<a href="https://kyzylorda-news.kz/">Kyzylorda-news.kz</a>. “Дельта” штамына байланысты әлем коронавирус пандемиясының қауіпті кезеңінде тұр, деп мәлімдеді Дүниежүзілік денсаулық сақтау ұйымының директоры&nbsp;Тедрос Адханом Гебрейесус.
Ол штамм кем дегенде 98 елде анықталғанын айтты. Гебрейесус инфекция түрлері әлі де мутацияға ұшырап жатқанын атап өтті.&nbsp;
Ұйым директорының айтуынша, денсаулық сақтау жүйесі коронавирустың жаңа мутациясын үнемі бақылап, мутациясына бейімделуі қажет. Инфекцияға тест жасап, ерте анықтаудың маңыздылығына тоқталды. Вирус жұқтырғандарды оқшаулау, емдеу, маска тағу, әлеуметтік қашықтықты сақтау, ғимарат ауасын тазартып отыру әлі де індеттен қорғанудың тиімді жолы.
Гебрейесус әлемдік қоғамдастықты бір-біріне вакцина, өкпені жасанды желдету аппараты, дәрі-дәрмекпен көмектесуге шақырды.
<blockquote>
 “Бұл COVID-19 пандемиясы қарқынын бәсеңдетудің ең жақсы тәсілі. Сондай-ақ, коронавирустың жаңа қауіпті түрлерінің алдын алуға мүмкіндік береді”, – деді ол.
</blockquote>
Қазіргі уақытта үнді штамы Қазақстанның барлық өңірінде табылды. Ол&nbsp;өзге штаммдарға қарағанда тез жұғады, инкубациялық кезеңі қысқа, 7 күнге дейін созылады.
<a href="https://sputnik.kz/archive/">Sputnik</a>

ДДҰ пандемияның қауіпті кезеңіне қатысты мәлімдеме жасады

Kyzylorda-news.kz. Бұл әлемде біз білмейтін талай қызық бар. Солардың бірнешеуіне тоқталсақ.
Ұшақпен ұшатын адамның шашы жерде жүрген адамға қарағанда екі есе тез өседі;
Қызанақ көкөніс емес, жеміс;
Үндістанның ұлттық валютасы – рупияны бұл елге шеттен әкелуге және мемлекеттен әкетуге заң жүзінде тыйым салынған;
Шаянның жүрегі басында орналасқан;
Қорылдап ұйықтайтын адам мүлде түс көре алмайды;
Аралардың екі асқазаны бар: бірі балға, бірі тамаққа арналған;
Египетте 200 жылда бір рет найзағай ойнайды;Белгілі актер Чарли Чаплин кейіпкерлері арасындағы байқауға қатысып, үшінші орын алған;
Әлемде әр 10 секундта 26 сәби дүниеге келеді;
Орташа алғанда балалар күніне 400 рет, ал ересектер 15 рет күледі;
Алты-жеті айлығына дейін сәби бір уақытта тамақ ішіп, дем ала алады. Ересектер мұны істей алмайды;
100 жасқа дейін өмір сүретін қарттардың 80 пайызы әйелдер;
Адам терісіндегі тірі организмдер Жердің жалпы тұрғындарынан бірнеше ондаған есе көп;
Дүние жүзінде 365 миллион адамның жеке компьютері бар. Әлем халқының жартысы компьютер мен телефонның не екенін білмейді;
Ғашығына қараған адамның қарашығы 45 пайызға үлкейеді;
Әлемде ешкім көзін ашып, түшкіре алмайды;
Ғарышта көзден жас шықпайды. Гравитацияның жоқ болуы әсерінен жас кішкентай көпіршіктерге айналады да көзді ашытады;
Әр көзде 107 миллионнан астам жасуша бар, олардың барлығы жарықты сезінеді;
Әйелдер ерлердің көзіне қарап, олардың нақты мақсаттарын анықтауы үшін 8 секунд қажет;
Нәрестелер заттарды тек 38 сантиметр қашықтықта көре алады;
Бір нәрсе көзге түскенде, жылағанда немесе есінегенде көздің құрамы өзгереді;
Әр түрлі инфекциялар мен вирустар ағзаға мұрын және ауыз арқылы енгендей, көз арқылы да енуі мүмкін;
Құмырсқалар илеуін жылыту үшін алдымен күн сәулесіне шығып жылынады да қайта илеуіне кіреді. Осылай илеудегі температура сыртқы температурадан +10 градусқа жылы болады;
Әлемде күріштің 7000 түрі бар. Біз бірақ оның сатылатын 10 шақты түрін білеміз;
100 грамм бал жинау үшін аралар Жердегі экватор ұзындығынан көп, яғни 46 000 шақырым жүруі керек;
Кәдімгі бақа өмірі барысында 3 тонна шыбын мен масаны аулайды.
<a href="https://massaget.kz/layfstayl/sport/bul_kyzyk/65471/">Massaget.kz</a>

