*<a href="https://kyzylorda-news.kz/">Kyzylorda-news.kz</a>. ХХ ғасырдың 50 жылдарының соңына дейін полиомиелит өте қауіпті ауру болды. Ауру эпидемияға ұласып, әртүрлі елдерде бірнеше мыңдаған адамдардың, оның ішінде балалардың өмірін қиды. Науқастардың шамамен 10%-ы көз жұмып, 40%-ы мүгедек болып қалған.*
Полиомиелитпен негізінен балалар ауырады, әсіресе 5 жасқа дейінгі балалар ауруға жиі шалдығады. Вирус ағзаға ауыз қуысы арқылы еніп, әрі қарай қанға түсіп, жүйке жүйесіне әсер етеді, кейде сал ауруын тудырады. Көбіне аяқты зақымдайды, әр оныншы науқастың өкпесі жұмыс істемей, тұншығудан көз жұмады.
Полиомиелит ұзақ уақыт бұрын пайда болған.
Полиомиелит құрбандары жайлы деректер Ежелгі Мысырмен байланысты. Археологтар Мысыр мумияларында полиомиелитке тән сүйек өзгерісін тапқан. Бұған қоса, ежелгі иероглифтерде оң аяғы ауруға шалдыққан абыз бейнеленген.
1840 жылы неміс ортопеді Якоб Гейне 200-ден астам науқастарға жүргізген бақылауларының нәтижелерін қорытындылай келе, полиомиелитті жеке ауру ретінде бөліп, оны нәрестелік жұлын сал ауруы деп атады.
XX ғасырдың басында аурудың инфекциялық сипаты дәлелденіп, полиомиелит қоздырғышы полиовирус анықталды.
Өткен ғасырда АҚШ-та полиомиелиттің өршуі тіркелген.
1916 жылы 17 маусымда Бруклинде (Нью-Йорк) ресми түрде эпидемия жарияланды. Онымен күресу үшін билік белсенді шаралар қабылдады. Науқастардың аты-жөндері мен мекенжайлары газеттерде шыға бастады. Ауру адамдары бар отбасылар карантинге алынды. Олардың үйлерінің есіктеріне “Полиомиелит. Жұқпалы ауру. Бұл үйден аулақ болыңыз. Бұл хабарламаны құзыретсіз алып тастаған адам жауапқа тартылатын болады” деген хабарламалар жабыстырылды. Нью-Йоркте кинотеатрлар жабылып, бұқаралық іс-шараларға тыйым салынды, балалардың ойын-сауық саябақтарына, бассейндерге, жағажайларға және басқа да қоғамдық орындарда жүруіне шектеу қойылды. Мыңдаған адамдар жұқпалы аурудан қорқып, қаладан кетіп қалды.
Сол жылы АҚШ-та 27 мыңнан астам адам полиомиелитпен ауырған. Оның ішінде 6 мыңнан астам адам көз жұмды. Мыңдаған науқастар сал болып қалды.
1916 жылғы алғашқы әрі ең қауіпті эпидемиядан кейін полиомиелит ауруы АҚШ-та жыл сайын қайталана бастады.
1921 жылы министрдің көмекшісі болып жұмыс істеген АҚШ-тың болашақ президенті Франклин Рузвельт полиомиелиттің құрбаны болды. Осыған байланысты полиомиелит туралы қоғамдық пікір күрт өзгерді: бұл тек балалар арасында таралатын ауру ретінде саналмайтын болды. Кейінірек, 1938 жылы Рузвельт ғылыми зерттеулерді қолдау және аурудан зардап шеккендерге көмектесу үшін Паралитикалық полиомиелитке қарсы қор құрды.
АҚШ-тан басқа, Канада, Ұлыбритания және Еуропа елдерінде аурудың жоғары деңгейі байқалды.
<img src="https://kyzylorda-news.kz/wp-content/uploads/2021/04/news_full161884520071b4ea8fa2813f549987dc561a276530.jpg" alt="" />
Емдеудің тиімді әдістері болмады. Ауру балалар ауруханаларға түсіп, онда бірнеше ай, кейде жылдап жатты. Сирек жағдайларда сал ауруының салдары ұзақ мерзімді оңалту арқылы азайтылды, бірақ көбіне балалар өмірінің соңына дейін ішінара немесе толықтай сал болып қалды. Егер вирус көкет бұлшықетіне әсер етсе, науқастар арнайы аппаратқа жатқызылатын болған. Мұндай құрылғылар «темір өкпе» деп аталған. Полиомиелитке шалдыққан адамға бұл құрылғы бірнеше апта немесе жылдар бойы, кейде өмір бойына қажет болуы мүмкін.
Ғалымдар аурудың емін іздеумен болды. Біріншілері зертханалық жағдайда вакцина әлсіретілген қоздырғыштардың (ауру тудыратын вирустар немесе бактериялар) штамдары негізінде жасалады. Екіншілері – зертханада өсірілген, содан кейін термиялық өңдеумен немесе химиялық жолмен (улаумен) өлтірілген микроағзалардан дайындалды.
Жаппай вакцинациялау үшін пайдаланылған полиомиелитке қарсы алғашқы вакцинаны американдық дәрігер Джонас Солк ойлап тапты. Ата-анасы Ресейден көшіп келген Джонас Солк АҚШ-та медициналық білім алып, тұмау вирусын зерттеумен айналысқан. 1948 жылы Питсбург университетінің медицина мектебінің профессоры ретінде ол Ұлттық сәбилер параличтік қорының грантын жеңіп алды.
Солк 1950 жылы өлтірілген вакцинаның прототипін жасап шығарды. Мұны өзіне, отбасы мүшелеріне және бұрын полиомиелитке шалдыққан адамдарға сынап, өзінің жетістігі туралы жариялады. 1954 жылы алғашқы вакцина сынақтары жүргізілді. 1,8 миллион американдық балалар вакцина немесе плацебо қабылдады. Вакцинаның тиімділігі 80-90 пайызға жетеді деп көрсетілді.
1961 жылы оның әріптесі Альберт Сейбин вакцинаның инъекция арқылы емес, ішуге болатын жетілдірілген нұсқасын ұсынды. Сейбин вакцинаны өз қыздарына, содан кейін Огайо штатындағы түрмелердің бірінің тұтқындарының ішінен еріктілерге сынап көрді. Дәрігер сотталған қылмыскерлерге сөз сөйлеп, балаларды өлтірген және мүгедек еткен аурумен күресте көмек беруін өтінді.
Алайда АҚШ билігі Солктың өлтірілген вакцинасын қауіпсіз деп шешіп, Сейбиннің тірі вакцинасын қолданудан бас тартты.
Бірақ оның негізінде КСРО-да вакцина жасалды. Полиомиелиттің алғашқы айтарлықтай өршуі КСРО-да 1949 жылы болды, ең ауыр түрде Балтық елдерінде, Қазақстанда және Сібірде өтті.
Вакцина пайда болғаннан кейін елде эпидемия 1,5 жылда аяқталды. 1960 жылы КСРО-да вакцина 77,5 миллион адамға егілді.ХХ ғасырдың 50-60-шы жылдары ауру Жапонияда өршіді. Індетті тек вакцина ғана тоқтата алды. Бірақ оны пайдалануға тіркеу және рұқсат беру өте қиын болды.
Сол кезде полиомиелитпен ауыратын балалардың аналары көшеге шығып, полиомиелитке қарсы вакциналарды КСРО-дан әкелуге рұқсат сұрады. Олардың өтініштері жүзеге асып, 20 миллион жапон балалары ауру қаупінен құтқарылды.
Кейіннен дәрігерлер полиомелитті түбегейлі түрде жеңді. Егер 1988 жылы 125 елде полиомиелитпен 350 мыңға жуық адам ауырса, 2012 жылы әлемде 223 жағдай ғана тіркелген. Ал 2019 жылы – 95.
2002 жылдан бастап ДДСҰ Қазақстанды полиомиелиттен азат ел ретінде ресми түрде жариялады.
2010 жылы тамызда Қазақстанда полиомиелитті сырттан жықтырып келген науқас анықталды. Бұған дейін біздің елімізде 15 жыл бойы полиомиелит болған емес.
<a href="https://stan.kz/poliomielit-degen-kanday-auru-onin-kazakstandik-balalar-345851/">Stan.kz</a>

