<a href="https://kyzylorda-news.kz/">Kyzylorda-news.kz</a> Әр адамның басынан қаржылық қиындықтар өтуі мүмкін. Кенеттен жұмысынан, белгілі бір табысынан айырылу немесе денсаулығына байланысты проблемалар көп жағдайда адамды кредиттік міндеттемелерін орындауына мүмкін болмайтын тығырыққа тіреуі мүмкін. Мұндай сәттерде қарыздар жан-жақтан қысып, болашақта не болатынын аңғару қиынға соғады. &nbsp;Осындай жағдайларда соңғы шара ретінде жеке тұлғалардың банкроттығы рәсімін қарастыруға болады.&nbsp;Банкроттықтың іс жүзінде қалай жұмыс істейтіні және ол кімге жарамды және қандай салдарды ескеру маңызды екендігі жөнінде ҚР Қаржы министрлігі Мемлекеттік кірістер комитетінің Дәрменсіз борышкерлермен жұмыс басқармасының басшысы Меруерт Сисембаева айтып берді.&nbsp;Банкроттық дегеніміз не және ол туралы қашан ойлану керекБанкроттық - бұл төлемге қабілетсіз болып қалған азамат үшін борыш жүктемесін азайтудың заңды тетігі.Төлем қабілетсіздігі деп адам&nbsp;өзінің қаржылық міндеттемелерін толық көлемде орындай алмайтын&nbsp;жағдай түсініледі. Қазақстанда оның маңызды өлшемшарты -&nbsp;12 ай ішінде қарызды өтемеу&nbsp;- бұл банкроттық рәсімін қолданудың негізгі белгілерінің бірі.Алайда банкроттық –&nbsp;тығырықтан шығудың ең соңғы шарасы&nbsp;екенін түсіну маңызды. Ол қарыздардан құтылуға көмектеседі, алайда оның салдары да бар, банкроттық жаңа кредиттер алуға шектеулер мен кредиттік тарихтың нашарлауына әкеледі.Оған бармас бұрын баламаларды қарастыру керек: кредитті қайта құрылымдау, төлемдерді кейінге қалдыру немесе банкпен немесе МҚҰ-мен келіссөздер жүргізу. Көптеген қаржы ұйымдары бүгінде қарыз алушылармен ымыраға келуге және проблемалық кредиттерді реттеудің неғұрлым икемді шарттарын ұсынуға дайын.Соттан тыс және сот банкроттығы: айырмашылығы недеҚазақстанда бірнеше рәсімдер қарастырылған, және оның қайсысы сізге лайықты екенін түсіну маңызды.Соттан тыс банкроттық&nbsp;- бұл барынша жеңілдетілген рәсім, бірақ оның нақты шарттары бар:• борыш - 1600 АЕК (6,9 млн теңге) дейін;• мүліктің болмауы (оның ішінде бірлескен);• кредитормен қарызды реттеу әрекеттері болды.Рәсім банктер және микроқаржы ұйымдары алдындағы борыштарға ғана қолданылады.Бұл ретте, көптеген өтініш берушілерге өздері ол жөнінде хабары жоқ &nbsp; мүліктің (мысалы, банк өнімдерін ресімдеу кезінде автоматты түрде ашылған акциялар) болуына байланысты банкроттықтан бас тартылады. Сондықтан өзіңіздің активтеріңізді алдын ала тексеріп алу маңызды.Сот арқылы банкроттық&nbsp;пен&nbsp;төлем қабілеттілігін қалпына келтіру&nbsp;қарыздың кез келген түріне және мүлік болған жағдайда кеңінен қолданылады. Алайда, бұл рәсімдер шығындарды талап етеді (мемлекеттік баж және қаржы басқарушысының қызметтері).Бұл ретте «төлем қабілеттілігін қалпына келтіру» - бұл банкроттыққа балама, аталған жағдайда адам қарыздарын есептен шығармай, оларды бекітілген жоспар бойынша біртіндеп өтейді. Бұл опция кірісі бар және қарыздарын біртіндеп төлеуге мүмкіндігі бар адамдар үшін қолайлы.Рәсім қалай өтеді?<ul><li style="text-align:justify;">Банкроттық рәсімі 6 ай уақыт алады.&nbsp;</li><li style="text-align:justify;">Соттан тыс банкроттық үшін барлығы барынша жеңілдетілген:&nbsp;</li><li style="text-align:justify;">құжаттар жинау талап етілмейді;</li><li style="text-align:justify;">өтініш берген кезде ЖСН көрсету жеткілікті;</li><li style="text-align:justify;">жұбайының/зайыбының (аге рол болса)келісімі қажет;</li><li style="text-align:justify;">өтінішті дара кәсіпкер болып табылмайтын Қазақстан азаматы ғана бере алады.</li></ul>Сот рәсімі қиындау. Бұл жерде:<ul><li style="text-align:justify;">кредиторлар мен борышкерлердің тізімі;</li><li style="text-align:justify;">қарыздарды растайтын құжаттар;</li><li style="text-align:justify;">мүлік туралы мәліметтер.</li></ul>Бұдан басқа, сот істі қарау барысында қосымша материалдарды сұрата алады.Қандай қарыздар есептен шығарылады, қандай қарыздар шығарылмайды?Көптеген адамдар банкроттық барлық қарызды «жоқ қылып жібереді» деп ойлайды, бірақ олай емес.Соттан тыс рәсім кезінде банктерден және микроқаржы ұйымдарынан алынған кредиттер ғана, тіпті олар коллекторларға берілген жағдайда есептен шығарылады.Соттан тыс банкроттық рәсімін қолдана отырып, адам оның мысалы, салық берешегі немесе жеке тұлға немесе кредиттермен байланысты емес басқа ұйым алдындағы қарызы есептен шығарылажы деп күтпеуі керек.Сот арқылы банкроттық жағдайында есептен шығарылатын қарыздардың тізбесі сот шешімімен айқындалады.Сондай-ақ, ешбір жағдайда есептен шығарылмайтын міндеттемелер болады, олар:&nbsp;<ul><li style="text-align:justify;">алименттер;</li><li style="text-align:justify;">өмір мен денсаулыққа келтірілген зиянды өтеу;</li><li style="text-align:justify;">қылмыстық құқық бұзушылықтар бойынша залал және бюджетке төленетін, сот шешімі бойынша өндіріп алынатын төлемдер;</li><li style="text-align:justify;">қаржы басқарушысының сыйақысы (егер ол төленбеген болса).</li></ul>Банкроттықтан кейін қандай шектеулер күтіп тұр&nbsp;Банкроттық-бұл қарыздан босату ғана емес, сонымен бірге мынадай белгілі салдарлар:<ul><li style="text-align:justify;">5 жыл ішінде кредит ала алмайсыз (ломбардтардағы микрокредиттерді қоспағанда);</li><li style="text-align:justify;">3 жыл уәкілетті орган тарапынан бақылау жүзеге асырылады;</li><li style="text-align:justify;">банкроттыққа 7 жылдан кейін ғана қайта өтініш беруге болады;</li><li style="text-align:justify;">банкроттық туралы ақпарат ашық дереккөздерде жарияланады.</li></ul>Мұндай шектеулерге қаншалықты дайын екеніңізді алдын ала бағалау маңызды.2026 жылы не өзгерді&nbsp;Заңнама рәсімдерді біртіндеп жеңілдетуде, ағымдағы жылдың наурыз айында маңызды өзгерістер күшіне енді:&nbsp;<ul><li style="text-align:justify;">ломбардтар соттан тыс банкроттық кезінде&nbsp;кредиторлар қатарынан шығарылады, бұл азаматтардың көп санына рәсімді пайдалануға мүмкіндік береді;</li><li style="text-align:justify;">борышы 1600 АЕК-ке дейінгі және мерзімді 5 жылдан астам уақытқа кешіктірген азаматтар үшін рәсім мерзімі 6 айдан 1 айға дейін қысқартылды. Кредиттік бюроның деректері бойынша, 350 мыңнан астам адам осы талаптарға сәйкес келеді және енді олар өздерінің борыш бойынша мәселелерін тезірек шеше алады.</li></ul>Қазіргі уақытта қанша азамат банкроттық жөнінде өтініш берді?Ол іске қосылған сәттен бастап 378 мыңнан астам өтініш берілді, бірақ олардың 72,8%-ы қабылданбады. Бас тартудың негізгі себептері көп жағдайда өтініш берушінің мүлкінің болуы, борыш сомасы бойынша белгіленген талаптарға сәйкес келмеуі, ұзақ мерзімді кешіктірудің болмауы, сондай-ақ кредитормен реттелмеген мәселелер болып табылады.Сонымен бірге жалпы сомасы 126,4 млрд теңгеге 62,5 мыңға жуық азамат банкрот деп танылды. Жалпы, рәсім шеңберінде 230,9 млрд теңге сомадағы борыш есептен шығарылды, бұл бас тартудың жоғары пайызына қарамастан, тетіктің әлі де жұмыс істейтінін, бірақ барлық шарттарды қатаң сақтауды талап ететінін көрсетеді.Зейнеткерлер немесе мүгедектер соттан тыс банкроттық рәсімін қолдана ала ма?Зейнеткерлер мен мүгедектігі бар адамдар соттан тыс банкроттық құқығымен шектелмейді – заң жасына немесе әлеуметтік мәртебесіне байланысты ешқандай айырмашылыққа жол бермейді. Қазірдің өзінде бұл рәсімді 1200-ге жуық зейнеткер қолданды.Бас тарту белгіленген талаптарға сәйкес келмеген жағдайда ғана мүмкін болады: мысалы, егер адамның мүлкі болса, ол қарыздарын өтеуді жалғастырады немесе төлем қабілетсіздігі белгілері жоқ. «Зейнеткер» немесе «мүгедек» мәртебесінің өзі қаржылық дәрменсіздікті білдірмейтінін түсіну маңызды.Бұл ретте атаулы әлеуметтік көмек алушылар үшін жеңілдіктер көзделген: олар төлемнің болмау мерзіміне қарамастан банкроттыққа өтініш бере алады. Сондай-ақ, мұндай шектеулер жоқ төлем қабілеттілігін қалпына келтіру рәсімі қолжетімді.Банкроттыққа беру кезіндегі жиі болатын қателерБас тартудың ең көп тараған себептерінің бірі - банкроттықтың кіріс өлшемшарттарына немесе негіздеріне сәйкес келмеуі.Өтініш берер алдында мыналарды&nbsp;тексеру маңызды:<ul><li style="text-align:justify;">кредиттік есеп (мәліметтерді Мемлекеттік кредиттік бюродан немесе Бірінші кредиттік бюродан алуға болады);&nbsp;</li><li style="text-align:justify;">мемлекеттік базалардағы мүлік және мәртебе туралы деректер.</li></ul>Кейде кредиторлар немесе коллекторлық агенттіктер ақпаратты жаңартпайды және бұл банкроттық рәсімінен өтуге кедергі болуы мүмкін.<img src="https://knadmin.beoblood.kz/uploads/Fingramota_bankrotty_d804e84af4.png" alt="Финграмота банкроттық.png">

