<a href="https://kyzylorda-news.kz/">Kyzylorda-news.kz</a> Қызылорда қаласының прокуратурасының ұйымдастыруымен «Құқықтық дәріхана» акциясы аясында ойын-сауық орталығында азаматтарды қабылдау өткізілді.Іс-шараның мақсаты – тұрғындарға құқықтық кеңес беру, олардың құқықтық сауаттылығын арттыру, тегін заң көмегін қолжетімді ету. Кездесу барысында азаматтар өздерін толғандырған түрлі құқықтық мәселелер бойынша сұрақтарын қойып, сала мамандарынан заң талаптарына сәйкес түсіндірмелер алды.Шара барысында прокуратура, полиция, жергілікті атқарушы органдардың өкілдері, заңгерлер мен адвокаттар тұрғындарға тегін құқықтық көмек көрсетіп, сұрақтарына жауап берді.Құқықтық сауаттылықты арттыру және азаматтарға тегін құқықтық көмек көрсету мақсатында Қызылорда қаласында «Құқықтық дәріхана» атты ауқымды акция ұйымдастырылды.Іс-шара барысында тұрғындарға өзекті құқықтық мәселелер бойынша кеңестер беріліп, заң талаптары түсіндірілді.<img src="https://knadmin.beoblood.kz/uploads/yzylordada_y_ty_d_rihana_akcziyasy_jymdastyryldy1_835225e826.jpg" alt="Қызылордада «Құқықтық дәріхана» акциясы ұйымдастырылды1.jpg">Аталған акцияға прокуратура органдарының қызметкерлері, адвокаттар, заң кеңесшілері, сондай-ақ мемлекеттік органдардың өкілдері қатысып, азаматтардың өтініштері мен сұрақтарын тыңдады. Қабылдау барысында тұрғындар алимент өндіру, еңбек даулары, әлеуметтік төлемдер, жер және тұрғын үй мәселелері, атқарушылық өндіріс, несие міндеттемелері секілді әртүрлі құқықтық мәселелер бойынша кеңес алды.Шараның негізгі мақсаты – халыққа құқықтық көмекті барынша қолжетімді ету, азаматтардың құқықтық мәдениетін көтеру және заң талаптарын түсіндіру арқылы олардың өз құқықтары мен заңды мүдделерін қорғауына қолдау көрсету болып табылады.Құқықтық дәріхана» акциясы аясында тұрғындарға құқықтық жадынамалар мен ақпараттық материалдар таратылып, құқықтық кеңес беру жұмыстары жүргізілді. Сонымен қатар, азаматтарға мемлекеттік қызметтерді алу тәртібі, сотқа жүгіну жолдары, құқықтық дауларды шешу тетіктері жөнінде түсіндіру жұмыстары жүргізілді.Бұл форматтағы кездесулер халықтың құқықтық сауаттылығын арттыруға және азаматтар мен мемлекеттік органдар арасындағы ашық диалогты қалыптастыруға мүмкіндік береді.Азаматтардың құқықтық мәселелерін шешуге бағытталған мұндай қабылдаулар алдағы уақытта да тұрақты түрде өткізілетін болады.

Қызылордада «Құқықтық дәріхана» акциясы ұйымдастырылды

Түркітілдес мемлекеттердің Парламенттік ассамблеясының байқаушылар құрамына кіретін Түркия Ұлы Ұлттық Жиналысының мүшесі Осман Местен миссия мүшелері Астана, Алматы және Түркістан қалаларындағы 115 сайлау учаскесіне барғанын айтты.<blockquote>«Миссия байқаушылары барлық процесс кәсіби, өте жоғары деңгейде өтті деген қорытындыға келді. Дауыс берушілерге қажетті ақпарат толық ұсынылды. Біздің тарапымыздан референдум нәтижесіне әсер етуі мүмкін ешқандай заң бұзушылық анықталған жоқ. Миссия мүгедектігі бар азаматтар үшін қабылданған шараларды оң бағалайды. Сондай-ақ халықаралық байқаушылардың жұмыс істеуіне арналған Қазақстандағы құқықтық жағдайға жоғары баға береді. Миссия 2026 жылғы 15 наурызда өткен референдум Қазақстан Республикасының ұлттық заңнамасына және халықаралық стандарттарға сәйкес өткізілді деген қорытындыға келді», – деді спикер Халықаралық байқаушыларға қолғабыс көрсету орталығында өткен баспасөз конференциясында.</blockquote>Фото: ortcom.kz