Полиомиелит деген қандай ауру? Оның қазақстандық балаларға қандай қаупі бар?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Үндістан билігі коронавирус жұқтыру көрсеткішін төмендету мақсатында Тәж-Махал мен басқа да көрікті жерлерді бір айға жапты.
Елде осымен тоғызыншы күн қатарынан инфекцияға шалдығу деректерінің тәуліктік рекорды тіркеліп келеді. Кеше қауіпті вирус 217 мың адамнан анықталды. Бұл әлем бойынша бұрын-соңды болмаған тәуліктік көрсеткіш. Медицина мамандарының айтуынша, ауруханаларда бос орын жоқ. Жансақтау бөлімдері де науқасқа лық толы.
<a href="https://24.kz/kz/zha-aly-tar/lemde/item/468246-t-zh-makhal-ajtadan-zhabyldy">Хабар 24</a>

Тәж-Махал қайтадан жабылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Оңтүстік Кореяда коронавирустан қорғанудың ерекше тәсілін, бұқаралық&nbsp;іс-шараларға қатысу кезінде адамдарға қолдануға жеке капсулалар ұсынылды, деп хабарлайды &nbsp;<a href="https://stan.kz/">Stan.kz</a>.
<img src="https://kyzylorda-news.kz/wp-content/uploads/2021/04/news_full1618626784f887c9fd03de402b8b1ad519e73f380a.jpg" alt="" />
Капсулалардың&nbsp;фотосын журналист Рафаэль Рашид Twitter-дегі парақшасында жариялады. Мұндай үрлемелі капсула мен&nbsp;жеке шатыр&nbsp;алғаш рет Кореяның ең ірі&nbsp;буддисттік монастырларының бірінде – Дегу қаласындағы Тэген ғибадатханасында дұға жасау&nbsp;рәсіміне қатысқан буддистер қолданған.
Мұндай әдісті оңтүстіккореялықтардың қолдану себебі&nbsp;адамдардың шектен тыс жиналуы&nbsp;және кейбірінің ғибадатханаға қоғамдық көліктен немесе бірден тамақтану орындарынан келуі болды. Діни рәсім жасаушылардың бір қатары қарт адамдар екен.
Оңтүстік Кореяның ауруларды бақылау және алдын алу орталығының мәліметінше, өткен тәулікте елде коронавирусты&nbsp;673 науқас жұқтырған. Орталық екінші күн қатарынан Оңтүстік Кореяда тәулік сайын 700-ге жуық вирус жұқтырғандар анықталғанын атап өтті.
Осылайша, Оңтүстік Кореяда COVID-19 инфекциясының расталған жағдайларының жалпы саны 112 789-ға жетті. Сондай-ақ, өткен тәулікте коронавирустық инфекциясы бар тағы екі науқас қайтыс болды. Пандемия басталғаннан бері елде аурудың асқынуынан 1790 адам қайтыс болды.
Айта кетейік, Оңтүстік Корея халқының жартысына жуығы тұратын астаналық өңірде әлеуметтік қашықтықтың екінші деңгейі, ал елдің қалған өңірлері – 1,5 деңгейінде. Төрт адамнан көп адам қатысатын&nbsp;іс-шараларға тыйым салынған. Тамақтану орындары, спорт залдары, караоке салондары, ірі супермаркеттер әлі де 22 сағатқа дейін жұмыс істей алады.

