<a href="http://kyzylorda-news.kz./">Kyzylorda-news.kz.</a> «БҰҰ-ның Ливандағы уақытша күштерінде» бітімгершілік миссиясын атқарып жүрген Қазақстан Қарулы Күштерінің әскери қызметшілері түрлі сын сәттерде жедел ден қою топтарының негізгі іс-қимылын пысықтау бойынша «RITEX» оқу-жаттығуына қатысты.
Бөлімшелерді жалпы басқаруды төртінші құрама бітімгершілік ротасының командирі майор Жанат Бірбаланов жүзеге асырды. Басқару және үйлестіру рота штабының байланыс құралдары арқылы жүргізілді.
<blockquote>
 «Біз алты ай бойы БҰҰ-ның Бас штабы Ливанда да, Үндістан тарапы өткізген барлық жаттығулар мен оқу-жаттығуларға ұдайы қатыстық. Қазақстандық бітімгерлер жоғары даярлық деңгейі мен кәсіби шеберліктерін көрсетті. Бұл жөнінде «Ливандағы БҰҰ-ның уақытша күштері» Бас штабының басшылығы атап өтті. Аталған жаттығулар қазақстандық әскери қызметшілердің жауынгерлік әзірлігі ұдайы жоғары деңгейде екенін тағы да көрсетті», – деді Жанат Бірбаланов.
</blockquote>
Бітімгерлер таң сәріден оқу дабылымен көтерілді. Оқу-жаттығудың сценарийі бойынша Қазақстандық-Үндістан базасын алыс емес жерде қолдан жасалған жарылғыш зат табылды. Кезекші ауысым кезекшілік барысын ұйымдастырып, болған жағдайды рота штабына хабарлады. Оқиға орнына жеткен француз әскери қызметшілері миналардан тазартуға кірісті. Бұл оқиға туралы халықаралық әскери полицияға және Ливан әскеріне баяндады. Нәтижесінде бейбіт тұрғындарды ықтимал қауіптен қорғау үшін қоршау ұйымдастырылды, жолдар жабылды.
Жедел ден қою топтары түрлі дабылдарды алған кезеңді, кезекші бөлімшелердің базаға жақын жерде қолдан жасалған жарылғыш затты анықтаған сәтін, сондай-ақ зардап шеккендерге алғашқы медициналық көмек көрсету тәртібін пысықтады.
Қазақстандық әскери қызметшілер Үндістан әскери қызметшілерімен бірлесіп іс-қимылдарды пысықтады. Миссияға қатысқан уақыт аралығында олар әр қилы міндеттерді орындау мәселелерінде өзара іс-қимылды реттеді.
Миссия штабының өкілдері мен байланыстырушылар қазақстандық бітімгершілік контингентінің сенімді, батыл және кәсіби іс-қимылдарын атап өтті.
Қазақстандық бөлімшелердің шынайы жағдайдағы іс-қимылға даярлығын арттыруда апталық жаттығулардың, ай сайын өтетін «Blue porcupine» тактикалық оқу-жаттығуларының және қолдан жасалған жарылғыш заттарды анықтаудағы іс-қимыл алгоритмі жөніндегі сабақтардың маңызын атап өткен жөн.
<img src="https://kyzylorda-news.kz/wp-content/uploads/2021/02/img_20210205_222259_100-1.jpg" alt="" />
<img src="https://kyzylorda-news.kz/wp-content/uploads/2021/02/img_20210205_222303_571.jpg" alt="" />
<img src="https://kyzylorda-news.kz/wp-content/uploads/2021/02/img_20210205_222305_078.jpg" alt="" />
<img src="https://kyzylorda-news.kz/wp-content/uploads/2021/02/img_20210205_222307_809.jpg" alt="" />
<img src="https://kyzylorda-news.kz/wp-content/uploads/2021/02/img_20210205_222309_558.jpg" alt="" />
<img src="https://kyzylorda-news.kz/wp-content/uploads/2021/02/img_20210205_222311_942.jpg" alt="" />

Ливанда Қазақстан бітімгерлері кәсіби шеберлік көрсетті (ФОТО)

