Kyzylorda-news.kz. Бүгін, яғни 6 ақпан күні қазақстандықтар Бейжіңде өтетін Олимпиада ойындарының жарысында спорттың 3 түрі бойынша өнер көрсетеді, деп хабарлайды Sports.kz.
13:00 – Шаңғы жарысы.
Ерлер.
Скиатлон (15 км классикалық стильде + 15 км еркін стильде).
Финал.
Виталий Пухкало, Евгений Величко. 16:00, 17:30 – Фристайл (могул).
Әйелдер.
Екінші квалификация, финал.
Юлия Галышева, Аяулым Әмренова, Анастасия Городко, Олеся Граур.
17:00, 18:00 – Трамплиннен секіру (К-98).
Ерлер.
Бірінші раунд, финал.
Данил Васильев, Сергей Ткаченко.
Олимпиада-2022-де Қазақстан атынан 34 спортшы өнер көрсетеді.
Еске салайық, осы уақытта Қазақстанның ең үздік жетістігі шорт-тректен аралас командалық эстафета бойынша 5-ші орын.

Бейжің-2022: Бүгін жарыс жолына кімдер шығады?

Kyzylorda-news.kz. АҚШ-тағы Колумбия Университетінің ғалымдары коронавирустың миға қауіпті әсерін анықтады.
Ковид-19 салдарынан көз жұмған адамдардың басына жүргізілген зерттеу нәтижесінде науқастарда Альцгеймер ауруына тән өзгерістердің пайда болатынын көрсеткен. Негізі бұл зерттеуді жүргізуге індетпен ауырғандардың тарапынан “басым айналады” деген шағымы себеп болған. Ғалымдар кешенді жұмыстың әлі жалғасатынын айтады.
<a href="https://24.kz/kz/zha-aly-tar/lemde/item/526243-koronavirusty-mi-a-auipti-seri-any-taldy">24 kz</a>

Коронавирустың миға қауіпті әсері анықталды

Kyzylorda-news.kz. Бейжің төрінде өтетін XXIV қысқы Олимпиада ойындарының басталуына бір күн қалды. Әр Олимпиада өзіндік ерекше оқиғаларымен есте қалып жатады. Бүгін біз Олимпиада ойындары тарихында болған атышулы 5 жанжал туралы әңгімелесіміз, деп хабарлайды «<a href="https://24.kz/kz/zha-aly-tar/sport/item/487974-olimpiada-ojyndary-tarikhynda-bol-an-atyshuly-5-zhanzhal">Хабар 24</a>».
<img src="https://kyzylorda-news.kz/wp-content/uploads/2022/02/aaaaaaaaaa9-1.jpg" alt="" />
1. 1904 жылы марафонды автокөлікпен жеңіп алды Америкалық Фредерик Лорц 1904 жылы дәл осылай жасады. Ол жарыс жолының жартысында шаршап қалып, менеджердің көлігімен мәреге жетеді. Лорц мұны әзіл деп түсіндіргенмен, ойыннан шеттетіледі.
<img src="https://kyzylorda-news.kz/wp-content/uploads/2022/02/5f2066f3ae5ac933eb2d1ae0.jpg" alt="" />
2. 1920 жылы Олимпиадада ту ұрланды 1920 жылы Антверпенде өткен Олимпиада ойындары алғаш рет түрлі-түсті сақиналары бар жалаумен өтті. Бірақ ол тек 2 күн ілініп тұрды, содан кейін із-түзсіз жоғалып кетті. Қайда жоғалғаны тек 80 жылдан кейін ғана анықталды. Дайвингтен Олимпиада ойындарының жүлдегері Хейг Прист оны ұрлап кеткен. Спортшы туды 2000 жылы Олимпиада комитетіне қайтарып берді.
<img src="https://kyzylorda-news.kz/wp-content/uploads/2022/02/000000.jpg" alt="" />
3. 1936 жылғы Олимпиадаға қатысқан әйел ер адам болып шықты Дора Ратье 1936 жылы Германия атынан Берлин Олимпиадасына қатысып, биіктікке секіруден 4 орынға ие болды. Екі жылдан кейін ол Еуропа чемпионатында алтын алып, әлемдік рекорд орнатты. Көп ұзамай Дораның Генрих Ратджен есімді ер адам екені анықталады. Кейін белгілі болғандай, ол барлық атақтан және жарыстарға қатысу құқығынан айырылған.
<img src="https://kyzylorda-news.kz/wp-content/uploads/2022/02/15699218701726320072.jpg" alt="" />
4. КСРО баскетбол құрамасының ысқырықтан 3 секунд бұрынғы жеңісі Мюнхендегі Олимпиада ойындары кезінде баскетбол турнирінің финалында КСРО мен АҚШ кездеседі. Матчтың аяқталуына аз уақыт қалғанда америкалықтар 50:49 есебімен көш бастайды, бірақ КСРО спортшылары ысқырықтан 3 секунд бұрын допты лақтырып, жеңісті жұлып алады. АҚШ ойыншылары жанжал шығарып, бүгінгі күнге дейін Кеңес Одағының жеңісін мойындамайды.
<img src="https://kyzylorda-news.kz/wp-content/uploads/2022/02/aaaaaaaaaaaa8.jpg" alt="" />
5. 2002 жылы алтын медальдардың екі жиынтығы Олимпиадада мәнерлеп сырғанау тарихындағы басты жанжал 2002 жылы болды. Ол кезде Елена Бережная мен Антон Сихарулидзе жұптық жарыста жеңіске жетеді, бірақ канадалық мәнерлеп сырғанаушылар жеңілгендерін мойындамай, жаншал шығарады. Ал қазылар алқасының бір мүшесі орыстардан пара алды дейді. Нәтижесінде канадалықтар екінші алтын жиынтығымен марапатталады.

