<a href="https://kyzylorda-news.kz/">Kyzylorda-news.kz.</a> 1 сәуірден бастап Қазақстан Республикасының Үкіметі мен Корея Республикасының Үкіметі арасындағы қазақстандық азаматтарға қатысты визалық талаптарды өзара жою туралы келісімнің қолданысын жаңғырту қалпына келтіріледі. Бұл туралы сыртқы істер министрлігі мәлімдеді.
Бұған дейін оны Оңтүстік Корея тарапы COVID-19 пандемиясына байланысты тоқтатты. Осылайша, Қазақстан азаматтары – ұлттық паспорттардың иелері – Корея Республикасына 30 күннен аспайтын мерзімге визасыз қайта кіре алады.
Корея Республикасында еңбек етуге, білім алуға немесе Оңтүстік Корея аумағында тұруға ниет болған жағдайда тиісті визаны алу қажет.
Сонымен қатар, қазіргі уақытта шетелдік азаматтардың Корея Республикасына кіруін авторизациялаудың “К-ЕТА” электрондық жүйесі жұмыс істейтінін ескеру қажет. Оған сәйкес елге визасыз режим негізінде келетін шетелдіктерге ұшуға дейін кемінде 24 сағат бұрын www.k-eta.go.kr сайты арқылы жоспарланған сапар туралы электрондық хабарлама түрінде өтініш беру және содан кейін Оңтүстік Корея билігінің елге кіруге рұқсатын алу талап етіледі. Мұндай рұқсат болмаған жағдайда әуекомпания ұшаққа бортқа отырғызудан бас тартуға мәжбүр болады.
Бұдан басқа, Корея Республикасына сапар шегетін азаматтарға осы елде қолданылатын эпидемияға қарсы шаралар туралы ақпаратты Қазақстан Республикасындағы Корея Республикасының консулдық мекемелерінде алдын ала нақтылауға кеңес береміз.

Қазақстандықтар бүгіннен бастап Кореяға визасыз бара алады

<a href="https://kyzylorda-news.kz/">Kyzylorda-news.kz</a>. Әлемдегі ауасы ең лас қала – Үндістан астанасы, деп хабарлайды <a href="https://24.kz/kz/zha-aly-tar/lemde/item/534926-lemdegi-auasy-e-las-ala-ataldy">«Хабар 24»</a>.
2021 жылдың қорытындысы осындай. Мұндай мәліметті швейцариялық IQAir зерттеу ұйымы жариялады. Осылайша Нью-Дели бұл тізімді қатарынан төртінші жыл бастап тұр. Тексеріс мұнда ауа өкпе мен тамырға толық жетпейтіні және жеткеннің өзінде тыныс алу ауруларын тудыратыны анықталған. Осы ластықтан Үндістанда миллиондаған тұрғын көз жұмады. 2020 жылы бір ғана Нью-Делиде 54 мыңға жуық адам қайтыс болған. Зерттеу бойынша, әлемнің ауасы лас 6 қаласы осы елде.

Әлемдегі ауасы ең лас қала аталды

<a href="https://kyzylorda-news.kz/">Kyzylorda-news.kz</a>. Қазақстан әлемдік бақытты мемлекеттер тізімінде&nbsp;40-орынға тұрақтады. Осылайша еліміз 5 сатыға жоғарылап, ТМД елдерінің барлығын басып озды, деп хабарлайды&nbsp;<a href="https://stan.kz/">Stan.kz</a>.
Рейтинг 2019-2021 жылдар аралығында жүргізілген сауалнама нәтижесін көрсетеді. Сауалнамаға әлем бойынша 9 миллион адам қатысқан.
Бесінші жыл қатарынан Финляндия ең бақытты мемлекет атанды. Алғашқы ондыққа Дания, Исландия, Швейцария, Нидерланды, Люксембург, Швеция, Норвегия, Израиль мен Жаңа Зеландия енді.
АҚШ 16-орынға тұрақтаса, 17-орында Ұлыбритания, Біріккен Араб Әмірлігі мен Сауд Арабиясы 24 және 25-орындарды иеленді.
Қазақстан тізімде 5 сатыға көтеріліп, 40-орынға тұрақтады. Осылайша еліміз ТМД елдерінің барлығын басып озды. Өзбекстан 53-орынға, Молдова Республикасы 62-орынға, Қырғызстан 64-орынға, Беларусь 65-орынға, Ресей 80-орынға, Армения 82-орын, Тәжікстан 83 және Әзірбайжан 92-орынға тұрақтады.

