<a href="https://kyzylorda-news.kz/">Kyzylorda-news.kz</a>. Жаңа жоба аясында халыққа ақы төленеді.
Көрші елде «Салауатты өмір салты» жобасы сәуір айында бекітілген болатын, деп хабарлайды «Хабар 24».
Енді ол 10 мамырдан бастап сынақ күйінде іске қосылды. Жобаға тек Өзбекстан азаматтары ғана қатыса алады. Ол үшін электронды үкімет порталында тіркеліп, телефонға арнайы қосымшаны жүктеп алу керек. Жоба бойынша жасы 18-ден асқан өзбекстандық 1 тәулікте 10 мың қадамнан артық жүріс жасаса, оның шотына 125 теңге көлемінде ақша түсіп отырады. Ал әр айдың қорытындысы бойынша ең көп жүрген адам 12 мың мен 40 мың теңге аралығында табыс таба алады. Кімнің қанша қадам жүргенін қалай анықтау керегін жергілікті билік әзірге білмей отыр. Сондықтан платформа 1 маусымға дейін сынақтан өтеді. Кейін әдісі табылғаннан соң толыққанды іске қосылады деп жоспарланған.

Жаяу жүргені үшін ақша төлене бастады

Kyzylorda-news.kz. Күні кеше әлеуметтік желілерде облыс көлемінде жария етілген мемлекеттік сатып алу конкурстарына сын-пікірлер білдіріліп, оның ішінде туризм саласындағы қатысты іс-шара бойынша сұрақтар туындады. Осыған орай, осы мәселе бойынша түсіндірме беруді жөн көрдік.
Жалпы, туризм саласы елімізде, соның ішінде өңірімізде кенже қалғаны рас. Оның үстіне, былтыр әлемді шарпыған пандемия саланың дамуына кері әсер етті.
Нәтижесінде 2020 жылы Республикаға келушілер саны 3,5 млн адам құрап (2019 жыл – 6,2 млн адам), 2019 жылмен салыстырғанда 43,6 пайызға азайды.
Оларға орналастыру орындарымен 66,8 млрд теңгенің қызметі көрсетіліп (2019 жыл –120,5 млрд теңге), 44,6 пайызға төмендеді.
Ал, Қызылорда облысына келушілердің саны 50704 адамды құрап (2019 жыл -71 669 адам), 2019 жылмен салыстырғанда 29 пайызға азайса, орналастыру орындарымен 723,5 млн теңге (2019 жылдың 9 айы –1 млрд 84 млн теңге) көлемінде қызметтер көрсетіліп, 33 пайызға төмендеді.
Өткен жылы Қазақстан Республикасы Президенті Қасым-Жомарт Кемелұлы Тоқаевтың тапсырмасымен имидждік іс-шараларға қарастырылған қаражат көлемі қысқартылып, облыстық бюджетке кері қайтарылды.
Дегенмен, бұған қарамастан бюджет қаражатынсыз жоспардағы жұмыстар тоқтаған жоқ.
Мәселен, Қызылорда облысының кәсіпкерлік және туризм басқармасының ұйымдастыруымен туристік фирмалардың өкілдеріне «Байқоңыр» ғарыш айлағы мен «Қорқыт ата» мемориалдық кешеніне ақпараттық тур, «Vizit Qyzylorda» туристік фирмасымен бірлесіп мүмкіндігі шектеулі балаларға Қызылорда қаласында сити-тур, 27 қыркүйек – Дүниежүзілік туризм күніне орай жоғарғы оқу орындарының студенттеріне «Сығанақ» қалашығына ақпараттық-тур, Халықаралық Аралды құтқару қорының Қазақстан Республикасындағы атқарушы Дирекциясы және «Барсакелмес» қорығының мамандарымен бірлесіп Арал ауданындағы «Возрождение» аралына экспедиция ұйымдастырылды.
Осының негізінде, бүгінгі күні Арал қорымен бірлесіп «Возрождение» аралындағы көне қалдық кемелер орналасқан аймақтан аспан асты мұражай ашу жұмыстарын қолға алдық.
Сонымен қатар, «Asyl Mura» танымдық бағытында волонтерлардың қатысуымен Қазалы ауданындағы көне «Жанкент» қалашығына ақпараттық-тур, 16 желтоқсан – ҚР Тәуелсіздік күні мерекесі қарсаңында мектеп оқушыларына «Тірі сабақ» (живой урок) пилоты негізінде Қызылорда қаласы ішінде «сити тур» ұйымдастырылды.
Бұл жұмыстар биыл да жалғасын тауып, ақпанның басында «Шуақты бөбек» қайырымдылық қорының қарауындағы балалар үшін қалаішілік сити-тур өткізілді.
Жалпы, аймақтың туристік әлеуетін туристік дестинацияларға баратын инфрақұрылым жағдайын жақсарту және имидждік шараларсыз дамыту қиын.
Осы орайда, өткен жылдың соңы мен осы жылдың басында әлеуметтік желі қолданушылар және қоғам белсенділерімен кездесіп, биылғы жоспарымызды айқындадық.