Әлемде талай қызық бар: Сіз білмейтін деректер

Kyzylorda-news.kz. Португалия астанасы Лиссабонда індеттің қайта күшеюінен демалыс күндерінде шектеулер қатаңдатылды, деп хабарлайды «Хабар 24».
Жаңа тәртіпке сай дүйсенбіге дейін шаһарға кіріп-шығу шектеледі. Өзге аймақтардан келгендер вакцина салдырғанын дәлелдейтін немесе ПТР-тест тапсырғаны жайлы қағаз көрсетуі қажет. Мейрамхана мен дәмханалар күндізгі сағат үш жарымға дейін жұмыс істесе, азық-түлік дүкендері кешкі 7-ге дейін ашық. Португалияда соңғы бір күнде вирусты 1500-ге жуық адам жұқтырып алған.
<blockquote>
 “Бұл дұрыс шешім деп ойлаймын. Шектеулер қалыпты өмірге тез оралуымызға көмектесе ме, оны уақыт көрсетеді. Қалай болғанда да, індеттің күшеюіне жол бермеу керек”,- дейді тұрғын Бенвинда Антунес.
</blockquote>

Демалыс күндері карантиндік шектеулер қатаңдатылды

<a href="https://kyzylorda-news.kz/">Kyzylorda-news.kz</a>. ЮНИСЕФ «Еріктілер» бағдарламасы аясында Қорқыт Ата атындағы Қызылорда&nbsp; университетімен жұмыс істемек.&nbsp;
ЮНИСЕФ-тің Қазақстандағы өкілі Артур ван Дизен&nbsp; Қорқыт Ата атындағы Қызылорда университетінің ректоры Бейбіткүл Каримовамен кездесті. Басқосуда Артур ван Дизенге 85 жылдық тарихы бар университеттің тыныс-тіршілігі, алға қойған мақсат-міндеттері туралы таныстырылды.&nbsp;
<blockquote>
 ЮНИСЕФ ұйымы 75 жылдан бері әлемнің түкпір-түкпірінде жұмыс істейді. Ұйымның 190 елінде өкілдігі бар. 6 млрд доллар қаржысы бар ұйым Қазақстандағы балалардың өмірін жақсарту мақсатында әр өңірді аралап, зерттеу жүргізуде. Артур Ван Дизен әлеуметтік саясат саласында, қолданбалы әлеуметтік зерттеулерде, мониторинг пен бағалауда және бағдарламаларды басқаруда 25 жылдан астам тәжірибесі бар. Іскерлік кездесу көптеген жобаның жүзеге асуына себепші болды. Алдағы уақытта ЮНИСЕФ ұйымымен бірлесе отырып&nbsp;бірнеше жобаны жүзеге асыруды жоспарлап отырмыз, – дейді университет ректоры Бейбіткүл Сәрсемханқызы.
</blockquote>
ЮНИСЕФ үшін инновация, жас адамдардың дағдыларын дамыту мен гендерлік теңдікті ілгерілету аса маңызды. Осы орайда UniSat наноспутниктерін әзірлеу бойынша қыздарға арналған білім беру бағдарламасына университеттің&nbsp;ғылым, технология, математика, инженерия&nbsp;бағыттарында білім алатын студенттерді қатыстыру жоспарлануда. Сонымен қатар&nbsp;өңірдегі экологиялық мәселелерді шешу бағытында да бірқатар жоба&nbsp;талқыланды.
<blockquote>
 Біз экология, қоршаған орта және оның балаға әсері туралы әңгімелестік. БҰҰ-ның «Еріктілер» атты бағдарламасы жүйелі жұмыс істеп, өз нәтижесін беруде. ЮНИСЕФ Қазақстанда 9 000-нан аса волонтермен жұмыс істейді. 2020 жылы Қазақстандағы балалар мен қауымдастықтарды қолдау үшін волонтерлар ретінде жастарды тарту бойынша өзінің алғашқы бағдарламасын бастады. Алдағы уақытта Қорқыт Ата атындағы Қызылорда университетінің студенттерін бағдарламаға қосуға ұсыныс айттым. Университет мұражайын аралап, қосымша мәлімет алдым. Қызылорданың Астана болғанын, Арал теңізінің ғасырлар бойы өзгеріске ұшырай отырып, сақталу бағытындағы тарихи деректермен таныстым. Білім-ғылым саласы өзіме жақын болғандықтан университет тарихымен танысу мен үшін маңызды болды, – дейді ЮНИСЕФ-тің Қазақстандағы өкілі Артур ван Дизен.
</blockquote>
<a href="https://baq.kz/news/othernews/kyzylorda-universiteti-men-yunisef-birlesip-zhobalar-iske-asyrmak/">Baq.kz</a>

