<a href="https://kyzylorda-news.kz/">Kyzylorda-news.kz</a>.&nbsp;Токиодағы Олимпиада ойныдарында 60 келі салмақта бақ сынап жатқан дзюдошы Елдос Сметов алғашқы айналымда түркиялық қарсыласынан басым түсті, деп хабарлайды ҚазАқпарат.
2010 жылғы жастар арасындағы, 2015 жылғы ересектер арасындағы әлем чемпионы, Азия чемпионаты мен біріншілігінің жеңімпазы, Рио Олимпиадасының күміс жүлдегері Елдос Сметов Токиодағы алғашқы белдесуін сәтті аяқтады. Ол түркиялық қарсыласы Михрач Аккушты айқын басымдықпен жеңді.
Енді Елдос ширек финалда Оңтүстік Корея спортшысы Ким Вон Джинмен кездеседі.

Токио-2020: Елдос Сметов алғашқы қарсыласынан басым түсті

<a href="https://kyzylorda-news.kz/">Kyzylorda-news.kz</a>. Бүгін Жапонияның астанасы – Токиода осы жаздағы ең күтілетін старттардың бірі – ХХХІІ Олимпиада ойындары басталады. Бір жылға шегерілген спорт додасы Ұйымдастыру комитетінің, Халықаралық Олимпиада комитетінің және Жапония үкіметінің талаптары мен ережелеріне сәйкес қатаң түрде өткізіледі, деп хабарлайды <a href="https://lenta.inform.kz/kz/tokiodagy-olimpiada-oyyndary-ekinshi-zharys-kuninin-kestesi_a3815656">ҚазАқпарат</a>.
Қазақстандық спортшылардың жарыс кестесі:
Нұр-Сұлтан мен Токио арасындағы уақыт айырмашылығы +3 сағатқа тең.
24 шілде күні Токиода спорттық жеті түрінен 13 қазақстандық атлет сынға түседі.
Төменде #teamKZ мүшелерінің жарыс кестесі Нұр-Сұлтан уақытымен көрсетілген:
Велоспорт, топтық жарыс:
Дмитрий Груздев, Алексей Луценко, Вадим Пронский
Басталуы: 08:00
Дзюдо. Ерлер (60 келі), әйелдер (48 келі)
Елдос Сметов, Отгонцецэг Галбадрах
Басталуы: 08:00
Теннис. Ерлер мен әйелдер, жекелей сын:
Александр Бублик, Зарина Дияс, Елена Рыбакина
Басталуы: 08:00
Теннис. Ерлер, жұптық сын:
Александр Бублик / Андрей Голубев
Басталуы: 08:00
Бокс. Ерлер (57 кг)
Серік Теміржанов
Басталуы: 09:18
Спорттық гимнастика
Милад Карими.
11:30
Жүзу
Дмитрий Баландин
Басталуы: 17:35
Үстел теннисі, әйелдер:
Анастасия Лаврова
Басталуы: 18:00