ТүркПА байқаушылары: референдум нәтижесіне әсер етуі мүмкін заң бұзушылықтар анықталған жоқ

<a href="https://kyzylorda-news.kz/">Kyzylorda-news.kz</a> Халықаралық байқаушыларға қолғабыс көрсету орталығында өткен баспасөз конференциясында Шанхай ынтымақтастық ұйымы миссиясының басшысы, Бас хатшысының орынбасары Олег Копылов 2026 жылғы 15 наурызда өткен республикалық референдумды дайындау және өткізу барысын бақылау нәтижелері туралы хабардар етті. Оның айтуынша, миссия құрамында ШЫҰ-ға мүше 7 мемлекеттен аккредиттелген 17 бақылаушы жұмыс істеді.<blockquote>«Миссия Қазақстан Республикасының жаңа Конституциясын қабылдау жөніндегі республикалық референдум Қазақстан Республикасының сайлау заңнамасының талаптарына және ел қабылдаған халықаралық міндеттемелерге сәйкес өткенін атап өтеді. Миссия референдумның заңдылығына күмән келтіретін немесе оның нәтижелеріне әсер етуі мүмкін ұлттық заңнама нормаларының бұзылуын тіркеген жоқ. Миссия республикалық референдумды ашық, сенімді және демократиялық деп таниды. Миссия референдум Қазақстан Республикасындағы демократиялық процестердің одан әрі дамуына жасалған маңызды қадам болды деп есептейді. Біздің миссия жұмысының қорытындысы бойынша мәлімдеме қабылданды, ол миссияның барлық мүшелері тарапынан мақұлданды. Мәлімдеме мәтіні белгіленген тәртіппен Орталық референдум комиссиясына жолданып, бұқаралық ақпарат құралдарында жарияланады», – деді спикер.</blockquote>Фото: ortcom.kz

Референдум Қазақстандағы демократиялық процестердің одан әрі дамуына жасалған маңызды қадам – ШЫҰ байқаушылары

<a href="https://kyzylorda-news.kz/">Kyzylorda-news.kz</a> Орталық референдум комиссиясы Конституцияны өзгертуге қатысты өткен референдумның алдын ала нәтижесін жариялады. Дауыс берушілердің 87,15% жаңа Конституцияны қолдаған. Бұл туралы <a href="https://stan.kz/referendumnin-aldin-ala-koritindisi-zhariyalandi-431704/">Stan.kz</a> ақпарат агенттігі хабарлайды.Орталық референдум комиссиясының мәліметінше, дауыс берушілердің 87,15% жаңа Конституцияны қолдаған. &nbsp;Ал 898 099 адам “Жоқ, қабылдамаймын” деп дауыс берген.Референдумға қатысуға құқығы бар Қазақстан Республикасы азаматтарының жалпы саны – 12 миллион 482 мың 613 адам. Дауыс беруге қатысқан азаматтардың саны референдумға қатысуға құқығы бар азаматтар санының 9 миллион 127 мың 192 адамды немесе 73,12 % болды. Референдумда Конституцияны қолдап, дауыс берген азаматтардың саны 7 миллион 954 мың 667 адам немесе 87,15 % болды.Берілген дауыс санын есептеу кезінде 146 558 дана жарамсыз бюллетень анықталған. Ал жарамды, бірақ есепке алынбаған бюллетеньдер саны – 127 868 дана.Фото: pixabay.com