Айта кеткен жөн, кездесу өткізуден бұрын алдын-ала «Facebook» әлеуметтік желісіндегі Басқарманың ресми парақшасында хабарландыру берілді.
Сондай-ақ, ақпан айында облыс әкімі Г.Н. Әбдіқалықованың төрағалығымен туризм саласын дамыту туралы арнайы мәжіліс өткізіліп, алдағы мақсаттарымызды белгіледік.
Соның нәтижесінде осы жылы облысқа 45 000 адам келеді деп болжанып, 7,1 млрд тг қаржы болатын 9 нысанды іске қосу және жаңадан 150 тұрақты, құрылыс кезеңінде 110 жұмыс орнын құру жоспарланды.
Бұл іске қосылатын нысандар өз кезегінде өңірімізде туризм саласының дамуына оң септігін тигізеді деп жоспарлап отырмыз.
Атап өткен жөн, қолданыстағы заңнамаға сәйкес туризм саласындағы келушілер саны туралы ақпарат облыстағы орналастыру орындарымен тапсырылатын статистикалық есеп негізінде қалыптастырылады.
Қазіргі таңда Басқарма статистикалық есепке орналастыру орындарынан бөлек, жағажай, демалыс аймақтарын енгізу бойынша жұмыстар жүргізуде.
Сонымен бірге, облыстық жобалық кеңсе аясында «Visitorda.kz» ресми ақпараттық-туристік сайты әзірленіп, осы жылдың 1-жартыжылдығында іске қосылады. Одан әрі сайттың мобильдік қосымшасын әзірлеуге кірісеміз.
Сондай-ақ, облыс әкімдігімен, ҚР Мәдениет және спорт министрлігімен келісе отырып «Қызылорда облысының 2021-2023 жылдарға арналған туризм саласын дамыту туралы», «Қолөнер саласын дамыту туралы» жоспарлары бекітілді.
Жоспарға сәйкес туризм саласын дамыту бағытында төмендегі жобалар облыстық бюджеттік комиссиядан қолдау алды.
Олар:
1. «Қолөнер – асыл қазына» қолөнершілер көрмесі – 3,1 млн теңге. Дәстүрлі көрмелер облыстағы қолөнершілердің танымалдылықтарын арттырып, беделдерін көтереді. Сонымен қатар, жұртшылық назарына дәстүрлі қолөнер бұйымдарының көрмесі ұсынылатын болады.
2. «Қонақ үй және мейрамхана бизнесі персоналына менеджмент бойынша семинар-тренинг өткізу»- 5,3 млн. теңге.
Қонақ үй және мейрамхана бизнесінің персоналдарының біліктілігі артады және пандемия жағдайындағы қызмет көрсету кезінде сервис сапасын арттыруға мүмкіндік береді.
3. Қазақстандық туроператорлар, белсенді әлеуметтік желі қолданушылары және БАҚ өкілдері арасында ақпараттық тур ұйымдастыру – 4,1 млн теңге.
Ақпараттық турдың басты мақсаты – Қызылорда облысының туристік әлеуетін БАҚ-тарда, әлеуметтік желілерде жарнамалау болып табылады. Өңірдің танымалдылығы өсіп, аймағымызға келуші туристер, оның ішінде шетелдік туристер санының артуына ықпал жасайды.
4. 4К форматында түсірілген «Қызылорда облысының туристік әлеуеті», «Ғарыштық туризм» және «Медициналық туризм» тақырыптарында 3 видеоролик дайындау – 14,2 млн теңге.
Әлемдік тәжірибеде туристік әлеуетті дамытудың ең тиімді әдісі – жарнамалық бейнероликтер жасау. Жарнамалық бейнероликтер әлеуметтік желілерде таратылып, «Kazakh Tourism», «Kazakh Invest» АҚ арқылы инвесторларға ұсынылатын болады.
Құрметті достар!
Байқасаңыздар, соңғы уақытта еліміздің басқа өңірлерінде туризм саласын дамытуға жақсы мән беріліп келеді.
Осы орайда, көзделген жұмыстарды жоғары деңгейде ұйымдастыруға атсалысып, жоспарланған шараларға қатысуға шақырамыз.
Бұл өз кезегінде өңіріміздің туристік әлеуетін арттырып, оң имидж қалыптастыруға мүмкіндік береді деген сеніміміз мол.
Қорыта келе, Басқарма кәсіпкерлік, сауда және туризм салалары бойынша «Ашық диалог» жүргізуге әрқашан дайын екендігін хабарлайды.
Кез-келген сұрақтарыңыз бойынша кездесіп, пікір алмасуға әрқашан ынталымыз.
Кері байланыс: 8/7242/70-54-87, 8/7242/40-10-56;
tourismkzo@gmail.com;401056@mail.kz;
Мекен-жайымыз: Қызылорда қаласы, Қорқыт Ата көшесі № 123, «Бизнеске арналған үкімет» ғимараты, 2 қабат, 212 бөлме.
Қызылорда облысының кәсіпкерлік
және туризм басқармасы