Қызылорда университеті мен ЮНИСЕФ бірлесіп жобалар іске асырмақ

<a href="https://kyzylorda-news.kz/">Kyzylorda-news.kz</a>. Дүниежүзілік денсаулық сақтау ұйымының (ДДСҰ) төтенше жағдайлар бөлімінің техникалық тобының жетекшісі Мария Ван Керкхов Үндістанның коронавирус штаммына қарсы барлық вакциналардың тиімділігі туралы айтты, деп хабарлайды&nbsp;<a href="https://stan.kz/">Stan.kz</a>.
<blockquote>
 «Дельта нұсқасын қоса алғанда, алаңдаушылық тудыратын барлық нұсқаларға қатысты вакциналар аурудың ауыр түрлеріне және өлімге қарсы тиімді болып қала береді», – деген ол бұл фактіні өте жақсы белгі деп атады.
</blockquote>
ДДҰ өкілі вакцинаның екі дозасы да қорғаудың толық деңгейін қамтамасыз ететінін атап өтті. Сондықтан ол препараттың алғашқы инъекциясын алғандардың барлығына вакцинация процедурасын аяқтауға кеңес берді.
Сонымен қатар, Ван Керкховен&nbsp;вирустың жаңа нұсқасы өлімге әкелетіні туралы дәлелдер жоқ екенін атап өтті. Оның айтуынша, ұйымда түпкілікті қорытынды жасау үшін мәліметтер жеткіліксіз.

ДДCҰ үнділік коронавирус штаммына қарсы барлық вакциналардың тиімділігін бағалады

<a href="https://kyzylorda-news.kz/">Kyzylorda-news.kz</a>. Токио-2020 Олимпиадасына қатысушылардың бірінде жаңа коронавирус жағдайы анықталды, деп хабарлайды «Хабар 24».
Бокстан Уганданың құрама командасындағы тоғыз спортшы мен жаттықтырушы Токио маңындағы Нарита әуежайына кешкі сағат алты шамасында ұшып келді, әуежайдағы спортшылардың бірінде Covid-19-ға сынама тапсыру кезінде оң нәтиже көрсеткен.
Угандалық спортшы екі рет сынама тапсырған. Екеуінде де оң нәтиже берген соң, ол арнайы тағайындалған мекемеде оқшауға алынды, ал қалғандары өздерінің жаттығуын өткізетін Осака қаласына барады.
Хабарламада айтылғандай, Уганда командасының барлық мүшелері екі рет AstraZeneca вакцинасын алған және Жапонияға кетерден 72 сағат бұрын сынақтан өткен.
Айта кетейік, Токио-2020 жазғы ойындарына әлемнің түкпір-түкпірінен мыңдаған адам шоғырланатындықтан, аталмыш жарыс кейінге қалдырылған болатын.&nbsp;
Ұйымдастырушылар отандық көрермендерді ойындарға арналған стадиондарға кіргізуге байланысты арнайы шешімдер қабылдады, шетелдік көрермендер төртжылдықтың бас додасына кіргізілмейді.
Токио-2020 президенті Денсаулық сақтау саласындағы мемлекеттік сарапшылар жеке аудиторияға қарсы ескерту жасағанына қарамастан, бір орынға 10 000 адамнан келетін шекті көлемді қарастырған.
Ашылу салтанатына шенеуніктер 20000 адамға қатысуға рұқсат беруді қарастыруда, деп хабарлады жапондық Nippon Television телекомпаниясы жексенбіде.
Алғаш болып 1 маусымда Жапония астанасына софтболдан Австралияның әйелдер құрамасы келген, ал Уганда командасы турнирге келген шетелдік спортшылардың екінші тобы болды.