Коронавирустан қорғанудың ерекше тәсілін жасап шығарды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Үндістанда өткен жылдың желтоқсан айында анықталған коронавирустың жаңа штамы өзгелерге қарағанда қауіпті болуы мүмкін.
Дүниежүзілік Денсаулқы сақтау ұйымы осыған байланысты алаңдаушылық танытуда. Мамандардың айтуынша, қазір бұл штамның мутацияға ұшырауы да байқалып жатыр. Сонымен қатар Ұйым өкілдері қауіпті вирустың Үндістаннан бөлек Азия мен Солтүстік Америкада жылдам тарап бара жатқанын ескертіп отыр.
Айта кетейік, бүгінде коронавирус Үндістанның өзінде де дес бермей тұр. Өткен бір күннің ішінде 217 мыңнан астам адам ковид жұқтырып, 1 мың 185 науқас осы дерттен көз жұмды. Мұндай тәуліктік көрсеткіш бұрын соңды тіркелмеген еді.
<a href="https://24.kz/kz/zha-aly-tar/lemde/item/468273-dds-ndistanda-shy-an-koronavirusty-zha-a-shtamdary-auipti">Хабар 24</a>

ДДСҰ: Желтоқсан айында анықталған коронавирустың жаңа штамы қауіпті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Бразилиядағы коронавирус пандемиясының шарықтау кезеңінде түсірілген фотосурет беделді World Press Photo нұсқасы бойынша “Жыл фотосуреті” деп танылды.
Бұл суретті дат фотографы Мадс Ниссен түсірген. Жеңімпаз 15 сәуірде өткен онлайн-рәсімде белгілі болды.
2020 жылдың тамыз айында түсірілген “Алғашқы құшақ” атты фотосуретте Сан-Паулудағы қарттар үйіндегі медбике сол жерде тұратын Роза есімді 85 жастағы әйелді целлофан перде арқылы құшақтап жатқанын көруге болады.
Пандемияға байланысты Бразилиядағы барлық қарттар үйіне наурыз айынан бастап баруға тыйым салынды. Ал ондағы қызметкерлер қарттармен байланысты барынша азайтты. Міне, сол кезде қарттар үйінен бұл мәселені шешудің жаңа әдісі табылды. Ол үшін қауіпсіз целлофан тосқауылы ойлап табылды. Жаңа әдіс қарттардың жақындарын қайтадан құшағына алуға мүмкіндік беріп, бүкіл әлемге танымал болды.
“Бұл фотосурет біздің өміріміздің ең жарқын сәттерін мәңгілікке бейнелейді. Мен одан әлсіздікті де, сүйіспеншілікті де, жоғалтуды да, жер аударуды да, өлімді де, ең бастысы, өмір сүруге деген ұмтылысты да көремін. Мұның бәрі бір суретте көрінеді. Егер сіз фотосуретке ұзақ қарап отырсаңыз, ұшу мен үмітті бейнелейтін қанаттарды көре аласыз”, – дейді қазылар алқасының мүшесі Кевин Ли.
World Press Photo – 1955 жылдан бастап өзіндік тарихы бар фотографтардың ең беделді халықаралық байқауы. Оның мақсаты – фотожурналистика мен фотоқұжаттың ең жоғары стандарттарын дамыту.
Биылғы жылы қазылар алқасының мүшелері әлемнің 4,3 мың фотографы түсірген 74,5 мың фотосуретке шолу жасады. Әр түрлі номинациялардағы жеңімпаздардың арасында 28 елден 45 фотограф болды. Олардың фотосуреттері Амстердамда 17 сәуірде ашылатын және кейінірек әлемнің 100-ден астам қаласында өтетін World Press Photo көрмесіне қойылады.
<a href="https://massaget.kz/layfstayl/madeniet/kino/suret/64927/">Massaget.kz</a>