<a href="https://kyzylorda-news.kz/">Kyzylorda-news.kz</a>.&nbsp;Американың OSIRIS-REx ғаламшар аралық станциясы 2018 жылы 17 қаңтарда Жерді суретке түсірді.&nbsp;
Аппарат бізден 63,6 миллион шақырым қашықта секундына 8,5 шақырым жылдамдықпен алшақтап бара жатқанда Жерді суретке түсірген. Суреттің дәл ортасынан Жерді, ал оның жанынан Айды байқауға болады.&nbsp;
<img src="https://kyzylorda-news.kz/wp-content/uploads/2021/02/f8c1e1064524b87cf39d548018a8fc17.jpeg" alt="" />
Суреттің сол жақ жоғарысынан Торпақ шоқжұлдызындағы Үркер көрінеді.&nbsp; Ал оған қарама-қарсы бетте Тоқты шоқжұлдызының ең жарық жұлдызы Хамаль бар. Жер мен Айды Кит шоқжұлдызының бес жұлдызы қоршап тұр.
2016 жылы 8 қыркүйекте ұшқан OSIRIS-REx ғаламшар аралық станциясы биыл тамыз айында Бенна астероидына жетіп, 2023 жылы қыркүйекте топырақ үлгісімен бірге Жерге қайтады.&nbsp;
<a href="https://massaget.kz/layfstayl/alemtanu/syrly-alem/64438/">massaget.kz</a>

Жердің 63,6 млн шақырым қашықтан түсірілген суреті

<a href="https://kyzylorda-news.kz/">Kyzylorda-news.kz</a>. Жыл сайын 4 ақпанда Дүниежүзілік қатерлі ісікке қарсы күрес күні атап өтіледі. Оның мақсаты – қоғамның назарын осы жаһандық проблемаға аудару, қазір онкологиялық аурулардың қаншалықты қауіпті және кең таралғанын еске салу және қатерлі ісік ауруынан болатын өлімді едәуір азайту.
Қазақстанда онкологиялық аурулар басым әлеуметтік маңызды аурулар тізіміне енгізілген. Онкологиялық ауруларды диагностикалау, осы санаттағы науқастарды емдеу тегін медициналық көмектің кепілдік берілген көлемі (бұдан әрі – ТМККК) шеңберінде ғана тегін жүзеге асырылады. Бұл қызметті қаржыландыру еліміздің барлық тұрғындары үшін медициналық қызметтер пакетін сатып алатын медициналық сақтандыру қоры есебінен жүзеге асырылады.
Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетовтың айтуынша, ТМККК аясында онкологияның алдын алу және сауықтырушыларды емдеу үшін бірқатар шаралар жүргізілді:
– Ауруды немесе оған бейімділікті ерте кезеңде анықтауға және уақтылы көмек алуға мүмкіндік беретін тегін скринингтер (профилактикалық тексерулер).
– Тегін жоспарлы емдеуге жатқызу, бейінді мамандардың кенесі, сондай-ақ әлеуметтік мәні бар аурулар шеңберінде дәрі-дәрмекпен қамтамасыз ету.
2020 жылы Қызылорда облысында ТМККК шеңберінде 3 960 онкологиялық науқас емделді, оның ішінде шұғыл – 560, жоспарлы түрде – 2921 адам, күндізгі стационарда – 479 адам. Бұл мақсатқа Әлеуметтік медициналық сақтандыру қорынан 1 561 706 362, 77 теңге бөлінді.
<img src="https://kyzylorda-news.kz/wp-content/uploads/2021/02/gobmp-i-osms-kaz.png" alt="" />

Бүгін &#8211; Дүниежүзілік қатерлі ісікке қарсы күрес күні

<a href="https://kyzylorda-news.kz/">Kyzylorda-news.kz</a>. Нью-Йоркте қазақ радиосы іске қосылды. Нақты айтқанда, «Freedom FM» радиосы күнделікті 2 сағатты қазақ тіліндегі жаңалық пен музыкаға арнайды, деп хабарлайды <a href="https://lenta.inform.kz/kz/qazaq-time-almatylyk-zhigit-n-yu-yorkte-kazak-radiosyn-ashty_a3747365">ҚазАқпарат.</a>
Данияр Қожан – Алматының тумасы. Ол қаладағы Қазақ гуманитарлық заң университетін «құқықтану» мамандығы бойынша тәмамдаған.
Нью-Йоркте тұрып, жұмыс істеп жатқанына 3 жылдан асқан. Онда Данияр адвокаттың PR менеджері болып қызмет етеді.
Сондай-ақ, отандасымыз АҚШ-та қазақ мәдениетінің өркендеуіне үлес қосып жүр.
Нью-Йорктегі «Qazaq time» радиосы санаулы күн бұрын ғана алғаш эфирге шықты.
Қазақстанның Нью-Йорктегі бас консулы Алмат Айдарбеков, «Жұлдыз ФМ» радиосындағы әріптестер және Нью-Йорктегі қазақ полицейі Димаш Ниязов оның бағдарламасына қонақ болған.
<blockquote>
 «Қазіргі заманда радионың рөлі бұрынғыдай әлі де зор. Ол тыңдармандарын жоғалтқан жоқ және қарқынды дамушы БАҚ болып отыр. Америкада қазақ радиосы эфирін таратуды қолға алдым. Сырт жерде бізге Қазақстан жетіспейді. Осы орайда қазақ радиосын ашу таңдауын жасадым. Мен қазақ халқының үнін бүкіл АҚШ-қа жеткізгім келеді. Осылайша ана тіліміздің дамуына өз үлесімді қосқым келеді», – деді Данияр Қожан.
</blockquote>