Токиодағы Олимпиада ойындары: екінші жарыс күнінің кестесі

*<a href="https://kyzylorda-news.kz/">Kyzylorda-news.kz</a>. Ұлттық нақышта тігілген киіммен шыққан жеңілатлет Ольга Рыпакованың Токио олимпиадасының ашылуында ту ұстап шығуы жапон жұртын қайран қалдырды, деп хабарлайды exk.kz.*
<img src="https://kyzylorda-news.kz/wp-content/uploads/2021/07/221832497_2250283765106762_8384911566651811583_n.jpg" alt="" />
Жапониялық&nbsp;Nikkansports.com&nbsp;ақпараттық сайтының жазуынша, жапондар Ольганы түрлі әлеуметтік желілерде “Ойын Ханшайымы” деп атап, оның үстіне киген киімінің жарасымдылығын, керемет сән үлгісі екендігін таласа талқылап жатыр. Ольганы ханшайымға теңеуге олимпиаданың ашылу салтанаты кезінде компьютерлік ойындардың музыкасы ойналуының да әсері бар.
<blockquote>
 “Біздің олимпиадалық киім үлгіміз өте сәтті шыққан. Заманауи әрі дәстүрлік сипатқа бай. Бұл — жоғары сән үлгісінің ғажайып туындысы іспетті. Тігінші ісмерлерге шексіз алғысымды білдіремін”, – дейді Ольга Рыпакова.
</blockquote>
Еске сала кетсек, қазақстандық спортшылардың олимпиадалық киім үлгісіндегі ұлттық нақыш пен ою-өрнек мәнері Әбілхан Қастеев атындағы Қазақ мемлекеттік өнер мұражайы мамандарының кеңесімен жасалған.
<img src="https://kyzylorda-news.kz/wp-content/uploads/2021/07/img-20210724-wa0002.jpg" alt="" />

Жапон жанкүйерлері Ольга Рыпакованы компьютерлік &#8220;Ойын ханшайымына&#8221; теңеді

<a href="https://kyzylorda-news.kz/">Kyzylorda-news.kz</a>.Қазақстандық спортшылар Токиодағы XXXIІ жазғы Олимпиаданың ашылу рәсіміне қатысты. Спортшылар шеруінде еліміздің Туын Олимпиада чемпионы&nbsp;Ольга Рыпакова&nbsp;мен бокстан әлем чемпионаттарының жүлдегері&nbsp;Қамшыбек&nbsp;Қоңқабаев көтеріп шықты.
Қазақстан құрамасы сапында атлеттер шеруіне 40 спортшы, 5 жаттықтырушы мен команданың ресми өкілдері қатысты.
Айта кетейік, Токио Олимпиадасына Қазақстан құрамасы сапында 95 спортшы аттанды. Олар 27 спорт түрінен бақ сынайтын болады. Ертең 13 спортшымыз жарыс жолына шығып, жүлдеге таласатын болады.&nbsp;
<img src="https://kyzylorda-news.kz/wp-content/uploads/2021/07/3c850dc1ef63a0aca0a917cd9fce6a98.jpeg" alt="" />
ХХХІІ жазғы Олимпиада ойындарында бақ сынайтын отандастарымызға сәттілік пен жеңіс тілейміз!&nbsp;
<a href="https://massaget.kz/layfstayl/sport/tokyo-2020/65721/">massaget.kz</a>