Қазақстан ТМД-дағы ең бақытты мемлекет атанды

<a href="https://kyzylorda-news.kz/">Kyzylorda-news.kz.</a>&nbsp;Украинаға қарсы шабуыл жасап, соғыс бастаған Ресейге Америка мен Батыс елдері қатаң санкциялар салды. Джо Байден «енді Ресейден мұнай алмайтынын» ашық айтты. Бұл Қазақстан экономикасына қалай әсер етеді? Бұл сұраққа экономист Мақсат Халық жауап берді, деп хабарлайды <a href="https://stan.kz/mynaydan-endi-tusetin-payda-halikka-zhymsaladi-degen-um-361398/">Stan.kz</a>.
Маманның айтуынша, Ресей «әлемдік мұнай саласындағы үлкен ойыншы». Алдағы уақытта Ресейден ешкім мұнай алмайтын болса, бұл әлемде энергетикалық ресурстарға деген тапшылықты тудырады. Ал ол белгілі бір дәрежеде бағалардың өсуіне алып келеді. Қазірдің өзінде мұнайдың бағасы рекордтық көрсеткішке дейін жетті.&nbsp;
<blockquote>
 «Мұның барлығы Ресейге&nbsp;қойылған&nbsp;шектеулермен байланысты», –&nbsp;&nbsp;дейді Мақсат Халық.&nbsp;
</blockquote>
Экономистің сөзіне сенсек, «осы жерде Қазақстан үшін үлкен мүмкіндік бар». Бұған дейін АҚШ билігі Ресейге салынған санкциялардың Қазақстанға&nbsp;әсер етпейтінін&nbsp;айтқан еді.
<blockquote>
 «Мұнай бағасы&nbsp;бюджетте 60 доллар деп бекітілсе, оны 120 доллардан саттық дегеннің өзінде ол Қазақстанның экспорттық әлеуетін жақсартады. Біздің алтын валюталық қорының, оның ішінде ұлттық қордың резервін арттырады. Бюджеттік кіріс те артады, ішкі өнімнің өсуіне әсер етеді», – дейді ол.
</blockquote>
Бұған дейін берген&nbsp;<a href="https://stan.kz/kazakstandiktar-nege-arabtar-siyakti-shalkip-omir-surme-358838/">сұхбатында</a>&nbsp;Мақсат Халық қазақстандықтардың неге арабтар сияқты шалқып өмір сүрмейтінін түсірдірген еді. Ол мұнай саудасынан түсетін пайданың 80 пайызын шетелдік компаниялар, ал қалған 20 пайызын ғана Қазақстан алатынын атап өтті. Оның өзінде «қара алтыннан» түсетін пайданы тек олигополия өкілдері көріп келді, дейді маман. Ал ендігі жағдайда барлығы өзгеруі мүмкін екенін алға тартты.
<blockquote>
 «Президентіміз олигополиямен күресіп жатса, енді түсетін пайда белгілі бір дәрежеде халыққа қарай жұмсалады деген үміт бар. Яғни бюджеттің кірісі артатын болса, онда халықтың табысын арттыруды қарастыру қажет», – деді Мақсат Халық.
</blockquote>