Қазақ жігіті Нью-Йоркте қазақ радиосын ашты

<a href="https://qamshy.kz/author/6-qamshykz"></a><a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымының сарапшылар тобы көптен күткен коронавирус пандемиясының шығу себептерін тергеуді бастады.
Рейтерс агенттігінің ақпаратына сәйкес, ДДСҰ өкілдері Уханьдағы бір топ қытайлық ғалымдармен бірге қаладағы ауруханаларға, зертханаларға, сонымен қатар коронавирус алғаш пайда болды делінген Хуанан базарына да барды.
<blockquote>
 “Барлық гипотезалар кестеде және команда өз жұмысында ғылымды негіз етіп, COVID-19 вирусының шығу тегі туралы түсінуге тырысады” деп жарияланды ДДСҰ-ның ресми Твиттер парақшасында.&nbsp;
</blockquote>
<a href="https://qamshy.kz/article/62826-ddsu-mamandary-qytay-ghalymdarymen-koronavirustynh-shyghu-tegin-tergeudi-bastady#">Qamshy.kz</a>

ДДСҰ мамандары Қытай ғалымдарымен коронавирустың шығу тегін тергеуді бастады

<a href="https://kyzylorda-news.kz/">Kyzylorda-news.kz</a>. 2021 жылы америкалық кәсіпкер Илон Масктың SpaceX компаниясы 3 туристі Халықаралық ғарыш станциясына жеткізеді. Олар станцияда 8 күн болады.
Ұшуды ұйымдастырып отырған Axiom Space компаниясы америкалық және канадалық инвесторлар Ларри Коннор, Марк Пэтти мен израильдік кәсіпкер Эйтан Стиббені SpaceX компаниясының Crew Dragon ғарыш кемесімен ХҒС-ке жіберетінін мәлімдеді.
Олармен бірге экипаж капитаны ретінде бұрынғы NASA астронавты, қазіргі уақытта Axiom Space вице-президенті Майкл Лопес-Алегриа бірге ұшады.
Axiom Space 2020 жылы SpaceX-пен ХҒС-ке 3 туристі ұшыруға келіскен. Жоспар бойынша рейс осы жылдың соңына дейін орындалады. Туристер станцияда 8 күн болады.
Business Insider хабарлауынша, Ax-1 деп аталған миссия қазан айына жоспарланған. Стивтен басқа, ұшу тобында актер Том Круз және кинорежиссер Даг Лайман болуы мүмкін. Бұған дейін Universal Pictures ғарышта таспаланатын алғашқы фильм туралы келіссөздер жүргізіп жатқанын хабарлаған&nbsp;болатын.
Актер Том Круз кезекті фильмдегі рөлін сомдау үшін ғарышқа ұшады
Фильм негізінен Халықаралық ғарыш станциясында түсіріледі. Осыған байланысты актердің ұшуы ХҒС-ның рейстер тізіміне енгізілген.
Айта кетейік, мамыр айында АҚШ кәсіпкері Илон Маск ғарышта әлемдегі алғашқы фильмді түсіретіні белгілі болған еді. Бұл жобаға NASA да қатысады.
Жауынгерлік жанрда түсірілетін туындының әлі ресми атауы жоқ. Оның бюджеті 200 миллион долларға бағаланған.
<a href="https://massaget.kz/layfstayl/alemtanu/64369/">Massaget.kz</a>