Олимпиада ашылуындағы Қазақстан құрамасы

<a href="https://kyzylorda-news.kz/">Kyzylorda-news.kz</a>. Алайда шара басталмай жатып оның төңірегіндегі дау басылмай келеді, деп хабарлайды «Хабар 24».
Мәселен, бір күн қалғанда ашылу салтанатына жауапты режиссер қызметінен босатылды. Гвинея құрамасы шараға қатысудан бас тартты. Десе де, ұйымдастырушылар бәрі ойдағыдай өтіп, Токиодағы Олимпиада үміт пен бірліктің нышанына айналады деп отыр.
Токиодағы Олимпиада ойындары төңірегінде шу көп болды. Тұрғындардың біразы бір жылға шегерілген дүбірлі доданы тағы да кейінге қалдыру керек еді деген пікір білдірді. Соңғы әлеуметтік сауалнама нәтижелері көрсеткендей, халықтың 55%-і жарысқа қарсы екенін айтқан. Бір жағынан олар денсаулығына алаңдайды. Одан бөлек, шараның жергілікті тұрғындар үшін еш пайдасы жоқ дейді. Өйткені шетелдік көрермендер келмегесін туристерден табыс түспейді. Осы ретте наразылық акциялары әлі де басылмай тұр.
Енді бір топ Олимпиада ойындарын асыға күткенін айтып, спортшыларға жылы лебіздерін білдіріп жатыр.
Осы шара басталмай жатып түрлі жанжалдар шыққан еді. Соңғысы Олимпиада ойындарының ашылу салтанатындағы режиссермен байланысты. Ол доданың ресми басталуына бір күн қалғанда қызметінен босатылды. Бұған 23 жыл бұрын холокост туралы айтқан әзілі түрткі болды. Жуырда ашылу салтанатындағы бас композиторлардың бірі де сұхбатында кезінде мүмкіндігі шектеулі жандарды кемсіткені туралы айтып, отставкаға кетті. Аңдамай сөйлегені үшін көктемде Олимпиаданың креативті директоры мен ұйымдастыру комитетінің бірінші жетекшісі де қызметтерінен айырылған.
Одан бөлек, спортшылар Олимпиада қалашығындағы жағдайға шағымданып жатыр. Мәселен қайта өңделген қатты қағаздан жасалған төсектер көбінің көңілінен шықпағанға ұқсайды. Алайда әкімшілік бұл Жапонияның қоршаған ортаны қорғау бағытында ұстанып отырған саясатымен үндесетінін жеткізді. Тағы бір жанжал Угандадан келген спортшыға байланысты. Қонақ үйде ПТР-тест алар алдында оның қашып кеткені белгілі болды. Атлет Отанындағы қиын жағдайға байланысты үйіне қайтқысы келмейтіні туралы хат қалдырған. Алайда полицейлер оны тауып алып, Угандаға депортациялады.
Ал Гвинея құрамасы Олимпиада ойындарына қатыспайтын болды. Негізі Африкадағы бұл елден 5 спортшы келу керектін. Алайда билік эпидемиологиялық ахуалға байланысты атлеттердің денсаулығына алаңдайтынын жеткізді. Кейбір ақпарат құралдарының хабарлауынша, бұл қаржы тапшылығына байланысты қабылданған шешім болуы мүмкін.
<blockquote>
 «Гвинея билігі неге мұндай шешім қабылдады екен? Ұйымдастырушы ел Жапонияның өзі коронавирустан қорықпай, ойындарды өткізіп жатқанда біздің мемлекет неліктен бас тартты деген сұрақ маза берер емес», – дейді спортшы Фатумата Яри Камара.
</blockquote>
Коронавирус демекші, соңғы дерек бойынша Токиода бір күнде дерт жұқтырудың 1979 жаңа дерегі тіркелген. Бұл кейінгі жарты жылдағы ең үлкен көрсеткіш. Ал Олимпиада ойындарының қатысушыларына келсек, спортшылар мен делегаттар арасындағы вирус жұқыру оқиғалары 100-ге таяп қалды. Алайда ұйымдастырушылар алаңдауға негіз жоқ екенін айтады.
<blockquote>
 «Әлемде коронавирус жұқтыру оқиғалары тіркелмеген жер қалмады. Сондықтан жаңа деректердің пайда болары түсінікті. Ең бастысы – оларды тез анықтап, науқастарды оқшаулау керек. Ойындардың қауіпсіз өтуі үшін осы жайт маңызды», – дейді Токио 2020 ұйымдастыру комитетінің өкілі Хидэмаса Накамура.
</blockquote>
Ұйымдастырушылар Токиодағы Олимпиада ойындарының ашылу салтанаты алдында дайындық жұмыстарын пысықтап жатыр. Оған&nbsp; 950 ресми тұлға қатысатыны белгілі болды. Арасында 15 мемлекет пен халықаралық ұйымдардың басшылары бар. Стадионға жанкүйерлер жіберілмейді. Дүбірлі додаға қатысты теріс пікірлерге қарамастан, Жапония билігі де, ұйымдастырушылар да, барлығы ойдағыдай өтетініне сенімді. Халықаралық Олимпиада комитетінің басшысы Томас Бахтың айтуынша, бұл шара пандемияны еңсеретінімізге сенім ұялатып, үміт пен бірліктің нышанына айналуы тиіс. Басы қатты болса, аяғы тәтті боларына біз де сенейік!