Мақсат Халық: Мұнайдан енді түсетін пайда халыққа жұмсалады деген үміт бар

<a href="https://kyzylorda-news.kz/">Kyzylorda-news.kz.</a>&nbsp;Әлемдегі ең қымбат яхталар мен оларға иелік ететін адамдарды білесіз бе?
<img src="https://kyzylorda-news.kz/wp-content/uploads/2022/03/keme1.jpg" alt="" />
Serene яхтасы / © alamy.com
Serene
Serene яхтасы Сауд Арабияның ханзадасы Мұхаммед бен Салманға тиесілі. Бағасы – $330 млн. Яхта Бермуд аралдарында тіркелген.
Яхтаның ұзындығы 134 метр, ені 18,5 метр. Жалпы ауданы 4500 шаршы метр.
Оны ресейлік миллиардер Юрий Шафлердің тапсырысы бойынша итальяның Fincantieri кеме жасау компаниясы жасаған. Яхта 2011 жылы ресми түрде іске қосылды. Ресейлік миллиардер яхтаға бірнеше жыл иелік еткеннен кейін Сауд Арабиясының ханзадасына сатқан.
Яхта жаттығу залы, бірнеше бассейн, кинотеатр, екі тікұшақ алаңы, сондай-ақ жасанды қары бар арнайы бөлмемен жабдықталған. Кеме 55 адамнан тұратын экипажға қызмет көрсетеді.
<img src="https://kyzylorda-news.kz/wp-content/uploads/2022/03/keme2.jpg" alt="" />
Dubai яхтасы /© serfingberd.ru
Dubai
Dubai яхтасы Дубай әмірі Мұхаммед ибн Рашид әл-Мактумға тиесілі. Бағасы – 400 миллион доллар.
Дубай яхтасын неміс кеме жасаушы Blohm &amp; Voss компаниясы жасап, 2006 жылы суға түсірген. Яхтаның ұзындығы 162 метр, ені 22 метр. Яхта ұзындығы бойынша әлемдегі үшінші орында тұрады.
Оның қону алаңы мен бассейні бар. Яхта Әмірдің жазғы сарайы түрінде жабдықталған. Яхта 88 адамнан тұратын экипажға қызмет көрсетеді.
<img src="https://kyzylorda-news.kz/wp-content/uploads/2022/03/keme3.jpg" alt="" />
REV Ocean яхтасы / © cnn.com
REV Ocean
REV Ocean норвегиялық миллиардер Келль Инге Реккеге тиесілі. Яхтаның бағасы 450 миллион доллар. Кеме Норвегияда тіркелген.
Яхтаны голландиялық Oceanco кеме жасау компаниясы жасаған және 2019 жылы суға түсірілген. Басқа қымбат яхталардан айырмашылығы, REV Ocean демалу үшін салынбаған. Сондықтан оның кинотеатры мен бассейні жоқ, тек қону алаңы мен ғылыми-техникалық жабдықтары бар.
Бұл яхтадағы ғалымдар мен сарапшылар негізінен мұхиттарды зерттеумен айналысады. Сондықтан оның үш шағын ғылыми-зерттеу кемесі бар және олардың бірі суасты қайығы. Яхта 30 адамнан тұратын экипажға қызмет көрсетеді.
<img src="https://kyzylorda-news.kz/wp-content/uploads/2022/03/keme4.jpg" alt="" />
Андрей Мельниченкоға тиесілі Sailing Yacht A. /© 24tv.ua
Sailing Yacht A.
Sailing Yacht A. ресейлік Андрей Мельниченкоға тиесілі. Ол 500 миллион долларға бағаланып, Бермуд аралдарында тіркелген.
Оны немістің Nobiskrug кеме жасау зауыты салған және 2015 жылы іске қосылған. Яхтаның ұзындығы 142 метр, ені 24,8 метр. Яхта 54 экипажға қызмет көрсетеді.
<img src="https://kyzylorda-news.kz/wp-content/uploads/2022/03/keme5.jpg" alt="" />
Topaz яхтасы /© Sail-Cruise.ru
Topaz
Topaz яхтасы Абу-Даби әмірлігі отбасының мүшесі Мансур Зайд әл Нахайянға тиесілі. Яхтаның құны 525 миллион доллар. Ол Кайман аралдарында тіркелген.
Яхтаны немістің Лурссен кеме жасау зауыты жасап, 2012 жылы суға түсірген. Оның ұзындығы 147 метр, ені 21,5 метр.
Яхтада кинотеатр, конференц-зал, фитнес залы, кинотеатр, екі тікұшақ алаңы және бассейн бар.
<img src="https://kyzylorda-news.kz/wp-content/uploads/2022/03/keme6.jpg" alt="" />
Crescent яхтасы / © hiveminer.com
Crescent
Crescent яхтасы Black Dragon Minerals компаниясына тиесілі. Яхта 600 миллион долларға бағаланған. Ол Кайман аралдарында тіркелген.