87,15%-ы қолдаған: Референдумның алдын ала қорытындысы жарияланды

<a href="https://kyzylorda-news.kz/">Kyzylorda-news.kz</a> 16 наурызға қараған түні Лос-Анджелес қаласында Америкалық киноөнер және ғылым академиясының 98-ші марапаттау рәсімі өтті. Салтанатты кештің жүргізушісі өткен жылдағыдай комик Конан О’Брайен болды, деп хабарлайды <a href="https://baq.kz/oskar-2026-zhenimpazdardyn-tolyq-tizimi-belgili-boldy-320018677/">BAQ.KZ.</a>Биылғы «Оскардың» басты жүлдесін режиссер Пол Томас Андерсон түсірген «Шайқастан кейін тағы шайқас» фильмі жеңіп алды. Режиссер бұл туындысы үшін «Үздік режиссер» және «Үздік бейімделген сценарий» аталымдары бойынша да екі бірдей мүсінше иеленді.Фильм сондай-ақ жаңа енгізілген «Үздік кастинг» номинациясында және «Үздік монтаж» аталымында да жеңіске жетті. Ал осы картинадағы екінші пландағы рөлі үшін актер Шон Пенн «Оскар» алды.«Күнәһарлар» фильмінің авторлары төрт бірдей мүсіншеге ие болды.«Оскар-2026» жеңімпаздары:<ul><li style="text-align:justify;">Үздік фильм – «Шайқастан кейін тағы шайқас»</li><li style="text-align:justify;">Үздік режиссер – Пол Томас Андерсон, «Шайқастан кейін тағы шайқас»</li><li style="text-align:justify;">Үздік актер – Майкл Б. Джордан, «Күнәһарлар»</li><li style="text-align:justify;">Үздік актриса – Джесси Бакли, «Гамнет»</li><li style="text-align:justify;">Үздік екінші пландағы актер – Шон Пенн, «Шайқастан кейін тағы шайқас»</li><li style="text-align:justify;">Үздік екінші пландағы актриса – Эми Мэдиган, «Қару-жарақ»</li><li style="text-align:justify;">Үздік монтаж – «Шайқастан кейін тағы шайқас»</li><li style="text-align:justify;">Үздік операторлық жұмыс – Отем Дюральд, «Күнәһарлар»</li><li style="text-align:justify;">Үздік бейімделген сценарий – Пол Томас Андерсон, «Шайқастан кейін тағы шайқас»</li><li style="text-align:justify;">Үздік түпнұсқа сценарий – «Күнәһарлар»</li><li style="text-align:justify;">Үздік кастинг – «Шайқастан кейін тағы шайқас»</li><li style="text-align:justify;">Үздік анимациялық фильм – «K-pop: жын аулаушы қыздар»</li><li style="text-align:justify;">Үздік қысқаметражды анимациялық фильм – «Інжу болып аққан көз жасы»</li><li style="text-align:justify;">Үздік костюм дизайны – «Франкенштейн»</li><li style="text-align:justify;">Үздік грим және шаш үлгісі – «Франкенштейн»</li><li style="text-align:justify;">Үздік қысқаметражды фильм – «The Singers, Two People Exchanging Saliva»</li><li style="text-align:justify;">Үздік көркемдік безендіру – «Франкенштейн»</li><li style="text-align:justify;">Үздік визуалды эффектілер – «Аватар: От пен күл»</li><li style="text-align:justify;">Үздік қысқаметражды деректі фильм – «Бос қалған бөлмелер»</li><li style="text-align:justify;">Үздік деректі фильм – «Путинге қарсы мистер Ешкім»</li><li style="text-align:justify;">Үздік түпнұсқа саундтрек – «Күнәһарлар»</li><li style="text-align:justify;">Үздік дыбыс – «F1»</li><li style="text-align:justify;">Үздік халықаралық фильм – «Сезім құндылығы»</li><li style="text-align:justify;">Үздік ән – «Golden», «K-pop: жын аулаушы қыздар»</li></ul>Биыл марапаттау рәсімінің ашықтығын арттыру мақсатында академия дауыс беру ережелерін күшейтті. Академия мүшелері тек өздері толық көрген фильмдерге ғана дауыс бере алды. Фильмдерді көру процесі арнайы Academy Screening Room қосымшасы арқылы бақыланды. Егер туынды фестивальде немесе жабық көрсетілімде қаралған болса, қатысушылар арнайы формада көрсетілімнің күні мен орнын көрсетуге міндеттелді.Фото: freepik.com