Қазақстандағы жеке тұлғалардың банкроттығы: қалай жұмыс істейді және ол кімге қажет

<a href="https://kyzylorda-news.kz/">Kyzylorda-news.kz</a> Бүгін сол жағалаудағы «Қайсар Арена» стадионында облыс әкімі Нұрлыбек Нәлібаев, құқық қорғау органдары басшыларының қатысуымен полиция департаментіне 100 жаңа арнайы автокөлік кілті табысталды.Облыс әкімі өңірде әлеуметтік және инженерлік инфрақұрылымды дамыту, тұрғындардың қауіпсіздігі мен өмір сүру сапасын арттыру бағытында атқарылған жұмыстарға тоқталды.<img src="https://knadmin.beoblood.kz/uploads/Policziyalar_a_avtok_lik_tabystaldy_4_41b4b9d951.jpg" alt="Полицияларға автокөлік табысталды 4.jpg"><blockquote>«Мемлекет басшысы «Біздің қоғамымызда заң мен тәртіп үстемдік құруға тиіс. Бұл – бүкіл қоғамның, әр адамның қауіпсіздігін қамтамасыз етуге қатысты ең басты талап. Біз сонда ғана Әділетті, Таза, Қауіпсіз Қазақстанды құра аламыз», – деп нақты міндеттерді белгілеген болатын. Қазақстан полициясы – қоғамдағы құқықтық тәртіпті, азаматтардың қауіпсіздігін қамтамасыз ететін аса маңызды құрылым. Елдегі тыныштық пен тұрақтылықты сақтауда полиция қызметі Тәуелсіздігіміздің қастерлі міндеттеріне көлеңке түсірмей, берекелі бірлігімізді сақтауға үлес қосуда. Соңғы төрт жылда аймағымыздың полиция органдарының материалдық-техникалық базасын заманға сай жақсартуға облыстық бюджеттен 17 млрд. 805 млн. теңге, оның ішінде арнайы автокөліктермен қамтуға 4 млрд. 282 млн. теңге қаралды. Замануи құрылғылармен жабдықталған 128 жаңа автокөлік табысталды.т Бүгінгі арнайы автокөліктер де тұрғындар қауіпсіздігін қамтамасыз етудегі қызметтеріңізді тиімді ұйымдастыруда маңызды рөл атқарады деп сенеміз», – деді Нұрлыбек Машбекұлы.</blockquote>Тәртіп сақшыларына берілген көліктер сенімді байланыс жүйесімен, бейнетіркеу құрылғысымен, навигациялық бағыттау тетігімен, арнайы жарық және дыбыс сигналдарымен, жедел қызметті тиімді атқаруға қажетті өзге де техникамен жабдықталған. Бұл тәртіп сақшыларының әрекетін жеделдетіп, қызмет сапасын арттырады.Кейінгі жылдары төтенше жағдай құрылымдарына 14 өрт сөндіру автокөлігі және 8 арнайы техника сатып алынды. Биыл қосымша 20 өрт сөндіру автокөлігін алу бастамасын облыстық мәслихат қолдап, бүгінде келісімшарт рәсімделуде.&nbsp;Жергілікті бюджет есебінен барлық елді мекеннің денсаулық сақтау мекемелеріне 245 санитарлық автокөлік алынып, өңірдің медицина саласының автопаркі 100 пайыз жаңартылды.<img src="https://knadmin.beoblood.kz/uploads/Policziyalar_a_avtok_lik_tabystaldy_2_3f35e5ef2c.jpg" alt="Полицияларға автокөлік табысталды 2.jpg">

