Kyzylorda-news.kz. Нұр-Сұлтан қаласында өтіп жатқан Киокушин KWU каратэден Азия Чемпионатының алғашқы күнінде Ката бағдарламасы бойынша ересектер арасында Сыр спортшысы Мейрамбек Мади II орын иеленді.
Мади олимпиадалық емес спорт түрлерінен жоғары спорт шеберлігі мектебінің Киокушинкай-кан каратэ бөлімшесінің спортшы. Оның жаттықтырушысы Бауыржан Мұханов.
<img src="https://kyzylorda-news.kz/wp-content/uploads/2022/05/fb_img_1652597049104.jpg" alt="" />

Қызылордалық спортшы Азия чемпионатының күміс жүлдегері атанды

<a href="https://kyzylorda-news.kz/">Kyzylorda-news.kz.</a> Бір қарағанда, «қазір немесе ешқашан» тіркесі өмірдің негізгі қағидасы ретінде ұстануға тым қиын көрінуі мүмкін. Бірақ жапондар осы жерде және қазір бақытты болу өнері немесе «итиго итиэні» меңгерген. Ол бізді қазіргі сәтті жіберіп алмауға үйретеді, өйткені ол ешқашан қайталанбайды.&nbsp;
«Итиго итиэ» 一期一会 өрнегін жапон тілінен сөзбе-сөз аударғанда «бір рет – бір сәт» немесе «бір сәт – бір мүмкіндік» деп аударуға болады. Ал бұл қазір болып жатқан оқиға өмірдің басты құндылығы екенін білдіреді. Қазіргі уақытта қалай өмір сүретініңіз сіздің өміріңіздің қалған бөлігіне әсер етуі мүмкін. Итиго Итиэнің бұл принципі «көбелек әсерімен» ұқсас: біздің қазіргі кез келген әрекетіміз немесе әрекетсіздігіміз болашақта бірегей, қайталанбас нәтижеге әкеледі.
Итиго Итиэ концепциясының негізін қалаушы XVI ғасырдағы шай рәсімінің ұлы шебері Сен но Рикю атты Ринзайдың дзен-буддисттік мектебінің монахы болған деп есептеледі. Шай кешінің иесі мен қонақтарының бір-біріне деген сыйластық қарым-қатынасының негізін салып, оны «өмірдегі бір мүмкіндік» деп аударатын сөз тіркесімен атаған. Осы арқылы ол шай кездесуінің ешуақытта дәл сол қалпында қайталанбайтынын ұғындырып, әрбір сәттің ерекшелігін бағалау қажеттілігіне назар аудартқысы келді.&nbsp;
Кейінірек танымал өрнек шай әлемінен үлкен өмірге аяқ басып, оның семантикалық түсіндірмесі сәл ғана өзгеріске ұшырады. Бүгінгі күні ол «бұл кездесу тек осында және қазір» деген мағынада қолданылады және жапондар қазіргі сәттің бірегейлігін, тағдыр берген кездесудің маңыздылығын және қажеттілігін атап өткісі келетін әртүрлі жағдайларда қолданылады.
<img src="https://kyzylorda-news.kz/wp-content/uploads/2022/05/sakwra.jpg" alt="" />
Жапондар түсінігінде бақытқа қалай жетуге болады?
Қазірдің өзінде үйде уақыт өткізе отырып, көпшілігіміз болашақтағы жобалар, кездесулер, сапарларды ойлап өмір сүреміз. Жапондардың итиго итиэ философиясы баяулауды және қазіргі сәттен ләззат алуды және жақын адамдарыңызбен байланысуды насихаттайды.
Мысалы, «Итиго Итиэ. Жапондардың осы жерде және қазір бақытты болу өнері» кітабында сол өнерді игерудің бірнеше ережесі жазылған:&nbsp;
Ештеңені кейінге қалдырмаңыз. Мүмкіндікті пайдаланбасаңыз, оны жіберіп аласыз.
Әрбір оқиға сіздің өміріңіздегі соңғы оқиға сияқты қабылдануы керек.
Бүгінмен өмір сүріңіз, өткенді ойламаңыз және болашаққа қатысты алаңдамаңыз.
Ұмытылмас тәжірибе алу үшін ешқашан жасалмаған нәрсені жасаңыз.
Әлемнің бізге беретін белгілерін түсініңіз. Сиқырлы кездейсоқтық – бұл тек сәттілік емес, уақытында уысыңа түскен сәттер.
Әр кездесуді ерекше оқиғаны күтпей-ақ мерекеге айналдырыңыз
Күнделікті күйбең тірліктен арылып, өмір ғажайыптарын тамашалап отыру медитациясын үйреніңіз.
Өмірдің әрбір сәтін айқынырақ қабылдау үшін тыңдау, қарау, ұстау, дәмін тату және иісін сезу өнерін үйреніңіз.&nbsp;
<img src="https://kyzylorda-news.kz/wp-content/uploads/2022/05/sakwra1.jpg" alt="" />
Бұл ұғым тек бақыт туралы ғана емес
Итиго итиэ табиғаттың өтпелі құбылыстарына көз жүгіртуді де алға тартады. Жапондарда қоршаған әлемді эстетикалық тұрғыдан қабылдау арқылы пайда болған ханами (гүлдерге тамсану), цукими (айға тамсану), хотаругари (жанған отқа сүйсіну) сияқты дәстүрлер бар.
Жас жапондар қазіргі өмір қарқынына ілесеміз деп бұл қасиеттерін жоғалтқанға ұқсаса да, жапон зейнеткерлері бұрынғы әдеттерінше өмір сүреді. Әйелдер көбінесе гүлдерге немесе шай рәсіміне әуес келеді. Олар ерте тұрады. Күріш пісіріп, балық қуырады. Ал қарттар иттерін серуендетеді.
Бірақ, кәрі немесе жас екеніне қарамай, әр жапон күтетін бір сәр бар. Ол – &nbsp;өмірдің қарқынын сәл баяулататын жылдың бір мезгілі. Ол – сакураның гүлдеуі. Бұл сәт жыл сайын тек бір аптадан сәл астам уақытқа созылады. Сондықтан жапондар мұндай сәтті қалт жібермейді.&nbsp;
Мұндай түсінік басқа ұлттарда да кездеседі, мысалы, швед тілінде фика, ал дат тілінде хюгге сөзі осы мағынада қолданылады.
Итиго Итиэ мен оған ұқсас басқа тұжырымдамалардың ең басты қағидасы – осы сәтпен өмір сүру.
<a href="https://massaget.kz/layfstayl/alemtanu/syrly-alem/67958/">massaget.kz</a>