Қызылорда: Пандемия тұсындағы туризм саласының әлеуеті қандай?

<a href="http://kyzylorda-news.kz./">Kyzylorda-news.kz.</a>&nbsp; 10 мамырдан бастап карантин талаптары алынады. Дегенмен тұрғындарға кез келген қоғамдық орындарға кіру үшін Coronapass пропускі керек.&nbsp;
Кипр Республикасы билігі 10 мамырдан бастап қатал карантиндік режимді алып тастайды, деп хабарлайды <a href="https://www.inform.kz/kz/kiprde-10-mamyrdan-bastap-karantin-alynady_a3785988">ҚазАқпарат</a>.
Тұрғындарға кез келген қоғамдық орындарға кіру үшін Coronapass пропускі керек. Ол адамның коронавирус тасымалдамаушысы емес екенін дәлелдейді. Мұндай шешімді сәрсенбі күні кешке аралдық мемлекеттің министрлер кабинеті қабылдады.
Бұл пропуск 10 мамырдан бастап өнеркәсіп тауарлары дүкендері, театр мен кинотеатрлар, сонымен қатар жаттығу залдарына кіру үшін керек.
Coronapass қосымша білім беру орталықтарына, шіркеуге, үйлену тойларына, жерлеу және шоқыну рәсімдеріне қатысу үшін де қажет. 16 мамырға дейін мұндай салтанатты жиындарға 10-нан көп адам қатыса алмайды. 17 мамырдан бастап шектеу 200 адамға дейін кеңейтіледі, дегенмен шаралар ашық ауада өтуі қажет.
Муниципалдық базарлар, шаштараз және сұлулық салондарына бару үшін, ашық ауада саябақтарда, алаңдарда, жағажайда, бөген жағаларында және көкке шығуға арналған жерлерде 10-нан аз адам жиналса, Coronapass керек емес. Сонымен қатар аралда бұқаралық жиналыс, наразылық акциялары, кез келген шерулер, концерт, жәрмеңкелер мен қоғамдық және жеке орындардағы фестивальдерге тыйым салынады.
10 мамырдан бастап коменданттық сағаттың уақыты екі сағатқа қысқарады: 23:00-де басталып, 05:00-де аяқталатын болады. Алайда оның уақытында арнайы нөмірге үйден шығу мақсаты жазылған СМС-хабарламасын жіберу арқылы жұмыс орнына барып-келіп, шұғыл қажет кезде медициналық орталықтар, ауруханалар, дәріханалар мен мал дәрігеріне баруға болады.
Еске сала кетейік, өткен жылы аралға саяхаттау үшін аз уақыттың ішінде қосымша тестілерден өту, қосымша шығындар мен көлемді жол жүру сауалнамасын толтыруды қарастырған.