Қоғамдық қауіпсіздікті күшейту мақсатында полиция департаментіне 100 жаңа автокөлік табысталды

<a href="https://kyzylorda-news.kz/">Kyzylorda-news.kz</a> «Спорт есірткіге қарсы!» атты есірткіге қарсы іс-шаралар аясында психоневрологиялық диспансердің (наркологиялық бөлім) пациенттері арасында қазақтың ұлттық спорт түрлері ләңгі, бұқа тартыс, асық, батпан көтеру, қол күрес бойынша жарыс ұйымдастырылды.Іс-шараны Қызылорда облысы Полиция департаментінің Есірткі қылмысына қарсы іс-қимыл басқармасы диспансер қызметкерлерімен бірлесе отырып ұйымдастырды. Мамандардың бірлескен жұмысы қатысушылардың әлеуметтік бейімделуіне жағдай жасауға және салауатты өмір салтын ұстануға тұрақты мотивация қалыптастыруға бағытталды.Іс-шараның негізгі мақсаты – қатысушылардың физикалық және психоэмоционалдық жағдайын нығайту, тәуелділіктің алдын алу, сондай-ақ спортты зиянды әдеттерге тиімді балама ретінде насихаттау. Жарыс бағдарламасы күш, ептілік, төзімділік пен командалық рухты дамытуға, сондай-ақ өз мүмкіндіктеріне деген сенімді арттыруға ықпал етті.Жарыстар жағымды әрі қолдау көрсететін атмосферада өтті. Қатысушылар жоғары қызығушылық танытып, белсенділік пен нәтижеге ұмтылысын көрсетті, салауатты болашаққа деген сенімін дәлелдеді.Іс-шара қорытындысы бойынша 10 қатысушы дипломдармен және естелік сыйлықтармен марапатталды. Тағы 20 адам белсенді қатысқаны және жеке дамуға ұмтылғаны үшін алғыс хаттармен ынталандырылды.Осындай іс-шараларды өткізу – есірткіге тәуелділіктің алдын алу және қоғамда салауатты өмір салты құндылықтарын қалыптастыруға бағытталған профилактикалық жұмыстың маңызды бөлігі болып табылады.