Бұл яхтаны Германияның Лурссен кеме жасау компаниясы да жасаған және 2018 жылы суға түсірілген. Яхтаның ұзындығы 135 метр, ені 21 метр.
Яхтада жаттығу залы, бассейн, кинотеатр, екі тікұшақ алаңы бар.
<img src="https://kyzylorda-news.kz/wp-content/uploads/2022/03/keme7.jpg" alt="" />
Azzam яхтасы / © imgrum.net
Azzam
Azzam яхтасы Абу-Даби әмірі&nbsp;Халифа ибн Зайд ибн Сұлтан әл Нахайянға тиесілі. Ол 620 миллион долларға бағаланады.
Бұл яхтаны да немістің Лурссен кеме жасау компаниясы жасаған және 2013 жылы суға түсірген.
Azzam – әлемдегі ең құнды яхталардың ішіндегі ең ұзыны және ең үлкені. Оның ұзындығы 180 метр, ені 20,8 метр. Оның деңгейі екі футбол алаңына тең.
<img src="https://kyzylorda-news.kz/wp-content/uploads/2022/03/keme8.jpg" alt="" />
Dilbar яхтасы / © hauteliving.com
Dilbar
Дилбар ресейлік миллиардер Әлішер Усмановқа тиесілі. Ол 800 миллион долларға бағаланады. Яхта Кайман аралдарында тіркелген.
Бұл яхтаны да немістің Лурссен кеме жасау зауыты жасап, 2015 жылы суға түсірілген. Оның ұзындығы 156 метр, ені 24 метр.
Әлішер Усманов яхтаға анасының есімін берген. Дилбар яхтасында екі тікұшақ алаңы, кинотеатр және демалуға арналған басқа да ыңғайлы орындар бар. Яхтаның экипажы 80 адамнан тұрады.
<img src="https://kyzylorda-news.kz/wp-content/uploads/2022/03/keme9.jpg" alt="" />
Роман Абрамовичтің Eclipse яхтасы / © avtodizayn.obzor
Eclipse
Eclipse яхтасы тағы бір ресейлік миллиардер Роман Абрамовичке тиесілі. Яхта 1,2 миллиард долларға бағаланған. Ол Бермуд аралдарында тіркелген.
Eclipse яхтасын неміс тасымалдаушы Blohm &amp; Voss компаниясы жасап, 2009 жылы суға түсірген. Яхтаның ұзындығы 162,5 метр, ені 21,5 метр.
Яхтада концерт залы, үш асхана, кинотеатр, екі бассейн, би алаңы, екі тікұшақ алаңы, 2 тікұшақ, 4 қайық және 20 скутер бар.
Роман Абрамовичтің яхтасын журналистер «мега-яхта» деп атайды. Ол 70 адамнан тұратын экипажға қызмет көрсетеді.
<img src="https://kyzylorda-news.kz/wp-content/uploads/2022/03/keme10.jpg" alt="" />
History Supreme яхтасы / © destinoinfinito.com
History Supreme
History Supreme яхтасының иесі ресми түрде белгісіз. Бейресми ақпарат бойынша ол малайзиялық миллиардерге тиесілі. Яхта 4,8 миллиард долларға бағаланған.
History Supreme яхтасын итальяндық Baia Yachts жүк тасымалдау компаниясы жасап, 2011 жылы суға түсірген. Оның ұзындығы небәрі 30 метрді құрайды.
History Supreme яхтасының көлемі шағын болғандықтан, оның басқа үлкен яхталар сияқты кинотеатры да, тікұшақ алаңы да, бассейні де жоқ. Мұндай шағын яхтаның қымбат болуының себебі: оны жабдықтау үшін қымбат металдар пайдаланылған.
<img src="https://kyzylorda-news.kz/wp-content/uploads/2022/03/keme11.jpg" alt="" />
Amore Vero / © dailymail.co.uk
Amore Vero
Ресейлік ауқатты Игорь Сечиндікі делінетін “Аморе веро” яхтасы ең қымбат яхталардың ондығына кірмесе де, сән-салтанаты жағынан басқа яхталардан кем түспейді. Ол 200 миллион долларға бағаланады.
Яхтаны сонымен қатар голландиялық Oceanco кеме жасау компаниясы құрастырып, 2012 жылы суға түсірген.
Яхтаның жалпы көлемі жүзу бассейні мен тікұшақ алаңы бар футбол алаңына тең. Оның екі үлкен қайығы мен суасты қайығы да бар.
Яхта бастапқыда Сечиннің әйелінің құрметіне “Ольга ханшайым” деп аталды. 2017 жылы ол әйелімен ажырасқаннан кейін яхтаның аты “Аморе Веро” деп өзгертілді. Игорь Сечиннің өзі яхтаның өзіне тиесілі емес екенін айтқанымен, батыстық ақпарат құралдары яхтаның оған тиесілі екенін айғақтайтын дәлелдер бар екенін алға тартады.
<a href="https://massaget.kz/layfstayl/tehno/67538/">Massaget.kz</a>

