<a href="https://kyzylorda-news.kz/">Kyzylorda-news.kz</a> Еңбек қатынастары қоғамның әлеуметтік және экономикалық дамуының негізгі тіректерінің бірі. Әсіресе жаһандану жағдайында еңбек нарығы күрделеніп, жұмыс беруші мен жұмысшы арасындағы қарым-қатынастар жаңа мазмұнға ие болуда. Осы тұрғыда жұмысшы құқықтарын қорғаудың халықаралық стандарттарын сақтай отырып, оларды ұлттық деңгейде тиімді іске асырудың маңызы ерекше.&nbsp;Қазақстан Республикасы Конституциясының 24 бабына сәйкес әркімнің қауіпсіздік пен тазалық талаптарына сай еңбек ету жағдайына, еңбегі үшін нендей бір кемсітусіз сыйақы алуына құқығы бар.&nbsp;Еліміз 1993 жылдан бері Халықаралық еңбек ұйымының мүшесі болып табылады. Халықаралық еңбек ұйымы 28 сәуірді барлық әлем мемлекеттері атап өтетін Дүниежүзілік еңбекті қорғау күні деп жариялады.&nbsp;Бұл жұмыста қаза тапқан немесе жарақат алған жұмысшыларды еске алудың халықаралық күні.Дүниежүзілік еңбекті қорғау күнінің ұраны: "Қауіпсіз және салауатты жұмыс ортасы – еңбек саласындағы негізгі қағидат және құқық.&nbsp;Дүниежүзілік еңбекті қорғау күні әлемде жыл сайын 2003 жылдан бері атап өтіледі.Қазақстанда Дүниежүзілік еңбекті қорғау күні 2005 жылдан бері да атап өтіледі. Бұл науқан жұмыс берушілерді, жұмысшыларды, қоғамды еңбекті қорғаудың шешілмеген мәселелеріне бағытталған, сондай-ақ сол мәселелерді шешуге мүмкіндік беру мақсатында өткізіледі.Халықаралық еңбекті қорғау күні - апатты, жарақаттануды және жұмыс орындарда сырқаттануды болдырмау үшін барлығын істеуге дайын, өндірісте қаза болғандарды еске алу. Біздің әрбіріміз жұмыс беруші де жұмысшылар да еңбекті қорғау мәдениетінің әлсіз болуы, барлық өндіріс қызметіне кері әсерін тигізу мүмкіндігін сезіну қажет.Еңбек қауіпсіздігі мен қорғау - мемлекет, жұмыс берушілер, жұмысшылар бірлестігі тарапынан тұрақты назарын талап ететін маңызды әлеуметтік-еңбек мәселесі болған және болып та қала береді.Еңбекті қорғаудың жұмыс істеуінің мақсаты - жұмысшылардың денсаулығы мен өмірін сақтап қалу болып табылады. Адам ол ең бағалы ресурс, сондықтан адам өмірін сақтап қалу және қамқорлық таныту жұмыс берушілердің басты міндеті болып табылады. Еңбекті қорғаудың жоғары деңгейі - адамдардың денсаулығы мен өмірінің сенімді кепілі.Жақында, 7 сәуірде Қазақстан Республикасының Еңбек кодексі жұмыскердің өмірі мен денсаулығын қорғау, сондай-ақ оның отбасының құқықтарын қамтамасыз ету бойынша заң нормаларымен толықтырылды.Заң өзгерістері 2026 жылдың 8 маусымында күшіне енеді.Заң өзгерістеріне сәйкес жазатайым оқиғаны тергеп тексеруге комиссия жұмысына жұмыскердің ерік білдіруі бойынша, ал ол қайтыс болған жағдайда жұбайының (зайыбының) немесе жақын туыстарының еркі бойынша адвокат немесе заң консультанты қатыса алады.Сонымен қатар, комиссияның жұмысына жұмыс берушімен немесе зардап шеккен адаммен тиісті шарттық қатынастары бар сақтандыру ұйымының өкілі де қатыса алады.Заң өзгерістеріндегі басты жаңалықтың бірі және бірегейі, ол жазатайым оқиға үшін кінәлілік дәрежесі бойынша айқындалады.Заң нормасына сәйкес, егер өндірістегі жазатайым оқиға кезінде жұмыскердің өрескел абайсыздығы анықталса, комиссия оның кінәсінің дәрежесін пайызбен, бірақ 25% - дан аспайтын мөлшерде айқындайды. Бұрын заңнама максималды пайызды шектемеді, бұл тиісті төлемдерді төмендетуге мүмкіндік беретін. Жұмыскер кінәсін 25 пайызбен шектеу - зардап шеккен адамды қорғайды, тіпті оның кінәсі болса да, жұмыс беруші залалдың кем дегенде 75% -н &nbsp;жабады.Берікбол Байхожаев,Қазақстан Республикасындағы&nbsp;Адам құқықтары жөніндегі уәкілдің&nbsp;Қызылорда облысы бойынша өкіліФото: baq.kz