«Спорт есірткіге қарсы» акциясы ұйымдастырылды

<a href="https://kyzylorda-news.kz/">Kyzylorda-news.kz</a> «Жастар және сайлау» республикалық форумы аясында алғаш рет Қазақстан Республикасы Орталық сайлау комиссиясының Төрағасы Нұрлан Әбдіров еліміздің барлық өңірлерінен келген Жас сайлаушылар клубтарының (ЖСК) мүшелерімен кездесті. Кездесу барысында клубтардың мүшелері электоралдық мәдениетті жоғарылату бағытындағы жобаларын таныстырды.Кездесудің негізгі мақсаты сайлау комиссиялары мен жастар арасында тұрақты тікелей диалог орнату болды. Іс-шара барысында Клуб мүшелері жүзеге асырып жатқан жобаларын таныстырды және электоралдық мәдениетті қалыптастыру, жас қазақстандықтарды сайлау процестеріне тарту жөніндегі тәжірибесімен бөлісті.Іс-шараны өткізу бастамасы клуб қозғалысының қатысушыларының өздерінен шыққан. Солардың қатарында Қызылорда облысы Қазалы ауданындағы Жас сайлаушылар клубының мүшесі Мейірман Меңдібай да бар.Форумға еліміздің барлық өңірлерінен келген Жас сайлаушылар клубтарының 60 мүшесі, сондай-ақ облыстардың, Астана, Алматы және Шымкент қалаларының аумақтық сайлау комиссияларының төрағалары қатысты.Кездесуді ашқан ОСК Төрағасы клубтық қозғалыстың электоралдық мәдениетті қалыптастырудағы негізгі институттық рөлін атап өтті.&nbsp;<blockquote>«Жыл сайын Қазақстанда 300 мыңнан астам азамат алғаш рет дауыс беру құқығына ие болады. Біздің міндетіміз – бұл үдерісті олар үшін түсінікті әрі қолжетімді ету, сол үшін олармен жұмысты алдын ала бастау. Жастармен тікелей әрі мазмұнды диалог орнату маңызды – дәл осы тәсіл жауапты әрі саналы қатысуды қалыптастырады», – деп атап өтті Нұрлан Әбдіров.</blockquote>Қатысушылар арасында өз өңірлерінде іске асырылып жатқан электоралдық саладағы қолданбалы шешімдер мен бастамаларды таныстырған клуб мүшелерінің баяндамалары да үлкен қызығушылық тудырды.Аталған кездесуді өткізу туралы ұсыныстың бастамашысы, Қызылорда облысының жас белсендісі Мейірман Меңдібай өңірдегі ЖСК жұмысын таныстырып, жас сайлаушылар арасындағы стартап әзірлеушілерге арналған сыйлық тағайындау идеясын көтерді.Алматы қаласының Жас сайлаушылар клубының мүшесі Бауыржан Маханбет жастарды ақпараттандыруға арналған инновациялық құралдардың кешенін ұсынды: ағартушылық комикстер мен Telegram-боттан бастап, мектеп және студенттік сайлау модельдерін енгізу, білім беру форматтарын дамыту және депутаттық корпуспен өзара іс-қимылға дейінгі бастамаларды қамтыды.Орал қаласының Жас сайлаушылар клубының төрағасы Сабыржан Лиас студенттік ректор сайлауын ұйымдастыру тәжірибесін таныстырды. Ол жас сайлаушыларға арналған ақпараттық модуль әзірлеу және республикалық пікірсайыс турнирін өткізу бастамасын ұсынды.Павлодар облысының Жас сайлаушылар клубының мүшесі Айша Таласова мектеп оқушыларына арналған «Сайлау қалай өтеді: ішкі көзқарас» атты авторлық жобасын, сондай-ақ білім беру ұйымдарында клубтар қызметін дамыту және жастар бастамалары көшбасшыларын даярлау тәжірибесін таныстырды.Астана қаласы клубының мүшесі Азат Тенгебаев жастардың құқықтық мәдениеті мен азаматтық белсенділігін арттыру, олардың референдумға практикалық қатысуы мәселелерін көтерді. Жас белсенді жасанды интеллектті қалай қолданатынын айтып өтті: чат-боттар, сондай-ақ Астана тәжірибесі негізінде мультфильмдер мен қысқа роликтердің сайлау үдерістерін қарапайым тілмен түсіндіруге көмектесетінін атады. Елордалық жастардың жоспарында - фейктерге қарсы «Цифрлық қалқан» жобасын іске қосу, сондай-ақ қатысқаны және дұрыс жауаптары үшін ынталандыру берілетін цифрлық квест әзірлеу бар.Қорқыт Ата атындағы Қызылорда университеті студенттері Нұрбол Оңалбеков және Нұрбек Әбілдаев кибералаяқтыққа қарсы бағытталған және жалған ресурстарды анықтауға мүмкіндік беретін Qalqan AI жобасын таныстырды.Қатысушылардың жекелеген бастамалары клуб қозғалысын одан әрі институционалдық дамытуға бағытталды. Мәселен, Талдықорған қаласындағы Жетісу құрылыс-техникалық колледжінің студенті Санжар Сағатбек форумды жыл сайын өткізу туралы ұсыныс білдірді. Өз кезегінде Ақмола облысынан келген Лиза Есенбол сайлау туралы арнайы онлайн-платформа құру бастамасын көтерді, Жамбыл облысынан келген Айбек Қадралиев ЖСК мүшелері үшін форумдар мен лагерьлер ұйымдастыру қажеттігін айтты, ал оның әріптесі Дархан Байпақ аудандық клубтарды белсендірек тарту және ең белсенді қатысушыларды жыл сайын марапаттау жүйесін енгізу жөнінде пікір білдірді. Қарағандылық Асылай Қонысова клубтардың қызметін үйлестіру мақсатында республикалық ЖСК төрағасын сайлауды ұсынды.Орталық сайлау комиссиясының Төрағасы клубтардың белсенді қызметін атап өтіп, Алматы қаласының Жас сайлаушылар клубының мүшесі, «Болашақтан дауыс» комикстер сериясының теңавторы Руслан Муржановқа, сондай-ақ Қызылорда облысындағы 9-сынып оқушысы, жасанды интеллект технологияларын пайдалана отырып комикстер сериясын әзірлеген және өңір мектеп оқушылары арасында кең қызығушылық тудырған Аяжан Мөңкебайға алғыс хат табыстады.Кездесу қорытындысы бойынша Жас сайлаушылар клубтарының қызметі жекелеген бастамалар шеңберінен шығып, тұрақты жүйелі сипат алып келе жатқаны атап өтілді. Клубтар тек қатысуды арттыру тетігі ғана емес, сонымен қатар сайлау процесін сапалы түсінуді қамтамасыз ететін, құқықтық мәдениетті дамытуға және жастардың өз сайлау құқықтарын жүзеге асыруға саналы көзқарасын қалыптастыруға бағытталған маңызды платформа ретінде қалыптасып отыр.Анықтама ретінде: бүгінгі таңда Жас сайлаушылар клубтары еліміздің барлық өңірлеріндегі 248 клубта 3 мыңнан астам қатысушыны біріктіріп, Қазақстан Республикасында электоралдық мәдениетті қалыптастыру жүйесіне интеграцияланған, қарқынды дамып келе жатқан қауымдастықты білдіреді.Осы күні форум аясында өңірлік аумақтық сайлау комиссияларының төрағаларымен кеңес өткізіліп, оның барысында сайлау науқандарын ұйымдастыру мен өткізудің негізгі мәселелері талқыланды.<img src="https://knadmin.beoblood.kz/uploads/Whats_App_Image_2026_04_24_at_17_07_41_e01623a4cc.jpeg" alt="Жас сайлаушылар жобаларын таныстырды.jpeg">

Қызылорда облысының жастары «Жастар және сайлау» республикалық форумында жаңа жобаларын ұсынды

<a href="https://kyzylorda-news.kz/">Kyzylorda-news.kz</a> Өңірлік экологиялық саммит аясында Астана қаласында «Орталық Азияның жасыл көшуі» тақырыбында жасыл инвестициялық форум өтті. Іс-шараға мемлекеттік органдардың өкілдері, халықаралық ұйымдар, сондай-ақ бизнес қауымдастық қатысты.Іс-шара шеңберінде өткен «GreenTech Connect: жасыл технологияларды кім сатып алады және жасыл жобаларға тапсырыс берушілер» атты секцияда Қызылорда облысы әкімінің орынбасары Ардақ Зебешев баяндама жасады. Ол өз сөзінде өңірдегі жасыл жобаларды іске асыру тәжірибесі мен мемлекеттік қолдау тетіктері туралы айтып өтті.Бүгінде облыста жалпы қуаттылығы 130 МВт күн электр станциялары жұмыс істейді. Ал 2026–2028 жылдары 260,5 МВт болатын 6 күн және 2 жел станциясын іске қосу жоспарланған.Өңірде сондай-ақ ірі энергетикалық жобалар жүзеге асуда. Олардың қатарында “AKSA ENERGY Qyzylorda” жылу электр орталығы (240 МВт) және Самұрық-Энерго бу-газ орталығы (1100 МВт) бар.Қалдықтарды қайта өңдеу саласында кореялық With you E&amp;C Qyzylorda (37,8 млрд теңге), шыны қалдықтарын қайта өңдеу арқылы жылына 240 млн бөтелке өндіретін “Seven rivers technologies” (60 млрд теңге), ал агроөнеркәсіпте HARVEST AGRO (68 млрд теңге) жобалары іске асырылуда.Жалпы, Қызылорда облысының табиғи ресурстық әлеуеті мен инфрақұрылымы жасыл экономиканы дамытуға және инвестиция тартуға қолайлы жағдай қалыптастырып отыр.<img src="https://knadmin.beoblood.kz/uploads/Investicziyaly_forum_2_928e5ea636.jpg" alt="Инвестициялық форум 2.jpg">