Короновирус кезінде түсірілген фотосурет &#8220;Жыл фотосы&#8221; деп танылды

FitchRatings халықаралық рейтингтік агенттігі HalykBank рейтингін «BB+»-тен «BBB-»-ке дейін көтерді, болжам «Тұрақты». Halyk Bank-ке (BBB -) берген қаржылық тұрақтылық рейтингі (viability rating) – тәуелсіз Қазақстан тарихындағы шетелдік қатысуы жоқ жеке банктер арасындағы ең жоғары және банк қызметінің бүкіл тарихындағы ең үздік рейтинг.
<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> FitchRatings халықаралық рейтингтік агенттігі (бұдан әрі – Fitch)Halyk Bank-тіңұзақ мерзімді эмитент дефолтының рейтингісін («ЭДР») «BB+» деңгейінен «BBB –» деңгейіне дейін көтерді, болжам «Тұрақты». Өсу нәтижесінде Банктің рейтингі алыпсатарлықтан инвестициялық рейтинг санатына өтті (BBB – ден жоғары). Еліміздің тарихында алғаш рет ҚР-дағы жеке коммерциялық банк Fitch-тен инвестициялық санаттағы рейтинг (investment grade) алды, бұрын мұндай деңгейдегі рейтинг тек квазимемлекеттік банктерге немесе шетелдік қатысуы бар банктерге берілген болатын.
«Банкке берілген рейтингтің деңгейі BBB деңгейіндегі тәуелсіз рейтингке қарағанда небәрі 1 саты төмен екенін атап өткім келеді. Қазақстанның аса ірі, жүйе құраушы Банкі – Halyk Bank рейтингін «инвестициялық» санатына дейін көтеру – бұл тарихи маңызды қадам және жеке алынған қаржы институты шеңберінде ғана емес, жалпы бүкіл ел, бүкіл ТМД нарығы шеңберінде маңызды оң белгі, – деп Halyk Bank басқармасының төрайымыҮміт Шаяхметова атап өтті, – Ол нарықтар қалпына келуге және өсуге дайын екенін білдіреді. «BBB» санатындағы рейтингтер бизнес пен инвесторларға эмитенттің жақсы кредиттік сапасын көрсетеді, қазіргі уақыттадефолт тәуекелін күту төмен, ал қаржылық міндеттемелер бойынша төлем қабілеттілігі барабар екенін көрсетеді, сәйкесінше инвестициялық тартымдылық пен инвесторлардың сенімі айтарлықтай өседі. Halyk Bank ТМД-ға шетелдік қатысуы жоқ, қаржылық тұрақтылықтың ең жоғары рейтингісі бар екі жеке банктің біріне айналғанын атап өту маңызды».
Fitch-тің осы рейтингтік әрекеті Halyk Bank-тің 2020 жылғы қаржылық нәтижелері бойынша мықты позицияларын және COVID-19 жаһандық пандемиясына байланысты операциялық ортаға жалғасып отырған қысым аясында Банктің активтер сапасын жақсарту жөніндегі ары қарай тиімді іс-шараларын көрсетеді. Осылайша, экономикалық құлдырауға қарамастан, 3-Сатыдағы проблемалық активтердің үлесі 2020 жылы 16% – дан 12,3% – ға дейін айтарлықтай төмендеді. Fitch пікірі бойынша, бұл Банктің кредиттік циклдің теріс кезеңінен табысты өткенін көрсетеді.
Бүгінгі таңда Halyk Bank рейтингтері оның үстем нарықтық үлесін, активтерінің сенімді құрылымын, жоғары табыстылығын және капитал мен өтімділіктің елеулі қорларын көрсетеді.
Fitch Halyk-ты «BB» операциялық ортасының бағасынан екі сатыға жоғары бағалайтыны да маңызды, өйткені Halyk-тың кредиттік шығындар бойынша шығыстарға дейінгі жоғары қаржылық көрсеткіштері және капитал/өтімділік бойынша қорлары Банкке операциялық ортаның тәуекелдерін елеулі дәрежеде митигациялау қабілетін береді.
Fitch сарапшылары Банк жылдан жылға көрсетіп келе жатқан тұрақты жоғары қаржылық нәтижелердің ұзақ мерзімді жағымды тарихын, сондай-ақ Halyk-тің экономикалық циклдің теріс кезеңі кезінде де табыс ала отырып, тиімді жұмыс істеу ұтқырлығы мен қабілетін атап өтеді.
Сондай-ақ Halyk рейтингінің мықты жақтары ретінде Fitch сарапшылары қорландыру мен өтімділікті атады: 2020 жылдың соңында Банктің қорландыру базасындағы депозиттердің үлесі 84%-ды құрады. Fitch Halyk депозиттерінің тұрақтылығын жергілікті ұқсас банктердің көпшілігіне қарағанда анағұрлым жоғары деп санайды, өйткені Halyk елдегі клиенттердің депозиттері бойынша нарықтағы ең жоғары үлеске ие.
***
HalykBank (ҚазақстанХалықБанкі) – бөлшек бизнес, ШОБ және корпоративтік банктік қызметтер, сақтандыру, лизинг, брокерлік қызметтер және активтерді басқаруды қоса, түрлі сегменттер дер жұмыс жасайтын Қазақстандағы жетекші қаржы тобы. Банк 1998 жылдан бастап Қазақстан Қор Биржасында, 2006 жылдан бастап Лондон Қор Биржасында және 2019 жылғы қазан айынан бастан Astana International Exchange-де листингісі бар.
Активтері 2020 жылғы 30 желтоқсандағы жағдай бойынша 10,387.8 млрд. теңгені құрап, Банк Қазақстандағы жетекші кредиттік ұйым болып табылады. Банктің ең ірі клиенттер базасы және филиалдар желісі бар – республика бойынша 611 филиал жәнебөлімше. Банк сондай-ақ операцияларын Грузияда, Қырғызстанда, Ресейде, Тәжікстанда және Өзбекстанда жүзеге асырады.
«Қазақстан Халық Банкі» АҚ PR-қызметі
тел. +7 727&nbsp;259 0301, +7&nbsp;727&nbsp;333 02820 | <a href="mailto:pr@halykbank.kz">pr@halykbank.kz</a> | <a href="http://www.halykbank.kz/">www.halykbank.kz</a>
ҚР Ұлттық банкінен 03.02.2020 ж. берілген №1.2.47/230/38/1 лицензиясы.

