquote>
 “Біз таңдаған патриоттық ән қазақ баласының өр жүректі батырлығын, елжандылығын сипаттайды. Осы әуен арқылы біз ұлттық болмысымызды әлемге танытуды жөн көрдік”, – деп түсіндірді Сырсұнқар.
</blockquote>
20 мемлекеттің өнерпаздарының басын қосқан бұл көпжанрлы байқауда балалар шығармашылығын белгілі әртістер мен музыканттардан құралған Европаға танымал әділ-қазылар алқасы бағалады.
<blockquote>
 “Жеңімпаз оқушылар – бліммен қатар өнерді алып жүрген мектептің белсенділері. Бірі бұрыннан ән салса, енді бірі мектепке келіп музыкаға ерекше назар аударып, вокалдық дағдыларын дамытуда. Бұл жетістіктері алдағы уақытта жаңа белестерді бағындыруға үлкен сеп болады”, – деп санайды жетекшісі, ән-әуез пәнінің мұғалімі Жарасбек Өтебаев.
</blockquote>
Айта кетейік, жүлделі орындарды иеленген оқушылар мамыр айында Испанияда өтетін «SEA SUN FESTIVAL» халықаралық фестиваліне жеңілдікпен қатысу мүмкіндігіне ие болды.
<img src="https://kyzylorda-news.kz/wp-content/uploads/2021/02/img-20210211-wa0242.jpg" alt="" />
<img src="https://kyzylorda-news.kz/wp-content/uploads/2021/02/img-20210211-wa0241.jpg" alt="" />

Қызылорданың НЗМ оқушылары Испания вокалистерін таң қалдырды

<a href="https://kyzylorda-news.kz/">Kyzylorda-news.kz.</a> Пандемия қашан аяқталады?&nbsp;<a href="https://www.bloomberg.com/news/articles/2021-02-04/when-will-covid-pandemic-end-near-me-vaccine-coverage-calculator">Bloomberg&nbsp;ақпарат агенттігі</a> бұл сұраққа жауап беру үшін вакцинациялау қандай қарқынмен жүріп жатқанын есепке алу керек дейді. Басылым вакцинация осы қарқынмен жүрсе, пандемияны толығымен жеңу үшін 7 жыл керек дейді.
Bloomberg қазір әлемде күн сайын 4,5 миллион адамға вакцина салынып жатыр, әрбір адамға вакцинаның екі дозасы салынады десек, Жер бетіндегі халықтың 75 пайызына вакцинаның екі дозасын салу үшін 7 жыл кетеді дейді. Басылым індеттің бетін қайтарып, ұжымдық иммунитет қалыптастыру үшін әлемдегі адамардың 75 пайызына вакцина егілуі керек деп жазады.
Bloomberg &nbsp;пандемияның беті қашан қайтатынын анықтау үшін әр елде күн сайын қанша адамға вакцина егіліп жатқанын есепке алып, оны калькуляторға салған.
Bloomberg әлем елдерінде вакцинаға қол жеткізуде теңсіздік байқалып жатыр дейді. АҚШ-та күніне 1,3 миллион адамға вакцина салынып жатыр. АҚШ-тың 75 пайыз халқына вакцинаның екі дозасын салу 11 айға созылады. Израильде бұл көрсеткіш жақсырақ, өйткені қазірдің өзінде Израиль халқының 21 пайызына вакцина салынды. Жалпы, бұл елде 100 адамға 58 доза вакцинадан келеді. Вакцинация қазіргі қарқынмен жүрсе, Израиль халқының 75 пайызына небәрі екі айдың ішінде вакцина салынады. Ал вакцинация баяу жүріп жатқан Канадада халықтың 75 пайызына вакцинаның екі дозасын салу 10 жылға созылуы мүмкін.
Дегенмен Bloomberg калькуляторы вакцинациялаудың қазіргі қарқынын ғана ескерген. Кей елдерде қазір баяу жүріп жатқан вакцинация тиісті келісімшарттар жасалған соң жылдам жүруі мүмкін. Мысалы, Канадада. Мемлекеттер вакцинацияны қарқынды жүргізе бастаса, Bloomberg болжамы да өзгермек.
Ақпарат агенттігі жаппай вакцинация әр елде әртүрлі кезеңде басталды және әртүрлі қарқынмен жүріп жатыр, Еуропа елдерінде қазіргідей қарқынмен жүрсе, халықтың 75 пайызын вакцинациялау бірнеше жылға созылуы мүмкін дейді.

Пандемия 7 жылға созылуы мүмкін

<a href="http://kyzylorda-news.kz./">Kyzylorda-news.kz.</a> Қызылорда қаласындағы Назарбаев Зияткерлік мектебінің түлегі Медина Нарманова Америкадағы 2 университетте білім алу мүмкіндігіне ие болды.
Атап айтқанда, жас зияткер әлемдегі топ ЖОО қатарына енетін — Алабама Университетінің президенті тағайындаған 100 % оқу грантын иеленді. Сондай-ақ, Иллинойс Институты де түлегімізге 50 % оқу гранты мен стипендия беруге дайын екендіктерін жеткізді. Бұл қос білім ордасында «Бизнес менеджмент» мамандығы бойынша оқуға құжат тапсырған Медина алдағы уақытта тағы 5 жерден жауап күтіп отыр екен.
Айта кетейік, биыл мектепті 95 оқушы бітіреді. Бүгінде олар қалаған мамандықтары бойынша жоғары оқу орындарының конкурстық іріктеуіне құжат тапсырып, бақтарын сынауда.
<img src="https://kyzylorda-news.kz/wp-content/uploads/2021/02/nish-1.jpg" alt="" />

Қазақстан және Қызылорда облысының жаңалықтары: Әлем