Сыр өңіріндегі бірқатар жобаларды іске асыру тәжірибесі туралы баяндады

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев Жетікөл, Айдарлы ауылдарындағы "Жетікөл жарма" және "Ақтам" каналдарын механикалық тазалау жұмыстарымен танысты. Жұмыс сапары барысында аудан басшысы атқарылып жатқан жұмыстардың сапасына, мерзімінде орындалуына және техникалық қауіпсіздік талаптарының сақталуына ерекше назар аударды.Бүгінде елді мекендерді тұрақты аяқ сумен қамтамасыз ету мақсатында "Жетікөл жарма" каналының 16,5 шақырымдық бөлігінде кешенді тазалау және қалпына келтіру жұмыстары жүргізілуде. Сондай-ақ, "Ақтам" каналының сағасы тазартылуда.Бұл жұмыстарға "Қазсушар" ШЖҚ РМК Қызылорда филиалы арқылы 9 экскаватор, 4 ауыр техника, 1 бульдозер және 2 қосымша арнайы техника жұмылдырылған.&nbsp;Бүгінде каналдардың 2,2 шақырымы тазартылды. Жұмысшы топ белгіленген жоспарға сәйкес канал арнасын кеңейту, түбін тереңдету жұмыстарын қарқынды түрде жүргізуде.&nbsp;Сырдария ауданының әкімі жауапты сала басшыларына және мердігер мекеме өкілдеріне жұмыстың сапасын арттыру, белгіленген мерзімнен кешіктірмей аяқтау жөнінде нақты тапсырмалар жүктеді. Алдағы уақытта берілген тапсырмалар бойынша бақылау жүргізіліп, атқарылған жұмыстардың жүйелі орындалуына бақылау жүргізетінін жеткізді.<img src="https://knadmin.beoblood.kz/uploads/Syrdariya_kanaldardy_mehanikaly_tazalau_81f46682b3.jpg" alt="Сырдария каналдарды механикалық тазалау.jpg">

Сырдария: Каналдарды механикалық тазалау жұмыстарымен танысты

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев AI экожүйесін дамытуға арналған негізі алаң саналатын Alem.ai халықаралық жасанды интеллект орталығын аралап көрді.Орталықта жасанды интеллект саласындағы ғылыми зерттеулер мен білім беру бағдарламалары жүргізіліп, стартап-бастамалар мен басқа да қолданбалы шешімдердің енгізілуіне жағдай жасалады.Іске асырылып жатқан жобалар ЖИ технологиясын мемлекеттік секторда, бизнесте және күнделікті өмірде қолдануға мүмкіндік береді.Жалпы, Орталық Мемлекет басшысының Қазақстанды технологиялық, заманауи және бәсекеге қабілетті елге айналдыруды көздейтін стратегиялық бағдарын орындау мақсатында құрылған.Президент Орталықты аралау барысында Astana Smart City жобасының іске қосылғанына куә болды. Бұл – интеллектуалды қала инфрақұрылымының жаңа буынын қалыптастыратын маңызды бастама. Presight.AI компаниясының бас директоры Томас Прамотедхам қала жүйелері мен деректерді нақты уақыт режимінде біріктіретін бірыңғай АІ-платформаны, сондай-ақ оның шаһарды басқару тиімділігін арттыру барысындағы қолдану мүмкіндіктерін таныстырды.Сонымен қатар Қасым-Жомарт Тоқаев бірқатар білім беру бастамасын іске қосу рәсіміне қатысты.Президенттің тапсырмасымен 2024 жылы Astana Hub жанынан Tomorrow School жасанды интеллект мектебі құрылған болатын. Енді оның табысты тәжірибесі ел көлемінде таратылмақ.Мемлекет басшысы телекөпір арқылы 14 өңірдегі Tomorrow School мектептерінің желісін ашты. Бұл мектепте кәмелет жастан асқан, соның ішінде ақпараттық технология саласына жаңа қадам басқан азаматтар тегін білім алады.Тағы бір білім беру алаңы – цифрлық және шығармашылық дағдыларды меңгергісі келетін 12-18 жас аралығындағы балалар мен жасөспірімдерге арналған TUMO Astana креативті технологиялар орталығы. Мұнда генеративті жасанды интеллект, бағдарламалау, ойын ойлап табу, анимация, 3D-модельдеу, роботты техника, киноөнім және цифрлық музыка секілді 11 техникалық және креативті бағыт бойынша білім беріледі.Бұдан бөлек, Президентке AI Research University тұжырымдамасы таныстырылды.Ғылым және жоғары білім министрі Саясат Нұрбектің айтуынша, зерттеу университеті Alem.ai базасында орналасады. Студенттер alem.cloud, AlemLLM секілді ұлттық жасанды интеллект инфрақұрылымын және Astana Hub ресурсын пайдалана алады. Оқу үдерісін биыл 1 қыркүйектен бастау жоспарланып отыр.Қасым-Жомарт Тоқаев «Болашақ ойындары-2026» халықаралық турниріне дейінгі кері санақты интерактивті форматта іске қосты. Фиджитал-атлеттер арасындағы дода Астана қаласында 29 шілде мен 9 тамыз күндері аралығында өтеді.Мемлекет басшысына отандық CryptoPay жүйесін пайдалану арқылы Қазақстандағы алғашқы криптовалютамен төлеу үрдісі көрсетілді.<img src="https://knadmin.beoblood.kz/uploads/Whats_App_Image_2026_04_24_at_16_30_03_7b1fd46d57.jpeg" alt="Мемлекет басшысы Alem.ai халықаралық жасанды интеллект орталығына бардыpeg">

Мемлекет басшысы Alem.ai халықаралық жасанды интеллект орталығына барды

<a href="https://kyzylorda-news.kz/">Kyzylorda-news.kz</a> Астана қаласында өткен өңірлік экологиялық саммит шеңберінде «Болашақ ұрпақты сақтау: экологиялық күн тәртібінің өзегіндегі денсаулық – Арал маңы сабақтары мен шешімдерi» тақырыбындағы панельдiк сессия қорытындысы бойынша Дүниежүзілік денсаулық сақтау ұйымының Еуропалық бюросының, Орталық Азия елдері мен Әзірбайжан денсаулық сақтау министрлерiнiң қатысуымен бiрлескен құжатқа қол қойылды.&nbsp;Жиын барысында облыс әкімінің орынбасары Ардақ Зебешев Арал өңіріндегі экологиялық ахуал мен халық денсаулығын қорғау бағытында атқарылып жатқан кешенді жұмыстарды таныстырды.Өңірде денсаулық сақтау жүйесін жаңғыртуға ерекше көңіл бөлінуде. Қызылорда қаласында 500 және 400 келушіге арналған жаңа емханалардың құрылысы жүргізілуде, сондай-ақ 200 орындық перинаталдық орталықтың құрылысын бастау жоспарланған. Арал қаласында да жаңа емхана салу жобасы дайындалып, ауылдық жерлерде медициналық инфрақұрылым кезең-кезеңімен жаңартылып, жаңа амбулаториялар ашылуда. Сонымен қатар, Арал ауданында заманауи кардио және инсульт орталығы іске қосылып, тұрғындарға күрделі медициналық көмекті жергілікті жерде көрсету мүмкіндігі айтарлықтай кеңейді.Экологиялық жағдайдың халық денсаулығына тікелей әсері назардан тыс қалмаған. Балалар арасындағы анемия деңгейін төмендету, ауыз су сапасын жақсарту және жалпы тұрғындардың денсаулығын нығайту бағытында кешенді бағдарламалар жүзеге асырылуда. Сонымен қатар, экожүйені қалпына келтіру мақсатында Арал теңізінің құрғаған табанын ормандандыру жұмыстары жалғасып, жүздеген гектар жерге сексеуіл отырғызылды.Өңірдің экологиялық және әлеуметтік дамуына тың серпін беру мақсатында «Арал» геопаркін ЮНЕСКО тізіміне енгізу бағытындағы жұмыстар да басталды. Бұл бастама аймақтың табиғи және мәдени құндылықтарын халықаралық деңгейде танытуға жол ашады.Осы орайда «Арал өңіріндегі салауатты болашақ» бастамасы аясында Қызылорда облысы әкімдігі, Қазақстан Республикасы Денсаулық сақтау министрлігі және Дүниежүзілік денсаулық сақтау ұйымының (Еуропалық өңірлік бюросы) арасында өзара түсіністік туралы үшжақты меморандумға қол қойылуы – өңірдің экологиялық және медициналық қауіпсіздігін арттыруға бағытталған маңызды қадам ретінде бағаланды.<img src="https://knadmin.beoblood.kz/uploads/Aral_m_selesi_sh_zha_sy_memorandum_2_17078bc64e.jpg" alt="Арал мәселесі үш жақсы меморандум 2.jpg">