HalykBank ең үздік рейтингке көтерілді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Алматы қаласында күрес түрлерінен өтіп жатқан Азия чемпионатында грек-рим күресінен сынға түскен қызылордалық Айдос Сұлтанғали 60 келі салмақта алтын медальді жеңіп алып, үшінші мәрте Азия чемпионы атанды.⠀
Ол жарыс барысында үш кездесу өткізіп, барлығында да жеңіске жетті. Ширек финалда Оңтүстік Корея спортшысын 10:1 есебімен жеңсе, жартылай финалда ирактық қарсыласын 7:2 есебімен, финалда ирандық спортшы Мехди Нижадты 8:4 есебімен ұтты.
Айта кетейік, бұл Қазақстан командасының екінші алтыны.
Бұған дейін Айдос Сұлтанғали 2015 жылы жасөспірімдер, 2016 жылы жастар арасында Азия чемпионы, 2017 жылы жабық кешендегі Азия ойындарының және әлем чемпионатының қола жүлдегері, 2018 жылы ересектер арасында әлем чемпионатының қола жүлдегері, 2019 жылы Бүкіләлемдік әскерилер ойынының қола жүлдесін иеленген болатын.
Айдос Сұлтанғалиды жарысқа білікті бапкер Ғабиден Райымбек дайындады.
Сонымен қатар ертең боз кілемге әйелдер күресінен Асылзат Сағымбай (53 келі) шықса, 17 сәуір күні еркін күрестен Дәулет Ниязбеков (65 келі) пен Ғалымжан Өсербаевтар (79 келі) өнер көрсетеді.

Қызылордалық спортшы Азия чемпионы атанды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Ангола әуежайында саяхатшылардан 34 мутациясы бар коронавирустың жаңа нұсқасы табылды. Сарапшылар SARS-CoV-2-нің бұл нұсқасы басқаларына қарағанда жұқпалы болуы немесе ағзаның иммундық қорғанысын тежеуі мүмкін екенін айтады,&nbsp;деп хабарлайды&nbsp;<a href="https://stan.kz/">Stan.kz</a>.
Коронавирустың жаңа нұсқасы уақытша A.VOI.V2 деп аталды. Оның ДНҚ тізбегінде аминқышқылдарының 31 алмастырылуы (маңызды функционалды алмастырулар) табылды, оның 11-і вирустың тікенектерінде. Сондай-ақ, үш жойылу, яғни олардың бір немесе бірнеше бөлігі түсіп қалған хромосомалардағы қайта құрылымдар анықталды.
Африкалық ғалымдар анголалық нұсқаның кейбір мутацияларын бұрын белгілі штамдарда анықтады. Мамандар бұл өзгерістер дамып, пайдалы белгілер ретінде ДНҚ-ға енеді деп болжайды.
<blockquote>
 «Осы мутациялардың барлығы коронавирустың антиденелерге төзімділігін арттырып, оның жұқпалығын арттыра алады», – дейді жаңа штаммды анықтаған дәрігерлер.
</blockquote>
КФУ іргелі медицина және биология институтының дәл және қалпына келтіретін медицина ғылыми-клиникалық орталығының директоры Альберт Ризванов коронавирустық мутациялардың көбеюінде таңқаларлық ештеңе жоқ деп санайды.
<blockquote>
 «Уақыт неғұрлым көп өткен сайын, вирустың бейімделу мүмкіндігі соғұрлым көп болады, мутация жинақталады. Бұл вирус эволюциясының тағы бір кезеңі», – деді ол.
</blockquote>
Айта кетейік, әлемде кең таралған британиялық және оңтүстікафрикалық штаммтарда мутация екі есе аз болған.