10 мамырдан бастап карантин алынады

<a href="https://kyzylorda-news.kz/">Kyzylorda-news.kz.</a> Бангкок қаласында (Тайланд) пара пауэрлифтингтен өтіп жатқан Әлем кубогінде Қазақстан құрама командасы сапында өнер көрсеткен қызылордалық Станислав Шакиев жеңімпаз атанды.
Жарыстың бірінші күнінде 54 келі салмақ дәрежесінде сынға түскен Сыр спортшысы алғашқы алтын медальді жеңіп алды. Токио -2021 Паралимпиада ойындарына лицензия алу үшін Станислав маусым айында Дубай қаласында өтетін халықаралық жарысқа қатысады.
Станислав Шакиев – ҚР халықаралық дәрежедегі спорт шебері, 2 дүркін Қазақстан жеңімпазы, Қызылорда облысының мүгедектерге арналған спорт клубының спортшысы.
Оның бапкерлері облыстың аға жаттықтырушысы Бахытбек Рысбаев және жаттықтырушы Мырзағали Ермаханов.
Жалпы жарысқа 9 елден 60 -тан аса спортшы қатысып жатыр. Қазақстан намысын бес спортшы қорғауда.
Айта кетейік, Әлем кубогі 8 мамырға дейін жалғасады.

Қызылордалық спортшы пара пауэрлифтингтен Әлем кубогінің жеңімпазы атанды

Kyzylorda-news.kz. Ташкентте гір спортынан өткен Азия чемпионатында Қызылорда облысының спортшылары 15 медаль жеңіп алды.
Оның 12-сі алтын, 1-уі күміс, 2-уі қола медаль. Атап айтсақ, жастар арасында Ерасыл Аубакир мен ересектер арасында Абдулхасан Сейтенов жеңіс тұғырына көтерілді.
Әйелдер арасында Қарлығаш Жұмағұлова, ардагерлер арасында Рауа Әбдиева (40-44 жас), Тлеуімбет Айтбаев (45-49 жас), Қали Рүстемов (55-59 жас) және Серік Ибрагимовтер (60-64 жас) қос-қостан 10 алтын медальға қол жеткізді. Сондай-ақ, 50-54 жас аралығында ардагерлер арасында Оразбек Медетбаев күміс, 40-44 жас аралығында Айтмағанбет Асанбеков қос қола жүлделерді еншіледі.
Облыс құрамасы Венгрияның Будапешт қаласында өтетін Әлем чемпионатына қатысу үшін 1-8 маусым аралығында Ақмола облысының Щучинск қаласында өтетін Қазақстан чемпионатына дайындықты бастап кетті.