Ең ұзақ өмір сүретін жапондардың бақыт туралы түсінігі қандай?

Kyzylorda-news.kz. Түркия елінің Стамбул қаласында өтіп жатқан бокстан әйелдер арасындағы Әлем біріншілігін қазалылық боксшы Гүлсая Ержан жеңіспен бастады.
Шаршы алаңдағы алғашқы қарсыласы украиналық былғары қолғап шеберін айқын басымдықпен жеңген жерлесіміз келесі кезеңге жолдама алды.
Жеңіске жеткен жерлесімізді әлем біріншілігіндегі алғашқы асуымен құттықтап, алдағы жекпе-жектеріне сәттілік тілейміз!

Қызылордалық Гүлсая Ержан әлем чемпионатын жеңіспен бастады

<a href="https://kyzylorda-news.kz/">Kyzylorda-news.kz.</a> «Бақытты елдің ұрпағы» қоғамдық қорының ұйымдастыруымен Алматыда өткен халықаралық «Біз бақытты баламыз» өнер байқауында Қызылорда қаласындағы Назарбаев Зияткерлік мектебінің «Самға» би тобы бас жүлдені жеңіп алды.
Сырбойылық жастар байқауда «Жастық шаттығы» қазақ биін көрсетіп, жастар бойындағы қасиеттерді ырғақпен жеткізді.
<blockquote>
 «Бұл қойылымда балалар жас ерекшеліктеріне сай көңілді ойындар көрсетті. Композицияда қазақ жастарына тән әдептілік, сыйластық, құрмет секілді қасиеттер бейнеленген образдарды оқушылар жоғары деңгейде ойнап шықты», – дейді топ жетекшісі Жұлдызай Мауленова.
</blockquote>
Байқауға қазақстанның түкпір-түкпірінен өнерлі жастар мен музыкалық ұжымдар жиналды. Қатысушылар аспапта ойнау, көркем сөз, хореография, дәстүрлі ән, вокал, бейнелеу және қолөнер, робототехника мен театрландырылған қойылым номинацияларында жүлделі орындарға таласты. Қызылордалық зияткерлер білімнен ғана емес, шығармашылықта да озат екендіктерін дәлелдеп, сайыстың жеңімпазы атанды. Алдағы уақытта «Самға» тобы Ташкентте өтетін халықаралық сайысқа қатысып, мектеп намысын қорғайтын болады.
Айта кетейік, болашақ ұрпаққа рухани байлық пен ұлттық қасиеттерді сіңірудегі елеулі еңбектері үшін «Самға» би тобының жетекшілері Ақмарал Әлібекова мен Жұлдызай Мәуленова Алғыс хатпен марапатталды
<img src="https://kyzylorda-news.kz/wp-content/uploads/2022/05/7f897ee9-3f61-40ae-8d0f-394bf6d4733b.jpg" alt="" />
<img src="https://kyzylorda-news.kz/wp-content/uploads/2022/05/7b5d3d22-8fa1-4793-884f-c880af043ebe.jpg" alt="" />