Жұмысшылардың құқықтарымен еңбекті қорғау маңызды

<a href="https://kyzylorda-news.kz/">Kyzylorda-news.kz</a> Бүгін Шиелі ауданы әкімдігінің мәжіліс залында аудан әкімі Айтбай Жандарбековтың төрағалығымен мәжіліс отырысы өтті.Мәжіліске аудандық мәслихат төрағасы, аудан әкімінің орынбасарлары, дербес бөлім басшылары, сондай-ақ кент және ауылдық округ әкімдері қатысты. Мәжіліс барысында ауданның Экономика салаларында жасанды интеллектіні енгізу мәселесі жан-жақты талқыланды.<blockquote>«Экономика салаларына жасанды интеллектіні енгізу - мемлекеттік саясаттың басым бағыттарының бірі болып табылады. Қазіргі кезеңде цифрлық технологияларды, оның ішінде жасанды интеллектіні тиімді пайдалану елдің әлеуметтік-экономикалық дамуының негізгі қозғаушы күшіне айналып отыр. Жасанды интеллект - тек технология ғана емес, ол экономиканың тиімділігін арттыратын, еңбек өнімділігін көбейтетін және жаңа мүмкіндіктер ашатын негізгі құралдардың бірі. Біздің аудан үшін бұл бағыттың маңызы ерекше. Себебі Шиелі ауданы - ауыл шаруашылығы мен шағын кәсіпкерлікке негізделген өңір. Сондықтан біз жасанды интеллектіні енгізу арқылы ауыл шаруашылығында өнімділікті арттыруға, су ресурстарын тиімді пайдалануға, кәсіпкерлікті жаңа деңгейге көтеруге, мемлекеттік қызметтердің сапасын жақсартуға мүмкіндік аламыз. Біздің басты мақсатымыз - заманауи технологияларды тиімді пайдалана отырып, аудан экономикасының тұрақты дамуын қамтамасыз ету.» – деді аудан әкімі Айтбай Жандарбеков.</blockquote>Сонымен қатар, мәжілісте өнеркәсіп және өңдеу өнеркәсібі көрсеткіштерінің орындалуы, бюджет қаражатының мақсатты әрі тиімді жұмсалуы, жол бойындағы нысандар мен жол белгілерінің жай-күйін бақылау, күнделікті тазалық жұмыстары бойынша қосымша мәселелер қаралып, жауапты сала басшыларына нақты тапсырмалар жүктеп, белгіленген міндеттердің сапалы әрі уақытылы орындалуын қатаң бақылауда ұстауды тапсырды.