SpaceX ғарышқа 3 турист ұшырады

Kyzylorda-news.kz. SpaceX пен Tesla компаниясының бас директоры Илон Маск көмірқышқыл газын жинаудың ең жақсы технологиясын жасаушыға сыйлық беруге уәде етті.
<blockquote>
 “Мен көмірқышқыл газын жинаудың үздік технологиясын ойлап тапқан адамға сыйлық ретінде 100 миллион доллар бөлемін”, – деді.
</blockquote>
Ол ұсынысын келесі аптада егжей-тегжейлі мәлімдейді.
Жинау процесіне қалдықты өнеркәсіп және энергия көзінен бөлу, содан кейін оның атмосфераға енуіне жол бермеу үшін көмірқышқыл газын сақтау кіреді. Негізгі мақсат – ғаламдық жылыну және қоршаған ортаның ластануымен күресу.
Қазіргі кезде Маск – Bloomberg рейтингінің мәліметінше, ғаламшардағы ең бай адам. Кәсіпкердің байлығы – 201 миллиард доллар.
Тесла акцияларының құны өсуі аясында ол 169 миллиард долларға қалтасын қалыңдатты. Бірақ Форбстың бағалауына сай, әлемдегі ең бай кәсіпкер Amazon компаниясының бас директоры Джефф Безос.
Bloomberg агенттігінің хабарлауынша, Маск 7 қаңтарда Джефф Безосты басып озып, Tesla акциялары 5,38 пайыз өсіп, әлемдегі ең бай адам атанған еді. Безостың байлығы 193 миллиард долларға бағаланған.
<img src="https://kyzylorda-news.kz/wp-content/uploads/2021/01/f1b3d814094a7634d1b26a6e93e5fa0f.jpeg" alt="" />
Масктың Марсқа қатысты 100 жылдық жоспары
Маск Марста қала салу үшін барлық мүлкін сатуға шешім қабылдаған еді. Кәсіпкер өзінде компаниялардың акцияларынан басқа құнды мүлік қалмайтынын мәлімдеген.
Миллиардер Марстағы құрылыс көп инвестицияны қажет ететінін айтқан.
Bloomberg-тің бағалауы бойынша, Масктың дәулеті бір жыл ішінде 100 миллиард долларға өскен.
Осы уақытқа дейін бірде-бір кәсіпкер бір жыл ішінде 100 миллиард доллар таппаған болатын. Ал Маск биыл осындай көрсеткішке жетті. 49 жастағы Маск Силикон алқабындағы электромобиль шығаратын шағын компанияны әлемдегі жетекші автомобиль өндірушілердің біріне айналдырды. Оның SpaceX аэроғарыш компаниясы 2011 жылдан бері алғаш рет АҚШ астронавтарын орбитаға қайта шығарды. Маск кәсіпкер ретінде биыл автомобиль, аэроғарыш және технология нарығына айтарлықтай өзгеріс енгізді. Тесланың S&amp;P 500 құрамына енуі Маскты әлемдегі бірінші бай адамға айналдырды.
<img src="https://kyzylorda-news.kz/wp-content/uploads/2021/01/e962373bf64ac821e4de097845943a1a.jpeg" alt="" />
Масктың Марстағы қаласының жоспары
Кәсіпкер 2050 жылға қарай Марсқа 1 миллион адамды жіберуді жоспарлап отыр. Бұл үшін 1000 ғарыш кемесінен құралған флот құрастыратынын айтқан болатын. Ол бұл планетаға ұшуға мүмкіндігі бар адамдарға Қызыл ғаламшарда несие және жұмыс орнын ұсынуға дайын екенін хабарлаған.
<a href="https://massaget.kz/layfstayl/tehno/64331/amp/">Massaget.kz</a>