Ғалымдар коронавирустың 34 мутациясы бар жаңа нұсқасын тапты

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Қызылорда облыстық білім басқармасы мен жергілікті ЖОО-ның арасында ғылыми жобаларды жетілдіру үшін жан-жақты жұмыстар жасалуда.
Нәтижесінде сырбойылық жас ғалымдардың халықаралық олимпиадалар мен ғылыми жобаларға қатысуы жылдан-жылға артуда. Мәселен өткен жылы 22 оқушы халықаралық, 90 оқушы республикалық, 814 оқушы облыстық олимпиада мен ғылыми жобаларға қатысқан.
<blockquote>
 «Дарынды балалар Халықаралық жарыстарда да бой көтеруде. Жалпы білім беретін пәндер бойынша республикалық ғылыми жобалар конкурсының облыстық кезеңіне 370 жобамен 393 оқушы қатысып, 142 оқушы жүлделі орынға ие болды. Республикалық кезеңіне 22 жобамен 20 оқушы қатысып, 6 оқушы жеңіс тұғырынан көрінді. Біз талантты, озат, интеллектуалдық әлеуті жоғары жастардың идеясын қолдауға, бастамаларын жүзеге асыруға мүмкіндік береміз. Университеттермен бірге бірлескен жұмыстар әрі қарай жалғасатын болады», – деді облыстық білім басқармасы басшысының орынбасары Бағдат Бердаулетов.
</blockquote>
Қорқыт ата университетінен соңғы бір жылдың өзінде жас ғалымдар арасынан 6 PhD, 2 қауымдастырылған профессор, 2 ғылым кандидаты, 1 «ЖОО үздік оқытушысы» атағының иегері шыққан.
<blockquote>
 «Біздің ғалымдарымыз 2021-2023 жылдарға арналған ҚР БҒМ-нің ғылыми жобаларды гранттық қаржыландыру конкурстарына қатысып, бүгінге дейін жеңімпаз атанған 7 жоба қаржыландырылса, енді 13 жоба сарапшылардың шешімін күтуде. Сондай-ақ, Web of Science, Scopus базасына енетін шетелдік жоғары рейтингілі журналдарда біздің ғалымдарымыздың 106 мақаласы жарияланды. 18 патент алынып, 19 монография жарық көрді. Халықаралық грант, республикалық және жергілікті бюджет есебінен 16 ғылыми жоба орындалды», – деді Қорқыт ата атындағы Қызылорда университетінің проректоры Абайбек Жүнісов.
 «Болашақ» ғылыми-зерттеу институтының құрамында 4 ғылыми орталық бар. Орталықта «Болашақ» университетінің «Жалпы білім беру және құқық», «Экономика, аудит, бизнес және басқару» кафедраларының ғалымдары құрайды. Орталық университет құрылтайшысының қаржыландыруымен бірнеше ғылыми-зерттеу жобаларын жүзеге асырып келеді. 2017 жылы «Болашаққа бағдар: рухани жаңғыру» бағдарламалық мақаласында айқындалған сананы жаңғыртудың бағыттарын жүйелендіру үшін жазылған монография жарық көрді. Бүгінде аталмыш монография үлкен сұранысқа иеленіп отыр.2020-2021 оқу жылынан бастап орталық «Рухани жаңғыру: қоғамдық сана мен тарихи сананы жаңғырту» пәнін әзірлеп, оқу процесіне енгізді. Алдағы уақытта аталмыш пәннің оқу құралын жарыққа шығару жоспарланып отыр.Сондай-ақ, институт гранттық қаржыландыруға арналған конкурстарға қатысу бойынша жұмыстар жүргізіледі»,- деді «Болашақ» Ғылыми-зерттеу институтының директоры Мұрат Насимов.
</blockquote>

Қызылорда: Өткен жылы 22 оқушы халықаралық ғылыми жобаға қатысты

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> 11 сәуірде&nbsp;Сауд Арабиясының Жоғарғы Соты бұл күні ешкім жаңа айдың туғанын көре алмағандықтан&nbsp;Парсы шығанағы елдерінде қасиетті Рамазан айы дүйсенбіде басталмайтынын мәлімдеді,&nbsp;деп хабарлайды&nbsp;<a href="https://stan.kz/">Stan.kz</a>.
<blockquote>
 “Жаңа жарты айдың пайда болуын байқай алмауына байланысты сот Рамазан айының басталуы туралы шешім қабылдау үшін ертең кешке жиналады”, – делінген сот хабарламасында.
</blockquote>
Сауд Арабиясының бұл мәселедегі пікірін көптеген басқа араб елдері ұстанады, дегенмен олардың әрқайсысы өз астрономдары мен теологтарының куәліктеріне сүйенеді.
<blockquote>
 “Шаабан айының 29-шы&nbsp; күні жаңа айдың аспанда пайда болуын бақылау жөніндегі комитеттің оның тууына куә болу туралы үндеуіне ешкім жауап бермеді, сондықтан комитеттің жұмысы дүйсенбіде жалғасады және ертең өз пікірін айтады”, – деді&nbsp;Катардың&nbsp;вакуфтар және ислам істері министрлігі.
</blockquote>
Сонымен қатар дүйсенбіде Египет, Ирак, Тунис, Ливан, Кувейт, Йемен, Оман, Біріккен Араб Әмірліктерінде де ораза айы басталмайды.
Егер бұл елдерде айдың пайда болуы дүйсенбіде көрінбесе, Рамазан көптеген араб елдерінде сейсенбіде Шаабанның айы аяқталғаннан кейін басталуы мүмкін. Дегенмен кейбір елдерде, соның ішінде Сауд Арабиясында, Шаабан айының басталған күніне күмән бар, ол кезде жаңа ай шаңды ауа-райына байланысты көрінбеген, сондықтан Рамазан сәрсенбіде де келуі мүмкін.
Биыл Парсы шығанағы елдерінде, былтырғыдай, Рамазан коронавирус пандемиясы&nbsp;жағдайында қатаң шектеулер жағдайында өтеді. Кувейтте, Оманда кештен бастап келесі күннің таңына дейін коменданттық сағат енгізілді, Катарда Рамазан айының алдында дүкендер мен дәріханалардан басқа барлық мекемелер жабылды, саябақтарда, жағалауларда және жағажайларда спортпен шұғылдануға тыйым салынады.
Сондай-ақ Рамазан айында дәстүрлі тарауық намазын мешіттерде емес, үйде оқиды.&nbsp;Парсы шығанағының барлық елдерінде дәстүрлі Рамазан шатырлары алынып тасталды,&nbsp;ифтар мен сухурға баруға тыйым салынады.