Шиелі: Экономика саласына жасанды интеллектіні енгізу мәселесін талқылады

<a href="https://kyzylorda-news.kz/">Kyzylorda-news.kz</a> Бүгін Шиелі ауданының әкімі Айтбай Жандарбеков аудан әкімдігінің мәжіліс залында 1 мамыр – Қазақстан халқының бірлігі күні мерекесіне орай мерейлі жасқа толған ел ағалары мен ардақты аналарға құрмет көрсетті. Ауданымыздың өсіп-өркендеуіне өлшеусіз үлес қосқан бірқатар азаматтарға ауданның ең жоғары марапаты – Шиелі ауданының «Құрмет» грамотасы табысталды.Атап айтқанда, денсаулық сақтау саласының ардагері, 85 жасқа толған Кентай Мадиевке, білім саласының ардагерлері – 85 жастағы Күлпаш Нұрмағамбетова мен 80 жасқа толған Ералы Ағыбайұлына, сондай-ақ 75 жастағы Ұлтай Әуелбекқызы мен мәдениет саласының ардагері, 70 жасқа толған Қанатова Бағлан Ұзаққызына ауданның жоғары марапаты табысталып, құрмет көрсетілді.Ералы Ағыбайұлы – өмірін білім саласына арнаған тәжірибелі педагог. Ұрпақ тәрбиесінде өзіндік қолтаңбасын қалдырып, шәкірттерінің жүрегінен орын алған қадірлі ұстаздардың бірі.Кентай Мадиев – саналы ғұмырын денсаулық сақтау саласына арнаған білікті маман. Ол ұзақ жылдар бойы халық денсаулығын сақтауға үлес қосып, өз ісіне адалдығы мен кәсібилігінің арқасында ел құрметіне бөленген ардагер.Күлпаш Нұрмағамбетова – білім беру саласында еселі еңбек еткен ұстаз. Ұзақ жылдар бойы шәкірт тәрбиелеп, олардың білімді де білікті азамат болып қалыптасуына сүбелі үлес қосқан ұлағатты жан.Ұлтай Әуелбекқызы – білім саласының ардагері, талай жылдар бойы жас ұрпаққа сапалы білім мен саналы тәрбие беріп, ел болашағын қалыптастыруға зор үлес қосқан ұстаз.Бағлан Ұзаққызы – мәдениет саласының ардагері. Ол ауданның рухани өмірінің дамуына белсене араласып, ұлттық құндылықтарды насихаттауға, мәдениет пен өнердің өркендеуіне елеулі еңбек сіңірген жан.Алқалы жиын барысында аудан әкімі мерейтой иелерін шын жүректен құттықтап, олардың ел дамуына қосқан елеулі еңбектері мен өнегелі өмір жолдары кейінгі ұрпаққа үлгі екенін атап өтті. Сондай-ақ, мерейтой иелеріне қазақы дәстүрге сай құрмет көрсетіліп, ізгі тілектер айтылды.

Мерейлі жастағы ардақты азаматтарға құрмет көрсетілді

<a href="https://kyzylorda-news.kz/">Kyzylorda-news.kz</a> Бүгін Қазалы ауданы әкімдігінің мәжіліс залында аудандық мәслихаттың кезектен тыс 55 сессиясы өтті. Сессияға аудан әкімі Алмасбек Есмаханов, қала, кент және ауылдық округ әкімдері мен дербес бөлімдер басшылары қатысты. Сессияға аудандық мәслихаттың төрағасы Ғазиз Әліш төрағалық етті.&nbsp;Сессияның күн тәртібінде «Қазалы ауданының әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» Қазалы аудандық мәслихатының 2023 жылғы 24 қазандағы №91 шешіміне өзгеріс енгізу туралы, Қазалы ауданының әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның құрамын бекіту туралы және Қазалы ауданының әкімдігі жанындағы құқық бұзушылық профилактикасы жөніндегі ведомствоаралық комиссияның құрамын бекіту сынды 3 мәселе қаралды.Күн тәртібіндегі мәселелерге байланысты аудан әкімінің орынбасары Дәурен Тлеумбетов және аудандық жұмыспен қамту және әлеуметтік бағдарламалар бөлімінің басшысы Совет Бабанаев хабарлама жасап, депутаттардың дауысқа салу қортындысымен тиісті шешімдер қабылданды.Сессияда Қазалы ауданының әкімі Алмасбек Әбілқасымұлы Есмаханов сөз сөйлеп, сессияның күн тәртібіне ұсынылған мәселелердің маңыздылығына тоқталып өтті. Аудандық мәслихат депутаттарына облыс әкімі Нұрлыбек Нәлібаевтың қолдауымен ауданымызда жүргізіліп жатырған құрылыс нысандары, жол жөндеу және басқа да инженерлік-инфрақұрылымды дамыту жұмыстарының сапасына бақылау жүргізу, «Таза Қазақстан» республикалық экологиялық тазалық акциясы аясындағы жұмыстарға бірлесе атсалысуға шақырды.<img src="https://knadmin.beoblood.kz/uploads/azaly_sessiya_otyrysy_2_0d85b706ca.jpg" alt="Қазалы сессия отырысы 2.jpg">