Токио-2020: Олимпиада ойындарының ашылу салтанатына санаулы сағаттар қалды

<a href="https://kyzylorda-news.kz/">Kyzylorda-news.kz</a>.&nbsp;Олимпиадада ел намысын қорғайтын қазақстандық спортшылардың киім үлгісі әлемдегі ең үздік формалардың бірі болып танылды, деп хабарлайды <a href="https://24.kz/kz/zha-aly-tar/sport/item/488064-tokio-2020-otandy-sportshylardy-kiim-lgisi-zdikter-atarynda">«Хабар 24»</a>.
Тізімге Қазақстанмен қатар АҚШ, Ресей, Либерия, Чехия, Қытай, Оңтүстік Африка және Жапония мемлекеттері кірді.
Айта кетейік, ұлттық құраманың киімін дизайнер Салтанат Баймұхамедова әзірледі. Бірақ отандық спортшылар да оның матасын таңдап, эскизін дайындауға атсалысты. Мамандар спорттық форманы әлемдік трендтерді ескере отырып тігіп шықты.

Токио-2020: Отандық спортшылардың киім үлгісі үздіктер қатарында

<a href="https://kyzylorda-news.kz/">Kyzylorda-news.kz</a>. Рухия Байдүкенова&nbsp;“Славян базары” байқауының бас жүлдесін ұтып алды. ХХХ халықаралық өнер фестивалінің жабылу салтанатында награданы қазылар алқасының төрағасы Анатолий Ярмоленко табыстады, деп жазады&nbsp;Sputnik Қазақстан.
Бірінші орын сербиялық әншіде, екінші орынға украиналық орындаушылар ие болды. Ал үшінші орынды Словакия мен Әзірбайжан бөлісті.
Байқауға отыздан астам елдің әншілері қатысты. 22 жастағы талдықорғандық Рухия Байдүкенова Қазақстан атынан өнер көрсетті. Оның диапазоны – бес октава. “Славянский базар” әнсүйер қауымды Адам, Айри, Әділхан Макин, Әмре сынды қазақстандық әртістердің шығармашылығымен таныстырды. 2015 жылы Димаш Құдайбергеннің жеңісін бөлек атап өткен жөн. Ол биыл қазылар алқасының құрамында болды. Көрерменді сахнаға шығып та қуантты.&nbsp;
Қазылар алқасы жеңімпаздарды анықтап жатқан сәтте көрермен концерт тамашалаған болатын. Беларусь, Қазақстан, Украина, Ресей және Грузиядан келген әртістер өнер көрсетті. Сахнаға Димаш Құдайберген шыққанда “Славян базары” көрермендері әртісті ерекше ықыласпен қарсы алды.
“Димаш Құдайбергенді зал қошеметпен қарсы алды, тіпті, жанкүйерлерінің даусы қарлықты. Қазылар алқасы мен жанкүйерлердің қолдауы керемет болды”, – деп жазды басылым.

Рухия Байдүкенова &#8220;Славян базары&#8221; байқауында гран-при ұтып алды

<a href="https://kyzylorda-news.kz/">Kyzylorda-news.kz</a> “Уэмбли” стадионында өткен финалдық матчтан кейін Италия құрамасы Еуропа чемпионы атанған болатын.
Италия құрамасы еліне оралды. Еуро-2020 қаһармандарын Рим халқы қалай қарсы алғанын <a href="https://www.facebook.com/watch/live/?v=1458212337875383&ref=watch_permalink&t=7">видеодан</a> тамашалаңыз.
Чемпионаттағы ең жылдам голға қарамастан – Люк Шоу 117 секундта қарсыластар қақпасына гол соқты.
“Скуадра Адзурра” аталып кеткен итальяндық құраманың жеңіске деген талпынысын стадион иелері де әлсірете алмады.
Шиеленісті ойын жеңімпазды анықтай алмады. Бір сағаттың ішінде итальяндықтар есепті теңестірді.
Қосымша екі тайм да ешнәрсе шешпеді, алайда пенальти сериясында итальяндықтар үздік болды. Осылайша олар ең беделді Еуропа кубогын жеңіп алды.
<a href="https://sputnik.kz/video/20210713/17589517/Euro-2020-jenimpazdary-Italiya.html">Sputnik Қазақстан</a>

