<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев Пәкістан Премьер-министрі Шахбаз Шариф пен Пәкістан Қарулы күштерінің бас қолбасшысы, фельдмаршал Асим Мунирдің араағайындығы арқылы Таяу Шығыстағы соғысты толық тоқтату және бітімге келу туралы келісімге қол жеткізілуін құптайды.Бұл келісім АҚШ Президенті Дональд Трамптың және Иранның жоғарғы басшылығының, сондай-ақ әскери қақтығысқа қатысқан елдердің ізгі ниеті мен парасаттылығының арқасында мүмкін болды.Мемлекет басшысы әлемдік сауданың дамуына және барлық мемлекеттің экономикалық өркендеуіне жағдай жасау мақсатында қол жеткізілген бітімгершілік келісімнің ұзақ мерзімді сипатқа ие болатынына үміт білдірді.Фото: Ақорда

Мемлекет басшысы бітімге келу туралы келісімді қолдайды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың тапсырмасына сәйкес облыс әкімінің орынбасары Қайрат Нұртай Қазалы ауданына жұмыс сапарымен келіп, аудан әкімі Алмасбек Есмахановпен бірге ауданда соңғы жылдары пайдалануға берілген әлеуметтік нысандардың жай-күйін бақылады.Алдымен Жанқожа батыр ауылындағы Мемлекет басшысының бастамасымен жүзеге асқан «Келешек мектептері» ұлттық жобасы аясында салынған 300 орындық мектептің жағдайын зерделеді. Мердігер мекеме — «Асар» ЖШС тарапынан құрылыс жұмыстары жүргізіліп, білім ордасы 2025 жылдың наурыз айында пайдалануға берілген болатын. Облыс әкімінің орынбасары Қайрат Ырзақұлұлы мердігер мекеме тарапынан мектеп ғимаратының кейбір аумақтарындағы кемшіліктерді қайта қалпына келтіру бойынша жауаптыларға бірқатар тапсырмалар жүктеді.Мұнан кейін Қазалы қаласындағы 2022 жылы пайдалануға берілген «Өрімтал» балабақшасының жағдайын көрді. 140 орындық балабақшаның құрылыс жұмыстарын «СМП-Қызылорда» жауапкершілігі шектеулі серіктестігі мердігер мекеме ретінде жүзеге асырған болатын. Қазіргі таңда балабақшаның сыртқы аумақтарында, жертөлесінде бірқатар кемшіліктер анықталып отыр. Облыс әкімінің орынбасары мемлекет қаржысына салынып, тұрғындар игілігі үшін берілген әрбір нысанның жағдайы, мекемелердің тұрғындарға сапалы қызмет көрсету мәселесі әрдайым басты назарда болуы керектігін жеткізді. Осыған сәйкес анықталған кемшіліктерді жөндеу бойынша жауапты басқармалар тарапынан алдағы уақытта тиісті жұмыстар атқарылатындығын айтты.Аудандағы әлеуметтік нысандарды аралау барысында Қайрат Ырзақұлұлы 2018 жылы мердігер мекеме «Промстройсервис» ЖШС-і тарапынан құрылысы жүргізіліп, 2019 жылы пайдалануға берілген Қазалы ауданы әкімдігі ғимаратыныңда бүгінгі жағдайын көрді.&nbsp;Облыс әкімінің орынбасары жұмыс сапары барысында аудан орталығындағы қайта жаңғырту жұмыстары жүргізілген теміржол вокзалы ғимараты мен теміржол вокзалы аумағын абаттандыру жұмыстарын да көрді. Өткен жылы «СтроймодульАстана» жауапкершілігі шектеулі серіктестігі теміржол вокзалы аумағын абаттандыру жұмыстарын бастаған болатын. Қайрат Ырзақұлұлы мердігер мекеме «СтроймодульАстана» ЖШС-нің жауапты өкіліне 2024 жылы қайта жаңғырту жұмыстары жүргізілген Әйтеке би көшесі мен вокзал аумағындағы абаттандыру жұмыстары аймақ басшысының тікелей бақылауында екенін айтып, белгіленген жұмыстарды қысқа мерзім ішінде аяқтауды тапсырды.<img src="https://knadmin.beoblood.kz/uploads/azaly_leumettik_nysandardy_aralau_2_3fbe9c78f3.jpg" alt="Қазалы әлеуметтік нысандарды аралау 2.jpg">