Сессияда күн тәртібіндегі негізгі мәселелер қаралды

<a href="https://kyzylorda-news.kz/">Kyzylorda-news.kz</a> Бүгін Сырдрия ауданының әкімі Берік Сәрменбаевтың қатысуымен аудандық мәслихаттың кезекті 49-сессиясы өтті. Сессия жұмысына аудандық мәслихат депутаттары, аудан әкімінің орынбасарлары, кент және ауылдық округ әкімдері, сондай-ақ бөлім басшылары қатысты.Сессияның күн тәртібінде бірқатар маңызды мәселелер қаралды. Атап айтқанда, 2025 жылға арналған аудандық бюджеттің атқарылуы туралы есеп тыңдалды. Бұл бойынша «Сырдария аудандық экономика және қаржы бөлімі» коммуналдық мемлекеттік мекемесінің басшысы Е. Ахетов баяндама жасап, бюджет кірістері мен шығыстарының орындалуы, қаржының игерілу барысы және негізгі көрсеткіштер бойынша атқарылған жұмыстар жөнінде ақпарат берді.Сонымен қатар, аудан аумағында ауыл шаруашылығы жануарлары арасында жұқпалы аурулардың таралуына жол бермеу мақсатында ветеринариялық-санитариялық қауіпсіздікті қамтамасыз ету жағдайы және оны жақсарту шаралары туралы мәселе қаралып, Н. Дәулетбаевтың баяндамасы тыңдалды. Аудан бойынша атқарылып жатқан профилактикалық шаралар, вакцинация жұмыстары және бақылау іс-шаралары жөнінде хабарлады.Күн тәртібіндегі үшінші мәселе – «Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» Сырдария аудандық мәслихатының 2023 жылғы 4 қыркүйектегі №54 шешіміне өзгерістер енгізу туралы болды. Бұл бағыттағы жұмыстар жөнінде «Сырдария аудандық жұмыспен қамту және әлеуметтік бағдарламалар бөлімі» коммуналдық мемлекеттік мекемесінің сектор меңгерушісі А.Мұқан баяндады.Сондай-ақ Сырдария аудандық мәслихатының 2026 жылдың II жартыжылдығына арналған жұмыс жоспары талқыланып, аудандық мәслихат аппаратының басшысы Г. Божан жоспардағы негізгі бағыттар мен басымдықтарды таныстырды.Бұдан бөлек, аудан әкімдігі жанынан кәмелетке толмағандардың істері және олардың құқықтарын қорғау жөніндегі комиссияны құру мәселесі жөнінде аудан әкімінің орынбасары Д.Байдушев хабарлама жасады.Сессияда Қызылорда облысы бойынша тексеру комиссиясының 2025 жылға арналған аудандық бюджеттің атқарылуы туралы есебін облыстық тексеру комиссиясының мүшесі С. Қармыс таныстырды.Бірлескен отырыста тиісті баяндамалар тыңдалып, депутаттар тарапынан ұсыныстар мен пікірлер айтылды. Күн тәртібіндегі барлық мәселелер бойынша тиісті шешімдер қабылданды.<img src="https://knadmin.beoblood.kz/uploads/Syrdariya_sessiya_otyrysy_2_eca9a794fc.jpg" alt="Сырдария сессия отырысы 2.jpg">

Сырдария аудандық мәслихатының кезекті сессия отырысы өтті

​<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев «KEGOC» АҚ Басқарма төрағасы Нәби Айтжановпен кездесті. Кездесуде өңірдің энергетикалық инфрақұрылымын дамытуға бағытталған инвестициялық жобалар талқыланды.<blockquote>​«Мемлекет басшысының қолдауымен Қызылорда қаласында 240 мегаватт электр энергиясын өндіретін станция іске қосылды. Оның 176 мегаватт электр энергиясын өндіру қуаты пайдалануға берілді. Сонымен қатар, «Самұрық-Қазына» АҚ алдын ала құны шамамен 2 млрд АҚШ долларына бағаланған, қуаттылығы 1100 мегаватт жаңа бу-газ қондырғылары мен 500 киловольттық электр желілерінің құрылысын жоспарлауда. ​Өңірді электрмен жабдықтауда сенімділік пен тұрақтылық болу үшін «KEGOC» АҚ тарапынан бірқатар іс-шараны жүзеге асыру қажеттігі туындады. Атап айтқанда, «Қызылорда» қосалқы станциясындағы қуаты 40 МВА екі, «Жалағаш» қосалқы станциясындағы қуаты 20 МВА екі күштік трансформаторды алмастыру қажет. Өңірге электр энергиясы негізінен солтүстіктен ескірген бірінші және екінші басты төмендеткіш қосалқы станциялар арқылы жеткізілетінін ескеріп, «Байқоңыр» қосалқы станциясының құрылысын бастау қажет. Осы аталған жобаларды «KEGOC» АҚ-ның инвестициялық бағдарламасына енгізуді ұсынамын», – деді Нұрлыбек Нәлібаев.</blockquote>Айта кетейік, соңғы жылдары қала аумағының кеңеюіне және жаңа нысандардың пайдалануға берілуіне байланысты электр энергиясын тұтыну шамамен 28 пайызға артқан.Қазіргі уақытта аймақта 10 мың шақырымнан асатын электр желілері мен 2 мыңнан астам қосалқы станция бар, осы инфрақұрылым нысандарының тозу деңгейі 60,8 пайыз.