Еуро-2020 жеңімпаздары: Италия ұлттық құраманы қалай қарсы алды (видео)

<a href="https://kyzylorda-news.kz/">Kyzylorda-news.kz</a>. Еуро-2020-да жеңіліс тапқан Англия құрамасының&nbsp;жанкүйерлері Лондонда жаппай тәртіпсіздіктер ұйымдастыруда.
БАҚ мәліметінше, футбол көрсетілімі кезінде жанкүйерлер ән салып, отшашу атып, көңіл көтерген. Алайда Англия құрамасы үшін жеңіліс алып келген пенальти сериясынан кейін олар үйлеріне тарай бастаған. Жол-жөнекей&nbsp;шешуші ойынның нәтижесіне қапалы ағылшындар қаладағы қоқыстарды шаша бастаған. Бұған қоса, олар велосипедтер мен көліктерді сындырған.&nbsp;
Тәртіпсіздіктің алдын алу үшін қала полициясы күшейтілген режимде жұмыс істеген. Бұзақылық жасаған 45 адам ұсталып, кейбір көшелерде қозғалыс тоқтатылған.&nbsp;
<img src="https://stan.kz/download/uploads/news_full1626066091bc746ba02eff5cb9780fc8606c596444.jpg" alt="" />Айта кетсек, 11 шілдеде Еуро-2020 чемпионатының финалында Италия мен Англия Лондондағы “Уэмбли” стадионында бақ сынасты. Негізгі ойын 1:1 есебімен аяқталып, қосымша уақытта ешбір команда гол соға алмады. Ал пенальти сериясында италиялық футболшылар қарсыластарынан мықтырақ екенін көрсетіп, 3:2 есебімен жеңіске жетті.&nbsp;
<a href="https://stan.kz/">Stan.kz</a>

Англия құрамасының жеңілісіне қапалы жанкүйерлер Лондонды астан-кестен етті

<a href="https://kyzylorda-news.kz/">Kyzylorda-news.kz</a>. Бүгін, 11 шілдеде футболдан Еуропа чемпионатының финалы өтеді, деп хабарлайды <a href="https://lenta.inform.kz/kz/futboldan-europa-chempionaty-finaldy-kaydan-koruge-bolady_a3810836">ҚазАқпарат.</a>
Финал Англия астанасы Лондон қаласында «Уэмбли» стадионында 11 шілдеден 12 шілдеге қараған түні елорда уақытымен 00.50-де басталып, «Qazaqstan» және «Qazsport» телеарналарынан тікелей эфирде көрсетіледі.
Екі құрама бұған дейін 27 мәрте кездесті. Оның 10-да Италия жеңіске жетіп, 8-де Англия басым түссе, қалғанында тең нәтиже тіркелді.
Соңғы үш ойында Англия аталған қарсыласының осал тұсын таба алмай келеді. Үш кездесудің екеуінде тең түссе, біреуінде қарсыласына есе жіберді.
Айта кетерлігі, бұдан бұрын Италия төрт мәрте жартылай финалға шыққан. Нәтижесінде 1968 жылы чемпион атанса, 1988 жылы қолаға қол созды. Ал 2000, 2012 жылдары күміс жүлдегер атанды.
Ал ағылшындар 1968, 1996 жылдары құрлықтық доданың жартылай финалында ойын көрсетті. Екеуінде де қарсыластарына есе жіберіп, қола жүлдені қанағат тұтқан еді.
Еске салсақ, бұған дейін 10 құрама чемпиондық атаққа қол жеткізді. Олардың қатарында Германия мен Испания -3, Франция – 2, КСРО, Италия, Португалия, Чехословакия, Нидерланды, Дания мен Грекия бір-бірден жеңімпаз тұғырынан көрінді.
2024 жылы құрлықтық дода Германияда өткізіледі. Ол 14 ақпан мен 14 шілде аралығында болады.Еске салайық, бұл бәсеке он алтыншы мәрте өткізіліп отыр. Кәрі құрлықта 1960 жылы алғашқы Еуропа біріншілігі ұйымдастырылды. Ойындар тұңғыш рет Еуропаның 10 мемлекетінде орналасқан 11 стадионда өткізілуде. Бұл дүбірлі доданың 60 жылдық мерейтойына орай ұйымдастырылған. Биылғы біріншілікте барлығы 24 құрама сынға түсті.