Қызылордалық спортшылар Азия чемпионатында 12 алтын жеңіп алды

<a href="https://kyzylorda-news.kz/">Kyzylorda-news.kz.</a> 4 мамырда ҚР білім және ғылым министрі Асхат Аймағамбетовтің аппараттық кеңесінде «Халықаралық бағдарламалар орталығы» АҚ президенті Айнұр Кәрібозова магистратура, докторантура, резидентура және тағылымдама бағдарламасы бойынша «Болашақ» халықаралық стипендиясын тағайындауға арналған жыл сайынғы конкурстың басталғаны туралы айтты.
Құжаттар 2021 жылғы 4 мамырдан бастап 28 қазанға дейін eGov.kz мемлекеттік қызметтер порталы арқылы қабылданады. Стипендия үш кезеңде – маусым, тамыз және қараша айларында тағайындалады.
Биыл «Болашақ» бағдарламасы бойынша оқу үшін 1055 стипендия бөлінді. Олардың ішінен 555 стипендия магистратура, резидентура, докторантура және тағылымдама бағдарламасы бойынша, ал 500 стипендия тағылымдамалардың жаңа «Ғалымдар» санаты бойынша бөлінді. Бұл санатты Шетелде кадрлар даярлау жөніндегі республикалық комиссиясы Қазақстан Республикасының Президенті Қасым-Жомарт Тоқаевтың тапсырмасына сәйкес әлемнің жетекші ғылыми орталықтарында жыл сайын 500 ғалымның тағылымдамадан өтуін қамтамасыз ету мақсатында бекітті.
2021 жылы стипендияның ашықтығын арттыруға бағытталған бірқатар жаңашылдық енгізілді.
Осылайша, «Болашақ» бағдарламасы бойынша оқуға ұсынылатын жоғары оқу орындарының тізімі алғаш рет 3 жылға бекітілді. Бұл формат үміткерлерге «Болашақ» стипендиясын тағайындауға арналған конкурстық іріктеуге қатысуды жоспарлау мен дайындалуда қолайлы жағдай жасау мақсатында енгізілді.
2021-2023 жылдарға арналған «Болашақ» бағдарламасы шеңберінде оқу үшін ұсынылатын шетелдік жоғары оқу орындарының тізіміне екі және одан да көп академиялық рейтингтердің (QS World University Rankings, Academic Ranking of World Universities, Times Higher Education) топ-25 позициясына кіретін 27 елден 207 жоғары оқу орны кірді.
Биыл «Болашақ» бағдарламасы бойынша басым мамандықтар тізбесі академиялық оқу үшін 80 мамандықты және тағылымдамадан өту үшін 137 мамандықты көздейді.
Осы жылы басым мамандықтар «Білім беру», «Медицина», «Инновациялар мен жаңа технологиялар», «Индустриалдық инженерия», «Жаратылыстану ғылымдары», «Әлеуметтік ғылымдар» және «Креативті индустрия» сияқты бағыттар бойынша бөлінді.
2021 жылы тізбеге «Инклюзивті білім беру», «Қашықтан білім беру әдістемесі мен әдіснамасы», «Эпидемиология», «Иммунология», «Вирусология», «Урбанистика», «Үлкен деректерді талдау», «Жаңа материалдар технологиясы», «Робот техникасы», «Өнеркәсіптік автоматтанлыру» секілді осындай өзекті мамандықтар енгізілді.
Сонымен қатар биыл басым мамандықтар тізбесінде экономиканың дамуына ықпал ететін инновациялық мамандықтарды біріктіретін «Инновациялар мен жаңа технологиялар», «Креативті индустрия» жаңа бағыттарының пайда болуы маңызды ерекшелік болып тұр.
Бұл тізбе елдегі еңбек нарығы қажеттіліктерінің орта мерзімді болжамын ескере отырып, мемлекеттік органдар мен түрлі ұйымдардың өтінімдері негізінде әзірленді.

«Болашақ» бағдарламасы бойынша құжаттар қабылдау басталды

<a href="https://kyzylorda-news.kz/">Kyzylorda-news.kz</a>. Қырық жастағы блогер аштықтан қайтыс болды.
Абхазияда 40 жастағы ресейлік блогер Виталий Выграновский эксперимент үшін 40 күндік аштық жариялаймын деп&nbsp;көз жұмды.
<img src="https://kyzylorda-news.kz/wp-content/uploads/2021/05/ashtyk.jpg" alt="" />
Ер адам YouTube-те блог жүргізген көрінеді. Өзін сынап көруді жоспарлаған ол 40 күн бойы сусыз және тамақсыз өмір сүрмек болған.
Аштық жариялағанна кейін оныншы күні блогер өзін жаман сезініп, қалада өзін жағымсыз сезіне бастаған.&nbsp;Осылайша ол Абхазияға қоныс аударады. Жиырмасыншы күні Выграновский өзінің толық тазарғанын айтқан, десек те қатты арықтағандықтан блогердің физикалық белсенділікке күші қалмаған. 35-күні ер адам қатты әлсіресе де оразасын тоқтатпаған.
<blockquote>
 «Қалай, соңына дейін жете алдым ба?&nbsp;Бұл – мен үшін жай ойын. Өте қызықты. Ltytvltu3 gаразиттер жойылды, тамақтануға деген құштарлық жоқ. Денемнің&nbsp;әрбір жасушасы жаңарды», – деді Виталий Выграновский.
</blockquote>
Блогердің достары оның аштықтан көз жұмғанын жазыпты. Оның&nbsp;өлімінің нақты себебі тексеруден&nbsp;кейін белгілі болады.
<a href="https://stan.kz/40-kun-as-su-ishpey-sinak-zhasagan-reseylik-bloger-koz-346415/">Stan.kz</a>