Илон Маск 100 миллион доллар береді

Kyzylorda-news.kz. Әр елдің әдебиеті арқылы олардың тарихын, бастан өткерген кезеңдері мен салтын білуге болады. Сол секілді кейіпкерлер образы арқылы олардың танымындағы сұлулық ұғымымен жақын танысамыз. &nbsp;
Ұлыбритания: Элизабет Беннет&nbsp;
<img src="https://kyzylorda-news.kz/wp-content/uploads/2021/01/e4f8afe13ed69959080109e2425f51e5.jpeg" alt="" />
Ұлыбритания жазушысы, атақты Джейн Остиннің екінші кітабы “Тәкаппарлық пен жаңылыстың” (Гордость и предубеждение) бас кейіпкері Элизабет Беннетті айтпасқа болмайды. Өйткені роман жарыққа шыққаннан бері елдегі біраз бойжеткен Элизабетке еліктеп, оның болмысынан, үйлесімді іс-қимылынан сабақ ала бастады. Бұл кейіпкердің соншалықты танымал болуына оның тәрбиелі, беделді отбасының қызына тән болмысқа қарама-қайшы болуымен байланысты еді. Сол уақыттағы Англия бикештері тек отбасының (әке, ағасының) дегенімен жүріп, өзін әрқшан жұрт алдында биік ұстап, артық қауесет пен іске жол бермейтін еді. Элизабет болса еті тірі әрі шынайы болатын. Ол орынсыз болса да әзілдей алатын, өзінің қатесін мойындайтын және қатал тәртіппен өскен бойжеткенге тән болмаса да, дұрыс емес нәрсені ашық айта алатын еді.
Элизабеттің образы XIX ғасыр әдебиетіне біраз өзгеріс алып келді. Сол уақытта дүниеге келген шығармалардағы кейіпкерлер образының көбі Элизабетке ұқсай түсті.
Жапония: Отикубо ханшайым
<img src="https://kyzylorda-news.kz/wp-content/uploads/2021/01/ec653e95ce4ada225c68d9224c08e03d.jpeg" alt="" />
Жапония біраз жыл бойы “Жабық есік” саясатын жүргізгені бәрімізге мәлім. Сол себепті қоғамдық таптаурындар мен мінез-құлық нормасы Еуропаға қарағанда өзгере қоймады. Ұлттық жазушыларға әсер еткен алғашқы мінсіз әйел образы жапон әдебиетінде ертерек пайда болды. X ғасырда белгісіз автордың “Таңғажайып Отикубо туралы аңыз” атты туындысы жапон әйелдерінің образын жасады. Туынды Күлбике туралы ертегіні еске салады: өгей шешесінен әбден қорлық көрген бойжеткеннің оқиғасы. Ол үй жинайды, тамақ дайындайды, бар тұрмыс тірлігіне жауапты.
Бір күні бойжеткен беделді жапон әулетінің жас мұрагерімен танысып, оған ғашық болады. Бұл жердегі басты нәрсе — Отикубо жас жігітің жүрегін тек сұлулығымен ғана емес, еңбекқорлығы, ерекше талғамы және өлең жаза алатын таланты арқылы жаулап алуы. Осы қасиеттерді жапон халқы әйел бойындағы ең маңызды нәрсе санайтын. Кез келген ақсүйек әйел жарын жерге қаратпау үшін өнерден хабардар болуы шарт еді. Күлбикеден айырмашылығы Отикубо өзіне күн бермеген әке-шешесін жазалаудың орнына, сүйіктісін оларға көмек қолын созуға көндіреді.
Ресей: Татьяна Ларина мен Наташа Ростова
<img src="https://kyzylorda-news.kz/wp-content/uploads/2021/01/9e52b773a9d6e90d99d2cbc51d0b88da.jpeg" alt="" />
Орыс әдебиетіндегі әйел образдары сөз етілгенде Александр Пушкин мен Лев Толстойдың шығармасындағы әйелдер аталмай өтпейтін. Татьяна Ларина, Наташа Ростованың өзін-өзі ұстау мәнері мен мінезі біраз уақытқа дейін нағыз орыс әйелінің болмысы саналды. Отбасылық құндылық пен жарға деген адалдық әйелдің өз қалауы мен қызығушылығынан жоғары болып, біразға дейін әйел адамның өмірлік қағидасы осы болды. Ал Наташа Ростова нағыз аналық махаббаттың сиволы мен жарының сенімді тіреуі әрі жұбанышы бола білді.
Бір қызығы Татьяна Ларинаның да, Наташа Ростованың да образдары орыс әйелдерінің жиынтық образынан туған жоқ. Пушкин “Евгений Онегин” шығармасын жазғанда француз әдебиетіне көп мән берсе, Лев Толстой ағылшын әдебиетінен шабыт алған. Соған қарамастан қос әдеби кейіпкер орыс ұлтының символына айналған әйел образын қалыптастыра білді.
АҚШ: Скарлетт О’хара
<img src="https://kyzylorda-news.kz/wp-content/uploads/2021/01/ba93eb425b2552b9ae7ad09f9284e4d9.jpeg" alt="" />
Америка әдебиетінің басты кейіпкері Скарлетт О’Хара екені сөзсіз. Кейіпкер өмірі оңай болмаса да, ол әрқашан өзін қолға алып, өзінің атақты сөзі “Бұл туралы ертең ойланып көремін” деп тығырықтан шығар жол таба білетін. Оның болмысын барлық америкалық шынайы жақсы көрді: кітабы бестселлер атанса, экранизациясы сегіз рет “Оскар” иегері атанды. Роман 70 түрлі тілге аударылды, Скарлетт әйелдердің сүйікті кейіпкері атанды. Аталған кейіпкер тек сұлулықтың емес, қылықтылықтың, еркеліктің, даналықтың және әйелге тән кербездіктің сиволы болды.
Франция: Бовари ханым
Жазушы Флобер өзінің сүйкімсіз кейіпкері Бовариді француз әйелдерінің сүйіктісіне айналады деп ойламаса керек-ті. Моралист жазушының ойында Эмма Бовари пасық, сәл дөрекі, іш пыстырарлық кейіпкер еді. Ол талқыға түсіп, оқырмандардың жерден алып, жерге салуы тиіс кейіпкер, жазасы “өлім” болатын. Сол себепті автор өз жарына қиянат жасаған Бовариді өлтіруге шешім қабылдайды.
Дегенмен оқырман қауымның басым бөлігі автордың бұл ойымен келіспейді. Жаны романтикаға толы адамдардың басым бөлігі оның болмысын жүрегін тыңдай білген және қоғамның орынсыз пікірімен өмір сүруден бас тартқан адам ретінде таниды. Бұл мінезі де француз бикештерін айрықша еліктірсе керек.
Қазақстан: Меңтай және Қыз Жібек
<img src="https://kyzylorda-news.kz/wp-content/uploads/2021/01/cb6fcde4ccd33f3c3b3b121b5f92ed39.jpeg" alt="" />
Қазақ қыздарының болмысын көрсететін кейіпкер десе бірден “Махаббат, қызық мол жылдар” романында тағдыр құрбаны болған Меңтай мен сұлулығымен тәнті еткен Қыз Жібек ойға келеді. Екі ару – екі түрлі дәуірде өмір сүрген кейіпкерлер. Бірі қыз бала еркіндігінің жоқтығы, адал махаббат жолында құрбан болу тақырыбын көтерсе, Меңтай — ешқашан мойымайтын бойжеткен. Ол – адамгершілік пен даналықтың символы. Меңтай өз образы арқылы қазақ қызына тән иба, инабатты көрсетсе, Қыз Жібек заманына сай қайсарлық көрсете білген.
<a href="https://massaget.kz/layfstayl/debiet/64327/amp/">Massaget.kz</a>