Оскар-2026: Жеңімпаздардың толық тізімі белгілі болды

<a href="https://kyzylorda-news.kz/">Kyzylorda-news.kz</a> &nbsp;Осы қасиетті айдағы оразаның соңғы күні мен қорытынды Тарауих намазы 19 наурызға сәйкес келеді. Ал 20 наурызда мұсылман қауымы ауызашар мерекесі – Ораза айтты қарсы алады, деп хабарлайды <a href="https://baq.kz/ramazannyn-songy-ush-kuni-qadir-tunin-qalay-otkizu-kerek-320018680/">BAQ.KZ</a> тілшісі.&nbsp;Рамазан айының соңғы онкүндігі - құлшылықты күшейтетін, Жаратушының рақымын іздейтін және қасиетті аймен қоштасатын ерекше кезең.2026 жылғы Қадір түні қашан болады?Мұсылман қауымы үшін жылдың ең асыға күтетін сәті - Қадір түні.Дәл осы «Тағдырлар шешілетін түнде» адамзатқа қасиетті Құран түсіріле бастаған деп есептеледі. Сондықтан сенушілер бұл түнді шынайы құлшылықпен өткізген адамның барлық күнәлары кешіріледі деп үміттенеді.Анығында, Біз Құранды Қадір түні түсірдік. Қадір түнінің не екенін білесің бе? Қадір түні мың айдан да қайырлы. Ол түні Раббыларының рұқсатымен барлық істер үшін періштелер мен Рух (Жәбірейіл) түседі. Ол түн таң атқанша есендік пен бейбітшілікке толы, - деп жазылған «Әл-Қадр» сүресінде (1-5 аяттар).Қадір түнінің нақты күні жасырын болғанымен, хадистерде оны Рамазан айының соңғы онкүндігіндегі тақ түндерден іздеу керектігі айтылған. 2026 жылы бұл келесі түндерге сәйкес келеді:<ul><li style="text-align:justify;">21-түн (9 наурыздан 10 наурызға қараған түн)</li><li style="text-align:justify;">23-түн (11 наурыздан 12 наурызға қараған түн)</li><li style="text-align:justify;">25-түн (13 наурыздан 14 наурызға қараған түн)</li><li style="text-align:justify;">27-түн (15 наурыздан 16 наурызға қараған түн)</li><li style="text-align:justify;">29-түн (17 наурыздан 18 наурызға қараған түн)</li></ul>Дін басылары дәстүрлі түрде 27-ші түнді ең ықтимал уақыт ретінде бөліп көрсетеді. Сондықтан ресми түрде 2026 жылы Қадір түні 16 наурыздан 17 наурызға қараған түнге сәйкес келеді.Қадір түнінің шапағаты 83 жыл бойы үздіксіз жасалған құлшылықтың сауабына тең. Бұл уақытта сенушілерге өзін шынайы рухани амалдарға арнау ұсынылады.Қадір түнін қалай өткізу керек?Бұл түннің негізі - құлшылық. Бұл уақытта сенушілер бұрын қаза болған намаздарының орнын толтырып, қосымша нәпіл намаздар мен тәһәжжүд намазын оқиды. Хадистерде айтылғандай, кімде-кім Қадір түнін шынайы сеніммен және Алланың ризалығынан үміт етіп құлшылықпен өткізсе, оның өткен күнәлары кешіріледі.Қадір түні — дұғалар қабыл болатын уақыт. Мұсылмандар Алладан қателіктері үшін кешірім сұрап, осы дүние мен ақыреттің игілігін тілейді. Өз дұғаларында жақындарын да ұмытпайды: халқымыз бен туған Отанымыз — Қазақстан үшін тыныштық, береке және мықты иман тілеп, әлемнің түкпір-түкпіріндегі мұқтаж жандарға жеңілдік сұрайды.Кешірім тілеумен қатар, мұсылман адам ескі өкпе-реніштерін ұмытып, айналасындағыларды кешіруі және араз болған туыстарымен қарым-қатынасын түзеуі тиіс. Бұл рухани кезең шынайы мейірімділік амалдарымен — пітір садақасын беру, мұқтаждарға көмектесу және қайырымдылық жасаумен түйінделеді.Бұл түні келесі істерден тыйылу керек:<ul><li style="text-align:justify;">өтірік айту;</li><li style="text-align:justify;">балағат сөздер;</li><li style="text-align:justify;">өсек пен бос сөз;</li><li style="text-align:justify;">ішімдік ішу;</li><li style="text-align:justify;">ойын-сауық мекемелеріне бару;</li><li style="text-align:justify;">жеңіл-желпі бағдарламалар көру.</li></ul>Ораза айтқа дейін не істеу керек? 2026 жылы Ораза айт мерекесі үш күнге - 20-22 наурыз аралығына созылады. Мерекенің алғашқы күні (20 наурыз) ораза тұтуға болмайды. Бұл ереже Рамазан айы мен одан кейінгі Шәууәл айының аражігін ажырату үшін бекітілген.Ең маңызды міндет - пітір садақасы. Оны айт намазы басталғанға дейін төлеу міндетті. Бұл садақа ораза кезінде жіберіп алған ұсақ қателіктерден тазартады және оразаның қабыл болуының маңызды шарты болып табылады. Пітір садақасының мөлшерін жыл сайын Қазақстан мұсылмандары діни басқармасы (ҚМДБ) өнімдердің нарықтық құнына сүйене отырып белгілейді.2026 жылғы Құрбан айт қашан болады?Мұсылман күнтізбесіндегі келесі маңызды оқиға - Құрбан айт мерекесі. 2026 жылы бұл мейрам алдын ала болжам бойынша 27-29 мамыр аралығына сәйкес келеді. Бұл мерекеде мұсылмандар құрбандық шалып, мұқтаж жандарға көмек көрсетеді.Исламдық мерекелердің күндері ай күнтізбесіне тікелей байланысты болғандықтан, нақты даталарға өзгерістер енгізілуі мүмкін.Фото: Freepik.com