40 күн ас-су ішпей сынақ жасаған блогер көз жұмды

<a href="https://kyzylorda-news.kz/">Kyzylorda-news.kz</a>. Белгісіз біреулер Ташкенттегі қайырымдылық қорабына 50 мың доллар салып кеткен. Бұл ақша ауыр науқас балаларды емдеуге жұмсалады, деп хабарлайды&nbsp;<a href="https://stan.kz/">Stan.kz</a>.
Жәшік Korzinka супермаркеттер желісінің&nbsp;бірінде болған деп хабарланған. Белгісіз адамдар оған 50 мың доллар қалдырып кеткен. Бұл туралы әлеуметтік желілерде дүкен&nbsp;жетекшісі Зафар Хошимов хабарлады.
<blockquote>
 “Бүгін біз тағы бір қайырымдылық қорабын ашып, ақшаны санап жатқанда қораптан оннан астам ақ конверт шықты. Біз оларды ашқан кезде конверттерде 50 000 доллар барын анықтадық. Қасиетті Рамазан айында ауыр науқас балаларға осындай керемет сыйлық жасаған біздің белгісіз отандасымыздың осындай шынайы әрекеті осы оқиғаның куәгері болған осы қасиетті айдың кереметіне деген сенімімізді нығайтты”, – делінген хабарламада.
</blockquote>
Кәсіпкердің айтуынша, барлық қаражат “Эзгу амал” қайырымдылық қорының шотына аударылады. Бұл қор онкологиялық аурулары бар балаларға көмек көрсетуге маманданған.
<img src="https://kyzylorda-news.kz/wp-content/uploads/2021/04/news_full1619782427a402cc863e74f5aa7710569f721f9c7b.jpg" alt="" />

Белгісіз біреу 50 000 доллар ақшаны қайырымдылық жәшігіне тастап кеткен

<a href="https://kyzylorda-news.kz/">Kyzylorda-news.kz</a>. Британдық биолог және ұзақ жасау саласының сарапшысы Энрю Стил қартаю процесін баяулататын жеті тәсілді айтты, деп хабарлайды <a href="https://24.kz/kz/zha-aly-tar/bylu-manyzdy/item/470276-alymdar-artayudy-b-se-detetin-arapajym-disterdi-atady">«Хабар 24»</a>.
Стилдің айтуынша, ұзақ өмір сүру үшін тұрақты түрде спортпен айналысып, уақытылы ұйықтау керек және тамақ рационында көкөністерді көбейтіп, тағам қоспаларынан бас тарту керек. Мұнымен қоса, үнемі қан қысымы мен пульсты бақылап, тістердің саулығына мән беру қажет екен. Және қазіргі сәнге айналып кеткен диеталардан бас тарту қажет екен.
«Егер адам мүлдем спортпен айналыспайтын болса, күніне минут болсын далада серуендеу өмір жасын ұзартуға септігін тигізеді», дейді маман. Сондай-ақ ол жаттығуды жасағанда да организмге күш түсірмеу керектігін айтып өтті.

Ғалымдар қартаюды бәсеңдететін қарапайым әдістерді атады

<a href="https://kyzylorda-news.kz/">Kyzylorda-news.kz</a>. Польшаның Кельц қаласында бокстан жастар арасында өтіп жатқан Әлем чемпионатында қызылордалық Әсел Сағатова Қазақстан атынан өнер көрсетуде.
Ол 1/4 финалда 81 келіге дейінгі салмақ дәрежесінде Румыния спортшысын 5:0 есебімен ұтып, жартылай финалға шықты. Ол енді жартылай финалда ресейлік боксшы Ксения Олифиренкомен жұдырықтасады.
Әлем чемпионатының жартылай финалдық жекпе-жектері бүгін Нұр-Сұлтан уақытымен сағат 18.00-де басталады. Трансляцияны төмендегі сілтеме бойынша көре аласыздар.