Аймақ басшысы «KEGOC» АҚ басқарма төрағасымен кездесті

<a href="https://kyzylorda-news.kz/">Kyzylorda-news.kz</a> Үкімет отырысынан кейін облыс әкімінің төрағалығымен өткен «Экономика салаларына жасанды интеллектті енгізу жұмыстары туралы» жиыннан соң, аудан әкімі Мажит Самитовтың төрағалығымен мәжіліс отырысы &nbsp;өтті.Күн тәртібіндегі негізгі мәселе бойынша аудан басшысы экономиканың барлық салаларына заманауи цифрлық технологияларды, соның ішінде жасанды интеллект мүмкіндіктерін кеңінен енгізудің маңыздылығына тоқталды. Осы бағытта барлық мемлекеттік қызметшілерді 100% жасанды интеллект құралдарын тиімді пайдалану дағдыларына оқыту, жедел басқару орталығының үздіксіз әрі тиімді жұмысын қамтамасыз ету міндеттелді.Сонымен қатар, әлеуметтік желілерде цифрлық технологиялар мен жасанды интеллекттің мүмкіндіктерін пайдалана отырып, интернет алаяқтыққа қарсы іс-қимылды күшейту, киберқауіпсіздік деңгейін арттыру жөнінде нақты тапсырмалар берілді.Күн тәртібінен тыс 2025 жылдың бірінші және екінші жартыжылдығында кент және ауылдық округ тұрғындарымен өткізілген кездесулер барысында көтерілген мәселелердің орындалу барысы қаралды. Аудан әкімі өткен жылғы кездесулерде тұрғындар тарапынан көтерілген 2 мәселенің тиісті деңгейде орындалмағанын сынға алып жедел орындалуын тапсырды.Жиын қорытындысы бойынша аталған бағыттарда жұмысты жандандыру үшін жауапты сала басшыларына нақты тапсырмалар жүктеліп, олардың орындалуы қатаң бақылауда болатыны ескертілді. "Таза Қазақстан" тұжырымдамасы &nbsp;аясында көрекейту- көгалдандыру жұмыстарын тұрақты түрде жалғастыру керектігін тапсырды.<img src="https://knadmin.beoblood.kz/uploads/Zha_a_or_an_czifrlandyru_2_58c5e3f832.jpg" alt="Жаңақорған цифрландыру 2.jpg">

Жаңақорған: Экономика саласын цифрландыру мәселесі қаралды

<a href="https://kyzylorda-news.kz/">Kyzylorda-news.kz</a> Елімізде Мемлекет басшысының бастамасымен жүзеге асқан «Таза Қазақстан» акциясы аясында елді мекендердің санитарлық тазалығын сақтау жұмыстары жүйелі жүргізілуде. Осы бастама аясында Қармақшы ауданында әр апта сайын сенбіліктер ұйымдастырылып, тазалық шаралары күнделікті жалғасын табуда. Бұл жұмыстарға мемлекеттік мекемелермен қатар тұрғындар да белсенді атсалысып, туған жердің тазалығына ортақ жауапкершілікпен қарап келеді.Бүгінде көктем мезгілінің келуімен бұл бағыттағы қызметтің маңызы артып, мекемелердің сыртқы келбеті мен аумақтарының тазалығы тұрақты бақылауға алынған. Осыған орай&nbsp;Қармақшы ауданы әкімі Жандос Еркінбек және аудандық мәслихат төрағасы Әділ Қошалақов Жосалы кентіндегі бірқатар әлеуметтік нысандарды аралап, санитарлық тазалық жұмыстарын бақылады.Аралау барысында Д.Мырзағалиева және Меңей Батыр көшелеріндегі су ұңғымаларының жағдайы қаралып, олардың айналасының тазалығы мен техникалық жай-күйіне назар аударылды.Сонымен қатар аудандық ветеринарлық станция, Қармақшы орман шаруашылығы және жануарлар дүниесін қорғау жөніндегі мекемесі, аудандық статистика бөлімі, пошта байланыс торабы, «Qazaq Gaz Aimaq» газ шаруашылығы мекемесі, «Сыр суы» филиалының өндірістік бөлімшелері мен «Азаматтарға арналған үкімет» мемлекеттік корпорациясының аудандық бөлімінде де тазалық пен абаттандыру жұмыстары бақылауға алынды.Жандос Еркінбек әрбір мекеме аумақтарын таза ұстау, абаттандыру жұмыстарын жүйелі жүргізу бойынша тапсырмалар беріп, бұл бағыттағы жұмыстардың тұрақты жалғасатынын ескертті.Фото: Қармақшы ауданы әкімінің баспасөз қызметі