Олимпиада ойындары тарихында болған атышулы 5 жанжал

Kyzylorda-news.kz. Бейжің Олимпиадасына қатысып жатқан қазақстандық спортшылар бүгін, 5 ақпанда спорттың 5 түрінен сайысқа түседі, деп хабарлайды <a href="https://www.inform.kz/kz/beyzhin-2022-kazakstandyktardyn-5-akpandagy-zharys-kestesi_a3895395">ҚазАқпарат</a>.
Қазақстандық спортшылар трамплиннен секіру, шаңғы жарысы, конькимен жүгіру, могул, шорт-трек секілді сайыс түрлерінен жарыс жолына шығады.
Бүгінгі алаңда бақ сынайтындар арасында Олимпиада ойындарының ашылу салтанатында еліміз Туын ұстап шыққан шорт-трек шебері Абзал Әжіғалиев және Денис Никиш, могулдан Дмитрий Рейхерд, Павел Колмаков сынды үміт күткен жастар бар.
Бейжің Олимпиадасында қазақстандық спортшылардың қатысуымен өтетін 5 ақпан күнгі жарыс кестесі:
12:20. Трамплиннен секіру. Ерлер. Іріктеу Сергей Ткаченко, Данил Васильев
13:45. Шаңғы жарысы. Скиатлон. 15 км. Әйелдер. Финал Надежда Степашкина, Ксения Шалыгина, Ангелина Шурыга, Валерия Тюленева 14:30.
14.30. Конькимен жүгіру спорты. 3000 м. Әйелдер. Финал. Надежда Морозова
16:00. Могул. Ерлер. 2-іріктеу. Дмитрий Рейхерд, Павел Колмаков
17:30. Финал
17:00. Шорт-трек. 1000 м. Ерлер. Іріктеу. Әділ Ғалиахметов
18:00. Шорт-трек. Аралас эстафета. Іріктеу. Жартылай финал, финал. Абзал Әжіғалиев, Денис Никиша, Ольга Тихонова, Яна Хан
Айта кетейік, XXIV қысқы Олимпиада ойындарына Қазақстан құрамасынан барлығы 34 спортшы қатысады, олар 87 жолдама жеңіп алды.