Токио Олимпиадасы: Қатысушылар арасында алғашқы Covid-19 жағдайы анықталды

<a href="https://kyzylorda-news.kz/">Kyzylorda-news.kz</a>. Оксфорд университетінің ғалымдары астмаға арналған&nbsp;ингаляторты&nbsp;қолдану коронавирустан едәуір тез айығуға көмектесетінін мәлімдеді. Зерттеуге қатысушылардың бірі, профессор Ричард Хоббс бұл жаңалықты «пандемия үшін маңызды кезең» деп атады, деп хабарлайды&nbsp;<a href="https://stan.kz/">Stan.kz</a>.
Ғалымдар зерттеу жүргізіп, астмаға арналған&nbsp;ингаляторты қолдану коронавирустан айығу уақытын орта есеппен үш күнге қысқартуы мүмкін екенін анықтады.
Мұндай&nbsp;әсерге, сарапшылардың пікірінше, демікпе мен созылмалы обструктивті өкпе ауруларын емдеуге қолданылатын ингаляторлар құрамындағы будесонид ықпал етеді.
<blockquote>
 «Денсаулық сақтау министрлігі жаңа мәліметтер түскен кезде осы емдеу әдісін сынау нәтижелерін бақылауды жалғастырады және қажет болған жағдайда ұсыныстарды түзетеді», – деді&nbsp;парламенттік министрдің орынбасары Джо Черчилль.
</blockquote>
Британиялық дәрігерлер бұл дәрі-дәрмекті әр жағдайға жеке-жеке қолдануды жоспарлап отыр.
Сарапшылар&nbsp;будесонидті коронавируспен күресу үшін үйде де қолдануға болатынын атап өтті.

Коронавирустан тез айығудың жолы анықталды

<a href="https://kyzylorda-news.kz/">Kyzylorda-news.kz</a>.&nbsp; Бұл оқиға ешкім, ештеңе күлдіре алмаған “мұңды” қыз туралы.&nbsp;ХХ ғасырдың басында Нью-Йоркта күлмейтін қыз өмір сүрген. Жүздеген әзілкеш Сьюзен Келли есімді бойжеткенді&nbsp;күлдіргі әңгіме айтып күлдірмекші болып біраз шаршаған көрінеді.
Хаммерштейн циркі
Сол кезде Вилли Хаммерштейн есімді продюсер&nbsp;Мұңды Сьюді циркке қызметке қабылдайды. Оны күлдірген әзілкешке 30 мың доллар ақы берілетін болды. Әзілкештердің әңгімесін тыңдап, Сьюдің күлкісін көруге келетіндер кезекке тұратын. Алайда ел ішек-сілесі қатып күліп жатса да, Сьюдің езуі жыбырламапты да.
“Күлмейтінді күлдір” атты атракционы ел арасында кеңінен танылып, ұйымдастырушылар актрисаның арқасында қомақты қаржы жинаса да, Сью аптасына тек 20 доллар алатын болған.
Нәтижесінде Сьюзенді ешкім күлдіре алмаған. Көрермендер мен қатысушылар Сью не саңырау, не зағип деп күдіктене бастаған. Бұл күдікті жоққа шығару үшін Сью әзілді тыңдап болған соң әзілкешке баға айтып отыру керек болды. Қазіргі мәнермен айтқанда “мұның қай жеріне күлейін?” деген мәндегі пікірмен әзілкештердің бетін қайтарып отырыпты.
Шоу жұмысы тоқтап, таратылған кейін бойжеткеннің сыры да ашылған. Қызда сирек кездесетін Мебиус деген синдром анықталған. Яғни, бет жүйке жүйесінің бұзылуынан мимика көрсету қабілетінен айрылған. Кейін Сью секілді күлмеуге “тырысқан” еліктеп, пайда көрушілер де болған, алайда ешкім Сьюге тең келмеген. Осы жайттан кейін ағылшын сөздік қорына “it could make even Sober Sue laugh” –&nbsp;“бұған тіпті Мұңды Сью де күлетін еді” деген мағынадағы тұрақты тіркес енген екен.
<img src="https://kyzylorda-news.kz/wp-content/uploads/2021/06/1601760533_l-1.jpg" alt="" />
<a href="https://massaget.kz/layfstayl/alemtanu/alem-alaqanda/63322/">Massaget</a>