Санитарлық тазалық жұмыстары жауапты бақылауда

<a href="https://kyzylorda-news.kz/">Kyzylorda-news.kz</a> Қызылорда қаласында әскери жүргізушілерді даярлау жоспарына сәйкес ұйымдастырылған 150 шақырымдық марш шеруі кәсіби дайындықты шыңдаумен қатар, жастарға патриоттық тәрбие берудің тиімді үлгісіне айналды. Әскери бөлім мен білім беру мекемесінің бірлескен іс-шарасы қоғам мен әскер байланысының нақты көрінісін көрсетті.Қазіргі таңда Қарулы Күштер мен құқық қорғау құрылымдарының алдында тұрған басты міндеттердің бірі – жоғары дайындықтағы, кәсіби білікті мамандар даярлау. Әсіресе әскери жүргізушілердің жауапкершілігі ерекше. Олар тек техниканы меңгеріп қана қоймай, кез келген жағдайда жедел әрі дұрыс шешім қабылдай білуі тиіс. Осы мақсатта өткізілген 150 шақырымдық марш – кешенді дайындықтың маңызды кезеңдерінің бірі.Ауқымды іс-шара Қызылорда қаласындағы Әл-Фараби шағын ауданында орналасқан №295 мектеп-лицейінің оқушылары мен «Ұлттық ұланның 5547 әскери бөлімі» жеке құрамының бірлесуімен жүзеге асырылды. Мұндай форматтағы шаралар жастарды әскери ортаға жақындатып, олардың Отан алдындағы жауапкершілігін терең сезінуіне ықпал етеді.Марш шеруі – жай ғана қозғалыс емес, ол тәртіп пен төзімділіктің, кәсібилік пен үйлесімділіктің нақты сынағы. Ұзақ қашықтықты еңсеру барысында әскери жүргізушілер түрлі жол жағдайларына бейімделіп, техниканың мүмкіндіктерін толық пайдалануға машықтанды. Сонымен қатар, жол қозғалысы қауіпсіздігін сақтау, техникалық ақаулардың алдын алу және төтенше жағдайларда әрекет ету дағдылары тәжірибе жүзінде пысықталды.Іс-шара барысында бөлім командирінің техника және қару-жарақ жөніндегі орынбасары, майор Есімхан Тағабайұлы Шалабаев оқушыларға марштың мәні мен маңызын жан-жақты түсіндірді. Оның айтуынша, мұндай жаттығулар әскери жүргізушілердің кәсіби деңгейін арттырумен қатар, олардың психологиялық төзімділігін де қалыптастырады.<blockquote>– Әскери техника – жоғары дәлдікті, ерекше күтімді қажет ететін құрал. Оны тиімді пайдалану үшін жүргізуші тек техникалық білімге ғана емес, жоғары жауапкершілік пен тәртіпке ие болуы керек. Бүгінгі марш – сол қасиеттерді қалыптастыруға бағытталған маңызды дайындық кезеңі, – деді майор Есімхан Шалабаев.</blockquote>Сонымен қатар, тәрбие және идеологиялық жұмыстар бөлімшесінің бастығы, майор Захиддин Фурхатұлы Бабанов жастармен кездесіп, әскери қызметтің рухани-адамгершілік негіздері туралы мазмұнды әңгіме өрбітті. Ол қазіргі қоғамдағы патриотизм ұғымының мәніне тоқталып, ел қорғау – әр азаматтың қасиетті парызы екенін атап өтті.<blockquote>– Жастардың бойында патриоттық рух қалыптастыру – бүгінгі күннің басты міндеттерінің бірі. Әскери қызмет тек қару ұстау емес, ол – тәртіп, жауапкершілік, елге деген адалдық. Осындай іс-шаралар арқылы біз жас ұрпаққа дұрыс бағыт-бағдар береміз, – деді майор Захиддин Бабанов.</blockquote>Марш барысында мектеп оқушылары әскери техникалармен жақын танысып, олардың құрылымы мен қызметтік ерекшеліктері туралы нақты мәліметтер алды. Бұл өз кезегінде оқушылардың әскери мамандықтарға деген қызығушылығын арттырды. Көптеген жас қатысушылар әскери салаға бет бұруға ниетті екенін жасырмады.Мұндай бірлескен іс-шаралардың тағы бір маңызды қыры – азаматтық қоғам мен әскер арасындағы байланысты нығайту. Ашық форматта өткен кездесу жастардың әскери өмірге деген көзқарасын өзгертіп, олардың санасында әскери қызметтің беделін арттыра түсті.Жалпы, 150 шақырымдық марш шеруі бірнеше маңызды міндетті қатар қамтыды. Біріншіден, әскери жүргізушілердің кәсіби шеберлігі арттырылды. Екіншіден, әскери бөлімнің жауынгерлік дайындығы пысықталды. Үшіншіден, жастарға патриоттық тәрбие беру ісі жаңа деңгейде жүзеге асты.Бұл – тек бір күндік шара емес, болашаққа бағытталған маңызды қадам. Себебі ел қорғаны болар жастар дәл осындай тәжірибелер арқылы шыңдалады. Ал әскери бөлім мен білім беру мекемесінің өзара ынтымақтастығы – қоғам тұрақтылығы мен ел қауіпсіздігінің берік негізі.Қорытындылай келе, Қызылорда төрінде өткен бұл марш шеруі әскери дайындықтың ғана емес, ұлттық рух пен елжандылықтың айқын көрінісіне айналды. Мұндай игі бастамалар алдағы уақытта да жалғасын тауып, жас ұрпақты отансүйгіштікке тәрбиелеуде өз жемісін беретіні сөзсіз. &nbsp; &nbsp; &nbsp; &nbsp; &nbsp; &nbsp; &nbsp;&nbsp;&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; Маратова Фатима&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; Тәрбие және әлеуметтік-құқықтық жұмыстар &nbsp; &nbsp; &nbsp; &nbsp; &nbsp; &nbsp;&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;бөлімше бастығының аға көмекшісі&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; ( мемлекеттік тіл бойынша)&nbsp;