«Самғаның» бишілері Ташкентте өнер көрсетеді

<a href="https://kyzylorda-news.kz/">Kyzylorda-news.kz.</a> Жаңбыр сатушы деген сөз құлаққа оғаш естіледі: «Жаңбырды сатуға бола ма?» Иә ол сондай. Чарльз Хэтфилд есімді адам осындай ерекше қабілетімен тарихта қалды.
Ол 1875 жылы Канзаста ағылшын отбасында дүниеге келген. Ересек шағында тігін машинасын сатумен айналысқан. Бірақ ол жасанды жаңбыр жауғызу арманымен өмір сүрді. Бос уақытында метеорология, химия, физика пәндерін оқыды. 1902 жылы Чарльздың көп жылғы қажырлы еңбегі өз жемісін берді. Ол ылғалды бағындыру әдісін ойлап тапты. Оның жаңбыр жаудыру әдісіне 28 заттың қоспасы кірді. Бұл заттар өзара әрекеттесу нәтижесінде қызып, буланып нәтижесінде жаңбыр жауатын.
<img src="https://massaget.kz/userdata/u53822/2022-05/resize/ca2def3ac34eef93e6d4ad51dd32dd1e.jpg" alt="" />
Пікірталасқа түскен алғашқы тәжірибе жақсы ақша әкелді. Екі жыл бойы тәжірибесін жетілдіргеннен кейін Чарльз маңызды кәсіппен айналысуды шешеді. Ол және ағасы Пол бірнеше газеттерге жарнама беріп, Калифорниядағы құрғақшылықтан зардап шеккен фермерлерге өз қызметтерін ұсынады. Ол 50 долларға ғана жаңбыр жауатынын, ақшаны алдын ала емес, кейінірек төлеуге болатынын айтады. Кейбір шаруалар бұған сенбесе де, тәуекелге барып, онымен келісім-шартқа отырады. Чарльз бір жерден ең биік төбені тауып алып, оның үстіне алты футтық ағаш мұнара тұрғызады.
<img src="https://massaget.kz/userdata/u53822/2022-05/resize/d8b8f345e846d57498ceec26daff2188.jpg" alt="" />
Мұнара ішіне мырыш қазанын орнатып, ішіне ылғал сіңіретін зат құйып, от жағады. Жағымсыз иіс айналаға таралып, бу көкке көтеріледі. Екі күннен кейін нөсер нөсер жаңбыр жауа бастайды. Чарльз Хатфилд үшін ақша емес, «Жаңбырдың билеушісі» атағы маңызды еді.
1915 жылы құрғақшылық орнаған кезде Калифорниядағы Сан-Диего үкіметі Чарльздан су қоймасын 10 000 долларға толтырып беруді сұрайды. Морена көлінің жағасында Чарльз жаңбыр жаудыратын мұнарасын орнатады. Реакцияны бастайды.
1916 жылы Чарльз 25 000 долларға келісімшартқа отырды. 1928 жылы Калифорнияда кеуіп қалған Ұлы Аю көлі суға толтырады. Бір жылдан кейін Гондурас үкіметі оны ірі табиғи өртті сөндіруге шақырады. Бұл «Жаңбыр билеушісінің» соңғы жетістігіеді. 1929 жылы басталған Ұлы депрессия Чарльз Хэтфилдті банкротқа ұшыратты.
Ол 1958 жылы 83 жасында қайтыс болып, «ылғалды үдеткіш» әдісінің сырын ешкімге айтпай кетті.
<a href="https://semeytany.kz/10537/10537?fbclid=IwAR1VFr9z1T2_IfgrGy3tWESEvluiByAfKcOZ7jo06ggX1N99xTk5H5uZ6bs">Semeytany.kz</a>

Жаңбырды сатып байыған ағылшындық жауын жауғызу құпиясын қалай ашты?