Әр ел әдебиетіндегі әйел образдары

<a href="https://kyzylorda-news.kz/">Kyzylorda-news.kz</a>. Олимпиада ойындары биыл 23 шілдеде өтеді.
<blockquote>
 «Олимпиада ойындарының уақыты өзгермейді. Байрақты бәсекенің ашылу салтанаты 23 шілдеде Токиодағы олимпиадалық стадионда өтуі керек. Оны барынша қауіпсіз қылуға тырысамыз», – деді Томас Бах.
</blockquote>
ХОК президенті арнайы мәлімдеме жасап, Олимпипда өтпейді деуге негіз жоқтығын қадап айтты. Бірақ оған келетін көрермендердің саны қысқартылуы мүмкін. Тіпті жүнкүйерсіз өтуі мүмкін екенін де алға тартты. Айта кетейік, Токио Олимпиадасы былтыр жазда болуы керек еді. Ғаламдық пандемияға байланысты ойын 2021 жылдың 23 шілдесі мен 8 тамызы аралығына ауыстырылды. Қазақстан құрамасы бұл ойындарға 40-тан аса лизензия жеңіп алды. Жазға дейін оның санын 100-ге жеткізу жоспарланып отыр.
<a href="https://24.kz/kz/zha-aly-tar/sport/item/450506-tomas-bakh-tokioda-y-olimpiada-a-atysty-m-limdeme-zhasady">Хабар 24</a>

Томас Бах Токиодағы Олимпиадаға қатысты мәлімдеме жасады

<a href="https://kyzylorda-news.kz/">Kyzylorda-news.kz</a>. Қазақстан тумасы Әсел Робертс (Төленова) АҚШ протоколы басшысының міндетін атқарушы қызметіне кірісті, деп хабарлайды <a href="https://m.sputnik.kz/politics/20210122/16100083/AQSH-qazaq-qyzy.html">Sputnik Қазақстан.</a>
<blockquote>
 “Әсел К.Робертс 2021 жылдың 20 қаңтарынан АҚШ протоколы басшысының міндетін атқарушы лауазымына кірісті. Протокол басшысы кеңсесінде 15 жылдан аса жұмыс тәжірибесі бар ол соңғы уақытта аға кеңесші қызметін атқарған еді”, – делінген хабарламада.
</blockquote>
Қазақ қызы Джорджтаун университетінің Эммунд Уолш атындағы дипломатиялық қызмет мектебін тәмамдаған. Қазақ, орыс және жапон тілдерінде сөйлейді.
Айта кетсек, протокол басшысы – АҚШ мемлекеттік департаментінің лауазымды тұлғасы. Оның міндеті – АҚШ президенті, вице-президенті және мемлекеттік хатшысына мемлекеттік және халықаралық дипломатиялық протокол мәселелері бойынша кеңес беру.
<h3 id="">Әсел Робертс туралы не білеміз</h3>
Әсел Төленова АҚШ президенті әкімшілігінде басшылық қызмет атқарып келеді. Әлеуметтік желілерде оның экс-президент Барак Обамамен және жаңадан сайланған президент Джо Байденмен түскен суреттері тарады.&nbsp;
“Ағайындар” жинағына Әсел Төленованың өмірбаяны енгізілген. Оған сәйкес, Әсел 1976 жылы Алматыда дүниеге келген.
1993 жылы АҚШ-тың Джорджтаун университетіне оқуға түсіп, халықаралық дипломатия мамандығын меңгеріп шықты.
1998 жылдан бастап АҚШ мемлекеттік департаменті протокол басқарушысының сыртқы қатынастар жөніндегі орынбасары болып жұмыс істеген. Ал 2014 жылы АҚШ президенті протоколы басшысының орынбасары қызметіне дейін көтерілді.