Арал өңірінің салауатты болашағы үшін үш жақты меморандумға қол қойылды

<a href="https://kyzylorda-news.kz/">Kyzylorda-news.kz</a> 2026 жылғы 24 сәуірде Қызылорда облысының Жалағаш ауданында қоршаған ортаны қорғау, экологиялық мәдениетті қалыптастыру және жасыл ортаға деген жауапкершілікті арттыру мақсатында «Таза Қазақстан» экологиялық жобасы аясында «Таза өлке – Жалағаш» тақырыбында ауқымды экологиялық акция өтті.Аталған шараның басты мақсаты – қоғам арасында экологиялық жауапкершілікті нығайту, тазалық мәдениетін қалыптастыру және өскелең ұрпақты табиғатты аялауға бағыттау.Акция барысында Жалағаш ауданының әкімі Ардақ Ибраимов арнайы сөз сөйлеп, қоршаған ортаны қорғау – баршаға ортақ міндет екенін атап өтті. Сонымен қатар, ол табиғатты аялау, жасыл желекті көбейту және келер ұрпаққа таза әрі көрікті орта қалдырудың маңыздылығына тоқталды.<blockquote>«Бүгінгі тал егу акциясы – болашаққа жасалған игі қадам. Әр отырғызылған тал – ертеңгі ұрпаққа қалдырылған аманат. Барша тұрғындарды табиғатты қорғауға және осындай игі бастамаларға белсенді қатысуға шақырамын», – деді Жалағаш ауданының әкімі Ардақ Ибраимов.</blockquote><img src="https://knadmin.beoblood.kz/uploads/whatsapp_image_2026_04_24_at_16_11_00_ef40894ee3.webp" alt="whatsapp-image-2026-04-24-at-16.11.00.webp">Аталған акцияға зиялы қауым өкілдері, ардагерлер, аудан ақсақалдары, этнос өкілдері, аудандық аналар, әйелдер кеңесі мүшелері және мемлекеттік мекеме қызметкерлері, жастар, еріктілер мен аудан тұрғындары белсенді қатысып, белсенді қатысып, белгіленген аумақтарға 550 түп ағаш отырғызды.Сонымен қатар, елді мекен аумақтарын абаттандыру, көгалдандыру, тұрақты түрде сенбіліктер ұйымдастырудың маңыздылығы кеңінен насихатталды.Шара барысында қатысушылар табиғатты қорғау – баршаға ортақ міндет екенін атап өтіп, экологиялық мәдениетті қалыптастыру жолында бірлесе әрекет етуге дайын екендіктерін білдірді. Бұл игі бастама аудан көлемінде тазалық пен тәртіпті сақтауға бағытталған жүйелі жұмыстардың жалғасын табатынын айқындайды.<img src="https://knadmin.beoblood.kz/uploads/whatsapp_image_2026_04_24_at_16_11_01_1_fdc2e4e2fa.webp" alt="whatsapp-image-2026-04-24-at-16.11.01-1.webp">

Қызылордада «Таза Қазақстан» экологиялық акциясы аясында кезекті ауқымды іс-шара өтті

<a href="https://kyzylorda-news.kz/">Kyzylorda-news.kz</a> Биылдан бастап елімізде Мемлекет басшысы Қасым-Жомарт Тоқаев бастамасымен Кітапханашылар күнін атап өту тәртібіне өзгеріс енгізіліп, 23 сәуір - Ұлттық кітап және кітапханашылар күні болып белгіленді. Бұл бастама - қоғамда кітап оқу мәдениетін қалыптастыруға, рухани құндылықтарды дәріптеуге бағытталған маңызды қадам. Осыған орай бүгін Өңірлік коммуникациялар қызметі ұйымдастырған көшпелі брифинг барысында Ә.Тәжібаев атындағы облыстық әмбебап ғылыми кітапханасының директоры Сапар Көзейбаев атаулы күннің маңызына кеңінен тоқталып, БАҚ өкілдерінің сұрақтарына жауап берді.Спикер Мемлекет басшысы ұсынған «Кітап оқитын ұлт» жобасының маңыздылығына ерекше назар аударды. Оның айтуынша, бұл бастама ел ішінде кітапқа деген қызығушылықты арттырып қана қоймай, жастардың білімге, ізденіске деген құлшынысын күшейтуге ықпал етуде.<blockquote>-Қазіргі таңда облыстық кітапхана қорында 4,5 миллионға жуық кітап сақталған. Бұл - өңірдің рухани әлеуетін айқындайтын ірі көрсеткіштердің бірі. Сонымен қатар, 2024-2025 жылдар аралығында аудан орталықтарында жаңа руханият орталықтары бой көтеріп, 7 аудандағы кітапханалар толықтай жаңғыртылып, заманауи талаптарға сай жабдықталып, халық игілігіне пайдалануға берілген. Сондай-ақ, Ұлттық құрылтайдың бесінші отырысында Мемлекет басшысы Қасым-Жомарт Тоқаев елімізде үш президенттік кітапхана салынатынын, оның біреуі Қызылорда қаласында бой көтеретінін мәлімдеген болатын. Бүгінде аталған нысанның іргетасы қаланып, капсуласы салынды. Бұл - өңір үшін ғана емес, жалпы ел руханияты үшін маңызды әрі қуанышты жаңалық. Ұлт болашағы - білім мен ғылымда, ал оның негізі - кітап оқу мәдениетінде жатыр. Сондықтан кітапханалардың қызметін жаңғырту, оқырман санын арттыру - басты міндеттердің бірі. Кітапханашылар күніне орай жоспарланған апталық іс-шаралар да осы мақсатты көздейді. Бүгінгі шараға аудан кітапханашылары белсенді қатысып, түрлі көрмелер ұйымдастыруда. Алдағы уақытта да бұл бастамалар өз жалғасын табатын болады, - деді Сапар Әлиасқарұлы.</blockquote>Айта кету керек, мерекеге орай өңір кітапханаларында түрлі мәдени-танымдық іс-шаралар, кітап көрмелері, әдеби кештер мен зияткерлік жобалар ұйымдастырылып, оқырмандарға рухани азық сыйлауда. Бұл бастамалар кітаптың қоғамдағы рөлін арттырып, жас ұрпақты білім мен парасатқа жетелеуге бағытталған.<img src="https://knadmin.beoblood.kz/uploads/Kitaphanashylar_k_ni_2_1dc2dcb637.jpg" alt="Кітапханашылар күні 2.jpg">