Бейжің-2022: Қазақстандықтардың 5 ақпандағы жарыс кестесі

<a href="https://kyzylorda-news.kz/">Kyzylorda-news.kz.</a> 3 ақпанда Қазақстан құрамасы XXIV қысқы Олимпиада ойындарында жарыс жолына шығады.
Бүгін алғаш болып фристайлшылар сынға түседі.
Іріктеу турнирінде бірден алты қазақстандық спортшы өнер көрсетеді. Әйелдер құрамасында 2018 жылғы Олимпиаданың қола жүлдегері Юлия Галышева, әлем чемпионатының қола жүлдегері Анастасия Городко, Аяулым Амренова және Олеся Граур, ал ерлер командасында әлем кубоктарының жүлдегері Дмитрий Рейхерд пен әлем чемпинатының қола жүлдегері Павел Колмаков бар.
Іріктеу жарыстары Нұр-Сұлтан уақыты бойынша сағат 16:00-де басталады. Qazaqstan арнасында тікелей эфирде көрсетіледі.
Финалға өту үшін спортшылар үздік ондыққа кіруі керек. Екінші іріктеу кезеңінде тағы 10 орын сарапқа салынады. Ол жарыстар 5 ақпанда (ерлер) және 6 ақпанда (әйелдер) өтеді. Сол күні финалдық сайыстар да ұйымдастырылады. Оны Qazsport арнасы 16:00-ден бастап тікелей эфирде көрсетеді.

Бейжің Олимпиадасы: Бүгін қазақстандық спортшылар жарыс алаңына шығады

Kyzylorda-news.kz. АҚШ-тағы Орегона университетінің ғалымдары коронавирусқа қарсы “супериммунитет” қалыптастырудың жолын айтты. Бұл туралы Business Insider басылымы жазды. деп хабарлайды <a href="https://stan.kz/galimdar-koronaviruska-karsi-superimmunitet-kaliptastir-359442/">Stan.kz</a>.
Зерттеу нәтижесі бойынша, COVID-19-дың омикрон штамымен ауырған адамдардың вакцина салдырғаннан кейін, вирустың басқа түрлеріне қарсы төзімділігі жоғарылаған. Осылайша дельта штаммы таралып жатқан уақытта ауырған адамдар Pfizer екпесін екінші рет салдырған науқастарға қарағанда мың пайызға артық қорғанысқа ие болды.
Ғалымдардың пайымынша, ауырғандар “қалыпты иммунитетке”, ал екпе салдырғандар “супериммунитетке” ие болады.
<blockquote>
 “Анти денелердің деңгейі ғана емес, вирустың түрлі нұсқаларының бейтараптандыру деңгейі артады”, – деді зерттеу авторларының бірі Фикаду Тафессе.
</blockquote>
Бұған дейін америкалық дәрігер Ашиш Джа кей науқастардың иммунитетке ие болу үшін әдейілеп омикрон жұқтырып жатқанын айтқан еді. Маман COVID-19-дың қауіптілігін жете бағаламауға болмайтынын ескертті.
<blockquote>
 “Екі апта ауруханада жұмыс істеп, қазір шықтым. Омикрон-штамды жұқтырып, қатты ауырған көптеген адамдарды көрдім. Дельтадан қарағанда өлім аз екенін білемін, дегенмен ол да қауіпті”, – деді дәрігер.
</blockquote>

Ғалымдар коронавирусқа қарсы &#8220;супериммунитет&#8221; қалыптастырудың жолын айтты