Күлмейтін адам немесе Мебиус синдромы

<a href="https://kyzylorda-news.kz/">Kyzylorda-news.kz</a>. Шамамен 34 миллион жыл бұрын біздің планетамызда Альпіден бастап Орталық Азиядағы Арал теңізіне дейін жалғасқан&nbsp;алып су қоймасы&nbsp;пайда болған.&nbsp;Зерттеулердің кезеңі мен тәсілдерінің өзгеруіне&nbsp;байланысты ғалымдар бұл су қоймасын біресе&nbsp;мұхит, артынша теңіз, тіпті&nbsp;көл болуы мүмкін деп әртүрлі болжам жасайды.&nbsp;
Зерттеушілер бұл су қоймасына&nbsp;Паратетис&nbsp;деген атау берді. Бұл атау су қоймасының&nbsp;Лавразия мен&nbsp;Гондвананы бөліп тұрған ежелгі Тетис мұхитының сыртында орналасқан деген мағынаны білдірген.&nbsp;
Бүгінгі Қара теңіз, Каспий теңізі, Арал теңізі, Урмия көлі, Намак көлі және басқалары –&nbsp; Паратетис&nbsp;қалдықтары. Мәселен әлі күнге дейін&nbsp;Маңғыстаудың кейбір аудандарында&nbsp;теңіз кірпілерінің, қабыршақтар мен ежелгі аккулалардың қалдықтары&nbsp;табылуда.&nbsp;
Паратетис су байлықтарына қанық еді. Су қоймасында&nbsp;моллюскалар мен шаян тәрізділерден бастап, сирек кездесетін киттер мен дельфиндерге дейін болды.
Жаңа зерттеу нәтижесінде, су қоймасының көлемін кішірейтіп, ондағы тіршілік иелерінің санын жойып жіберген&nbsp;төрт апатты цикл анықталды.
Су мөлшерінің қатты тартылуы 7,9 мен 7,65 миллион жыл бұрын болған. Бұл оқиға Ұлы Херсон құрғақшылығы деп аталады. Осы эпизод кезінде Паратетистегі су деңгейі 250 метрге төмендеп, су қоймасын шағын көлдерге бөлінді. Бұл суда тіршілік ететін организмдердің қырылуына алып келді.&nbsp;
Паратетистің жойылуына температурадағы ауытқулар мен Еуразиядағы жауын-шашым мөлшері әсер еткен.&nbsp;
Паратетис&nbsp;гүлденген шағында&nbsp;шамамен 2,8 миллион шаршы шақырым аумақты қамтыды. Оның құрамында қазіргі планетаның барлық көлдерінен 10 есе көп су болған. Зерттеушілердің есептеулеріне сәйкес, құрғақшылық эпизодтары кезінде Паратетис өз аумағының&nbsp;70 пайызын жоғалтқан. Су деңгейінің төмендеуі тұз концентрациясын арттырды. Ғалымдар мұндй құбылыстар орын алған кезде көптеген теңіз организмдері қырылып қалатынын, мұндай жағдайға төтеп бере алмайтынын айтады.&nbsp;
<a href="https://stan.kz/news-348156/">Stan.kz</a>

Арал теңізі Паратетис су қоймасының қалдығы ма?