Бүгін футболдан Еуропа чемпионатының финалы өтеді

<a href="https://kyzylorda-news.kz/">Kyzylorda-news.kz</a>.&nbsp; Жапония үкіметі Токиода 12 шілде мен 22 тамыз аралығында коронавирус инфекциясына байланысты төтенше жағдайды енгізеді, деп хабарлайды <a href="https://lenta.inform.kz/kz/12-shildeden-bastap-tokioda-koronaviruska-baylanysty-totenshe-zhagday-rezhimi-engiziledi_a3809671">ҚазАқпарат</a>.
Бұл туралы Инфекцияның таралуына қарсы күрес жөніндегі орталық штабтың қызметін үйлестіретін Жапонияның экономикалық қалпына келтіру министрі Ясутоши Нишимура журналистерге бейсенбіде сараптама комиссиясының отырысында айтты.
<blockquote>
 «Токиода инфекциялар санының көбею тенденциясы жалғасуда, бұған қоса, дельта штамы таралуда. Сондықтан инфекцияны болдырмау және денсаулық сақтау жүйесін қорғау үшін біз 12 шілде мен 22 тамыз аралығында төтенше жағдай режимін енгіземіз», – деді ол .
</blockquote>
Осылайша, төтенше режим Токиода Жапония астанасында 23 шілде мен 8 тамыз аралығында өтетін жазғы Олимпиада ойындары кезінде жұмыс істейді.
Нишимура сонымен қатар осы мерзімге министрлер кабинеті Окинаваның оңтүстік префектурасында төтенше жағдай режимін енгізіп жатқанын мәлімдеді. Сонымен қатар, Чиба, Сайтама және Канагава шығыс префектураларында, сондай-ақ батыс Осакада инфекцияның таралуына қарсы күшейтілген шаралар 22 тамызға дейін ұзартылды.

12 шілдеден бастап Токиода коронавирусқа байланысты төтенше жағдай режимі енгізіледі