Бірнеше елде Рамазанның басталуы кейінге қалдырылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Әлемде баруға болатын ерекше жер көп. Сіз аралдағы жағажай мен экскурсиялық демалыстың орнына ерекше әсер алып, танымыңызды кеңейткіңіз келе ме? Біздің тізімдегі аралдарға назар салыңыз. Олардың көбіне адам баруға тыйым салған.&nbsp;
Бувэ аралы
Әлемдегі ең шалғай жердегі арал Африка мен Антарктиданың арасында орналасқан. Голливудтың “Бөтен Жыртқышқа қарсы” (Alien vs. Predator) фильмінің кейбір эпизодтары осы жерде түсірілген.
<img src="https://kyzylorda-news.kz/wp-content/uploads/2021/04/aral-1.jpeg" alt="" />
Жақын мекен шамамен 1500 теңіз милі қашықтықта орналасқан. Аралда жұмбақ жерлер көп. Мұнда ядролық қару сыналған деген сыбыс бар. Қазіргі уақытта ол Норвегияның меншігі саналады және қорық мәртебесіне ие.
Повеглия аралы
Ең қорқынышты аралдардың бірі – Повеглия, ол Венецияға жақын жерде орналасқан. Орта ғасырларда оба ауруына шалдыққан науқастарды әкелген. Науқастарды көптеп өртегені сонша аралдың топырағы жартылай қалдық пен күлден тұрады. 1960 жылы мұнда психиатриялық аурухана салынды. Ал қазір қаңырап бос тұр. Себебі, аралды жергілікті тұрғындар қарғысталған мекен санап, ол жерге аяқ баспайды.
<img src="https://kyzylorda-news.kz/wp-content/uploads/2021/04/pov.jpeg" alt="" />
1960 жылдары &nbsp;психиатриялық клиниканың басшысы пациенттеріне түрлі эксперименттер жасаған көрінеді. Осыдан өзі де обадан қайтыс болған жүз мыңдаған адамдардың елесі мен даусын еститін болған. Көп өтпей жынданып, шіркеу мұнарасынан секіріп қайтыс болған.
Шошқалар аралы
Пиг-Бич (Pig Beach) – Багам аралдарының Эксума аймағындағы адам тұрмайтын арал. Шошқа жағажайы кейде майор Кэй, аға майор және аға майор Cay деп те аталады.
<img src="https://kyzylorda-news.kz/wp-content/uploads/2021/04/shoshka.jpeg" alt="" />
Шошқа жағажайының етікке ұқсайтын тұрақты емес пішіні бар. Арал солтүстіктен оңтүстікке қарай 1,8 шақырымға созылып жатыр, оның ені&nbsp;максимум 1,6 шақырымға жетеді, ал оның ауданы 0,9 км² құрайды. Аралда ауыз судың үш көзі бар, олар шағын көлдерге құяды.
Бұл арал – туристердің сүйікті жері. Көпшілігі оған адамдардан қорықпайтын және аралдың батысында орналасқан жабайы үй шошқаларын көру үшін келеді. Алғаш рет шошқалар аралда 2014 жылы анықталған. Аралда шошқалардың шығу тегі туралы нақты ақпарат жоқ. Бір нұсқаға сәйкес, шошқаларды мұнда матростар тастап кеткен десе, басқа нұсқа бойынша олар кеме апатынан аман қалған.&nbsp; Кейбіреулер шошқаларды аралға туристерді тарту үшін арнайы әкелді деп санайды.
Қояндар аралы
Тек қоянға арналған бұл арал Жапония мемлекетіне тиесілі. Аралда Екінші дүниежүзілік соғыс кезінде химиялық қаруды өндіруге және сынауға арналған арнайы зертханалар мен фабрикалар болған. Кәсіпорындардың жасырын болғаны соншалық, олардың жұмысшылары да мұнда не өндіретінін білмеген. Бұл аралды картадан таба алмайсыз.
<img src="https://kyzylorda-news.kz/wp-content/uploads/2021/04/kojan.jpeg" alt="" />
Улы жыландар аралы
Сан-Паулу маңындағы Кеймада Гранде – әлемдегі мыңдаған ең қауіпті әрі улы бауырымен жорғалаушылар бар арал. Олардың орналасуы бір шаршы метрге 5-10-нан тура келеді. Жыландардың қауіпті болғаны соншалық, бұл жерді әскери адамдар күзетеді. Алайда мұнда ара-тұра түрлі экспедиция өткізіліп тұрады.
<img src="https://kyzylorda-news.kz/wp-content/uploads/2021/04/zhylan.jpeg" alt="" />
&nbsp;Девон аралы
Канада аумағындағы бұл арал адам тұрмайтын жер. Табиғаты Марсқа ұқсас болғандықтан да, мұнда адамның өмір сүруіне қатысты тәжірибелер өткізіледі. Аралда орташа температура -50 градус аяз. Жазда ауа-райы сирек +10 градусқа дейін жылынады. Алайда бұл жерде жауын-шашын жоқ, есесіне қыста қар да жаумайды.
<img src="https://kyzylorda-news.kz/wp-content/uploads/2021/04/devon.jpeg" alt="" />
Қуыршақтар аралы
1950 жылдардың басында аралдың жалғыз тұрғыны көкөніс, гүл өсірумен және балық аулаумен айналысқан Джулиан Сантана Барреро болған. Ол діни ырымшылдықты уағыздағаны үшін Баррио-де-ла-Асунсоннан қуылып, осы аралға қоныстанған.
<img src="https://kyzylorda-news.kz/wp-content/uploads/2021/04/kwyrshak.jpeg" alt="" />
Аңыз бойынша, 1950 немесе 1951 жылдары белгісіз қыз аралдағы көлге батып кеткен. Сантана оның айқайын естіп, көмекке асыққанымен үлгермеген. Көл жағасынан тек оның қуыршағын тапқан. Кішкентай қыздың құрметіне ол қуыршақты ағашқа іліп кеткен. Осыдан кейін Сантана түнде үнемі айқай-шу, аяқ дыбысын естиді. Суға батқан қыздың елесі жылап келіп, одан қуыршағын беруін өтінетін болған.
50 жыл бойы Сантана қуыршақтарды елесті “тыныштандыру” үшін арал ағаштарына іліп қойып жүрді. Осылайша аралда 1000-ға жуық қуыршақ жиналды.
Сантана 2001 жылы қайтыс болады, оның себебі белгісіз. Адамдардың бірі оны сол көлге батып өлді десе, екіншісі басқа нұсқаны айтады.
<a href="https://massaget.kz/layfstayl/alemtanu/syrly-alem/64849/">Massaget.kz</a>