ТОП-10 яхта: Оларға кімдер иелік етеді?

<a href="https://kyzylorda-news.kz/">Kyzylorda-news.kz.</a> Қазақстан мен Түркия арасында әуе жолдарының географиясы кеңейтіліп, тұрақты рейстердің саны артуы мүмкін. Бүгін премьер-министр Әлихан Смайылов пен Түркия вице-президенті Фуат Октайдың төрағалығымен сауда-экономикалық ынтымақтастық жөніндегі Қазақстан-Түркия үкіметаралық комиссиясының XII-ші отырысы өтті.
Бауырлас екі елдің өкілдері көлік транзиті, өнеркәсіп, туризм, геология, денсаулық сақтау және агроөнеркәсіптік кешен салаларындағы байланысты талқылады. Вице-президент Фуат Октай Түркия Қазақстанмен барлық бағыт бойынша екіжақты ынтымақтастықты әрі қарай нығайтуға дайын екенін жеткізді. Жалпы бүгінде түрік бизнесі Қазақстанда жалпы құны бес жарым миллиард долларды құрайтын инвестициялық жобаларды жүзеге асырып жатыр.
<a href="https://24.kz/kz/zha-aly-tar/sayasat/item/531556-aza-stan-men-t-rkiya-yntyma-ayasyn-ke-ejtedi">Хабар 24</a>

Қазақстан мен Түркия ынтымақ аясын кеңейтеді

<a href="https://kyzylorda-news.kz/">Kyzylorda-news.kz.</a>&nbsp;Бейжің–2022 қысқы паралимпиада ойындарында ел намысын қорғайтын параспортшылар жарыстарын 5 наурызда бастайды, деп хабарлайды <a href="https://lenta.inform.kz/kz/beyzhin-2022-kazakstandyk-paralimpiadashylar-zharysty-5-nauryzda-bastaydy_a3904927">ҚазАқпарат</a>.
Бейжіңде өтетін 2022 жылғы Қысқы паралимпиада ойындары ресми түрде 4 наурызда басталады. Аталған төртжылдық додада ел атынан Ербол Хамитов, Александр Герлиц, Денис Петренко, Юрий Березин және Сергей Усольцев спорттың екі түрінен сынға түседі.
Ел спортшылары алғашқы жарыстарын 5 наурыз күні бастайды. Нақтырақ айтсақ, 5 наурызда парабиатлоннан Сергей Усольцев пен Александр Герлиц бірінші болып жарыс алаңына шығады. Сонымен қатар, парашаңғы жарысынан Ербол Хамитов пен Денис Петренко жарыстарын жалғастырады.
Айта кетейік, Бейжің-2022 паралимпиадасында көк туды шаңғы спорты түрінен әлем кубогінің қола жүлдегері, халықаралық дәрежедегі спорт шебері Ербол Хамитов ұстап шығады.
Паралимпиада ойындары 4 наурызда басталып, 13 наурызда мәресіне жетеді.

Бейжің-2022: Қазақстандық паралимпиадашылар жарысты 5 наурызда бастайды

Kyzylorda-news.kz. Екі дүркін әлем чемпионы Назым Қызайбай Болгарияда өткен “Кубок Странджа-2022” халықаралық турнирінің жеңімпазы атанды, деп хабарлайды <a href="https://stan.kz/nazim-kizaybay-bokstan-shagin-alem-chempionatinda-kazak-360847/">Stan.kz</a>.
26 ақпан күні Назым Қызайбай 50 келіге дейінгі салмақ дәрежесінде алжирлік Роумаиса Боуалемге қарсы шықты. Қазақстандық спортшы үш раундтың қорытындысы бойынша төрешілердің бірауыздан қабылдаған шешімімен жеңіске жетіп, үшінші раундта қарсыласын нокдаунға түсірді.
Кіші әлем чемпионаты атанған бұл додада Қызайбайдың алтыны Қазақстан үшін бірінші жүлде болды. Бұл турнирде Қазақстан құрамасы үш күміс медаль жеңіп алды, олардың иегерлері Дина Жоламан (54 келіге дейінгі салмақ дәрежесі), Ләззат Күнгейбаева (81 келіден жоғары) және Дамир Әбдіқадір (51 келіге дейін).
Бүгін қазақстандықтар “Странджа кубогі-2022” турнирінің тағы бірнеше финалдық ойынына қатысады.