Рамазанның соңғы үш күні: Қадір түнін қалай өткізу керек?

<a href="https://kyzylorda-news.kz/">Kyzylorda-news.kz</a> &nbsp;Облыс әкімінің орынбасары Ардақ Зебешев Қытайлық «China Yulin Irrigation Equipment Co., Ltd.» компаниясының директоры Ци Юбо мырзамен кездесті.«China Yulin Irrigation Equipment Co., Ltd.» ауыл шаруашылығына арналған суару жабдықтарын өндірумен айналысатын жетекші компаниялардың бірі.Кездесу барысында су ресурстарын тиімді пайдалану, ауыл шаруашылығында заманауи суару технологияларын енгізу және ауыл шаруашылығы өнімдерін терең өңдеу мәселелері талқыланды.Тараптар бірлескен жобаларды жүзеге асыру мүмкіндіктері мен әріптестікті дамыту болашағы туралы өзара пікір алмасты. Сондай-ақ өзара ынтымақтастық туралы меморандумға қол қойылды.Сонымен қатар, индустриялық аймақ пен арнайы экономикалық аймақтың инвесторлар үшін ұсынылатын мүмкіндіктері таныстырылды.<img src="https://knadmin.beoblood.kz/uploads/K_sipkerlik_bas_armasy_memorandum_2_14fe019ae2.jpg" alt="Кәсіпкерлік басқармасы меморандум 2.jpg">

Суару технологиясы бойынша қытайлық компаниямен меморандумға қол қойды

Халық ақыны – Меңліаяқ Сәрменбайұлы немесе тарихи тұлғаның өмірі мен шығармашылығы туралы ізденіс