Қызылордада ұлттық кітап және кітапханашылар күні кең көлемде аталып өтті

<a href="https://kyzylorda-news.kz/">Kyzylorda-news.kz</a> Бүгінгі күні қаржылық алаяқтық көз ілеспес жылдамдықпен өзгеруде. Егер бұрын қаскүнемдер ақшаны тек ұрлауға тырысса, қазір олар жәбірленушінің өзі қылмыстық тізбектің бір бөлігіне айналатын күрделі схемалар құруда.Олардың ішіндегі ең қауіпті сипат алып отырғаны - жалған брокерлер мен дропперлік тізбегі. Адамға алдымен «инвестициялау» ұсынылады, содан кейін оны басқа біреудің ақшасын аударуға және қолма-қол ақшаға айналдыруға тартады.&nbsp;Бұл схеманың қалай жұмыс істейтіні және неліктен өте қауіпті екендігін &nbsp;<a href="https://fingramota.kz/kk/news/post/abajlayz-zhalan-brokerler-azamattardy-dropperlikke-tartuda">Fingramota.kz</a>-пен бірге талдаймыз.Схема қалай жұмыс істейді: «инвестициялардан» &nbsp;дропперлікке&nbsp;Алаяқтық ешқашан ашықтан-ашық алдаудан басталмайды. Керісінше, барлығы ұқыпты, сенімді, тіпті қауіпсіз болып көрінеді. Адамға алдымен үйренуге, сенуге және алғашқы қадам жасауға уақыт беріледі.1-кезең. «Тиімді инвестициялық ұсыныс»Барлығы әлеуметтік желілердегі, мессенджерлердегі немесе тіпті «тәртіпті» сайттардағы жарнамадан басталады. «Айына 30-50% кіріс», «тек өзіміз үшін жабық платформа», «инсайдерлік ақпарат» — жіберіп алуға болмайтын мүмкіндік сияқты көрінеді. Сіз тапсырыс қалдырасыз және сізге бірден «талдаушы» жауап жазады. Ол сізге қасым жасамайды және асықтырмайды. Керісінше, ол сізбен байсалды түрде сөйлеседі, сұрақтар қояды, «стратегияны» түсіндіреді, тіпті әзілдесуі немесе осы платформада қалай «ақша табатынын» айтуы мүмкін.Сіздің алдыңызда инвестицияның «майын шаққан» нағыз кәсіпқой адам отырған сияқты сезім пайда болады.2-кезең. «Нәтижелер» арқылы сенімСізге жеке кабинет көрсетіледі: онда цифрлар өсіп, графиктер пайда болады, «мәмілелер плюспен жабылады». Барлығы шынайы болып көрінеді. Кейде сізге аз мөлшерде ақша алуға да рұқсат етіледі. Мысалы, сіз 100 доллар салдыңыз делік, бірнеше күннен кейін сізге 120 доллар алуға рұқсат етіледі. Ақша шынымен өсе бастайды. Дәл осы сәтте ол жұмыс істейді деген ой туындайды, демек сенуге болады.3-кезең. Ставкаларды көтеруОсыдан кейін әңгіменің райы өзгере бастайды. «Сіз жақсы келесіз, егер соманы көбейтсеңіз, нәтиже мүлдем басқаша болады»,- деп сендіреді «талдаушы». Адамда &nbsp;енді күмән қалмайды, керісінше, мүмкіндікті жіберіп алудан қорқады. Біреулер барлық жинап тергенін аударады, біреу кредит алады, біреу достарынан немесе туыстарынан қарызға алады, оны пайдадан түскен ақшамен тез қайтарамын деп ойлайды.&nbsp;Әдеттегі сценарий: алдымен адам аз мөлшерде ақша салады, салған ақшасының жұмыс істеп тұрғанына көз жеткізеді, содан кейін көбірек ақша аудара бастайды, міне бәр мәселе осы жерден басталады, енді бұл ақшаны қайтару қиындық туғызады. Бұл кезеңде басты қаржылық шығындар орын алады.4-кезең. Күтпеген &nbsp;жағдай – «жүйеге көмек»Ақша салынғаннан кейін сценарий бірден өзгереді. «Техникалық қиындықтар» немесе қосымша шарттар пайда болады. Сізге ақшаны шығаруға &nbsp;уақытша шектеу қойылған деп айтылуы мүмкін, бірақ процесті жылдамдатудың жолы бар.Ол үшін «жүйеге көмектесу» сұралады:<ul><li style="text-align:justify;">өзіңіздің шотыңыз арқылы аударым жасаңыз;</li><li style="text-align:justify;">басқа клиенттен ақша қабылдап, әрі қарай жіберіңіз;</li><li style="text-align:justify;">«платформа ішінде» бірнеше әрекеттерді орындаңыз.</li></ul>Бұл қалыпты жағдай ретінде беріледі. Барлығы қауіпсіз және уақытша деп сендіреді. Мысалы, сізге бейтаныс адамнан аударым келеді, ал «менеджер» ақшаны басқа шотқа жіберуді сұрайды. Немесе «ақшаны шығарып алуды белсендіру» үшін қосымша аударма жасауға сендіреді.Бұл кезде адам өз әрекетін орынды деп санайды. Бірақ дәл осы жерде негізгі мәселе орын алады: ол схеманың бір бөлігіне айналады, ол бөгде адамның ақшасы (және жиі заңсыз) өзі арқылы өтетін дроппер, делдал болып кеткенін байқамайды.&nbsp;Дроппер деген кім және ол не үшін қауіптіДроппер - бұл банктік шот арқылы қылмыстық жолмен алынған ақша өтетін адам. Бұл жағдайда ол алаяқтық схемаға қатысатынын шынымен түсінбеуі мүмкін. Ол жай ғана «техникалық операция» жасап жатырмын &nbsp;немесе аудармаға көмектесіп жатырмын деп түсінеді.Алайда, заң тұрғысынан алғанда білімсіздік жауапкершіліктен босатпайды. Шындығында, адам қылмыстық тізбектің бір мүшесі болып кеткенін байқамай да қалады.2025 жылғы 16 қыркүйектен бастап Қазақстанда мұндай әрекеттер үшін мынадай қылмыстық жауапкершілік енгізілетінін еске саламыз:<ul><li style="text-align:justify;">банктік шотқа немесе картаға қолжетімділікке жол беру - 3 жылға дейін бас бостандығынан айыру;</li><li style="text-align:justify;">үшінші тұлғалардың мүддесі үшін аударымдар жүргізу (мысалы, ақшаны қабылдау және жіберу) - 5 жылға дейін;</li><li style="text-align:justify;">мұндай схемаларды ұйымдастыру - 7 жылға дейін бас бостандығынан айыру.</li></ul>Егер сіз өзіңізді «жай ғана көмектесіп жатқандай» сезінсеңіз де, Сіз қылмыстық схемаға қатысқан боласыз, оның айтарлықтай салдары бар.№1 шынайы оқиға: «Мен ақша алуға көмектестім»Әлібек «инвестициялармен жұмыс» туралы хабарландыру тапты. Алдымен ол аз мөлшерде инвестиция салып, тіпті пайда тапты. Кейінірек оған «жүйеге көмектесу» ұсынылды: аударымдарды қабылдау және оларды үстінен пайыз алу мақсатында жіберу.Әлібек алаяқтық жолмен алынған ақша өзінің шоты арқылы өтеді деп күдіктенбеді. Біраз уақыттан кейін банк оның шотын бұғаттады, содан кейін талқылаулар басталды.№2 шынайы оқиға: «Алдымен инвестициялар, сосын кредиттер»Алматы тұрғыны «инвестициялық платформаға» ақша салды. Ол қаражатты алуға тырысқанда, оған «комиссия» төлеу, қосымша операцияларды орындау және өз шотын «ішкі аударымдар» үшін уақытша пайдалану қажет екендігі айтылды.Бұл процесте оның атына кредит рәсімделді және оншақты операция жүргізілді. Кейінірек ол алаяқтық схеманың бір бөлігі болғаны белгілі болды.№3 шынайы оқиға: «Жеңіл табыс»Жас жігітке «қосымша жұмыс» ұсынылды: «Ақшаны картаға алып, одан әрі аударыңыз — өзіңізге пайызды қалдырыңыз». Ол мұны қауіпсіз деп санап, келісті. Бұл іс жүзінде құрбандардың ақшасы алынған дропперлер тізбегінің бір бөлігі болды.Мұндай схемалар көбінесе делдалдар тізбегінде құрылады, мұнда әр қатысушы «ақшаны әрі қарай жібереді».Адамдар мұндай схемаларға қалай тап болады1. Табыс елесі. Барлығы қалыпты мүмкіндік сияқты етіп көрінеді: инвестиция, қосымша жұмыс, қосымша табыс. Адам қауіпті сезінбейді — керісінше, ол ақша табудың ыңғайлы әдісін тапқандай сезінеді.2. Біртіндеп тартылу. Ешкім «алаяқтықпен айналысыңыз» деп тікелей айтпайды. Барлығы біртіндеп бірінен кейін болады: тіркеу, шағын салым, «тест» операциялары. Әрбір келесі қадам алдыңғы қадамның қисынды жалғасы болып көрінеді.3. Сенім. Алаяқтар сенімді болып көрінеді: сенімді қарым-қатынас жасайды, кәсіби терминдерді қолданады, «талдаманы» және «нәтижелерді» көрсетеді. Кейде бұл мамандардың тұтас тобы сияқты сезіледі.4. Эмоция. «Егер жасамаса, онда мүмкіндікті жіберіп аламын» деген ашкөздік немесе қорқыныш қосылады. Осы кезде сыни тұрғыдан ойлау әлсірейді.Бұл әдеттегі алаяқтықтан несімен қауіптірекМұндай схемаларға қатыса отырып, адам шекарадан өтіп, қылмыстың қатысушысы болу қаупін тудырады. Бұл одан да ауыр зардаптарға әкеледі:<ul><li style="text-align:justify;">банктік шоттарды бұғаттау және тарихындағы күдікті операциялар;</li><li style="text-align:justify;">болашақта банктермен өзара іс-қимыл кезіндегі қиындықтар;</li><li style="text-align:justify;">сот талқылаулары және өзінің еш қатыстылығы жоқ екендігін дәлелдеу;</li><li style="text-align:justify;">бастапқы «салымнан» жиі асып кететін қосымша қаржылық жоғалтулар.</li></ul>Басқаша айтқанда қауіп екі есе болады: ақшадан айырылып қана қоймай, сонымен қатар заңда салдарға тап болуыңыз ықтимал.<img src="https://knadmin.beoblood.kz/uploads/Investicziyaly_alaya_tar_0596e361d3.png" alt="Инвестициялық алаяқтар.png">Фото: Fingramota.kz