Джо Байденмен жұмыс істейді: қазақ қызы АҚШ-та жаңа қызметке кірісті

<a href="https://kyzylorda-news.kz/">Kyzylorda-news.kz</a>. Жетінші шақырылымдағы мәжіліс “Қазақстан мен Корея Республикасы арасында сотталған адамдарды беру туралы шартты ратификациялау туралы” заң жобасын мақұлдады, деп хабарлайды&nbsp;<a href="https://sputnik.kz/">Sputnik Қазақстан</a>.&nbsp;
Бас прокурордың орынбасары Марат Ахметжановтың айтуынша, шарттың негізгі мақсаты – сотталған адамдарды өзара алмасу, оларды беру жолдарын реттеу.&nbsp;
Сотталғандар мынадай жағдайда беріледі:&nbsp;
<ul>
<li>егер соттталған адам Қазақстан не Корея азаматы болып танылса;</li>
<li>сот үкімі заңды күшіне енген болса;</li>
<li>беру туралы сұрау салу алынған кезде кемінде бір жыл өтейтін мерзімі қалса;</li>
<li>жасаған әрекеті екі жақта да қылмыс болып танылса;сотталған адам өзін беруге ниет білдірсе;</li>
<li>екі мемлекет өзара беруге келіссе.</li>
</ul>
<blockquote>
 “Осы талаптар сақталмаса, сотталған адамдар берілмейді. Қазақстанға қайтарылған адам Корея сотының үкімі бойынша өз жазасын өтейді. Егер Қазақстан мен Кореяның заңдары сәйкес болмаса, үйлеспесе, онда сот үкімі біздің заңда көзделген жазаға сай келтіріледі. Алайда жазаның сипаты мен ұзақтығы Корея соты тағайындаған жазадан қатал болмауы тиіс”, – деді Ахметжанов мәжілістің жалпы отырысында.&nbsp;
</blockquote>
Оның айтуынша, қазір Кореяда 25 қазақстандық, ал Қазақстанда Кореяның бір азаматы жазасын өтеп жатыр.&nbsp;
<blockquote>
 “Ұсынылып отырған келісім ратификацияланған жағдайда бұл азаматтарды елге қайтаруға мүмкіндік туады. Олар елге келіп, әлеуметтік ортасында жазасын өтейді, қоғамға қайта бейімделуіне оң ықпал етеді”, – деді бас прокурордың орынбасары.&nbsp;
</blockquote>
Ол Қазақстанның халықаралық шарттар туралы заңына сәйкес аталған шарт ратификациялауға жататынын атап өтті. Себебі құжат адам құқықтарына тікелей қатысты.&nbsp;
Шартты қабылдау бюджеттен қосымша қаражат талап етпейді және экономикалық-әлеуметтік, өзге де кері әсері жоқ.&nbsp;
Мәжіліс заң жобасын мақұлдады.
Сондай-ақ, Ахметжановтың айтуынша, тағы 26 қазақстандық Оңтүстік Кореяда қылмыстық жауапқа тартылып жатыр. Оларға қатысты сот үкімі әлі заңды күшіне енбеген.