<a href="https://kyzylorda-news.kz/">Kyzylorda-news.kz.</a> Қасым-Жомарт Тоқаев XXIV Қысқы Олимпиада ойындарының ашылу салтанатына қатысады. Бұл туралы Мемлекет басшысының баспасөз хатшысы Берік Уәли «Facebook»-тегі парақшасында хабарлады.
<blockquote>
 «Ақпанның 4-5 күндері Мемлекет басшысы Қасым-Жомарт Тоқаев ҚХР Төрағасы Си Цзиньпиннің шақыруымен XXIV Қысқы Олимпиада ойындарының ашылу салтанатына қатысу үшін Бейжің қаласына жұмыс сапарымен барады. Сонымен қатар сапар барысында Қазақстан Президенті мен Қытай Төрағасы екіжақты келіссөз жүргізеді деп жоспарланған», – деп жазды Берік Уәли.
</blockquote>

Мемлекет басшысы Бейжіңдегі Қысқы Олимпиаданың ашылуына қатысады

<a href="https://kyzylorda-news.kz/">Kyzylorda-news.kz.</a> Манчестер университетінің зерттеулері төсек-орындарда жиі кездесетін споралардың түрлері ауру тудыруы мүмкін екенін көрсетті. Осындай споралардың бірі – Aspergillus fumigatus.
Бұл зең спорасы денсаулыққа қатысты әртүрлі проблемаларға әкелуі мүмкін. Зерттеу лейкемиямен ауыратын науқастарда және жілік майы трансплантациялаған пациенттерде өлімнің жетекші инфекциялық себебі болды деп хабарлайды.
Зерттеу тобы төсек-орын жабдықтарда споралардың бар-жоғын зерттеп, қауырсынды да, синтетикалық жастықтарды да мұқият қараған.
Олар қолданылған жастықтан зеңнің бірнеше мың спорасын анықтады. Осылайша, бір жастық миллионнан астам спораны сақтай алады. Зерттеуде жастықтың 16 түрі болған, алайда синтетикалық жастық ең нашары болып табылды.
Сондай-ақ бұл аллергиялық синуситке де әкелуі мүмкін. Демікпеге келетін болсақ, зерттеушілер зең ересектерде бұл жағдайды нашарлатуы мүмкін деп бөлісті. Жастықтардан басқа, Aspergillus fumigatus ауада, жертөлелерде, тұрмыстық құмыраларда, компьютерлерде және дәмдеуіштерде де кездеседі. Зерттеушілер иммунитеті төмен адамдар зеңнің бұл түрін жұқтыру қаупі жоғары деген қорытындыға келді.
Сондықтан мамандар егер жастығыңыз синтетикалық болса, оны гипоаллергенді жастыққа ауыстыруға кеңес береді.
<a href="https://24.kz/kz/zha-aly-tar/bylu-manyzdy/item/524261-sintetikaly-zhasty-demikpe-auruyn-tudyruy-m-mkin-alymdar">Хабар 24</a>

Ғалымдар: Синтетикалық жастық демікпе ауруын тудыруы мүмкін

<a href="https://kyzylorda-news.kz/">Kyzylorda-news.kz.</a> Биатлонннан Қазақстан командасы Бейжің Олимпиадасына 12 жолдама жеңіп алды. Бұл туралы Ұлттық Олимпиада комитеті хабарлады.
Төртжылдықтың басты додасында Қазақстанның атынан Галина Вишневская, Александр Мухин және Владислав Киреев сынға түседі.
<blockquote>
 «Биатлоннан Олимпиада лицензиясы команданың маусымдағы көрсеткіштеріне қарай берілетін. Алайда, пандемияға байланысты Халықаралық битлоншылар одағы жарыс жоспарын түгелдей өзгертті. Бұрын 1-ден 20-шы орынға дейінгі командаларға төрт квота, 20-23 орынға екі квота, 24-ші орыннан әрі қарай Wild Card берілетін. Биыл тек 20-шы орынға дейінгі командалардың квотасы сақталып, одан төмен орналасқандар жекелей көрсеткіші бойынша жолдама иеленді. Ал мұндай орындар бар болғаны 12 ғана. Тағы бір айта кетерлігі, Қытай командасы ТОП-20 қатарына енбесе, жарысты қабылдаушы ел ретінде автоматты түрде Wild Card бойынша 4 квота алды. Нәтижесінде, сегіз бос орынға 35 команда таласады. Ал эстафетада 27 құрама бақ сынайды. Осыған орай, біздің қыздар командасының алдында төрт жолдама алу мақсаты тұрды. Алайда, біздің құраманы Қытай қуып жетіп, біз квотадан айырып қалдық. Қазақстан атынан Галина Вишневская ғана қатысады», – құраманың бас бапкері Мақсат Шаранов.
</blockquote>
Бас бапкердің айтуынша, ерлер командасының алдында 2 жолдама алу мақсаты тұрған. Олар бұл жоспарды орындады. Олимпиадаға Александр Мухин мен Владислав Киреев қатысады.