Назым Қызайбай бокстан кіші әлем чемпионатында Қазақстанға алғашқы алтынды әкелді

<a href="https://kyzylorda-news.kz/">Kyzylorda-news.kz.</a> Қызылорда облысында былтыр 2 мыңға жуық медицина қызметкері қайта даярлау курсынан өтті. Сондай-ақ, 20-дан астам ақ халатты дәрігер Түркия және Біріккен Араб Әмірліктерінде медицина саласының озық үлгідегі жұмысымен танысып, тәжірибе алмасты. Бұл жөнінде Өңірлік коммуникациялар қызметінде өткен брифингте облыстық денсаулық сақтау басқармасы басшысының орынбасары Жангелді Шаймбетов мәлімдеді.
<blockquote>
 «Делегация «алғашқы медициналық-санитарлық және стационарлық көмек: тәжірибемен инновациялар – БАӘ тәжірибесі» атты тақырыпта халықаралық біліктілікті арттыру курсында болды. Біріккен Араб Әмірлігі әлем бойынша ең үздік медицина саласы дамыған елдердің алғашқысына енеді. Тәжірибе алмасу барысында батыстық медицинаның артықшылықтарымен танысуға мүмкіндік береді. Сонымен қатар, медициналық мекемелерді таңдау JCI халықаралық аккредиттеу стандарттарына негізделген. JCI сертификаты әлемдік медициналық қоғамдастықта «Алтын сапа» стандарты ретінде танылған», – деді Жангелді Шаймбетов.
</blockquote>
Өңірімізден тәжірибе алмасуға мүмкіндік алған дәрігер мамандар елімізде медицина саласын дамытуға өз үлестерін қоспақшы. Айтуларынша, жыл сайын шет мемлекеттердің мамандарымен бірлесе жұмыс істеудің тиімділігі зор екендігін айтады.
<blockquote>
 «Соңғы жылдары елімізде медицина саласына көңіл бөлініп, заманауи құрал-жабдықтар қамтамасыз етілуде. № 3 қалалық емхана денсаулық сақтау жүйесінде жоғары көрсеткіштер көрсетіп келеді. Қазіргі таңда емхана заманауи құралдармен толығып келеді», – деді № 3 қалалық емхананың бас дәрігері Гүлістан Мақсұтова.
</blockquote>
<img src="https://kyzylorda-news.kz/wp-content/uploads/2022/02/274735041_1479454582450049_7328276751541425870_n.jpg" alt="" />
<blockquote>
 «Біріккен Араб Әмірлігінің денсаулық сақтау жүйесіндегі артықшылығы – барлық адамдар сақтандыру жүйесіне енгізілген. Бұл жүйе арқылы кез келген медициналық ұйымда емделуге мүмкіндік қарастырылған. Коронавирус індетімен күресуде бұл ел жаппай вакцинациялау жұмысын қолға алған. Тиісінше, ел халқының 100 пайызы екпе қабылдаған», – деді Шиелі аудандық ауруханасының бас дәрігері Нұрлан Әмір.
</blockquote>

Қызылордалық дәрігерлер БАӘ мен Түркия елінде тәжірибе алмасты

<a href="https://kyzylorda-news.kz/">Kyzylorda-news.kz.</a> Таиланд астанасының ресми атауы енді Бангкок болмайды. Бұл туралы Корольдік қоғамның кеңсесі (ORST) жариялады және министрлер кабинеті мақұлдады, деп хабарлайды <a href="https://kaz.tengritravel.kz/around-the-world/bangkok-end-jok-tailand-astanasyinyin-atauyi-ozgerd-334137/">Kaz.tengritravel.kz</a>.
Оның орнына қалаға тарихи атау – Крунг Тхеп Маха Нахон қайтарылады. Алайда, жаңа ресми атау барлық заң жобасын тексеруге жауапты комитет тексергеннен кейін қабылданады.
Жаңашылдық көпшіліктің көңілінен шықпағаннан кейін ведомство Facebook-тегі парақшасында құжаттардағы Бангкоктың ескі атауын ресми атаудан кейін жақшада қолдануға болатынын хабарлады.
Айта кетейік, Бангкок атауы 2001 жылдың қарашасынан бастап сол бөлімнің бұйрығымен қолданылып келеді.

