<a href="https://kyzylorda-news.kz/">Kyzylorda-news.kz</a> Тараз қаласында әлем чемпионы Жақсылық Үшкемпіровтің 75 жылдығына арналған Назарбаев Зияткерлік мектептері ата-аналары арасында спартакиада өз мәресіне жетті.Жарыс қорытындысы бойынша Қызылорда қаласындағы Назарбаев Зияткерлік мектебінің ата-аналары жалпыкомандалық есепте бірінші орынды иеленіп, екінші жыл қатарынан чемпиондық атағын сақтап қалды.Спартакиадаға еліміздің оңтүстік өңірлерінен Қызылорда, Түркістан, Шымкент және Тараз қалаларынан 5 команда қатысты. Қатысушылар футзал, волейбол, шахмат, үстел теннисі, садақ ату, ләңгі тебу және арқан тарту спорт түрлері бойынша бақ сынады.Қызылорда командасы жоғары нәтиже көрсетіп, жекелеген жарыс түрлері бойынша шахмат, футзал, садақ ату және арқан тартудан бірінші орын, волейбол мен үстел теннисінен екінші орын, ләңгі тебуден төртінші орын иеленді.Жалпыкомандалық есептегі жеңіс команданың мықты дайындығын айқындады. Және келесі жарысты өткізу эстафетасы Сыр өңіріне табысталды.Жарыс соңында қатысушы ата-аналар ұйымдастырушыларға алғысын айтып, ыстық ықыластарын білдірді. Алдағы уақытта осындай іс-шаралар, сайыстар ұйымдастырылып тұрса, ата-аналар тарапынан мектеп ұжымымен тығыз байланыс орнайтынына кәміл сенетіндерін жеткізді.

NIS Qyzylorda командасы Чемпиондар кубогын иеленді

<a href="https://kyzylorda-news.kz/">Kyzylorda-news.kz</a> Қызылша – өте жұқпалы вирустық аурулардың бірі. Бұл дерт көбіне балалар арасында таралғанымен, ересектерге де жұғуы мүмкін. Ауру ауа-тамшылы жол арқылы тарайды, яғни науқас адам жөтелгенде, түшкіргенде немесе сөйлескенде вирусты қоршаған ортаға таратады.Қызылшаның алғашқы белгілері тұмауға ұқсас болып келеді: дене қызуының көтерілуі, әлсіздік, мұрыннан су ағу, жөтел, көздің қызаруы байқалады. Бірнеше күннен кейін денеде бөртпе пайда болып, ол біртіндеп бүкіл денеге таралады.Бұл аурудың қауіптілігі – оның асқынуында. Қызылша өкпе қабынуына, ортаңғы құлақтың қабынуына, тіпті жүйке жүйесінің зақымдануына әкелуі мүмкін. Әсіресе, иммунитеті әлсіз балалар үшін аса қауіпті.Қызылшаның алдын алудың ең тиімді жолы – вакцинация. Екпе алу арқылы адам ағзасында осы ауруға қарсы иммунитет қалыптасады. Балаларға қызылшаға қарсы екпе Ұлттық егу күнтізбесіне сәйкес салынады. Сондықтан ата-аналар балаларының уақытылы екпе алуын қадағалауы қажет.Сонымен қатар, аурудың алдын алу үшін жеке бас гигиенасын сақтау, қолды жиі жуу, адамдар көп жиналатын орындарда сақтық шараларын ұстану маңызды. Егер қызылша белгілері байқалса, дереу дәрігерге қаралып, өз бетінше емделмеу қажет.Қорытындылай келе, қызылша – алдын алуға болатын, бірақ салдары ауыр дерттердің бірі. Әрбір азамат өз денсаулығына жауапкершілікпен қарап, екпе алу арқылы өзіне және қоғамға қауіп төндірмеуі тиіс.Абылай Бұйраев,Мәдениет дәрігерлік емханасының жалпы тәжірибелі дәрігеріФото: freepik.com