Бейжің Олимпиадасына Қазақстан атынан 3 биатлоншы қатысады

Kyzylorda-news.kz. Аз күнде ел ішіне кеулеп кірген омикрон неге жылдам тарайды? «Мүмкін бұл жай ғана тұмау шығар» деп ойлап жүргендер де бар. 100-ден аса мемлекеттен анықталған бұл вирус Қазақстанды да әуреге салып тұр. Сонымен біз осы омикрон жайлы нені білуіміз керек?
Соңғы тәулікте ел бойынша 16 мыңнан астам адам вирус жұқтырды. Бұл бір апта бұрынғы дерекпен салыстырғанда 4 мыңға көп. Аурудың аз уақытта мұнша жылдам өршуіне не себеп? Мамандардың пайымдауынша, бұған коронавирустың омикрон түрінің таралуы түрткі болуы мүмкін. Өйткені індеттің бұл түрі аса қауіпті болмағанымен көз ілеспес шапшаңдықпен тарап жатыр.
<blockquote>
 “Коронавирусты инфекцияның омикрон штамының ерекшелігі – оның контагёзділігі жоғары. Контагёздік дегеніміз инфекцияның адамнан адамға жұғу қасиеті. Яғни омикрон штамының дельта штамға қарағанда жұқпалылығы 7 есе жоғары. Инкубациялық кезеңі басқа штамдарға қарағанда аз уақытты құрайды, орта есеппен 2-5 күн аралығы, – дейді дәрігер Арайлым Сайлыбай.
</blockquote>
Демек, бұрын коронавируспен ауырсаңыз, омикронның жұқпайтынына еш кепіл жоқ. Сондықтан бойыңыздан ауру белгілерін байқасаңыз дереу дәрігерге қаралыңыз, дейді мамандар. Мұның үстіне вирустың өршуіне байланысты елде жедел жәрдем шақырушылар көбейген.
<blockquote>
 “Бүгінде бізде 3 мыңға жуық мобильді топ бар. Омикронның таралуына байланысты алғашқы медициналық-санитарлық көмек ұйымдарының жүктемесі артты. Жағдайға сәйкес, олардың жұмыс жоспары қайта қаралып, колл-орталықтар тәулік бойы қызмет етуде. Алдағы уақытта жүктеме артатын болса, 1600 қосымша мобильді бригада резервте тұр”, – деді ҚР ДСМ Санитарлық-эпидемиологиялық бақылау комитетінің төрағасы Айжан Есмағамбетова.
</blockquote>
Иә, омикронмен ойнауға болмайды. Мұны әлем мамандары да мойындап отыр. Мұның үстіне “омикрон пандемияның соңғы демі болуы мүмкін” деген пікірді Дүниежүзілік денсаулық сақтау ұйымы өкілдері жоққа шығарды. Күллі әлемді үрей құшағында ұстап отырған қауіпті індет әлі айылын жиған жоқ. Уақыт өте коронавирус құбылып, жаңа түрлері шығып жатыр. Мамандардың айтуынша, жағдайды ушықтырмаудың жалғыз жолы санитарлық талаптарды мұқият сақтап, екпе алу.
<a href="https://24.kz/kz/zha-aly-tar/o-am/item/523292-omikron-shtamy-nelikten-zhyldam-tarajdy">Хабар 24</a>

Омикрон штамы неліктен жылдам тарайды?