<a href="https://kyzylorda-news.kz/">Kyzylorda-news.kz</a>. Коронавирустық инфекцияның жаңа мутацияларының пайда болуына байланысты САК үкіметі биылғы 2021 жылы да қажылық рәсімдерін шектеу туралы шешім қабылдады. Бұл туралы Сауд Арабиясы Корольдігінің Қажылық және ұмра министрлігі хабарлады.&nbsp;
Үлкен қажылыққа Сауд Арабиясының азаматтары мен резиденттеріне ғана, барлығы 60 мың адамға қажылық міндетін өтеуге рұқсат берілмек. Демек, шетелдік мұсылмандар биыл да қажылыққа бара алмайды.&nbsp;
Қазақстан мұсылмандары діни басқармасы 2021 жылғы қажылық маусымына ниет еткен отандастарымызды сабыр сақтап, қандай да бір заңсыз жолмен қасиетті Мекке және Мәдина қалаларына бармауға кеңес береді.
<a href="https://taunews.kz/kz/news/rukhaniyat/%C9%99lem-m%D2%B1sylmandary-biyl-k-azhylyk-k-a-bara-almaydy?fbclid=IwAR09MCYkixAKPEf4i0XYHnZyxcg1o97oslLOBZ0ymL2UG6eMLmoDaUqW6JI">TauNews.kz</a>

Биыл әлем мұсылмандары қажылыққа бара алмайды

<a href="https://kyzylorda-news.kz/">Kyzylorda-news.kz</a>. «Назарбаев Зияткерлік мектептері» мен «National Geographic» ұйымдарының бастамасымен ұйымдастырылған Photo camp жобасына сырбойылық Даяна Хегай мен Нұрай Ғабит белсенді қатысып, фотошеберліктерін растайтын арнайы сертификаттарға ие болды.
Алматыдағы химия-биологиялық бағыттағы Зияткерлік мектеп базасында өткізілген фотоөнерден элективті курсқа еліміздің түпкір-түпкірінен 70-ке жуық оқушы мен жетекшілері қатысты. Бес күн бойы қатысушылар әлемнің әрбір 8 адамы оқитын әйгілі National Geographic журналының танымал фотографтарынан білім алып, тәжірибе жинақтады.
Кейіпкердің эмоциясын, ішкі жан-дүниесін сезінгенде ғана үздік фотосурет түсіруге болады. Бұл National Geographic-тің фотошебері Гердт Людвигтің басты лайфхактарының бірі. Кәсіби маманмен өткен сабақтарда қатысушылар фотоөнердің техникалық компоненттерін талқылап, сапалы сурет жасаудағы негізгі заңдылықтарын меңгерді:
<blockquote>
 «Бастапқыда мен политология және неміс әдебиеті мамандығы бойынша білім алдым. Бірақ кейін фото әлемі мені ерекше қызықтырып, осы іспен кәсіби тұрғыда айналысуыма түрткі болды. Жақсы әрі әдемі фотосуреттер адамның жүрегіне жетіп, адамға әсерлі эмоция қалдырады. Мен сурет арқылы көріністен алған өзімнің әсерімді және өзгелердің эмоциясын жеткізіп отыруды мақсат етемін», – деді Герд Людвиг.
</blockquote>
Курс қатысушыларының шығармашылығын кешкі бағдарлама аша түсті. Күнделікті әртүрлі тапсырмаларды орындау арқылы оқушылар теориялық білімдерін практикумдарда жетілдіріп, жеке портфолиоларын жаңа туындылармен толықтыра алды. Photo camp курсында National Geographic Қазақстандағы өкілдігінің кәсіби фотомамандары да сабақ жүргізді. Фотошеберлер көркем фотосуреттің құпияларын ашып, фото жанрлары мен композициясы, жарық және жарықты қолдану рөлін, фотосуреттерді арнайы бағдарламаларда өңдеу бойынша шебер-сыныптар жүргізді.
<blockquote>
 «Бұл сабақтар мені қатты шабыттандырды. Фото түсіру барысында тәжірибе жасай білуді үйрендік. Әрбір фотода белгілі тарих сипатталуы өте маңызды», – дейді қызылордалық зияткер Нұрай Ғабит.
</blockquote>
National Geographic – география, табиғат, тарих, ғылым және мәдениет туралы ғылыми мақалалары мен сапалы фотосуреттермен ерекшеленетін бренд журнал. Элективті курс барысында қатысушылар фото түсірудің қыр-сырымен танысып қана қоймай, фотоөнер арқылы әлемдік мәселелерге назар аударып, ғылыми зерттеушілік дағдыларын арттыра алды.
<blockquote>
 «Бұл Зияткерлік мектептермен бірлескен алғашқы жоба. Курс бағдарламасы фотоөнермен байланысты көптеген тақырыптарды қамтиды. Photo camp қатысушылары алған білімдерін алдағы уақытта тиімді пайдаланып, өзге оқушылармен бөліседі деп сенеміз», – дейді «Назарбаев Зияткерлік мектептері» ДББҰ дамыту департаменті директорының орынбасары Аида Ағаділ.
</blockquote>
<img src="https://kyzylorda-news.kz/wp-content/uploads/2021/06/095eff64-544d-4ff8-9619-6c681f4e7ffe.jpg" alt="" />
<img src="https://kyzylorda-news.kz/wp-content/uploads/2021/06/57ce24b9-5789-42e7-ab84-b06b1d8bcd7c.jpg" alt="" />
<img src="https://kyzylorda-news.kz/wp-content/uploads/2021/06/23fc5b93-4fae-486e-90c0-3736cd133269.jpg" alt="" />