Қызылордалық боксшы қыз жартылай финалда Ресейдің былғары қолғап шеберімен кездеседі

<a href="https://kyzylorda-news.kz/">Kyzylorda-news.kz</a>. Соңғы кезде Түркиядан пәтер сатып алып жатқан қазақстандықтардың саны арта түсті. Солардың бірі бес бірдей пәтері бар шымкенттік тұрғын Ғазиза Байтемірова. Кәсіпкердің айтуынша, табысқа жету үшін жоғары оқу орнын үздік бітірудің қажеті жоқ.
Ғазиза Байтемірова елордада агротехникалық университетті қызыл дипломмен тәмәмдап, сонда ұстаздық қызмет еткен.
Алайда уақыт өте келе жеке бизнеске ауысқан. Себебі, пәтер жалдап тұратын жұбайлардың табысы күнделікті тіршіліктен артылмаған.
Ғазиза балаларын асырау үшін, бір жылдары тіпті түнде такси жүргізушісі болғанын да жасырмайды.
<blockquote>
 “Табысқа жету үшін, әр саланы бір көру маңызды емес. Менімен бірге жұмыс істейтін қыздар қиындықтар туып жатса, “посудомойщица” болып кетеді, тағы біреулер қосымша жұмыс іздеп кетеді. Мен олай істеген жоқпын, мен тек бір ғана нәрсемен айналыстым. Тек бастапқы жылдары такси жүргізушісі болып ақша тапқаным бар. Оны да тек түнде істедім, себебі күндіз жұмыс істеуге мүмкіндік болмады. Ана баласын аш қалдырмау үшін, бәрін жасайды екен. Қазір біреуге қарап, қол жайып отыратын адамдарды түсінбеймін, олардың өмірінде бәрі бар, тек соның жақсы жақтарын көре білу керек”, – дейді ол.
</blockquote>
Бүгінде еңбекқор келіншектің бес пәтері бар. Олардың бірін Түркиядан алған.
<blockquote>
 “Иә жолдасым бір ай, жыл емес, бір-ақ күнде жанымда болмай қалды. Сол кезде менің алдымда екі жол тұрды. Біріншісі күйзеліске түсіп, жатып қалу. Екіншісі бүкіл күшімді жинап, бұл жерден шешім тауып өтуім керек екенін түсіндім. Мен бір-ақ күнде жолдасыма еркелеп жүрген Ғазизадан қанша өмір көрген адамға айналдым. Үйде біздің қажеттіліктерімізде әкелетін адамның, тіпті нан әкелетін адамның жоқ екенін түсіндім. Осы қиындықтар үшін де Аллаға алғыс, себебі мені осы қиындықтар оятты. Осы қиындықтар өмірде өзімді табуға мүмкіндік берді”, – дейді Ғазиза.
</blockquote>
Сонымен қатар кәсіпкер сұхабт барсында табысқа жетудің құпиясымен де бөлісті. Айтуынша, табысты болудың құпиясы сіздің ЖОО-ны үздік бітіргеніңізде емес аянбай еңбек етуде.
<blockquote>
 “Қызылға оқысаңыз да, жай диплом алсаңыз да істейтін жұмысыңыз да, алатын жалақысы бірдей болады. Тіпті “көкке” бітірген адамдар “қызылға” бітірген адамдардың үстінен басқарып отыруы мүмкін. Біз сол жылдары тек ата-анамыз “қызылға” бітір, далада қалмайсың деген соң, сол сенімді ақтауға тырыстық. Өмірде өзін дамытатын салалар көп болса екен деймін. Өйткені дамыған мемлекеттерде білесіздер бала өзі қызығатын пәндерге ғана қатысады, қызығатын салаларда ғана дамытады. Біз сияқты жалпылама оқытпайды. Мен де бала тәрбиелеп отырмын, бірақ олардың біліміне баса мән бермеймін, мен олардың тәрбиесі, ата-анамен қарым-қатынасына көп көңіл аударамын”, – дейді кәсіпкер.
</blockquote>
<a href="https://kaz.nur.kz/society/1908645-turkiyada-da-paterim-bar-bes-birdei-uii-bar-kelinsek-tabysqa-zetudin-qupiyasymen-bolisti/">Nur.kz</a>