Кореяда сотталған 25 қазақстандық елге қайтуы мүмкін – заң жобасы мақұлданды

<a href="https://kyzylorda-news.kz/">Kyzylorda-news.kz.</a> Астрологтардың айтуынша, Сиыр жылы ұлы істер мен оқиғаларға толы жыл болмақ. Яғни, әрқайсымыз көптен армандаған нәрсені жасауға мүмкіндік аламыз.
Кейбір деректерге сүйенсек, жоспардың жүзеге асуы үшін жыл символынан қолдау күтудің өзіндік мәні бар. Сондықтан да сиыр жылындағы жорамалды негізге ала отырып, алдағы 12 айдан сәттілік пен жақсылықтан үміттенуге болады деп есептеледі.
Егер сіз жұлдыз-жорамалға сенсеңіз, онда сиыр (бұқа) бейнесімен арнайы бойтұмар алу керек. Ең дұрысы, ол жыл сипаттамасына толығымен сәйкес келеді және ол ақ металдан жасалады. Ал мұндай бойтұмарды жыл бойы тағып жүрген жөн. Олар зергерлік алқалар мен түрлі әшекей бұйымдар болуы мүмкін.
Сол сияқты үйде немесе пәтерде сиыр немесе бұқа бейнесіндегі мүсіндер қойылса, бұл үйге ер адамның ерік-жігері мен күші, тұрақтылығы мен байлығы тартылады деген сенім бар.
Жалпы астрологтардың айтуынша, алдағы жыл атауына ие болған жануардың сапалық қасиеттері өте жоғары бағаланады.
Егер суреттер топтамасына мұқият назар аударсаңыз, әр кезеңде әр салада аша тұяқтылар бейнесі жиі байқалады. Яғни, көше билбордтары мен стадиондардан бұқаның суретін тамашалап, ескерткіші мен мүсінін кездестіру қиын емес. Тіпті, әлемге әйгілі брендтердің логотиптерінде, киім мен спорттық командалардың аттарында бұқа бейнесі кең таралған.
<img src="https://kyzylorda-news.kz/wp-content/uploads/2020/12/15874764.jpg" alt="" />
<img src="https://kyzylorda-news.kz/wp-content/uploads/2020/12/15874815.jpg" alt="" />
<img src="https://kyzylorda-news.kz/wp-content/uploads/2020/12/15875227.jpg" alt="" />
<img src="https://kyzylorda-news.kz/wp-content/uploads/2020/12/15875013.jpg" alt="" />
<img src="https://kyzylorda-news.kz/wp-content/uploads/2020/12/15875351.jpg" alt="" />
<img src="https://kyzylorda-news.kz/wp-content/uploads/2020/12/15874872.jpg" alt="" />
<a href="https://sputnik.kz/photo/20201230/15897800/Zhyl-nyshany-foto.html">Sputnik Қазақстан</a>

Қазақстан және Қызылорда облысының жаңалықтары: Әлем

Ливанда Қазақстан бітімгерлері кәсіби шеберлік көрсетті (ФОТО)

Жердің 63,6 млн шақырым қашықтан түсірілген суреті

Бүгін – Дүниежүзілік қатерлі ісікке қарсы күрес күні

Қазақ жігіті Нью-Йоркте қазақ радиосын ашты

ДДСҰ мамандары Қытай ғалымдарымен коронавирустың шығу тегін тергеуді бастады

SpaceX ғарышқа 3 турист ұшырады

Илон Маск 100 миллион доллар береді

Әр ел әдебиетіндегі әйел образдары

Томас Бах Токиодағы Олимпиадаға қатысты мәлімдеме жасады

Джо Байденмен жұмыс істейді: қазақ қызы АҚШ-та жаңа қызметке кірісті

Кореяда сотталған 25 қазақстандық елге қайтуы мүмкін – заң жобасы мақұлданды

2021 жыл нышаны қандай әлемдік брендтерде бейнеленген (ФОТО)

Қазақстан және Қызылорда облысының жаңалықтары: Әлем

Ливанда Қазақстан бітімгерлері кәсіби шеберлік көрсетті (ФОТО)

Жердің 63,6 млн шақырым қашықтан түсірілген суреті

Бүгін &#8211; Дүниежүзілік қатерлі ісікке қарсы күрес күні

Қазақ жігіті Нью-Йоркте қазақ радиосын ашты

ДДСҰ мамандары Қытай ғалымдарымен коронавирустың шығу тегін тергеуді бастады

SpaceX ғарышқа 3 турист ұшырады

Илон Маск 100 миллион доллар береді

Әр ел әдебиетіндегі әйел образдары

Томас Бах Токиодағы Олимпиадаға қатысты мәлімдеме жасады

Джо Байденмен жұмыс істейді: қазақ қызы АҚШ-та жаңа қызметке кірісті

Кореяда сотталған 25 қазақстандық елге қайтуы мүмкін – заң жобасы мақұлданды

2021 жыл нышаны қандай әлемдік брендтерде бейнеленген (ФОТО)

Бүгін – Дүниежүзілік қатерлі ісікке қарсы күрес күні