Қызылордалық зияткерлер фотошебер сертификатына ие болды

Kyzylorda-news.kz. Дүниежүзілік денсаулық сақтау ұйымының бас директоры Тедрос Адханом Гебрейесус SARS-CoV-2 вирусының зертханадан шығып кетуін жоққа шығармайтынын айтты. Бұл туралы ол G7 көшбасшыларының саммитінде мәлімдеді, деп хабарлайды Хабар 24.
Ұлыбританиялық Daily Mail таблоидының мәліметінше, Гебрейесус әлемде кем дегенде 174 миллион адамның коронавирусты жұқтырып, 3,75 миллион адамның қаза болғанын мәлімдеген.
<blockquote>
 «Менің ойымша, бұл адамдарға лайықты құрмет – вирустың шығу тегі туралы біліп, оның қайталануын болдырмау», – деп келтірді басылым Гебрейесустың сөзін.
</blockquote>
Таблоидтың хабарлауынша, ДСҰ басшысы коронавирустың зертханадан шығып кету мүмкіндігі туралы сұраққа «барлық гипотеза ашық болуы керек» деп жауап берген. Гебрейесус коронавирустың шығу тегі туралы тергеудің бастапқы кезеңінде Қытайда «ашықтық пен ынтымақтастықтың» жеткілікті деңгейі көрсетілмеген деп қосты.
Айта кетейік, G7 саммиті Англияның оңтүстігіндегі Корнуоллда 11-13 маусым аралығында өтіп жатыр.
Жақында БАҚ-тағы жарияланымдар мен вирустың зертханалық шығу тегі туралы батыс елдерінің мәлімдемелері қайта шыға бастады. Ақ үй релиз шығарды, оған сәйкес, коронавирустың ғылыми зертханадағы апатқа байланысты таралу нұсқасы әлі алынып тасталмаған. АҚШ барлау қауымдастығында вирустың шығуына қатысты екі түрлі нұсқа бар – адамға жануардан жұққан және зертханадан шыққан. Times газеті дереккөздеріне сілтеме жасай отырып, қазір Ұлыбритания барлау қызметінің SARS-CoV-2 коронавирусының зертханадан шығып кетуін «мүмкін» деп санайтынын хабарлады.
Осы жарияланымдарға түсініктеме бере отырып, Қытай Сыртқы істер министрлігінің өкілі Ван Вэньбинь COVID-19-дың шығу тегін анықтаумен арнайы қызмет емес, ғалымдар айналысу керегін айтқан.

Қазақстан және Қызылорда облысының жаңалықтары: Әлем