Бангкок емес: Таиланд астанасының атауы өзгерді

<a href="https://kyzylorda-news.kz/">Kyzylorda-news.kz.</a> Бейжің Қысқы Олимпиадасында кей спорт түрлері бойынша&nbsp;сайыстар аяқталды. Қыстың бас додасында&nbsp;отандастарымыз әзірге жүлдегер атана алмады. Сайыстан кейін спортшылар алған әсері мен көрсеткен нәтижесі туралы пікір білдірді. Мысалы, фристайл-акробатшы Ақмаржан Қалмұрзаева шамадан тыс артық тырысқанын айтты, деп хабарлайды&nbsp;<a href="https://stan.kz/">Stan.kz</a>.
<blockquote>
 «Біз бар күшімізді салдық, нәтиже көрсету үшін тырыстық, бірақ кейін шамадан тыс күш салғанымызды білдік. Себебі жылдамдығымыз қажетті нормадан асып кеткен. Екінші талпыныста күшімізді жинай алдық. Дегенмен бұл да оңайға соққан жоқ», – деді фристайл-акробатшы Ақмаржан Қалмұрзаева.&nbsp;
</blockquote>
Медаль үшін сайысқа түскен шаңғышылар Надежда Степашкина мен Ксения Шальгина командалық спринтте 10-шы болып мәреге жетіп, келесі айналымға өте алмады. Ал шорт-трекші Ольга Тихонова жартылай финалға да жолдама ала алмады. 1 500 метр қашықтықта жарысқан ол төртінші орын алған, алайда ереже бұзғандықтан төрешілер спортшыны жарыстан шеттетті.&nbsp;
Ұлттық Олимпиада комитетіндегілер жеңіліске қарамастан ұлттық команданың жақсы нәтиже көрсеткенін айтады. 2018 жылы өткен Олимпиадамен салыстырсақ, ілгерлеуді байқауға болады дейді.&nbsp;
Ал жаттықтырушылар ұлттық командамыздың келешегі жарқын екенін мәлімдеді. Сонымен қатар нәтижені жақсарту үшін аймақтарда қысқы спорт нысандарын ашып, бәсекені күшейту керек дейді.&nbsp;
<blockquote>
 «Қысқы спорт түрлерінің келешегі бар. Бірақ солтүстік облыстарда жақсы мүмкіндік болғанымен, қысқы спорт дамымай келеді. Спортшыларымыздың артында үздік болғысы келетін жастар тұруы керек. Бәсеке болмаса, нәтиже де болмайды», –&nbsp;деді Ұлттық Олимпиада комитеті спорт дирекциясының директоры Елсияр Қанағатов.
</blockquote>

Қазақстандық олимпиадашылар қыстың бас додасында неліктен жүлде ала алмағандарын түсіндірді

<a href="https://kyzylorda-news.kz/">Kyzylorda-news.kz.</a> Польшада омикрон штамының жаңа екі түрі анықталды. Бұл туралы денсаулық сақтау министрінің орынбасары хабарлады. Оның айтуынша, әзірге вирустың жаңа түрлері қаншалықты қауіпті екені және адамға қалай әсер ететіні белгісіз.
Айта кетейік, бүгінде Польшадағы ковид жұқтыру деректерінің 96 проценті омикронмен байланысты. Осы уақытқа дейін елде 5 жарым миллиондай азамат қауіпті инфекцияға шалдыққан. 104 мың кісі бақилық болған.
<a href="https://24.kz/kz/zha-aly-tar/lemde/item/527874-omikronny-zha-a-t-rleri-any-taldy">Хабар 24</a>

Қазақстан және Қызылорда облысының жаңалықтары: Әлем