Қазалы: Әлеуметтік нысандардың жай-күйін көрді

<a href="https://kyzylorda-news.kz/">Kyzylorda-news.kz</a> Облыс әкімінің бірінші орынбасары Данияр Жаналинов Сырдария ауданына жұмыс сапарымен барып, әлеуметтік нысандардың жұмысымен танысты.Алдымен Бесарық ауылындағы заманауи талаптарға сай салынған жаңа спорт кешенінде болды. Бұл кешенде ауыл тұрғындарының салауатты өмір салтын ұстануына, бұқаралық спортты дамытуға және жастардың бос уақытын тиімді ұйымдастыруға мүмкіндік жасалған. Материалдық-техникалық базасы толық жабдықталған.<img src="https://knadmin.beoblood.kz/uploads/Syrdariya_leumettik_nysandardy_aralu_eb63939810.jpg" alt="Сырдария әлеуметтік нысандарды аралау.jpg">Келесі нысан – Нағи Ілиясов ауылындағы дәрігерлік амбулатория. 2023 жылы пайдалануға берілген медициналық мекемеде тұрғындарға сапалы қызмет, алғашқы медициналық-санитарлық көмек көрсетіліп, профилактикалық тексерулер және жоспарлы ем-шаралар жүргізіледі.Ал аудандағы «Руханият орталығы» аға буын мен жастардың басын қосқан рухани-мәдени орынға айналған. Мұнда түрлі іс-шараларды өткізуге қолайлы орта қалыптасқан.Кейінгі жылдары салынған тұрғын үйлердің жай-күйін де назардан тыс қалдырмаған облыс әкімінің бірінші орынбасары әлеуметтік нысандар мен тұрғын үйлердің сапасын жақсарту, оларды тиімді пайдалану және халыққа қолайлы жағдай жасау бағытындағы жұмыстарды жалғастыру қажеттігін атап өтті.<img src="https://knadmin.beoblood.kz/uploads/Syrdariya_leumettik_nysandardy_aralu_2_daf47eeb51.jpg" alt="Сырдария әлеуметтік нысандарды аралау 2.jpg">

Сырдария ауданындағы әлеуметтік нысандардың жай-күйі зерделенді

<a href="https://kyzylorda-news.kz/">Kyzylorda-news.kz</a> Кәсіпкерлік және өнеркәсіп басқармасының басшысы Мөлдір Сұлтанбекқызы «Хабар» агенттігі арнасына берген сұхбатында Арал ауданында жүзеге асырылып жатқан «Qazaq Camel» серіктестігінің түйе сүтінен құрғақ ұнтақ өндіру жобасы туралы кеңінен баяндады.Жобаның жалпы құны 3 млрд теңгені құрайды. Жылына 392 тонна өнім өндіру жоспарланған. Жоба Бірыңғай индустрияландыру картасына енгізілген. Мемлекеттік қолдау аясында индустриялық аймақтан 1 гектар жер телімі бөлінді.Сонымен қатар, «Өнеркәсіпті дамыту қоры» арқылы Қытай Халық Республикасынан қажетті технологиялық жабдықтарды сатып алуға 1,8 млрд теңге қаржы қарастырылған. Өнімді өткізу бойынша оффтейк-келісімшарт жасалып, алдағы 10 жыл ішінде өнім толықтай Қытай нарығына экспортталатын болады.Жобаның әлеуметтік маңызы зор. Арал өңірінде шамамен 23 жаңа тұрақты жұмыс орны ашылады. Қазіргі таңда негізгі өндірістік ғимараттардың құрылысы аяқталып, технологиялық қондырғыларды монтаждау жұмыстары толық жүргізілді. Кәсіпорын жақын арада іске қосылады.Айта кету керек, елімізде түйе сүтін өңдейтін кәсіпорындар бар болғанымен, өнеркәсіптік деңгейде құрғақ ұнтақ өндіретін зауыттар өте аз. Сондықтан бұл жоба өз саласы бойынша бірегей бастамалардың бірі болып табылады. &nbsp;ауыттың Арал ауданында орналасуы өңірдегі түйе шаруашылығын дамытуға, шикізатты жергілікті ауылдардан жеткізуге, логистикалық тиімділікті арттыруға және ауыл тұрғындарының табысын көбейтуге мүмкіндік береді.Жалпы алғанда, жобаның табысты іске асуы жаңа жұмыс орындарының ашылуына, халықтың тұрақты табыс табуына, экспорттық әлеуеттің артуына, өңдеу өнеркәсібінің дамуына және бюджетке түсетін салық түсімдерінің ұлғаюына оң әсер етеді.Бұл бағыттағы жұмыстар алдағы уақытта да жүйелі түрде жалғасын табатын болады.