Абайлаңыз: жалған брокерлер азаматтарды дропперлікке тартуда

<a href="https://kyzylorda-news.kz/">Kyzylorda-news.kz</a> «Аралтұз» АҚ өндірістік бөлімшелерінің қызметкерлері компанияның 100 жылдығына орай 100 мың теңгеден біржолғы сыйақы алды. Төлем өндірістің негізгі кезеңдерінде жұмыс істейтін қызметкерлерге – шикізат өндіруден бастап дайын өнімді қаптауға дейінгі процестерге қатысушыларға берілді.Мерейтой компания үшін ғана емес, онда еңбек ететін адамдардың еңбегін бағалауға мүмкіндік берген маңызды дата болды. Бүгінде «Аралтұз» – Қазақстандағы ең ірі тұз өндірушілердің бірі және Қызылорда облысындағы маңызды кәсіпорындардың қатарында.Компания президенті Нұрлан Айтқазин бұл шешім қызметкерлерге деген алғыс белгісі екенін атап өтті.<blockquote>«Біз үшін 100 жылдық – жай ғана дата емес. Бұл – адамдардың еңбегімен қалыптасқан тарих. Сондықтан әр қызметкер бұл мерейтойды өз деңгейінде сезінгенін қалаймыз», – деді ол.</blockquote>Компанияда қызметкерлерді қолдау бағытындағы жұмыстар жалғасуда. Бұған дейін жалақы көтеріліп, еңбек жағдайларын жақсарту бойынша бірқатар шаралар қолға алынған.Айта кетейік, «Аралтұз» кәсіпорны 1925 жылдан бері жұмыс істеп келеді. Қазіргі таңда мұнда мыңнан астам адам еңбек етеді, олардың көпшілігі – Арал өңірінің тұрғындары.

Архив