Қызылша ауруының алдын алу – әрбір ата-ананың міндеті

<a href="https://kyzylorda-news.kz/">Kyzylorda-news.kz</a> Бүгінде Қазалы ауданында елді мекендерді газдандыру жұмыстары қарқынды жүргізіліп келеді. Мәселен, 2024 жылы Абай ауылының тұрғындары көгілдір отынның қуанышына кенелсе, 2025 жылы Ақтан батыр ауылы газға қосылды.&nbsp;Ал өткен жылы ауданға қарасты Жанқожа батыр, Бекарыстан би, Майдакөл және Ү.Түктібаев ауылдарына магистральды газ желілері жүргізілген болатын. Бүгінде магистральды газ құбырларын тарту жұмыстары толықтай аяқталып, елді мекендерде орамішілік газ желілерін жүргізу жұмыстары басталуда.&nbsp;Осыған орай, бүгін аудан әкімі Алмасбек Есмахановтың қатысуымен Жанқожа батыр ауылын табиғи газбен қамтамасыз ету жұмыстарының басталуына арналған салтанатты шара өтті.Жиында сөз алған аудан басшысы бұл жобаның ауыл тұрғындары үшін маңыздылығын атап өтіп, тұрғындарды көптен күткен қуанышымен құттықтады.<blockquote>– Президентіміз Қасым-Жомарт Кемелұлы Тоқаев өз Жолдауында: «Ауыл – ел бесігі. Ауылдарды дамыту – мемлекеттің стратегиялық басымдығы» екенін атап өтіп, инфрақұрылымды жаңғырту, соның ішінде газ, су, жол мәселелерін шешу – басты міндеттердің бірі екенін нақты тапсырған болатын. Сыр өңірінде Президентіміз Қасым-Жомарт Кемелұлының ерекше қолдауымен, облыс әкімі Нұрлыбек Нәлібаевтың басшылығымен елді мекендерді сапалы инфрақұрылыммен қамту бағытында кезең-кезеңімен ауқымды жобалар жүзеге асып келеді. 2026 жылға аймақ басшысының қолдауымен Жанқожа батыр, Бекарыстан би, Майдакөл және Ү.Түктібаев ауылдарына орамішілік газ желілері құрылысын бастауға республикалық бюджеттен 680 млн. теңге қаржы бөлініп, бүгін міне, елді мекендерге орамішілік газ жүргізу жұмыстары басталуда. Жалпы жыл соңына дейін аудан бойынша елді мекендерді газбен қамту көрсеткіші 78,5 пайызға жеткізу жоспарланып отыр. Алдағы уақытта Жанқожа батыр ауылы толыққанды көгілдір отынға қосылғаннан кейін, елді мекендегі 280 тұрғын үй мен 9 әлеуметтік нысан көгілдір отынға қосылып, 1600-ге жуық тұрғын көгілдір отынның қуанышына кенелмек. Тағы да ауылдағы кәсіпкерлік нысандар табиғи газбен қамтамасыз етілетін болады. Осындай қуанышты сәтте баршаңызды шын жүректен құттықтаймын! Ел игілігі жолындағы жұмыстарымыз берекелі болсын! Ауылымызға құт-береке, әр шаңыраққа жылу мен жайлылық тілеймін!, - деді аудан әкімі.</blockquote>Аудан басшысынан кейін «Құрмет» орденінің иегері, облыстық маслихат депутаты Ибайдулла Тілеп пен Қазалы ауданының Құрметті азаматы, ауыл шаруашылығы саласының ардагері Берік Бисембаев сөз сөйлеп, жанқожалықтарды көптен күткен қуаныштарымен құттықтады.Мұнан кейін, шараға жиналған ел ағалары, ауыл тұрғындары елді мекенге орамішілік газ желілерін бастау жұмыстарына куә болып, ауыл ақсақалы Қожас Медеубай игі іске ақ батасын беріп, басталған істің берекелі болуына тілегін білдірді.<img src="https://knadmin.beoblood.kz/uploads/Zhan_ozha_batyr_auyly_gaz_2_1626b55f4a.jpg" alt="Жанқожа батыр ауылы газ 2.jpg">

Архив

NIS Qyzylorda командасы Чемпиондар кубогын иеленді

Қызылша ауруының алдын алу – әрбір ата-ананың міндеті

Жанқожа батыр ауылын табиғи газға қосу жұмыстары басталды