Маршпен шыңдалған жігер

<a href="https://kyzylorda-news.kz/">Kyzylorda-news.kz</a> &nbsp;Қазалы ауданы әкімі Алмасбек Есмахановтың төрағалығымен өткен актив жиында Қазалы аудандық полиция бөлімінің жаңа басшысы таныстырылды.Аудан басшысы Қызылорда облысы полиция департаменті бастығының орынбасары, полиция полковнигі Оралбек Омаровтың ауданға келудегі мақсаты – аудандық полиция бөліміндегі кадрлық өзгеріске байланысты екенін жеткізді.Жиында Оралбек Таубақабылұлы Қазалы ауданы полиция бөлімінің бастығы болып тағайындалған Ибраев Нұрлан Мерғалиұлын таныстырып, алдағы жұмыстарына сәттілік тіледі.<img src="https://knadmin.beoblood.kz/uploads/audandy_policziya_b_limini_basshysy_de4ab7a565.jpg" alt="аудандық полиция бөлімінің басшысы.jpg">Нұрлан Мерғалиұлы – 1971 жылы Қызылорда қаласында дүниеге келген. Ішкі істер органындағы алғашқы еңбек жолын Қызылорда қаласының Ішкі Істер басқармасының милиция бөлімшесінің қылмысты іздестіру тобының жедел уәкілі лауазымынан бастаған. Еңбек жолында Қызылорда облысының Ішкі істер департаментінде бірқатар жауапты басшылық қызметтер мен Жалағаш, Сырдария, Жаңақорған аудандарының полиция бөлімдерінің бастығы қызметтерін абыроймен атқарған.Аудан әкімі бұған дейін Қазалы аудандық полиция бөлімінің бастығы қызметін атқарып келген Асылбай Шудабайұлының аудандағы қоғамдық тәртіпті сақтау, құқық бұзушылықтың алдын алу, құқықтық тәртіпті нығайту бағытындағы еңбегіне тоқталып, ауданның ең жоғары марапаты «Қазалы ауданының Құрмет Грамотасымен» марапаттады. Жаңа қызметке тағайындалған Нұрлан Мерғалиұлына алдағы бірлесе атқарылатын жұмыстарға сәттілік тілеп, асқан жауапкершілікті қажет ететін салада аянбай қызмет атқарытындығына сенім білдірді.Жиында аудандық мәслихат төрағасы Ғазиз Әліш, аудан прокуроры Мадияр Бекпанов, Қазалы ауданының құрметті азаматы, аудандық ақсақалдар кеңесінің төрағасы Әлімбай Қасқырбай сөз сөйлеп, жаңа қызметке тағайындалып жатқан азаматтардың жұмысына сәттілік тіледі.Фото: Қазалы ауданы әкімдігі