&#8220;Түркияда да пәтерім бар&#8221;: Бес бірдей үйі бар келіншек табысқа жетудің құпиясымен бөлісті

<a href="https://kyzylorda-news.kz/">Kyzylorda-news.kz</a>. Дүниежүзілік денсаулық сақтау ұйымының бас хатшысы Тедрос Гебрейесус арнайы брифингте коронавирус індеті жақын арада бақылауға алынатынын айтты.
Оның айтуынша, вирусты түбегейлі жеңу үшін халықаралық қауымдастықтың қолында барлық тетік бар. Тек осы әдіс-тәсілдерді ретімен әрі тиімді түрде қолдану керек. Сондай-ақ Гебрейесус әлем бойынша 25 пен 59 жас аралығындағы азаматтар арасында індеттің тез таралып жатқанына алаңдаушылық білдірді.
<blockquote>
 “Коронавирустан қайтыс болғандар саны 5 ай бойы еш кеміген жоқ. Құрбандар қатары 9 айда 1 миллионға, 4 айда 2 миллионға, ал бар болғаны 3 айда 3 миллионға жетті. Соңғы кездері коронавирустың түпнұсқасы емес, оның штамдары тез таралып жатыр”,- деді ДДСҰ бас хатшысы Тедрос Гебрейесус.
</blockquote>

Қазақстан және Қызылорда облысының жаңалықтары: Әлем

Жаяу жүргені үшін ақша төлене бастады

Қызылорда: Пандемия тұсындағы туризм саласының әлеуеті қандай?

10 мамырдан бастап карантин алынады

Қызылордалық спортшы пара пауэрлифтингтен Әлем кубогінің жеңімпазы атанды

Қызылордалық спортшылар Азия чемпионатында 12 алтын жеңіп алды

«Болашақ» бағдарламасы бойынша құжаттар қабылдау басталды

40 күн ас-су ішпей сынақ жасаған блогер көз жұмды

Белгісіз біреу 50 000 доллар ақшаны қайырымдылық жәшігіне тастап кеткен

Ғалымдар қартаюды бәсеңдететін қарапайым әдістерді атады

Қызылордалық боксшы қыз жартылай финалда Ресейдің былғары қолғап шеберімен кездеседі

“Түркияда да пәтерім бар”: Бес бірдей үйі бар келіншек табысқа жетудің құпиясымен бөлісті

ДДСҰ: Коронавирустың түпнұсқасы емес, оның штамдары тез таралып жатыр

Қазақстан және Қызылорда облысының жаңалықтары: Әлем

Жаяу жүргені үшін ақша төлене бастады

Қызылорда: Пандемия тұсындағы туризм саласының әлеуеті қандай?

10 мамырдан бастап карантин алынады

Қызылордалық спортшы пара пауэрлифтингтен Әлем кубогінің жеңімпазы атанды

Қызылордалық спортшылар Азия чемпионатында 12 алтын жеңіп алды

«Болашақ» бағдарламасы бойынша құжаттар қабылдау басталды

40 күн ас-су ішпей сынақ жасаған блогер көз жұмды

Белгісіз біреу 50 000 доллар ақшаны қайырымдылық жәшігіне тастап кеткен

Ғалымдар қартаюды бәсеңдететін қарапайым әдістерді атады

Қызылордалық боксшы қыз жартылай финалда Ресейдің былғары қолғап шеберімен кездеседі

&#8220;Түркияда да пәтерім бар&#8221;: Бес бірдей үйі бар келіншек табысқа жетудің құпиясымен бөлісті

ДДСҰ: Коронавирустың түпнұсқасы емес, оның штамдары тез таралып жатыр

“Түркияда да пәтерім бар”: Бес бірдей үйі бар келіншек табысқа жетудің құпиясымен бөлісті