<a href="https://kyzylorda-news.kz/">Kyzylorda-news.kz</a>. Вундеркинд балалардың қарым-қабілеті өзгелерге үнемі шабыт береді. Біз бүгін биыл орта мектеп пен колледжді бір уақытта бітіретін 12 жастағы бала туралы әңгімелейміз.
“Индиго балалар” аңыз ба, ақиқат па?
Солтүстік Каролина штатындағы Солсбери қаласының тұрғыны Майк Виммер колледжді ерте бітіруді ойламаған. Ол жай ғана пандемия кезінде мектепте қосымша сабақтар алуға шешім қабылдаған. Сыныпта қатарластарына қарағанда білімді тезірек үйренетінін ол бұрыннан байқап жүретін. Пандемия кезінде Майк орта мектепті бітіргенше колледж мамандығын қоса алу туралы шешім қабылдаған.
21 мамырда жасөспірім Роуэн Кабррус Қоғамдық колледжінің дипломын алады, ал 28 мамырда Конкорд академиясының орта мектебін бітіреді.
Қазақтың 12 жастағы вундеркинді ата-анасына мұғалім болып жүр
Робототехникаға қызығушылық танытқан Виммер өзінің табиғатынан “математик және ғалым” екенін айтады. Ол бағдарламалау және робототехника саласындағы барлық білімді тәжірибе, қате ісі және желідегі бейнелер арқылы жинайтынын айтады. Сонымен қатар, жасөспірім Reflect Social деп аталатын өзінің стартапын құрған. &nbsp;Бұл стартап әлеуметтік медиа арқылы ақылды үй технологиясының қолданылуын жақсартуға бағытталған.
Қазір ол Америка Құрама Штаттарында немесе шетелде жұмыс істеу, қосымша білім немесе стартапты дамыту үшін стипендия алу мүмкіндіктерін қарастырып жатыр. Алайда Виммер өзінің әлі де бала екенін, сондықтан қарапайым балалардың іс-әрекеттері мен ойын-сауықтарына, мысалы, баскетболға оңай уақыт таба алатынын айтады.
<blockquote>
 “Көптеген адамдар мені балалық шағын жоғалтқан бала санайды. Мен оларға жақсы өмір сүріп жатқанымды және өмірден ләззат алатынымды айтқым келеді”, – дейді ол.
</blockquote>
<a href="https://massaget.kz/layfstayl/bilim/gumanitarly-ylymdar/65057/">Massaget</a>

Қазақстан және Қызылорда облысының жаңалықтары: Әлем

Токио-2020: Елдос Сметов алғашқы қарсыласынан басым түсті

Токиодағы Олимпиада ойындары: екінші жарыс күнінің кестесі

Жапон жанкүйерлері Ольга Рыпакованы компьютерлік “Ойын ханшайымына” теңеді

Олимпиада ашылуындағы Қазақстан құрамасы

Токио-2020: Олимпиада ойындарының ашылу салтанатына санаулы сағаттар қалды

Токио-2020: Отандық спортшылардың киім үлгісі үздіктер қатарында

Рухия Байдүкенова “Славян базары” байқауында гран-при ұтып алды

Еуро-2020 жеңімпаздары: Италия ұлттық құраманы қалай қарсы алды (видео)

Англия құрамасының жеңілісіне қапалы жанкүйерлер Лондонды астан-кестен етті

Бүгін футболдан Еуропа чемпионатының финалы өтеді

12 шілдеден бастап Токиода коронавирусқа байланысты төтенше жағдай режимі енгізіледі

Карантиннен жалыққан 12 жастағы бала мектеп пен колледжді бір уақытта аяқтады

Қазақстан және Қызылорда облысының жаңалықтары: Әлем

Токио-2020: Елдос Сметов алғашқы қарсыласынан басым түсті

Токиодағы Олимпиада ойындары: екінші жарыс күнінің кестесі

Жапон жанкүйерлері Ольга Рыпакованы компьютерлік &#8220;Ойын ханшайымына&#8221; теңеді

Олимпиада ашылуындағы Қазақстан құрамасы

Токио-2020: Олимпиада ойындарының ашылу салтанатына санаулы сағаттар қалды

Токио-2020: Отандық спортшылардың киім үлгісі үздіктер қатарында

Рухия Байдүкенова &#8220;Славян базары&#8221; байқауында гран-при ұтып алды

Еуро-2020 жеңімпаздары: Италия ұлттық құраманы қалай қарсы алды (видео)

Англия құрамасының жеңілісіне қапалы жанкүйерлер Лондонды астан-кестен етті

Бүгін футболдан Еуропа чемпионатының финалы өтеді

12 шілдеден бастап Токиода коронавирусқа байланысты төтенше жағдай режимі енгізіледі

Карантиннен жалыққан 12 жастағы бала мектеп пен колледжді бір уақытта аяқтады

Жапон жанкүйерлері Ольга Рыпакованы компьютерлік “Ойын ханшайымына” теңеді

Рухия Байдүкенова “Славян базары” байқауында гран-при ұтып алды