Әлемдегі ең қорқынышты аралдарды білесіз бе?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Халықаралық Savills компаниялар тобы 2020 жылдың қорытындысы бойынша тұрғын үйдің 1 шаршы метрінің орташа бағасы өте жоғары әлем қалаларын атады.
Рейтингке 31 қала кірді.
Жылжымайтын мүліктің 1 шаршы метрінің бағасы өте қымбат 10 қала:
Монако – €47&nbsp;600 (24.5 млн теңге).
Гонконг – €39 600 (20.2 млн).
Нью-Йорк – €22 200 (11.4 млн).
Токио – €20 400 (10.5 млн).
Женева – €19 100 (9.8 млн).
Шанхай – €17 400 (9 млн).
Лондон – €17 000 (8.7 млн).
Сидней – €15 900 (8.2 млн).
Париж – €15 600 (8 млн).
Сеул – €15 600 (8 млн).
27-31 аралығындағы соңғы орындарға Мадрид, Барселона, Дубай, Кейптаун, Куала-Лумпур жайғасқан. Оларда бір шаршы метрдің құны 6900 евродан (3,5 миллион теңге) 2500 еуроға (1,3 млн теңге) дейін өзгереді.
Рейтингке ТМД елдерінің арасынан Мәскеу кірді (19-орын), 1 шаршы метр үшін €10 600 (5,5 млн теңге).
<a href="https://24.kz/kz/zha-aly-tar/bylu-manyzdy/item/466481-t-r-yn-j-ba-asy-ymbat-lem-alalary-ataldy">Хабар 24</a>

Қазақстан және Қызылорда облысының жаңалықтары: Әлем

Полиомиелит деген қандай ауру? Оның қазақстандық балаларға қандай қаупі бар?

Тәж-Махал қайтадан жабылды

Коронавирустан қорғанудың ерекше тәсілін жасап шығарды

ДДСҰ: Желтоқсан айында анықталған коронавирустың жаңа штамы қауіпті

Короновирус кезінде түсірілген фотосурет “Жыл фотосы” деп танылды

HalykBank ең үздік рейтингке көтерілді

Қызылордалық спортшы Азия чемпионы атанды

Ғалымдар коронавирустың 34 мутациясы бар жаңа нұсқасын тапты

Қызылорда: Өткен жылы 22 оқушы халықаралық ғылыми жобаға қатысты

Бірнеше елде Рамазанның басталуы кейінге қалдырылды

Әлемдегі ең қорқынышты аралдарды білесіз бе?

Тұрғын үй бағасы қымбат әлем қалалары аталды

Қазақстан және Қызылорда облысының жаңалықтары: Әлем

Полиомиелит деген қандай ауру? Оның қазақстандық балаларға қандай қаупі бар?

Тәж-Махал қайтадан жабылды

Коронавирустан қорғанудың ерекше тәсілін жасап шығарды

ДДСҰ: Желтоқсан айында анықталған коронавирустың жаңа штамы қауіпті

Короновирус кезінде түсірілген фотосурет &#8220;Жыл фотосы&#8221; деп танылды

HalykBank ең үздік рейтингке көтерілді

Қызылордалық спортшы Азия чемпионы атанды

Ғалымдар коронавирустың 34 мутациясы бар жаңа нұсқасын тапты

Қызылорда: Өткен жылы 22 оқушы халықаралық ғылыми жобаға қатысты

Бірнеше елде Рамазанның басталуы кейінге қалдырылды

Әлемдегі ең қорқынышты аралдарды білесіз бе?

Тұрғын үй бағасы қымбат әлем қалалары аталды

Короновирус кезінде түсірілген фотосурет “Жыл фотосы” деп танылды