«Қазмедиа орталығының» студиясында экзит-полл нәтижелері таныстырылғаннан кейін Мемлекет басшысы мәлімдеме жасады.<blockquote>– Бүгін – Қазақстан үшін тарихи күн! Еліміздің азаматтары конституциялық реформаны қолдап, референдумға белсенді түрде қатысты. Отанымыздың болашағын ойлап дауыс берді. Бұл – өте жақсы оқиға. Қазір ғана экзит-поллдың нәтижелері шықты. Соған сәйкес қазақ елі түбегейлі тарихи таңдауын жасады. Халқымызға шынайы ризашылығымды айтқым келеді. Бүгін жұртымыз дауыс беріп, Қазақстанның тарихын, тағдырын айқындады. Бұл шешім дүние жүзі тарихында мәңгі сақталады. Бұл мәселе бойынша ешқандай күмәнім жоқ. Өйткені бұл – азаматтарымыздың бойындағы нағыз отаншылдық нышаны. Енді жыл сайын 15 наурызды – Конституция күні, яғни, еліміздің ең басты мерекесінің бірі ретінде қарсы аламыз. Себебі Қазақстан халқы жаңару мен жаңғыру үшін дауыс берді. Бұл – біздің бәрімізге ортақ жетістік. Баршаңызды шын жүректен құттықтаймын! – деді Мемлекет басшысы.</blockquote>Қасым-Жомарт Тоқаев жалпыұлттық референдум аса жоғары деңгейде өткенін, ашық әрі әділ болғанын айтты. Президенттің пікірінше, барлық заң талаптары мен демократиялық нормалар қатаң сақталды. Мұны еліміздің және шетелдің байқаушылары да айтып отыр.<blockquote>– Азаматтар жасаған таңдаудың түпкілікті қорытындысын заңға сәйкес Орталық референдум комиссиясы ресми тәртіппен шығарады. Бірақ қазірдің өзінде Қазақстан халқы ынтымақ пен бірліктің, патриотизмнің, Отан тағдырына ортақ жауапкершіліктің керемет үлгісін көрсетті деп айта аламыз. Азаматтарымыздың басым бөлігі Өркендеу, Әділет, Заң мен Тәртіп, Табиғатты аялау және Тазалық жолын таңдады. Бұл – өте жақсы жол. Жаңа Халық Конституциясы елімізді тың жетістіктер мен табыстарға бастайды. Бұған ешқандай күмән жоқ. Дауыс берушілер саны бойынша ең жоғары рекордтық көрсеткіш тіркелді. Мұндай жағдай көптен бері болмап еді. Учаскеге келіп, азаматтық ұстанымын анық білдірген баршаға алғыс айтамын. Осы арқылы күллі әлемге қазақ қоғамының саяси мәдениеті жоғары екенін паш еттік. «Бірлік бар жерде тірлік бар». Бірлік бар жерде өркендеу бар. Елдің қуаты – бірлікте. Бізге татулық пен достық, сабырлық пен табандылық, жасампаздық пен ұқыптылық, еңбекқорлық пен сенімділік ауадай қажет. Сонда ғана озық, дамыған, бәсекеге қабілетті ел боламыз, – деді Президент.</blockquote>Мемлекет басшысының айтуынша, Қазақстан халқы қолдаған, жаппай дауыс берген Конституция – еліміздің темірқазығы.<blockquote>– Жаңа Конституция – Тәуелсіздік пен егемендік тірегі. Ата заңымыз – адам құқығы мен бостандығының мызғымас кепілі. Біз бір ел болып Заң мен тәртіп сақталатын, жауапты және жасампаз азаматтары бар Әділетті қоғам құру жолында маңызды қадам жасадық. Осылайша, бүгін ұлт тарихының жаңа парағын аштық. Алда ауқымды жұмыстар күтіп тұр. Ең бастысы, халқымыз түбегейлі өзгерістерді барынша қолдайды. Біз ортақ мүдде жолында күш біріктіріп, келер ұрпаққа Өркениетті, Озық Қазақстанды аманат етеміз. Мен бұған кәміл сенемін. Осы референдум кезінде жастар белсенді түрде сайлауға қатысты. Жастарымызға мың да бір рақмет! Жастарымыздың дауысы, үні өте жақсы естілді. Әрқашан аман болыңыздар! Қазақ елінің қасиетті Тәуелсіздігі мәңгі болсын! Отанымыз – Қазақстан Республикасы жасай берсін! Жаңа Конституциямыз құтты болсын! – деді Қасым-Жомарт Тоқаев.</blockquote><img src="https://knadmin.beoblood.kz/uploads/tokaev_9cdb5430b4.jpg" alt="токаев.jpg">Фото: Ақорда

Президент республикалық референдум барысында жүргізілген экзит-полл қорытындысымен танысты

