<a href="https://kyzylorda-news.kz/">Kyzylorda-news.kz</a> Шиелі ауданының әкімдігінде аудан әкімі Айтбай Жандарбековтың төрағалығымен мәжіліс отырысы өтті.Мәжіліске аудандық мәслихат төрағасы, аудан әкімінің орынбасарлары, дербес бөлім басшылары, сондай-ақ кент және ауылдық округ әкімдері қатысты. Мәжіліс барысында «2027–2029 жылдарға арналған әлеуметтік-экономикалық даму болжамы мен «2026–2028 жылдарға арналған республикалық бюджет туралы» заңының жобасы және «Алдағы жылыту маусымына дайындық барысы» мәселесі жан-жақты талқыланды.<blockquote>«2027–2029 жылдарға арналған әлеуметтік-экономикалық даму болжамы мен республикалық бюджет туралы заң жобасы – ауданның алдағы орта мерзімді кезеңдегі даму бағыттарын айқындайтын маңызды құжат. Осыған байланысты барлық бюджеттік өтінімдер мен жоспарланған жобалар нақты есеп-қисапқа, әлеуметтік-экономикалық тиімділікке және аудан тұрғындарының өзекті қажеттіліктеріне негізделуі тиіс» және Алдағы жылыту маусымына дайындық барысы бойынша қазандықтар мен жылу желілерінің техникалық дайындығына ерекше назар аудару қажет. Барлық жылу беру нысандары толық тексеріліп, анықталған ақаулар уақытылы жойылуы тиіс. Жөндеу жұмыстарының сапасына да, олардың белгіленген мерзімде аяқталуына да жауапты басшылар тікелей бақылау жасауы керек»- деді аудан әкімі Айтбай Жандарбеков.</blockquote>Сонымен қатар, мәжілісте «Мерзімді әскери қызметке шақыру жұмыстарының барысы туралы» және «Кент және ауылдық округтердің бас жоспарларына түзету енгізу жұмыстарының барысы туралы» бойынша қосымша мәселелер қаралып, жауапты сала басшыларына нақты тапсырмалар жүктеп, белгіленген міндеттердің сапалы әрі уақытылы орындалуын қатаң бақылауда ұстауды тапсырды.

Мәжіліс отырысында күн тәртібіндегі бірқатар мәселелер қаралды

Жалағаш ауданының әкімі Ардақ Ибраимовтың төрағалығымен актив отырысы өтті. Жиында аудан әкімі аппаратының басшысы, Әдеп жөніндегі уәкіл Жасұлан Дүйсекеевті Қазақстан Республикасы Президентінің жанындағы Мемлекеттік басқару академиясына оқуға түсуімен құттықтап, құрметпен шығарып салды.Аудан әкімі Ардақ Ибраимов Жасұлан Дүйсекеевтің мемлекеттік қызметтегі еңбегіне тоқталып, алдағы оқуына сәттілік тіледі.«Сізді Мемлекеттік басқару академиясына оқуға түсуіңізбен шын жүректен құттықтаймын! Сіз ауданның әлеуметтік-экономикалық дамуына, инвестициялық жобалардың жүзеге асуына, тұрғындардың әл-ауқатын арттыруға және мемлекеттік бағдарламалардың тиімді іске асуына елеулі үлес қостыңыз. Аудан әкімі аппаратының жұмысын тиімді үйлестіріп, жергілікті атқарушы органдардың өзара үйлесімді жұмыс істеуін қамтамасыз еттіңіз. Жасұлан Талғатұлы, ауданда атқарған жемісті еңбегіңіз үшін шынайы алғысымды білдіремін. Академия қабырғасында алған біліміңіз бен тәжірибеңізді алдағы уақытта ел игілігіне жұмсайды деп сенемін. Оқуыңызға сәттілік тілеймін!» – деді А.Ибраимов.Жиында аудан әкімі Жасұлан Дүйсекеевке ауданның ең жоғары марапаты «Жалағаш ауданының Құрмет грамотасын» табыстады.Жасұлан Дүйсекеев еңбек жолында әр өңірде және облыс әкімі аппаратында жауапты қызметтер атқарған. 2024 жылдан бері аудан әкімі аппаратының басшысы, Әдеп жөніндегі уәкіл қызметтерін абыроймен атқарып келеді.Актив отырысында аудан әкімі аппаратының басшысына әріптестері де ізгі тілектерін білдіріп, жаңа белесіне сәттілік тіледі.

Архив

Мәжіліс отырысында күн тәртібіндегі бірқатар мәселелер қаралды

Жалағаш ауданында актив отырысы өтті