Арал ауданында түйе сүтінен құрғақ ұнтақ өндіру жобасы жүзеге асуда

<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалы жанындағы кәсіпкерлік мәселелері жөніндегі өңірлік үйлестіру кеңесінің кезекті отырысы өтті.Бизнес өкілдерімен өткен отырысқа кеңестің тең төрағалары партияның облыстық филиалының төрағасы Жандос Базартай, облыс әкімінің орынбасары Ардақ Зебешев, тиісті басқармалардың басшылары мен аудан әкімдерінің орынбасарлары және қаржы ұйымдары мен кәсіпкерлерге сүйемелдеу қызметтерін көрсететін ұйымдардың өкілдері қатысты. Сонымен қатар, «Zoom» платформасы арқылы партияның орталық аппаратының өкілдері мен кәсіпкерлер онлайн қосылды.Өңірлік кеңес отырысында кәсіпкерлердің инвестициялық жобаларды іске асыру, инфрақұрылыммен қамтамасыз ету, қаржыландыру мен мемлекеттік қолдау тетіктеріне қолжетімділік, сондай-ақ бизнесті дамытуға кедергі келтіретін әкімшілік мәселелерді шешу бағытындағы өзекті ұсыныстары қаралды.<blockquote>«Бұл кеңес өңірдегі бизнес-ортаны дамыту және мемлекеттік саясатты жетілдіру мәселелері бойынша «AMANAT» партиясы мен облыстық атқарушы билік арасындағы өзара іс-қимыл алаңы болып табылады. Біз кәсіпкерлердің пікірін ескеруге, олардың мәселелеріне жедел әрекет етуге және Мемлекет басшысы Қасым-Жомарт Тоқаевтың Жолдауында белгіленген міндеттерге сай отандық бизнесті тұрақты дамытуға күш саламыз. &nbsp;Осы ретте үйлестіру кеңесінің жұмысы ерекше маңызды. Өңір экономикасының орнықты дамуының басты факторы – мемлекет пен бизнес арасындағы тиімді өзара іс-қимыл болып табылады», -деді төраға &nbsp;Жандос Базартай.</blockquote>Жиында облыс әкімінің орынбасары Ардақ Зебешев үйлестіру кеңесі кәсіпкерлікке қолайлы жағдай қалыптастырудағы маңызды алаң екенін жеткізді. Ол кеңес шеңберінде кәсіпкерлерді алаңдататын өзекті мәселелерді ашық талқылап, оларды шешуге бағытталған нақты шаралар қабылдауға болатынын атап өтті.Отырыста кәсіпкерлер тарапынан 8 мәселе көтеріліп, жауапты басқармаларға шешілу жолдарын қарастыру жайында тапсырмалар берілді.Айта кету керек, кеңестің негізгі мақсаты – бизнес қауымдастықпен тығыз байланыс орнатып, кәсіпкерлердің мәселелерін уақтылы шешуге ықпал ету.Жиын қорытындысы бойынша хаттама әзірленіп, жауапты орындаушыларға жолданады және орындалуы бақылауда болады.

Архив

Мемлекет басшысы бітімге келу туралы келісімді қолдайды

Қазалы: Әлеуметтік нысандардың жай-күйін көрді

Сырдария ауданындағы әлеуметтік нысандардың жай-күйі зерделенді

Арал ауданында түйе сүтінен құрғақ ұнтақ өндіру жобасы жүзеге асуда

«AMANAT»: Өңірлік үйлестіру кеңесінің кезекті отырысы өтті