&nbsp;Облыс әкімі Нұрлыбек Нәлібаевтың төрағалығымен басқармалардың, коммуналдық мекемелердің басшылары, селекторлық режимде қала, аудан әкімдері, жауапты сала мамандары қатысқан жиналыс өтті.Аймақ басшысы алдағы міндеттерді айқындап, бірқатар тапсырма жүктеді.<blockquote>«Демалыс күндері коммуналдық қызметтердің үздіксіз әрі сапалы көрсетілуін қадағалау керек. Тұтынушыларда суға, жарыққа, жылу мен газға қатысты мәселе туындамауы тиіс.«Таза Қазақстан» республикалық экологиялық бағдарламасы аясында облыстың барлық елді мекенінде санитарлық тазарту, абаттандыру және көркейту-көгалдандыру жұмыстарын қарқынды жүргізу керек», – деді Н.Нәлібаев.</blockquote>Сондай-ақ, жиналыста облыс аумағында салынып жатқан құрылыс нысандарындағы жұмыс барысы сараланды. Аудандарда жүзеге асырылуы тиіс жобалар, құрылыс сапасын қатаң бақылауда ұстау, нысандарды уақытылы пайдалануға берудің маңыздылығы айтылды.Аймақта экологиялық бағдарлама аясында санитарлық тазалық, абаттандыру, тұрғындардың өмір сүруіне қолайлы жағдай жасау бағытында кешенді жұмыс жүргізілуде.Бюджет қаражатынан бөлек, кәсіпкерлер демеушілігімен орталық алаңдар, демалыс орындары, ойын, спорт алаңдары қайта жаңғыртылып, тұрғын үйлер мен әлеуметтік нысандар жөндеуден өткізілуде.Демеушілер және бюджет қаражаты есебінен Қызылорда қаласындағы орталық алаң, қалалық мәдени-демалыс паркі, Қорқыт ата мемориалды аллеясы мен Президент саябағы қайта жаңғыртылды. Оларға заманауи спорт, ойын алаңдары, модульдік-санитарлық пункттер, арнайы эко-бокстар орнатылды.Қазіргі таңда Президент саябағы аумағында жылдың төрт мезгілінде жұмыс істейтін 300 орындық балалар тынығу лагері мен ботаникалық білім беру орталығы, Сырдария өзені үстінен Президент саябағын қаламен байланыстыратын жаяу жүргіншілер көпірі салынуда.Бұл жұмыстар аудандарда да жүйелі жолға қойылған, жаңа демалыс орындарын, аллеяларды, көшелерді абаттандыру, жарықтандыру жұмыстары қарқын алған.Өңірде біркелкі дизайн код бекітіліп, облыс орталығынан бастап елді мекендердегі мекеме ғимараттары, аулалар, ойын алаңдары, аялдамалар, жарық бағаналары архитектуралық талаптарға сәйкестендірілді.Ауылдарда қолайлы орта қалыптастыру, тұрғындарды тазалық шараларына ынталандыру мақсатында жыл сайын «Үлгілі елді мекен» конкурсы өткізіледі. Бұл маңызды жобаға соңғы үш жылда 2 млрд. 64 млн. теңге бөлініп, үздік атанған елді мекендерге 67 арнайы техника табысталды.Айта кетейік, аймақта тұрғындарды баспанамен қамтамасыз ету бағытына басымдық берілгендіктен, 2022-2024 жылдары тұрғын үй кезегінде тұрған азаматтарға 5 мыңнан астам пәтер табысталды. 2023 жылдан бері барлық ауданда алғаш рет 1800-ге жуық пәтер тұрғындарға берілді. Өткен жылы 3600 пәтерлік тұрғын үй салуға бюджеттен 58 млрд. 785 млн. теңге бөлінді. Кезекте тұрған тұрғындарға 2 392 пәтер табыстау үшін 57 млрд. 440 млн. теңге жоспарланған.Ерекше атап өту қажет, былтырдан бері Қызылорда қаласында заманауи жаңа дизайнмен жеті, тоғыз, он екі қабатты тұрғын үйлер бой көтеруде.Фото: облыс әкімдігі

Архив