<a href="https://kyzylorda-news.kz/">Kyzylorda-news.kz.</a>&nbsp;Ахмет Байтұрсынұлының 150 жылдығы және Роза Бағланованың 100 жылдығын мерекелеу аясында Қазақстанның Қытайдағы Елшілігінде атақты мерейтой иелеріне арналған салтанатты іс-шара өтті.
Іс-шара аясында қазақ диаспорасының өкілдері мен қазақстандық жас ұрпақ үшін ұлы қазақстандық қайраткерлердің өмірі мен шығармашылығына арналған дәріс ұйымдастырылып, қазақ жазуының дамуына елеулі үлес қосқан А.Байтұрсынұлы туралы деректі фильм көрсетілді.
Шығармашылық кеш шеңберінде А.Байтұрсынұлы және Р.Бағланованың мерейтойлық күндеріне арналған пошталық хатқалталардың тұсаукесері өткізілді. Аталған хатқалталарды Елшілік қытайлық «Beijing Diplomatic Gift Co. Ltd.» компаниясымен бірлесіп басып шығарды.
А.Байтұрсынұлының танымал шығармаларын насихаттап, ән шырқап би билеген қазақстандық және қытай жастары мерекелік іс-шараға ерекше көңіл күй сыйлады.
<img src="https://kyzylorda-news.kz/wp-content/uploads/2022/05/bejzhin.jpg" alt="" />

Бейжіңде Ахмет Байтұрсынұлына және Роза Бағлановаға арналған шығармашылық кеш өтті

<a href="https://kyzylorda-news.kz/">Kyzylorda-news.kz.</a> Жапония басқа елдер арасында өмір сүру ұзақтығы бойынша бірінші орында. Бұл ел ғасыр жасаған тұрғындарымен танымал. Сонымен қатар жапондықтар құрметті жасқа жетіп қана қоймайды, жарқын және бақытты өмір сүру үшін төмендегі 5 қарапайым ережені ұстанады.
Жапондықтар аз мөлшерде тамақтанады
Жапония тұрғындары тағам үлесі неғұрлым аз болса, соғұрлым баяу желінеді деп есептейді. Сонымен қатар әр тамақты бөлек табақшаларға салады. Бұл астың дұрыс қорытылуын қамтамасыз етпек.
Олар адам тағамның шамамен 80 пайызын жегенін сезген кезде тамақтануды аяқтау керек деп санайды. Бұл салмақты дұрыс ұстауға көмектеседі.
Бу моншасы мен саунаны біріктіреді
Жапонияда танымал бу моншасы гигиеналық тұрғыдан ғана емес, демалуға мүмкіндік ретінде де қажет. Бұл денсаулық үшін өте пайдалы, әсіресе ағзадағы зиянды заттарды тері арқылы шығаруға, қан айналымын жақсартуға, бұлшық еттің құрысуын болдырмайды және иммундық жүйені нығайтады.
Тұз бен майды&nbsp;аз пайдаланады
Жапондықтардың өздері үшін Нагано аймағы үлгі болып табылады. Бұл жер басқа аймақтардың ішіндегі халқы ең сау аумақ болып саналады. Қарт адамдар өте көп, орташа өмір сүру ұзақтығы 80-87 жас аралығында. Негізі бұрын Нагано тұрғындары тұзды өте көп тұтынатын – күніне шамамен 15 грамм. Бұл әдет олардың денсаулығына зиянын тигізген. Олар мамандардың ұсыныстарын тыңдап, жағдай біртіндеп жақсара түскен. Қазір Наганода тұратындар күніне 0,9 грамнан аспайтын тұзды және бір шай қасық өсімдік майын тұтынады.
Тофуды жиі пайдаланады
Тофу – дәстүрлі жапон диетасының маңызды бөлігі. Бірегей соя ірімшігі жоғары қанықтыру ғана емес және вегетариандықтар үшін жануар ақуызына балама болып табылады. Ол пайдалы май қышқылдарына және маңызды витаминдер мен минералдарға бай. Тофуды үнемі тұтыну қатерлі ісік пен жүрек-қан тамырлары ауруларының қаупін азайтуға көмектеседі, сонымен қатар салмақ жоғалтуға ықпал етеді.
Олар физикалық белсенділікті жақсы көреді
Жапония тұрғындары кез келген жаста жоғары физикалық белсенділікті сақтауға тырысады. Олар көп жүреді, ұзақ серуендер Жапония халқы үшін спорт қана емес, сонымен қатар күнделікті қалыпты жағдай.
<a href="https://24.kz/kz/zha-aly-tar/bylu-manyzdy/item/537565-zhaponiya-khal-yny-za-mir-s-ru-piyasy-nede-5-arapajym-erezhe">24 kz</a>