Аудандық полиция бөлімінің жаңа басшысы таныстырылды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің Психологиялық қолдау орталығы білім алушылармен «Нашақорлық және оның алдын алу» тақырыбында маңызды кездесу өткізді.Іс-шараның негізгі мақсаты – жастар арасында нашақорлықтың зияны туралы кеңінен ақпарат беру, оның қоғам мен адам өміріне тигізетін кері әсерін түсіндіру және алдын алу жолдарын насихаттау болды.Кездесу барысында мамандар нашақорлықтың адам денсаулығына, психологиялық жағдайына және әлеуметтік өміріне тигізетін зиянын жан-жақты түсіндірді. Сонымен қатар, зиянды әдеттердің қалыптасу себептері, тәуелділікке әкелетін факторлар және одан сақтану жолдары туралы нақты мәліметтер ұсынылды.&nbsp;Білім алушылар өздерін мазалаған сұрақтарын қойып, мамандардан кәсіби кеңестер алды.

«Нашақорлық және оның алдын алу» тақырыбында маңызды кездесу өтті

<a href="https://kyzylorda-news.kz/">Kyzylorda-news.kz</a> Сырдария ауданы әкімі Берік Сәрменбаевтың төрағалығымен аудан әкімдігінің кезекті отырысы өтті. Мәжіліске ауылдық округ әкімдері, мекеме және бөлім басшылары қатысты.Күн тәртібінде негізгі екі мәселе қаралды. Бірінші мәселе – көктемгі егін егу жұмыстарына дайындық барысы. Аталған мәселе бойынша аудандық ауыл шаруашылығы және жер қатынастары бөлімінің басшысы Бағлан Мейрамбекұлы баяндама жасап, биылғы жылы егілетін ауыл шаруашылығы дақылдарының көлемі, олардың құрылымы және суармалы жерлерді тиімді пайдалану жоспарлары туралы тоқталды.Биыл ауданда 32064 гектарға егін орналастыру жоспарлануда. Оның ішінде, күріш дақылы 17 000 гектарға егілетін болады. Бүгінгі күні ауыл шаруашылығы құрылымдарында жалпы – 4585 гектар ақ егіс егілді. Биылғы егіске 5000 тонна күріш тұқымы құйылып, қазіргі таңда 3289 тоннасы себу дәрежесіне жеткізілді. 2026 жылы ауданда егісті әртараптандыру бойынша 2000 гектарға жүгері дақылын егу жоспарлануда.Екінші мәселе – төрт түлікті түгендеу және олардың арасында қауіпті жұқпалы аурулардың таралуының алдын алу шаралары бойынша аудандық ветеринариялық стансасының басшысы Нұрлыбек Дәулетбаев баяндады. 2026 жылға аудан бойынша эпизоотияға қарсы 12 түрлі аса қауіпті ауруларға қарсы ветеринариялық-профилактикалық іс-шаралар жоспары бекітіліп, 3 айға жоспарланған көрсеткіш 100%-ға орындалды. Ауыл шаруашылығы жануарларын энзоотиялық ауруларына қарсы профилактикалық шаралар жүргізу мақсатында 6 түрлі ауруларға қарсы ветеринариялық іс-шаралар жоспары бекітіліп, жоспарға сәйкес ветеринариялық-профилактикалық шаралар толық орындалған.Әкімдік отырысында қосымша мәселелер де қаралды. Атап айтқанда, МӘМС, мерзімді әскерге шақыру және санитарлық тазалық бойынша тапсырмалар жүктелді.Фото: Сырдария ауданы әкімінің баспасөз қызметі

Архив