<a href="https://kyzylorda-news.kz/">Kyzylorda-news.kz.</a>&nbsp;2021 жыл адамзат тарихындағы ең жылы болған алтыншы жылға айналды.
Ғалымдар «әлемде болып жатқан ғаламдық жылынудың әсері рас» дейді. Былтыр мұхиттардағы судың жылылығы рекордты деңгейге жеткен.
Мамандардың пікірінше, бұл өте алаңдатарлық жағдай. Өйткені мұхиттардағы судың жылынуы климат өзгерісінің басты көрсеткіші. Сарапшылар ауаға бөлінетін жылу газдары табиғи құбылыстарға тікелей әсер етеді, сондықтан олардың көлемін азайту өзекті мәселе деп дабыл қағуда. Соңғы жылдары мұз жамылған Арктика жер бетіндегі орташа жылу деңгейінен 3 есе артық жылынып жатыр.
<blockquote>
 «Жылыну деңгейі соңғы 50 жылда аса үлкен қарқынмен жүруде. Болашақта экстремалды табиғи құбылыстар көбейеді. Мұны қазірден жасырмай айтуымыз керек. Әлем жылынған үстіне жылына береді. Өкінішке орай, осындай күрделі жағдайға келе жатырмыз», – дейді «Қоршаған орта туралы ақпарат» ұлттық орталығының өкілі Рассел Воуз.
</blockquote>
<a href="https://24.kz/kz/zha-aly-tar/o-am/item/521800-2021-zhyl-tarikhta-e-zhyly-bol-an-altynshy-zhyl-a-ajnaldy">Хабар 24</a>

2021 жыл тарихта ең жылы болған алтыншы жылға айналды

<a href="https://kyzylorda-news.kz/">Kyzylorda-news.kz.</a> Мемлекет басшысы ҰҚШҰ Ұжымдық қауіпсіздік кеңесінің кезектен тыс сессиясына қатысты.
Бүгін елімізде қалыптасқан жағдайға байланысты Қазақстан Президентінің бастамасымен шақырылған Ұжымдық қауіпсіздік шарт ұйымы Ұжымдық қауіпсіздік кеңесінің кезектен тыс сессиясы бейнебайланыс режимінде өтті.
Жиынға Қасым-Жомарт Тоқаевпен қатар Арменияның Премьер-министрі Никол Пашинян, Беларусь Президенті Александр Лукашенко, Ресей Президенті Владимир Путин, Тәжікстан Президенті Эмомали Рахмон, Қырғызстан Министрлер кабинетінің Төрағасы – Президент Әкімшілігінің Басшысы Ақылбек Жапаров және ҰҚШҰ Бас хатшысы Станислав Зась қатысты.
<img src="https://akorda.kz/public/assets/media/uploadMedia/1641805869_DAA_1305_2.jpg" alt="" />
Қазақстан Президенті сессия қатысушыларына елімізде қалыптасқан ахуал мен оны тұрақтандыру үшін қабылданып жатқан шаралар туралы мәлімет берді. Мемлекет басшысы ҰҚШҰ бойынша әріптестеріне көрсеткен көмектері үшін ризашылығын білдірді.
<blockquote>
 «Шын мәнінде, ҰҚШҰ-ға мүше мемлекеттердің бірінің қауіпсіздігін, тұрақтылығы мен тұтастығын қамтамасыз ету үшін Ұйымның бітімгерлік күштерінің ауқымды түрде жұмылдырылу жағдайы бірінші рет болып отыр. Біз үшін ҰҚШҰ бойынша әріптестеріміздің әскери ғана емес, моральдық қолдау көрсетуі де аса маңызды. Ұйымға мүше мемлекеттердің бәрі біртұтас майдан болып, Қазақстанның үндеуін бірауыздан қолдады», – деді Қасым-Жомарт Тоқаев.
</blockquote>
<img src="https://akorda.kz/public/assets/media/uploadMedia/1641805906_DSC_3390_2%20(2).jpg" alt="" />
Президент Ұйымның бұдан пайдалы әрі жақсы тәжірибе алатынын, осал тұстар талданып, тиісті шешім шығарылатынын, реттеуші құжатқа түзетулер енгізілетінін атап өтті.
<blockquote>
 «ҰҚШҰ беделді әскери-саяси ұйым ретінде өзінің қажетті әрі тиімді екенін көрсетті. Бұл мемлекеттеріміздің тұрақтылығы мен қауіпсіздігін қамтамасыз ететін нақты механизм», – деді Мемлекет басшысы. &nbsp;
</blockquote>
<img src="https://akorda.kz/public/assets/media/uploadMedia/1641805959__.jpg" alt="" />
Саммит барысында ҰҚШҰ-ға мүше мемлекеттер басшылары Қазақстан Республикасындағы жағдай жөнінде пікір алмасып, еліміздің басшылығы жасап жатқан іс-әрекеттерді қолдайтынын айтты. Сондай-ақ тұрақтылық пен конституциялық тәртіпті қалпына келтірудің маңызды екеніне назар аударды. ҰҚШҰ Бас хатшысы Станислав Зась бірлесе қабылдаған шешімдердің жүзеге асырылу барысы туралы баяндады.
Мемлекеттер басшылары ҰҚШҰ Ұжымдық бітімгерлік күштерінің Қазақстандағы миссиясы аяқталғанша тұрақты байланыста болуға уағдаласты.