Жапония халқының ұзақ өмір сүру құпиясы неде: 5 қарапайым ереже

<a href="https://kyzylorda-news.kz/">Kyzylorda-news.kz.</a> Жаңа Зеландия мен Ұлыбританияның Отаго университетінің ғалымдары жаһандық семіздік мәселесімен күресу үшін арнайы құрылғы жасады.&nbsp;
DentalSlim Diet Control – тіс дәрігері тістерді бекіту үшін үстіңгі және астыңғы тістерге орнататын құрылғы. Құлып арнайы магниттен жасалған. Бұл құрылғыны орнатқаннан кейін ауызды 2 миллиметр ашып сұйықтықты тұтынуға болады, бірақ ол сөйлеуге және тыныс алуға кедергі келтірмейді.
Зерттеуге қатысушылар 2 аптада 6,36 кг салмақ тастаған. Отаго университетінің денсаулық ғылымдарының жетекші зерттеушісі Пол Брутон бұл құрылғының артық салмағы бар адамдар үшін қауіпсіз екенін айтады. Оны тіс дәрігері орнатады және пайдаланушылардың өздері алып тастай алады. Ал, құлыпты екінші рет пайдалануға болады.
<img src="https://kyzylorda-news.kz/wp-content/uploads/2022/04/tis-kwlyp.jpg" alt="" />
Пол Брутонның айтуынша, адамдар арықтауға келгенде ережелерді сақтау қиынға соғады. Жаңа құрылғы оларға жаңа әдеттер, аз калориялы диетаны тұтынып үйренуге көмектеседі. Сондай-ақ, бұл құрылғы шығынсыз, хирургиялық процедурамен, жанама әсерлері жоқ салмақ тастауға тартымды балама бола алады деп саналады.
Құрылғыны 2-3 апта бойы қолданған адам ұзақ уақыт бойы тиімді арықтай алады, содан кейін оны алып тастап, үйренген диета негізінде арықтауға болады.
Зерттеулерге сәйкес, әлемде 1,9 миллиард адам артық салмақтан зардап шегеді. 650 миллион адам семіздікке шалдыққан. Жыл сайын 2,8 миллион адам артық салмақтан қайтыс болады. Жағдай осылай жалғаса берсе, 2030 жылға қарай әлем халқының 57 пайызы артық салмақтан зардап шегуі мүмкін.
<a href="https://massaget.kz/layfstayl/tehno/67830/">Massaget.kz</a>

Тісті «құлыптау» арқылы арықтауға көмектесетін құрылғы жасалды

<a href="https://kyzylorda-news.kz/">Kyzylorda-news.kz.</a> SpaceX компаниясының басшысы Илон Маск Марсқа ұшу құнының шамамен қанша доллар болатынын айтты. Масктың сөзінше, билет бағасы кез-келген адамға қолжетімді болуы керек, деп хабарлайды&nbsp;<a href="https://stan.kz/">Stan.kz</a>.
Илон Маск TED конференциясының кураторы Крис Андерсонмен әңгіме барысында Қызыл планетаға ұшу құны шамамен 100 мың доллар болатынын айтқан. Сонымен қатар ол Марсқа миллионға жуық адамды тарту үшін билеттің қолжетімді болуы керек екенін айтып өтті.&nbsp;
<blockquote>
 «Егер Марсқа көшу мүмкін болса, бір жаққа ұшу құны 100 мың доллар болса, барлығына қолжетімді болады деп ойлаймын. Бұл қаржыны кез-келген адам жинап, қаласа Марсқа ұша алады», – деді миллиардер.&nbsp;
</blockquote>
Масктың сөзінше, SpaceX адамдардың Жердегі мүлкін сатып, Марсқа ұшып кете алатындай болуы үшін жұмыс істеп жатыр. Әңгіме барысында кәсіпкер мемлекеттік бағдарлама және несие секілді өзге де қаржыландыру түрлері туралы айтып өтті.