Қазақстан және Қызылорда облысының жаңалықтары: Әлем

Бейжің-2022: Бүгін жарыс жолына кімдер шығады?

Коронавирустың миға қауіпті әсері анықталды

Олимпиада ойындары тарихында болған атышулы 5 жанжал

Бейжің-2022: Қазақстандықтардың 5 ақпандағы жарыс кестесі

Бейжің Олимпиадасы: Бүгін қазақстандық спортшылар жарыс алаңына шығады

Ғалымдар коронавирусқа қарсы “супериммунитет” қалыптастырудың жолын айтты

Мемлекет басшысы Бейжіңдегі Қысқы Олимпиаданың ашылуына қатысады

Ғалымдар: Синтетикалық жастық демікпе ауруын тудыруы мүмкін

Бейжің Олимпиадасына Қазақстан атынан 3 биатлоншы қатысады

Омикрон штамы неліктен жылдам тарайды?

2021 жыл тарихта ең жылы болған алтыншы жылға айналды

Мемлекет басшысы ҰҚШҰ бойынша әріптестеріне ризашылығын білдірді

Қазақстан және Қызылорда облысының жаңалықтары: Әлем

Бейжің-2022: Бүгін жарыс жолына кімдер шығады?

Коронавирустың миға қауіпті әсері анықталды

Олимпиада ойындары тарихында болған атышулы 5 жанжал

Бейжің-2022: Қазақстандықтардың 5 ақпандағы жарыс кестесі

Бейжің Олимпиадасы: Бүгін қазақстандық спортшылар жарыс алаңына шығады

Ғалымдар коронавирусқа қарсы &#8220;супериммунитет&#8221; қалыптастырудың жолын айтты

Мемлекет басшысы Бейжіңдегі Қысқы Олимпиаданың ашылуына қатысады

Ғалымдар: Синтетикалық жастық демікпе ауруын тудыруы мүмкін

Бейжің Олимпиадасына Қазақстан атынан 3 биатлоншы қатысады

Омикрон штамы неліктен жылдам тарайды?

2021 жыл тарихта ең жылы болған алтыншы жылға айналды

Мемлекет басшысы ҰҚШҰ бойынша әріптестеріне ризашылығын білдірді

Ғалымдар коронавирусқа қарсы “супериммунитет” қалыптастырудың жолын айтты