Илон Маск Марсқа ұшу құнының шамамен қанша болатынын айтты

70 жыл тақта: 96 жастағы Елизавета II туралы қызықты деректер

<a href="https://kyzylorda-news.kz/">Kyzylorda-news.kz.</a>&nbsp;8 сәуір күні Геннадий Головкин 40 жасқа толды. Қазақстанның ең табысты боксшысы туралы қызықты деректерге тоқталсақ.
Геннадий Головкин бала кезінде футболды жақсы ойнаған. Футбол – оның бокстан кейінгі екінші сүйікті спорт түрі.
Боксқа деген сүйіспеншілікті жас Генаның бойына ағалары сіңірген. Бірақ Вадим және Сергей 1990 және 1994 жылдары әскерде қызмет ету кезінде қайтыс болған. Олардың қандай жағдайда қайтыс болғаны белгісіз.
Головкиннің егізі бар. Аты – Максим.&nbsp;
Бала кезінде Геннадийдің Грей атты сүйікті иті болған.
Аргентиналық Хорхе Ариэль Гарсия – Головкиннен жеңілгеннен кейін ұзақ уақыт бойы қалпына келген спортшы. 2006 жылдың қазан айында ол қазақстандықтан нокаутпен ұтылған. Гарсия рингке бес жылдан кейін ғана шықты, яғни 2011 жылдың қарашасында. Осы жылдар бойы аргентиналық денсаулығына байланысты бокс лицензиясын алуда қиындықтарға тап болды.
2014 жылы Головкин Бродвейде түсірілген «Рокки» мюзиклінде рөл ойнады. Сонымен қатар спортшының коммерциялық түсірілімде тәжірибесі бар.
2014 жылы боксшы өзінің «GGG» брендін патенттеді.
GGG-дің ең ұзақ жекпе-жегі Дэниэл Джейкобспен өтті. Қазақстандық алғаш рет рингте 12 раунд өткізді, бұған дейін Головкин 2015 жылы Мартин Мюррейге қарсы жекпе-жекте ең ұзақ жекпе-жек өткізген болатын.
Головкин аптасына кемінде үш рет жаттығады. Оның алғашқы жаттығуы таңғы жетіде басталады.
Геннадийдің әйелі Алина Головкинаның екі жоғары білімі бар, оның біреуін Германияда алған, сондай-ақ екі шет тілін меңгерген. Мансабында ол отбасын таңдады. Геннадий мен Алина 2007 жылдың 7 маусымында&nbsp; үйленген.
Еске сала кетейік, ертең, яғни 9 сәуірде Головкин Муратамен жекпе-жек өткізеді.
<a href="https://24.kz/kz/zha-aly-tar/sport/item/537702-ggg-40-zhas-a-toldy-boksshy-turaly-yzy-ty-derekter">Хабар 24</a>

GGG: Боксшы туралы қызықты деректер

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласындағы Назарбаев Зияткерлік мектебінің оқушысы Айшани Даттатрея Дубайда өткен халықаралық музыка және би байқау-фестивалінде бірінші орынды жеңіп алды. Өңірлік коммуникациялар қызметінің ақпарат алаңында БАҚ өкілдеріне конкурс барысын баяндады.
<blockquote>
 «Музыка әлеміне қызығушылығым 5 жасымнан басталды. Содан бері алты тілде ән орындаймын. Дубайда өткен байқау 9 бен 15 жас аралығындағы жасөсірімдер арасында өтті. Мен қазақ халқының әндерін орындағанды ұнатамын. Сол арқылы өзіме шабыт сыйлаймын. Осы орайда ұстаздарыма және барша қолдау білдірген жандарға алғысым шексіз», – деді Айшани Даттатрея.
</blockquote>

Қазақстан және Қызылорда облысының жаңалықтары: Әлем